💜سـعـد الـبـايـرات💜
بقلم #رباب نجمة وَ إكرام#
الحلقة الثالثة:
عنوان الحلقة: الهبيل وبنت شيخ القبيلة.
الجزء 9 :
👑 أصبحنا وأصبح الملك لله 👑
صبح الصباح.... و لالة اكرام مزال ناعسة و غارقة فأحلامها.. هادي عادتها مكتفيق حتال وسط نهار.. شوية كتسمع شي واحد كيضرب فالشرجم ديال بيتها..
إكرام: اويلي اش هادشي كنسمع..
(حلات عينيها.. وناضت متوجهة للشرجم ديال البيت.. باش تعرف هاد الصوت منين جاي .. مع حلات وهي تجيها واحد الحجرة وسط جبهتها)..
كميشة: حبيبة سمحيليا و الله مشفتك..
اكرام: سير بحالك بعد مني.. ياك دوينا البارح اويلي واش مغتفرقنيش عليك..
كميشة: قلت غتفرحي الى فقتي و لقيتيني..
(ضار موراه شاف واحد المحبق فيه الورد وهو يقطع وردة صفرا قاع ذابلة)..
كميشة: هانتي شوفي اش جبت ليك وردة بحالك يا الوريدة ديالي..
اكرام: اووف على لصقة
(سدات الشرجم .. وبركات فوق الناموسية كتفكر)..
اكرام: ناري انا دابا اش غندير.. غنمشي عند رباب هي لي عندها مع تاحراميات غتفكني منو..
(لبسات حوايجها و دورات عليها الحايك... و عيطات للخدامة ديالهم)..
اكرام: مي محجوبة واا مي حجوبة..
محجوبة: نعام ابنتي اش خاصك...
اكرام(وهي كتقاد فجلايلها) شوفي امي محجوبة .. هاني غادا عند صاحبتي .. عافاك لاما غطي عليا الى جا با قبل مني..
محجوبة: اينا صاحبتك.. الله يا بنتي الله ديما مدخلاني فالمشاكيل مع باك.. شي نهار غيجري عليا..
اكرام: على شحال عندي من صاحبتي امي محجوبة غنمشي غير عند رباب.. متخافيش محدي هنا مكينش لي يجري عليك
(باست ليها راسها .. وخارجة كتسلت و مغطيا وجهها باش حتى واحد ميعرفها)..
اكرام (كدق فالباب بيديها و رجليها .. وهي كتنهج) :رباااب وااا رباااب... حلو الباب..
ياقوت: سلام لالة اكرام .. اش حب الخاطر..
اكرام: كاينة رباب فبيتها ؟ ..
ياقوت: اه الالة راه كاينة فالبيت... ولكن مزال ناعسة..
اكرام (دخلات مداتهاش فيها و مشات للبيت نيشان كتفيق رباب): رباب نوووضي نوضي ...
رباب: اش بغيتي عندي ف هاد الصباح .. يخ نعس على كمارتك ونفيق عليها..
اكرام: نوضي نوضي .. راه داك الهبيل مبغاش يتفرق عليا.. تخيلي جا عندي الصباح..
رباب ( قاطعاتها.. وناضت من فراشها بسرعة): اويلي كيفاش جا عندك .. ياكما دار ليك شي حاجة..
اكرام: والا راه الصباح كنت ناعسة...... (عاودات ليها كلشي بالتفاصيل)..
رباب (شادة كرشها بالضحك): ناري هاد الهبيل شحال مطور هههه... رومانسي مع راسو..
اكرام: جيت عندك باش تعاونيني و تلقاي ليا حل نتفك منو... صافي خليني نمشي..
رباب (شدات ليها فيديها): راه غير كنضحك معك اصحبتي...
اكرام: لقاي ليا حل دابا عفاك..
رباب: دابا هو خاصو يعرف راك مكتبغيهش... يعني بيني ليه... راه واخا هبيل عارف اش كيدير..
اكرام: كي غندير ... راه كنقولها ليه هو مبغاش يفهم راسو..
رباب: غتمشي نتي و الخديم ديالك للسوق.. شري اي حاجة تواب و لي عجبك و بقاي ديري حركات بوجهك زعما راك معجبة بالخديم... راه داك الهبيل ديما كيكون كيدور فالسووق..
اكرام: و الى مبعدش مني و مفهمش راسو..
رباب: غير جربي راك مخاسرة والو..
اكرام: صافي شوفي هانا غنمشي دابا.. الله يخرج هادشي على خير..
(مشات اكرام لبسات حايكها و دات معها الخديم يعاونها .... )
اكرام: هاك شد ليا هادي ( وكتبتاسم ليه )
الخديم: واخا الالة اكرام......
(بقات كدير ف دوك الحركات و كتقرب منو... وداك الهبيل كيشوف فيها من بعيد... حتى سلاو)..
اكرام: صافي غير سير حط ليا هادشي فالدار.. الى سولك شي واحد قول ليه راني غادا عند رباب..
الخديم: واخا الالة..
(الهبيل خلى حتى مشا الخديم.. وجا كيجري و هو كيحك راسو)..
كميشة: اش كنتي كديري مع هاداك الراجل..
اكرام: هاداك راه خطيبي اكميشة.. فرقني عليك الى شافك راه غيقتلك عصا..
كميشة: ياك نتي كتبغيني اكرومتي علاش قبلتي بيه.. ياكما باك بزز عليك..
اكرام: والا انا لي بغيتو صافي بعد مني خليني عليك (تمات غادا)..
كميش( بالجهد ): وا غيييير سيري انمشي نتزوج حسن منك و نتي دايرة كي عود القماري تقولي مكتاكليش... وزعما بنت الشيخ و مشابعة حتى فكرشها..
(اكرام غادا و كتزرب باش ميتبعهاش و فرحانة)..
👑 عند رباب 👑
رباب: ناري اكرام معرفت اش دارت مع كميشة ( و هي دخل اكرام ) يلاه كنت كنفكر فيك.. اش درتي؟
اكرام: وا تفكيييت ارباب تفكييييت..
رباب: بركي بركي عاودي ليا
( دبا هانتي مشيت للسوق ................. )
رباب: اوا شتييي.. عتقتك ههههه..
اكرام: عمري ننسا خيرك.. ازين ديالي...
رباب: هاد المرة سمعي كلامي راه انا نبغي ليك غير الخير...
اكرام: عارفااك الحبيبة ... مهم نخليك نمشي للدار راه النهار كامل و انا نطوطح فالزناقي..
رباب (كتسلم عليها): بالسلامة..
#يتبع..حبيباتي نشوفكم في حلقة جديدة 😍 بغيتكم ديروا إشهارات للقصة..