بسم الله الرحمن الرحيم
"اقْرَأْ بِاسْمِ رَبِّكَ الَّذِي خَلَقَ (1)خَلَقَ الْإِنسَانَ مِنْ عَلَقٍ (2)اقْرَأْ وَرَبُّكَ الْأَكْرَمُ (3)الَّذِي عَلَّمَ بِالْقَلَمِ (4)عَلَّمَ الْإِنسَانَ مَا لَمْ يَعْلَمْ (5)" صدق الله العظيم
اللهم صل وسلم على نبينا محمد وعلى آله وصحبه أجمعين وسلم تسليما كثيرا إلى يوم الدين
كل سنة وانتم طيبين وبصحة وسلامة ويتعاد عليكم بخير، مناسبة العيد وتوديع شهر البركات شهر رمضان، أحب أقول لكل الناس كل عيد وانتم بخير ويجعل حياتنا كلها أفراح
لقد ضاق الدرب كثيرًا , ويكادُ
لايكفي لمرور تنهيدة…؟!💭🤍"
في يوم عندما تنظر إلى ماضيك ، سترى أن السنين الصعبة هي الأجمل…؟!💭🤍"
رفيف. ... نادر ! حمدلله على السلامه
نادر..... الله يسلمك، قومي كدا فوقي ايه الدموع دي كلها؟ فيه حد مزعلك؟
رفيف.... ايوة..
نادر.... مين؟ قوليلي مين مزعلك وليه؟
رفيف.... ماما
نادر.... بصدمة.... مالها ماما؟ زعلتك في ايه؟
نفت رفيف برأسها مايدور في عقل زوجها.... لأ انت فهمت قصدي غلط يانادر، انا اقصد مامتي انا وحشتني اوي
تنهد نادر..... أنا مش عارف أقولك ايه؟ بس انتي محكتيليش كل حاجة ومقلتليش سبب صريح لخروجك من الدار؟ مش فاهم يعني السبب اللي خلاكي تمشي وتسيبي المكان في اليوم ده؟
تنهدت بأسي.... نصيب او تقدر تقول ق.. قدر، سيبك انت فطرت فين؟
تحدث وهو يغير ملابسه.... فطرت في الشركة متقلقيش، قوليلي اخدتي اجازة العيد؟
لم ترد عليه ولم يسمع لها إجابة.... رفيف !
رفيف.... بإنتباه.... معلش يانادر، انا فعلا مش في الموود النهاردة
نظر لها ولاحظ سكون عينيها وغموضها.... هو احنا بقالنا اد ايه متجوزين؟
نظرت له بتعجب.... 5 سنين ليه؟
نادر.... عادي، حبيت أقولك كل سنة وانتي طيبة يا حبيبتي، إنتي فكراني ناسي؟ بعد بكرا عيد جوازنا
نظرت له لوهلة.... كل سنة وانت طيب يا حبيبي
نادر.... الكلام ناشف كدا ليه؟ هو احنا هنعايد بعض كدا دا احنا هنتم السنة الخامسة وبعدها نمشي في 6 سنين
نظرت له بخبث.... ونمشي في 6 سنين ليه؟ هو احنا لسه في أيام الفراعنه؟ دا ايام الفراعنه مكنوش بيمشو في 6 سنين
نادر.... بغيظ... بت احنا بدأنا إفيهات ملهاش ريحة المعنى؟ بت ايه والله البت مني جدعه انها بتقولك جعفر تافهه
نظرت له لوهله وهي تلوك فمها كأنها تأكل شيئا ثم رفعت حاجبها بإستنكار
استدارت وتركته ودخلت الحمام سريعا حتى لاتفجر فيه جم غيظها
أما هو فبمجرد دخولها الحمام زفر نادر بخوف وخيبة أمل ناحيتها
نادر..... اهو دا بقي اللي مش عارفله تفسير، بقالنا 5 سنين متجوزين لاحبيتك ولاعارف احبك انا مش عارف بابا صلاح قرر يتبناكي رياضيا عشان كدا جوزك ليا عشان خاطر تفضلي جنبه انا مابقتش فاهم انا هفضل ضحية العيلة دي كتيير ؟نفسي بقا اخلص من الكابوس اللي اسمها رفيف دي، ياريتها حتى أنثى لكنها أنثى بالاسم إنما الشكل والهوية تتعامل كإنها أخويا الصغير
نادر.... عايز اخلص من الكابوس وافوق لحياتي انا عايز اعيش زي إخواتي حب وابقى اب، وايه المشكلة انا بقى هعمل اللي المفروض أعمله لنفسي وساعتها هقدر اخلص منها واطلعها من حياتي للأبد انشاءالله.
أخرج هاتفه وأخرج رقما وقام بالاتصال عليه...... ألو، رانيا لازم نواجه الكل، جه وقت المواجهه
....................
كان الجميع يجلسون جلسه مليئة بالألفه والمرح وتبادل الحكايات والمواقف بل والإفيهات أيضا
تكلمت الجدة بحب.... سفرة دايمة يأم قاسم وعيد سعيد عليكم ياولاد ربنا يحققلكم كل أمانيكم يارب
دينا.... وانتي طيبة يا تيتة، ياقلبي انتي
سارة.... كل سنة وانتي طيبة يا ماما وتنعاد عليكي الايام بخير انشاء الله، والوقفه الجاية تبقى على جبل عرفات
رفعت الجدة يدها للسماء بترجي.... يارب يابنتي، يارب الأوان يحين بقا، الواحد نفسه يتولد من جديد عشان يعرف يقابل وجه كريم
الأب.... انشاء الله يأمي، حلمك هيتحقق، انا هقدملك السنادي، إنشاء الله هتتقبلي السنادي
الجدة.... ربنا يخليكوا ليا ياولاد ويباركلكم في عيالكم
أمال فين الواد قاسم، فطرنا واختفي
ردت مريم وهي تنفخ أظافرها وتطليها..... دخل اوضته ياتيته، تلاقيه بيعمل حاجة عبيطة زيه
رفعت سارة حاجبها.... هتجيبيلي الضغط، دي طريقه تتكلمي بيها عن اخوكي؟
مريم.... بمرح.... مالك ياسوسو ؟روقي كدا بكرا العيد، بلاش تضغطي على أعصابك بشرتك تكرمش
كظمت سارة غيظها....
تلقت مريم ضربة في منتصف الهدف نظرت ناحية والدتها بغيظ ولكنها تفاجئت انه والدها..... بصدمة.... انت اتعديت من الست الوالدة ولا ايه؟
الاب... اخرسي ياحيوانة ،قومي شوفي وراكي ايه؟ ياتقعدي بأدبك ياتدخلي اوضتك
قامت مريم متأففه
قامت خلفها تونة معتذرة..... انا رايحة عند أميمة ياماما عايزه حاجة اجبهالك معايا؟
نظرت الام.... بدهشه.... إيه يابت الأدب دا؟ لا شكرا امشي بسرعه لاحسن تتحسدي
نظرت لها بإبتسامة مستفزة وقالت... أنا هتعقد ادلعك مش عاجب اعمل فيها عاقلة مش عاجب
نظرت لها والدتها بحذر.... امشي شوفي رايحة فين والا...
قالت كلماتها واشارت على سلاحها بجانبها، وبلمح البصر كانت عند الباب.... شفتوا هي اللي بتجر شكلي
سارة.... يلا يامهزئة
وتلقت ضربة مدوية قبل خروجها.... شكرا ياست الكل تسلم ايدك
عادت ثانية.... بس عايزة اعرف بتعرفي تصيبي الهدف ازاي؟ ااااه
حلوة دي سلام
تركتهم ورحلت لصديقتها لكي تعايدها ويسهرون سويا
ميرفت... ربنا يديمنا متجمعين، انا همشي بقا ياسارة
سارة... مستعجلة ليه بس ياميرفت؟
ميرفت.... يدوب عندي كذا حاجة هعملها انتي فاهمة بقا
سارة.... ماتتأخريش الصبح عندنا حاجات كتيير هاتعمل
ميرفت.... انشاء الله
....................
الاب..... أنا هنزل اسهر مع اصحابي شوية، عايزين حاجة؟
الجدة.... لأ ياحبيبي تسلم روح
رحل الاب وبقيت الجدة وسارة سويا
بادرت الجدة.... بفضول.... هي ميرفت دي هتفضل لازقالك كدا علطول ؟
سارة.... بتعجب.... كدا علطول ازاي مش فاهمة؟
الجدة.... يعني كل شوية هنا؟ هي ليه مش راضيه تكون أسرة وبيت لحد دلوقتي؟ دي بنتها بقالها 20 سنة مختفيه
سارة... بتأفف.... ايوة يعني هجبرها مثلا؟
الجدةَ..... مقولتش كدا بس يعني عايزاكي تحذري على جوزك، لاحسن في يوم تصحى تلاقيها اخدته منك
سارة.... بصدمة.... إنتي بتقوللي إيه ؟ميرفت مستحيل تعمل كدا؟
الجدة.... بهدوء.... َمستحيل ليه؟ ماسمعتش قبل كدا عن حاجة حصلت زي كدا؟
سارة.... بس مش للدرجادي،، لا انا مستحيل اصدق
الجدة.... أنا بنصحك ياخايبة، عشان تحاجي على جوزك وتبقى عاملة حسابك على يوم زي كدا، بدل ماتتصدمي صدمة عمرك، ماتديش حد اكبر من حجمه
سارة.... بس....
الجدة.... ياحبيبتي انا مش كرهاها والله انا كل الحكاية اني مش مرتاحة لعدم جوازها وخايفه تنصدمي صدمة عمرك، انا بحاول اوعيكي ،ان احنا بقينا في زمن مايعلم بيه الا ربنا سبحانه وتعالى، فخليكي واخدة بالك على جوزك بدل مايضيع منك وساعتها هتعضي صوابعك ندم وتقولي ياريت اللي جرا ماكان، ماتأمنيش لحد اوي ،بدل ماتتوجعي اوي ،فهميني يابنتي؟
سارة... فهمتك
اعتدل في جلسته وهو يحادث احد أصدقائه القدامى الذي تعرف عليه في دبي وكان يعايده
اخذو وقتا سويا بعدها بادر صديقه بالسؤال..... مش ناوي تتزوج يأخي؟
وقتها تلجم لسان قاسم عن الحديث ولم يعرف ماذا يقول؟ فلأحد من أصدقائه يعلم انه تمانع عن الزواج لانه ينتظرها ولاحد يعلم انه يملك حبا بقلبه لفتاة حملها بيده في مهدها ورباها 7 سنوات ووعدها ان تكون له لا لاحد غيره لكن الظروف كانت أقوى من هذا الوعد
قلق صديقه حينما لم يسمع صوته.... قاسم!
قاسم بإنتباه.... نعم!
الصديق.... انت سرحت مني ولا ايه؟
إبتسم قاسم.... ممكن اكلمك بعدين؟
الصديق.... اوكي، see you, soon أراك قريبا
أغلق قاسم الخط معه وسمح لعبراته بالهطول فلابد يوميا ان يسمح العبارات والحزن أيضا، ندما وشوقا
أمسك مشطه ويمشط شعره فإبتسم فجأه لإراديا....
FB
الصغيرة.. بشقاوة.... لأ ياقاسم محدش هيسرحلي شعري غيرك
قاسم.... هو حد قال غير كدا؟
الصغيرة.... اه ،زينه عايزة تسرحلي شعري، خد انت
أمسك مشطها.. تعالي، هعملك احلى تسريحة شعر حتى احلى من البت ندى
الصغيرة.... بسعادة... بجد ؟
إبتسم قاسم بسعادة لسعادتها..... بجد
الصغيرة.... عايزة طلب كمان
قاسم.... أؤمري
الصغيرة.... هتحكيلي حدوته زي كل مرة، بس المرادي مش تضحك عليا وتحمسني ويعدها تقوللي نامي انا مش هنام الا لما اسمع قصة كاملة مفهوم؟
قاسم.... بحب وطاعه.... مفهوم يافندم.
B
فتح أحد الادراج في تسريحة غرفته وأخرج منها أشياءا قديمة، كتب وألبومات
وجلس على سريره وابتسم لمجرد رؤية عنوان القصة "الحب مع سامر وإيما يتخطى حدود الزمان والمكان والعقبات"
فإبتسم لان من أطلقت هذا العنوان هي بيوتي خاصته حينما انتهت من سماعها أطلقت عليها هذا الاسم إنما اسمها الحقيقي "سامر وإيما"
فتحها وتذكر تخطيط تلك الطفلة بالقلم على كل جزء تحبه
قاسم... وحشتيني.... دا العيد العشرين تقريبا اللي بقضيه لوحدي، نفتقدك زي كل مرة بس هعينلك عديتك ياروح قلب قاسم زي مابعمل كل سنة لحد مانتقابل
خرجت من غرفتها متجهه للأسفل فوجدت الجميع يجلسون في الصالون الخاص
إبتسمت بحب واتجهت صوبهم....... يأحلي مسا على احلى تجمع ليلة العيد، كل سنة وانتم طيبين
صلاح.... بسعادة... وانت طيب يأخ رفيف
إبتسمت بحبور على مداعبته هكذا فهو من شجعها على تقمصها دور الرجل اكثر وهو من تبناها رياضيا لرؤية شغفها بالملاكمة ولقد حققت إنجازات كما توقع لها لقد حصلت على العديد من الجوائز مما جعله فخور بها حتى مازاد فخره انها عينت مدرسة خبيرة في إحدى مدارس الملاكمة فى القاهرة .......
ملك..... على فين كدا؟
رفيف.... ابدا، عايزة اتمشى شوية، مخنوقه مش متعودة على اني اقعد كدا؟
ملك.... استنى هغير هدومي ونتمشي سوا
رفيف.... اوكي يلا
رفيف.... بتساؤل.... امال نادر راح فين؟ أنا دخلت الحمام اخد شاور واسترجع مودي خرجت ملقيتوش
صلاح.... يمكن رجع الشركة تاني
رفيف.... شركة ايه يابابا مستحيل، دا قال ان خلاص اخد الاجازة وبعدين بكرا العيد
صلاح.... قلقانة ليه؟ تلاقيه خرج مع أصحابه، هو هيقعدلك في البيت؟
ثم تكلم بخبث ينظر لمنى التي تبادله نفس النظرات..... انت منفعله ليه؟ يكونشي وحشك؟
نظرت بصدمة لهم...... أنا ؟الكلام دا ليا؟
انصدمت من نفسها فهي تعترف انه لايسيطر على هواجسها سواه قاسم تقسم انها رغم كراهيتها الكبيرة التي تكنها له واتهامها له انه السبب فيما الت اليها حياتها لكن تعترف ان لاحد يسيطر على مشاعرها وهواجسها سواه اذن من نادر من قلبها؟ لامكان لاحد بقلبها سوي من تكرهه، تكرهه وتحبه، حتى هي لاتعلم لما الشئ ونقيضه معا؟
أتى نادر من خلفهم.... أنا جيت
التفت له الجميع بحبور ولكنهم انصدموا ماهذا بحق الله؟ ومالذي ينوي عليه نادر بفعله هذا؟؟
فمالذي سيحدث ياترى؟
أما على الناحية الأخرى....
صعدت تونة درجات السلم متجهة صوب شقة صديقتها التي تقطن معها بنفس الحارة...... ومعها بنفس الجامعه
إقتربت من الشقه وسمعت ضجيجا عاليا فاقتربت بقلق
رنت الجرس بتوجس،،، لم يرد احد
ظلت لعشر دقائق متواصلين ولارد مما أدى لتسرب الرعب في داخلها
وفجأة فتح الباب اخيرا
ووجدت صديقتها في وجهها لكن بوجه شاحب
تونة.... برعب.... مالك ؟مابتفتحيش ليه ؟
ولكن فجأة سقطت صديقتها يين يديها ولم تحرك ساكنا
صرخت تونة بصوت عال.... أميمة!؟
فمالذي حدث؟ ومالسر وراء إغماء أميمة؟ ومالذي سيحدث بعد ذلك؟
على أعتاب الهوى
أسماء العمري