ازقة الموت
زينب العبودي
البارت 31
ساجت-يمعود ابو الغيره ممتت بالطلقه تموت بالمي
وطبان ولا عبالك سمع ليث گبل گال
شربته العلاج
اني عيني على شداد الي باوع على وطبان بحديه
ساجت-مفهمني على العلاج سعيد
وطبان-وين سعيد طلع موبايله اتصل وگبل طلع من الهول
بقيت اباوع على شداد الي جانت عينه على وطبان الحد ما طلع وراهه دار عليه اني گبل نزلت عيني
ومن الخوف لزمت قمصلتي وكمت اضغط عليهه بچف ايدي
ساجت-اوخر المخده الجواك حتى تنام وترتاح
شداد-لا عوفهه ماريد انام
ساجت-يلله خل نشوف وطبان خابر على سعيد حتى اشربك الدوه
رجع نام ساجت على الجربايه اني بقيت منزله عيني
وهو محجه شي ولان بالي يم تفكيره رفعت عيني باوعت عليه يباوع عليه عيونه ناطه گبل رجعت نزلتهن
خره بيك ليث ااااخ اني اعلمك على هاي العمله غبي غبي
بقيت كل شويه ارفع راسي اباوع عليه نفس النظره يباوعلي بيهه واخاف وارجع ادنك راسي
توترت كلش ردت اكوم گبل گال بحديه ووووووين رايحه
ومن كد ما جان حدي گبل ساجت دار باوع علينه
لل..للحمام
هز راسه وهو يباوعلي جانت نظراته تاكلني اكل من العصبيه
كمت وظهري شكد يوجعني بس كمت بسرعه وطلعت من الهول ومتأكده عينه تراقبني من امشي
رحت للحمام قفلت الباب وكبل خليت ايدي على حلكي
عزه بعينح ميسم عزززززه شراح يخلصج بعد كمت اضرب بجف ايدي على خدي
اخذت نفس عالي وفتحت باب الحمام گبل دخلت للمطبخ
شرشوبه امشي جيبيلي ليث الكلب
وين هو ليش
بالهول جفصله جفصه الغبي
شجفص
من دخل وطبان گله الحيوان عمو علي واني موصيته
يااااا وشداد شسوه
شسوه شسوه كلشي مسوه بس لو شايفته شلون يباوعلي حتى اخاف ادخل يمه
محجه لان ساجت يمكن هناك بس مراح يعديهه والله
ووطبان شكال
سوه روحه مسمع ليث وطلع
شكد حقير ولا عبالك عافني مكال هسه شيسوي بيه شداد
شتريدي يسوووي يعني
دجيبيلي هذا الحقير اني اعلمه شكد وصيته الغبي
طفل يمعوده
يا طفل ياطفل راح يصير ١٠سنين اني اعلمك يا ليث
واني احجي ميسم سوت بيدهه روح روح
درت وجهي ليث
تعال تعال حقير ورحت عليه جريته من اذنه
اني شكتلك
شكتيلي والله عاقل اني
مو كتلك لتكول عمو علي
اني كتله هيج وهو كام عاط يبجي بصوت عالي
اااش اش اسكت
فتح حلكه ويصرخ والله ااااااني عاقل
سديت حلگه بيدي راد يفضحني انوب
كوه سكته انوب خفت الومه
وخفت خاف يسأله شداد ويكله لان كلت عمو علي بقيت محتاره اسكت بي
باوعت ليث متغير هواي مجانت عنده هاي اللواته
شرشوبه
شكو شتررريدين
ليش تحجين وياي هيج شرشوبه
متعرفين ليش مقهوره منج وزعلانه
باع شرشوبه ياربي صدك تحجين
اي صدك احجي تدعين عليه واني گلبي محترك عليه
تعرفين شنو المشكله الكل ينطي رأيه من وجهة نظره بس محد يفكر باليعيش الوجع محد يفكر بهذا الي خسر كلشي باختصار الكل حكيم على حساب غيره
راد يكوم ليث جريته
وين
هناك
متروح هناك
اصلاً عمو شداد كال صيحهه خل تجي
باعي اللسانه شلون صاير جبير ومن جهه ثانيه يجفص ليث متحجي شي افتهمت اخرس تصير والله اموتك
بالمسدس
من گال هيج گبل غرغرت عيني
لا حبيبي يا مسدس هذا
شرشوبه-ليوووثي شنو رأيك نصعد العود مال خزعل وتلعب بي فوك
گبل ابتسم وهز راسه بـ اي اني هم كيفت لان اريد اخلص منه مادام هو يم شداد اني گلبي لازمته اذا عدت سالفة جفصة ليث
رحت للهول اخذت العود شرشوبه وليث وصعدت واني رحت كعدت ابد مباوعت على شداد لان اخاف من نظراته
وين جنتي
باوعت عليه كتله يم شرشوبه بالمطبخ جعت سوتلي اكل
شبي اخوج
مابي شي يبجي على العود مال خزعل
هااا يعني مضربتي انتِ
باوعت عليه توترت حيل كتله لا والله
من ردت اكعد بعد رجله شويه ومن اتحرك طلع ونه مال وجع
باوعت ساجت نايم متلفلف بالبطانيه
دك موبايله فز اني كمت اباوع عليه ونرفزني شداد بس يخزر بيه متعبت عينه
ساجت-هاااا اي هسه اي كعدت خرب بيكم كلكم كل شويه اغفه وتكعدوني
كمت كمت
كام من الجربايه راح على الدوه
شداد-منو هذا
وطبان كال لازم تاخذ هسه العلاج
باوعت عليه خله الدوه مال ابره بالمغذي
شداد- عندك رقم حماده ابو كفشه
ساجت-شتسوي بي
-خل يسوي الشباك الي تفلش اريد اروح للبيت
-دكعد بابا واسكت توك طلعت من الموت اذا هجم فاضل مره ثانيه حتى متكدر تكوم
شداد-نعال على راس فاضل هم هاي العايزتهه اخاف منه
ساجت-ندري بيك متخاف منه بس عل اقل صير زين وروح
شداد-خابره وكله خل يجيب جهازي بالبيت
-هذا جهازك
وينه
ماادري وين ودته شرشوبه يمهه
خوش
انطاه الدوه ورجع نام باوعت عليه گبل شخر
بقيت كاعده ودايره وجهي على الشباك
حسيت ظهري كام يوجعني كمت اللوب ونعست
درت وجهي عليه صدمني نفس النظره يباوعلي بيهه
كبل درت وجهي ورجعت درت وجهي عليه مكدرت اسكت
كافي وسكتت خفت اكمل كلامي
بقه صافن
شنو الكافي ميسم كملي
باوعت عليه رفعت عيني بعينه كتله تباوعلي هيج وكبل نزلت عيني من عينه
بقه ساكت مجاوب جان سكوته مستفز اكثر ويخليني اخاف عل اقل لو يحجي اعرف شناوي عليه بس ساكت دمر اعصابي
سكتت شسوي بس ظهري وجعني حيل كتله
نعست وظهري كام يوجعني خليني اصعد انام فوك گبل بحديه كال
لااااااا
باوعت عليه ماكو احد فوك
كلت لا نامي هنا
وين انام
يمي اكو مكان الجربايه بيهه عرض
توترت كلش كلامه مو منطقي وماكو مكان بس من يم رجله بقيت كاعده تجيت ظهري على الحايط شويه شويه بده ينعس كل شويه يغمض عينه ويفتحهن اظاهر العلاج بي منوم
الحد ما غفه بس اخاف اكوم لان رجلي طاخه برجله خاف يفز
الحد ما نعست كلش واباوع ساجت وشداد وايمين خليت راسي على رجله وغفيت
فزيت على صوت خزعل يحجي ويه ساجت گبل كمت كعدت وعيوني تحركني وظهري يوجعني من كد ما جنت تعبانه مسلجه مسحت حلگي وكعدت
ساجت-وين اختفه هو وطبان
توه صعد شبيك دگوم يلله
وين
ابو ماشه كال تعالو بسرعه بس اني وياك ماادري شيريد
انعل ابوكم يابو نومه طلعتوهه زقوم صار يومين منايم
علساس اني النايم دمشي فضهه
ساجت-******** انعل ********
جيت جيت بس المصايب منكم
باوعت على شداد نايم ولا يمه كاموا طلعوا سمعت وطبان كلهم وين
خزعل-يم ابو ماشه
شتسوون
بالكراج شنسوي يعني كال محتاجكم
ليش مو عنده عمال
ساجت-تحقيق شبيك وطبان
وطبان-هيوووو شبيك
خزعل-والله شنو منايم علساس احنه نايمين هو گضاهه نوم احنه حتى الفراش مطاخي
سمعت الباب انطبكت وراهه گبل وكف وطبان يم باب الهول باوعت عليه توني كاعد انزل عيني أشرلي اكوم
باوعت عليه
يأشرلي بعينه اكوم
درت على شداد نايم ورجعت باوعتله يخزرني اكوم درت وجهي عنه
هو هم راح أيس مااكوم
تسحبت من يم شداد ردت اروح على الجربايه الي جان نايم بيهه ساجت كدرت اتسحب منه بدون ميفز عدلت المخده وردت انام گلت خل اسوف ليث وين صفه بي الدهر لا هو ولا شرشوبه
سمعت وطبان بالحمام كلت همزين صعدت على كيف من وره ظهري
فتحت الباب نايمين هو وشرشوبه ارتاحيت
ردت انام يمهم بس گلت شيخلصني من شداد نزلت
لكيت باب الحمام مفتوح يعني طالع من الحمام ردت ادخل للهول طلع هو من المطبخ
وطبان-هيوووو مو أشرتلج ليش مكمتي
ردت ادخل للهول گال بحديه وبنفس الوقت صوته ناصي
الوووووو مو احجي وياج
شكووو
جرني من باب الهول
مو احجي وياج
شتريد
ردت أسألج شحجه شداد بعد جفصة اخوج والله بساعتهه ردت ارفسه ببطنه
درفيه وشوف
هيووووو هاي ويايه
لا ويه الجيران جريت ايدي منه
دير بالك تطخ اخويه والله اموتك بيدي
تفاجئ مني باوع عليه مصدوم
موووو
قاطعته شتريد مني هاااا مو انهزمت من فضحك ليث
فضحني بابا اللسانج
جان منفعل بس ميكدر يطلع صوت
راح يفز شداد ويسويهه مصيبه
شحجه من رحت احجي
محجه شي بس يخزر بيه
اذا سألج حتى اذا متأكد نكري انتِ مو تجفصيهه
تخاف منه
اخاف منه الووو من تحجين احجي عدل وبعدين اني خايف بس مو منه خاف اخسره افتهمتي
اي افتهمت وعوجت حلگي ردت ادخل للهول رجع جرني
هيووووو
شكو شكوووو راح يكعد شداد وميلكاني
ولي .....ولي اللهم طولج ياروح
عفته ودخلت للهول جان مندمج بالنومه رحت بمكان ساجت تغطيت الله نومه عدله احجي بيني وبين نفسي غطيت روحي بالبطانيه وغمضت عيني
توني اغفه سمعت شداد مثل الشرگ
كبل فتحت عيني لكيت وطبان فوك راسه
اااني اني شبيك كاعد اشوف حرارتك
گبل اخذ نفس شداد تذكرت مره هم من جان مضروب وغافي من ردت انظف جرحه هم من طخيته فز
بقه يباوع على وطبان ووطبان لازم راسه
اااني وطبان شداد شبيك صحصح
گبل غطيت راسي خاف يكلي تعالي هنا
شداد-وين ميسم
هاي نايمه هنا
جوعان
لا اطلع منا
اي هو اني طالع بس الدكتور كال راقب حرارته
مابيه شي
اني راح اصعد انام اذا احتاجيت شي دك عليه موبايلك يمك
لا يم شرشوبه
هسه انزله الك
لتنزله مااحتاجه راح انام
براحتك
بقيت مغطيه راسي هو ماادري رجع نام لو لا جان الجو هدوء مو طبيعي رجعت غفيت
الحد ما اجه ابو الغاز يدك على راسي فزيت لكيت شداد كاعد من وخرت الغطه گبل باوع عليه
كمت كعدت لان جنت اريد اروح للحمام كتله راح اروح للحمام
روحي
جانت نظراته تختلف اشوى الخزره موخرهه
دخلت للحمام هدوء معقوله بعدهم نايمين رجعت دخلت للهول
اول مدخلت گال سدي الباب
ها
سدي الباب وتعالي بس ساعديني ظهري كام يوجعني
طبكت الباب ورحت عليه كال طهرج شلون صار
زين
اسحب نفسك شويه خل اوخر المخده
خليت ايدي على المخده لزم ايدي الثانيه
ارتبكت حيل
مشتاقلج اشتهيت ابوسج
ردت اجر ايدي منه لزمهه قوي
شداد
سحبتي عليه
انتَ مو مضروب
اي بوسيني حتى يروح الوجع انتِ الدوه
ميصير ميصير والله
اني زوجج
اقصد هنا كلهم
الباب مسدود
شداددد شبيك عوف ايدي
اگلج انتِ الدوه تگليلي عوف ايدي
والله انتِ دوه شداد
اني احبج ولج
تدرين شصار بيه من رحتي
تمرضت وراحت عافيتي ومن شفتج رجعتلي
رأساً نزلت دموعي مااطيقه حتى كلامه مكاعد يأثر عليه اكرهه ردت اجر ايدي جرني عليه من جرني انوجع
كتله
مريض ومتكعد راحه
اي مريض وكاعد اكلج انتِ دواي
انطيني الدوه
اسأل هو مو سمع علي نفسه وطبان هذا شبي نسه معقوله منتبه شفته لح عليه
غمضت عيني اعصابي مشدوده وبسته ردت اسحب نفسي چلب بشفتي فتحت عيني اباوعله جان مغمض جريت روحي منه
فتح عينه بهدوء
الله
باوعت عليه من يحجي ارتبكت كلش وخجلت
اول مره بحياتي كلهه شكد بايس نسوان بس انتِ تختلفين
بيهه
هاي شنو هاي كافي عيب لتكمل
ابتسم باوعت هذا شبي شخلوله بالدوه
لو حلمان لو شنو فلمه
عفته ورجعت كعدت على الجربايه كل ما اباوعله يباوعلي ويتبسم
باسني بوسه هوائيه اني كمت اضحك وأشر عليه واضحك مدري شصار بيه من شفته اجتني هستيريه ضحك
هو هم ضحك على ضحكتي
هاي شبيج
اني وكهكهت لو انتَ
شبيه اني
ماادري كهكهك
كافي تكهكهين هسه يكولون ذولي مخابيل
سكت سكتت كهكهك
ممتعوده عليك هيج كهكهك شخلولك بالدوه
درت وجهي عنه واني اضحك بلا سبب بحيث دمعت عيوني كوه سكتت
الحد ما فتح الباب خزعل من شفت خزعل رجعتلي الضحكه بهستيريا وأضرب على رجلي
خزعل بقه صافن وصفنته زودت ضحكتي
خزعل-ياااا تسودنت الفرخه شبيهه هاي
شسويتلهه شداد جانت صاحيه نص ونص هسه رسمي
تخبلت
گبل مد ايده خزعل بجيبه وطلع الجيس الي اخذ منه الصبح
والله عبالي واكع مني وماخذه منه
وصمخ بششش كاااافي سكتي
شداد-لك لتصيح على مرتي
دخل ساجت وراه هم كام يباوع عليه مدري شصار بيه بقوا يباوعون عليه ساجت نبز خزعل وأشرله وكله
شنو الفلم
سينما مفتوحه
لا صدك شصار
دخلت تضحك يمكن ماخذتلهه راس حشيش
تايه
شداد-ميسم كااافي
عاط بيه باوعت عليه جنت اضحك فجأه صحيت وكمت ابجي
خزعل-لاااا يالله لك هاي مخبله رسمي والله
باوعت على شداد يباوع عليه ونظراته تسألني شبيج
متحملت كمت من يمهم ورحت للحمام دخلت للحمام خليت ايدي على حلكي وكمت اشهك من البجي
تعبت تعبت يارب تعبت ماادري شبيه
بقيت بالحمام الحد ما ندكت الباب خزعل
فتحته اله
ميسم انتِ ماخذه شي عليج الله احجي
هزيت راسي اي
لا بربج منين
من الكل
أهااااااا وحول عينه منين يعني
من ابويه ومن امي ومن زهراء ومن شداد ومن وطبان ومن منار ومن الكل
اهلج هم يشربون حشيش واااني عبالي شريفين شريفون
العفو
شرفاء قصدك ردت اضحك كبل سد حلكي
لا بشرفج كافي تضحكين لا صدك احجي ماخذه شي انتِ
كتلك اي ماخذه جرعة خذلان ووجع قويه من اكل
اهاااااا وضربني على كصتي واني عبالي حشيش سهله هاي احجيلج شعر
راد يحجي طلع ساجت صاحه كله تعال ساعدني ندخل شداد للحمام
خزعل-جيت جيت استغفر الله بعدين بعدين احجيلج شعر
نزلت شرشوبه وكالت
اي عفيه همزين لكه بديل
باوعت عليهه شلون
محد يسمع شعره وبس كادر عليه وسوت روحهه تتقيء
ابتسمت
طلعوا شداد اثنينهم لازمي گبل خزعل
هم بعدج بهاي الحديقه نزعي بابا نزعييييي راح ازوع
من فستانج كرهته
يمه فوديت فستاني الجميل
ايععع شلون تحجي دوكفيلي اله اشككه هسه
انجب انجب شداد حبيبي گليبي شلون صرت ردت اموت والله من وراك
خزعل-هو راح يموت اذا بقيتي بهذا الفستان
ابتسم شداد راحت عليه جرت راسه وباسته
خزعل-شكد لوگيه
شرشوبه-انجب اموت عليه هذا رويحتي
دوخري راح يسويهه على روحه وخري
جان ساجت ساكت عفتهم ورحت للمطبخ ويه شرشوبه كمت اغسل المواعين وهي تسوي اكل
وهي تتثاوب شرشوبه كالتلي نمتي لا
اي نمت دخل ساجت سألهه شراح تسوي وكال الهه جبت دجاجه سوي سوب ال شداد
قطعت الدجاجه كتلهه اسوي السوب اني كيفت كالت بعد احسن اني راح اروح ابدل واجي
كعدت ركبت الهم تمن وسوب خزعل صعد نام وساجت يم شداد ووطبان نايم كملت الغده
وصبيت الشداد لان عنده علاج من شافني دخلت بيدي الصينيه ابتسم
كام ساجت عدله وهو كام ياكل ردت اطلع كال وين
بالمطبخ
مكملتي
كملت
تعاي هنا لعد كعدي كبل كام ساجت وطلع
اول مطلع كال تعالي وكليني
باوعت عليه
تعالي يلله وكليني
رحت عليه وكتله تكدر تكولهه بغير اسلوب تره
لا مااكول من ورامن مكاعد اكدر اكل من وراج دجيتيني
كعدت على طرف الجربايه وكمت اوكله حسيته طفل صدك كل هذا الجسم والطول وعنتكته بس تصرفاته تصرفات طفل
طفل مو مؤدب
كلت بگلبي
ميسم شوكت تحبيني
باوعت عليه معرفت شجاوبه
ليش محبيتيني
انت شبيك اليوم
اريدج تحبيني
ابتسمت
احجي صدك حبيني
شبيك شداد
حبيني بابا
باوعت عليه شلون احبك وانتَ مجرم
حبيني ودليني الدرب
من دخلتي حياتي حسيت بنفسي بشر
حبيني وخليني اندل الدرب
عليج الله حبيني ميسم
ردت اوكله مقبل
ليش مكاعد تحبيني ماعوفج تره خاف عبالج مستعد اموتج واموت روحي ومااعوفج
معرفت شحجي وشجاوبه
كتله ووجهي بعده مزورك من وراك
وتگلي حبيني
كتلج مستعد اموتج ومااعوفج
كتلج اني مريض وانتِ دواي ستوعبي بابا
اندكت الباب فتح الباب ساجت وسمعت صوت شرشوبه اجتي دخلت للهول نقذتني بدخلتهه ووساجت هم دخل مقبل يكمل اكل شرشوبه لحت عليه كال شبعت
رجع انطاه الدوه شداد عفتهم ورخت للمطبخ شويه وصاحني وكال كعدي هنا ساجت جان يباوع بعيونه بس ميحجي شي
بقيت كاعده كعدوا وطبان وساجت واجه سعيد وليوثي كعد صبتلهم شرشوبه غده وكالت تعالي تغدي كتلهه مااشتهي
كلهم كعدوا بالكاع ياكلون وليوثي يم شرشوبه صاروا اصدقاء وهي تفلسله الدجاج
شداد-كومي اكلي
مااريد
دكومي اكلي
نزلت اكل وياهم نزل وطبان كبل شرشوبه كالتله تعال اكعد راح اجيبلك ماعون
باوعت على شداد كام يباوعلي خاصه من كعد وطبان احس وجهه انگلب وطبان دار على شداد
شلون صرت
زين
غديتوا
شرشوبه-اي عيني ميسم غدته وطبختله بيدهه
گبل باوع عليه وطبان ونزل عينه وكام ياكل
اني گبل كمت رحت الشداد
تشرب جاي
اي راسي يوجعني
ساجت-لا عوف الجاي اشرب عصير برتقال
لا ماريد
رحت جبتله العصير وانطيته الملاص وكعدت على الجربايه من جهة رجله
بقه كاعد هو من راد يغفه كام ساجت كله اوخرلك المخده حتى تنام
لا
شبيك بابا متنام
وانتَ ليش تريدني انام
غير علمودك مو صوجك صوج الحيوان اليريد راحتك
كام وطبان شرشوبه صاحتله اصبلك جاي كلهه لا طالع من طلع وطبان يالله كال شداد الساجت يوخر المخده
*******شنو هذا الدوه بيه منوم لتنطونيا بعد
من نام كمت ويه شرشوبه غسلت المواعين ولملمت المطبخ
واني اغسل بالمواعين اتذكر كلام شداد بعدني اريد اسوي المغسله ممكملتهه دخل ساجت
ءه ميسم
درت عليه
شداد كال اخذج للبيت هناك
ليش
ماادري كال تجيبين اغراض اله والكم
تفاجئت وگلت يلله اني هم محتاجه اغراض
نكتت ايدي بدون مااحجي من المي
شرشوبه-اروح اني
ساجت-لا هي هو مال اخذهه انتِ متعرفين اله تديحين
كتلهه لا اني اروح يلله اني هم اريد اغراض وباوعت الشرشوبه اذا بعدهن اغراضي القديمات
شرشوبه-اي موجودات
وين ليث
شرشوبه-دبقي شكو ماخذته اني يمه
ساجت-بقي شكو ماخذته هو بسرعه تجيبين اغراض
خوش بقي ليث يمج بسرعه اجي وين عباتج
هناك بالهول
دخلت بسرعه اخذت العبايه ردت اطلع ليث كال اجي وياج
هسه اجي حبيبي اجيبلك ملابس
ما اريد اجي
ساجت-روح اللعب بالعود مال خزعل
كبل كيف وكال اشتريلي جبس وببسي وياج
دنكت بسته وكتله ميخالف حبيبي
ورحت طلعت ويه ساجت
جان وطبان واكف بالباب وجكارته بيده گبل كال وين
-شداد كال اخذهه تجيب غراض
خوش لتتأخرون
هز ايده ساجت وكال امشي
كبل دخل للبيت وطبان من شافني طلعت
رحنه مشي وساكتين وصلنه للبيت باوعت الجام مال شباك مسوي فتح الباب ساجت وكلي دخلي استعجلي عود
اي
كفختني وريحة المعجون مال شباك بالبيت
اول مدخلنه طبك الباب درت عليه كال استعجلي
ردت اصعد مااحس اله ابو ماشه طلع من الهول اني گبل كمزت وشهكت من شفته
گبل ابتسم اهلاً ست ميسم واخيراً منتظرج من الصبح
احس گلبي وجعني
كال ماجد بوقتهه حلهه بسيط طلقه براسهه وفضوا السالفه
تندمت لان مسمعت كلامه وتعاطفت وياج لو سامع كلامه جان خلاصان من البدايه
كبل درت على ساجت
خطتينه خوط
درت عليه
شتريد مني
كلشي ماريد اريد اكطع العرج الاعوج الي خاطنه
مااحس اله حبل
.........يتبع
بناءاً على رغبتكم مردت اكسر خاطركم
❤️ وارفض طلبكم رغم مااني هلكانه تعب
ولتنسون النجمه وال تم احبكم 🌷❤️
سوت شرشوبه تمن وجابوا دجاج و