بقلمي دينا الربيعي ♥
♡♡♡♡♡
فاطمة
حالي بعد غيباك ڪ ضربة على رأسي
جعلتني أشعر بك وبقلي الذي كاد يموت
عشقآ مغرمآ متيمآ بجمال روحك بصوتك
الذي أعتدت عليه حين تقول لي كلامآ
يجعلني أتحطم أعترف أنك مغرور و لكن
قلبي تعلق بك ووقعت في حبالك الذي
تخنقني أصبحت روحي لا تقدر على فراقك
أرجع لي يا حبيبي وانا سأعترف لك بأنني
حقآ أحببتك♥
♡♡♡♡♡♡♡ بقلمي
ياسر
كنت أختنق عند قربك ولا أحب تواجدك
لا اعرف متى وكيف عيناي تفتحت وقلبي
تزداد دقاته شوقآ لرؤيتك أنت سهم أصيب
عيني الذي كادت تنعمي عند رؤيت جمال وجهك
وقلبي أصيب ثانيتآ حين لمست شفافي شفاهك
أول مرة أسكر في أمرة وأول مرة دقات قلبي تألمني
وأول مرة لأ اريد بعدي عنك هل هذا كفاية عن ماشعر به تجاهك ♥
♡♡♡♡ بقلمي
فاطمة، انزل على بايات الدرج ولازمه المحجر جسمي كله يرجف وخرت شعري احس بدوخه ممتوازنه الدموع تنزل مني ليش هيج ماقاومته ليش مادافعت
عن نفسي شلون هيج جان مسيطر عليه وماقاومته ليييش ليييش غبيه بسرعه دخلت للغرفه وسديت الباب لگيت زينب داخله بالكنتور من شافتني دارت عليه وتضحك گالت
زينب، لج هلاااو هلاووو عيني سمعتي ياسر خطبج من امي وخالد قبل شويه هههههه الف مبروك عمرري
فاطمه، اباوع عليها ولااكو تعبير ولا انطيت اي رده فعل جاي اگللها ماريدة تذكرت تهديدة الي وشنو
يگللهم عليه بسرعه سحبت نفسي وبطلت شافتني ارجف تقربت مني وگالت.
زينب، حبيبتي شبيج شنو بردانه ترى الجو طبيعي موباردة حلو ووجهج اصفر شبيج فاطمه.
فاطمة، لا عمري مابيه شي بس دخت لان اليوم هواي تعبنه وتعرفين گاعدين من الصبح هسه بس اخذ حمام واطلع ارتاح شويه لتخافين عليه انت ههه.
بعدنه نحجي دخلت ماسه وبيدها جود گالت وهيه تحاول تتنفس
ماسه، شنو وين رحتن بنات يله خفن اديجن العالم تعشت فرشن بنات راح يصعدون هنا ينامون يله يله حته ننزل نغسل مواعين
زينب، ليش مو سفري العشه مواعين شنو بعد هههه
ماسه، ي اكيد اكو مواعين قابل كله سفري موهوااي لتخافن يله بدلن وفرشن للعالم ونزلن تعشن ونخلص شغله فاطمه خلي جود يمج بين مابدل گلبيتي تبللت من بطني
فاطمه، ماشي عمري روحي احنه نازلين وراج اخذت منشفه وتراكسود من الشتريناهم من المول اول مره البسه تراك هنا زينب وماسه اصرن البسه تغير ومحد بس بنات اخذت اثنين
واحد لون رصاصي البجامه طويله وبدي قصير هم رصاصي وبي ميكي ماوس اسود واحمر يجنن والثاني سمائي مشجر واثنينهم اردانهم نص اخذت الرصاصي
ودخلت لاحمام جود عفته يم زينب گالت نعسان انيمه بين مطلعين
سبحت وكملت لبست التراك يجنن عليه بس خجلانه لان حسيته برز جسمي هوواي احس نفسي تقيدت گلت اشوف زينب اذا نفس نضري اغيره ما ابقه بي
لفيت شعري بالمنشفه وطلعت اول مادخلت للغرفه گالت
زينب، ياااي يجنن عليج مو گتلج يلوگلج شوفي شلون مرتب جسمج ولج فاطمه جنت هامله نفسج بالقياس الجبير والله
فاطمة، ماعرف ماحبيته حسيته مضايقني
زينب، ي طبعآ تحسين هيج لان اول مره تلبسين قياسج متعلمه على القياس الجبير بس لازم تتعودين حبيبتي هذا ارتبلج والله يجنن عليج
فاطمه، شبه اقتنعت بكلامها رحت مشطت شعري رفعته كعكه وفرشنه نزلنه النسوان صعدو گرايلهم نسوان كبار وياهم بنات لان طريق طويل صعدوا تعبانين
واحنه بلشنه بالتنظيف جوه
وماسه ماشفتها بعد هههه لان بطنها واصله الخشمها خطيه تعبت هواي بقينه اني وزينب كملنه وصعدنه نمنه تقيدت شويه من النسوان بس من التعب ذبينه نفسنه ونمنه
فزيت على ادين صغار لگيت جود يم راسي يگعد بيه عمري ذابته ماسه يمي ورايحه والنسوان ماكو وزينب نايمه الساعه بالسبعه ونص تذكرت خالد يودينه للصالون بثمانيه طفرت گعدتها
زينب، اوووف والله بعدني تعبانه ونعسانه خلي نروح بالتسعه شنو يعني
فاطمه، ولج گومي يروح سراج والله يخلنج للعصر ترة
زينب، اووف گمت لملمت شعري واخذت ملابس ودخلت للحمام سريع وطلعت اني بليل سبحت بس احس شعري السبري بي بعده
طلعت ونزلنه جوه صبحنه على الخطار وتريگنه على السريع وطلعنه
جان خالد بالباب بس يمه ناس اجه يمنه وگال روحوا بسياره ياسر منتضركم بسرعه يله منا عالم
فاطمة، رحنه صعدنه اليوم گلت البس صايه وشال احسن من البارحه واليوم فستاني لون ماروني من الردن والصدر تول وفوگ الركبه وياها حذاء اسود عالي
گلت الصايه احسن الي من العبايه سلمت زينب واني سويت نفسي ملتهيه بالصايه واعدل بالشال ماخليت عيني بعينه
صدفه رفعت وجهي عيونه مشخصها عليه وعاگد حاجبه توتر ولا عبالك البارحه حابسني بغرفته شنو هذا الغرور احجي بيني وبين نفسي
درت وجهي للصفحه الثانيه گال الزينب
ياسر، عمري زنوبه بيش ساعه تخلصون حته ارجع عليكم
زينب، مثل البارحه بالاربعه ونص خلصنه
ياسر، تمام ع موعد يمكم اني
فاطمه، جنت اباوع من الجامه من حجه رجعت باوعت عليه وگال
ياسر، لفن نفسجن زين مو مثل البارحه مكشفات اوووك
فاطمه، ولا حجيت وياااا ابد ماعرف ليش متنرفزه منه جذبتني رگبته من وره مزين زيان يختلف عن قبل كله مخففه ومعلي شعره ليفوگ طريقه جديده
بس لايگتله ومحليته اكثر رگبته محددها بطريقه تجنن وفوگ اذنه شامه رفعت عيني بالمرايه لگيته يباوع عليه ابتسم وغمز حسيت حراره طلعت من عيوني كشفني صارلي ساعه افصل بي تفصل
راحت الهيبه واني صارلي ساعه اكابر ومسويه نفسي مو شايفته وصلنه بسرعه فتحت الباب وطفرت لان سيارته عاليه گال
ياسر، على كيفج لا تنكسرين وراج ردح مثل البارحه
فاطمة، زينب تضحك واني حسيت الگاع تفتر بيه شلون شافني هذا بسرعه طبيت وفاطمه وراي رحنه الغرفه التبديل بدلنه وبلشوا بزينب وهيه كل متباوع عليه تضحك
صاحتني اصبغ اظافرها وگالت
زينب، شنو رأيج بياسر فاطمه اشو احسج موراضيه
فاطمة، ي الصراحه اني مامتقبله الموضوع لان احسه مو ملكي
زينب، حبيبتي شلون مو ملكج منو بحياته هو حته هيج تفكرين
فاطمة، احس خيانه المرته شنو بهاي السرعه نساها وراح يتزوج ولا كان جان متزوج وعشره عمر بسرعه ينساها.
زينب، فاطمه لتخشمين نفسج اصلآ ريام الله يرحمها جانت بعدها عايشه وتلح عليج تتزوجين ياسر وبنفسج گلتي بيوم وفاتها الله يرحمها طالبه منج تقبلين بي بعد شكو ليش تسوين هيج
فاطمه، صعبه صعبه اني وياسر وخاصتآ اخر فتره هواي حجه عليه وغثني ما عرف احسه ثگيل موگادره اتقبله كزوج الي لتزعلين مني بس ابدآ ماحابته
زينب، هممممم بس عيونج تلمع واحنه نعرف ترى اني وماسه البارحه جنتي يم ياسر هاااااا هههههههه
فاطمه، ش شنوو منو گلج لا لااا ما جنت يمه بس هيه خاله گلتلي صعدي الجنط فوگ وصعدتها ونزلت ماشفته
زينب، اوك اوك لتتوترين حبيبتي خلص براحتج ههههههه
فاطمه، خلصتها واحاول ابعد انضارها عني ضحكها ينرفزني واني الصراحه ماعرف شبيه شعور متناقض ماعرف شنو اريد مو فاهمه نفسي
خلصو فاطمه وطلعت بعد قاطاااات احلى من البارحه ومكياجها يجنن واني لبست فستاني وطلبت نفس البنيه المكيجتني البارحه اليوم هم
مكيجتني بالون الذهبي يجنن عليه اخف بس احلى والحمره ماروني خلصنه وطلعنه نفس الموعد بس مجاي ياسر بس خالد
رجعنه للبيت وصلنه بالباب جاي انزل وكومه ناس بالباب وشباب ضليت اباوع من طفرت انلوت رجلي همزين ماوگعت شفت ياسر اجه بتجاهي وكله غضب گال
ياسر، ماگدرت اروح بقيت يم العالم غده وجاي التهينه خالد گال ابقه انته ظيفهم واني طالع اجيبهم اجتي سيارتهم واني اوزع للشباب والزلم الكبار وشفتها نزلت
وخالد ينزل بزينب كلشي مامبين منها بس الغضب هاي شالها راجع ومكياجها قوي
الدنيا كلها صارت عيونهم عليها لوما عيب جان رگعت راس براس رحت وگفت مقابيلها نوب عثرت وصلت يمها سحبت الشال من راسها واني عاصر اديها حيل گتلها
ياسر، جاي تشوفين امه محمد كلها بالباب ترفعين راسج للعالم ليييييش جان وگعتي علي وجهج شنو جابرج تباوعيييين
خالد، مو وكتك هسه فوتها جوه يله
فاطمه، توترت وخفت حيل حته خالد ضاج والله ماجنت متقصده اباوع للعالم ابدد بس لمن جاي انزل رفعت راسي
طبيت واني اديه توجعني من گد مضاغط عليها دموع بطرف عيني دخلوا زينب جوه الهلاهل والهوسه الصارت ماكو يمكن اقل الساعه واجوي عيالها
بس ادور على ماسه ماكو صعدت فوگ لگيتها بغرفتها وعيونها حمرررر مبينه باجيه بس من شافتني راحت خلت مكياج لعيونها تحاول تبين طبيعيه گتلها
فاطمه، ماسه حبيبتي شبيج شبيها عيونج حمر شنو ليش باجيه
ماسه، عمري اكيد ابجي على زينب بس ماردت ابجي گدامها ههه يله ننزل
فاطمه، اخذت جود بعد ما عدلت نفسي وماسه باستني وتمدح بشكلي بست جودي ونزلنه
اخذنه صور ويه زينب وهاي الثانيه گامت تبجي ماخلينها تبجي خفنه على مكياجها شويه ودخل زوجها هم اخذنالهم صور وهوسوا وگالو يله نطلع
كلنه حضرنه نفسنه وخاله ويانه تبجي بسكوت عليها خالد دخل للمطبخ صاح علينه طلعنه والناس كلها طلعت وزينب اخذها زوجها وطلعوا
وصلت يم ياسر عينه عليه ويأشري ادنگ راسي سويت نفسي ماشفته لسه ايدي توجعني من لزمته الي تقرب يمي وماعرف شنو حجه ويه خالد گلي خالد وهو يحجي همس وياي
خالد، فاطمه الناس تدري بيج خطيبه ياسر عيب منهم روحي ويا بسيارته بنيتي صعدي ويا ماشي
فاطمه، بسرعه گتله لا ماريد بطلت ماروح گالت خاله
ام خالد، مايصير بتي خالد يبقه هنا حته ماسه وياج يعني مو وحدج
فاطمه، اطمنت من سمعت ماسه وياي رحنه وفتحلي الباب يمه صعدت وماسه ورى وجود يمها بس ماعرف شبيها احسها مو طبيعيه حيل ضايجه وعيونها حمر
وصلنه ياسر وگال بس ادگ عليج اطلعون انتوا وامي ماشي
هزيت راسي ونزلنه بقه جود يمه
دخلنه والدگ والرگص هواي ناس يمهم جتي مره گعدت يم خاله وگلتلها خاله العريس وسألت عليه
بلا زحمه بس هاي بتج مخطوبه متزوجه ههه
خالة، هاي جنتي وهاي اختها خطيبه ابني
يااا والله عبالي مامتزوجه لان شفت اديها حته حلقه مالابسه المهم اجيت اخطبها الأبني بس طلعت مخطوبه الله يوفقكم حبيبتي
فاطمة، ابتسمت بوجها وخاله تشكرت منها رجعت گلتلي
ادعيلي اشوف الأبني بنيه حلوة وتجذب مثلج
فاطمة، ان شاء الله تلگون ههه
راحت وخاله تهز بديها واحنه نضحك صعدت زينب وصعدنه وياها بستها وهيه تنزل دموعها
زينب، ديروا بالكم على امي ماسه وفاطمه بعد هيه امكم داروها ابدالي فاطمه اريد اسمع الخبر الحلو انت وياسر وتفرحون گلبنه ياسر يساهل وانت هم تستاهلي
صدگيني راح تحبي وعد راح تجين وتگليلي اموت عليه هههه
ضحكنه عليها وماسه انطتها گلاده ذهب لبستها الها اني جنت مشتريه الها عطر يجنن ماركه اشتريته الها من رحنه للمول بس ماگتلها الج خليته الها مفاجئه تشكرت
منه وزفوا زوجها وطلعنه دگ ياسر ماعرف منو منطي رقمي فتحت خط ويحجي بعصبيه
ياسر، يله وصلت بالببببببببباب طلعووووو بسررررعه
فاطمه، تمام تمام طالعين گتلهم ونزلنه سلمنه وطلعنه وخاله تبجي وياسر ضاااااايج ماسأل ولا حجه صعب الولد يتقبل بالبدايه زواج اخته ماعرف ليش تذكرت اخواني وبجيت بخنگه
وماسه ماعرف شبيها وصلنه للبيت اول مادخلنه ذبت جود بالگاع وصعدت تركض تفاجئت من تصرفها گام يبجي جود وخاله وياسر گاعدين بالصاله واني اريد ابدل گال ياسر جيبي
ياسر، حبيب عمو ليش تبجي منو ياك هاااا شتريد گلي
فاطمه، بعدني اريد اصعد واسمع صوت ماسه تعيط وصوت تكسير
صعدنه كلنه نركض ونشوف ماسه تعيط وخالد يحاول يهديها بس بنفس الاعصاب گلتله
ماسه، ولك خالد هاي الفتره كلها وهيه بعدها على ذمتك واني الغبيه عبالي من طلعتي من البيت طلگتهاااااا خاااالد هيج تسووووي بيه هيييييبج هنت عليييبك هيج متگدر تعووووفهااااا
خالد، ولج وين تروح وييييين اخوها كل شهر يريد يرجع وتطلعله شغله صفحححح ويمنعوواا لارايح يمها ولا شايفهاااا مو گاعد يمكم شفتيني بقيت بره بتت بره البيتت لتخبلييييني مااااسه
ماسه، يمه شلون بيه وين اررروح منك خااالد وييين تدزلي رساله وتگلي مثل ماهو رجلج هم رجلي منين جابت رقمي يعنيييي منييين تريد يمهاااا تريدك الهااااا وتگلي ماشايفها خااالد
هسه نلملم غراضنه ونروح البيت عمي يله فااااطمه حركي نفسييج يلللله نروووح
ام خالد، يمه سمي بسم الله وين رايحه الاربيل بالليل هذا بنيتي شيوديج وعمج منو يگول يستقبلجن بتي وبطنج وابنج وين رايحه گعدو نحلها بهداوه
ماسه، يمه الله يخليج اذا تحبيني ودورين راحتي عوفينييييي عوووووفونننننني مااااريدك مااااااريدك طلگني طلگنيي سمعت
لملمت ملابسي. وملابس جود حلفت هاي المره منبقه فاطمه تبجي صرخت بيها تروح تجيب غراضها ونطلع بس الصدمني مامنعني گال الياسر
خالد، ياسر گوم وديها البيت عمها وگله اجازه كم يوم ونجي ناخذهن اوك
ياسر، خالد صدگ تحجي وين نووووديهن العمهنن العااااااار لك هذا عمممم هذاااا مايدري بت اخو مزوجه لاااااا اطهاااا بكم فلس ميرحن هناااااك
فاطمه، صاروا اعصاب رجع خالد گله بنفس الصياح
خالد، گتلكككككك وديهن گله اجااااازه ميگدر يأذيهن يخااااااف منييييي ميسويلهنننننن شي يله ياااااسر وديها خلي تروح يمممم عمهااااا ترتااااح سبوع واحد ماااااسه سبوع وتلگيني فوگ راسج غصب عنج ارجعج للبيت
ماسه، تحلمممممممم تحلمممممممممم
طلعنه وياسر يدردم وخالد هم اخذ الجنط وصعدنه شغل السياره ودنيا ليل كل سرعته ماعرف شگد مشينه راسي موتني والدموع اثنينه نبجي وياسر يشرب جگارة وره الخ گال بصوت تعبان وعينه علينه اثنينه
ياسر، ام جود ماگدر اوديجن العمجن ماگدر رجال ما أمن بي بس احنه عدنه شقه هنا مأجريها جماعتي راح اخذ المفتاح منهم ونگعد بيها بين مانلگي حل
ماسه، هزيت راسي گتله ماشي المهم خالد ميعرف بيه اني هناا
ياسر، لا لازم يعرف اگله دنيا ليل وماسه تعبت ماوديتهم بس ماگله مكانكم لتخافين
ماسه، زين منو يبقه يمنه
ياسر، اني ابقه يمكم ماعوفكم وحدكم اكيدد
يتبع،،،،،
قراءة ممتعة للجميع ♥♥
واشكر كل حبيباتي وخواتي الي دخلولي بالانستا وتابعوني ما انسه مجهودكم وياي عمري انتوااا
والي ممشتركه تروح تشترك بالانستا هذا حسابي
ddd_99_w