# بقلمي دينا الربيعي ♥
لتسكت حاجيني شنو البدر مني
وعيونك تجافيني وين الوعد اشو
بأول وگعتي انته التخليت قبل
عالمي يالجنت احلى اسنيني فشلتني
من درت ضهرك الي شوفني وجهك
وحاجيني وين الكلام وين الأحلام
كلها تبخرت مثل دخان اليخنگ
العالم هيجي حبك اني عاميني
بقلمي ♥
غفران، صعب نشوف نفسنه بينه
كل القوه بس بنفس الوكت مربطين
منگدر ندافع على نفسنه شفت نفسي
بهذا اليوم ضعيفه ووحيده
جنت اقنع نفسي اني قويه بس
الصار ثبتلي العكس اني خوافه
جبانه الخوف احتل كل جزاء
بجسمي صرت كلي ارعش
واني اشوفي عمي وعلي يباوعون
عليه بسرعه هجم علي ووخره مني
وعيونه تجدح نااار
وعمي مصدوم من اليشوفه
بسرعه لزم گلبه واختنگ
والبنات حاروا بي
علي، يابااا بيك شي تحس بشي
ابو علي، لا مابيه شي بس اريد اگعد
نور، رجع علي على اسامه انطا بوكس
خشمه بقه يصب دم گله عندك حظ
ابوي تعبان واله جان طلعتك اجناااازه
منااا
رجعت علي ابوي جبت مي وانطيته
واشوف غفران ترجف ومرتجيه على
الكاونتر لامه رجليهاوالدموع تارسه وجها
احتاريت بيمن احير
اسامه مسطور ولازم راسه حسيته
بده يصحه
علي، ولك اني مو منعتك تدخل اهناااا
لو لاااا بس فهمني ليش تمشي عكس
الحجي انته هاااا
ابو علي، ولك امانه هاي اسامه انته
تبقى احم،،،، تبقه تشرب بالسم هذاا
وتجيبلي مصيبه احجييي
ولك لو ما ملحگين عليك هسه شلون
فهمني جان اعتديت عليهااا وصخمت
وجوهنااا وبت عمك ولك الجل،،،، مايسويهاا
نور، ابجي واباوع الحالها تبجي الصخر
ابنها لازم وجها ويبجي عليها
من شافها ماتجاوبه راح العلي ويريد
يشيله علي مايشوف الگدامه بعد
نعرف بي يحبها گللنه وعلى الأساس
باجر الگعده مالتي وابوي يحاجي
عمه ونخطبها العلي بس الصار
گلب كل الموازين بعدد
ابوعلي، اسامه روح اصحه
وتعال احجي وياك الله لا يوفقك
على عملتك السوده هاي
نور، رجع علي لزمه من ياخته
وطلعه بره طلعت وراهم خفت
يضربه بعد وهو مبين مو بوعيه
خنگه ركضت علي گتلهة
علي فدوه مو وكتها ابوي
كلش مريض هسه اختنگ
لا يروح من ادينه خلي اسامه
يصحه وتعاركوا
علي، بعد متخلص منييي اسااامه
ما اريد اشوف خلقتككك
ابو علي، بتي ماعرف شگلج مع
الأسف احنه مو كفوا حته نحافظ
عليج
نور، گام يبجي ابوي عليها وهيه
ما اطت كل رده فعل ابددد خفت عليها
هواي دخل علي
علي، ليش ماسديتي الباب وراج
غفران اني مو منبهج
نور، ماجاوبت ابددد على اي واحد
مانحس اله دخلت عمتي ام غفران
تفاجئت من شافتنه هيج ملتمين
عليها
وغفران بحاله صدمه تقربت منها
وگالت
ام غفران، يمه بنيتي شبيها ليش
هيج حالها منو مسوي بيها هيج
ابو علي، عله كيفج لا تهبطيها
مابيها شي متعاركه هيه واسامه
النذل مو بوعيه ووو
ام غفران، لاااااا لتگلولي اعتده
على بتي لاا مو مأمنتها يمكم
انتوا اهلها بعد اكثر من اهلها
مايحافظون عليهااا
ابو علي، لتخافون خلي يصحه
الجل،،،،، اسامه ونحلها ان شاء الله
ام علي، شتحلهااا شتحلهااا
غفران، من شفت امي وحرگه
گلبها مثل الصحيت ماجنت مستوعبه
الصار كله دخلت بصدمه وخوفه
ابني بصفحه وعمي وعلي ونور
يحجون وياي احس اللساني
انعگد ماگدر افسر الصار
بسرعه گتلها
غفران، يمه ما اغتصبني لتخافين
نقذوني منه لحگوا عليه
جنت احجي وابجي اريد اهديها
لان حسيتها فقدت اكثر مني
ما احس اله امي وگعت من طولها
ركضنه كلنه عليها ما تحرك لا ايد
ولا رجل
ذبيت عليها مي ردت اصحيها
بقت عله نومتها من شافها علي
هيج گال وخروا منها خلي ناخذها
للمستشفى
گتله اجي وياكم گال
علي، وابنج غفران ابقي اهنا
مابيها شي لتخافين عليها
شوفي ابنج شلون يصرخ
غفران، باوعت النور وگتلها ابني
امانه عدج بين ماشوف امي
بسرعه لبست صايه سديتها
كلها لان التيشرت مالتي مشگوگ
من الصدر ولبست شالي وعلي
شال امي وطلعها للسياره وعمي
راح للبيت واجه يركض صعدو
وطلعنه للمستشفى
امي بحضني اشيل اديها وتنزل
وحدها الخوف تملكني والرجفه
بعدها بجسمي الدموع تحرگ خدي
لان زلغني بوجهي الج،،،،
صار الطريق شطوله علينه بس ردت
نوصل بعد ماوصلنه نزل علي وعمو جابو
عربانه وخلوا امي بيها دفعها علي اتلگوها
الممرضين واخذوها من عدنه دخل الدكتور
فحصها واحنه ما خلونه ندخل بقينه
بره شويه وطلع الدكتور گال
الدكتور، المريضه متعرضه لصدمه
كبيره أدت الى جلطتها ودخلتها
غيبوبه ادعولها تطلع منها بخير
وسلامه
غفران، حسيت الدنيا افترت بيها
ماحسيت شوكت وگعت وشوكت
شايليني ومخليني بغرفه وحدي
فتحت عيوني ضوه الغرفه بعيني
حركت نفسي ودخل علي عيونه
حمر ويحجي بتعب
علي، غفران صحيتي الحمد
لله على سلامتج
غفران، امي شلونها علي ماصحت
علي، لا غفران صيري قويه امج
حالتها خطره ماريدج امج مريضه
سكر وضغط والصدمه خلتها
تنجلط ادعيلها تگوم بخير وسلامه
غفران، راسي يوجعني واحس
الدنيا تفتر بيه التفكير بأمي
شلني شل القلق اكلني خفت
ماتصحه وتعوفني وحدي
ساعتها اذبح اسامه النذ،،،
بقيت للصبح وياهم بالمستشفى
والدكتور كل مايدخل الها يلگاها
نفس وضعها يگول ماكو تحسن
بعدين شويه واجوي الدكاتره
يرگضون ودخل علي وياهم
ماعرف شلون خلوا
ركضت اريد ادخل ماكو ماخلوني
اثاري مسوين صدمات كهربائية
لأمي طلع الدكتور وعلي وياهم
گال الدكتور حالتها جدآ حرجه
مابدينه بعد شي يمكن ساعتين
وصحت امي بس ماعبالي صحوت
موت حبيبتي صحت بس علمود
تطمن عليه قبل لتموت وعلى يزن
الدكتور گال المريضه فاقت وتريدج
رحت الها لزمتني من ايدج دخل علي
وراي وعمو
بستها براسها گالت
ام غفران، بتي سامحيني عفتج بنص
الطريق ديري بالج على نفسج وعلى يزن
بقيت اصرخ طلعني الممرض گال ميصير
موزين على المريضه
ام غفران، علي ابني بتي غفران الك
انته تحميها وتدير بالك عليها ويزن
اعتبره ابنك
ما أگلك ازوجها اذا تشوف نفسك
ما ألك نفس بيها وتعتبرها اختك
خليها صدگ اختك حالها حال نور
اريدك انته المسؤول عليها أمنت
بيك ماعندي غيرك
علي، بعيوني اخليهم لا تشيلين
همهم حجيت وسلمت الروح
وراحت الدار حقها
طلعنه الدكتور وطلعنه غفران گاعده
بالگاع وابوي يمها لازم اديها ويهدي
بيها
اول ما طلعت باوعت بوجهي وصرخت
الدكتور گللهم البقيه بحياتكم
تهسترت اجه اممرض وشلتها للغرفه
ضربها ابره مهدئه شويه وغفت
ومشينه بكل اجراءات الوفاه
اجوي عمامي وبيبيتي وامي
انگلبه المستشفى گلاب عفت امي
وبيبي يم غفران وطلعت
رحنه كملنه كلشي وصيت حيدر عليهم
وطلعناها للمغيسل
رجعنه للبيت لگيناهم قبلنه وغفران
موجوده والصدمه بعيونها
شافت امها بالتابوت تهسترت
كلها تجر بيها ردت اخليها تودع
امها يله ندفنها شويه وطلعنه
ماخليتها تجي ويانه للدفنه
ماتتحمل اعرف بيها تتخربط هناك
منو الها
اسامه، الحزن والعيون مورمه اعرفه
الندم والصار كله بسببه وهو هذا الصار
بس الموت حق وسبب
طلعنه ورحنه زورناها ورحنه للمقبره
يم عمي دفناها وقرينه الها قرأن ورجعنه
نور، غفران ماسكتت البجي ضيع
صوتها گامت تبجي بدون صوت
وابنها حبيبي ماسكت ولا لحظه
ولا هيه تخلي يمها ماتريده تگلي
اخذي حسيته انخلس صارت
الفاتحه تلث ايام والولد بس يلج
ومايسكت وينام ربع ساعه
ويفز ويصرخ جان يسكت عد علي
بس علي مشغول بره ومادخل ابد
للبيت ولا شفته
خلصت الفاتحه واحنه مهدودين
والولد شبعت قهر علي مره يومين
وره الفاتحه بعد ما الكل اخذ من خاطرها
وهيه ساكته مابادرت بأي شي حته
ابأنها ما سألت علي
يزن عد علي من دخل للبيت
وشافه هيج سكت بس عده
بقه يم علي فوگ من انزله
يبجي اصعد اوكله واغسله
وابدله وامطي ممه يسكت
فوگ اعوفه وانزل يم غفران
الأكل گطعته وابوي وبيبي
وامي بس يردوها تحجي
تاكل شويه ماكو علي
يشوفها هيج يصعد ميتحمل
ادري بي يحبها بس مابدينه
شي عليها بعدها بيوم
دخلوا عمامي واسامه وحيدر
وولدنه وابوي وعلي يم غفران
هيه لافه نفسها دشداشه سوده
وشال اسود ومدنگه بس الدموع
تنزل
گال عمي ابو اسامه
ابو اسامه، اعرف مو وكتها بتي
الصار قضاء الله وقدره وقدر الله
ماشاء فعل
يمكن ابني سبب موت امج وهو
هذا جان يومها الله يرحمها ويغفر
الها
بس احنه نريد نصلح الصار
والسواه اسامه ماينسكت علي
وانت بنيتنه ان شاء الله
احنه منتضرين تطلع
الأربعين مال امج ونعقد الج
والأسامه
يتبع،،،،
قراءه ممتعه بنات ♥ لتنسون التصويت والنجمه
اني نزلت بارت لان گتولي مافتهمنه شي من غفران
صبركم عليه الاحداث الجايه نار
واذا استمريتوا هيج بالتصويت كل يوم انزل بارت ♥♥