" ကျွန်တော်ဂေးတစ်ယောက်မဟုတ်ပါဘူး ဟင့် "
ကျွန်တော်အထင်လွဲသွားမှာကိုစိုးရွံသည့်ဟန်ဖြင့်ငိုမဲ့မဲ့လေးနဲ့ဖြေရှင်းချက်ပေးလာသည်။မျက်ရည်တွေနဲ့မို့ပါးလေးနှစ်ဖက်ကရဲရဲနီနေပြီးမျက်နှာနုနုကလေးထက်မျက်ရည်တွေကပေပွလျက်။ငိုနေတာတောင် ကလေးတစ်ယောက်လိုဖြူစင်လွန်းတဲ့ဒီကောင်လေးကို ဆောင်းဟွန်းအပြစ်လေးတစ်စွန်းတစ်တောင်မမြင်ရက်။
ကိုယ်တွေလိုအရွယ်ရောက်ပြီးသားလူတွေတောင်ဒီပြဿနာနဲ့ရင်ဆိုင်ရတဲ့အခါအနည်းနဲ့အများတော့ဖိအားတွေရှိတတ်ကြတယ်မဟုတ်လား။ဒီကောင်လေးအပေါ် ကိုယ့်ခံစားချက်တွေမူမမှန်မဖြစ်ခဲ့ရတဲ့အချိန်တုန်းကတောင်သူထိတ်လန့်ခဲ့ရဖူးသည်။အသက်မပြည့်သေးတဲ့ဒီကလေးဆိုဘယ်လောက်တောင်ဖိအားတွေများခဲ့ရမလဲ။မိဘတွေအပေါ်သိတတ်လွန်းတဲ့ကလေးဖြစ်တာမို့ပိုဆိုးသည်။
ဒီကောင်လေးစိတ်ထဲကိုယ်နဲ့ပတ်သက်ပြီးရှိန်သွားတာမျိုးတွေ၊
မဝံ့မရဲဖြစ်သွားတာမျိုးတွေနည်းနည်းလေးမှမဖြစ်စေချင်။ဘယ်သူ့ကိုမှဖွင့်ဟဝန်မခံရဲတောင် သူ့ကိုတော့စိတ်ထဲရှိတဲ့အတိုင်းဖွင့်ဟဝန်ခံစေချင်သည်။ကျွန်တော်က ဒီကောင်လေးအတွက်ရင်ထဲရှိတဲ့အတိုင်းဖွင့်ပြောဖို့အရိပ်အခြေကြည့်နေရတဲ့သူတစ်ယောက်လိုမျိုးမဖြစ်ချင်။
" အကိုနားလည်ပါတယ် "
" မဟုတ်ဘူး အကိုနားမလည်ပါဘူး "
လက်သီးလေးနှစ်ဖက်ကိုကျစ်နေအောင်ဆုပ်ပြီးခေါင်းလေးကိုတွင်တွင်ရမ်းကာရှိုက်ကြီးတငင်ငင်ငိုနေတဲ့ ကောင်လေးရဲ့လက်သီးဆုပ်လေးများကိုသူဖြည်းညှင်းစွာဖြည်လျှော့ပေးရင်းမငိုဖို့ချော့ရသည်။ကျွန်တော့်ရှေ့မှာ တခြားသူတစ်ယောက်၏စော်ကားပြောဆိုခြင်းကိုခံခဲ့ရတာမို့ဒီကောင်လေးရှက်နေတာကိုလည်းနားလည်ပါသည်။
" ဆောနူ ၊ မငိုရဘူးလေမျက်လုံးတွေနာကုန်လိမ့်မယ်၊
အကို့ကိုသေချာကြည့် "
လေပြည်အေးလေးနှင့်ချော့ပြောတော့လည်း ကောင်လေးကစကားကိုနားထောင်ရှာသည်။ထိုကောင်လေး၏မျက်ဝန်းဝိုင်းလေးထဲမျက်ရည်စလေးများအရောင်တလဲ့လဲ့ထနေခြင်းကလည်းမြတ်နိုးချင်စရာကောင်းလောက်အောင်လှနေသည်။
" သူကဘာလို့ ဆောနူကိုအဲ့လိုပြောရတာလဲ "
ကျွန်တော့်ကိုကြည့်နေရာမှခေါင်းလေးငုံ့သွားသည့်ကောင်လေး။ဝန်ခံရမှာရှက်နေခြင်းလား၊ကျွန်တော့်ကိုပြောဖို့ကြောက်နေခြင်းလားတော့မသည်းကွဲ။သိုပေမဲ့ ဒီကောင်လေးရဲ့ဖြေရှင်းချက်ကို ဆောင်းဟွန်းကြားချင်မိသည်။ဒီကောင်လေးကသူနဲ့လိင်တူကောင်လေးတစ်ယောက်ကိုသဘောကျခဲ့ဖူးတာလား။ဒါမှမဟုတ် နူးညံ့သိမ်မွေ့သာနေထိုင်တတ်တဲ့ ဆောနူရဲ့ပုံစံကြောင့်စွပ်စွဲပြောဆိုခြင်းလား။
" ကျွန်တော် ....
ကျွန်တော် 8တန်းလောက်ကသူ့ကိုသဘောကျတယ်လို့ဝန်ခံဖူးတယ် ....
ဒါပေမဲ့ သူကချောလို့သဘောကျခဲ့ရုံပါ၊အခုကျွန်တော်သူ့အပေါ်ဘာခံစားချက်မှမရှိတော့ပါဘူး "
လေးနက်စွာမေးနေသောအကို့ကိုမရဲတရဲကြည့်ကာသူဝန်ခံလိုက်သည်။သူကယောက်ျားလေးဆိုပေမဲ့လိင်တူချင်းသဘောကျသူတစ်ယောက်။ဒါပေမဲ့ဟိုတစ်ယောက်ကိုတော့ချောလို့သဘောကျမိခဲ့ရုံသာ။ဆောနူအတွက် အချစ်ဆိုတဲ့အရာကိုစတင်ခံစားမိစေတာကတော့ အကိုနဲ့မှ။ပထမဆုံးရင်ခုန်တတ်ခဲ့တာလည်းအကိုနဲ့မှ၊ အချစ်ကိုစတင်ထိတွေ့ခံစားဖူးခဲ့တာလည်းအကိုနဲ့မှ။ ငေးကြည့်ရတာကိုပင်မြတ်နိုးတတ်လာခြင်းကလည်းအကိုနဲ့မှ။ ဆောနူရဲ့ အရာရာကအကိုနဲ့မှစတင်ဖြစ်တည်လာတာမျိုး။အကိုကမှ ဆောနူရဲ့ပထမဆုံးအချစ်။
" ကျွန်တော်ပြောတာကို အကိုယုံလား "
" အကိုယုံပါတယ်၊ဆောနူကအကို့ကိုဘယ်တုန်းကလိမ်ပြောဖူးလို့လဲ "
"ဒါပေမဲ့ ကျွန်တော့်မှာချစ်ရသူရှိနေပြီ၊"
အကို့ပုံစံကအံ့ဩသွားခြင်းမရှိ။အကိုသိနေတတယ်မဟုတ်လား။ကျွန်ဝော် အကို့ကိုချစ်နေတာအကိုသိနေတယ်။
" အင်း ချစ်လို့ရတယ်ရည်းစားတော့မထားရဘူးနော်၊
ဆောနူကငယ်သေးတယ် "
အကိုကစကားစပြတ်သွားအောင်ဖျက်ချသည်။အကိုကသိပ်အတ္တကြီးသည်။ကျွန်တော့်ကိုသူကိုယ်တိုင်နဲ့လည်းချစ်သူမဖြစ်စေချင်သလို၊တခြားသူတစ်ယောက်နဲ့ချစ်သူဖြစ်သွားမှာကိုမလိုလားပေ။မရဘူးအကို ကျွန်တော်ချစ်ရသူကအကိုဖြစ်တာမို့ကျွန်တော် အကို့နားမရောက်ရောက်အောင်လာမှာ။
" ကျွန်တော်ချစ်တဲ့သူက ... "
" ဆောနူ "
အကိုကအလျင်စလိုတားလာသည်။တစ်ခုခုကိုစိုးရိမ်နေသလိုအကိုကအသက်ကိုပြင်းပြင်းရှူနေသည်။
" ကျွန်တော် အကို့ကိုချစ်တယ် "
အကိုကမျက်လုံးတွေမှိတ်ချကာသက်ပြင်းတစ်ချက်ချသည်။
" အကိုတို့ပြန်ရအောင် ဆောနူ "
" အကိုသိနေတယ်မဟုတ်လား၊ကျွန်တော်အကို့ကို...."
" ဆောနူ တော်ပါတော့ "
အကို့အသံကအနည်းငယ်ကျယ်သွားသည်။အကိုလည်း ကျွန်တော့်အပေါ်ခံစားချက်ရှိနေတာကိုကျွန်တော်ခံစားမိနေတာပဲ။ဒါတောင်ဘာလို့ငြင်းနေသေးတာလဲအကိုရာ။ကျွန်တော်ကယောက်ျားလေးတစ်ယောက်ဖြစ်နေလို့လား။ဒါမှမဟုတ် အမယွန်းဂျယ်ကြောင့်လား။အကိုအမကိုမချစ်တာကျွန်တော်သိတယ်လေ။
" ကိုကြီး ... "
" ကိုယ်တို့ပြန်သင့်ပြီ "
" ဒီပြဿနာကိုမရှင်းရမချင်းမပြန်ဘူး "
" မဆိုးစမ်းနဲ့ ဆောနူ၊
အကိုတို့ကြားဘာပြဿနာမှရှိခဲ့တာမှမဟုတ်ဘဲ "
အကိုကအကြောင်အကန်ကိုငြင်းနေသည်။ကျွန်တော်အခုအချိန်မှာပြတ်ပြတ်သားသားသိချင်တာတစ်ခုကအကိုလည်းကျွန်တော့်ကိုချစ်နေတယ်ဆိုတာပဲ။အကို့ပါးစပ်ကဖွင့်ပြောလာမှာကို ကျွန်တော်လောဘတက်စွာကြားချင်မိသည်။
" အကိုလည်းကျွန်တော့်ကိုချစ်နေတယ်မဟုတ်လား "
ဆောနူပုံစံက ကလေးတစ်ယောက်သူလိုချင်သည့်မုန့်ကိုမရမချင်းဂျစ်တိုက်နေသလိုမျိုး။
" ဆောနူကအကို့ညီလေးပဲလေ "
" အကိုဝန်မခံဘူးဆိုရင်ကျွန်တော်ကားလမ်းပေါ်ခုန်ချလိုက်မှာနော် "
ကားတံခါးကိုဖွင့်တော့မည့်ဟန်ဖြင့်ဆောနူကအကျပ်ကိုင်လာတာကြောင့်ကျွန်တော်စိုးရိမ်သွားရသည်။ဆောနူ တကယ်ကိုဆိုးလွန်းသည်။ကျွန်တော်ကသူဆိုးလို့ရတဲ့သူမို့ဆိုးနေခြင်းဖြစ်သည်။
" ဆောနူ ၊
မလုပ်နဲ့နော်တကယ်ပြုတ်ကျသွားလိမ့်မယ် ကလေးရဲ့ "
" အဲ့တာဆိုကျွန်တော့်ကိုချစ်တယ်လို့ပြော "
မျက်လုံစုံမှိတ်ကာငိုယိုနေသောကောင်လေးကိုကြည့်ပြီးသူအကျပ်ရိုက်သွားသည်။တံခါး Lock ကိုတောင်အဆင်သင့်ဖွင့်ထားသေးသည်။စိုးရိမ်စိတ်ကငယ်ထိပ်ရောက်နေပြီမို့ဒီကလေးအလိုကိုလိုက်ရတော့မည်။တစ်သက်လုံးထိန်းသိမ်းထားဖို့ရည်ရွယ်ထားပေမဲ့ ဒီကောင်လေးကသူ့ကိုအနိုင်ယူလွန်းသည်။
" ချစ်တယ်၊
အကိုကဆောနူကိုချစ်တာမို့တံခါးပြန်ပိတ်လိုက်နော် ကလေး "
ကားကလမ်းဘေးကပ်ရပ်ထားပေမဲ့ဆောနူထိုင်တဲ့ဘက်ကလမ်းဘက်ကျနေဝောာ့ဒီကောင်လေးအတွက်အခွင့်ကောင်းတစ်ခုဖြစ်သွားခဲ့ပုံရသည်။ကားတွေကလည်းတဝီဝီသွားနေတာမို့တကယ်များဆင်းသွားရင် ရင်ကျိုးရမှာကဆောင်းဟွန်းပင်။
" တကယ်ပြောတာနော် အကို "
ကားတံခါးကိုပြန်မပိတ်သေးဘဲသေချာအောင်ထပ်မေးသေးသည်။
" တကယ်ပြောတာ၊တံခါးပြန်ပိတ်လိုက်တော့နော် ဆောနူ "
ထိုအခါမှတံခါးကိုပြန်ပိတ်ကာကျွန်တော့်ရင်ခွင်တွင်းသို့ခေါင်းလေးတိုးဝင်ဖက်တွယ်လာသည်။ခေါင်းလုံးလုံးလေးတစ်ချက်နမ်းပြီးကျွန်တော်ကိုယ်တိုင်လည်းကလေးငယ်အားယုယစွာပြန်လည်ပွေ့ဖက်လိုက်သည်။
မကျော်သင့်တဲ့စည်းတစ်ခုကိုကျွန်တော်တို့ကျော်ခဲ့မိပြီ။ ဖောက်ပြန်ခြင်းဆိုတာလူ့ပတ်ဝန်းကျင်ကသတ်မှတ်ထားတဲ့စကားလုံးသက်သက်ဆိုပေမဲ့ဖောက်ပြန်ခြင်းရဲ့နောက်ကွယ်မှာဆုံရှုံးမှုတွေ၊အထင်သေးခံရမှု၊မမျှော်လင့်ထားတဲ့ပြဿနာတွေအနှေးနဲ့အမြန်ပေါ်လာတတ်သလိုပတ်ဝန်းကျင်မှာလည်းအရှက်ရစေနိုင်တဲ့ဆိုးကျိုးတွေအဖြစ်ရောက်ရှိလာနိုင်သည်။
ဒီကောင်လေးကိုတော့လူ့ပတ်ဝန်းကျင်၏အထင်အမြင်သေးခံရတာမျိုးမဖြစ်စေချင်။ဖြူစင်လွန်းတဲ့ကလေးငယ်ကိုအရောင်တွေမစွန်းထင်းစေချင်ပေမဲ့ ကလေးငယ်ကအရမ်းကိုဆိုးလွန်းပါသည်။ကိုယ် ကိုယ်တိုင်လည်းဒီကလေးဆိုးလေးကိုချစ်မိတာကြောင့်မမှားသင့်သောအမှားတစ်ခုအားကျူးလွန်မိခဲ့လေပြီ။
#HHSLO