ازقة الموت
زينب العبودي
البارت 27
دجيته بظهره عفت السجينه بظلوعه وكمت اتفس سريع وبصوت عالي واباوع على السجينه
دار وجهه عليه عيونه گبل صارت حمره ويباوع عليه بصدمه
گال أأاا ......ااااه
كوه طلعت منه ال اااه جان مختنك
حاول بيده يوصل للسجينه مااعرف شلون نبتتهه بظهرة
وهي يحتاجلهه قوه حتى تخترق الجسم
باوعت على ايدي وعلى السجينه وتبعدت عنه اني هم انصدمت من الي سويته وينفس الوقت تذكرت كتل اخويه باوعت عليه بحقد جان يم الباب مااكدر اطلع كمت اباوع عليه وارجع اليوره
وهو جان محتار ونفسه ضاق يريد بس يوصل للسجينه
اخر شي فتح الباب وايده متروسه دم
شرشوبه-سااااعة ال....سووده
عزززززززززه بعيني شداد ولك خزعل الحك شداد مضروب
خزعل گبل جر السجينه من ظهره اباوع عليهم انخبصوا بشداد الي من انجرت السجينه يالله كدر ياخذ نفس
ودنك من كد ما موجوع ومرجع ايده على الجرح رغم ما ميلوحه بس من كد ما موجوع
شرشوبه-ليش ....ليش سويتي هيج بي
باوعت عليهه ودموعي تنزل وگبل مشيت سريع باتجاهه باتجاه الباب ردت اطلع وخزعل مخلي ايده على جرح شداد ويصيحله لتتحرك لتتحرك شداد
مجان يكدر يعوفه لان ينزف هواي وهم مبين عليه انصدم
ردت اطلع من الباب واني ابجي ومخروعه الاول مره اسوي هيج شي ومصدومه بالصار الاخويه بنفس الوكت
جنت اريد اطلع بس مااعرف وين اروح
ركضت مااحس اله واني اريد اعتب الباب جرني شداد
وخر وخرررحقيرررر
ميسم جذبت عليج تعالي والله مكتلت اخوج ه مجنت اسمع شرشوبه وخزعل يحجون وبالي مو يمهم جنت اتمنى بهاللحظه اطلع روحه بيدي ردت اخنگه واصيح
كتلته كتلت اخويه كتل اخويه جرتني منه شرشوبه جريت روحي منهم وطلعت
اخووويه مات كتله كتل اخويه
خززززعل روح وراهه
وجرحك
رووح كتلك مابيه شي
شرشوبه-اني اني اني الزم الجرح روح وراهه مثل المخبله طلعت ليصير عليهه شي
ميسم- طلعت من الباب اباوع يمنه ويسره ليش مااعرف
جنت امشي مثل المخبله
واصيح ليث ليث ليث مااحس اله جرني واحد عطت عبالي شداد باوعت خزعل
ميسم اني اني خزعل شبيج مكتله يحلف مكتله
طلقه كتل اخويه ضرب اخويه طلقه ليش ليش وخرت السجينه منه ليش مخليته يموت اريده يموت مثل مااموت اخويه
اخووووووووووويه اخويه كتله
كمت ابجي بصوت عالي كبل جرني عليه وشبگني
وگلي امشي بسرعه
اخويه خزعل اخووويه كتله كتل اخويه
مااعرف شلون مشيت ويه خزعل اخذتي البيتهم وكف گبال الباب يدگه حيل اني ردت اروح
ووين
اخويه ليث ليث كتله
مو كلج مكتله تعالي دخلي هنا اني هسه اروح افتهم منه
خابررهم كللهم كتلو وكبل ضربو طلقه
ضرررربوا اخويه موتوه طفل طفل والله
رجع دك الباب حيل وووووينكم
انفتح الباب جان ساجت انصدم من شافني
خزعل-ديربالك عليهه هسه اجي
ساجت-شصايررررررر
ردت اروح جرني خزعل ودخلني للبيت
ساجت-احجي ابن الكلب شصاير
وهاي مو
اااي هي شداد كاتل اخوهه وهي دجته بظهره
دجت شداد
اي
ددخلهه خل اروح افتهم واشوف شداد
ساجت-جاي وياك انتظر
سعيددد سعيد اكعد
جنت منتهيه ومصدومه كعدني خزعل على القنفه احس روحي رايحه
كعدوا سعيد يبقه يمي وطلعوا
شفتي ترجف ودموعي يصبن وسعيد واكف گبالي كوه واكف من كد ماشارب
واني الطلقه ترن بأذني مو طلقه وحده كل شويه الصوت يخترق اذني واتخايل ليث وين ضربوه وشحس بساعتهه
من وجهوا السلاح عليه واني
اني شلون راح اكدر اعيش بعد هاي اللحظه
فتحت ايدي متروسه دم واباوع عليهه ودموعي يحركن حرك بخدي من كد ما جنت مضروبه بي
وروحي محتركه شنو محتركه معطبه جانت
سمعت الباب انطبكت ومااحس اله واحد واكف بباب الهول گال منو هاي جان صوت وطبان
درت وجهي عليه جان يفرك بعينه وحمر ومبين هو هم شارب هواي
ركز عليه كبل وخر ايده من عينه ومد ايده يأشر عليه
هاي ....هاي انتِ
كبل اجه عليه كومني عتتي من ايدي
شجابج هناااااا انتِ مو
سعيد-خزعل جابهه داجه شداد
شجابج اللغي
جنت اباوع عليه بصدمه وهو يباوعلي بحديه بس ظويه سويه نظراته بدت تختلف
شصاير احجي
كتل اخويه كتل ليث شداد كتله
كتل اخوووووووويه
رجعت انهاريت بالبجي كبل جرني من راسي وخلا على صدره الاول مره يسويهه مجنت متوقعه راح يحضني جنت متوقعه راح يشمرني اصلاً مجنت منتظره منه اي شي
لان ماكو اي شي بعقلي احس نفسي فصلت عن الدنيا بس من حضني بجيت اكثر وگلبي مثل الرجع ينبض بس نبضاته تحرك بيه حرك استوعبت الي صار الاخويه
كمت ابجي بصوت عالي وهو يمسح على راسي
شجابج شجابج فهميني
كتل اخووويه
اششش اشش اش كافي والله لطلع روحه بيدي اليوم
سعيد-خزعل وساجت هناك دجته الشداد هيه
وخرني عنه وطبان ووراح يهف بسرعه وسعيد وراه
ويصيحله وطبان بعدنه ممفتهمين السالفه خل يجون خزعل وساجت
انطبكت الباب وعافوني ردت اطلع بس رجلي محملتني مثل الخيرط صارت
كعدت بالكاع وتربعت وفاتحه جف ايدي واباوع عليه
بقيت فتره بالنص ساعه تقريباً جنت على نفس كعدتي وصافنه صارت هوسه والبارز صوته بهاي الهوسه وطبان
جان يشمر بالكلام ويغلط ويگول عوفوني اليوم اله اطلع روحه بيدي
وصوت ثاني عالي يرادد بي ويلغلط عليه وخزعل بنصهم هم صوته عالي بس انصه منهم يحاول يسكت الاثنين
من كال ابو ماشه عرفته مو غريب عنهم الي يتعارك ويا
ابوووو ماشه وخر عني اليوم اطلع روحه بيدي طفل لك طفللللل مخلص منه
من كال هيج گبل رجعت نزلت دموعي وغمضت عيني وصوت ونين يطلع من شفتي معناهه اخويه مات صدك ويجذب عليه شداد
انفتحت الباب وبس اسمع هوسه وصياح ووطبان جان يحجي بحركه بحيث صوته صارت بي بحه وابو ماشه يگله ادخل
واظاهر جان يدفع بوطبان
ابو ماشه-انجب انجب ادخل للبيت ماكو طلعه
وخر ابو ماشه عني
انجب حيووان اكعد كاااافي
كافي ارجع العقلك
ماخذ سلاحك ولك تريد تكتل منو انتَ منووووو تريد تكتل شداد علمود شنوووو اصحى مطي اصحى
اصحى شكاعد تسوي انتَ نسيت شداد منو
تريد تكتله اكتلني اول لعد
انتَ وهوووو واحد عندي من عفته وانطيته ظهري مووومعناهه اقبل احد يدوسه حتى اذا انتَ
اني ضايج منه واريد الزمه اكسر ضلوعه لان امطه منك
بس بس وصلت بيك تروح تهد بسلاحك تريد تكتله
علمود شنووو هاااا علمود مره
كتل طفل كتل طفل يا مسلمين
خزعل-مكاتله والله مكانله شبيك افتهم عاد
ابو ماشه-لا وكتله انتَ شنو
اخوووووك ......ااااااااااااابنك ااااانت شعليك
بابا
شعليه شنووو الشعليه يعني عندك عادي طفل ينكتل بدون ذنب
منو اليحجي منووووو من شوكت صارت عندددددك انسانيه
حيوووووان انتَ حيوان
وطباااان زهكتني حيل وطلعتهه من ماعونهه وكله منك من البدايه كتلك مالك علاقه مررررته
مرته هاي مرت اخوووك حيوان
لو بعد هذا هو ماكو خوه نسيتهه
جنت كاعده بالكاع متربعه ولازمه جف ايدي الي ضربت بي شداد دخو للهول گبل باوعت عليهم لان ابو ماشه گبل عاط من شافني
وهنااااا جايبهه وطبااااان هنا جايبهه
خزعل امشي رجعهه الشداد
متطلع منا
مو بكيفك
بكيفي بيتي هذا بيتي
خزعل كوم طلعهه منا بسرررررعه ورجعهه الرجلهه
وطبان-ابووو ماشه الهنز وحدك مصختهه هذا بيتي واني حرررررر مالك علاقه بيه
الي يمد ايده عليهه اطلع روحه بيدي
تطلع روحي بيدك اذا امدهه عليهه
ااااحجي شو اللصمت
انتَ ...انتَ اخويه الجبير وعلى عيني وراسي بس
بس من توصل لل******ابيعك خويه موووووو
مو وطبان احجيهه
وطبان-دشوفه شمسوي بيهه الحيوان
ابو ماشه - مررررته مرته يا اسلام مرته
عسى ما يطلعهه مصلخه عسى ما ********انتَ متدخل
لك جايبهه هنا انوب لك انتَ شصاير فهمني عقلك وين ووووين
خزعل-اني جبتهه هنا لان جانت تمشي مثل المخبله خفت عليهه
انوب الثاني يالله لكم انتم شمسويه بعقولكم هاي *******
وطبان-ابووووو ماشه الهنا وحدك
ها ها مو ******** اعترضت
اي اعترض ومااقبل اي واحد يحجي عليهه كافي كافي رحمه الدينك كافي تره وصلت حدهه
اطلع بره من بيتي
تطردني
اي اطردك
خزعل-وطبان
وطبان-اسكت انتَ
خزعل-ووووووطبان ارجع العقلك بعده شارب ومكاعد يعرف شيحجي ابو ماشه
وطبان-لا اعرررف كلش زين ،اعرف شكاعد احجي اني ،هو الي مكاعد يعوف شيحجي منو شداد حتى احسبله حساب اذا مكاتله الحد هسه فعلمودك انتَ ابو ماشه
وله هو كم مره غدر بيه
شو مرحت هديت عليه لو صاير براسي جبير وتحاسبني
مااقبل احد يحاسبني
خزعل-وطبان
بهاللحظه دخل ساجت مصدوم وابو ماشه بقه يباوع على وطبان مصدوم من كلامه
ساجت-شكاعد يصير
متحجون خزعل شكو
خزعل-وطبان شارب هواي وديجفص
ابو ماشه-ساجت جيب هاي وتعال ورايه
وطبان-الووووو حدك ابو ماشه وانتَ ساجت دير بالك تمد ايدك عليهه
جنت كاعده على نفس كعدتي اني وين وهمه وين
اني محتاره بأخويه وهمه محتارين يتعاركون
مااحس اله اجه جرني ورفعني ابو ماشه من ايدي گبل وطبان طلع سلاحه ووجهه عليه
ابو ماشه-اريد اشوفك شلون تمنعني ارجعهه
اضررررب يلله
گبل ساجت مد ايده على نهاية السلاح وراد ينزله من وجه ابو ماشه ووطبان صاح بي يوخر
ساجت-)"انت تخبلت وطبان
لاا متخبلت هووو الي يريد يفرض كلمته
ساجت-ويفرضهه
محد يفرض كلمته عليه وكلت متطلع منا متطلع
ماانطيهه الهذا الحيوووان حتى وجهه مشوهه حيوان والله حيوان حرام يتسمى على البشر
ابو ماشه عاف ايدي وراح تفل بوجه وطبان وطلع بدون ميحجي ولا كلمه
ساجت-شسوويت انتَ
وطبان-انتَ اسكت لتحجي
خزعل -اسكت رحمه الدينك هواي جفصت كافي وطبان كافي مللتنه
وصلت بيك تطرد ابو ماشه
اي اطرده شفته شحجه
ساجت-هيروووو حدك وطبان طارد ابو ماشه صدك تحجي
اي صدك احجي مشفته انتَ عبالك طفل كباله عمري ٣٩ سنه اني مو طفل حتى يحجي وياي هيج
ساجت- كافي كافي رحمه الدينك كافي شداد خسرناه ووبسببك انتَ وهسه ابو ماشه هنا حدك وطبان
اني عن نفسي ماابقه وياك اذا ابو ماشه يزعل منه اذا نحجي وياك اني مااحجي ومااباوع بوجهك بعد ولا ادخل هذا البيت
خزعل -واني هم اعذرني وطبان بس كلش زادت السالفه
ابو ماشه خايف عليك
من منووو
خزعل-ميردكم انتَ وشداد تصيرون كاتل ومكتول
ولا احنه نريد هذا الشي لك اني اليوم نص حيلي انهد من شفته توجع يا اخي كافي ملينه والله
تعبنه نريد نعيش خرب حياتي الي اجيت بيهه هنا تعبت اني لعبت روحي من حياتي على شنو هذا الحرررب
وطبان-ابن الكلب تهجم عليه شكو اني شكو بالموضوع
يعني طبيعي شداد الي سواه يكتل طفل لكم انتوووو شنو من بشررررر
خزعل-مكاتله الف مره من جيت هذيت الحد ما وصلنه اكلك مكاتله اني سمعت صوته للطفل بخيررررر كافي كافي وطبان واذا تكول علمودهه
مشفته انتَ شصار بي من تسودنت على اخوهه بسببه
حتى من دجته كال الحكهه ليصير شي عليهه
وطبان كافي
ساجت-بابا عوفه هذا لو يجي جد جده ميقتنع
وللاسف عليك وطبان عيونك
شتقصددد هيو
انتَ فهمتهه ماكو داعي احجيهه بالقلم العريض
شايف يا وطبان اذا متروح هسه الابو ماشه وتعتذر منه على الحجي الحجيته لا اخويه ولا اعرفك
طبك ستين الف مرض
والله عبالك انصدمت توقتعتهه هي صارت الشغله خرطي بعد اخوك
سمعت الباب انركعت فزيت رغم مااني جنت كاعده واسمعهم من يحجون بس بالي مو يمهم
اتخايل شكل اخويه ممدود والدم يطلع منه ويترس الكاع
هاي الصوره رسمتهه مخيلتي بعد ماسمعت الطلقه
خزعل-وطبان راح اخذ ميسم لتعاند الله يخليك خل نفضهه واني هناك مااعوفهم
الحد ما يحيب اخوهه
خزعل-ميسم ميسم باوعيلي اخوج عايش
هزيت راسي بـ لا
ميسم-كتله .....كتله شداد كتل اخويه
دنك عليه وكنبص گبالي
انتِ توثقين بيه
هزيت راسي بـ لا وكتله سمعته سمعت الطلقه وكاللهم كتلووًووووًًً
جذاب والله جذاب يجذب عليج كال ردت احرك گلبهه بس من شافج هيج خاف عليج وكالي الحقيقه واني
سمعت صوته الاخوج بأذني وحجيت ويا هم وسأل عليج وكتله ميسم تبوسك واليوم راح تجيك جان يضحك ويسولف طبيعي
جذاب والله جذاب مات اخويه مااصدك اني والله سمعته كتله الحقير كتله
كومي وياي خليني اوديج حلف شداد راح يجيبه
شداد كتل اخويه
وطبان-مكانل اخووووج كافي سكتي وانت خزعل خل يجيب اخوهه وبذاك الوكت اخليهه تطلع منا اله اشوف ليث بعيني
خزعل-اي واكله وطبان ميقبل
اي كله وطبان ميقبل
وطباان خل نفضهه ميسم باعيلي مو تريدين اخوج اني راح اجيبه الج كومي .....كومي وياي
اني من كال وطبان مكاتل اخوج وخزعل يكلي تريدين اخوج كومي احس رجعلي النفس بس هم خايفه خاف يجذب عليه بس رجعلي الامل بالحياة بقيت اباوع مثل المصدعه
معقوله صدك مكاتل اخويه باوعت وطبان يحجي بحديه وصوت عالي
خزعل خزعل اني شكاعد احجي الحيوان هذا خل يجيب اخوهه هسه من يجيب اخوهه سالم بذاك الوكت اخليهه تطلع منا وهم مااعترض وحتى اتفل بوجهه على هاي عملتهه وانت اتفل بوجهي بعد اذا تدخلت بأي شي يخص ههاي الـ........استغفر الله استغفر الله روح خزعل فض السالفه لعبت روحي
كام خزعل وهو يستغفر ومخلي ايده على كصته يمرر اصابعه على كصته بقوه
وطبان-روح يلله شمنتظر
خزعل-منتظر الموت يكرفني واخلص من هاي الوضعيه
ياشداد ياوطبان واحنه بنصكم وايدنه على گلبنه خاف تصير بينكم مجازر وهسه تعال حير شيقنع ابو ماشه وبشنو نقنعه اكله شارب انوب تكول لا صاحي
راد يروح خزعل استوعبت رأساً كمت
اجي وياك وديني الاخويه مااصدك اله اشوفه
وطبان-هيوووو انتِ كعدي وانجبي ووووسكتي لا هسه الزمج انفضج نفض خاف شداد ممخلص عليج اني اخلص عليج
ميسم-اريد اروح الاخويه ارريد اخويه
دتجذبون عليه
خزعل-والله ممجذب عليج حجيت ويا اني لو ميت ليش اخليج تتأملين وانتِ بعد عشتيهه للصدمه
ميخالف خل اروح وياك
وطبان-كعددددي لج اخوج خايفه عليه بت الاوادم
شجاب اخوج الايد شداد اكصهه الايدي اذا ممجفصتلج جفصه يا ثوله.....ثوله والله
روح خزعل فضهه
اول مطلع خزعل باوع على السكف اني بقيت اباوع عليه ورجع خله جف ايده على حنجه ويفرك بي بعصبيه اخر شي وخر ايده ووجهه عليه
يهز بيهه
اريد افتهم شجابج هنا واني موديج الاربيل
هاااااا شجابج فهميني ......فهيمني شجابج
سكتت اني وتبعدت عن مكاني الواكفه بي اجه عليه وعتني من ايدي
الوووووووووو احجي لتصفنين تره راح اتخبل هسه
شتسووووين هنا هااااا شلون لاحج شداد شصخمتي فهميني انتِ شنو تلعبين عليه هااااا
صرفت دم گلبي عليج ومبقيت واحد منزلت المستواه حتى اطلعج من بغداد
جنسيه زورت
فلوس صرفت
بيت اجرتلج
مشاكل على راسي وكعت وسكتت
الكاج كبالي لا والله راح تخبليني انتِ
اااااحجي كم مره طلعتج من هذا الخررررا وترجعيله لج انتِ شتريدين بالضبط
انتِ شنو بالضبط فهميني خبلتيني
شجابج هنا اااحجي
باوعت عليه ودموعي يصبن كبل جريت ايدي منه بحديه
اااخويه ميت وانتَ موكفني تحقق وياي
گلبي محتررررررك محترك گلبي وانتَ شتحجي
محترررك انعل والد والديج تگلي محترك اخوج مابي شي وراح يجيبوا ضربني على راسي
امدددداج مو صوجج صوجي اني الي طلعتج هو انتِ مال مكفخه هسه يكفخ عليج ليل ونهار
متحبين تصيرين ادميه
باوعت عليه انقهرت بس الي خلاني اسكن واهدأ املي اشوف ليث وشداد يجذب عليه
شجفصتي شلون شلون انتِ هنا فهميني
الووووووو احجي شجفصتي بيمن اتصلتي لو انتِ اجيتي هنا وحدج احجي اللغي لتسكتين
لان اذا هسه متحجين راح ارتكب بيج جريمه
شداد خطفه هناك باربيل
شمدري شداد انتِ هناك
شمددددريني شمدريني اني شمدريني كافي كافي ردت ارخر من كباله واطلع جرني حيل واني جسمي يوجعني كبل عطت
اااخ ايددددي كافي كافي تعبت والله
والله تعبت تعبت عوف ايدي جريتهه منه
وين تريدين تولين
اروح اشوف اخويه ميت لو عايش لو يجذبون عليه اريد افتهم راح امووووت
راح اتخبل گلبي يوجعني حيل والله
مااكدر اعيش اذا اخويه ميت مااكدر والله
ليش مخابرتي اول مخطفه مو مخليلج بالجهاز رقم ابو احمد
لتسألني هسه كل الي اريده من الدنيا هسه اشوف اخويه واتأكد هو عايش
جرني من ايدي حيل عبالي راح يطلعني وكفني المرايه جانت اكو مرايه لايلون اطارهه ابيض
جديده مخليهه
باوع وجهج غبيه
شلون ترجعين هنا فهميني من خطف اخوج ليش مخابرتي
بيا عين جايته الشداد وشتتوقعين منه يسوي
لو اني مكانه مو بس اخرب وجهج اموتج وانفيج من الوجود
انصدمت من وجهي صاير خريطه والدم مغطي دارني عليه
كوه طلعتج منا تعبت يالله وديتج الاربيل
وراح ترجعين الحضنه
ليش مخابررررتي وانطيتيني خبررررر
ليش فهميني
مخابرتك خفت عليك لان
اول مخابرني بعد مااخذ ليث سألني عليك انتَ الي هزمتني
خفت خاف كاعد يراقبني ويعرف انتَ لان هو اخذ ليث يكدر هو ياخذني بس جان يريد يوصل للي هزمتي
شلون جاب رقمج هااااا منين جابه معناهه انتِ مجفصه بشغله المن انطيتي رقمج يا ثوله المن احجي
حاولت اتهرب منه ودت اروح رجع جرني حيل راد يضربني كوه لزم روحه كرصني بزندي بس جانت القمصله ثخينه متأذيت
الوووو احجي لا اني اموتج مو شداد والله
المن انطيتي رقمج جاوبي
باوعت عليه بخوف گتله
صار الي صار بعد
صك سنونه وكام يحجي من بينهن بدون ميحرك شفايفه وعيونه ناطات عليه
شنو صار الي صار. ر شنو وووووو صار الي صار شكاعد تمضرطين لتستفزيني ديرررر بالج تستفزيني
صديقتي هي شافتني وطلبت رقمي ومنطيته ال زهراء
والله مالي علاقه اني كافي وطبان اني مو بحال ادافع عن نفسي لو ابرر
مااحس اله ضرب المرايه الي ورايه اني كبل وخرت من كباله
رجع دار عليه
ااااااااني شگايلج شكاااايل مو كايل زهراء تبعدين عنهه ودير بالج تفكرين تحاجيهه كايل لو مكايل
ااااحجي
كافي كافي انتَ شنو فهمني انتَ مكاعد تشوفني
اخويه مات وبيدي هاي ارتكبت جريمه وجاي تحاسبني
على مشاعري مكدرت اتحكم بمشاعري من اتصلت
اختي هاي اختي موبيدي من سمعت صوتهه خفت ومنسيت الي عشته بس مكدرت اتحكم بمشاعري
مكدرتي تتحكمين بت القندرا
لتغلط
لتصيحين لتصيحين
الج عين وتخلين عينج بعيني
شتريدين اسوي واني كوه طلعتج هو اني كلب ابن كلب لان ساعدتج
شلووون اموتج حتى ارتاح
ياريتني لو اكدر اكتلج هسه واخلص
ليش مخابرررتي وكلتي صخام اخذ اخويه
ليش انطيتي رقمج من الاساس
ليش ليشششششش
ليش منهار انتَ على الفلوس الي صرفتهن
لا مااتوقع
تعرف ليش لان مساعدتني هيج بلا سبب للثواب
اللصمي وسدي حلكج بديتي تمسلتين
مااللصم ساعدتني لان حبيتني
ومن تمرضت مكدرت تسيطر على مشاعرك بدون متحس تبين حبك الي اني اعرف انتَ ساعدتني لان حبيتني لان ماكو احد يساعد احد
بلا ثمن ولو محابني جان طلبت ثمن للمساعده
بس اني جذبت احساسي ه
ومن صرت زينه يالله كدرت تسيطر على مشاعرك وتخليت عني
ضحك باستهزاء
باع هاي شكاعد تلغين بابا
اني لا احبج ولا مباوعلج ومتهميني
تدرين ليش ساعدتج
خل اجاوبج على هذا السؤال لان بالج شطح هواي
وطلع على التوابي
ساعدتج .......يتبع