بقلمي دينا الربيعي ♥
هي جميلة تشبه المرة الوحيدة التي فرح فيها "شفيق" في مسلسل "سبونج بوب"
تشبه ضحكة الشمس في "تيليتابيز"
تشبه اللقاء الأول بين "سنو وايت" والأمير "تشارمينغ"
تشبه المقطع الذي رقصت فيه "سندريلا" بفستانها الأزرق الملكي
تشبه اليوم الذي حاولت فيه تقليد "سوبرمان" فربطت شال أمي حول عنقي وقفزت من فوق الأريكة لأطير عالياً
تشبه عدد المرات التي كنت أنتظر فيها "هاري بوتر" كي يعترف بحبه لهارموني
تشبه الصداقة اللطيفة بين توم وجيري رغم كل الخلافات
تشبه كل شيء جميل رحل وظننته لن يعود أبداً 💚🧸
كعدنه الصبح وصوت امي ويزن عالي بالبيت ابتسمت يصيح وراها وامي تجاوبه روح لمك بيبي خليني اخلص شغلي !
الفلف بشعري حايره شلون راح ننتقل اليوم للبيت الراح يكون قريب من اهلي وناسي وكرايبي الي جان لازم اعيش وياهم من البدايه
دك تلفوني صوت رساله جديده ونفتح الباب ونركع بالحايط ودخل يزون وهو توه تعلم يمشي بس الدرج ماشاء الله بس زحف صار يصعد للدرج
اجه للسرير وصار يأشر بيده وحجيه الممفهوم ومعصب هم هههههه ضحكني والله
أخذته حبيب امك وروحها منو مزعل الحلو مالللي منوو امشي نروح هاي بيبي موو ههههه
هو يحجي منفعل واني اشحن بي بالزايد اضحك عليه وكلشي ممفهوم حجيه
غفران ، صباح الخير ماما
هله يمه صباح النور تعاي ريكي هذا الخبل ولج صرعني شسويله ميقبل وبابا ما بابا شاف علي ويبجي مجلب بي الرجال يريد يطلع ويصيح بابا
انهضمت بسرعه والدموع تجمعت بعيني قبل جان يصيح الخالد بابا لان تعلق بي وهسه علي هم مهتم بي نزلت دموعي وعفته بالكاع ورحت للحمام فتحت الدوش
ودخلت جوا ابجي ماعرف ليش حسيت ابني محتاج ابو بقيت عله حالتي شويه وسمعت صوت امي وعلي وندكت الباب يزون عمري يدور عليه
تذكرت مجايبه ملابس الي بس منشفه يمي نزعت ملابسي وغسلت شعري وجسمي فرشت اسناني ولفيت المنشفه عليه وطلعت ركض
ويه طلعتي دخل علي صار بوجهي ويصيح
علي، يزن حبيبي تعال شوف شجبتلك
حسيت الدنيا وكفت وجسمي ينكط مي وجسمي عاري من فوك لان لافتها هيج مثل الثوب بدون شيالات عيونه صارت عله كل جسمي ارتبك مثلي ماعرف شنو يسوي
واني هم لاكدرت اصعد ولا ارجع للحمام صرت بنص الصاله عاد هو اخذ يزن ورجع للمطبخ بسرعه
ركضت فوك واني ارجف شكد عيب ياربي هسه شيكول عليه تسبح وماتبدل ومتعلمه هيج تطلع من الحمام بدون ملابس
هسه اني كل مره اسبح فوك ليش هيج ياربي جان ناقصني هم اووف كمت بسرعه لبست دشداشه لونها ازرق فانيله طويله نص ردن والصدر مالها مربع وبيها لاستيك بالصدر وبالردن وبيها فتحات جان بيها شذر ذهبي كلش حلوه
ومشطت شعري وخليت عطر ونزلت
صارت أمي بوجهي
ام غفران، يلة تعالي اخذي يزن خلي نتريگ ونطلع عيب من الولد أخرنا
ماحجيت شي خجلانة من علي وسالفة يزن لسة أبالي
ليش من يتعلق بشخص ويصيحلة بابا يتركوا شنو ذنبة طفل
بعدين الناس اكيد مو فاضين الة اذا اهلة تركوا وما سألوا عنة!
حضرت الريوگ اني سويت عله السريع لفه صغيره وجاي بالمطبخ دايره وجهي للشباك مال مطبخ اليوم اخر يوم هنا بعد راح نترك البيت هذا
فززني صوتة
علي، احممم اذا خلصتي خلي نروح لان ورانة فرة وطفل صغير
غفران، ي خلصت مابقة شي بس البس يزن ونطلع
احجي ومسوية نفسي ملتهية بيزن ماگدر احط عيني
بعينة حستة هو جريء هواي ماشال راسة مني
بسرعة اخذت يزن بدلتلة جانت امي مسبحته هاي عادتها اذا يگعد يزن من الصبح قبلي لازم هية تتكفل بي حبيبة عمري وتسبحة وتوكلة
بس اذا جانت تعبانة ادزه علية هههه وهو يجيني معصب ويدردم
بسرعة لبست صاية وشال ونزلت يزن ونزلت لگيت امي اطفي بالبيت وطلعنه
صعدت وعطره تارس السياره ترس
حسيت نفسي دخت من قوة العطر
رفعت راسي جتي عيني بعينه
ويبتسم بسرعة درت وجهي عزااا
شگد وقح ولا يستحي ع اساس
اني بت عمك مووو
بعد مسافة طويلة وصلنه للبيت
جان من ضمن مساحه بيت جدو
اهل علي وبيت جدو بنفس البيت
الي عايشه بي بيبي وبيت عمو علي
وباقي عمامي طالعين بيت بصف
بيت يعني مو بعيدين ومثل كل مره
يرجع يدور ابالي ليش احنه هيج مبتعدين
وليش مو وياهم وارجع اتناسة لان فعلآ جنت
حاقده عليهم ولا زلت حاقده ماعرف اذا
راح يجي يوم والحقد البداخلي راح يطفه
او لا
ام غفران، ابني خلي ندخل نسلم بيتكم
وبعدين نروح البيتنه
علي، براحتج عمي اني راح اروح قبلكم
افتح البيت اشوف النقوصات البي شنو
ام غفران، الله يستر عليك يمه بجاه النبي
ويرزقج ابت الحلال التسعد حياتكم
غفران، اني اباوع الحوارهم ويزن بيدي
وهو يباوع علية ويگول أمين عمه أمين
خزرته ودخلت قبلهم لان شكلهم راح
يخطبون لو باقيين اشوية بعد
صارت بوجهي عمه ام علي
ام علي، يا زارتنه البركه يمه شحلاتج
صايره حبيبتي
غفران، ههه انت احلى عمه شلونكم
دخلت وشفت بيبي بوجهي گامت تبجي
حيل قهرتني
بيبي، جانت امنيتي قبل لا اموت اشوفج
قريبه مني وتحققت امنيتي
غفران، بيبي لا تبجين موزين عليج هاي
صرت قريبه عليج بعد وان شاء الله كل
يوم اجي اشوفج
دخلن امي ومرت عمي ويسولفن
امي اجتهم اكثر من مره لان جانت
تجي ويه علي علمود البيت متعاتبات
ومتصافيات الحمد لله دخل عمو
وهم بعد عتاب وسلام وكلام ع اساس
احنه الگطعنه بيكم والله يا الله
جلبوا بينه اله نتغده وبعدها نروح للبيت
علي عنده اخوات تلاثه
نور اكبر مني بسنه هيه عمرها 20
حلوه وهواي تنطي شبه العلي وعمو
وساره اصغر منها بسنتين ورسل
اصغر من ساره بسنه
وعقيل عمره 22 وهيثم 24 سنه
هواي فرهين يضحكون ويحششون
والبنات بسرعه تأقلموا وياي حبيتهم
بس علي ليش احسه ثگيل ماعرف
ماخذ الأمور كلها بجدية نادرآ مايضحك
ويشاقة ماعرف يمكن لان دراستة صارت
بالخارج تعقد لان جان وحده
خلصنه ونور گالت
نور، غفران اني اروح وياج بابا گال
لتعوفوهم وحدهم
غفران، لا حبيبتي مانريد نتعبج هو مابي
شي البيت ماشاء الله علي مخلص كلشي
نور، يله حبي ترديها الي بخطوبتي
غفران، صدگ انخطبتي المن وشوكت
نور، الأبن عمو صادق الحيدر صارت الگعده
الخميس الفات وان شاء الله هاي الجمعه
النيشان مالتي والعقد هههه يوم الج
غفران، حبيبتي ربي يتمم الكم على خير
وتنسعدون
عمو صادق بيتهم ذول البصفكم موو
نور، ي بصفنه بيت عمو صادق
واكيد تعرفينهم عنده حيدر الجبير
وأسامه ونرجس وايه
والبصفهم بيت عمو اياد عنده قصي
وميثم ماصار سنه من زوجهم بنات خاله
وايات ومريم وحسن كلهم ممزوجين
شباب حلوين هههههه
غفران، ماشاء الله الله يحفظهم
نور، ي ذول ولد عمامج اثمانية طلعي خطيبي
وقصي وميثم واختاري المنو نزوجج
واذا حابه نزوجج العلي هههههه بلكي نخلص
من شر ايات خطيه لازگتله مثل العلج
هههههه
خلصنه سوالف وحش وجبناها عله عماتي
اثنين بالسويد عايشات ومرتاحات بالجذب
ماكو وحده بيهن دگت عليه وسألت عليه
الدموع مغرغره بعيوني اكابر حته لا تنزل دمعتي
عايشين مرتاحين واني دخلت بينهم مثل الغريبه
خلصنه ولفنه البيتنه علي مخلي باب صغير بينه
وبينهم يگول علمود يزن اذا يضوج خلي يجي
علينه لتحبسي خطيه يضوج حسيته هواي
متعلق بي وخوفي من هذا التعلق اني
خلصنه كلشي نضفنه البيت كله من فوگ للجوه
غسل جانت غرفتين فوگ وحده الي وحده اليزن
كاملات من كلشي اثاث يجنن بيهم الي غرفه بناتيه
واليزن غرفه اطفال بعد احلى
والجوه نفس تصميم الفوگ اول مندخل مطبخ واستقبال معزول وصاله بالنص وصحيات وغرف اثنين
عله الفوگ وترك باخر البيت ملموم البيت وحلو يجنن
التصميم وكلشي بي حلو الأستقبال بيها تخم ملكي
وطبلات وبردات منظفه البيت كله نور بيوم الي
واصل الأثاث ومصفطين كلشي هيه وعلي والبنات
يعني بس كنس ومسح وخلصنه عزلنه الملابس
وشويه ودخلت رسل بصينه عشه تشهي من كلشي
موجود بيها وعلي هلك من التعب من الصبح لليل هو ويانه وحاير بالجنط وبيزن
ماعرف شوكت نمت وغفيت من التعب گعدت على صوت يزن وصوت اعرفه
جنت احاول اسمع اصواتهم زين گلت يمكن اتحلم
صار عطره اقرب الي من كلشي وهو يهمس
شوكت تگعدين يابه ابنج ثولني ههه!!!
اعرف اني اتأخر بالنشر بس لان ماكو الي واهسس اكتب اي شي وانتو اتشوفون البارت بالألف وتصويت بس 15 بربكم يطير، الواهس لو لاااا
المهم اذا جاب هذا البارت 200 نجمه و 300 تعليق
وعد وعد وعد راح انزل الكم بارتين يوم على يوم وبأحداث نار 🔥 وهكذا نستمر بالتصويت والتعليق
الي يعجبني وكل ماصرتوا گدها اني هم اصير گدها وانزل الكم بارت طويل وبأحداث فوول
وهااا البارتات اجاية نارر ♥♥ كونوا گد الوعد اكون گد الثقة 💕💕💕