ازقة الموت

البارت 34

اعتذر عن التأخير واشكر كل الي قدروا وضعي وتفهموا اني بوقت عزاء
واشكر الي عزوني واعتذر ايضاً على عدم الرد على التعزيه
لان ماعندي وقت

ازقة الموت
بقلمي زينب العبودي
البارت 34

بس بعد ما تخلفيلي طفل طبعاً

باوعت عليه بابتسامة استهزاء
جنت اعرف راح تخلي شرروط اساساً استغرب اذا مخليت شرط

باوعلي بابتسامه مكر
حلووو يعني حفظتيني يگولون بس الي يحب يحفظ اليحبه على غيبه

شداد اخويه اريده يطلع منا ماكو داعي الشروطك هاي التعجيزيه كتلك اني اقبل كلشي بس طلع اخويه منا

شداد-غصباً عل خلفوج تخلفيلي طفل يالله يطلع اخوج من البتاوين

مكاعد اكلج هذا الشي حتى تقبلين او متقبلين انتِ اصلاً مالج رأيي بس هيج طاخ بمزاجي احترمج واكعدج واحجي وياج مثل البشر

ميسم-باوعت عليه بحديه
يعني شلون تقصد اله من اخلفلك طفل يالله اخويه يطلع منا شكاعد تحجي انتَ اريد اخويه يطلع منا اليوم قبل باجر مااتحمل بعد وجوده هنا

-واني كلت الي عندي

-شداداخويه راح يضيع مااتحمل بعد لتسوي هيج

جان يباوع عليه ويبتسم باستهزاء ويباوعلي
لزمت ايده

شداد فدوه لتصعبهه عليه والله تعبت ماعندي بعد قابلية اعيش الخوف خل اخويه يطلع منا ماريد شي بعد ولا اطلب شي ولا افتح حلگي

جنت احجي ويا بتوسل وهو يباوعلي باستهزاء

- لتستهزء بكلامي كاعد احجي صدك

-واني هم كاعد احجي صدك قابل جذب جيبيلي طفل
واخوج وين متودي ودي عسى ما تتبرعين بي

-انتَ ليش مكاعد تفهمني كاعد اكلك مااتحمل راح يضيع اخويه هنا مراح الحك عليه اني ماريد اخويه يبقه هنا يوم واحد لو بيدي هسه اطلعه منا

-واني هم كلت العندددي لتلحين كاااااافي
كتلج خلفيلي ووين ميروح يروح انخصم هذا الموضوووع ماريد بعد ينفتح

-هو شنو الي انخصم

-كلت انخصم الموووضوع يعني انخصم

-بلله مصار عندي طفل وشيصبرني الحد ما يجي للدنيا

غمزلي وكال
-يصير بس انتِ شدي حيلج وياي مد ايده على خصلة شعري النازله على وجهي وخرهه وره اذني

لتسوي هيج شداد عليك الله
شداد

-كتلج بيدج شدي حيلج ويجينه طفل

لتخلي شرط اله اخلف طفل يالله يطلع والله تعبت كافي عاد

بعدني ممكمل شروطي

-انتَ ليش هيج تسوي بيه مكاعد افهم والله

-شمسويلج

-تحب تأذيني
ليش هيج كاعد تسدهه بوجهي هي شغله وحده طلبتهه منك يطلع اخويه منا وكتلك اني هنا

شرطي الثاني الطلعة اخوج ونكدر نكول بديل تسرعين بي طلعة اخوج

ليش كاعد تلعب بأعصابي

مكاعد اللعب كاعد اكلج حل سهل ثاني الج مو تگولين مااتحمل يبقه الحد ما اجيب طفل

هزيت راسي وعيوني تأنبه لان كاعد يلعب بمشاعري واعصابي

ابتسم وگال ..

. تثبتيلي محد طاخج من انهزمتي الهذا اليوم يالله وبذاك الوكت يختلف الحجي

باوعت بصدمه اثبتلك شثبتلك شداد شثبت شكاعد تحجي انتَ شنو يعني كلامك قصدك اني مسلمة شرفي

اي ومو بس شرفج

ااانت شكاعد تكول

صوتج لا اكص اللسانجً

ضحكت واني استهزء ودموعي گبل صبن

انتَ شكاعد تحجي شداد والله محد طاخني

ضحك باستهزاء ودار وجهه

اني مو وحده وصخه

ثبتيلي
شاون اثبتلك شلووًن

مااعرف اويد اثبات قبل جنتي بنيه وكدرت اعرف محد طاخج هسه

شداد الي هنا وبس كافي عاد كلشي سويت بيه وهسه تحجي بشرفي تصدك لو متصدك شي راجع الك
اني محد طاخني لان اني شريفه

جر اصابعي ضغطهن بيده حيل غمضت عيني من الوجع
شداد ايددي

شداد-تصدك لو متصدك شي راجع الك
الي تحجيهه

كمت اعصر بعيوني ووجهي تبدلت ملامحه من الوجع جان يضغط على اصبعي حيل ولايفه كتله

اي الك لان انتَ الي كاعد تتهمني بشرفي اااخ اصبعي عوفه كافي عاد كافي شداد

عاف ايدي كمت رأساً من يمه صاح بصوت عالي

بعدددني ممكمل كعدي

شتريد تحجي بعد ،بعد ماعندي اي جرعة صبر
باوعت عليه بحزن
اعرف انتَ مجرم بس متوقعتك الهاي الدرجة توصل االمرحلة تتهمني بشرفي سديتهه بوجهي من ناحيتك هواي يوم بعد يوم تخليني مو بس اكرهك حتى احقد عليك

ليش انتَ هيج

تكرهيني هذا الشي الي يخليني اشك بيج
جنتي قبل مو مثل هسه بس اطخج حتى من احجي وياج تعابير وجهجً تجاوبني بدون متحجين
واني متأكد عندج شي ياميسم وراح اكشفه

كولي مرت سنه سنتين سنين مرت وعرفت احد طاخج غيري لو واحد ببالج غيري
لشوفج شي مشايفته بحيااااتج كلهه

باوعت عليه بخوف مااعرف حسيت كلامه مقصود واني اتذكر وطبان بصوره مصغره بذهني انعادت حلم جان مااعرف حقيقه ارتبكت حسيتهه يقصد ذاك اليوم مااعرف متوهمه گبل كمت من يمه ردت اروح
گال بحديه

كعدي بعدني ممككل كلامي كتلج

وخرت عيني من عينه بارتباك حتى مكدرت اجاوبه حسيته يعرف شي عن ذاك اليوم معقوله جان مو حلم وشداد عرف بي نتر بيه وگال

كعدي كتلج

رجعت كعدت بنفس المكان كتله شنو
بقه ساكت باوعت عليه يباوعلي ويبتسم ورافع حاجبه
شنو

سلامتج

جان مثل الي يترقب تصرفاتي مااعرف اذا بين ارتباكي او لا قطع الصمت وگال سويلي جاي

مااعرف ليش گلي اكعد وليش رجع گومني بس ماعولت اكوم من يمه حسيت نفسي تصرفاتي راح تكشفني اذا ماهو شايف شي
رحت للمطبخ بوجه حزين باوعتلي شرشوبه

-ام المصايب ليش عله صوته شكلتيله

بقيت صافنه ذاك جان حلم لو حقيقه قرب وطبان مني

الو يمعوده

من گالت الو باوعت عليهه متعوده وطبان يگولهه الي

وين بالج شصار

-شايفه اني شتخايل نهايتي اتخايل اني مرتكبه جريمه بشداد وبالسجن هي هاي نهايتنا ماكو غير هاي النهايه لو

لو شنو
لو هيج ولا شي

شصار عليج الله احجي

الي صار تعبت

-بابا سايسي

شسايس شسايس شرشوبه حياتي ويا عباره عن بس تهديد وضرب ولزمات عليه حياتي ويا عباره عن حفره غميجه ظلمة ومابيهه اي بصيص امل

عفتهه ورحت خليت االقوري على الطباخ و رگعته بالطباخ حيل

-القوووري شعلي

سكتي عني شرشوبه عفتهه وطلعت صعدت فوك خبلني ليث نايم وميكعد معقوله بعده صعدت هم لكيته نايم

كعدت على الجربايه يمه
لزمته من ايده بسته

- ليوثي حبيبي ليث شنو سالفتك كوم حبيبي كوم اكعد شنو قصتك

كام يمطك بحلگه ودار وجهه ابتسمت حسيته طفل

-لوفي گليبي كوم اكعد

-نعسان

-هواي نمت كوم

فتح عينه شويه ورجع غمضهن وجر الغطه

ليث كوم حبيبي لتشلع گلبي

نعسااان

الله لا يوفقك يا شداد انتَ ووطبان
صاح شداد ميسم ومينطي مجال طلعت من الغرفه كتله جايه واني انزل شفته واكف يم الدرج جان وضعه احسن واصلاً هو ميتأثر غير واحد نايم وميتحرك
كال وهو يخزر بيه
مووووووو كتلج سووويلي جاي

رحت اشوف ليث من البارحه نايم

ميسمممم جري عدل من اكلج شي اني اول شي وبعدين الباقين أفتهمتي ماريد اعيد بعد

نزلت من الدرج بسرعه وهو يخزر بيه الحد ما مريت من يمه وهو على نفس الخزره

دخلت للمطبخ ضحكت شرشوبه وهمست بصوت ناصي صبيتله وانرعص شكايلتله ومخبلته اليوم ام البلاوي

اخ با ميسم اخ جنج جاريه عنده ليش تخافين منه صبيتله الجاي وطلعت بدون مااحجي شي
وديته اله كتله هاك بنتره بس بداخلي

اخذه مني وهو يخزر بيه
-شايفه اذا عدتيهه بعد

-شنو الي اعيده

هيووووووووو صوتج

شداد شبيك تعبت والله لتعاملني هيج

اهينج بالقندرا وتسكتين ومتفتحين حلكج وبعد ديد بالج تعيديهه من اوصيج على شغله تسويهه يالله تروحين الغير شي ااافتهمتي

باوعت عليه كال بحديه افتهمتي

اي افتهمت

شرشوبه وكفت على الباب گبل باوع عليهه اني نزلت عيني هو گلهلهه خيرج شرشوبه

ا-راح اروح ردت اسأل ميسم تحتاج شي

-لا ماريد شي

شداد-وين رايحه

اريد اروح انام منايمه من البارحه

اليوم راح ارجع البيتي تعالي ويه ميسم رتبي

درت عليهه من يمي ضجت من وجهلهه الامر
ابتسمت بوجهه هي باستني بوسه هوائيه وراحت واني هم ردت اطلع من الهول

شداد-وووين ممكمل كلامي بعدني
سمعت الباب انطبكت رحت كعدت على الجربايه واباوع عليه اكرهه ويخليني اكرهه بالزايد

من خلص الجاي كام راح باتجاه الباب عبالي يروح للحمام شو هذا سد الباب اني گبل حسيت كل جسمي انتفض

باوعت عليه اجه باتجاهي ونظراته تريد تاكلني كعد بصفي ودار وجهي عليه كل جسمي كزبر

مشتاقلج

شداد

دير بالج تحجين شي

شنو دير بالي كاعد تشوف نفسك ساعه تهاجمني بالكلام ساعة تگول مشتاقلج

اني احبج وبس هذا الشي كلش كافي لتباوعين الغير شي
ركزي بس على حبي الج

تذكرته من يگول الدليل اني ببالي اخد غيره من يتقربلي لان اكش منه

بقيت مصطكه بمكاني وهو قرب وجهه وانفاسه حاره تنطبع على رگبتي اني غمضت عيني ومبين عليه كاشه روحي منه رغم ماحاولت امنع نفسي وامثل بلكت يروح شكة مكدرت

معافني ابد الحد ما اخذ الي يريده جنت مصطكه مثل اللعابه بيده يجيبني منا ويخليني منا
واعصابي مشدوده اريد اكوم ماريد حتى انفاسه اسمعهن

الحد ما نام بصفي وغطه روحه بالبطانيه

ردت اكوم مخلاني عتني وجرني انام بصفه نزلت دمعتي توه يريد يحجي سمعنه الباب انطبكت البره كمت بسرعه لبست ملابسي وهو بدل ورجع غطه نفسه بالبطانيه

لا اندكت الباب مال هول ولا عرفنه منو دخل گبل رحت للحمام لعبانه نفسي وابجي

وسبحت بنفس الوقت دك الباب عليه هو كتله بالحمام كاعد اسبح

لتتأخرين

كمت ابجي خليت ايدي على حلكي حتى ميطلع صوتي واني ابجي رغم ماجنت محتاجه اصرخ
رجعت خليت ايدي على رگبتي اختنكت بعد مااكدر مااكدر كمت اهمس

ياربي يارررب مااكدر بعد والله مااكدر تعبت تعبتتت

شسوي شسوي اني اكرهه مكاعد اكدر خلصني منه يارب
طلعت من الحمام بعد ما تعبت من كد ما تعبت نفسيتي جسمي كله تعب اريد اشمر روحي بالفراش اريد انام اريد انهزم من الي كاعد اعيشه

لبست ملابسي بدون ماانشف جسمي وكبل صعدت فوك

دخلت للغرفه جنت اريد اقفل الباب عليه منايمه وتعبانه واويد انهزم من الي كاعد اعيشه

نسيت احد دخل للبيت وصعد باوعت وطبان جان متمدد بجرباية خزعل كبل باوع عليه واني دموعي يصبن
بقه يباوع عليه ابد منزل عينه وكال

-شبيج ليش هيج

باوعت عليه بحزن ونظرات لوم
وطلعت ردت اطبك الباب وانزل بسرعه ويه مكاعد اطبكه گال

- اوكفي مو احجي وياج

رجعت فتحت الباب ودموعي على خدي وشعري ينكط مي ومبلل ملابسي
كام وكف راد يتقرب عليه بخطواته كتله واني اباوعله بنظرات عتب وحديه

دمرتني وتسألني بكل برود شبيج

وهو جاي باتجاهي گال

-انوووب اني دمرتج شو انتِ متعرفين تحجين

اي انتَ سبب دماري دير بالك
تسألني بعد عن الي بيه مالك علاقه بيه

وهذا اخويه مثل منومته كعده حتى الطفل مخلص منكم حسبي الله

جان واضح من نظراته يريد يهجم بالكلام گبل طلعت وطبكت الباب ونزلت بسرعه خايفه خاف شداد يعرف اني صعدت ووطبان فوك شيخلصني حتى اخويه مكدرت اروح واشوفه

دخلت للهول جان يخابر شداد وكاعد على الجربايه نفسهه الثانيه الي هي بالاصل مال ساجت وهو حان نايم على جرباية سعيد

من دخلت دار وجهه عليه ويحجي بالتلفون

شداد-غيررر اريد افتهم شصاير ليش ياهوه الاسئله بيكم يكول ماكو شي وكمتوا متوصلون هنا

فهمت كاعد يحجي بموضوع ساجت وابو ماشه وليش ميجون هنا

رحت تمددت على الجربايه الثانيه وغطيت نفسي جنت محتاجه انام اريد اهرب من الي كاعد اعيشه لان بعد وصلت مرحلة ماعندي طاقه

واعرف شداد مراح يخليني انام بس جنت منهكه
كام صوته يتقرب مني وهو يحجي بالموبايل حسيته من كعد بصفي الحد ما خلص مكالمه گبل وخر الغطه مني

شتسوين بالحمام انتِ تنامين هناك شنو فلمج

بعدني مغمضه وعلى نفس نومتي ممجاوبه رجع دك جهازه گبل جاوب

-ها بشر

-لا بشرفك

وگبل كام وصوته مثل النصه بس بنفس الوقت بي توتر

سعيددددد شكتلك اني هي شغله وحده مدبرتهه طاح حظك

جايك جاااااايك هسه كتلك وين انتَ بالضبط

لا اااا ابقه هناك اني جايك

گبل طلع بدون ميحجي اي شي اني رأساً كمت اول مطلع

رحت على البرده فتحتهه شويه باوعت يمشي سريع ولا عبالك متصاوب بقيت اباوع الحد ما راح مكدرت اشوفه بعد

گبل صعدت فوك لكيت وطبان نايم على نفس الجربايه مال خزعل ومخلي رجل على رجل من شافني گبل گام

واجه باتجاهي

شمرتي كم حجايه ووليتي نزلتي

لتحجي وياي اي شي اريد اخذ اخويه واطلع منا مادام شداد راح ودير بالك تمنعني

رحت باتجاه اخويه ردت اشيله جرني

وين راح شداد
جريت ايدي منه ورجعت دنگت على ليث وبنفس الوقت احجي
ماادري بي وين راح

رجع جرني

الوووووو عوفي اخوج وجاوبيني انتِ شتريدين بالضبط وشنو اني سبب بالكاعد تعيشي نسيتي كم مره طلعتج

عتيت ايدي منه وسحبتهه
لتلزززززمني هيج دير بالك تطخ ايدي حتى طخه
اي انتَ السبب بكلشي كاعد اعيشه اني كاعد اصارع بداخلي بسببك خسرتني كلشي كلشي مهم خسرته بسببك
جاي احترك بداخلي بسببك

اااااني هههه لا حول الله هيووووو شكاعد تلغين انتِ
اني شعليه بيج تحترگين تشتعلين شلي دخل
مااعرف شراسمه ببالج بس

مراسمه شي غير بس انتم مجرمين واريد اخلص منكم
كافي انتَ ترسم بعقلك اني راسمه شي كلشي مراسمه غير بس اخلص من هاي العيشه الي بعد مااتحملهه

- انتِ حرگتي روحج بيدج ماكو احد حرگج فهمي هذا الشي

-لو بذاك اليوم محابسني لو مشايفتك بذاك اليوم جان كلشي يختلف هسه

ساعة السودا يوم الشفتك بيهه
ردت ادنك على ليث مخلاني گبل عتني من ايدي

-كتلج ساعدتج مرتين بعد تحلمين اساعدج

ماريد مساعدتك اني راح اخذ اخويه منا واولي بدون مااحد يسوي منيه عليه
ردت اجر ايدي عتهه اقوى

-باباماخليج تطلعين منا كو بكيفج

باوعت عليه
كاعد تتشاقه اكيد وخر ايدك دير بالك تمنعني

-لو اعرف ارميج هسه هم مااخليج تطلعين منا كعدي عاقله وسمعي الكلام احسن الج

جريت ايدي بحديه وباوعت عليه عيوني رادن ينطن

-ارمي ارميني وخلصني يالله ارررمي شمنتظر طلع روحي لتهدد مثل شداد شوفني فعل ارميني وريحني افضل من القرف الي كاعد اتعايش ويا

هذا مو مكاني اموت هنا اني ماانتمي الهذا المكان
فالموت ارحم ألي

الوووو كعدي عاقله ولتنگزين
كافي العندي ينكزون مالي خلكج

افهم عاد افهم اريد اطلع قبل ليجي شداد وطبان كافي كااافي انتَ هم كافي

-مااسمحلج تولين منا افتهمتي لتلغين بعد وولي نزلي جوه ليجي رجلج

-كااافي دمرتوني الله يخاذكم باوع اخويه الحد الان مصاحي شسويت الاخويه انت شسووويت

مابي شي اخوج اني انطيته منوم احسن اله وهسه يگعد

انتَ شنو من بشر انتم شنو من بشر فهموني الهاي الدرجة مكاعد اصدك انتَ هم ماعندك ضمير
لك طفل هذا

ضحك باستهزاء نرفزني بضحكته كبل ضربته بصدره
انتَ شنووووو من بشررر حتى انتَ هيج متفرق عن شداد بشي انتَ شنوووووو فهمني

گبل لزم قبضة ايدي حيل

-الزمي حدج هواي طوختيهه

راح اتخبل اذا ابقه هنا ماعندي ذرة صبر شبيك انتَ افهم عاد افهم
خليني اطلع وطبان منا بعد مااتحمل والله

نتر بعصبيه وگال

متطلعييييين مناااااااااا

باوعت عليه ونزلت دموعي وشهكت من البجيه كد ما اختنگت گبل گال

بابا هنا حالياً أأمن مكان الج فاضل مخلي شداد بالزائد وانتِ مرت شداد الي يدري بي يحبهه لتصيرين مطيه
كافي تدولبين بنفسج

افهمي عاد وتعايشي ويه المكان الي انتِ بي وكعدي وسكتي ووابقي جوه سد رجلج

اندگت الباب حيل گبل عاف ايدي
ووخر مني وهو يوخر رفع راسه ورجع گال

سمعي كلامي ولو مره وحده مره وحده بس
ونزلي خاف شداد اجه ماريده يفكر غير تفكير

اندگت الباب حيل عاط بيه

نزززززلي شمنتظره

زادت دنت الباب توتر اكثر ونتر نزززلي يمعوده

عفته ورحت نزلت واني ابجي دخت حيل كل الي اعرفه بعد خلص تعبت يابشريه تعبت من كلشي اريد بس كشاية امل اطلع منا من جديد

اندكت الباب اكثر قوه صحت واني انزل منوووو

-اني فتحي الباب

سمعت صوت بنيه خمنت بطه فتحت الباب هي گبل ابتسمت

شنووو ساعه يالله تفتحون الباب حبيبي هنا لو لا

دخلت وطبكت الباب
ميسم ليش تبجين شداد وين شو ماكو صوت گبل نزل من الدرج وطبان گبل وخرت العبايه من راسهه وحجت بموعان

بطه-هاااااي انتَ هنا همززززين لگيتك مو علساس تجيني ها شو مأجيت

ميسم-گبل كامت تباوع عليه وعلى وطبان وگالت
لعد شداد وين

ميسم-توه طلع مشفتي

لا مشفته

گبل لزم ايدهه وگللهه همزين اجيتي اخذهه وصعد فوك
اني كمت اباوع عليهم من يصعدون شفتيفي كامت تتحرك مدري ليش متت قهر

مو بيدي گلبي كام يوجعني وهي وتصعد تگله استاقيتلي يجاوبهه كلش

صعدت وراهم رأساً طبگوا الباب فتحته رأساً وراهم
اثنينهم داروا عليه باوعت على وطبان بحديه

اااخويه هنااااا نايم اجيت اخذه انزله يمي

بطه-اي بعد احسن

رحت دنگت ردت اشيله گال شكو منزله الطفل وهو نايم

مجاوبته شلته هو گبل فز ليث ابتسمت

حبيبي كعدت واخيراً

وطبان-خلي يمشي لتشيلي مادام كعد

طلعت واني شايلته بدون مااجاوب ونزلته رغم ما كعد بس بقيت شايلته وابوس بي هو خفيف جان بس طويل
صاير شويه

بقيت كاعده اني وليوثي ردت اخذه واطلع بس خفت كلت خاف انوب كلامه صدك واوكعلي بيد مجرم جديد فهمت واقتنعت اني بمنطقه تخوف كافي اجازف

وكلته وجان خامل رغم الساعات الي نام بيهه وهادئ ومو من عادته بس ارتاحيت من كعد

بالساعه بقوا فوك منزلوا ابد واني بالي يمهم
مو بيدي احسه يخوني مسلتة مشاعر اعترف بيهه بنفس الوقت بس مااكدر اطلع من هاي الدائره الظلمة الي اعرف بيهه غلط

مااعرف شلون الانسان يطلع من الدائره الغلط
الحد ما اندكت الباب شرشوبه اول مشفتهه شبكتهه

همزين اجيتي

هو اني دوم اجي بالوقت المناسب
شصاير ولج احجيلي

فنج منو فوك

منو

بطه وهي ووطبان وصارلهم ساعه شكد وصخ هذا البشر
همه مو ممتزوجين

يووو دوخري مني خل ادخل اني ماعولت اوصل راسي يفتر ودايخه ضغطي هابط قسته انوب هبطتي بالزايد من جبتيلي سيرتهه

هاج صبياي كلاص عصير

جانت جايبه عصير برتقال بيدهه اخذته منهه وهي
گبل دخلت للهول ونامت على الجرباية مال ساجت

جبتلهه لكلاص انطيته الهه اندكت الباب شفت ليث خامل كتله لوفي افتح الباب

كام ورحت وراه فتحت الباب خزعل
صاحت شرشوبه

ميسم ولج لحكيلي بگلاص ثاني راح اموت

خزعل-شبيهه شرشوبه طبك الباب وراح عليهه
هاااا يمعوده شبيج

اسكت اسكت خل اعيش هبوطي ميسم تعالي وينج جيبيلي كلاص ثاني

ضحك خزعل وگال
يمعوده جيبيلهه كلاص ثاني تريد تعيش هبوطهه
شنو شداد وين لعد

ميسم-طلع شداد

خزعل-وين راح

ميسم-سمعته صار عصبي ويمكن سعيد الي اتصل عليه وراح يركض

خزعل-لا بشرفج
گبل طلع جهازه اتصل عليهم اثنينهم محد جاوبه

خزعل-هو اني كمت استغرب اذا متطلع شغله صفح
رجع اتصل سمعت موبايل وطبان يدك فوك گال هاي شنو وطبان هنا

اي هو وبطه صارلهم فوك الساعه فوك بالغرفه
گبل حجه خزعل وگله جوه اني جنت يم خزعل واگفه
سمعته گله اجه شداد

هو اني خابرتك عليه طالع تعرف وين

-لا مااعرف نازل هسه جايك
بقيت واكفه يم باب الهول نزل هو درت عليه كمت اباوع عليه الحد ما اجه وكف بصفي گبل باوعت على رگبته هو انتبه عليه ابد منزلت عيني منه

شنوووو

وكح وكمل شنو خابرته الشداد

اي خابرته ومجاوب وميسم كالت حجه ويه سعيد وطلع متوتر

گبل باوع عليه

صدك حجه ويه سعيد شگله

بقيت ساكته مجاوبته الحد مانزلت بطه مبتسمه والحمره مالتهه مدمره حلگهه بكد ماجانت مخليه حمره

وشرشوبه كاعده ودايره وجهه علينه تباوع
ومن سمعت بطه گبل طلعت صوت بحلگهه

طلع وعافنه وطبان وهو يتصل لحگه خزعل ودخلت للهول بطة يم شرشوبه گبل گالت شرشوبه

ركعيني بكلاص ثالث مال عصير راح يصفر ضغطي لان الاوكسجين تلوث

جنت فاصله نار بگلبي شابه اعرف بي سيء مجرم وكلشي طايح حظ بي ليش احبه مااعرف
ليش افكر بي مااعرف

شلون اكرهه مااعرف
رحت للمطبخ نزلت دمعتي وامسح بيهه
ليش ابجي اني ليش

سمعت صوت شداد بره ويساله وطبان وين جنت وجاوبه بحديه ليش تسأل ودخل ودخلوا وراه الولد

خزعل-ميسم كالت خابرك سعيد وطلعت تركض
گبل ضربت خدي راشدي

وخليت ايدي على حلگي خرب حظي شوف ياربي شلون يورطني ويه شداد

گبل گله ميسم كالتلك

اي ميسم مو كلت مراح تكمل هذا الشغل

مكلت هيج كلت لتدخلون بشغلي

وطبان-اي صايرين بس كتلك سعيد متدخله

شداد-مددخل سعيد بهذا الشغل ردته يراقب فاضل وانحشر الغبي بمكان

وطبان-شداد مو اتفقنه شغلة فاضل يمي

شداد-على اي اساس لا انتَ ولا اي اخد بيكم يتدخل بهاي الشغله فاضل دك بيتي واني مو جبان حتى انتم تطلعولي حقي اني بيدي اجيب حقي

وسعيد مطي شغله وحده ردتهه منه مدبرهه واذا تكول لتورط سعيد وياك وبمشاكلك هم عادي مو مهم هسه راح اوكف على رجلي واني ادبر وضعي

وطبان-مشكلتك مشكلتنه كلنه شداد انتَ تعرف شنو بالنسبه الي كاقي تماطي روحك وعوف هاي السوالف
مال مشكلتي وحدي

صاح بصوت عالي ميسمممم
وينج

دخيت على راسي يبوووو يبو شحجي عليك خزعل
عله صوته وصار بي حديه وصاح

ميسممممم وينج

اجيت اركض كلهم جانوا واكفين يم الباب شداد بالهول وهمه بالممر

اول مشافني گال يلله يابه جهزي نفسج دنروح البيتنا

وطبان-شكو رايح
خزعل-شداد ابقه هنا شنو سالفتك

شداد-شكو بعد باقي بيتي فارغ

وطبان-شداد متروحون لتتزعل مكتلك شي اني

شداد-يابه شزعل بالعكس اشكركم مقصرتوا وياي وويه عائلتي وماانساهه الك

وطبان-شداد

ميسم شكتلج قبل لا اروح مو كتلج اليوم نروح

هزيت راسي بـ أي
بقوا يلحون عليه الولد گلي صعدي جيبي اغراضج اذا اكو فوك عفتهم وصعدت وهمه يلحون على شداد منروح
ومثل مگلي وطبان على فاضل گله
وگله لتجازف خاف هم يعيدهه فاضل عل اقل هنا احنه ملمومين

اسمع شداد قافل اني هم اخذت اغراض ليث
وفتحت كنتور خزعل خاف بي شي ال ليث ملكيت شي واني اريد اسد الباب مال كنتور لفت نظري كتاب

القرآن الكريم ومبين جديد كلش
ردت اطبك باب الكنتور للنهايه رجعت فتحته گبل سحبته

قرآن وهنا بهذا البيت طبعت شفتي على نقش القرآن الكريم
يالله قرآن صار شكد مقارية قرآن صار شكد بعيده عن رب العالمين خليته على صدري

بسم الله الرحمن الرحيم بسم الله
اللهم صلِ على محمد وال محمد

جنت اردد تلقائياً اول ملزمت القرآن
يارب اخلص من حياتي هاي بشرني بكتابك

من كد ما جنت مأيسه اتذكر من ياخذون استخارة يفتحون القرآن گلت يارب انت تعلم اني لا اعلم كيف استخيرك على نياتي راح افتح كتابك

ساعدني يالله

مجنت حتى اعرف شحجي وشلون اتوجه الرب العالمين
فتحت القرآن وهنا

حسيت احساس صعب وصفه خوف ورهبه
اجيتي عيني على

الزَّانِيَةُ وَالزَّانِي فَاجْلِدُوا كُلَّ وَاحِدٍ مِنْهُمَا مِائَةَ جَلْدَةٍ وَلَا

تَأْخُذْكُمْ بِهِمَا رَأْفَةٌ فِي دِينِ اللَّهِ إِنْ كُنْتُمْ تُؤْمِنُونَ بِاللَّهِ

وَالْيَوْمِ الآخِرِ وَلْيَشْهَدْ عَذَابَهُمَا طَائِفَةٌ مِنَ الْمُؤْمِنِينَ.

الزَّانِي لا يَنْكِحُ إِلا زَانِيَة أَوْ مُشْرِكَة وَالزَّانِيَةُ لا يَنْكِحُهَا إِلا زَانٍ أَوْ مُشْرِكٌ وَحُرِّمَ ذَلِكَ عَلَى الْمُؤْمِنِينَ

سورة النور جانت اي صدفه هاي شنو اعتبرهه
تنبيه الي

لو تنوير الطريقي

لگيت قرآن بالصدفه وتطلعلي سورة النور بالصدفه
وفوك كل هذا تحجي عن الزنى

رجفت جسمي كله انتفض گبل سديت القرآن وبقيت صافنه

يارب دخيلك يارب طلعني من الظلمات والله مو بيدي
يارب شلون بيه ساعدني اخلص من التفكير الحرام

سمعت صوت شداد يصيحني گبل رجعت القرآن بالكنتور
وسديته واخذت ملابس ليث ونزلت

شداد-شنو سالفتج طولتي

اجيت بس ماعندي عبايه اروح بيهه

لا مراح نروح اليوم

اني جنت متصدعة من الايه القريتهه وانوب شداد گلي منروح گبل كتله

ليش منروح

خزعل-بعده شداد وضعه مو زين

باوعت على شداد بحزن هو استغرب بقه يباوع عليه ونظراته بيهه علامة استفهام همستله بصون ناصي

-خل نروح البيتنا
جاوبني وهو مستغرب

-بس اليوم باجر نروح

طلع موبايله من جيبه وكعد على الجرباية وگال

-خل اخابر الولد خاف يرحون الهناك وميلگوني لان كلتلهم هناك رايح

وطبان -منو قصدك

-ساجت وابو ماشه خل اكلهم يجون هنا

ميسم-جان يحجي وعينه على وطبان يترقب تصرفاته من يسمع راح يجون هنا يرد يعرف ردة فعله لان اكثر من مره سأل ساجت وخزعل واظاهر محد يجاوبه

بنفس اللحظه بعد ما ذكرهم شداد گال

وطبان- اني راح اروح بشغله تجين اوصلج بدربي بطه

بطه-اي حبيبي

بهاي اللحظه جنت بعدني تحت تأثير الاية الي شفتهه
مسطوره وخايفه يمكن لو ممذهوله ومتصدعه بهاي الايه جان غرت وثرت من الغيرة بس حسيت هاي الاية صحتني على زماني ،مكمت افكر بشي غير بس شلون اكفر عن ذنبي

الاول مره بحياتي اعرف معنى الخوف الحقيقي

شكد ما الانسان يخاف من الظروف بس الخوف الحقيقي
من يحس رب العالمين غاضب عليه

حسيت هذا القران اجه بوقته المناسب يمكن صدفة عاديه اذا احد سمع بيهه ،بس ...بس اني مااعتبرهه صدفه عاديه حسيت رب العالمين ينبهني بيهه لان كاعد اضيع نفسي بالحرام

كمل كلامة شداد ويه وطبان وحاول يخلي يأجل طلعته
وشرحهه بصريح العبارة
اريد اوكع على علتكم واعرف سبب المشكله لان متأكد المشكله اني طرف بيهه بقه وطبان يحاول يبينله ماكو هيج شي ابداً

ساعات احس شداد ذكي كلش وبسرعة يكشف الي كاعد يصير داير مدايره

بس الي يدوخني ومخليني ممفتهمه شي ساعات احسه يعرف بكلشي بس ميبين هذا الشي بنفس الوقت

وساعات اكول لا ميعرف لذلك دايخه

من طش الكل بقينه اني ويا اتصل على ساجت گله باجر امرلك عدنه شغل اني وابو ماشه مترهم اليوم وهذا الشي خلا يگب وكل شويه يگول متأكد صاير شي الحد ما انتبه اليه اني ساكته جنت صافنه بعيد عنه الخوف تملكني من رب العالمين

بقه بالي يم القرآن والاية الي طلعتلي صعدت فوك ورجعت طلعت القرآن وكعدت على الجربايه

نزلت دمعتي
يارب والله اسفه راح اموت شلون اكفر عن خطئي شلون يارب
اعرف اني اعتبر زانيه لان افكر بواحد واني متزوجه اعترف بس شلون تسامحني

خليت القرآن على گلبي اخاف افتحه انفتحت الباب ارتبكت معرفت شسوي باوعت خزعل نزلته للقرآن من يم صدري ولزمته بيدي ردت اخلي على الجربايه
بين ارتباكي استحيت لان طلعته من كنتوره كتله

-كاعد ادور خاف اكو اغراض ال ليث بكنتورك ولگيته

-عادي عادي تعلمت عليج تتعدين حدودج بكنتوري
ابتسم واجه لزمه

- هاي بنيه انطتنيا
اخذه من ايدي وهو يبتسم
دخلت للمكتبه استنسخ جنسية وطبان وهي
جانت تبجي وواكفه ابد منزلت عيني منهه

تدرين وهي تبجي حلوه

ضحكت اني

بقيت مشگل فيشه وياهه

جانت مسويه مجموعه من ذني الكتب وتريد ابو المكتبه يسويلهه لزكات صورة ابوهه وكالتله اكتب الى روح ناظم
وتلزكهن باول صفحه

والله شبيج
المهم باگت گلبي و تربعت بگلبي تربيع

شلون احجي وياهه وتصير عيني بعينهه گتلهه عادي اخذ واحد

دارت عليه ومن دارت اويلي انصاب گلبي بيهه

وهي عيونهه وارمه گبل مدتلي ايدهه بيدهه كتاب گالتلي

- عليك الله عود اقره الفاتحه الابويه

جانت مطوله سالفتهه اتفقت ويه ابو المكتبه على وقت ترجع بي

بقيت مگابل المكتبه انتظرهه ماكو هاي صار يومين
تندمت لان مراقبتهه اثول اثول والله

باكت گلبي هالبنيه

جان سألت ابو المكتبه عليهه

سألته گال اجه اخوهه اخذهن
من شفتهه الحد هسه عيونهه گبال عيني
جانت لابسه حجاب اسود وعيونهه خضر ومن كد ما باجيه البؤبؤ يلمع وخشمهه جنه فصمه وشفتهه مرسومه مو بيضه جانت حنطيه ووجهه دائري

تمنيت اشوف عيونهه تضحك اويلي اذا تضحك عيونهه اتخايلهه جنهه العافيه

هاي گله وانتَ حتى متعرف اسمهه

اكلج تربعت بگلبي ادعيلي الصدفه تجمعني بيهه

مكتبت شعر

حتى الشعر اختفه
مالهه وصف ومااعرف اسمهه
هي صدفه صارت والتقينا
وباكت بيهه گلبي وعافته بونينه
اون عليهه من يوم الشفتهه
اگولن عدهه ولف لو الله كاتبهه ليه
لو بيدي ادك البوب باب باب
وماارجع اله ايدهه بأديهه

ضحكت هم محسوب من الشعر هذا

يا شعر يمعوده اكلج اختفت الحرف مني من يوم الشفتهه

صاح شداد عليه من جوه عفت خزعل مقهور ونزلت

شداد-وينج

جنت فوك

شتسوين

مااسوي شي مختنگه كعدت وهو
كعد بصفي لمحت خزعل نزل يركض وطلع

خزعل جان فوك
.......يتبع

اذا شفت تفاعلكم فول انزللكم بارت اليوم الساعه بالوحدة 🤷🏻‍♀️👩🏻‍🦯
البارت اليجي🌚خطير ويبجي

تره انتم احرار تريدوا لو العكب باجر عل موعد تبقوا مو تگولون منبهتنه ولو ندري مطالبي نبهتكم حتى متطلبوه  تره بي قهر