w
بقلمي دينا الربيعي
لا شي مستحيل اذا لم تتخله عنه لا يتخله عنك وان تركته سقط وان تركك سقطت كل شي متعلق بعضه اذا انت تريده نفس مايريدك تصنع المستحيل عشانه واذا ماتريد اكو الف عذر حته ينتهي كلشي كل هذا كلامي المعنى انو اذا يحبك ويريدك ماكو شي مستحيل بس مو انت وحدك مع بعض..
غفران، ماعندي غيرج بعد خاله امي ماتت
ماااااتتتتت
ام خالد، اسم الله الرحمن بنيتي
شبيج گولي ياالله كلشي ينحل
وامج ماتگدر على زعلج ادري بيها
تحبج هسه تجي وراج وتصالحج
غفران، هه ياريت لو زعلانه عليه
ياريت لو مسافره ياريت بس ماكو
راحت مني خاله اعتذر منج اعز
انسانه عليج اجيت واگلج ماتت
ام خالد، يايمممه ولج شوكت
واني ما ادري ولج ليش ماخبرتيني
ولج خيه وين رحتي وعفتيني
غفران، گعدت المره على رجليها
وادگ عليها وتبجي وتنعه بصوت
يكسر الگلب هلگد بجينه اني وياها
ونتذكر سوالفها وقبل من تزعل مني
وتجي هنا بحجه زعلانه يم خاله
شويه وترجع للبيت تگول الخاله
گلبي مايطيني ازعل عليها واعوفها
واحنه بس وحده تشوف الثانيه نضحك
مانگدر وزعلنه على اشياء اني اطلبها
منها تافها
يايمه شيرجعج وارجع اگابلج
وما اعوفج احس عيوني يحرگني
وخطيه زوجه خالد مگابلتنه وتبجي
ويانه
ام خالد، گومي بتي گومي اني امج
لا تزعلين ولا تضوجين الله يرحمها
ما راح اعوفج بيوم انت بمثابه بناتي
وهذا بيتج
بس ماگتيلي وين جنتي كل هاي
الفتره عايشه بيت عمج لو وين
غفران، ي يم بيت عمي انته
مو تدرين شلنه يمهم بس اني
ازوجت ابن عمي ومشاكل
بينه ما يحبني هو واجيت
اشوف زوجه خالد سوت الريوگ
وتوكل بيزن وتبوس بي احسن
من اخر مره شفتها بيها وهواي
متغيره سمنانه ومحلوه
من شافتني اباوع الها گالت
ماسه، گومي نامي بغرفه
زينب ترتاحين شويه عيونج وارمات
وخلي الولد يمي اذا يبجي اجيبه الج
ام خالد، ي يمه گومي ارتاحي وذبي
حملج على الله هو احسن مني ومنج
يسعدج ويدليج على الطريق الصحيح
ماسه، شفتها گامت رحت وديتها الغرفه
زينب بعدهن البنات نايمات احنه اذا كلش
كلش نتأخر نگعد ساعه تسعه
بس اذا عدنه شي نگعد من وكت
دخلتها للغرفه وطلعت الها فرشه جديده
وتلبيسه لحاف وسويتهم هيه وياي
خطيه بس الدموع مابطلت ابدد
حيل انقهرت عليها وحقدت على
زوجها شلون لسه متزوجين وهيج
مسوي بيها خفت يوم اني وخالد هم
هيج ايصير بينه نفضت نفسي من افكاري
وهيه تشكرت مني ووصتني على ابنها
وطلعت
ماسه، البقيه بحياتج يمه
ام خالد، حياتج الباقيه بنيتي
ماسه، يمه اشو وجهج اصفر كلش
صار اسويلج شي تشربي تتريگين
اخاف يهبط الضغط مالتج
ام خالد، لا ماريد شي بتي ماريد
شلون تردين حالي واني فارگتني
الأعز عليه من اختي
راحت وعافتني مايوم تفارگنه
من تلاثين سنه عله الحلوه والمره
نتشارك سوه بكلشي اهمومنه
فرحنه حزنه اووف اووف الله
يرحمج ويجعل مثواج الجنه
ان شاء الله
ماسه، امين يارب امين
~~~~~~
نور، جنت نايمه ودگ تلفوني عبالي
حيدر شفت المتصل علي خفت اكو شي
مو من عوايده يتصل بيه بهيج وكت
جاوبته
نور، الوو ها علي صباح الخير
علي، صباح النور
نور روحي للبيت شوفي غفران
وابقي يمها خاف محتاجه شي دگ عليه
ماشي
نور، بعيوني هسه شويه ورايحه
علي، ماشي من ترحين راسليني
لتحسسيها اني حجيت وياج
نور، بعد طار النوم من عيني
گمت غسلت وغيرت ملابسي
لبست وطلعت لگيت بيبي بالصاله
وامي وابوي هم گاعدين كلهم
يتريگون شافوني تفاجئوا مو
من عوايدي اگعد هيج وكت
يمهم
بيبي، يي الحمد لله من گعدتي
ولج بيبي راح تتزوجين لازم تگعدين
الزلمتج من وكت مو تضلين نايمه
للضهاري
نور، بيبي والله لو ما علي يدگ
عليه وافز من التلفون لا والله
ماگعد اله بالدعش
بيبي، اووو والغسل ماتصيرلجن
جاره خايسات من النوم
نور، بيبي مو عيب تحجين هيج
لايسمعوج بيت عمي يبطلون
مني بعد مايردوني واضل على
گلبج وعلي
بيبي، يي علوا والله اله اربيجن
من جديد انت وذني خواتج وياج
امي، ي والله مستغربين مو من عوايدج
تگعدين من صبح
نور، اروح الغفران احسنلي لان اذا
ابقه يمكم بعد دقيقه نتكافش
طلعت وابوي يهز بيده لابس مناضر
ويباوعلي من جوه ما ادري المن لابسها بعد
لگيت الباب البينه وبينهم مفتوح بس
دفعته انفتح والباب مال مطبخ هم
مفتوح تفاجئت نور اعرفها كلش
زين من ابات يمهم تقفل البيبان
كلها
ومن يطلع علي للدوام تروح
ورى وتقفل الباب وخاصه بعد
عمله اسامه صحت
غفررران غفرران ماكو رد صعدت فوگ
گلت يمكن علي فاتحهم وهيه بعدها
نايمه فوگ بس ماكو بمكانهم لا هيه
ولا يزن
جذب انتباهي ورقه وفوگاها قلم على
ميز الأمرايه اخذتها وقريتها مكتوب
بيها
مو ردت من عندي تخلص راح اخلصك اني مني
استغرب ليش كاتبه هيج معقوله علي مزعلها
متعاركين عرفت ليش علي گلي روحي عليها
بس وين تروح يعني اخذت التلفون ودگيت عليه
بسرعه فتح خط
علي ماكو غفران ماموجوده بالبيت
علي، شنوو دوريها زين وين تروح يعني
نور، والله ماكو تاركه رساله وطالعه
علي، اوووف اوووف شكاتبه بالرساله عنوان شي
نور، لا ماكاتبه عنوان بس تگلك راح اخلصك مني
علي، ماشي سدي راح ادور عليها واذا رجعت للبيت
گليلي
نور، ماشي الله وياك
حيل انقرهت عليه مافرح ابددد بزواجه
ولا هيه تهنت وفرحت حاولنه نخلي ينسه
الصار بس ماكو بدون فايده
حالتهم بيها وما تصير للأسوء انهار عرفته
رحت للبيت وصارت بوجهي امي بالمطبخ
ام علي، شبيج رجعتي مو شردتي من
الصبح گلت ماشوفها لليل
نور، يمه غفران مو هنا غفرران طالعه
من البيت وتاركه رساله العلي وما اخذه
ابنها ورايحه
ام علي، يمه اسم الله وين تروح البنيه
وحدها يعني ووياها طفل صغير
ولج خاف راحت تجيب شي من الأسواق
شي محتاجته وتجيبه
نور، يمه گتلج تاركه رساله ورايحه يمكن
متعاركين هيه وعلي لان كاتبتله خلصتك
مني
ام علي، هو شنو شردها غير راس اخوج
اليابس گناله اني وبيبيتج اذا ما الك بيها نفس
وبطلت تحبها عوفها ابني ابن عمك يتزوجها
وگلب الدنيا علينه
يله وينك شو شردت المره منك اووف
ياعلي اووف هسه شلون لو درت بيبيتج
لو ابوج گليلي
نور، والله مادري يمه ما ادري بلكي
ترجع ما عدها واحد هنا قابل وين
تريد تروح
علي، اخر شي ممكن افكر بي
هو تعوف البيت وتطلع احس صار كلشي
سواد حرت وين ادور وعلى منو اروح واسأل
عليها تندمت هواي على كلامي وياها افتريت
المناطق القريبه من بيتنه كلها
الأسواقات المحلات محتار بروحي وين
ادور بالضبط والگاها
رجعت للبيت تعبت من الفره وماكو شي
احس الگاع انشگت وبلعتها
~~~~~~
زينب، گعدت من النوم والف بشعري جتي
عيني على سرير ماسه بغرفتي فكرتها
هيه جايه نايمه يمي
بس تقربت عليها طلعت غفران جنت
مشتاقتلها هواي بس شكلها ووجها شاحب
خلاني اشك بيها شي لو مريضه ماهونت
اگعدها من نومها نزلت جوه اسأل امي
عليها
شفت امي وماسه گاعدات وامي تبجي
خفت سألتها
زينب، يمه شكو ليش تبجين خوما اكو شي
ام زينب، ولج راحت عزيزتي ورفيقه دربي
وعافتني راحت ام غفران بدون ما اودعها
وتودعني
زينب، لااا الى رحمه الله زين ليش يمه
شنو سبب موتها
غفران، جلطه امي ماتت بسبب جلطه
وبسببي هم
زينب، حبيبتي شفتج نايمه ماردت
اگعدج البقيه بحياتج عمري
غفران، حياتج الباقيه
ام زينب، تعاي گعدي يمي بتي واريدج
تسولفيلي كلشي صار من طلعت امج مني
والحد هاي اللحظه
غفران، سولفت الها كلشي من يوم الحادثه
والحد جيتي عليهم گالت
ام زينب، خلي يولي هو الخسران شنو
مفكر نفسه ما الج احد مو همه التعبوا عليج
وربوج امج تعبت وربت گدام عيني انت وزينب
ربيتن سوه
وما راح اخلي بالها يمج يبقه اني امج
وذني خواتج وعندج اخوان اثنين انت
مو وحدج اله اندمه عله حجايته هاي
غفران، وهذا السبب الخلاني اجي يمكم
انتو اهلي مو همه
ماسه، بقت يمنه غفران حبيتها هادئه وصرنه
سوه اني وياها وريام وزينب هواي حاولنه
انطلعها من مودها ونغيرلها جوها
نزل خالد وشافها سلمت عليه وهيه مدنگه
حبيت حجابها والتزامها مو من ذني المفرعات
شگد ما نحاول نخليها تاخذ راحتها
احسها متقيد جنت ملتهيه بخالد
اول يوم نزول اله وجنت مفكره نحتفل
بالحمل لان خبرته بالتلفون ردت اشوف
رده فعله من يجي
حضرت كلشي لليل اندگت الباب طلع خالد
رجع گال حضروا جاي وصيحي على ام يزن
يتبع،،،
قراءة ممتعه بنات ♥ لتنسون التصويت ورأيكم بالبارتات والسرد يعجبكم هيج لو اغيره
ولا تنسون اتابعوني على حسابي بالانستا ddd_99_w لان راح ابدي انشر هناك بس منتضره الحساب يصعد شويه
واريد منكم اذا وحده تعرف تصمم فديوهات حلوه او صور تدخلي خاص اريدها بس اريدها محترفه ☺️