سـعـد الـبـايـرات

|23|

💜سـعـد الـبـايـرات💜
بقلم #رباب نجمة وَ إكرام#
الحلقة السابعة:
عنوان الحلقة: جيبوليا ولد عمي.
الجزء 23:

الحاكم : الله اودي الدار داركم متحتاجش الاذن باش تجي ..
عدنان : لهلا يخطيك علينا اعمي....
الباتول : اوا كي داير اولدي مع شي قراية ..
عدنان : لباس هاحنا غاديين بقا ليا عام و نسالي خمس سنين ديال التخصص..
الحاكم : مجاتكش صعيبة تصبر هاد الاعوام كاملين..
عدنان : هيا الصراحة صعيبة ولكن كيبقا حلم الطفولة لي تعدبت على قبلو بزااف..
الباتول : بصح اولدي عندك الحق ... الله يعاونك
عدنان : امين ..

دخل يوسف فجأة وقاطع حديتهم ...

يوسف : اوووو خويا عدنان ولد عمي جا عندنا و انا مفخباريش كيفاش قوالبكم..
عدنان ( وقف كيعنق فيه ) : وشحال وانا كنقلب عليك فين كنتي غابر
يوسف : وا خويا غير مع الخدمة راك عارف ..
عدنان ( كيشوف ف الحاكم والباتول و كيضحك ) : السيد ولا مهم و انا مفخباريش
يوسف ( كيقاد فسلهامو ) : لا متقولش ليا مكانتش فخبارك .... اجي بعدا فين هوا واحد عمي و مراتو شتهم مكاينينش
عدنان : مجاوش معايا اخويا ... الواليد عندو شي خدمة مقدرش يخليها
يوسف : اوا صافي مرحبا و الف مرحبا .. ضايفوك شي حاجة بعدا
عدنان : والو ههه
الباتول : على هو ضيف باش يتضايف .. الدار دارو
يوسف : يااقوت ...

💓 عند رباب 💓

رباب ( متشير لياقوت بيديها ) : ياقووت اجيي اجيي
ياقوت : نعام الالة
رباب : واش هاداك عدنان لي جا ولا مبقيتش كنشوف مزيان
ياقوت : هو الالة الالة هو ..
رباب : مالكم بقيتو واقفين برا شحاال عاد دخلتو
ياقوت : ويلي الالة معرفتوش فاللول .. ناري شتي كيف ولا انا بعدا صدمني .. عقلتي عليه كيف كان بحال عود الند تقولي النعمة مكدوزش من فمو هههه
رباب : انا كتر منك تصدمت و تشوكيت مني شفتو كان غا مخنن يضور فالقبيلة كي الهبيل هههه
ياقوت : والله حتى بصح ...
رباب : سيري سيفطي شي واحد يعيط على اكرام داابا دغيا قبل ميعيطو عليا راه كنرتابك مني كنشوف الزين
ياقوت : اه واخة الالة ..

كيدويو حتى قاطعهم صوت يوسف كيعيط على ياقوت

ياقوت ( كتعتر بجلايلها ) : نمشي نشوف اش بغا سي يوسف
رباب : سربي سربي ...

👑 عند يوسف 👑

ياقوت : نعام اسيدي اش حي الخاطر
يوسف : وجدي واحد كاس د اتاي و طبسيل ديال الحلوى نضايفو الطبيب ديالنا
ياقوت : واخة هيا اللولة اسيدي
عدنان : فيناهي واحد رباب ... غتكون كبرات
الحاكم : غتكون غير فبيتها مع صاحبتها كيف العادة
الباتول : هانا غنوض دابا نعيط عليهم ..

🌹 عند رباب و اكرام 🌹

اكرام : متقوليش ليا جا داك التيتيز لي وريتيه ليا ... حينت الى قلتيها تقدر تشدني سكتة قلبية
رباب : ايه ايه هو هو جا قبيلة
اكرام : اوا اش كنديرو هنا يلاه نمشيو عندهم للصالون ..
رباب : حلفت ما نمشي عندهم حتى يعيطو عليا 
اكرام : امم دايرة فيها عزة نفسي اتي نووضي تكعدي والله ما يحاشيها ليك
رباب : وا هاحنا غنشوفو

فجأة دخلات عليهم الباتول مامات رباب

الباتول : ولد عمك جا ونتي مازال هنا ... كتسناينا نعرضو عليك ولا شنو
رباب  : اوا نتوما معيطتوش علينا اش بغيتيني ندير
اكرام : صافي اخالتي حنا دااابا نجيو منتعطلوش

#يتبع..