أبن جــبــر ....

البارت الخامس و العشرين 25

أظن أنّه من المهم جدًا للناس أن تهرب ، سواءً من المنزل ، من التقاليد ، من العائلة ، من الثقافة ،
من المجتمع الذي أنتج كل ذلك "

..................................................................
# روايه أبن جبور فصليه
# بقلم مــــــلاك....
# تصويت للبارت 🤏🥲
.................................................................

سارة .....

بعد ما فتحت عيوني .. لگيت روحي بمكان أول مرة اجي عليه .. بس حسيت على وجع اكل من عمري قطعة ...
حسيت بطني مگطعه .. شفت سلطان گدام عيني ... ماعرف بذيج الحضة كرهته لأن أمه تعذب بيه من وراا
الضرب الي ضربته اليه لو ضاربته لغير شخص جان مات بين يدها تضرب بغير رحمه .. و هي مرة جبيره بالعمر و ضخمه بس بعدها بحيلها .. و اني ناعمه .. صرت اصرخ و اعيط من الوجه .
احس مگطعين من لحمي واني عايشه ... صرت ابجي .. و حسيت بيد بيبي على راسي ... بس ماگدر اسكت احس شي بداخلي يخنگ بيه و يخليني اعيط و اصيح .. صرت
اعيط بهستيريه ... الخ بروحي .. اريد .. هذا الوجع يهدي لو شويه .. غمضت عيوني و اعيط و اصيح .. اريد املخ الكانونه من يدي .. احس بيها توجعني .. شويه و حسيت احد جتف ادية .. و حسيت بوجع خفيف بيدي بس و مثل وجع جسمي الي موتني .. مفتح عيوني بس احس حالي فصلت عن العالم ...ما اسمع اي صوت بصفي حسيت بالي سافر بغير عالم .. حسيت جسمي خدر .. و سلمت روحي بيد ربي ... نكتب اعيش هل شي و عشته
ضليت أحلم مدري افكر ما اعرف .. حسيت حالي بمكان ابيض .. و وحدي هنااا ... و جنت افتر بهل مكان .. ادور على باب او مخرج .. بس ماكووو... ضليت ايام و ساعات ادور على هل باب .. اخر شي حسيت على دفو فوك يدي .. غمضت عيوني حيل .. استرجع الي مريت بي ليوم ... حسيت بالوجع رجع مثل اول .. صرت اصك على ايديه ماريد اعيط .. نوب احس مالي قدرة... دموعي ما وگفت .. .. ما فتحت عيوني .. اسمع صوت بصفي بس ماريد افتح عيوني اشوفه گدامي .. كرهته .. و ماعرف ليش .. رغم هو أبد ما أذاني .. بس احس هو اله يد بكلشي .. ليوم الصبح من بادلته .. حسيت بشعور حلو اول مرة اجرب هل شعور .. بس عبالك .. الي صار وياي ..
تحذير دا ما اقرب منه او انطي .. فرصه ..

شويه و حسيت على صوت احد غريب عني صار ينادي باسمي و اذا احس بوجع احرك راسي .. حركت راسي بمعنى اي ..... رجع الصوت تحاجي بيه و تفسر اليه سبب الوجع .. فتحت عيوني و شفت سلطان گبالي .. ردت اصرخ بوجها .. اگوله اعتقني . تركني ذبحني .. بس لا تبقيني على ذمتك.... فتحت حلگي و گلت نطوني شي راح اموت من الوجع ... سمعت صوت دافي .. باوعت هاي بيبي ...صارت تحاجي بيه .. گلت بيبي .. راح اموت .من الوجع .. و هي تمسح بدموعها و اجتي لزمت يدي .. شفت نهى على صفحه تبجي ... صارت الدكتورة
تشرح وضعي الي و سبب الوجع .. من الحرگ مال بطني
و كملت عليه الحجيه بالضرب مالها على بطني .. شلعت جلد بطني و هو مبطبط جان .. .. وصلني صوته على الرغم ما جنت اريد اسمعه .. من سأل منو ضربج .. ردت اعيط و اگول امك .. امك .. هي الي ضربتني .. بس اني اخاف منها اجذب اذا گلت ما اخاف منها .. و هي هددت و گالت اذا گلتي .. اذبحج .. و هي تسويها ما بگلبها رحمه و تأكدت من هل شي ... گلت وگعت عن الدرج .. و محد صدگ و واضح هل شي .. حاولت اقنعهم .. الدكتورة .. گالت واضحه الاثار الي على جسمج مال ضرب .. گلت الها و الغصه بحلگي و العبرة لازمتني و دموعي تجي انو اني بعدني عروس جديده و شعدهم وياي دا يضربوني .. و حاولت ابين انو سعيده و حالي حال اي بنت تزوجت .. و گلت الها زلگت و وگعت رادت تحجي بس سكتتها جان وصلني صوته بيبي .. من گال لا تخافين اذا خواطر .. ما تبقى دقيقه وحده بالبيت والله
تمنيت اگدر اگول الها .. و تطردها و اخلص .. بس مو اني الي تهجم بيت وحده حته لو ما احبها .. بس مو اني الي اسويها .. ولو بلغ بيه الحقد و الكره باعلى درجاته
گلت الها لا ماكو شي وگعت على الدرج بس .. لا اكثر ولا اقل... و حاولت اكون مقنعه .. باوعت لگيته يباع عليه .. درت وجهي عنه .. ... رجعت سألت الدكتورة اذا اگدر اطلع .. اني اخاف المستشفيات من اني زغيرة عندي رهاب منها گطعني ولا تگول باتي بمستشفى .. او ابقي بيها .. لهسه اذكر جان عمري ثمن سنوات و امي جانت نايمه بيه مستشفى .. و جابو شهيد ما اعرف شنوو و صار عياط و لطم رج المستشفى رج .. و رجع و احد طفل جان بالسرير الي جنبي مات .. و بلشو اهله يعيطون .. عليه .. و تخبلت بذيج الليله .. و اسمع نسوان يسولفن و گالن عزرائيل يفتر هنااا و يلگط .. بالوادم .. و من ساعتها كرهت المستشفيات .. و صارت بيه خوفه منهاا. حتى لو كبرت .. بس الفكرة ضلت بداخلي .. مع انو اعرف الاعمار
بيد الله .. لكن .. ما اگدر صارت رهبه بيه .. هسه گاعده على اعصابي .. عندي ارجع يم ضيم الحجيه ولا ابقى هنا

الدكتورة اول شي ما قبلت .. بس گلت الها ما ابقى .. سلطان صار يحجي هم .. مودي اگوله اسكت انت بالاخص لا تفتح حلگك .. رجعت بيبي هم تحجي و گالت ابقي هناا لاحگه على ضيم خواطر .. .. گلت ما اگدر ابقى طلعوني .. الدكتورة باوعت عليه و گالت خوش بس خل اسألج .. كم سؤال ...گلت الها تتفضل .. .. بلشت تسأل اذا اعاني من صرع ... الحمد لله ما عندي هل مرض ... و سألت اذا عندي خفقان .. اي خفقان عندي بس مو دائم بس من اتعب او اجهد روحي .. يشكل عندي .. رجعت سألت كم سؤال و جاوبت عليهم .. و اخر شي سألت اذا اگدر اطلع و گالت افضل تبقين .. بس ما قبلت گالت اي تگدرين طلعين . و وصت على كم شغله انو ممنوع المي ممنوع الحركه .. و وصت سلطان ما يقرب مني كاعلاقه او شي و بيبي گالت انومها يمي .. و ما اخلي يصل .. هي ضحكت و صارت تگول ما ينخاف عليها لعد اذا عدها بيبي مثلج .. و طلعت . و صاحت على سلطان و طلع وياها ..

اجتي نهى و گال لعد اذا طلعين خل البسج ملابسج .. من گالت هيج رفعت راسي و باوعت على روحي .. مغطايه نص غطه .. بطني و خصري طالعه ..رفعت يدي و وخرت الجرجف شوية و اباع اني بطرگ الملابس الداخليه .. عزةةةة و سلطان جان يفتر فوگ راسي .. من صخام الي صخمني .. .. اجتي نهى و بيبي ساعدوني البس بس من بيبي رادت تسحب الجرجف جلبت بي .. استحي منها .. و هي ضحكت .. و گالت من ذاك ما ستحيتي مني تستحين يمه وانه حالي من حالج .. .. دنگت و گلت الها لا هو هيج بس خل تنزل ثوبي أول خاف احد يدخل على فجأة .. ساعدني اوگف بس جنت اموت من الوجع .. رجليه گوه حاملاتني و وجع بطني جماله موتني نزلت نهى ثوبي و رجعت سحبت الجرجف من جوه الدشداشه .
بيبي جابت العبايه و نطتهى لنهى .. و نهى لفتني بيها شويه و نفتح الباب و طب هو .. جنت گوه سانده روحي
عليهاً .. مشيت خطوه ..و حسيت راح اموت من الوجع .. هاج الوجع کله عليه .. ما احس غير اجه عليه و شالنه
گتله نزلني استحي ... هو مو استحي .. بس ماريد يلمسني واني هيج حاقده عليه .. و ضايجه منا .. شالني و حسيت بطني تحرگنه .. هو گال تحملي شويه بس شويه .. و رجع نزل بيه .. للسيارة .. و بيبي و نهى بورانه يمشون .. خطيه بيبي شلعت گلبها وياي .. و جايه و هي مرة جبيرة كلش بالعمر .. اخو سلطان عبد الملك ..
جان موجود .. ما عرفت منو الي جابني للمستشفى سلطان او غيرة .. بس اكيد يمكن هو .. منو غيرة لعد .

صار عبد الملك يگول ليش ما بقيتوها ليوم هنااا ..
سلطان گاله ما تقبل تبقى .. خلاني بالكشن الوره .. و راح عبد الملك جاب بيبي لازم يدها .. و جابها للسيارة .. صعدت بيبي و خليت راسي بحضنها .. و تمددت لأن گعده ما اگدر اگعد .. نهى صعدت ليگدام يم سلطان . و عبد الملك گال اروح يم الولد بس ما عرفت منووو ..
و صار سلطان يسوق .. بس احس سمطني الحر.. و راح اموت جاي تطلع روحي بالبطيء ... و اباع على سلطان الطريق كله عينه عليه بالمرايه .. درت وجهي على صفحه
و سحبت عبايت بيبي و غطيت وجهي بيها .. شويه و احس عليه و گف السيارة و نفتح الباب .. سألت شكووو نهى گالت نزل سلطان للصيدليه يجيب العلاج مالج .. و سكتت .. شويه و رجع .. بيده علاگه و نطاها لنهى .. و بلش يسوق .. اتمنى اصل بساع للبيت .. اريد شي بارد احطه على بطني يسكن الوجع الي بداخلي ... و صلنه البيت .. و اجه هو طاير عليه و فتح الباب .. و طلعني من السيارة .. و هم شالني ما قبلت .. و گتله

سارة / نزلني اني امشي شلون ما جان ..

سلطان / جاي تتوجعين و ما تگدرين ..

سارة / ماريد نزلني ..

سلطان / لا تعاندين .. سارة .. اعرف بيج جاي تموتين من الوجع .. لا تعاندين

سارة / سلطان ..

سلطان / همممم

سارة / نزلني ..

سلطان / اششش لا تعاندين ..

سارة / منا اهلك عيب ...

سلطان / ما مسوي شي غلط او عيب او حرام...

شالني و بيبي نزلتها نهى و طبينه جوه .. الكل جان بالصاله گاعد .. و جميلة أولهم .. من شافتني بحضن سلطان وگفت على حيلها تذكرت كلامها اخر مرة بالغرفه و تذكرت شوعدتهااا .. مو جنت مجلبه بياخت دشداشة سلطان .. وخرت يدي و و لفيتهم على رگبته ..و خليت راسي على صدره .. و باوعت عليها .. و هي خزرتني ..
و امه تخوزر بيه .. و كلهن فاكات حلوگهن .. اجتي ايلاف تركض عليه .. و تبارك هم .. و بعد وحده هم بلشو يسألو بسلطان على وضعي .. سلطان گال بعدين .. و صعدني للغرفه فوگ و نهى صعدت تركض قبلنه .. و فتحت الباب النه .. و دخلني سلطان الغرفه و خلاني على الجربايه و گال .. بصوت ناصي .و هو بعده مدنگ عليه و اديه على رگبته

سلطان / لازم ابدلج .. و اخليلي العلاج دا يخف الألم مالتج ادري بيج جاي تموتين من الوجع ..

باوعت عليه و گتله ...

سارة / خلي نهى تبدلي .. مو انت ..

سلطان / هااا هيج .. ترة شايف قبل ..

سارة / شايف هاااا انت مو گلت طفيت الضو جنت تجذب عليه موو والله جنت ادري ..

سلطان / هههههه لا .. والله ما مجذب عليج

نهى / احم احم احم سلطان ترة اني هنااا شنو نسيتني

سلطان / هههههه لا عمي ما مسوي شييي والله .. تريدين جديتي تهجم بيتي .. تعالي نهى وياي ..

وخر عني و راح هو و نهى يم الكنتور و فتح الخانه مالتي عزةةةةة و صار يگلب بهدومي .. عزةةةة
گتله

سارة / سلطان شجاي تسوي ... سلطان خلي نهى طلع الي ..

سلطان/ اششش عبالك ما مطلع الج ملابس قبل ..

نهى / احم احم لا تنسون اني هنااا بليززز

سلطان / هااا اي ... وانتي لا تضلين تحمحمين كل شويه

طلع دشداشة قصيرة اليه و مشلتحه و بلا ردن .. باوع عليه .. و صديت صفح .. عنه .. رجع .. يدور نوب بالملابس .. و انطه لـ نهى ملابس و گال لبسيها ذول بس ديري بالج عليها و طلع و گال عشر دقايق و اطب ..
اجتي نهى تريد تبدلي ... باوعت منطيها تراك ... برموده .
او شورت بالاحرى .. و بلوز نص كمر .. يغطي . بس الصدر و شويه من البطن ..و من الصره و جوه ماكو تضل طالعه .. هاي جنت البسه بيتنه من احط ماسكان و كريمه . هم جاي ويه غراضي .. گلت لنهى

سارة / بدلي ذني لا عيني ما البسهن مقابيل اخوج ..

اباع غلى نهى فحطت و خربت من الضحك .. و گال

نهى / هههههه يمعوده على أساس ما شايف هو كلشي ..

سارة / لج شنو هل حجي عود هاي انتي الجاهل .. هيج تحجين .. كلكم على بيبي طالعين...

نهى / يا جاهل هو انتي اكبر مني ب تلث سنوات و بس .. و اعرف لا تخافين اعرف كلشي هو الي عنده نفس بيبي على گولتج .. ما يعرف .. شي.. و سلطان گال ذني .. رجلج يريد ذني و لازم طيعي .. ههههههه

سارة / مااا مااااا ما البس ذني ..

نهى / لج على مود الحرگ مال بطنج .. ترة الملابس اذا صارت فوگا تموتج .. من الوجع .. و الدكتورة گالت لبسوها شي خفيفي .. او لا تلبسوهااا

سارة / گالت لبسوها شي خفيفي مو خلوهاا مصلخه ..

نهى / والله اني سمعتها گالت بقوها فتره بلا ملابس اذا تگدرو دا تطيب .. اسرع .. سمعتها توصي بسلطان على صفحه .. من طلعت اگله جاهزين . بس شكل سلطان ما يتحمل يشوف هل گيمر المحروگ بلا ملابس و يبقى صامد .. بدون ما يقرب .. لهذا لبسج ذني ..

سارة / من عزةةة بعينج و عين الدكتوره .. اي والله

شويه و ندگ الباب .. و اجه صوت سلطان ..

سلطان / هااا ما كملتووو

سارة / گولي لا

نهى / لا بعدددد .. و عليمن مستحي ما طببب

سارة / نجبييي هوووو بكيفج يطببب

نهى / ايباخخخ على أساس ما شايف هووو

سارة / راح اوكلج تبن والله نجبي ..

نهى / هههههه .. يمه عيني . الخجل .. صعد الف ..

سلطان / ياله كملن .. خمس دقايق و اطب ترة ..

نهى / خل ابدل الج شكل الاخ مستعجل ..

سارة / على السريع .. بس اول شي اقفلي الباب لا يجفت اخوج علينه ..

نهى / لا بربج .. عود صدك تحجين

سارة / والله مجذبه عليج قبل ..

نهى / ههههههه والله خبله. ههههه

سارة / سدي الباب و تعالي بدلي الي

راحت نهى تضحك و سدت الباب .. و اجتي تبدل اليه ..
و لبستني الملابس ... سحبت الجرجف و غطيت روحي ..
لأن طالعه بطني و رجليه .. حالي حال المصلخ بهل ملابس .. شگول عليك كنتور شكبرة شگده و متروس اشكال التراكات و الملابس لبستني ذني .. من دون كل شي .. بس هن ذني باردات .. حسيت جسمي برد .. لأن الغرفه بارده .. و الحرگه خفت ... شويه ..و رجع دگ الباب سلطان .. و گال كملتوو و نهى گالت اي . و راحت فتحت الباب اله ... هو طب و گال لنهى

سلطان / نهى العلاگه مال العلاج وين خليتيهاا ..

نهى / ذيج على الميز .. راح اجيبها الك ..

نهى ناوشت سلطان العلاگه .. و طلع حبوب و جاب گلاص المي و گال شربيهم .. حط الحبوب بيدي و ساعدني هو و نهى .. على الگعده و شربتهم و رجعت تمددت ماگدر اطول بالگعده و بطني جلدها مصلوخ و يحرگني .. .. رجع گال

سلطان / العلاج الثاني بعد الاكل و انتي ما ماكله شي من الصبح .. نهى انزلي سوي اكل الها .. و تعالي ..

نهى / صاررر حاضرر

سارة / ماريد ما اشتهي .. شييي

سلطان / ما يصير نبه على هذا العلاج و لازم ضروري و لازم تاكلين ...

نهى / رايحه اسوي اكل الهااا .. وارجع ..

طلعت نهى و طبگت الباب وراهاا .. واباع على سلطان
جاي يخبط بعصارات .. بعليه . يم الميز .. سألت

سارة / شجاي تسوي ..

سلطان / هاي الخلطه على مود الحروق الي على جسمج

شويه و كمل .. و اجه بيده العلبه .. و گال

سلطان / ياله .. دا اخلي الج الدهن ..

سارة / شنوووو لو تموت ماخليك ..

سلطان / لا تعاندين .. و خليني احطه .. الج ..

سارة / شنووو تخبلت. هاااا انت شجاي تحجي

سلطان / ترة گلت اخلي الدهن ما گلت اخذج ..

سارة / عفيه انت ما تبطل سوالفك كلها بالامور الجنسيه

سلطان / ههههه على كيفج نزلتي دوسه و نص .. ياله
ترفعين الجرجف .. لو اخلي غصب عنج

سارة / ماريد نهى عود تخلي الي ..

سلطان / سارة لا تعاندين و تخليني اگوم هسه اربطج و اخلي الج ..

سارة / ماااا

سلطان / سارةةةةة.. شوووو .. لا تجبريني على غير .. شي .. مو على اساس تسمعين كلمتي .. هااا شو طالع للسانج ليوم ..

ضليت ساكته .. خاف يسوي شي... هو ما ينحزر ساعاته .. كل ماريد افسر شخصيته او ادرسها ... ما اگدر
لأن يوميه شكل .. يوميه سلطان جديد ..

وخر الجرجف .. و جلبت بطارفه حيل.. و هو باوع عليه و جره من يدي و ضل صافن على بطني شويه .. و گتله

سارة / هااا وين تباع .. هااا .. خلي الدهن و فضنه ... لا تروح زايد ..

سلطان / هههههه .. والله ليوم بنيت جاسم طالع لسانهاا
چن الحرگ طبگهن عندج .. .. بس تعرفين هواي متأذيه غير تنتبهين ..

سارة / هممم.. هو مو بس هذا الي اذاني ..

سلطان / ترة اعرف امي الي ضاربتج لأن مبينه جديتي گالت جميلة ما فارگت عينها لعد بس امي الي تگدر تضربج .. مال وگعتي من الدرج مشيها على الدبه ..

ضليت ساكته و صديت صفح عن وجها و بلش يخلي الدهن على بطني و اني مجلبه و صاكه على فرشه الجربايه... و اصك على سنوني من الوجع ...رجع هو گال

سلطان / ساره ترة مو اني الحرگتج و سويت كل هذا تصدين بصفحه كل شويه تره منتبه عليج من جنه بالمستشفى .. اني مالي ذنب .. لا تحمليني ذنب حرگج و كتلج ... و اني اخذ حقج منهاا لا تخافين

سارة / اخخخخ عوفك من الحجي و كمل على السريع

سلطان / احجي ليش ضربتج..

سارة / ما اعرف هيج بلا سبب اجتي عليه و كتلتني .. بس لا تگول الهاااا گلتلك .. گالت اموتج اذا گلتي لاحد .. بس كمل راح اموت ... الله يخليك كمل من جاي طخ الجروح اموت

جنت احجي و اصگ على سنوني... و لازمه الوجع ..

سلطان / وتخافين منها و بقيتي ساكته هااا

سارة / ماردت اهجم بيتها و اني من سمعت بيبي شگالت وتريد تطردها من البيت مو اني الي اهجم بيت احدد

اباع عليه صافن ضل عليه واني الوجع ياكل بعمري .. رجعت عطت و گتله ..

سارة / اه .. اه... سلطان كمل بساعععع راح اموتتتت سلطان... الوجع موتني... سلطان .. اخ اخ

جان ما احس اله الباب ندرع و طبت بيبي تصيح ..

الجده / شسوي يا مدهور هااااا مو گالت لا تقرب عليهاااا
هااااا ما توب...

سلطان / هوب هوب .. جده على كيفج .. ترة جاي اخلي الها دهننن .. يعني شلون اسويها .. و اني لابس ملابسي هو ضوئي شي .. هاااا

الجده / من عابت لهل حلگ اي والله .. وانتي تعيطين عبالي سوالج شي ...

سارة / بيبي ازيد من هل وجع شيصير جاي اموت ...

سلطان / تعالي شصعد بعدين ..

الجده / صعدت زحف انته شعليك .. انه گلت ما اعوفها للذيب وحدها بالغرفه.... و من شفت حتى نهى طردتها و نزلت للمطبخ .. صعدت زحف على الدرج و جيت .. جميلة رادت تصعد گبلي بس ما خليتها عفتها تنوح جوه .
و جيت ..

سلطان / والله عمي ينخاف منج .. اذا بيج فائدة تصعدين الدرج من باجر ادور الج على كسرت شايب ..

الجده / مو اجي ابو الفواين اجي افرك حلگك

سلطان / والله يالله اذا ويه مرتي ما اخذ راحتي و تداهمينه لعد شوكت اخذهااا

الجده / هسه دخل تطيب هل مصگوعه و عود اخذ راحتك ..

سلطان / لعنده جده مثلج هم ياخذهااا

الجده / هااا شگلت ما سمعتتت

سلطان / هيج .. هيج هههههههه

سارة / استعجل ..

سلطان / بشنووو هااا

الجده / بالدهن لا تشت و تروح بعيد ..

سلطان / ههههههههه عمي اي والله ادري ..

صار سلطان يدهن بطني و كمل و طب للحمام يغسل . و بيبي اجت يمي على الجربايه گعدت و تمسح على شعري فدوه شگد حنينه .. طلع سلطان من الحمام .. و گال

سلطان / احس روحي دبگت من الحر .. راح اطب اسبح

راح على الكنتور طلع ملابس داخليه بس كالعاده .. و طب للحمام و سبح و طلع هيج .. جان بيبي من شافته
گالت ....

.....................؟؟؟

ستوب 🥲🥲

هااا شلونه البارت. ..!

هااا جماعة سلطان شلونكم اليوم ...؟

تصويت للبارت .. ؟

غداً ما اگدر احدث يمكن .. لأن الاستراحه مالتي ليوم ضغطت على روحي حدثت مرتين للقصتين ..

تصويت للبارت 🤏🥲 حبابين ..

3،900 / كلمه ..

التصويت ثم التصويت .. لا تنسوو

و احبكم يا احلى قمرات .. .. ❤️💞🌝