ازقة الموت
زينب العبودي
البارت 26
-منوووو
-لا لاه لاه معرفتي صوتي
-غمضت عيني واحس روحي راحت لان عرفت بنفسي انتهيت بعد مسمعت هذا الصوت
-شداد
-عفيه بطله .....بطله عرفت صوووتي
تصفيگ صفكي انتِ ماكو احد يمي يصفك اخوج يصفك لو ميصفك شتگولين انتِ
-شداااااااد شداد عوف اخويه مشكلتك وياي اني ماله ذنب اخوووويه رجعه
-توء توء توء تريدي يرجع سهله كلش
رجعته بيدج انطيني ابني واخذي اخوج سهله
-يا ابن هذا
-لاه لاه لاه شنو ذاكرتج شبيهه شو مضيعه صول جعابج
اااااابني بنتي مااعرف المهم عندي يمج امانه ببطنج اريدههه تريدين اخوووووج مووووو ترجعيلي ابني
انطينايا اخذي اخوج تتهنين بي
بلعت ريجي ماكو
بعدني ممكمله قاطعني
واذاااااا اذا منزلته يا ميسم وكاتلته
فيصير الدم بدم
شداددددددد فدوه شداد عوف ليث ماله ذنب وگلي انتو وين هسه اني اجيكم
طبعاً طبعاً مثل الجلب تجين بس هااااا ذا مفرغة بطنج
لتجين وتعبين روحج ادزه اخوج الج شيسموه هذا
الي بتغليف يدزوه اااحجي شيسموه
شداد
اياااااا بت ال١٦كلب لج اااني اني تسوين بيه هيج انتِ سهله سهله يا ميسم سهله كلش سهله ويامن منووو الي طلعج هااا وطبان موووو احجي وطبان الطلعج مناك
-شداد گلي انتَ وين خليني اجي
احجي منو الطلعج يا كلب ابن كلي يا گ****الطلعج
-عليك الله شداد اخويه ماله ذنب والله ماله ذنب عوفه اني مشكلتك وياي اني اجيك هسه بس گلي انتَ وين اني هسه اجي والله
گبل سد الخط بوجهي شداااااااد لا لا خرب حظي
لتسدده شداد
كمت اتصل عليه يشغلني
انهاريت شمرت الموبايل بالشارع تفلش وخليت جفوف ايدي اثنينهن على وجهي
ااااااااااخ ياربي كمت ادكك على كصتي واصرخ ليش يارررربي تعبت ماعولت ارتاح باوعت على الشارع صارت عيني على مكان التكسي حليت ايدي على حلگي وتذكرت اخر نظره شفت بيهه ليث ودموعي تنزل
شسوووويت اني ياربي شسوووويت شلون شلون ضيعته من ايدي بيدي ضربت وجهي
باوعت على الشارع السيارات تمشي والناس تمر من يمي واني افتر اباوع على كل الطرق
واحس الدنيا تفتر بيه وصلت مرحله من كد ما تشوش عقلي مااتحمل الضجه الي بالشارع
وحيلي احسه انهد كعدت على الرصيف
باوعت على السما وبصوت ميطلع بسهوله يا ....يارب يارب ساعدني
احس روحي تريد تطلع كمت اخذ شهيق وزفير
مااعرف شسوي
اخر شي كمت واني نفسي ضيق وگلبي احسه يوجعني خليت ايدي على گلبي وكمت امشي احس رجلي تشمر بالمشي من كد ما فقدت توازني
متحملت ابقه امشي كعدت قريب من المحل الي دخلتله
شسويتي يا ميسم شداد مراح يعوفه بعد لو شيصير لو شيصير مراح يعرفه ومن يعرف الطفل مموجود ببطني يكتله اااخ يا ربي
مطيه والله مطيه كمت ادك على رجلي وابجي منهاره والي يمر من يمي يبقه يباوع عليه ويمشي
الحد ما وكفت سياره گبالي نزلت رحاب كبل كعدت گبالي
ميسم ميسم شصار شكووو منو اخذ اخوج مفتهمت مو علساس اختج وامج جايات
باوعت عليهه وعيوني مفتوحات بكل وسعهن مثل المصدعه
اخذه شداد رحاب اخذه شداد اخذ اخوويه
منو شداد
شداد شداد كمت ادك على رجلي
راح اخويه من ايدي
يعني تعرفين منو اخذه خل نروح نبلغ عليه
ضحكت ودموعي يصبن ااااي اي ابلغ ابلغ عضيت اصبعي ورحاب جرت ايدي
ميسم كولي يالله دفهميني فدوه زين بربج ليش تغلقين موبايلج مدري شلون وصلتلج والله
موبايلي وطبان وطبان لازم اكله ماكو غيره الي يساعدني
منو وطبان انوب
كمت وعفتهه وهي ورايه تركض تذكرت اني شمرته بالكاع رحت اركض
لكيته متفلش باوعت عليه وتذكرت الموبايل القديم الي انطانيا ابو احمد بي رقمه
رحت اركض ورحاب ورايه جنت امشي مثل المخبله
الحد ما جرتني رحاب
وين رايحه فهميني يمعوده شراح تسوين ومنو شداد هذا
اخابر اخابر ابو احمد
منو ابو احمد انوب
مو وكتج رحاب سوالف هواي مو وكتهن
عفتهه وأجرت تكسي واني اصعد كتله عنوان الشقه وكتله بالكردي يستعجل ورحاب صعدت وياي
فهميني يمعوده
مدرت بال الهه جنت اباوع على الطريق حتى مكاعده عدل بس اريد اوصل بس وصلت كتله نازززلين نازلين
انطيته الكروه ونزلت اركض
ورحاب ورايه حتى مكدرت افتح الباب ايدي ترجف اخذت المفتاح مني رحاب وفتحته
رحت للغرفه فتحت الكنتور ملكيت الموبايل
طشرت كل الاغراض بالكاع جانن اكسسوارت واوراق مخليتهن بعلبه كلهن ذبيتهن
وينه ياربي وينه مو ووكته
رحاب-دحجي شنو دادور وياج حتى
موبايل موبايل صغير من ذني القديمات
هذا موبايل كبالج
باوعت گبالي ومشفته من كد ما مخبوصه
گبل ضغطت الدكمه اشغله اشتغل مديت ايدي بجيبي
خرب خرب حظي الموبايل عفته يبوووووو خرب حظج خرب حظج ميسم
ياااا مو هذا لكيتي
ضربت كصتي وكعدت بالكاع ابجي
رحاب-دفهميني عليج الله والله دخت هسه اني كلشي ممفتهمه مو جنتي تدورين على الموبايل
اااي واني المطيه عفت ذاك بالشارع وبي السيمكارت شلون اخابر هسه
مني مني خابري
صح صح منج اي والله رحت ادور بالمكالمات همزين باقيات رديت الهه رقم ابو احمد
دكت عليه وانطته الي دك مره مرتين محد جاوب
كمت ادك على رجلي
ميجاوب ميجاوب شلون بيه ياربي شسوي هسه اني
شسوي
بقيت اتصل ميجاوب ابو احمد
اكلج زين اهلج مو علساس يجون
اي اي هزيت راسي واضفري بحلكي وابجي
وينهم لعد
مااعرف ماعرف كلشي مااعرف اني كمت بسرعه
ووووين حتروحين
مااعرف ماادري ارجع البغداد غير لو هو هنا سددد الخط بوجهي النذل
مراح تحجيلي منو هو ومنين تعرفي وشيسوي بأخوج
شحجيلج رحاب شحجي انوب الموبايل اني الغبيه فلشته
اي دحجيلي يا عيني ميسم سولفيلي
عفتهه وردت اطلع
-وين رايحه
-مااعرف والله مااعرف رحاب كلبي احسه راح يومف وعقلي، عقلي احسه كام يوجعني هم
شراح تسوين زين
-هم مااعرف
-خل نروح نبلغ
-ماريد اعرف الي اخذه شيريد واعرفه منو بالضبط وشيسوي اذا بلغت
-الهاي الدرجه تايهتله الدنيا ماكو هيج شي اكو قانون ميسم بكيفه يعني يخطف طفل من اخته گوتره هي لتخافين هسه نروح نبلغ عليه ونخلي يعفن بالسجن مادامج تعرفي
-جنت مخبوصه بداخلي الف فكر ببالي
ومااعرف شسوي اطلع من الغرفه اروح للصاله ارجع اروح للمطبخ وحايره وروحي لايبه
ورحاب ورايه وين مااروح اخر شي عاطت بيه
دووووختيني أثبتي بمكان ميسم، ميسم باوعيلي
شكاعد يصير فهميني بلكت اكدر اساعدج او الكه احد يساعدج شبيج بابا احجي
وكفت وعيوني تصب
مصيبه وكعت على راسي رحاب مصيبه محد يكدر يساعدني بيهه شداد مراح يعديهه هالمره
-هسه غير تگول منو هذا شداد شيصير منج
-مجان الوقت مناسب احجيلهه تفاصيل
كتلهه
-ززززززوجي شداد
شهكت اول مگتلهه زوجي وباوعتلي بنظرة وحده مصدومه
-أه ليش انتِ متزوجه شوكت هاي ولج
-مو وكت احجيلج سالفه طويله
وين تروحين اوكفي جايه وياج
لحكتني و اني ماامشي طبيعي گلبي معصور عصر ودايخه وابجي ومحتاره شسوي وكل شويه تلزمني رحاب خطيه معافتني
ابد
رجعت اجرت تكسي ورجعت للمكان الي شمرت الموبايل بي
همزين لكيت الموبايل اخذت السيمكارت منه وخليته بالجهاز على امل يرجع يخابرني شداد ورقمه بقه بذاك الجهاز الي تفلش ومحتاره
رجعت صعدت بالتكسي
كتله اي شركة سياحه وسفر وديني
نزلت احجز ماكو شركه تطلع اليوم الا باجر والفجر حجيت وياهم كتلهم لازم ارجع اليوم ماكو وسيله كالو اكو سيارات خاصه بس كروتهه غاليه وبالوقت الي تريدي
كتله عادي مو مهم اهم شي ارجع البغداد اليوم
جرتني على صفحه رحاب
رحاب-ميسم راح تروحين وين فهميني اخوج اخذه البغداد يعني
اروح الوطبان درجعي اتصلي باكت يجاوب او انطيني الرقم خليني اني اخابر
ردتلي الرقم واني اسجل بالرقم گلي الولد هسه اتصلج على سياره خاصه
اي اتصل ورجعت كملت الرقم اسجل بالرقم وايدي ترجف ضغطت اتصال
ورأساً لغيته
رحاب-اذا ماعندج رصيد خابري هاج مني
لا مو رصيد
لعد
اللحظه فكرت هو اخذ ليث واني موجوده ليش مأخذني
وتذكرت من سألني وطبان طلعج مو معناهه ميذري بوطبان لو مو وطبان ويريد يتأكد طلعت بسرعه من الشركه كمت اباوع منا ومنا
معناهه شداد كاعد يراقبني
رحاب -والله راح تخبليني احس نفسي بمسلسل كلهه رعب برعب تدورين على شنو
رحاب اذا دك عليج الرقم گليله بالغلط
ليش
ضربت كصتي والله ماادري شكلج اني بهمي وانتِ تريدين تعرفين كلشي
والله مااعوفج اذا متحجيلي
والله احجيلج بس مو هسه
لا والله اله هسه احجيلي ميسم والله گلبي ورم على ليث هسه غير افتهم شكو
حجيتلهه بسرعه مختصر وبس تسأل تريد كلشي اسولفلهه الحد ما عطت بيهه وانفجرت بوجهه
كااافي رحاب عوووفيني بهمي فدوه مو وكت قصتي وتفاصيلهه اخويه بيد واحد مجرم شحجيلج الحجي ميخلص لا بساعه ولا بساعتين واني همي وين
عوفيني فدوه بحالي
رجعت للشركه كتله اطلع البغداد بس امر البيتي اخذ اغراض ردت اخذ فلوسي الي مجمعتهن
رحت للشقه اخذت الفلوس وخليت سجينه بجنطتي ونزلت بسرعه واتصلت على رحاب موجود رقمهه بهذا الجهاز لان كتلهه ترجع
تذكرت امي وزهراء كتلهه ابقي اليوم بالبيت خاف يجون ماعندي رقمهم حتى اتصل عليهم واذا اتصلوا عليه انطيهم رقمج فدوه ولو راح ادوخج
لا يمعوده شنو السالفه
راح تطلعين هسه يعني
اي
طمنيني عود عليج مو تگطعين وتخلين بالي يمج
ماشي حبيبتي
صعدت بالسياره طول الطريق ابجي جنت وحدي بالسياره وتأكدت من الشركه السايق على ضمانتهم وجان انسان محترم ابد مباوعلي
بس اني بالي يم الطريق وكل شويه ادور وجهي والسيارات كلهن رايحات البغداد مااكدر اخمن هو لو مو هو بس متأكده هو ورايه ويريد يعرف راح اروح الوطبان لو لا
الطريق جان كلش طويل وبحالتي اطول من كل مره مو بمره بألف مره
ورحاب كل شويه تتصل عليه تطمئن والعجبني زهراء متصلت ابد مفروض همه واصلين معقوله صار شي عليهم
الحد ما وصلت البغداد كلي السليق وين بيتكم بالضبط
كتله للبتاوين كبل گال
شنووو بيتكم بالبتاوين
اي
كبل دار عليه خويه تعذريني مااكدر ادخل للبتاوين
مو مشكله وديني الاقرب نقطه تدخلني للبتاوين
حسيت الولد خاف كال خويه نزلي هنا واخذي تكسي يمكن عباله اني علاسه
الدنيا ليل خويه اي مكان لتدخل انتَ
بس اقرب نقطه توديني هناك ذبني
حدي وياج الساحة عدن
بعيد كلش
والله هذا حدي عذريني خويه
زين ذبني بباب الشرجي
اسف خويه مااكدر
الدنيا جانت ليل
جان الوقت بحدود ال٣بليل مجنت اعرف بشنو افكر بالضبط زهراء الي متصلت وخاف بيهه شي لو شسوي
لو وين اروح هسه
جان رحت البيت خالو بس مااندله بالضبط والوكت مو مال اتيه وماعندي رقم احد اخابره ويدليني بالضبط
انطيته عنوان بيتنا القديم كلت مو مال اجازف وادخل بهذا الوكت يطلعلي واحد ثالث انوب مالي خلك
كلت اروح للعماره اروح يم بيت ابو نور بين ميطلع الصبح
وبالفعل نزلت كبال العماره الي جنه مأجرين بيهه انطيته الكروه وبقيت واكفه اباوع اكو سياره ورايه باوعت ماكو شي دخلت للعماره
دگيت الباب على بيت ابو نور تفاجئت طلعوا ناس مااعرفهم انصدمت والرجال هم انصدم بنيه بهذا الوقت تدك بابهم
بلا زحمه مو هاي شقة بيت ابو نور
لا شقتي مأجرهه من شهرين خاف تقصدين الي قبلنه
اي جانوا كاعدين هنا بيت ابو نور وينهم
تحولوا منا واحنه كعدنه بمكانهم
بس ولو يعني ماادري شگلج اكو واحد يجي بهذا الوكت
اسفه مااعرف متحولين
بقه يباوع عليه من فوك اليجوه وجنت اسمع صوت مره يمه وره الباب تكله منو شكو
اعتذرت وعفتهم نزلت من الدرج محتاره وين انطي وجهي اروح العمو ابو طه ابو الدكان لو شسوي
بقيت كاعده على الدرج انتظر الصبح ماعندي غير هذا الحل
حسيت نفسي بردانه رغم ماجنت لابسه هواي وقمصله ثخينه لميتهه وسديتهه وكمت افرك بيدي
وعيني تحركني من النعس والتعب
الحد ما شفت كشف الكشاف كمت أجرت تكسي للبتاوين اثنين وكفولي مقبلو الثالث قبل صعدت بالتكسي
مطبات الحياة كثيرة وتحتاج الى قلبٌ صبور وقوه
اذا مواجهتهه بقوة راح اخسر وبالحالتين اني خسرانه
بس اما اكون جبانه واهرب اما اواجه المطبات بقوه
لكنِ ماذا افعل فالحياة استهلكت قلبي ولم يبقى لي اي ذروة صبر
حاولت وحاولت ان ابحر بعيداً واعيش كما تشتهي نفسي لكنِ كنت اجد النار مرافقه لي اخرج من نار وادخل بنارٌ اخرى
ادركت حينها انِ مهما هربت فسيلحق بي طيرٌ اسمهه الهموم
لذلك قررت اواجه هذا الطير لعلِ اربح
اول مدخلت للبتاوين جريت كبوس القمصله خليته ينزل على عيني اخاف يشوفني وطبان ويوكفني مازلت اشك احد ورايه مستحيل شداد جان يكدر يلزمني بس عنده غايه
بس شنو احس گلبي انقبض اول مدخلتلهه
الحياة مابيهه نهايات
النهايه الوحيده للانسان هو الكفن
دائماً من نخلص من مرحله نتوقع خلص انتهت بس الحقيقه هي بدايه جديده ورحله جديده
الحياة تشبه القطار بيهه اكثر من محطه
جنت ادلي ابو التكسي
مجنت اتصور اني اندل بس من دخلت الهه اندليت الحد ما كتله اوكف هنا رحمه الله والديك
انطيته الكروه ونزلت
منت خايفه جنت كل همي اوصل اريد اشوف اخويه اعرف احتمال مااشوفه بس هالمره مراح استسلم واخاف
دكيت الباب مره مرتين ماكو كمت ادگه حيل الحد ما سمعت سياره طبكت درت وجهي باوعت
شداد مثل متوقعت هو الي جان يراقبني
بهاي اللحظه شكد جنت قويه ومخايفه
رجع تملكني الخوف خاصه من شفت نظراته الي
جانت كلش قاسيه وفاتح عينه بكل وسعهن
بس محجه ولا كلمه گبل طلع المفتاح من جيبه اني وخرت على صفحه فتح الباب ودخل
خفت ادخل بقيت واكفه مااحس اله رجع وطلع جسمه
دخلي ست ميسم
جنت اعرف منتظرتني بدايه جديده قاسيه انتهت ايام الراحه الي عشتهه بذيج الفتره
دخولي من هذا الباب معناهه اعدم نفسي بالحياة
دخلت طبكت الباب اول ما دخلت كتله وين ليث
مااحس اله ضربني راشدي بس شنو من راشدي جف ايده جان جبير كلش ترس وجهي واذني مااحس اله مد ايده على سحاب قمصلتي اني مدري شصار بيه گبل ردت الزم ايده مجنت اعرف شيريد لزكتي بالحايط عطت
وهو يفتح السحاب
ووووين الطفل وووينه منزلته موووو يا جلبه
منزله الطفل
دنكت وجهي فتح القمصله شاف ببطني ممسوحه
جرني من شعري سحبني سحل بالبيت كله ويدفر ببطني
منوووو طلعج منا بت الكلب ااااحجي
منو طلعج منا
اله اموتج واموته وطباااان موووو
ماكو صفحه بجسمي مضربني بيهه بحيث وكعت بالكاع ويكومني من شعري اخر شي كام يركع براسي بالحايط ويصيح منو هزمج منا
يمكن بالساعه يضرب بيه ويسألني هذا السؤال واني جنت ساكته مااحجي ولا حرف بس اصيح من الوجع
الحد ما هو تعب وسحلني من شعري للهول بالكاع وخلاني جوه رجله ممدوده وكعد وتجه جسمه وراسه جنت اباوع ايده متروسه دم وجنت احس بالدم من خشمي واذني وحلگي يطلعن عدل كعدته وخله رجله بحذائه على راسي
منووووووو الي هزمج منا اااحجي وضربني بوجهي
اني جنت حتى ماعندي طاقه احجي بس كحيت وونيت والدم انفض بالكاع
رجع كام وجرني من شعري
ااااااااااااااااحجي منو هزمج منا ويامن رحتي حيووووانه
*******************
محد
اني كلت محد ورجع يضرب بيه الحد مافقدت الوعي ماادري بقه يضرب بيه لا كل الي اعرفه فصلت
عن العالم
لحظات وكمت مااحس بشي الحد ما فتحت عيني مااكدر حتى ارفع ايدي ورگبتي توجعني مااكدر احركهه ورجل شداد بس اشوفهه
مديت ايدي لزمت رجله من بنطرونه ولزمتهه
محد ساعدني عوف اخويه عليك الله
كبل مد راسه عليه گبل فزيت جر رجله مني وكاف وجرني من شعري وكفني
جذذذذابه يا ك******خوب مراح تحجين طبج مرض راح تبقين تاكلين كتل وابني الي ذبحتي
كتلج دم بدم هسه گبال عينج اذبحه
والله منزلته والقران منزلته انتَ انتَ ضربتني والله ووكع الطفل والقران مالي علاقه
جر شعري اقوى صحت اخخخخ والله مالي علاقه انتَ
مو جنت يمك انزف والقران مالي علاقه هو وكع
ليش شسويتلج اني ورحتي ويا
هزيت راسي والله مرحت
جذذذذذابه رحتي ويا گليلي هو اذا تگليلي هسه وطبان اعوفج واعوف اخوج
مو هووو والله
عاط وجر شعري عته اكثر احس شعري وكع وراسي يريد ينفجر من كد ما يجر بي
جذذذذذذذابه شلون اخذتي اخوج لعد اذا وحدج
اااحجي بت الكلب گليلي منوووو اني اعرف وطبان
بس اذا متگولين الصدك هسه يا ميسم والله ماارحمج لا انتِ ولا عشيرتج كلهه عن بكرة ابيهه كلكم اخوطكم خوط احجي بت القندرا وطبان طلعج موو
هزيت راسي بـ لا
عاط بعلو صوته كمزني وجرني من شعري واني اصرخ اخذني للمطبخ شغل الطباخ اني هنا جفلت جرني من شعري وراد يخلي وجهي بالنار اني صرخت حاولت ابعده وهو يگلي اااااحجي
احتاريت بهاللحظه شسوي
كتله راح احجي راح احجي والله
كبل وخرني من الطباخ ورفع راسي عليه
احجي يلله بت الكلب اااحجي
وووو مكدرت خفت اكله وطبان ويثور اكثر
ااااحجي بت القندرا احجي
واحد من انهزمت منا اخذته تكسي وتوسلت بي يساعدني اسمه ابو احمد والله هو ساعدني وطلعني من بغداد وهو لكالي اخويه طلع هم شغله مثل شغلكم
وروح ابويه هو ساعدني
مااصدكج والله جذابه
وروح ابويه والقران جيب القران اطبه الك
دفعني على السنك ايدي تعورت
بت القندرا لج انتِ شكالولج عليه اني واصدكج كبل شال تلفونه واتصل وفتح سبيكر
كتلو ودزولي صورته
اني باوعت عليه بنفس اللحظه سمعت صوت الطلقه
ملحكت حتى احجي بقيت اباوع وعيوني فتحتهن بكل وسعهن
كتلت اااخويه حتى شفتي واني احجي هطلت وترجف
كتلت اخووووويه شدادددددد كتلته كتلته
دكيت على وجهي ورحت عليه لزمته من دلعج تشيرته كتلت اخووووويه شداد كتلته كتلته
ولك كتلت اخويه كبل وخر ايدي رجعت علي كمت اضرب بي واصرخ
كتلت اخووويه حقيرررر ررررررر حقيرررررررر
كمت اصرخ فقدت مااعرف شلون اجتني القوه بهاي اللحظه حتى الزمه
انهاريت يعني هاي الطلقه موت اخويه بيهه
...................................
شرشوبه -جنت توني جايه من الملهى بأمان الله
دخلت للفندق ماعندي بيت هو عندي غرفه شداد منطيهه الي اني وبنات اثنين
تمددت على الجربايه هلكانه والعلج بحلكي
حور-شفتي هاي ال******ابتهال شلون سحلت روحهه
سحل على هذا الضابط
شرشوبه -جيره بكصتهه خليهه تروح ****
وانتِ الثانيه شبيج ميته قهر اني اهز وادعي كون محد يباوعلي شحالاتهه النومه
دذبي للعلج
اوي هم صدك نسيته
فتحت الباب توته ولجن سمعتن
شرشوبه-كبل رفعت راسي رجعت العلج الحلگي
خير ياستار كم********
شفايتلج*** اكو مجزره ببيت شداد بس صريخ تسمعين
اني كالت هيج كبل كمت على حيلي
شبي شداد
توته-يكولون رجع مرته الي انهزمت
كبل دكيت على صدري وشمرت العلج من حلگي
عزززه بعيني يمه راحت بيهه ميسم
تستاهل ال****** ملكت غير شداد تندك بي هسه يذبحهه ويلعبك راسهه بباب ببيته
انطممي وسكتي كمت ارجف
واصيح جيره بكصج يا شرشوبه جيره بكصتج اي والله
جنت لابسه كعب وفستان رحت اركض مكدرت اركض بسرعه نزعت الكعب واني امشي ونزلت اركض من الدرج ردت اوكع
كمز حيان الي واكف على الحساب
شكو
أشرتله بيدي ولي ورحت اركض حافيه وكفت براس الفرع احتاريت اروح الوطبان لو اروح البيت شداد اذا اروحله مااكدر وحدي عليه دخلت بالفرع اركض لمحت خزعل كاعد وبيده بطل يشرب
خزعل ولك خزعل كووووم الحكلي
شمر البطل واجه عليه ومن بعيد صاح
شكوووو يمعوده شبيج شصاير
الحك الحك الحك
مجزره مجزره ببيت شداد ولك خزعل وين وطبان
ماكو وطبان طالع من البارحه
شبي شداد دحجي يمعوده
لزمت ايده واللهث فحطانه
ولك ميسم يكولون جايبهه ويدك عليهه وراح يذبحهه
يا ميسم
ولك ميسم مرته ولك يا ميسم جم ميسم عدنه بالبتاوين
هواي
ولك خزعل اكله راح يذبحهه
لا بربج
اي والله لك دمشي جريته ورحنه نركض بسرعه وهو يركض
رلحد ما وصلنه للباب اسمع صوت صريخ ميسم تصرخ كبل خرمشت وجهي يمه يمه راح تموت ولك خزعل گبل
دك الباب حيل خزعل واني وياه هم واصيح
شددددددداد ولك افتح الباب شداد
خزعل-شداد افتح الباب لا افلشه
شرشوبه-فلشه فلش الباب ولك فلشه راح تموت اكلك
خزعل-شدددددداد افتح الباب
عفته ورحت للمطبخ ادك بالشباك واصيح افتح الباب ولك شداد
سمعت ميسم تصيخ كتلت اخوووووويه اخوووويه اخويه رااح
ركضت الخزعل
كاتل اخوهه
خزعل-شددددددداد افتح المهجوم
وكام يدفع بالباب والباب قوي من ذني البوب القديمه اني كمت ابجي على بجي ميسم خلصه من صرخت اخويه
مات اخوهه الله يلعنك ياشداد كتل اخوهه
لك شداد افتح الباب فتحه حسبي الله عليك
خزعل-شداددد افتح الباب
........................
ميسم -من سمعت صوت الطلقه
انتهيت
فقدت
تألمت
تهشمت
تأكلت
روحي ذهبت بعيد
لا استطيع ان اخذ نفساً
ضاق صدري انتهيت
تمنيت الموت حينها كيف لي ان اعيش
ولماذا اعيش
لم اعد احتمل كان الوجعُ كبير
لم يبقى لي شيء روحي ذهبت كالريح
الموت كان رحمه لما اشعر به في هذه اللحظه
كنت كطفل رضيع يخرج من بطن امه يصرخ
لانه لم يستوعب ما يحصل له كان في بطن امه يركد بسلام وخرج لمكانً جديد
فقط كنت اصرخ لم يبقى عندي كلامٌ يريح
وجعي ثقيل بثقل الجبال عندما تنهار
كزلزال يحطم الارض
كالبحار عندما تهيج
من شافني انهاريت كام يگول جذب مكتلته
وبنفس اللحظه اندكت الباب واسمعهم يصيحون عليه
جان يحاول يشبكني واني حتى وجهه خرمشته الحد ما أيس مني وراح يفتح الباب اول ما طلع من المطبخ گبل رحت اخذت سجينه شفتهه على الكاونتر وطلعت وراه بدون تردد ولا تفكير صوت الطلقه يرن بأذني
دجيته ......يتبع