[Unicode] (34.3)
" ဒီပေါ်ကို သွေးတစ်ချို့တင်လိုက်''
ရှောင်းဝမ်က စိတ်ကိုငြိမ်အောင်ထား ပြီးတော့ ဖန်ပြားကိုပေး လိုက်တယ်။
" HCG လုပ်ရအောင်လို့''
" အိုကေ''
ကျန်းရှု တိုးတိုးလေး ပြောလိုက် တယ်။
စမ်းသပ်ဖို့အတွက် သွေးနမူနာကို ယူသွားပြီးတဲ့အချိန်မှာပဲ ရှောင်းဝမ်က ကျန်းရှုရဲ့ မျက်နှာချင်း ဆိုင်က ခုံကိုထိုင်ကာ စကားပြောလိုက်တယ်။
" ငါ့ကိုပြောပြ နိုင်မလား?''
ရှောင်းဝမ်ခမျာ သူ့ရဲ့အသံကို အတက်နိုင်ဆုံး ထိန်းထားပြီးတော့ ကျန်းရှုကို ပြောလေတယ်။
" ငါက မစ္စတာ ကျန်းကို ပြန်ပြောပြ မှာမဟုတ်လို့ ငါက မင်းကို ကူညီဖို့ပဲ ရည်ရွယ်ပြီး မေးတာပါ။ မင်းကိုနာကျင်အောင် မလုပ်ပါဘူး ။ ''
" ကျေးဇူးပါ ဆရာရှောင်း ''
အမြဲတမ်း သူ့ကို ဂရုစိုက် ပေးတဲ့ လူကို ကျန်းရှုကျေးဇူးတင်ပြီးတော့မှ ရှောင်းဝမ်က ဆက်ပြီး ပြောလိုက် တယ်။
" အဲ့လိုကြီးမတွေးပါနဲ့။ မင်းတွေးနေသလို မဟုတ်ပါဘူး ကွာ။ ငါကလူပျိုပါဟ''
ကျန်းရှုက သူ့အတွက် တော့ ညီလေးတစ်ယောက် လိုပဲလေ။ ဒါပေမယ့် အဲ့လိုကိစ္စက ကျန်းရှုဆီမှာ ဖြစ်လာတော့ သူအတော်လေးစိတ်ဆိုးမိတယ်။
" တစ်ခြား တစ်ယောက် ကရော ဒီအကြောင်း ကိုသိပြီလား?''
ထိုမေးခွန်းကို ကြားပြီးနောက် ကျန်းရှုစတင်ပြီး နောက်ထပ်စိုးရိမ်လာတယ်။ အဲ့ဒါကဘာလဲဆိုတော့ သူတို့ကြားမှာ ထိုအရာကြောင့် ဆက်ဆံရေးက ပျက်စီးသွားမလား ဆိုတာကိုပေါ့လေ။
" ကျွန်တော် အခုထိမပြောရ သေးဘူး''
သူက မသိလိုက် ပဲ စားပွဲပေါ် လက်တင်ကာ တစ်တောာက်တောက် ခေါက်နေမိတယ်။
" သူ့ကို ဘယ်လိုပြောရမလဲ ဆိုတာကို ကျွန်တော်မသိသေးဘူး''
ရှောင်းဝမ်က ခေါင်းငြိမ့်ပြ တယ်။ ပြီးတော့ နောက်မေးခွန်း တစ်ခုကိုမေးလိုက်တယ်။
" ငါအဓိက ပြောချင်တာက မင်းကအခုထိ ဘွဲ့မရသေးဘူးလေ။ ပြီးတော့ ဘယ်လိုတွေပဲ ဖြစ်လာပါစေ မင်းအတန်းချိန် တစ်ဝက်ကတော့ တက်ရအုံးမယ်မလား။ ဒါကြောင့် မင်း မွေးချင်တယ်ဆိုရင် ကျန်တဲ့ကိစ္စတွေကို ရှင်းရှင်း လင်းလင်း ဖြစ်အောင် လုပ်ထားသင့်တယ်''
" ဒါက ပြဿနာ တစ်ခုတော့ မဟုတ် ပါဘူး ။ ''
ကျန်းရှုက ခက်ခက်ခဲခဲ နဲ့ ထုတ်ပြောလေတယ်။
" အဲ့အချိန်ဆို ဆောင်းဦးရာသီ ဖြစ်လို့ ပတ်ဝန်းကျင်က အေးစိမ့်နေပြီလေ။ အပေါ်ကနေ ဂျက်ကတ်ဝတ်ထား ပြီးတော့ ဒါကို ဖုံးထားလို့ရပါတယ်။ ''
ရှောင်းဝမ်က စကား တစ်ခွန်း တောင်မပြောတော့ပေ။ ဘာလို့လဲ ဆိုတော့ ရင်ဆိုင်ကြုံတွေ့ နေရတဲ့ပြဿနာက ဒါတစ်ခုတည်းတင်မဟုတ်ပေ။ ကလေးရဲ့ ကျန်းမာရေး ကိစ္စ ၊ အပြင် ကျန်းရှုရဲ့ ကိုယ်က ကိုယ်ဝန်ဆောင် ဖို့မသင့်တော်တာမျိုး အစရှိတဲ့ ပြဿနာတွေပေါ့ ။ ဒါက အရင်ဆုံး စစ်ဆေးကြည့်ဖို့နောက်တော့ မကျသေးပေ။
HCG ရလဒ်က အမြန်ပဲ ထွက်လာခဲ့တယ်။ ရလဒ်ကတော့ ကျန်းရှု ကိုယ်တိုင် စစ်ဆေးခဲ့သလိုပဲ။ ရှောင်းဝမ်က ရလဒ်ကိုကြည့်ပြီးပြောတယ်။
" ကလေးက တစ်လကျော်နေပြီပဲ။ ''
ကျန်းရှုက ချက်ချင်း ပဲ မျက်မှောင်ကြုတ် မိတယ်။ ဒါက သူနဲ့ ရှုပေါ်စု တို့ အတူတူစနေတဲ့ ပထမအကြိမ်မဟုတ်ဘူးလား။ ရှောင်းဝမ်က ဆက်ပြောတယ်။
" ဒီနေ့ကစပြီး ကိုယ်ဝန်ကို အရင်ဆုံး စစ်ဆေးကြည့်ကြတာပေါ့''
ကျန်းရှုကတော့ ဒါတွေကို သိတဲ့အတွက် ခေါင်း ကိုငြိမ့်ပြ လိုက်တယ်။
" အိုကေ''
ပြီးတော့ သူကြောင်အနေရင်း နဲ့ပဲ စစ်ဆေးမှုက ပြီးသွားလေတယ်။ အခုက နေ့လည်ခင်း အချိန်ကို ရောက်နေပြီ ပဲ ဖြစ်တယ်။ ကျန်းရှုက မနက်စောစော စားသောက် ပြီး ထွက်လာတာကြောင့် အခုတော့ အစာအိမ်က အော်သံတွေ ပေးနေခဲ့ပါပြီ။
ထမင်းစားဖို့ အတူဖိတ်ခေါ်တဲ့ ရှောင်းဝမ်ရဲ့ ကြင်နာမှုကိုငြင်းပယ်ကာ အပြင်မှာတစ်ခုခု ထွက်စားဖို့ ထွက်လာလိုက်တယ်။ သူက ဖုန်းကို ပေးချေဖို့ ဖွင့်လိုက်တဲ့ အခါမှာတော့ ရှုပေါ်စု ဆီကနေ ပို့ထားတဲ့ မက်ဆေ့ချ်တွေ အများကြီးကို တွေ့လိုက်တယ် ။ ဒါကတွေက သူ့ကို အိပ်ယာကနေ ထပြီးတော့ အစားစားဖို့ ပြောထားတဲ့ ဟာတွေပဲ ဖြစ်တယ်။
ဘယ်လိုတောင် အမေအိုကြီး ဆန်တာလဲ။ ကျန်းရှုက ဘာမှမစဥ်းစားပဲ တွေးလိုက် တယ်။ ဒါပေမယ့် အမှန်တရားကိုတော့ သူသိပါတယ်။ ရှုပေါ်စုက အရမ်းကောင်း တယ်ဆိုတာရယ် ။ သူ့လိုလူမျိူး နောက်ထပ် ဘယ်တော့မှ ထပ်ပြီး မရှာတွေ့နိုင်တော့ဘူး ဆိုတာကိုရောပေါ့။
ကျန်းရှုက သူ့လက်ထဲက အိတ်ကို ကြည့်လိုက်တယ်။ ထိုထဲမှာ အစောက ဆေးစစ်ထားတဲ့ ရလဒ််တွေပါလေတယ်။ရှောင်းဝမ် ကတော့ သူ့ကို သေသေချာချာ လေး တွေးဖို့ပြောထားတယ်။ ပြီးတော့ ကိုယ်ဝန်တည်ငြိမ်တဲ့ အချိန် ၃လ ကျော်မရောက်သေးခင်အထိ ကိုယ်ဝန်ဖျတ်ချလို့ ရတယ်လို့ပြောတယ်။
ကျန်းရှုက မနေ့တုံးကလို ပဲ အိမ်ကို တိတ်တိတ်လေး ပြန်လာပြီးတော့ ရလဒ်တွေကို ဖွက်ထား လိုက်တယ်။ သူက ဖွက်ထား ပေမယ့် လုံခြုံတယ်လို့ မခံစားရသေးဘူး။ မသိလိုက် မသိဘာသာပဲ နေ့လည်ခင်း က အချိန်ကုန် သွားတယ်။
အခုချိန် က ရှုပေါ်စု အလုပ်ကနေ ပြန်လာမယ့် အချိန်ဖြစ်တယ်။ တစ်ဖက်လူက အိမ်ကိုပြန်လာတာလည်း ကြားရော သူ့ရဲ့နှလုံးသား လေးက တုန်ခါမှုတွေ ပြင်းထန် လာတယ်။
ရှုပေါ်စု က ခါတိုင်း လိုပဲ အိမ်ကို