البارت الاخير
ازقة الموت
بعدني اريد اجاوب مااحس اله صار صلي رمي گبل دنگت راسي وفتحت باب السياره ووطبان سبقني ونزل يرمي عليهم
نزلت كبل گمبصت وجريت سلاحي من خاصرتي
ووطبان سبقني بنزلته ورمه عليهم
جانوا يمشون سريع بالسياره ويرمون علينه
واني ايدي خانتي المتصوبه مكدرت ارمي عليهم هواي
من ابتعدوا وطبان لحكهم يركض ويرمي على السياره
واني درت وجهي على ابو ماشه ويه مدرت وجهي باوعت الورده جانت بيده وبنفس الايد مخلي ايده على گلبه ويريد يفقد توازنه
صحت ابووووو ماشه وركضت عليه ملحكت وكع بالكاع
ووطبان اجه يركض علينه سلاحه بيده كبل كعد بالكاع ووهو فحطان يلهث رفع راس ابو ماشه وخله ايده جوه راسه والسلاح صار يم راس ابو ماشه
واني حرت وين اسد يا جرح بطنه جانت مزرفه من الرمي اخر شي خليت ايدي على مكان الطلقه الي قريب على گلبه
خزعل-ابوووو ماشه ابو ماشه
عليك الله لتسويهه وتروح عليك الله
وطبان-لتغمض لتغمض ابد دير بالك تغمض عينك
ابو ماشه تسمعني
جان ميكدر يتنفس ولا يكدر يحجي وعيونه تنحول
بس روحه كدامنه تريد تطلع جان يعالج ويصارع ويه الموت
خزعل-فجأه كطع نفسه وبقه مفتح عينه والورده الي جانت بيده انحلت من ايده
وطبان-لا ....لا لا لتغمض لتغمض فتح عينك فتحهه
خزعل-لا ابو ماشه دخيلك لااااا
شيله متشيله شيله ويااي وووطبان خل نلحك عليه راح يمووووووت
وطبان وطبااااان شيله وياي بعد بعد بي نفس ممات
ابو ماشه خويه ولك ابوووو ماشه
گبل صاح رفع راسه وطبان وصاح بعلو صوته اااااااااااااااااااااااااااااخ
ونزلت دموعه
من صاح وبچهاستوعبت وعرفت فات الاوان ومنلحك عليه بعد
ومع ذلك مأيست كلت مستحيل شنو يوميه يموتلنه واحد يجوز عايش صحت الشباب الي بالفرع والتموا علينه شلناه نسيت بوكتهه حتى ايدي
صارت عيني على الورده الجان لازمهه وكعت بالكاع
صعدناه بالسياره. ووطبان كاعد على نفس كعدته
وطبااان كوم متكوووووم راح يموت شمنتظررررر
اباوع عليه صافن
رجعت عليه
وطبان ..وطبااااان كوم مو وكتك
كمت اضرب على جتفه باوع عليه
كوم كوووم شمنتظرررررر يمعود كوم راح يموت
كام وهو حيله مهدود شال الورده من الكاع وصعد بالسياره جان مستوعب هو مات بس اني اراوغ وعندي أمل
اخذناه للمستشفى مال بتاوين
اول ما وصلنه نزلت اركض
بسررررعه بسررررعه وينكم جيبوا سددددديه بسرعه
وفتحت الباب
جابوا السديه وخليناه بيهه جنت خايف رغم ماشفت روحه طلعت گبالي بس جان عندي امل يعيش
كبل الدكتور كال
متوقف گلبه البقيه بحياتكم
كمت اصيح واركع براسي بالحايط
لااااا لاااااااااااا لااااااااااااااا ماكو هيج حجي
شوفه شوووفه اكلك شوفه
ممات ممات شوفه..... شوفه زين
ميت من قبل ١٥ دقيقه
كبل رفعت سلاحي بوجهه
وصحت شوووووفه سوي شي سوي شي خليه يعيش اكلك
كبل دفع ايدي وطبان وجر السلاح مني وشبگني
كمت ادفع بوطبان جر راسي وخلاه على جتفه
خزعل-مات مات ابووو ماشه وووطبان مااااات يگول مات
مات ولك وطبااااان مات
محد باقلنه محددددد بقه وخرت من وطبان واني روحي لايبه مابيه اتحمل بعد ولابيه اشد حيلي
مسحت دموعي بيدي المتروسه دم ابو ماشه
وكعدت بالكاع بممر المستشفى وتجيت ظهري وراسي على الحايط
باوعت على وطبان بوجع جنت اكله وبعدين باوعلي وهز راسه وغمض عينه
ماعاد ينفع الندم قد فات الاوان حتى وان اجبرنا الزمان
وسلكنا الطريق الخطأ فقد جاء الاوان لندفع الثمن
بخسارة الاحباب
ليت الزمان يعود والليت فقط امنيات
لن ينفعنا الندم ولا يرد لنا الاموات
ووقفتا في المنتصف واغلقت امامنا كل الابواب
دك موبايل وطبان طلعه من جيبه باوعت عينه بين عليهه الصدمه كال بانفعال
منووووووو انتَ
كبل كمت ورحت عليه
منووووووو انتَ
جنت اسمع صوت المتصل لان صوت موبايله عالي
معقوله معرفت صوتي
المهم اليلعب وياي هاي نهايته
اكتل كل نسله وانتَ ماعندك نسل شنسوي يلله الاقربون من القلب هم يووفون وكافين
منوووو انتَ منووووووووو
جان عبالي اخيرك بس
دحام الطالع هالمره راح اضطر اختار الاسهل مع العلم اني احب اللعب الصعب
وطبان-والله والله اطلع ناقص من الزلم اذا خليتك تتنفس
انتَ ونسلك كله
خزعل-طلع وطبان مثل المخبل لحكته
منووو هذا منوووو وشيريد وين رايحين
مجاوبني كبل وهو يركض يتصل
شكوووو
صعدت بالسياره واني ممفتهم وجان يسوق مثل المخبل
رجع اتصل باوعت اتصل على ارقم كبل جاوبه
ووووين دحاااااام
ارقم-شكوووو
وين دحام اكلك
طلع
وين طلع اااااحجي بسرعه
راح يجيب رصيد يمكن شكوووو غيررر نفتهم
سد الخط بوجه ارقم وشمر الموبايل
واني كوه مجلب السياره رجتني رج وابجي على ابو ماشه بعدني ممستوعب ومكاعد افتهم شكاعد يصير
صار رمي طلقتين گبل وكف السياره وطبان واني نركعت بوجهي لان جان يسوق سريع
خزعل-صحت شكووووووو غير افتهم شكاعد يصيرررررر وطبان
مات دحام
باوعت عليه شكاااااعد تحجي منو گلك
نزلت من السياره ورحت اررركض للبيت
دكيت الباب حيل كبل فتح الباب ارقم مخروع
شكووووو شكاعد يصير خزعل شبيهه ايدك
وين دحام
يابه راح يجيب رصيد
ركضت كبل وهو لحكني
ميسم-جنه كاعدين فجاه خابر وطبان وحسيت ارقم انفعل ووطبان جان يسأل على دحام وهو مصارله هواي من طلع
ووراهه بدقايق اندكت الباب حيل
واباوع اثنينهم ركضوا حتى الباب مطبكوا ركضت اني باوعت مااعرف شكو كبل طبكت الباب
وگلبي حسيته نغزني ياستار ياربي ياستار بس لا صار على دحام شي
.................
خزعل-ركضت الاتجاه المحل واجه وطبان يدك هورن وخرت من الشارع وسبقنه وركضنه وراه
أأيست و عرفت الي كاله وطبان صحيح مات دحام نزل بسرعه حتى الباب بقه مفتوح مال سياره وشاله ووياه جماعتنه ساعدوه
افتحوووا الباب بسرررررعه
ارتبكنه كلنه ومن شفناه يتنفس صار عدنه امل
صعد ارقم وره وخله راس دحام على رجله
واني صعدت بالصدر ووطبان يسوق سريع كال
خابر عل شباب خل يلزمون اسلحتهم ويوكفون بالباب بسرررعه
اي اي ارتبكت حتى الاسماء تاهت عليه شلون اطلعهن
الحد ما خابرتهم وكتلهم يستعجلون
اخذناه للمستشفى دخلوا للطوارئ كبل
وارقم واكف ومخلي ايده على راسه
ويبجي
واني اتنفس سريع وفحطان ومااعرف ابجي على منو بيهم
ووطبان واكف بنص الممر ويباوع على كلمة الطوارئ
اجه عليه ارقم
شمدريكم ومنووو السوه هيج
هزيت راسي كتله مااعرف كلشي ماااعرررف
طلع موبايله كال خل اخابر ابو ماشه يجي باوعت عليه و
كبل بجيت وشفتي كامت ترجف كوه تطلع مني الحجابه
كتله
مات
باوع عليه ارقم وهو يضغط اتصال كال
شنوووو
شفتي ترجف وكتله مـ ....مات ابو ماشه
ماااااااات
منو المات منووووو المات انتَ شكاعد تكول
وطبان هذا شكاعد يلغي
راح عليه
يكول ابو ماشه مات
لتكول هذا دم ابو ماشه الي على ملابسك
كبل جره عليه وشبكه دفعه ارقم رأساً
ودك على راسه
شنوووووو مات شنو مات شلون مات شلون
شلون ماااات
گلبنه المستشفى مناحه الحد ما طلع الدكتور
وركضنا عليه
البقيه بحياتكم اكثر كلمة كرهتهه اي حياة النبقه بيهه
ومابيهه اخوتنه
كل الكلام اختفى وضمينه روحنه بالسكوت لان الكلام
انتهى وانقشت النهايه بالگبور
وعرفنا اليمشي بطريق الغلط يوكف بالمنتصف
ومايكدر بعد للرجوع
كبل سحب نفسه وطبان وطلع من المستشفى
رحنه وراه لان منعرف شنو الي نسوي جان يمشي وكل شويه يدنك ويخلي ايده على رگبه
الحد ما راد يوكع لزمه ارقم
كبل عاف ايد ارقم وكمل مشيته واني وارقم وياه
منعرف ندفن منو بيهم نبجي على منو بيهم ومنو الجايه السره
صعد بالسياره كعد
صعدنه وياه منعرف شناوي عليه وشلون الدفنه تصير
بقه بالعشر دقايق بس دموعه يصبن
باوع عليه جنت كاعد يمه بالصدر
كتله شنسوي هسه صدك ماتوا لو نكته هاي
ضحك باستهزاء وهو يبجي وشغل السياره مجنت اعرف وين راح اله من شفته متوجه للكراج مال ابو ماشه
طبك السياره بباب الكراج
واخذ الورده ونزل نزلنه ويا مااعرف شلون راح اباوع بوجه شرشوبه وشلون راح نگللهه
دك الباب صاحت شرشوبه منووو
اني وطبان
فتحت الباب جانت مخليه جيس اسود على راسهه صابغه شعرهه
وهي تبتسم بس گبل ابتسامتهه راحت من شافت وطبان ملابسه متروسه دم
باوعت عليه وعلى ارقم وگبل نزلت دمعتهه وكالت
دحام لو ابو ماشه
رفع الورده وانطاهه ال شرشوبه گبل خلت ايدهه على حلگهه وشهكت ابووووووو ماشه
وطبان-ودحام هم
كبل صرخت ورادت توكع سندهه وطبان وشمرت روحهه بحضنه وهي تصرخ وكام يبجي واحنه نبجي منعرف شنسوي ومنكدر نستوعب الي صار جان ثگيل ثگيل كلش الي صار
باختصار تعلمنه على الحزن و بطرانين چنه من حلمنه يندك باب الفرح
من يوم ما وعينا على الدنيا ومو من حقنا الضحك
.........................
ميسم-من طلعوا شويه من باوعت من الشباك لكيت شباب مسلحين عرفت اكو مصيبه والاوضاع متطمن
بقيت اللوب وخايفه صعدت ال زهراء كتلهه مو عندج رقم ارقم خابري خابرت مجاوب رجعت كالت اخابر على خزعل كتلهه اي اذا عندج شمنتظره هم مجاوب
جنت كاعده على القنفه واللوب وزهراء يمي شايله امنيه
فجأه سمعت صوت صراخ ركضت للشباك باوعت شرشوبه
كبل بجيت ودكيت على وجهي
مات مات دحاااام مااات
زهراء-منو كلج
ركضت للباب دخلو ا شرشوبه منتهيه وتصرخ
وتصيح بأساميهم اثنينهم شهكت وخليت ايدي على حلكي ومن شفت وطبان متروسه ملابسه دم عطت
دخل شرشوبه للهول حرت المن اواسي بيهم
شبكت شرشوبه الي روحهه تفرفح من الوجع
جانت مثل الطير الينذبخ تبقه روحه تفرفح
من الوجع
يوميه تنعاد هاي اللقطه بهاي الازقه
وعرفت واقتنعت مالهه خلاص اله بالگبر
بقيت شابكتهه وابجي وياهه الحد ما كمت اريد اروح ال وطبان جان كاعد يم الباب الخارجي ومتجي ظهره ومدنك راسه ويبجي
الاول مره اشوفه هيج مكسور الهاي الدرجه
رحت عليه كنبصت گباله
ولزمت ايده محجه ولا حرف ولا باوعلي
وصراخ شرشوبه يرج بالبيت رج
صاح ارقم شررشوبه كبل كمت ركضت ووطبان سبقني بخوف عليهه
باوعت عليهه متخربطه وروحهه رايحه ركضت جبت مي ذبوا على وجهه كوه رجعت الوعيهه
ووراسهه على صدر ارقم وتشهك
اختفى كل الكلام كدام الوجع الي كاعد اشوفه
شكد صعبه من تشوف الي تحبهم يتوجعون وحتى متعرف شلون تواسيهم وتخفف عنهم وجعهم
ليش مجبتوهم ليش مجبتوهم للبيت
وينهم اريد اشوفهم ولكم اريد اشوووفهم
ودوني الهم ودوني خلوني اشوفهم
يمه ولج يمه شلون بيه والله مليت من الوجع يووووم
يمه
وكامت تملش بشعرهه
جنت واكفه ابجي واباوع على شرشوبه مااحس اله جرني وطبان وطلعني من الهول
شكو شبيك وطبان
جهزي غراضج بسرعه
ليش وين
جهزززززي غراضج بسررررعه ماريد كلمة وحده تحجين
وطبان شسوي بغراضي
تروحين
هم رجعت الهذا الموضوع
ااااي ماريدج بعد ولا اريد اعرفج انسيني من هاي اللحظه اعتبري وطبان ماااااات افتهمتي اعتبرررري مات امشي بسرررعه صعدددي جيبي غراضج ونزلي
باوعت عليه مو طبيعي
ردت احجي گبل عاط بيه
لتسألين ولتفتحين حلگج ولا حرف اسمع منج
مو بحالج ابد هي كلمه حجيتهه
مااروح
اني كلت هيج كبل جرني وخنكني
متحجين ولا حرف واحد حرررف واحد متحجين بعد
هسه تولين منا كتلج اعتبري وطبان من هذا اليوم مات
ماااااات افتهمتي
جريت ايدي منه
مبررلي ولا افتهمت شي كتله واني اهز براسي وابجي ماشي ماااشي ياوطبان راح اعتبرك متت مثل متريد مثل متريد
يلله استعجلي بسرررعه خمس دقايق الكاج جاهزه
وعفته وردت اصعد تعبت بعد ماعندي طاقه اتوسل سويت كلشي فوكاهه هسه ماتوا دحام وابوماشه بعد لو شيصير ميسمع مني صار الوكت الي افكر بي ببنتي
صحت بعصبيه واني اريد اصعد الدرج
زهرراء تعالي لمي اغراضج
بس انتِ
درت عليه ووووااختي
بس ااانتِ
وااختي
بس انتِ كلامي واضح
زهراء جانت واكفه يم باب الهول وبيدهه امنيه كامت تباوع عليه بخوف رجعت جريتهه من ايدهه
مااطلع منا اذا مو اختي وياي والله
صعدت ابجي ممفتهمه شي شكاعد يصير شلون ماتوا وشلون بشرشوبه توه جان دحام هنا بالبيت شبسرعه مات
وشلون راح اروح ووطبان بس هالمره وطبان مابي اي مجال للتفاهم
ومو بس هو خزعل وارقم حادين سنونهم
وواضح هالمره مراح يسكتون
صعدت ورايه زهراء تبجي
راح تعرفيني ميسم ليش ميخليني اروح وياج ها شيريدون يسوون بيه
ماابقيج هنا
مو سمعتي ميخليني اروح وياج لتعوفيني هنا ميسم الله يخليج لتعوفيني
مااعوفج مااطلع منا اذا مو انتِ وياي كتلج
گبل فتح الباب وطبان وكال طلعي زهراء
اريد احجي وياهه
جنت الملم باغراض امنيه توقفت ودرت وجهي عليه
مااكدر اخلي اختج تروح وياج كلت للرجال قبل بس عليج
ماريده يصير الحمل ثگيل وأأمن مكان الج هناك
حاتم محد يتجرأ يندك بي ويوصل البيته
كاعد تگلي موتي انتَ
من كل عقلك اطلع منا بدون اختي
منو كتل دحام وابو ماشه فاهم موووو
مااتوقع فاهم لوووو فاهم جان استغل الفرصه واخذ امنيه من احنه ملتهين
شفتي حياتي قبل وكابرتي بعدج تكابرين مبقه احد بينه
مكدرت احمي ولا واحد ماتوا غفل مااكدر احميج ومضامن اني باقي الباجر اذا مطلعتي منا متطلعين بعد
راح تصير مجازر وتگلي ابقي اختي هنا
ابقه اني وماابقي اختي هنا
مو كافي انتَ تگلي احتمال ماابقه عايش للباجر اعرف بعد مفيد كلامي وماخذ قرارك بس شتريد تريدني اخسركم اثنينكم يااخي هو گلب واحد عندي شيتحمل ويتحمل بعد
اختج مراح تتأذى راح ارجعهه يم الحجي
مااطلع منا بدون اختي والله
اخاف يستثگلكم زهراء ماعليهه شي بس انتِ وياج بت شداد فاهم ميعوفج مااكدر ابقيج هنا
منو الكاعد يكتل بيكم اذا مو فاهم
لتسأليني لمي غراضج وروحي مالج علاقه بكلشي
كتلك مااروح بدون اختي
بقيت مصره مااطلع بدون زهراء الحد ما أأيس مني
وطلع من الغرفه شويه وكال استعجلوا
وزهراء
وياج
وانتَ يعني هذا هو
باوع عليه وطلع بدون ميحجي ولا اي حرف
گلبي مينطيني اعوفه بس اليوم اقتنعت اذا مااطلع هسه
اني راح اخسر هواي صح راح اخسر وطبان بس وطبان لو شسوي بعد هذا هو
صعدت زهراء لمينا غراضنا من نزلت لكيته شايل امنيه ويبوس بيهه من شافني كبل اجه عليه
كل اغراض امنيه لميتيهن خوما نسيتي شي
هزيت راسي واني ابجي كلهن
يلله لعد الجماعه بره
خليني اودعهم عل اقل
رحت دخلت الشرشوبه جانت فاقده ومو بحالي بستهه ميهلي اعوفهه وهي بهذا الحال كتله ال ارقم
مع السلامه
رأساً كام كال طالع وياكم اني
انتبهت شرشوبه وباوعتلي
شرشوبه-وين راح تروحين ميسم
ميسم-باوعت عليهه بحزن مااعرف وطبان
كامت رأساً وشبگتني وهي تبجي واني ابجي
رحت وراهه على خزعل جان كاعد على القنفه وكفت گباله گبل كام وجر راسي وباسه
أيست بعد اشوفهم
ودعتهم كلهم وتمنيت لو اشبك وطبان بس مودعني
انهضمت محتاجه اودعه واني يمكن بعد مااشوفه
فقدت الامل من شوفته
عبالي الكاه بالممر سألت زهراء كالت طلع
لكيته واكف بره وواكف بصف سياره عاليه
وشايل امنيه
من شافني كال يلله يابه وفتح الباب
صعدت زهراء قبلي واني وراهه
باس امنيه بخدودهه وبشفتهه واخر شي بيدهه
ودنك انطانياهه واني اباوع عليه ودموعي يصبن
طلع فلوس من جيبه انطانياهن باوعت عليه ودموعي يصبن
خليهن يمج ذني خاف تحتاجيهن
وطبان
لزمي تأخروا الولد
مديت ايدي اخذتهن وبجيت بصوت
غمزلي وابتسم
زادت دموعي وگلبي كام يوجعني وطبك باب السياره
ووكف بصف خزعل وصعد ارقم اليكدام ويانه
بقيت اباوع عليهم ممصدگه هذا هو
ومقهوره من هذا الوداع
جانت الدنيا ليل بحدود التسعه
اباوع على درابينهه
هي هاي الدرابين الي ضيعتني وباكت فوك ال ٣سنين من عمري تخوف البيوت
اول مره اتمعن بيهه وبناسهه
مفروض افرح لان راح اطلع منهه بس بقه گلبي بيهه
....................
خزعل-شراح نسوي
شنسوي يعني ندفنهم
مننتظر ارقم
لا بين ميجي خل ندفنهم خاف نموت عل اقل همه يندفنون ووراهه تعرف الباقي
خزعل اذا متت ذمه برگبتك ميسم وامنيه وصيت ارقم وكاعد اوصيك اليبقه عدل بيكم ليعوفهه ابد حتى اذا بين فتره والثانيه تسألون عليهه
تندل الفلوس ملحكت اشتري شقه اشتريلهه شقه بيت اي شي اهم شي متحتاج الاحد وتنذل
خزعل-الكلشي اله نهايه ويمكن وصلت نهايتنه بعد الي صار اليوم مكدرت اكول ال وطبان عمرك طويل
يجوز هو وواكف بهاي اللحظه اخسره او هو يخسرني
منعرف منو الي كاعد يهاجمنه وشيريد بالضبط
بس نعوف عدنه هدف واحد
اول واحد نكتله فاهم
...........................................
ميسم-جنت خايفه الطريق كله الحد ماطبك وهم خايفه عايفه ورايه بازقة الموت اعزازي مااكدر مااكول عنهم اعزاز گلبي صاروا جزء مني كلهم
وطبان حبيبي خزعل ارقم اخوتي شرشوبه اختي الي مجابتهه امي
انهضمت من عددتهم لكيتهم كلش هواي ناقصين
اذا اني شعرت بشعور الخنكه واني اتذكرهم شحال همه شيصير بيهم
الاول مره اشوف حاتم الي ينحجي بي هواي دخلت بيت يخبل والحوش بي حديقه ومتروس اضويه
وزهراء بصفي
يمكن هو بسيط بس بالنسبه للي تربيت بي والي عشت بي بالبتاوين فله
اول مادخلت بالحوش فتح باب خشب وابتسم بوجهي
اهلاً بابا تفضلي
باوعت على زهراء تبتسم
ميسم معقوله طلعنه مناك
رحت عليه
ابتسم وهز راسه بـ أي باوع على امنيه جانت مفتحه عيونهه ومخليه ايدهه كلهه بحلكهه وتارسته سلاج
واني شايلتهه بتك ايد
كرصهه من خدهه ووخر ايدهه من حلگهه وابتسم
شسمهه هاي الاميره الحلوه
امنيه
الله يخبل اسمهه مثل شكلهه
تفضلوا تفضلوا بابا
دخلت للاستقبال جان بي اثاث راقي نزعت نعالي بالباب
ودخلت
واني امشي بارتباك وخجل وزهراء بصفي تمشي وتتفحص بالبيت
كتله لعد سعيد وين
سعيد فوك ميدري بيج جايه اني وصيت وطبان يوصيج وراح اعيدهه للاحتياط
سعيد مااريده يعرف بكلشي صار هناك توه سلك وصار افضل بشويه من قبل بعد معاناة
هزيت راسي لا اطمأن اصلاً شكله يعني الي صار هناك
مينحجي بي ابداً
جان يمشي وامشي وراه دخل الصاله جبيره كلش وبصف باب الاستقبال باب ثاني للمطبخ
كبل سبقني وفتح باب غرفه گبال الاستقبال فيت
اخذوا راحتكم هنا يعني عذريني ماعندي غرفة جوه بيهه اغراض وفوك مضطر انام لان اسم الله عليكم سعيد واخته اثنينهم وضعهم تعبان
بنتك طلعت من المستشفى
باوع عليه وابتسم كتله وطبان گلي على وضعهه مو زين
طلعت مصارلهه كم يوم
ان شاء الله تتشافى
الله يسمع منج
اخذي راحتج ومثل موصيتج سعيد مااريده يعرف بأي شي
ميحتاج توصيني ابو سعيد رحم الله والديك يعني راح نثكل عليك اول مطلع زهراء
زهراء- ميسم بيته يخبل من كد ما انحبست بذاك البيت كمت اشوف هذا البيت جنه
والله عمي كون يطلعلي هسه اب مثله ويگول انتِ بنتي
يگول عذريني لان الغرفه مابيهه اغراض حقه ميدري وين جنتي عايشه
جانت مفروشه بالكاع زوليه
كعدت بابجي احس كل الي اني بي كابوس توني البارحه فرحانه واحلم ببيتي وششتريله اغراض
ووطبان ويايه بغرفتنا وعنده اخشاب مثل البشر
اليوم كلشي تبخر وصار ماضي وفوكاهه كابوس بشع
أيست بعد يتحقق
كامت تبجي امتيه كالت زهراء حسويلهه ممه خلت اغراضهه بالكاع وسوتلهه ممه و
اخذتهه مني جانت واضحه هليهه الفرحه زهراء بطلعتنه مناك كالت
وهي كاعده تشرب امنيه ممه
كافي تبجين يمعوده ادري بيج مقهوره على رجلج بس ميسم والله مفروض تفرحين شفتي حياتهم بس موت واسلحه وارهاب وخوف عزززه مكاعد اصدك طلعنه مناك
اندكت الباب رأساً مسحت دموعي
انصدم من شافني كبل كال ميسمممم
ودخل مصدوم
شجابج
كبل كمت رجلي صارت بدشداشتي عدلت روحي ووكفت
صار شي ميسم احجي عليج الله الولد شخبارهم
جان شكله زين بس ايده بيهن رجفه انتبهت عليه
كتلهز
شصاير يعني مو انتَ تعرف امنيتي جانت اطلع من البتاوي واخيراً عتقني وطبان
طلكج يعني
اي طلگني
وشعرفج بحاتم
انت تعرف فاهم صح وطبان عافني بس يخاف على بت شداد وكال سعيد هناك ميعوف بت شداد
كبل باوع على امنيه وابتسم
طبعاً مااعوفهه
انتَ شلونك زين مو كاعد اشوفك زين
باوع على ملابسه جان لابس تراكسود نظيف وهو شكله مترتب
حابسني ابن الكلب هنا ولا عندي سلاح ولا صخام
شلونج زهراء
زهراء-الحمدلله
سعيد-گليلي الولد شلونهم ساجت خزعل ارقم دخام ابو ماشه شرشوبه
باوعت عليه بحزن
كلهم زينين
ناقصين والله ولا واحد بيهم كلف روحه يسأل عليه راح يصيرلي فوك الشهر ونص
من شاف امنيه خلصت الممه كال ال زهراء انطينياهه
انطتهيا شالهه رفعهه ورجلهه تندلت ووكعت الحضينه كام يبوس بيهه بخدودهه
امنيه حبيبة عمو
انتبهت الايده بيهه رجفه قويه كتله
شخبارك
تعبان ميسم اريد اطلع من هذا السجن
زهراء-ياسجن عمي متكل الابوك يبدل بيه وبيك ويتبناني
زهراء-كبل دارت عليه ميسم وخزرتني
وهو مجاوبني
ولا اتوب من النطنطه احاول اغير نفسي ومااجوز
عفت المخدرات
والمخدرات عفتهن
راح اموت لو راح اموته واخلص
كامت تبجي امنيه اخذتهه منه
تتخيلين حابسني ابن الكلب بغرفه
وفوكاهه جابلي وحده خبلتني متخليني انام بس تصيح
وتغلط
اختك
هم كالت اختك كافي عليه هذا الحقيرررر المريض الخابصني
گليلي شرشوبه شلونهه من عرفت بيه رحت شسوت
كامت تبجي وزعلت منهم لان مگلولهه تودعك
اروحلهم اروحلهم بس خل اخلص من هذا العار
اروحلهم
باوعت سعيد زين ومبين متوالم وساكت ومتعايش ويه الوضع والمخدرات كدر يسيطر عليهن تقريباً فوك الشهر كاطعهن
ومبين محبوس ميزاغل
بس مبين على اطرافه بيهه رجفه وجوه عينه سواد رغم هو اشكر
جر ايد امنيه يبوس بيهه
زين تعايشت ويه حياتك الجديده ضحك باستهزاء وباوع عليه
زراب حياتيش هاي
سعيد ....وانتَ عايش بالحياة وتموت الدنيا بعينك
هذا اصعب شي
جان هذا حالي
مات كلشي بعيني خاف هو مجان ميت
يطلعلي اب واني اريد اوصل للعشرينات يستوعبهه العقل بشرفج
ومن كل عقله يريدني اعتبره ابويه وهو عايفني
جسمي كله يوجعني ومحبوس بغرفه
حتى بوس ردت ابوس رجله بس جرعه وحده كتله اريد
جان چلب ابن چلب وياي ولو لو يطلع ******هم مااعتبره ابويه
حقدت عليه وتدرين حتى على وطبان وعلى الولد الي اعتبرهم اخوتي ولا واحد بيهم فگدني وحاول يوصلي
يوميه جايبلي دكتور وصلني مرحلة الهستيريا هذا الحقيرررر محد يعرف شلون عششت وشحسيت
والله تمنيت اموت
زهراء-اني اعرف شنو واحد مدمن ويتركونه العلاج
موت احمر كل الي مار بي مريت بي جان يحجي الميسم واني اسمعلهم
ذكرني بذنيج الايام احسهن كابوس سيء ميطلع من الذاكره
ميسم جان يحجي فجأه سكت وصفن
سعيد -رجعت بيه الذكريات الاول يوم اجيت بي
واول مشفته
جنت كاعد مربطيني ومخليني بكرسي جنت متوتر وجسمي يرجف والي اسمه حاتم مگابلني وكاعد
من اول اخذوني اله
اول مشفته هجمت عليه وردت اضربه حاولت اطلع اگله انتَ مو ابويه وهو مچلبلي اني ابنه
هجمت عليه غلطت وسبيته وهو ساكت ميحجي وترني اكثر
وبعدددددين شتريد مني انتَ فهمني شتريد
حاتم-انتَ شتريد شوكت تبطل خبالك وتصير رجال وتسمعني
شسممممع شسمع كتلك انتَ مو ابويه شتريد مچلب بيه اريد اولي البيتي المكاني الحياتي
يم اخوتي
موووو اخوتك انتَ عندك اخوات اثنين وحده صغيره والثانيه بكدك تؤمك
طلعلي صورة وحده وكام
هاااي اااختك مريضه وعن قريب راح اطلعهه من المستشفى لازم تتستوعب بعد ذيج الحياة انتهت اعرف بيكم تعذبتم والي سببلكم كل هذا العذاب دمرته مثل مدمركم واكثر
واني ابووووك وذيج الحياة تنساهه
لا اختي ولا اعرفهه ولا اعرفك وشيلني من حساباتك وعوفني اووولي
رجع طلع صوره ثانيه وخلاهه گبالي اوضح من ذيج
باوعت صورة وحده نايمه ومبين بمستشفى
شكرة وتنطيني شبه
باوع ابني هاي اختك محتاجتك عوفك مني هاي توؤمك لازم تحس بيهه تعذبت اكثر منك عوف مني ماريدك تتقبلني ولا تسامحني بس باوع باوعلهه شويه
وكام يقرب بالصوره
هاي اختي يعني
اي اختك شهلاء شوفهه زين تنطيك شبه لتصدكني ألي بس باوع عليهه
مو اختي ولا اعرفهه ولا تعرفني طلعني منااااا شعليه بيهه
رجع طلعلي صورة ثانيه
باوع منو هاي تعرفهه موووو
باوعت على الصوره صوتهه صار بأذني جانت من تنومني تغنيلي
دللول يا الولد يا ابني دللول
يمه يمه عدوك عليل وساكن الجول يمه أنا من اگول يمه يموت گلبي والله
يمه يمه يحقلي لاصير دلي ترى أطلك الدنيا وولي
يمه على ظليمتي من دون حلي
يمه هب الهوى واصطكت الباب ترى حسبالي يا يمه خشت أحباب
يمه أثاري الهوى والباب چذاب
دللول دللول دللول
گبل نزلت دمعتي
حاتم-هاي الي بالصوره جانتَ مرتي ودنيتي كلهه جانت روحي وجانت كلي
جانت ضوايه وانعميت من يوم الراحت مني
أملي بيك عرفت عمرك من دخلت هناك بالثمن سنوات تقريباً معناهه تعرفهه
وين امك سعيد وين فريده
لتجيب سيرة ااامي على اللسانك يا قذررررر افتحلي ايدي ورجلي افتحهن ماريدك ولا اريد اعرفك ولا اريد اعرف اي شي عنكم
امك وين سعيد
رابطني علمود تعرف وين افتحلي ايدي ورجلي واني اگلك وخليني اولي
وين امك سعيد
مااعرررف وين امي نومتني امي مثل كل مره وكعدت ملكيتهه لكيت واحد اخذني مناك هاي عرفت يلله افتحلي ذني الزرابين خل اولي
يعني امك مميته
ماااعررروف ماااعررروررف انتَ غبي اكلك مااعرف افتحلي الزرابين بسرررعه تره زهكتني اريد اولي
متروح الاي مكان هذا بيتك واني ابوك تقبل او متقبل
وهذا الصحام التاخذه ماكو بعد افتهمت ماكوووى وذاك المكان ممنوع توصله افتحلك ايدك ورجلك بس بشرط واحد نبقه هنا وتجر عدل سعيد
ابني انتَ ابني ابن فريده وابن حاتم
انحرمت منكم كل هاي السنين انتَ واختك لتتوقع مني اعوفكم بعد
بقيت اصيح انهاريت وهو ولا يمه ومفعول الي اخذته بده يروح كمت اصيح حتى بچي بجيت وهو ولا يمه
وقفل الباب وطلع جنت انهار ومحد يخلصني من انهياري كل همي اريد اي شي يسكني
احاول افتح ايدي ورجلي جان مرجعهن وره الكرسي
الحد ما وصلت حد مااكدر اقاوم بعدد
كمت احرك بالكرسي
حيوووووووان حيوووووووووووان حيووووووووووان تعال افتحلي الباب حيوووووووووووان انتَ حيوووووان
الحد ما دخل واحد لابس مناظر وشكله محترم شويه
بس هو دخل
السلام عليكم
هيوووو انتَ مبين خوش واحد هذا خاطفني ويگول ابويه رجال مخرف افتحلي ايدي ورجلي
طلعني منا
عوفك من الرجال تعرف اذا هسه ابلغ عليك مدمن ياخذوك ركز وياي وارجع العقلك
ابن ********** تعال افتحلي الصخام كتلك
راح اموووت ابن *********راح اموت اكلك تعال
والله بس اطلع منا اموتك متعرفني انتَ شنوووووو تعال فتحتهن اكلك
حاولت ردت كام يلغي لغوه مفتهمت ولا حرف منهه كمت اسبه واغلط عليه طلع وعافني
....................
ميسم-باوعت عليه عيونه صارت حمر
سعيد بس ابوك مبين خوش رجال
باع هاي ياربي يا ابويه
انتَ كل همك المخدرات والله يحبك وطلعك من ذاك المستنقع
شتحجين انتِ اني ربيت هناك بالنسبه الي هناك الجنه
باوعت عليه لو تعرف ياسعيد الي صار متكول هناك الجنه
هناك مل اخوتك انكتلوا كتله كول
جنت متعلم على المخدرات
جنت احاول احجي ويا ومابينله وجعي وانكساري وحزني خاف يفلت اللساني واكله
واني ماعولت الگه مكان بنتي بي بأمان
مر يوم يومين عشرة اسبوعين واني مااعرف شنو الي صار
ماتوا عدلوا وين صفه بيهم الدهر واتصل من موبايل زهراء لا خزعل ولا ارقم يجاوبون واسأل السيد حاتم يگول مااعرف شي عنهم
والحزن والخوف ياكلن بيه اكل لجأت الرب العالمين بكل فرض ابجي واتوسل برب العالمين يطمني عليه وميحرمني منه ويرجعه الي
جان ابو سعيد كلش حباب ويانه
وتونس على امنيه وگلي سعيد من شافكم تغير هواي و اعرف جان من البدايه جبتج هنا
وجود امنيه طفل يضحك يطلع صوت حركات
يحيي المكان
جان سعيد فرحان بينه وابو ينگل بالحلويات
بس انقهرت على بنته
جانت بنيه حلوه ومبينه صغيره حالهه يكسر الخاطر
حاولت احجي وياهه اكثر من مره تهجم عليه
جانت تكره حاتم
ساعات احسهه بوعيهه من تحجي وتلوم بأبوهه
رغم ماجنت جوه بس اسمعهه من تحجي لان جانت تصرخ وتحجي بصوت عالي
واني منتهيه وملتهيه بهمي عيوني ميسكتن من البچي اريد بس شي يطمني عليهم ماكو
٢٠يوم فيت مرن جنت بالمطبخ كمت اطبخ اكول احلل لكمتي كاعده هنا ومتحملني ابو سعيد عل اقل اسوي شي
بس شنو اتحرك كوه احس كلشي بيه ميت
اندك جرس الباب رحت للهول جان مخلي ابو سعيد كامرات واكو شاشه بالهول عارضه كل الكامرات الموجوده بالبيت وسيد حاتم نزل لان جان ينطي علاج البنته شهلاء
باوعت خزعل حسيت گلبي راد يوكف
باوع على سيد حاتم سبقته ورحت للباب محجه اي شي
جنت منتظره اي خبر عنهم فتحت الباب بسرعه
خزعلل
باوعت لحيته ووجهه صاير اسود ولا عبالك خزعل كال
ام امنيه شلونج
باوعت عليه بحزن ودموعي نزلن
وين وطبان خزعل
كال السلام عليكم وهو يباوع ورايه
جاوبه حاتم وعليكم السلام تفضل ....تفضل
دخل للاستقبال واني وراه جنت بس اريده يدخل اريد يجاوبني گلبي صار نار
بس دخله سيد حاتم وعافنه كبل كتله
وين وطبان خزعل جاووبني
باوع عليه بحزن بنظرته هد حيلي كله
مات موووو
هز راسه بـ لا
عليك الله گول الصدك مات مووو
لا
جذاب والله جذاب
والله لا بيش مفاولته
لعد
ميسم وطبان دخل السجن
من كال دخل السجن ردلي النفس
السجن عندي اهون من اخسره مدى الحياة
كتل فاهم
شهكت وخليت ايدي على حلگي
كبل كمل كلامه بس ماكو دليل ضده
كمت ابجي بصوت عالي
كتل فاهم زين انتَ مو تكول ماكو دليل ضده لعد ليش انسجن
الحيوان يحيى بلغ عليه وكال هو كتال اخويه داهموا البيت ولكوا سلاحين بالبيت ومابيهن رخصه
ربج وطبان طلع الاسلحه لان احتاجوا جماعتنا وباقيات بس اثنين ونكرهن كال مو الي دحام وساجت جماعتي ومصارلهم هواي من توفوا ومااعرف اذا الهم لو مو الهم
وهسه
مااعرف بس بعده بالتحقيق مصاعده اوراقه للقاضي
واله يثبت اقواله ويصعد محكمه يالله يحقلي اسوي مواجهه وازوره
باوعت عليه صح انقهرت لان بالسجن بس جان اهون عليه من خبر موته كتله بصوت مخنوك
وشرشوبه
عايشه وهز راسه
وارقم
ويه وطبان
هم انسجن
اي لان جان بالبيت وعلمود الاسلحه هم اخذوه
اني جنت طالع لو موجود هم ياخذوني
صارله شكد وطبان بالسجن
تقريباً ١٠ أيام
شوكت كتل فاهم
وره يومين من روحتج
خليت ايدي على راسي وابجي منهاره
شلون كتله
كتله بعد شعليج بشلون
المهم وطبان وصاني من اول ما طلعتي كال خاف يصير عليه شي ذممني مااعوفج وانطاني فلوس اشتريلج بيت شقه اي شي
وخاف عبالج لان مذممني لا والله حتى لو مموصيني مااعوفج انتِ بالنسبه الي اخت والله
اني الله منطاني عائله اب وام بس انطاني بمكانهم انتم
اخوتي وانتِ هم من ضمنهم
بعد ماكو شي خلصتي هم يالله ترتاحين بس كليلي يعني وين ادورلج اكيد متقبلين ترجعين للبيت
واحنه نسولف فتح الباب سعيد بقوه مثل الي يعرف خزعل هنا وگبل دخل
خززززعل هههه لا مصدكت من گلي هذا
كام خزعل ضحك ويأشر عليه
وجه ********* هاي انتَ صاير نظيف ولا عرفتك
كمت وكفت ومسحت دموعي بيدي واباوع عليهم تشابگوا
بعد خزعل عنه وهو لازمه
هاي شصاير بيك وجهك مضرب ولحيتك
ولا عبالك انتَ
اهووووو طگو المعدان وكاموا يقلدون حقك عمي بعد متتحاجه صرت طاك
خزعل ليش لحيتك هيج مو من عادتك تصير وصخ
عجبني اغير شويه وبعدين مو كلنه نعوف المكسرات هاي ضريبتهه صفينه بدون فلوس ووصخين
منو مات من الولد
باوعت گبل جتف خزعل اهتز وكام يبجي بدون صوت
منوووو بيهم
كبل وخر ايده من خزعل
الصفه بيهم وطبان وارقم وبالسجن هسه
بقه يباوع عليه وفاتح جف ايده
شنوووو شكاعد تحجي انتَ
يعني شنوووو الصفوا بيهم وطبان وارقم
والباقين وووين ساجت ابو ماشه دحام ووووين
هز راسه وكام يبجي بصوت عالي وشبك سعيد
دفعه عنه وكام يدك على راسه وفلش شكو شي موجود بالاستقبال
اجه حاتم يركض اول مفتح الباب هجم عليه
كله من وررررررررراك كله من وراك
كوه لزمه خزعل وهو يدفع بي
اخر شي
راد يطلع حاتم صاح بي وووين گبل رجع عليه وضربه بوكس بوجهه وجره خزعل
سعيددددد
مالك علاااقه بيه ااااني مووووو ابنك افتهمتتتتتت ااااااني مو ااااابنك
اذا تدخلت بعد بيه اكتلك بيددددي والله
راح بيومهه ويه خزعل مرجع ابد وسيد حاتم كل شويه يتصل مخلي واحد وراه مكدر يمنعه
الحد ثاني يوم كلهم الجماعتع الي يشتغلون عنده جيبوه ورجع حبسه بالغرفه
مرن شهرين على دخلة وطبان للسجن رجعت المنطقه الجنت ساكنه بيهه عل اقل هناك ناسنه الاعرفهم
مقبل خزعل كال ادور بيت اشتريلكم كتله بعدين اهم شي اتحول هسه مابيهه مجال بعد ابقه يم الرجال كافي عليه همه
اجرت الشقه الثانيه الي جانوا كاعدين بيهه ابو نور ومرته لان الشقه الجنت كاعده بيهه قبل بيهه مؤجرين
ومعافنه خزعل طول الوكت ويايه اشترى اغراض للبيت وكل نواقصنه محتار بينه ومحتار بوطبان وارقم الي بالسجن
وحجي طه ابو المحل ويانه هم معافني
وسيد حاتم هم مقصر بقه يتصل عليه ويسألني خاف محتاجه شي
عرفت بعد كم يوم من خزعل اخت سعيد ضاربه ابوه بسجينه
ومهزومه وهم احتاروا يدورون عليهه
حتى خزعل وياهم يدور كال مقصر ويانه لازم هم اوكفله
انقهرت عليهه وعلى سيد حاتم
الحد ما لكوهه وسمعت استسلم حاتم ورجعهه الزوجهه
ومنهه هم رخه الحبل ال سعيد شويه
وسعيد هم حاول يتأقلم ويه حياته حتى ميمنعه ابوه
من الطلعه
وكام يمرلنه بين فتره والثانيه
اشتراله سياره وفلوس صار مو سعيد القديم
يمكن مو تأقلم بس حب حياته الجديده
وشرشوبه صارت ام الله رزقهه بولد من ابو ماشه
وسمته شداد كد ما جانت تحب شداد
هم بين فتره والثانيه تجي يمنه
تبات كم يوم وترجع ويه خزعل الحد ما فرغت الشقه الثانيه الي بصف شقتنه اجرتهه وصارت جارتي احلى جاره
وزهراء رجعت الجامعتهه
وامي من اول مارجعت وصيت خزعل يستفسرلي عنهه طلع خالي مزوجهه الوحد من جماعته ارمل
استمرت الحياة وطلعت من الازقه ورجعت الحياتي كمت اشتغل بالبيت احف للنسوان واسوي كبب
ومعجنات وابيع للمحلات
ومن صارت جارتي شرشوبه كدرت الكه شغل بصالون
مجنت اكدر لان امنيه مااكدر اعوفهه
جنت عايشه بس كل احساسي ومشاعري وگلبي يم وطبان منتظره يرجع بعد
انحكم سنه بسبب الاسلحه الموجوده بالبيت بدون رخصه والمحامي الي لازم القضيه جان شاطر وهواي ساعدهم
ومكدروا يثبتون عليه قضية فاهم
جنت احسب يوم يوم الطلعته
.........................................
زهراء-تغيرت هواي والعشته انطاني هواي دروس بالحياة فادتني اولهن
كمت مااطلع اسراري ولا أأمن الصديقه رجعت الجامعتي
ومن الجامعه للبيت ومن البيت للجامعه
وميسم خلتلي خط
بالفتره ألي رجعنه بيهه للشقه صارت نظرات بيني وبين خزعل بس بدون كلام
كمت احس نفسي افكر بي هواي وكفته ويه ميسم
خلتني انسى هو منو وبالنهايه اني هم عندي ماضي
مااعرف اذا افسر نظراته بحب او وهم مني
الحد ما فديوم جنت راجعه من الجامعه نزلت من الخط
هو جان توه يطبك بدراجته مدري يريد يروح
ابتسمت ورحت عليه كلت السلام عليكم
شخبارك
باوع عليه اهلاً ام المصايب
باوعت عليه بغضب
هاااا بس لا جذب
يعني انتَ مغلطت بحياتك
اني اصلاً ماعندي صح بحياتي
ابتسمت وكتله
شنو راح تروح عبالي توك جاي
اي راح اروح لا من زمان اجيت جبت دوه الامنيه
باعيلي تره مناسي عملتج الحد الان
باوعت عليه تره مفروض تشكرني
انوووب
هي لو حابتك جان معافتك خزعل بعدك تفكر بيهه
باوع عليه بحديه راد يجاوب بس سكت وكال
شتگولين انتِ
اني كاعد اسألك
زين ليش تسألين
هيج شغل الدراجه كتله خزعل
بعدك تفكر بيهه
باوعلي باستغراب وگال لااااا كلبي سكنته وحده ثانيه
اااني موووو
باوع عليه بصدمه
عبالي اني ودت اكلك تحلم بهذا الشي
ابتسم واني ابتسمت وعفته وصعدت
ميسم.اجه موعد طلعت وطبان
منمت بيومهه متشوقه الشوفته شسورت ورتبت نفسي
من غبشه
اول مصار ت السبعه خابرت خزعل
كال بالطريق اني وسعيد رايحيلهم
بقيت اللوب كعدت زهراء تروح للجامعه
وبقيت اللوب كل شويه اخابر الحد ما كال باجر يالله تكمل اوراقهم
تحطمت شكد صبرت وحسبت بالساعات
ويوم واحد احس نفسي مااتحمله
خابرتني شرشوبه تسأل كالت خابرت خزعل مجاوب كتلهه الباجر گال يطلعون
يلله مبقه شي للباجر دكومي سويلنه جاي ماعندي غاز وميته جوع خوما تريكتي
لا شتريكت يمعوده
كمت خليت القوري على النار ودخلت للحمام اندكت الباب حيل
طلعت بسرعه من الحمام
اي اي يمعوده راح تكعدين امنيه
فتحت الباب بسرعه گبل شهكت
وطباااان
رأساً نزلت دمعتي وحسيت گلبي راد يطلع من مكانه ممصدگه
كبل شمرت روحي بحضنه كمت ابوس بي وهو يبوس براسي
بقيت شابكته وابجي حلم جان بالنسبه الي اشوفه مره ثانيه
طلعت شرشوبه من الشقه سمعت شهكتهه وهللهت وشبكت ارقم ورجعت على وطبان شبكته
ايدي وجسمي كله كام يرجف من الفرحه
دخلوا للشقه كلهم
كبل كال وطبان
امنيه وين
نايمه
دخلنه للغرفه جانت نايمه بصفي على الجربايه
كبل دنك وكعد على الجربايه
حنه جسمه عليهه ولزم ايدهه باسهه
ورجع باسهه بخدهه وكام يبوس بيهه الحد ما فتحت عينهه
باباتووووو حياتي
كبل برطمت استغربت منه بالبدايه وبعدين
كامت تتلمس بوجهه وهو يبوس بيدهه
ببااااااااا
باوع عليه وابتسم
تعرفني لو للكل تصيحله بابا
تعرفك دائماً اشوفهه صورتك واكلهه هذا بابا
غرغرت عينه وكام يبوس بيهه وشالهه وهي جلبت بأذنه
كبرانه بنيتي
كامت تمشي واللسانهه طويل شعبالك لعد خل تصحصح وتشوف سوالفهه
لزمت لحيته وتباوع عليه
بباااا
يروح ببا بابا يريد ياكلج
كعدهه بحضنه وكال تعالي ليش واكفه بعيد عني
تقربت عليه وكعدت بصفه كبل جر راسي وخلاه على صدره
جان هذا اليوم حلم بالنسبه الي
لتعوفني بعد وطبان متت بدونك والله
اني احجي ويا وامنيه مجلبه بلحيته لان خشنه تتلمس بيهه من شافتني ابجي مدت راسهه عليه
ماما اوووووواااا
باسهه وطبان بخشمهه
باوعت عليه ولملمت حلكهه
ماما اوووووا اوووا
وتأشر عليه باسهه بايدهه
رجعت انطته ايدهه الثانيه ضحك
باسهه
رجع انطته ايدهه الثانيه هم رجع باسهه وتضحك باسهه بشفته خلت ايدهه على حلكهه وفتحت عينهه
عبببببب عببب ماما عب
ضحك هاي شصايررره الحقيره
بعدك بعدك مشايف شي الحد ما ضاجت ورادت تنزل من حضنه عافهه على الجربايه ورجع شبكني
حليانه ولج راد يبوسني شمرت الممه امنيه على حضنه وجلبت بجتفه
ماما ممه مممه ممه ماما مممه مممه
ولج اوكفي خل نفتهم من امج شي
مثل المسجل انفتح ممه مممه الحد ما كمت سويتلهه ممه وخليتهه بجربايتهه
درت لكيته واكف ورايه
الوووووو شنو ممشتاقتلي
هم كلت الوووووو اوف من ال الوووو
جرني عليه بابا ال الووووووووو
معناهه حبيبتي مطيه متفهمين انتِ
باوعت عليه ال الووووو معناهه حبيبتي لتجذب من اول ماشفتك وشفتني وانتَ تكووول الووووو
هو اني اول ماشفتج وكعت بحبج
وين لاكيهه هاي
جرني عليه بلهفه وعيونه تاكل بيه اكل
وكام يبوس بيه حيل
شويه وطلعنه يمهم وامنيه بحضنه معافته ابد
وضحك وسوالف ولمه صح مو مثل قبل وبيهه نقص بس جنه فرحانين ويسولفون عن السجن
الحد ما ارقم كال دسمعوا هاي
وطبان موووتني يكتب ويشكك بالاوراق
لو يعقجهن ويذبهن
فديوم جنت نايم كعدت جان اشوفلك العينتين كاتب
اجلس امام النافذه كلت انه اخوك بس لا شمر على خزعل وراح يصير شاعر ويسطرني مثل خزعل
انجب لك عاررررر همزين شعري استخدام الكم
لا بقه وطبان مشعر بي لا ابو ماشه
دسمع اسمع
كلت شنو هاي النافذه كتله وطبان
النافذه يعني الشباك مووووو
گبل شال الورقه وعقجتهه وضمهه وره ظهره
كتله بروح الغالين جاوب قصدك شباك
كال انجب واسكت
حلفتك
اي شببباك اللصم يلله
كتله ليش تجذب ياشباك وين الشباك الموجود دخيلك لتصير شاعر
المهم بقيت اللوب جان ينسه الورقه
اللصم ارررقم راح اكوملك والله
گبل طلع الورقه من جيبه ارقم كام وطبان عليه راد ياخذهه منه شمرهه عليه
اقريهه بروح ابوج
اجه عليه وطبان راد يجرهه كبل خليتهه جوه مقعدي وكعدت عليهه
ارررررقم بسيطه ارقم
ميسم-بقيت مجلبه بالورقه الحد ما كمت اسويلهم ريوك نسيت واخذتهه للمطبخ بدون ميحس عليه
جانت الورقه معقجه كلش
جنت مبتسمه واقره بيهه
اجلس امام النافذه اشعر بالبرد والاكتئاب وعدم الرغبه بالبقاء
هنا
فجأه تترأس مخيلتي ابتسامتكِ واصر على الاستمرار واحب النجاة
يا من علمتني دروس الحياة
وان اكتشف نفسي من اكون و ان احب الحياة
نزلت دمعتي واني اقراهه
مااحس اله انجرت الورقه مني
ردت اجرهه خلاهه وره ظهره
ليش خليني اقراهه
وطبااااان عليك الله انطينياهه
راد يشكهه عليك الله لاااااا قريتهه كلهه بقه اخر سطر
لتشكهه اريدهه
جرني عليه
كلهه جانت من گلبي وصحيحه ماعدا النافذه جذبت بيهه
ردت ادزهه الج
ليش مدزيتهه لعد
كلت خاف ادزهه وانتِ متريدين تكملين حياتج وياي
وتوج استقريتي
اني حياتي بدونك مااريدهه
متأكده حتى اذا جان الماضي مالتي مجرم
انتَ كلتهه الماضي واحنه هسه بالحاضر
ورب العالمين غفور رحيم
شبكته وجريت الورقه من ايده واني شابكته رفعتهه اكمل قرايتهه
يا من علمتني دروس الحياة
وان اكتشف نفسي من اكون و ان احب الحياة
يا وردتي يا امي وابي وكل عائلتي
اكتب اليكِ هذا المرسال لأبلغك اني مازلت اقاوم
كل العثرات
اتألم كثيراً لكنِ متشوقاً للنهايه
من اجل ان اعيش بسلام
ومن يومهه وشفت وطبان ثاني
التزم بصلاته وصيامه ويقره قرآن
صار انسان ثاني غير الانسان الي شفته اول مره
صار كل همه احنه عائلته
اشتره سياره بالقسط من حاتم وكام يشتغل بيهه تكسي
ومن التكسي يطلع قسط السياره والباقي نعيش بي
مقبل اشتغل بالصالون اعترضت بالبدايه بس قافل جان وكال نسيتي المرض الي صار بيج
مجنت اريد الشغل جنت اريد اساعده بالمصاريف خاصه ذممته ميصرف علينه من فلوسه القديمه
كتله نبدي من جديد منريد حرام يدخل بطونه
مأيست كمت اشتغل بالبيت سويتلي بيج ابيع بي اكل حسب الطلب وهو يوصل الطلبات اذا اكو
ونتساعد اني ويا على مصاريف الحياة
وارقم وخزعل تعلموا الحلاقه وفتحوا محل بالبتاوين مال حلاقه
وبعدهه خزعل خطب زهراء واتفقوا من تخلص جامعتهه بين ميلمون نفسهم يتزوجون
وسعيد يشتغل ويه ابو بالمعرض مال سيارات وخطب وحده
حسب مكال وطبان بت مرته ال حاتم
صارت بينهم علاقة حب وهم بنيه مؤدبه وتصلي وتصوم
بس يعاني من ابوه يگول يوميه يعيد امك وين وقافل عباله اجذب عليه من اكله مااعرف عنهه شي
يحجيلنه وهو زهكان من ملحة ابوه
صحيح بعده ياخذ مخدرات بس من خطب شويه شويه كام يعوفهن
صادف رمضان وجنه عازمين الكل ببيتنا
اجه الظهريه وطبان جايب المسواك لان طالع من السته للشغل
اول ما سمعت الباب رحت استقبله مثل كل يوم
اول مشافتنه امنيه كبل اجتي عليه تركض تدفع بيه متخليني ابوسه
شبكته من رجله ذب العلاليك وشالهه
ميسم- ضحكت وباوعت على وطبان گبل كال
بنيتي الجبيره تغارررر
ليش اغار
والله تغارين
باباتووو ليش متخليني ابوسهه مو خطيه
لااا مو ختيه ختولي
اكو وحده تكول على امهه ختولي
ميسم-اشووو ابوسه ام اللسان اول ما بسته جرت شعري
وكامت تصررخ
جنت اريد استفزهه تتخبل من تشوفه يشبكني گبل تدحس روحه بحضنه وتجر وجهه
دار عليه وهو يضحك
اكول عيني العدد زاد
ليش
حسبي حساب اخت سعيد وزوجهه
لان خابرت سعيد كال عازمهم كتله جيبهم هنا ملمومين كلنه ونتونس
صدك هي شخبارهه مسألته
يكول احسن من قبل بهواي
وابوهه شلونهه ويا
والله يگول سعيد يروحلهه دائماً هو المهم
جبت عصاير للفطور خليهن بالثلاجه
مو تنسيهن ديررردبالج
خل اصلي واناملي شويه قبل ليجون
توضه وطلع اباوع عليه من يصلي
احس نفسي مالكه الدنيا كلهه
ويوميه ادعي كون يبقه هيج ماشي على الطريق الصحيح وميميل كلبه للطريق الغلط
وكالعاده من تشوفه امنيه يصيلي تلبس عبايتهه وتفرش سجادتهه الصغيره وتصلي
وتحير شتسوي اخر شي سجد وهي صعدت على ظهرة
امنيه عوفي بابا يصلي
جان باخر ركعه سلم وجرهه
شو شو تعالي كعدي كبالي
شوكت تعقلين انتِ
باسته بخده
التمينه بيومهه على سفرة الفطور
ضحكه وسالفه ولمه حلوه
طلعوا من يمنه الساعه بالوحده بليل وكعدت الملم بالمطبخ والبيت صارت ال٢وردت ابلش بالسحور
جنت انكع بالتمن شبكني من وره وطبان وباسني بخدي
تعرفين شوكت عرفت الله يحبني
ابتسمت وكتله شوكت
من رزقني بيج
انتِ الي خليتيني اعرف اني محظوظ بالدنيا
تره المره الصالحه رزق وانتِ رزقي
يانعمتي الي احمد الله عليهه
الكل تغير وبده حياته من جديد والكل تعلم من تجاربه واخذ درس
من الخسارات الي صارت ويا
رغم كلشي تمسكنا بمغفرة رب العالمين
وباب رب العالمين مفتوح للي يتوب من گلبه
مااعرف اذا غفر الهم او لا كل الي اعرفه همه سعوا للتوبه من كل وكلبهم وبدوا بنيه صافيه وانفتحت بوجوهم ابواب الخير وبدت تنعدل حياتهم
لا تيأس من رحمة رب العالمين
فقط اسعى للتوبه بنيه صادقه لعل الله يغفر لكم
...................النهايه .................
والهنا ونودع الازقه ونعوفهم يكملون حياتهم بعيد عن كامرتنا
بس قبل لنسد الكامرا عليهم ونلم چوالاتنه ونعوفهم اتمنى تستفادون من تجاربهم
وتخلون شي ببالكم ان العائله اهم شي
هي اساس التكوين
والمرأه اساس العائله والمجتمع
وشكراً لكم جميعاً على صبركم وتفاعلكم وتشجيعكم ودعمكم ألي
والهنا واني خلص الحبر وشمرت القلم
وسحبت قوايا تابعوا حسابي ليصلكم جديدي
اتركم في أمان الله وحفظه
زينب العبودي