°°°°°°°°°°
Kinagabihan nga
Matapos makapaghapunan ang lahat, ay agad nilang pinapasok sa kwarto ang mga bata, kababaihan na hindi marunong lumaban at mga matatanda
Napansin ng mga iyon ang malaking bintana ng kwarto na may mga nakausling sibat na gawa sa mga bagakay na kawayan at mga patibong
Habang nandoon naman sa kusina nagbabantay ang ilan sa mga sakristan, si Father Jose, Bryan, Jade at Ivan
Sa sala naman nakatambay sina Yuri kasama ang mga kaibigan niya, doon sila malapit sa pintuan ng kwarto nakapwesto
Habang sa may bandang pintuan naman ng kombento ay nandoon sina Khael, Blaze, Kevin, Father Ramon, Alex, Jennica at JC
Habang ang isa pang batang Pari na si Father Carlos ay nasa loob ng malaking silid kasama ang tatlong Madre at ang mga taga Baryo
Nagdarasal silang apat ng tahimik para sa kaligtasan nila ng gabing iyon at sa susunod pang mga araw
Ilang oras pa ang nakalipas ay tahimik lang sila na nakikiramdam, sinisipat sipat nilang maigi ang bawat kapaligiran
Hanggang sa pumatak ang alas onse ng gabi,
Nakakadinig na sila ng mga pag angil at higit sa lahat ay dama na nila ang pwersa ng kadiliman sa buong paligid
"Nandito na sina Apollo at Mark,"anas ni Yuri sa kanila,"Maghanda at mag iingat kayo, tayong lahat,"paalala niya
Naghanda na din ang mga nakapwesto sa kusina, sa sala at higit sa lahat ang mga nasa malapit sa bintana at pintuang malaki ng kombento
Nakakadinig na din sila ng mga angil ng mga aswang na paikot ikot sa kombento
Sumilip ang ilan sa kanila sa mga siwang ng bintana o sa mga butas na maliliit
"Maraming aswang ang umaali aligid sa buong kombento,"ani ni Ivan ng makita nito ang labas ng kombento
Hindi pa sila nakakatugon sa sinabi ni Ivan ay nakadinig na agad sila ng malakas na pagbagsak sa bubungan at mga pagbangga sa pintuan ng kombento at maging sa simbahan ay dinig nila na pinipilit na iyong sirain ng mga aswang
Ilang sandali pa ang nakakaraan ay nadinig na nila ang mga sigawan at hiyawan ng mga aswang na nasa bubungan ng kombento, dahil naapakan ng mga ito ang mga asin at kalamansi na ikinalat nila Khael ng hapong iyon
Napatingala pa sila sa bubungan ng makadinig ng kalabugan dahil nga nag bagsakang mga katawan ng aswang sa lupa
Bago pa sila makakilos ay nakadinig na naman sila ng mga hiyawan at sigawan sa bawat bintana na nilagyan nila ng mga pinatulis na bagakay, agad naman namatay ang mga aswang na natusok ng kawayan kaya halos nabawasan na din ang mga kalaban na nasa labas
Halos sunod sunod na nakakadinig sila ng mga sigawan at hiyawan ng mga aswang na tila nasasaktan at nasusunog ng kanilang mga paa
Dahil ang ibang aswang ay naapakan nila ang mga sinunog na dahon ng makabuhay at makahiya na kinalat nila sa lupa, umuusok ang mga paa nila at unti unti din iyong umaakyat sa katawan nila hanggang sa matupok ang mga aswang at naging abo na humalo sa makahiya at makabuhay na nasa lupa
Dahil ng maapakan nila ang mga iyon ay natumba sila at napahiga sa lupa kaya nahigaan nila ang mga abo ng sinunog na makahiya at makabuhay kaya namatay ang mga iyon
"Ang iba ay umaatras na papalayo,"pagbabalita ni Blaze ng sumilip ito sa siwang ng bintana na nasa harapan nito,"Marami na ang namatay sa nga ginawa nating patibong at panlaban sa kanila,"
"Mabuti naman kung ganoon,"tugon nila na nakahinga ng maluwag
Nanahimik silang bigla ng makadinig na naman sila ng mga ungol, pag angil at mga alulong kaya ang mga bata at matatanda ay napasiksik sa isat isa habang nakaupo at nakikiramdam sa kapaligiran
Ilang sandali pa ang lumipas matapos ang mahabang pag alulong ng mga aswang ay biglang naging napakatahimik na ang pumalit sa mga ingay ng mga aswang
Kaya nagkatinginan silang lahat at tila kinakabahan dahil sa biglang pagtahimik ng kapaligiran
"Wala na sila,"ani ni Khael,"Mukhang umalis na sila," sumilip din ang ilan para makita kung wala naba talaga ang mga aswang
"Magpahinga na tayo,"yaya ni Father Ramon,"Wala na ang mga aswang,"
Kaya nakahinga na sila ng mas maluwag ng wala na silang masipat na mga aswang
Kaya silang lahat naman ay nagsipagtulog na din
.
.
.
.
.
.
.
.
Kinabukasan,
Pagka gising na pagka gising ng magkakaibigan ay kaagad silang lumabas para tignan ang buong kapaligiran ng kombento maging ang bubungan
Nanlaki ang kanilang mga mata dahil sa mga nakita nila
Nagkalat sa buong kapaligiran paikot sa kombento at simbahan ang mga bangkay ng mga aswang na nahulog sa kanilang patibong
Ang ilan ay nakatusok pa sa mga buho, may mga patay din na nakahiga sa lupa na galing sa bubungan na nagsipaghulog
Madami ding mga patay na mga aswang sa bubungan at halos wala ng espasyo para sa karagdagang bangkay ng mga aswang para sa kinagabihan
"May pitong patay na aswang sa bubungan ng simbahan,"ani ni Khael ng makaakyat sa bubungan ng kombento,"Tapos mga kinse naman po ang nandito sa bubungan ng kombento, Father,"
"Hindi na din iyan masama,"ani ni Nena,"Atleast nabawasan sila ng bilang diba?,"
"Tama ka, Nena,"pagsang ayon ni Aira,"Tapos nasa beinte naman ang mga patay dito maliban pa iyong mga nasunog dahil sa mga dahon ng makabuhay at makahiya,"
Napabuga nalang ng hininga si Yuri, alam niya umpisa pa lang iyon ng paghihiganti at paghahasik ng kasamaan nila Mark at Apollo, kasama ang ninuno nitong si Cain at ang Pitong Prinsipe ng impyerno
"Mayroon pa pong sampu,"turo naman ni Shane,"Tig dalawa po sa bawat bintana at may iba pa po na tatlo, kaya sampu po silang lahat,"
"Ipunin ninyo ang lahat ng mga bangkay ng mga aswang,"ani ni Father Jose,"Kailangan na sunugin natin ang mga iyan at baka balikan pa ng mga kasamahan nila at buhayin muli,"
"Walang imposible sa demonyo,"bulong ni Yuri na nakatingin sa puno ng bulak na nasa di kalayuan
Nakita niya doon si Apollo na kumakaway sa kanya habang nakangisi ng nakakaloko
Nasa tabi din nito si Cain, pero hindi kasama ng mga iyon si Mark at ang demonyo
"Bilisan na natin,"ani ni Yuri,"May lakad pa tayo, pupuntahan natin ang kabilang bahagi ng Sitio Maligaya bago ang buong Baryo Masapa,"
Tumango naman ang mga makakasa niya kaya binilisan na nilanh ipunin at sunugin ang lahat ng bangkay ng mga aswang na namatay
.
.
.
.
.
.
.
.
Itutuloy