ازقة الموت
زينب العبودي
البارت 30
كام شداد وراح باتجاه البرده بعده توه لزم البرده مااحس اله الجامه انكسرت
عطت اني من الخوف واباوع عليه
كبل رفع عكس ايده حمه بي وجهه ورجع شويه من الجامه
وبنفس الوقت فز ليث مخروع يصرخ ويبجي
دنك شداد غطه ليث بجسمه
ميسم-ليث ليث ردت اكوم صار وجع بظهري
عاط شداد
نزلي بالكاااع بسرررعه وغطي راسج
مااكدر مااكدرررررر
شال ليث وهو ومدنك وليث يصرخ ويبجي مخروع طلعه من الهول
شكااااعد يصير شكاعد يصير فهمني
جان ليث يصرخ بصوت كلش عالي وجع گلبي واني منا خايفه
مااحس اله وكعت الساعه عطت
جان رمي على الشباك صلي
مااادري شلون ملاحتني طلقه
رجع عليه شداد يركض
جرني بسرعه وشالني جنت خايفه جلبت ضميت وجهي بصدره واصرخ وداني للحمام وكفني گبل ليث جلب برجلي وشبكهه ويبجي
قفلي الباب مال حمام عليكم
بسرررعه
وين راح تعوفنه
طلع سلاحه من خاصرته وجر الباب عليه وصاح قفلي بسرعه
گبل قفلت الباب واخذت نفس وخليت ايدي على حلكي وابجي
ليث-ميسم اني اخاف اني اخاف
خليت ايدي على اذنه وهو طبع وجهه برجلي وراسه يهتز من كد ما يرجف جسمه من الخوف
واني اباوع عليه وابجي
مااعرف افكر بنفسي وخوفي لو افكر بليث
شراح يصير بينه بوسط هاي الناس
غمضت عيني من الخوف
حسيت بهاي اللحظه اني انسانه مو طبيعيه
قبل ساعه اخاف من شداد وهسه اخاف لان طلع
فجأه سكت الرمي كمت اخذ نفس سريع
وبلعت ريجي
حجيت وصوتي بي مثل الواحد يلهث
لتخاف لتخاف حبيبي
خن نرجع خن نرجع ماريدهنا ميسم راح نموووت اريد اروح البيتنا ماريد هنا مي مي ميسم
ميخالف اششش اش ميخالف حبيبي ميخالف نروح والله نروح خلص ماكو بعد شي
...........................................
شرشوبه-جنه نمشي خزعل يحشش عليه ولازمني من علباتي فجأه صار رمي وخطفت من يمنه دراجه رادو يضوبون طلقه باتجاهنه گبل خزعل طلع سلاحه
وجرني على الحايط اني عطت
يمه يمه شكاعد يصير
لتتحركين منا
راد يروح لزمته
متروح والله ابقه هنا خزعل فدوه عليك اخاف والله
سمعت الدراجه اجت باتجاهنه كبل طلع جسمه خزعل ورمه عليهه وكام يركض وراهه
اني خفت حيل ولزكت روحي بالحايط وغمضت عيني وغطيت راسي بيدي وارجف
يمه يمه يمه راح اموت يمه راح اموت
ماريد اموت يمه ماريد اموت
الحد ما مااحس اله احد جرني عطت لتكتلني
خزعل-ووجعه وجرني من ايدي وركض واني اركض ويا
فحطت
دخلنه للفرع لكيت وطبان وساجت والولد كلهم طالعين
ومخبوصين
ركضت واني اصيح يمه يمه يمه دخلت للبيت بسرعه ورحت للحمام وقفلت الباب عليه
وارجف واون من الخوف ومخليه ايدي على گلبي
يارب يارب ماريد اموت وماريد احد يموت
عزه بعينج عزه بعينج شرشوبه
بقيت خايفه الحد ما سمعت الباب انفتحت حيل ونركعت بالحايط والشباب مخبوصين كلهم
وطبان-افتح الباب كله بسرعه
ساجت -ررراح يموت خل نودي للمستشفى
وطبان-شدادددد لتغمض عينك ابد
شدددداد تسمعني باوعلي
خزعل- خل نووودي للمستشفى شمنتضرين
وطبان-وووين ندوي گبل يدخلوه للسجن
شداد باوعلي تحمل شداد تحمل
ساجت-خل يدخل السجن ولا يموووت
شرشوبه-من سمعت شداد فتحت باب الحمام وطلعت
شددددددداد
ورحت عليه اركض لكيته مدمه ويحول بعينه ميكدر يتنفس گبل خليت ايدي على حلگي
شداد
ساجت -اركض خزعل جيب دكتور
منين اجيبه
وطبان-خابر .....خابر علاء علاء خل يدزلك واحد من المستشفى بسرررعه
وطبان-شداد باوعلي شداد ابد ابد لتغمض عينك دير بالك
شداد-مـ...
وطبان-لتحجي لتحجي ابد اشش اسكت لتتعب راح يجي الدكتور شداد راح يجي ديربالك تغمض عينك
شرشوبه-گبل نعادت الصوره من حسنين مات احس گلبي انعصر
جان وطبان لازم الجرح مال شداد واصعب شي من اشوف روحه مثل التريد تطلع
ساجت-لتغمض لتغمض لتغممممض خرب ********
لتغممممممض وووووين صار خزعل
وطبان-شيله .شيله وياي ميتحمل بعد
ساجت-موو كتلك من البدايه
بهاللحظه دخل ابو ماشه مخروع من شافه كبل خله ايده على راسه
واجه يركض شاله وياهم
ابو ماشه -تحركوا بسرررعه شمنتضرين
جان الكل مخبوص بشداد احس گلبي راد يوكف
اله شداد اموت صار عليه شي
احسه اخويه بحق وحقيقي اقرب واحد اليه
گلبي يوجعني عليه
شكد هو يحجي ويصيح ونافخ روحه
بس بداخله طفل صغير
اخذوه كلهم ركضوا بي طلعت وراهم بس مكفت السياره واصلاً ملحكت عليهم دخلت بسرعه للبيت
ابجي
ماادري حتى بيا عين ادعي رب العالمين
وحده وصخه مثلي شلون رب العالمين يستجيب الدعائهه
اندكت الباب حيل
خفت اندكت حيل الحد ما صاح سعيد
وووينكم
ركضت فتحت الباب
ووووينهم
اخذوا شداد للمستشفى
شصار الشداد خابري خزعل كال اجيب ميسم
يااااا ميسم نسيتهه دروح روح جيبهم خطيه هي واخوهه
عافني وراح يركض كبل قفلت الباب لان اخاف خاف يرجعون عليه منو ذولي ياربي وشكاعد يصير اول وتالي
...............................
ميسم-من سكت الرمي خفت اطلع مااعرف شكاعد يصير
الحد ما اندكت الباب كبل ليث تحرك راسه فز ورفع راسه الفوك يباوعلي
اندكت مره ثانيه حيل
ردت افتح الباب
ميسم
لتخاف حبيبي
فتحت باب الحمام واني خايفه وليث مجلب بيه
ميسمممممم فتحي الباب اني سعيد
جان صوته عبالك بالبيت لان يصيح من شباك الهول
رحت للباب كوه وصلتله من وره ظهري
فتحته كبل سعيد كال استعجلي
شصار سعيد
دمشي بسرعه خل اوديج اريد اروح للمستشفى
استعجلي
شصاررررر
شداد تصاوب
من كال هيج احس نفسي گلبي راد يوكف من الفرح ابتسمت گبل خزرني سعيد
تحرررركي لو ما خزعل نبه عليه اوديج فلا اوديج هسه
گبل وخرت عيني من عينه
عاط بيه
تحررررركي اريد اروح الشداد
منو هناك
شرشوبه جرني من كبوس قمصلتي دفعت ايده وكتله ظهري
تحركي لعدددد يمعوده
واحنه نمشي اني اتلفت وكوه اسحل بروحي سحل الحد ما شاف سياره صاح
حمااا ده اوكف
رايح للمستشفى تجي شداد متصاوب
ايدبس خل نوصل هاي تحركي انتِ
جانت البتاوين كلهه طالعه تقريباً بسبب الرمي الي صار ودانه سعيد البيت وطبان ٣ شباب واكفين ولازمين سلاحهم
ليث من نزل كبل ختل ورايه و جلب بيه بحيث كرصني لزمته من ايده دك الباب سعيد فتحته شرشوبه دخلت كبل شبكتني وتبجي
شداد ولج ميسم شداد راح يروح من ايدنه
اني حتى مشبكتهه جنت منهاره اني وين شكاعد يصير هي تبجي على شداد واني اتمناله الموت
هي تبجي عليه اني ابجي على حالنه اني وليث
تعبت مااكدر بعد اتحمل بودي اصررررررخ من كد ما منهاره بس الي لازمني ليث اذا يشوفني هيج شيصير بي هو
باوعت على ليث عاملهه على نفسه
والدنيا بارده واني بعد مااكدر من ظهري اصلاً ماادري شلون اجيت وكمت من كد ما يوجعني بس الي عشته خلاني حتى الوجع مااحس بي
دخلت ويا للحمام ونزعته جان ميقبل يطلع من الحمام لان مصلخ وماعندي شي اله صحت شرشوبه جابتله خاولي كتله غطي روحك بي مااكدر ادنك اسوي الك
طلعته ونومته على الحربايه الي بالهول ويبجي اله انام يمه نمت كوه بصفه جان مغطي راسه بصدري
خطيه شرشوبه غسلتله البجامه
بقيت ساكته وابجي واباوع الشرشوبه تبجي
جنت ادعي يموت شداد بس يموت شداد تخلص همومي
شرشوبه-جنت خايفه حيل اريد بس خبر منه
والذكريات رجعتني الاول مره شفته بي
عوده للماضي
........................
شرشوبه -جنت كاعده على الرصيف ابجي
مااحس اله اثنين فوك راسي واحد توه داجتله شوارب والثاني اصغر منه جنت اني هم صغيره بس مكياج وحواجب محفوفه مبينه جبيره
جوعانه
باوعت عليهم ودموعي يصبن ومصخم وجهي من الكحله هزيت راسي بـ لا
ساجت-لعد شبيج تبجين
ماعندي مكان واذا اطلع منا يكتلوني
طردوني من الملهى
شداد-اللعب هاي من بنات الليل
ساجت-خل نمشي لعد هسه يطلعلنه ال*****الي عليهن ويطلع راسه جبيره وشيخلصنه من ابو ماشه
شداد- يمكن خطيه شتكول خطيه لو مو خطيه
شسمج انتِ
-شيرين
شداد- ش ي ر ي ن شتگول ساجت راهملهه
ساجت-لا
شرشوبه لعد نسميهه
وضحك بصوت عالي
ساجت-دمشي يمعود خل ندخل ناخذ المفتاح
مادام ماكو احد
شداد-لا خطيه خل ناخذهه ويانه
وين وطبان
ساجت-توه جان هنا وين راح هذا
شداد-خاف هم انسجن يمعود مصارله كم يوم من طلع
اجه بهاللحظه وطبان مبتسم ولازم شي بيده يأشرلهم عليه
شداد-خرب غيرتك لتگول دخلت جبته
طلع مفتاح وهزه
شداد-والله بطل بطل
شرشوبه-جان اول بدايه يشتغل بيهه وطبان من بعد ما انسجن وهو بريء
اكلك هاي مطروده منا وأشر براسه على الملهى وماعدهه مكان ناخذهه ويانه
باوع عليه
الوووو تريد تجيبلنه مصيبه
لا شبيك فقيره
والي وراهه
همه طارديهه
من شافني ابجي قبل جانوا بعدهم توهم داخلين المرحلة الشباب
اخذوني وياهم البيتهم الي هو هسه بيت شداد كلهم مجموعين بي
والباقين خزعل سعيد صغار كلش تطلع اعمارهم بالعشر سنوان وبعد وياهم حسنين وزعبول وارقم
حسنين مات قبل خمس سنوات انكتل وزعبول وارقم بالسجن وره وطبان دخلوا السجن
حسيته بيتهم ملجئ مال اطفال متشردين
وجان اكبرهم ابو ماشه يطلع بالعشرينات وجان عدهم الاكبر منهم الي يوجهوهم شيسوون
وشداد ووطبان والباقين كلهم يعتبروني اختهم واني هم جنت اشوفهم اخوان الي
الوحيد الي من دخلت للبيت الي تفحصني من فوك الي جوه ابو ماشه
جان مخليني اله وبس الحد ما سمع اخو شداد الي هو عنده ملهى واخذني
جنت عبالي ابو ماشه حبني بس عافني اول مرادني اخو شداد
ومجانوا لا شداد ولا وطبان يكدرون يحموني
بس حاولوا وفشلوا بس عرفتهم واحد واحد وحفظتهم مو من الخارج من داخلهم
ومنهه واني صرت بت البتاوين
...........................
ميسم-جان يغفى ليث ويفز وكل ميفز احس گلبي يروح مني
واني ابجي عليه واكول من ورايه كل الي شافه وعاشه من اشوفه يتفزفز هيج روحي تنخمط مني
طفل كلشي مشاف من طفولته بأي ذنب هو هنا ويعيش هذا الخوف
جنت محتاره اريد حل شلون اطلع ليث منا اني طبني مرض
وين الكه امه وهل ياترى امه تريده
زهراء ماأمن اخلي يمهه هي باعتني متبيع ليث
جانن ملمومات عليه ماادري شلون تفض
اليأس محاوطني
اندكت الباب فز ليث الي توه غفه
لتخاف لتخاف حبيبي
كبل ركضت شرشوبه
ها بشررررر
خزعل احجي خوما مااااات
جنت اتمنى اسمع مات
لا بس مو زين
ال لا وجعتلي گلبي يارب موته وخلصني
جنت ابد مو بحال اتعاطف ويا باك عمري وحياتي ودمر اخويه
شفته خطف صعد يركض
طلع جاي ياخذ فلوس وراح يركض
رجعت شرشوبه. كعدت
وتبجي وتهز براسهه
ادعيله عليج الله ميسم ادعيله
بلكت الله يستجاب دعائج
باوعت عليهه
ادري بيج تكرهي بس والله هو گلبه طيب
گلبه طيب كبل فز ليث كتله اسم الله حبيبي نام نام ليوثي
اجتي شرشوبه
انتِ متعرفي والله
اعرفه مجرم دمر حياتي وحياة اخويه وتطلبين مني ادعيله اني ادعي عليه
باوعتلي بغضب
متوقعتج الهاي الدرجه حقوده
لا والله حقوده طبعاً تكولين هيج لان متعرفين شنو عشته شنو الخوف الي عشته وشخسررررت حتى نفسي خسرتهه ومنو بسبب منو بسبب شداد
سكتي ميسم سكتي راح اكرهج
كرهيني شرشوبه كرهيني
كافي عليج الله سكتي
لتكليلي ادعيله لعد
ماريد منج شي بس لتخليني اكرهج هسه شداد كاعد يموت هسه مااتحملج تدعين عليه
عافتني وطلعت من الهول
بقيت شابگه ليث وكل شويه اغفه وافز الحد ما فزيت على دگة الباب
شرشوبه-بشرررر خزعل
زين احسن
وينه لعد
بعد مو هسه يطلع
عليك الله يعني زين
اي والله زين
شكو رجعت
وطبان وابو ماشه كالولي ارجع مخلوني ابقه خاف يصير شي اجيت بدال الولد اني وسعيد
دخل خزعل عيونه حمر اول مره اشوفه هيج ومبين عليه التعب دخل كبل كعد على القنفه وتجه راسه
شرشوبه-اسويلك شي تاكله
لا يا اكل
شصار خزعل منو ذولي معرفتوا
لا بس نعرفهم اكيد
واني متأكد منا من البتاوين لان يعرفون الدرابين كلهن لو ميعرفوهن جان مضيعناهم
سعد كال مفلشين الجام مال بيت شداد
اي همه هدفهم شداد
راح اسويلك جاي عيونك حمر
عافتنه وراحت شرشوبه كوه كدرت اكوم اكعد وعلى كيف وخرت ايد ليث
خزعل
رفع راسه وباوعلي
ميسم-خزعل فدوه طلعني منا مادام شداد مو هنا خليني اخذ اخويه واروح شوفه شوفه شصار بي حتى من ينام يتفزفز فدوه ساعدني
باوع عليه بنظرة حاده
اني بيا حال ميسم
عليك الله خزعل فرصتي الوحيده والله بعد مااتحمل اذا شداد رجع ميخليني اطلع فدوه طلعني منا
شداد كاعد يموت وتريديني افكر بوضعج هسه
ردت احجي كام وكال سكتي ميسم سكتي
خزعل الله يخليك عل اقل بس اخويه دورلي على امه خل انطيك اسمهه بس اخويه طلعه
ميسم اذا على اخوج خل تخلص السالفه وادورلج على امه بس هسه لتحجين وياي لان مااتحمل اي كلمه
عافني وطلع من الهول جان أملي بخزعل
شويه ودخلوا هو وشرشوبه بيده كوب جاي
وسعيد هم دخل بقوا يسولفون
ويطكطك براسه
شنو هذا الي اخذته خزعل
باوع عليه بس مجاوب
ليش موتين نفسكم بالحياة
ميسم مالي خلكج سكتي
انتم شلون هيج عايشين وليش متعيشون مثل البشر الباقين سلاح وموت ليش
احنه ضحك باستهزاء
عايشين
عايشين بس بالأسم
ومامحسوبين من الوطن
بينه نطفة حلال بيهم ايتام والماعدهم ظهر
وبينه نطفة حرام من الاصل
سكران وسكرانه عربيد وخلفوا بالغلط
شمرونه على الرصيف وصرنه ولد الشوارع
ألي مالهم اصل
نبرد وندور النار ولو بيدنه نشربهه من البرد
مانعرف نعيش ولانعرف نلملم جرح
ومبيوكه احلامنه من الصغر
ياهو اليجي يكفخنه ويدوس على المصارين
ومانكدر نعترض
نشرب البيره حسبالنه حليب
اطفال جوعانين وماعلينه العتب
محد يدلينه الدرب
گلوبنه صارت مثل الجبل لا يهزهه الريح
ولا زلازال من كثر الوجع
احياناً نرسم
نرسم بس بالدم
شنسوي ماواصلنه القلم
نسمع
نسمع اكو رب بس ما نعرف شلون نوصله ونشكيله هذا الحال ونشكيله الظلم
درسونه ....درسونه بس مو بالدين درسونه على البوك والنهب
كتلوا برائتنه من الصغر وفوكاهه يسمونه ظلام الوكت
ما تعبوا نفسهم وصفنوا وگالو شنو ذنب الطفل
الماعنده لا اب ولا ام ولا وطن
بأختصار اقتنعنه احنه مامحسوبين على الوطن
حتى القصيده التحجي بينه
ممنوعه من العرض وما تنقبل
احنه ولد المالهم اصل
عايشين بس بالأسم
شرشوبه-جابوه جابوه
كام بسرعه خزعل وخله بجيبه الي طلعه قبل شويه بارتباك
وانفتحت الباب وسمعت اصواتهم كلهم
كمت وكفت دخلوا شداد وبيده كانونه وساجت لازم المغذي
ابو ماشه-على كيف على كيف وطبان من تنزله
نوموا على الجربايه وهو صاح اااااخ
فز ليث وكام بسرعه من الخوف نوموا بالجربايه الثانيه الي مقابيل الجربايه المنومه ليث عليهه
وغطاه وطبان بقيت اباوع عليهم
ليث خبصني لان مصلخ اخذته وطلعت من الهول لكيت بجامته مبلله مناشفه
احتاريت ختل ورايه الحد ما طلعت شرشوبه من الهول كتلهه تشوفلي حل
صعدت جابتلي بسرعه شورت من الولد كعدت على الدرج ولبسته الشورت
جبير هذا
شسوي منين اجيبلك سحبت القيطان
سويته على كده ولفيت القيطان حيل حتى ميوكع
الحد ما عافني ليث وضطريت الحكه وعطت بي لزمته گبل هو من شااف وطبان صاح
عموووو عتيته من ايده حيل من باوعت عليه خزرته سكت وعضيت شفتي باوع عليه وكال بصوت ناصي
عمو علي هذا عمو علي
خليت اصبعي بحلگي وعضيته وخزرته كبل خله ايده على حلگه ودنك راسه جريته وطلعت من الهول
اخذته للمطبخ
ااني شكتلك هاااا مو كتلك متحجي
نسيت والله نسيت
عمو وطبان اسمه وطبان
لا عمو علي
ليث اسمه وطبان
وطبان بس هو كلي
عضيت اصبعي حيل ااااخ ليث اخ وطبان وطبااان
اي اسف ماعيدهه بعد
بقيت واكفه وكايدته بالمطبخ
الحد ما مل ليث ويسمعهم بالهول يريد يروح يمهم اخر شي كال
ميسم بيه بوله
امشي امشي جنت متوتره حيل طلعت من باب الهول صار بوجهي وطبان گبل نزلت عيني واخذت ليث للحمام هو صعد فوك
دكيت الباب على ليث
ليث مخلصت
طلع من الحمام
بارده بالمطبخ مو كلهم هنا ليش احنه هناك نوكف
احسن
والله مااكول بعد عمو علي
ليث اسكت تعال غسل رجعت للمطبخ غسل ايده تعبت من الوكفه رحت صحت خزعل كلت عل اقل يرجعوني البيت شداد احسن من هاي الهوسه
وفكرت مناك اخذ اخويه وانهزم ماعندي غير هذا الحل بلكت يوديني
صحت على كيف خزعل صادفني ابو ماشه باوع عليه خزرني كبل دخلت للمطبخ
وليث عافني وركض هناك اضطريت ارجع اروح هناك ومتحلف الليث باوعت ليث كاعد بالكاع مكابل العود مال خزعل ويتلمس بي ويبتسم ثاري لامحه ولهذا السبب يلوب يريد يدخل للهول
مااعرف شعجب مخلي جوه مو من عادته حسب ما كعدت يمهم حاجته عزيزه وبالذات العود
صحتله ليث تعال كبل دار وجهه شداد باوع عليه وعصر عيونه مبين موجوع
شرشوبه دارت عليه عوفي شبيج للطفل
شداد-سعيد وين لعد
خزعل-علاء انطاه راجيته وراح يجيبلك الدوه
شداد-ابو ماشه ودوني البيتي
ابو ماشه-شداد يا بيتك غير نفتهم منو ذولي تعرفهم لو لا ولا واحد بينه يعرف وماعنده مشكله ويه احد وضربوك الك ومفلشين الجام مال بيتك
معناهه قاصديك بهاللحظه دخل وطبان
شداد-اي اعرف منو ماكو غيره اخو قحطان عباله اني الكاتل اخوه اكله مختفي واني ادور عليه مچلبلي انتَ كاتله
ميسم-گبل باوعت على وطبان وخزعل هم دار على وطبان
ابو ماشه انتبه النه
كبل وطبان كال
يعني الي ركضنه البارحه اخو قحطان خوش خوش
ابو ماشه-اخو مختفي وين قحطان صدك
شداد وين قحطان
مااعرف فجأه اختفه
شلون يختفي
لكيته متصل عليه بالعشرين مره دكيت عليه لكيته مغلق ومن يومهه مااعرف شي عنه
وانت وطبان
شمدريني بي
ابو ماشه-بسيطه بسيطه
وطبان-اني اعلمه
ابو ماشه-انتَ مالك علاقه بالموضوع اني اتصرف
وطبان-هم گال مالك علاقه هم گال
ابو ماشه-ووووووطبان اسكت
ساجت-شنو يسكت رمه على خزعل وصوب شداد وتريدنه نكعد خير خيرك ابو ماشه
ابو ماشه-خلوني ساكت هسه لا هسه اخوطكم خوط
شداد-مالكم علاقه بالموضوع بيني وبين فاضل السالفه
ساجت-انعل ابو فاضل يابو قحطان
علت اصواتهم وليث كام يباوع عليهم شرشوبه كومته واخذتني للمطبخ شويه ومااحس اله انطبكت الباب وطلعوا
شرشوبه كبل ركضت الشباك المطبخ وكفت يم الشباك وفتحته شويه
اني رحت يمهه اريد اسمع
شرشوبه-الله اليستر ياربي باوعت على فستانهه
هذا الفستان السبب اول لبسه اله من لبسته الحد هاي اللحظه مبقت مصيبه مصارت
ميسم-اش عوفي فستانج خل نسمع
ابو ماشه- شسويت القحطان وطبان ااانت مووووو احجي
اي اااااااني
شداااد راد يموت بسببك ليش كتلته هاااا احجي
خزعل-لان اندل مكان ميسم كتله
صار صياح بينهم اله شويه يتكاتلون طلع ساجت عليهم وكلهم كافي بالشارع انتم مبقه واحد مسمع
ابو ماشه-لك هو كاتل قحطان
اي اني كتلته شتريد
وعلمود هاي الجوه
مو علمودهه
ساجت-ابو ماشه ليسمع شداد مو وكتهه هسه اذنه يمكم
كوه ساجت سكتهم ودخلوا كلهم ماعده وطبان
صاحوا على شرشوبه راحت تركض
بقت هوستهم وشرشوبه كل شويه تسوي الواحد ريوك
الحد ما متحملت اخذت ليث كوه صعدت الدرج
بقيت بالغرفه الفوك مااعرف عنهم شي وكوه مركده ليث
انفتحت الباب صارت عيني على الباب گبل
وطبان هو انصدم من شافني اني كعدت عدلت نفسي ودنكت على الكاع
گبل ليث كال
عمو علي انتَ مو اسمك علي
باوعت على ليث يبتسم ويباوعله گبل كتله بحديه
ليث اسمه عمو وطبان
عمو علي گللهه مو اسمك عمو علي
اي حبيبي
كبل باوعتله بحديه
شداد مبقه شي مسواه بيه حتى يعرف منو علي ومتحلف
باوع عليه خزرني
مخايفه عليك خايفه على نفسي واخويه اذا يدري انتَ نفسك علي ميعوفنه بحالنه
شتريدين هسه شنو المطلوب مني
باوعت على ليث حبيبي هذا عمو وطبان مو عمو علي
دار على ليث
ليوثي لتكول عمو علي مااحبه هذا الاسم صيحلي مثلهم وطبان
يعني اكلك عمو وطبان
اي
عافني وفتح الكنتور باوعت طلع خزان مال طلق
وراد يطلع
مو على اساس انتَ مكاتله القحطان
گبل رجع وكف ودار عليه
الوووووو لتحجين وياي ابد افتهمتي
درت وجهي عنه
وبعدين كل الي كاعد يصيرررر هسه من وراج انتِ
اذا صار على شداد شي بيدي اطلع روحج
رجعت باوعتله
اي مو اني الي كتلك قحطان
هيووووووو
ذاك اليوم كلت طلعتج منا وساعدتج بعناد شداد واليوم تهدد بيه اذا صار عليه شي وتگول بسببج
مفتهمنه انتَ ويا ضده
شايفه هسه اذا متسكتين شسوي بيج
شتسوي سوي ميفرق شي عندي وياريت والله تطلع روحي مثل مگلت بس هو انتم بس تهددون
هيووووووو لزمي اللسانج انتم شنووووو هاي انوب
درت عليه انتَ وشداد ومابيكم واحد يطلع روحي ويخلصني
صدك بس تهددون اثنينكم دمرتوني موتوني وخلصوني عاد
اموتج بس موهسه لان مفارغل
الوحده ********
كمت على حيلي وكبل ظهري وكف حسيته بس كتمت وجعي
صار كم مره تحجي بشرفي كافي كااافي مااسمحلك
حمدي ربج اخوج هنا جان هسه عرفتج قدرج شنوو
هزيت راسي بـ أي واني ومغمضه
كلامه يوجع گلبي وماعندي رد مااعرف شحجي اساساً اني ليش حجيت وياه
كبل فتح الباب وطلع من الغرفه بقيت اكل بروحي
صعدت وره شويه شرشوبه گالت شداد يصيحج
كليله متكدر تنزل من ظهرهه
اني اساعدج
ماريد انزل شرشوبه وروحي الخزعل كليله خل يوديني البيت شداد
ميودوج سمعتي الي صار كله البارحه قاصدين شداد وليش قاصدي لان وطبان كاتل قحطان وميدرون وطبان
واذا شداد لو وطبان مراح يسكتون وبالحالتين واحد منهم ميرتاحون اله يموتوه
موتتهم ان شاء الله
ميسمممم
شكوووو شكو شرشوبه
نزلي شداد يريدج
ماريد انزل
عافتني وطلعت طبكت الباب حيل
شويه ورجعت صعدت فتحت الباب وبقت واكفه
شداد يكول خل تنزل هسه
شيريد مني ماكو هيج انسان بسبع ارواح
اكلج ميسممممم تره بعد مااتحمل والله لتخليني اسحلج من شعرج هسه
خلي ادعيتج وحقدج بداخلج مو تدعين عليهم كدامي
حكيت شعري من التوتر ودرت على ليث متمدد على الجربايه ومخلي رجل على رجل ويهز برجله ومسوي اصبعه عود مسدس ويسوي طاه طاه
كلت انيالي هذا بس يوم وكام يمثل عنده سلاح
شيريد مني شداد
ماادري والله بس من كتله متنزل وظهرهه صار اعصاب وكال كليلهه هسه تنزل
مديت جف ايدي على خشمي وكمت اتفس سريع وكتله ليث هسه اجي ابقه هنا
ما ...ما اجي وياج والله
كبل كام ونزل من الجربايه نزلت كوه من الدرج
رحتله دخلت للهول كبل باوع عليه كتله من بعيد جان بس هو كاعد بالهول وساجت نايم بالجربايه الثانيه
صحتني
تعالي
رحت باتجاهه وكبل ليث راح على العود كعد كباله
شتريد
شجابج هنا
غير همه جابوني وميخلوني اروح هناك
منو جابج
سعيد
زين كعدي هنا لتختفين
فوك كاعده
كعدي هنا كتلج
وهو يحجي توجع رحت ردت اكعد على القنفه
تعالي هناااااا كتلج
وين
گبالي
وخر رجله زاحهه شويه وهو يتوجع وأشرلي على الجربايه يريدني اكغد كباله
واني اصلاً مطايقته
رحت كعدت ودرت وجهي على الشباك كل ماادور اباوع عليه يباوع عليه بحديه
صاح شرشوبه بس من كد ما موجوع صوته ناصي كتله شتريد منهه
اريد مي
اجيبلك
كعدي هنا كتلج شرشوبه
فز ساجت باوعله
ها موجوع
لا اريد مي
باوع عليه ساجت وكام راح جابله مي
كاعد يشربه مي
مااحس اله دخل وطبان كال ها شبي
ساجت-عطشان
ليث-عمووو علي شوف
اني هو كال هيج واني گلبي احسه خرط كبل باوعت على شداد الي غص بالمي وتوجع من سمع ليث كال عمو علي وگبل دار وجهه على وطبان
..........يتبع