# بقلمي دينا الربيعي ♥
كانت الأغاني والاستماع الى الموسيقى هوَ مواساتي الوحيده لك فـ أنا إنسان كتوم جداً والكتم ألذي بداخلي لا أحد يعرفهُ سوى الموسيقى . .
مرحباا ♥ احب اوضح الكم اكو احداث جايه حلوه ومهمه ومنا بدت ويانه الاحداث اريد منكم تفهمكم الي البارت قصير اعرف وحقكم علية وراح انزل الكم يومية بارت بس هااا اذا استمريتوا وياي بالتعليقات الحلوه والنجمه اهم شي ولتنسون تنطوني رأيكم بالأحداث وتوقعاتكم بالبارتات القادمه ان شاء الله ♥
ماسه، گعدت بالگاع لگيت أمي فوگ
راسي وخالد مخبوص ميعرف شيريد
يسوي عاد امي من شافته هيج مرتبك
ومخبوص تدري اليوم النزول ماله گلتله
ام خالد، يمه صلي على محمد لا تخاف
مابيها شي مرتك حبله واخذها مني انته
هسه روح الدوامك لا تتأخر وخليها عليه
انه اخذها للدكتوره العصر بعيوني اخليها
روح وأمن
ماسه، من شفته خايف عليه حبيبي
قويت نفسي وگمت گتله
حبيبي روح مابيه شي والله صرت
زينه ويمكن مثل ماگالت أمي حبله
خليت ايدي على بطني واضحك
عاد هو من شافني هيج بتسم
تقرب باسني ويهمس احلى بيبيات
عندي ان شاء الله منتضر منج خبر
الحمل
ماسه، ي حبيبي ان شاء الله
گعدنا نتريگ اني انقش بالأكل
ماشتهيت شي بعد گتله شوكت
لحگت تگعد أمي
ام خالد، انه جنت اريد اصلي واسمع
صوتكم گعدت على صوتج شوكت اخر
شهريه الج بنيتي
ماسه، يمه قبل العرس اخر مره
بعد ماكو
ام خالد، بصلاه محمد عليج بتي
ماتحجين لعد يمكن شلتي من ليله
عرسج واحنه ماندري
خالد، يمه اخذيها انت وياسر
العصر للدكتوره ومخلي فلوس
فوگ بالقاصه شنو تحتاجون
اخذوا ماسه تعرف رمز
ماسه، ي مواليدي ههههه
خالد، يالغمه بعد عليش مصوين
رمز هههههه
ام خالد، هههههه الله يحفظكم من العيون
مرتك فطيره وراح تعبون من وره فطاريتها
ماسه، يضحكون عليه حسيت بفشله
خلصنه واخذ الجنطه وباس امي ورجع
حضني وباسني وطلع وهو يوصي عليه
حبيبي هلگد دعيت ربي يرجعه الي
سالم احس الشغل والدوام هواي تعبنه
ينزل من الدوام يتلگا المعرض
ام خالد، رجعي نامي بنيتي لا تعبين
نفسج وان شاء الله العصر اخذج
للدكتوره
ماسه، ي ماشي صعدت فوگ بغرفتي
اول ما خليت راسي نمت احس بصداع
وعطش بس ما اشتهي اي شي
گعدت وفوگ راسي زينب وريام
گلتلي زينب
زينب، شنو ضامه علينه احجي بسرعه
ريام، ي عيني احجي بسرعه احجي
ماسه، شبيكم ماضامه شي والله شكوو
ريام، لعد ليش امي تگول گعديها نروح
للدكتوره يمكن ماسه حامل
ماسه، جنت حساسه شويه تجاه ريام
صارلها هواي ماعدها حمل گتلها
ي ردت اتأكد يله
ريام، بس تردن الصدگ اني هم شاكه
بنفسي حامل
زينب، هاااااااصدگ والله
ماسه، جذاااااابه
ريام، والله فاتتني الحبابه عشره
ايام بس گلت ما احلل لان ما احس
بشي
ماسه، ولا شي ولا شي ابددد
ريام، هااا لا هو بس ضهري يوجعني
ماعرف اذا حامل لو لاا
ماسه، لعد نروح اثنينه للدكتوره
ريام، لاااا حبابات ماريد اروح ولا احجي
خطيه ياسر كل مره اگله وافشل
ماسه، انت مايفيد الحجي وياج انزل
لأمي اگللها عليج احسن
طلعت اركض وريام وراي
تقنعني ما احجي واني أركض
وزينب وريام وراي وزينب صيح
زينب، يممممه تعالي شوفي جناينج
مثل الجهال
ماسه، يمه البشاااره البشاااره
ام خالد، خير بعد امج شكو وادللي
ماسه، يمه يمكن ريام حامل
ام خالد، يا صلاوات على محمد وال محمد
شلون عرفتن يمه ريام شنو شاكه بروحج
تحسين بشي عدج اعراض
ماسه، حبيبتي ترجف صارت وتبجي
اتمنيت تطلع صدگ حامل
ام خالد، العصر اخذج ويه ماسه ونشوف
ان شاء الله خير نذر عليه لو طلعتن
اثنينجن حوامل اذبح لوجه الله الكريم
دعيته وطلبت منه يترس حضنجن
اثنينجن وان شاء الله مايفشلني
حشاه ربي يرد العبد بگلب خاشع
ماسه، صدگ تغدينه واحنه القلق
والتوتر ماكلنه اكل وريام گالت ماريد
ياسر يعرف يمكن مو حامل ماريده
يتأمل مثل كل مره خلي نتأكد يله
نحجي
خلصنه والعصر بدلنه اثنينه وياسر
ينتظرنه بره من طلعنه استغرب ريام
ويانه گال
ياسر، ريام حبيبي بيج شي ليش راح
ترحين اكو شي
ريام، ي حبيبي مو معتي توجعني گالت
امي امشي تشوفج الدكتوره وتطيج علاج
ياسر، ماشي حبيبتي يله نتوكل
ماسه، طول الطريق تلاثتنه متوترين
هواي دعيت نطلع فرحانين وربي مايفشلنه
وريام تدعي من الأمام الرضى مايفشلهم
قبل فتره امها راحت زارت وانطتها مي وتربه
گلتلها اشربي منه والتربه خليها بمي وسبحي
بي وان شاء الله تحبلين
هواي بنات سون هيج وحبلن
وصلنه للدكتوره سره وهواي بنات
حجزنه وانتضرنه بره بالسياره
امي گالت من يوصل السره الجن
اني اجي اگللجن تخاف علينه
من هسه واحنه مندري اذا صدگ
حوامل لو لا
يمكن تقريبآ ساعه اقل الساعه
ودخلنه اول وحده ريام گتلها
روحي خلي نشوف بلكي تبشرج
احنه اثنينه دخلنه سوه
وامي بره ماتقبل مرافقه تدخل
ويه المريض صعدت للسونار
وبدت ريام تحجيله وشوكت
اخر شهريه اول ماخلت
الجهاز گلتلها
الدكتوره، يمكن عندج حمل داشوف
بس كيس بالرحم روحي سويلي
تحليل دم وتعالي
ريام، ان شاء الله دكتوره
ماسه، طلعت الامي ووجها احمرر
وتبجي دعيت الها تطلع حامل
واني صعدت للسونار گتلها من زوجت
ماجتني ابد
الدكتوره، مبين عندج حمل واضح
ماشاء الله حامل هسه انت 8 اسابيع
~~~~~~~~
غفران، عفوآ منو سمحلكم تقررون عني
ما راح ازوج ولا ممكن واحد يجبرني
على شخص قليل تربيه وشرف
اتزوجه
ابو علي، بتي عييب احترمي الأكبر
منج مايصير هيج تحجين احنه عمامج
مانضرج انريد مصلحتج والصار ما اله
غير حل
غفران، مستتتحييل عموو لو اموت خلاص
ما راح ازوج اسامه
اسامه، يا بت عمي اعرف الصار
مو حلوبحقج وما راح يفيد
الاعتذار بس راح اگلج
ما اجبرج على شي انت ما تردي
ابو اسامه، انت اسكت اخر واحد
تحجي الصار بعد عملتك السوده تصلحه
مو تحجي بكيفك تتزوجها وغصبن عليك
غفران، عمو هو مو اجبار ماراح اتزوج
شخص اعتده عليه ولا فوگاها سكيرر
اسامه، احترررمي نفسجججج غفرااان
غفران، ليش مجذبه عليك اني مو انته
وكل عمامك يگولون عذري ماجان بوعيه
يعني شنو مثلآ فهمني سكير لو لااا
ابو اسامه، بتي الله شاهد علينه احنه
نحبج ونريدلج الخير حالج حاله بناتنه
وانت بت اخونه مو غريبه علينه
صح اسامه مر بفتره صعبه عليه
بس هو طيب وشاغول وسبع
مرحله وتعدي واحنه اعتبرينه
جايين نطلبج على سنه الله ورسوله
لا تحسبيها نسد كلشي ونغصبج
غفران، عمو انتوا بالحالتين جاي
تجبروني الله يخليكم ماريد شي
خلص راح احاول انسه الصار
بس زواج من اسامه لااا ما اريد
ابو علي، غفران بابا مايصير
انت هسه بنيه وحدج عايشه
يمكن يوم يومين وتملين من عدنه
وتگولين اريد اروح البيتنه وابنج
يراد اله أب مايصير تعيشين بروح
صحيح بيتج بنص بيتنه وكلنه يمج
بس مايصير وحدج يراد سند الج
وتعيشين وياه
غفران، رفعت راسي للكارهني
للموطايقني عشت كل هاي الفتره
يمهم بالبيت وهو ولا يباوع بوجعي
وكانه محملني ذنب كلشي عبالك
خاينته ويه اسامه مو كل الصار
غصب عني
كل ما اشيل راسي تجي عيني
بعينه وهو عيونه حمرررر دمممم
كانه يگلي يله احجي صلحي
كلشي صار
رجعيي حبنه الراح من وراج
الجگاره مافارگت شفافه
لحيته كبرانه وشعره نازل
بأهمال حسيت نفسي
محتاجته جنت منتضرته يحجي
شي يدافع عن الحب الوعدني بي
ويگللهم لا حبيبتي هاي ما اطيها
لأي واحد
رجعت باوعت عليه وهو ينفض
بالجگاره وگتلهم
لاا عمو اني احبه بسرعه رفع
راسه ورفعلي حاجبه بطرف
شفته شبه ابتسامه جنت
خايفه من رده
بس كملت
واريد اكمل حياتي ويا ما اريد
غيره سند بالدنيا الي اني احبه
وهو يحبني هم وعدني مايتخله
عني
وابني يحبه ويريده حته يصيحله
بابا ومن دون كل الولد مايستغرب منه
همه عمامي توجهت انضارهم علي
ومصدمومين منتضرين منه يحجي
ويبرر الحجيته اني وهو ولا مهتم
وينفخ بالدخان گتلهم
لو علي لو ما اتزوج يمكن استعجلت
ويمكن لااا بس ردت احتفظ على ماتبقى
الي حب حياتي اليمه حسيت اني انثى
وعرفت شنو الحب
رجعت گتلهم بس علي اقبل بي
ومن بعد يحرم اي رجال عليه
ليوم الدين بس صدمني رده
عليه وگال
علي،،،،،
يتبع،،،،
قراءة ممتعة للجميع ♥ هاي المره ما اريد منكم غير بس الدعاء لأختي حبيبتي بالشفاء العاجل دمرها المرض الخبيث مواليد 97 ماشافت شي من حياتها وزواجها ربي لا يشوفها لأحد ولا يراويكم مكروه
الحمد لله على كل حال هيه اكبر مني بسنتين بس احسها امي الثانيه 💔
واعذروني لو تاخرت بالتنزيل ما الي واهس اكتب شي لان اني يمها