ازقة الموت

البارت 10

ازقة الموت
زينب العبودي
البارت 10

احس مدري شصار بيه گبل تشنج جسمي خفت اتحرك وغمضت عيني وكتمت انفاسي

بطه-هاي شنو وطبان سمعت عبالك شي تحرك هنا

وطبان-لا مسمعت ماكو شي

لا والله طلع صوت وصوت قوي

ماكو صوت شبيج متوهمه انتِ كلت

بطه-اكوو حركه سمعت

هااااي شبيج لحيتي يجوز بزونه هسه بحال هاي السوالف خربتي ام الرومانسيه دگومي گومي

شبيك وطبان من شوكت هيج تحجي وياي والله متغير انتَ

هم گالت متغير دكومي كومي روحي اصلاً الولد راح يرجعون

من شوكت تهتم للولد هاي وين كمت وطبان

شتردين

شنوشتردين اريدك انتَ شنووو ممشتاقلي والله متغير انتَ حتى هسه

كااافي شبيج وخري عني بدلي بسرعه كتلج راح يرجعون الولد

ميسم-واني لازمه روحي گوه ماريد يطلع صوت او اتحرك حسيت شي طخ رجلي گبل نكتت رجلي وطلع صوت من الجيس مره ثانيه فتحت عيوني مصدومه وخ لا اكدر اتحرك بعد اتخايل شي ديمشي على رجلي

بطه-سمعت اسمع والله اكو شي

وطبان-بززونه هاي اظاهر مطلعوهه الولد البارحه من دخلوا الاغراض دخلت موووتتني خل الزمهه اله احركهه واخليهه تتندم على الساعه الي دخلت بيهه

هاج ملابسج لبسي اني هم اريد اطلع

دوكف شبيك مشفت البيت من خليتو الاغراض

مو وكتهه

ليش

شلون هسه اسبج واسب ابوووج شبيج كتلج اريد اولي مستعجل شمد لحيتي

بطه- والله حجيهم صحيح وينهه هاي البنيه فووووك موووووو فوووووك احجي ، بسيطه اني هسه اطلع جذبتك

جذذذذبتي
تعالي هيووووو وين موليه

وخررررهه الأيدك وطباااااان وخرهه اريد اشوفهه الهاي الي لحست عقلك

هييييييي هاي ويامن تحجين بت *******

اذا متخليني اصعد يا وطبان معناهه الحجي صحيح

واذا صعدتي يا بطه هسه رجلج احشهن حش

لا واللـــه تحش رجل منووووو وطبااااااان شيل ايدك منـــي شيلههه وطبان

ااااااااااشووو اصعد واذا اكووو وحده هنا والله اموتك بيدي وموتهه

ماادري خنكهه مدري شسوالهه جنت اخاف ارفع الچرجف واباوع عليهم مو خاف تشوفني خفت منه
هو

بعدهه تأكدت هو خانگهه لان كامت تكح وتگله ردتتت تموتني يا ******

هي حجت هيج وهو حار شسوه بيهه جنت اسمع ضربه الهه اني انتهيت هنا والخوف الي شعرت بي بهاي اللحظه مااكدر اوصفه گلت هذا هو انتهيت اني ومراح يعوفني

گمت ارجف من الخوف خليت ايدي على حلگي مدري شسوالهه لان صوتهم كام يتبعد بس بالبيت يمكن صعدهه فوك شراح يسويلهه بس هي جانت اللسانهه طويل واغلاطهه متنحجي

خفت كلش ماادري وين انطي وجهي
جنت بس اسمع اصواتهم مااتجرأ اباوع وغلطهم الاثنين جان مينحجي

بس هو جان انسان بلا رحمه وياهه ضربهه ضرب من يمي جسمي كام يوجعني وگلبهه ضدهه لان شكت بي وهي كامت تتوسل بي وتعتذر منه لان گلهه ماريد اشوف خلقتج بعد

ذلت نفسهه اله يمكن جانت تبجي لان گلهه اعوفج
مو لان ضربهه

والله اسفه وطبان لتعوفني اموت والله اغار عليك وشكيت بيك

طلعععي ماريد المح خيالج بعد

وطبان فدوه وطبان اموت بدونك ابوس ايدك لتعوفني احبك اني والله مو قصدي والله اغار عليك

انوب جان يضربهه اكثر جنت اسمع اصواتهم بجيت لان خفت من مصيري بعد هاي العاصفه

نطبكت الباب حيل اني مااعرف شصار بيه من نطبگت الباب خفت حيل ومااعرف وين انطي وجهي بعد ماشفت الوجه الحقيقي ويمكن هو مضامه بس اني عبالي انسان

مااحس اله رفع الجرجف اني من رفع الجرجف يمكن ردت اعملهه على نفسي جرني من ايدي عتهه حيل كمت اصيح ووخر لتلزززمني

انعل ابوج لابو امج يابو الي خلاج هنا
وعتني حيل وجرني من جوه الجربايه خفت منه حاولت اكوم وانهزم منه

جرني من زندي

اااني مووووكتلج تصعدين مو كتلج صعدددددي ليش بقيتي جووووه هاااااا فهمممممممميني فهميني ليش

مباوعت بعينه ابد خايفه منه وكارهته ولعبانه نفسي منه صحيت على نفسي الي ساعات تنسى هو اصله مجرم ومااعرف سبب نسياني الهذا الشي

جريت روحي منه ودرت وجهي شويه عنه واني لازمه زندي لان وجعني

اريد اطلع منا ، طلعني مناااااا ماريد ابقه هنا بعد ماريدك تحميني ،ماريد حمايتك ،متفرق بالحالتين اني مو بأمان اذا هنا

انت او شداد بررره نفس الخوف شيصير بيه خل يصير واذا متخليني اروح منا اموت نفسي والله حتى اذا تحبسني اموت نفسي

مااحس اله عتني من ايدي

-تريدين ترووووحين الله وياج

اخذني هو للباب وفتحه وكال
ولي وين متريدين تولين شيسصير بيج خل يصيرررررر طبج الف مرض مو صوجج صوجي اني الي عبالي وحده تختلف عن النسوان الهنا روووحي انتِ الي تنضرين مو مال احترام

دفعني طبك الباب بوجهي اني بقيت مصطكه بمكاني دنكت باوعت على رجليه حافيه درت وجهي يمنه جهال بالشارع يلعبون طوبه ووصخه شكولهم
ومره تكنس بباب بيتهه مدنگه ومعصبه راسهه رفعت راسهه شافتني گبل وكفت وگامت تباوع عليه رأساً درت وجهي على الجهه الثانيه شفت شباب خفت رأساً دكيت الباب بدون تفكير ولا تردد كمت ادك بالباب حيل

گبل فتح الباب باوع عليه بدون ميحجي
حافيه واريد سجينه حتى اذا احد تعرضلي عل اقل ادافع على نفسي

دخلي اخذذذذيهه انتِ تندلين المطبخ

دخلت رأساً وهو طبك الباب بقيت بالمطبخ كبال الكاونتر واكفه نزلت دموعي وكمت احبس دموعي بس الشهگه تفضحني كبل هو دخل للمطبخ درت وجهي فتح الثلاجه وطبكهه حيل

الووووو باوعيلي مو احجي وياج

ادري بيج خفتي ومتريدين تحجين هاي اخر فرصه الج

درت عليه خليت عيني بعينه وگبل نزلتهن

مخفت اصلاً اني اخاف منك اكثر من الشارع
انتَ ،اخاف منك واخاف بدونك ليش ماادري

خليت عيني بعينه ماادري شحجيت حجيت
لگيته يباوعلي متعجب عفته وصعدت فوك وقفلت الباب عليه

بقيت بيومهه حابسه نفسي ابد مطلعت من الغرفه وبس ابجي كل شويه اتذكر الي شفته والي سمعته وشلون ضربهه بلا رحمه وهو عود يحبهه

ساعات اشوفه انسان وساعات شيطان

في هذه الليله كنت عاجزه عن فهم نفسي كنت اعيش صراعٌ في داخلي لانِ لا اعلم كيف ان اصف وجعي

كنت كاالاطفال عندما يصيبهم وجع ولا يستطيعون ان ينطقوا لوصف وجعهم فيلجئون الى البكاء

كانت الحروف تتبعثر وتعجز عن تكوين جمله واحده توصف داخلي توصف مخاوفي

كنت يائسه كاره نفسي وذاتي
كنت عاجزه عن انقاذ نفسي ومستلمه

اسأل لماذا انا هكذا ماذا فعلت لأعيش هذه الآلام
وهل توجد نهايه لهذه الالام ولحكايتي

حكايتي في هذه ازقة الموت

وجدت ان نهايتي في هذه الحكايه موت في كلتا الحالات
ان لم تكن جسد في كفن فستكون جسد بلا روح

اندگت الباب فزيت واني كاعده انوعبت من الباب
كمت بسرعه صحت منووو

-اني

-خزعل

-اي سندس خزعل فتحي الباب
-شتريد

-اريد گيتاري

رحت للجربايه اخذت منهه الگيتار وفتحت الباب
شويه طلعته اله

سندس شكووو اليوم شو الباب مقفول ومن وره الباب
دفع الباب على كيفه بيد وجان لازم اله موسيقى ثانيه تشبه الگيتار وگال

صاير شي

هزيت راسي بـ لا

لا عليج الله

ماكو شي

خوما واحد من الولد

لا قاطعته گبل كتله لا مره ثانيه

اخذ الكيتار من ايدي وبقه يباوعلي باستغراب راد يروح رجع وكف وكال

باعي شجبت

كيتار ثاني

لا هذا عود راح ابله ويه هذا ****** ميقبل ينطينيا وهو كلشي ميفتهم بس يغار مني الكديش

جنت كلش حزينه كتله وشنو اليفرق بينهن

العود من اغني حزين يطلع حزين كلش
والكيتار بي نوع من الموسيقى البيهه فرح

وانتَ ليش تعزف حزين

لان الدنيا مابيهه فرح

هسه شتگولين المشكله اني احب هذا الكيتار واريد العود ويا

بقي الكيتار خاف تتندم

دخل وبيده اثنينهن كال شوفي ياهو الاحلى راح اغني نفس الاغنيه مره بالگيتار ومره بالعود

كعد على جربايته واني بقيت واكفه يم الباب

بده بالعود اول شي جان بس يعزف جان العزف يخبل ويبجي بدون ميبدي يغني تفاجئت بصوته

اول مكال

بس سوالف انا تلَفت شبابي يايما

شبابي

شبابي

اي والله تلَفت شبابي

بس سوالف بس سوالف

دخيلك يادولابي يادولابي

دخيلك يادولابي بس سوالف بس سوالف
تَلف مگلوب وين مولي بيه

مولي بيه

ااخ ولك جم اخ تتحمل يگلبي

يگلبي

كمت ابجي وهو جان كلش حلو صوته وعزفه على العود

فجأه وكف وباوعلي

هااااا تأثرتي سندس

خل اشوفج الگيتار اول معزف عل كيتار واني ابجي

كتله العووووود

هيج تگولين يعني اني هم اگول هيج بس
بس يلله عود بعدين ابوكه منه

ضحكت خوب گول اشتري

لا مااحب اشتري بفلوس خوب اشتري بيهن شي

خله العود بمكان الگيتار على الچربايه واخذ الكيتار وراح

سديت الباب وقفلته ورحت على العود لزمته وكمت ابجي حتى معرفت شلون الزمه

شويه ورجع اخذه ونزل اسمعه الليل كله يغنيلهم بالعود جان الصوت مو كلش واضح لان بره ويجي ناصي واني واكفه وره الباب اسمع وابجي

اندگت الباب واني وراهه كبل مسحت دموعي
وصحت منو

اني

عرفته من صوته

شتريد

اريد اخذ ملابس

فتحت الباب ورحت گبل للجربايه كعدت وبقيت وجهي بالجهه الثانيه اخذ ملابسه وحسيته كل شويه يباوع عليه مثل الي يريد يحجي شي ويتراجع

اخر شي طلع طبك الباب حيل
شويه ونزلت للحمام تفاجئت هو بالهول دخلت گبل للحمام واني بالحكام سمعت واحد من الولد من الباب صاحله

رايحين لابو ماشه بالكراج تجي

لا روحوا انتوووو راح انام اني
خفت كمت اختف منه طلعت بسرعه من الحمام وصعدت قفلت الباب شويه واندكت باب الارفه مفتحتهه
هو هم بسرعه نزل

جنت متمدده احاول انام فجأه سمعت صوت الباب تندك حيل عبالك واحد هاجم على البيت كبل كمت من الفراش ووكفت وره الباب ماادري رجلي بسرعه كامت ترجف هي وايدي خفت حيل

گبل صاح بصوت عالي خززززززززعل منووووو سوه بيك هيج

الحك الحك ابو ماشه ضربوا وساجت الحك ساجت

اني كمت ارجف فتحت الباب بسرعه مال غرفه بس متحركت بس ردت اعرف شصاير

جان خزعل صوته ماادري شبي گبل طبكت الباب وقفلته عليه

واني ارجف وابجي يارب يارب شكاعد يصير

جنت بس اسمع خزعل يصيح من الوجع ماادري شبي بقه يصيح اااااااخ يايمه

اخخخخخ مبين موجوع

فتحت الباب متحملت اسمعه يتوجع اول ماردت انزل شفته بالگاع والكاع متروسه دم

نزلت اركض

خززعل خزعل

صـ...صع...صعدي فووووووك بـ ..بـ سرعه

بقيت واكفه رجلي ترجف وابجي ماادري شيوي صعدت اركض بعدني كاعد اصعد انركعت الباب بالحايط باوعت اكثر من واحد صعدت اركض وارجف دخلت بسرعه طبكت الباب بس حسيت واحد يدفعه مدري منين اجتني القوه دفعته حيل انطبك ردت اقفله بالمفتاح اندفع الباب

صرخت كبل واحد جرني

والثاني لزمني ويا حاولت اقاومهم ادفع بيهم سحلوني من الدرج الي جوه

دست على دم خزعل وزلكت رجلي وهمه يسحلون بيه
واني اصرخ هنا أيست وعرفت انتهيت

اخذوني كبل صعدوني بسياره مااحس اله صار رمي على السياره ويمعت صوت وطبان يتهدد الشداد

اليوم موووتك على ايددي شداد

كمت اصرخ مااحس اله نبتت ابره برگبتي وراهه محسيت بشي بعدهه

فتحت عيني كوه راسي يريد ينفجر باوعت عيوني بيهه غواش واسمع اصواتهم

باوعت هذا وطبان لو اني احلم اخر شي اتذكره جروني جماعة شداد

خزعل-يابه عوووفوني موتوني

كبل كعدت صرخت باوعت وطبان جان واكف يم راس خزعل اجه عليه

ووووطبان

ماكو شي لتخافين

وطبان اخذوني

لتخافين مو كتلج مادامج يمي محد يطخج
گبل صميت ايدي احس اعصابي متشنجه

ومحجيت شي باوعت واحد غريب مشايفته فارشيله بالكاع ونايم ومبين هم متصوب

وطبان-تصعدين فوك

هزيت راسي بـ لا مااعرف شصار وشلون اني هنا وهمه اخذوني

متحملت كمت ابجي بصوت عالي
طلعووووني منا طلعوووني منا ماريد ابقه هنا طلعوووووني عليكم الله طلعوني منااااا

ماريد ابقه هنا

وطبان-ماكو شي لتبجين محد بعد يتجرأ يجي هنا

طلعني منا عليك الله طلعني

تهسترت كمت ابجي واتوسل بي يطلعني منا
باوعت على وطبان جتفه بي دم وملابسه
انهاريت اكثر اني شجابني هنا كمت اصرخ مكدرت اسكت انهاريت بعد مااتحمل بعد اكثر

مااحس اله تقرب وهم ضربني ابره
ثانيه كعدت بالمره الثانيه اني فوك باوعت وطبان كاعد على الجربايه ومتجي ظهره اول مشافني كعدت عدل نفسه وباوعلي

بلعت ريجي واحس رجفه بجسمي
قبل لا احجي كام وكف وگال

لتخافين بعد مراح يصيرلج شي

اريد اروح منا طلعني عليك الله والله راح اموت

راح تطلعين منا اليوم هسه بعد ساعه

تجذب عليه والله

كام وعافني ونزل هو قفل عليه الباب من بره بقيت مغطيه راسي وارجف جوه البطانيه وخايفه
الحد ما انفتحت الباب كال كومي يلله

شنو

كومي راح اطلعج منا

تجذب عليه والله

كومي يلله ماريد احد يسك اول متوصل السياره اريد اطلعج

يا سياره

نزلت وراه هو ينزل ببلي واني وراه فتح الباب نفس الرجال الي شفته بالكاع

وطبان-ابو ماشه مو كتلك لتتحرك شبيك انتَ

ابوماشه-دطيررررر تعرفني اكره الفراش دفضهه اجتي السياره اليوم شداد اذا مو بالحفره مااتسمى ابو ماشه

ردت اطلع لزم ايدي وطبان باوعت عليه

راح اخليج بسيارة الزباله

بلله شافوني

بالزباله محد يشوفج

بالزباله

سكتي لتحجين بقه بالباب واكف فتح الباب ساجت كبل جرني وطبان صارت الحافظه مال زباله كبال الباب فيت عود ديلوفوهه مااحس اله رفعني اني هم جنت مستسلمه كبل وكعت بين الزباله والريحه

لتخافين ابددد

محجيت شي كبل كمت اتقيء وسديت حلگي خاف يطلع صوت

وغمضت عيني والسياره تمشي خوف على بين الزباله الحفاظات وكلشي موجود

فجأه وكفت السياره الي صوتهه عالي
فتحت عيني حتى اللعبان نفس راح خفت حيل گلت لزموني مااحس اله شفت راس وطبان ماده

الوووووووو

مبروك خلصتي من ازقة الموت
مد ايده انطيته ايدي رفعني من الحاويه جلبت برگبته

رگبتتتتتتي يمعوده على كيف نزلي
نزلني وهو شايلني

يابووووويه ريحتج ولا تنجرع

نزلني بالگاع باوعت رأساً عرفت اني بشارع ابو نؤاس
بقيت اباوع منا ومنا ضحكت

يعني اني هسه يارب يارب كمت ابجي
وهو يباوع عليه

الووووووو باوعيلي
شايفه ذاك الفرع الي على اليسره
ذاك بداية الموت لتعتبين بعد من يمه
المره الثانيه مراح تطلعين منه

هزيت راسي بـ اي

عفيه اول مره تسمعين كلام
يلله روحي

ووو

گبل قاطعني وهز راسه

موووو عرفتج لازم تحجين اخوج كتلج من البدايه راح اطلعج وعوفي موضوع اخوج راح الكاه الج واجيبه
بس شوكت ماادري

مااحس اله طبگت سياره صفره كبل فتح الباب
صعدي

خفت اصعد

صعددي بسرعه شبيج

صعدت بسرعه بدون مااحجي اي شي صدك وصلني للباب هذا ابو السياره اول منزلت لمحته من بعيد بالدراجه وصلني الحد باب العماره جنت ممصدكه روحي اني بحلم لو شنو شلون هيج كلشي سريع صار

جروني رادت تنتهي حياتي ثاني بوم اطلع من الازقه
دخلت للعماره بسرعه صعدت اركض واني حافيه كمت ادك بباب الشقه حيل مثل الواحد المهزوم

جنت مهزومه صدك من ذيج الحياة الي أيست اطلع منهه بعد

محد فتحلي الباب دكيت الباب على بيت ابو نور جارنه حيل فتحت ام نور انصدمت من شافتني

جنت ارجف

ووووووين زهراء

ام نور -عززززه هاي انتِ وين جنتي ابوج خطيه شصار بي وهو يدور عليج

وين بابا

طالع يمكن هسه

زهراء وين

ابوج كال لابو نور راحت بيت عمهه

بيت عمي يا عم

ببيت ذولي ولد عمج خطيه الي جانوا وياج يدورن

دتعالي دخلي دخلي الحد ميجي ابوج

دخلت بسرعه جنت خايفه ممصدكه خاف جانوا يراقبون شي ممصدكه طلعت مناك

وين جنتي ميسم خطيه ولج ابوج شصار بي مناك اخوج ومنا اختج زهراء وانوب انتِ كام يدور مثل المخبل خطيه

باوعت عليه كالت هاي شصاير بيج دخلي سبحي

باوعت على نفسي الزباله واني والريحه خجلت وصخت بيتهه خطيه جابتلي ملابس ودخلت سبحت والرجفه معافتني

كل شويه بودي اكلهه معقوله اني هنا لو احلم
تمددت على القنفه مالتهم جنت تعبانه حيل

اجتني ام نور

ميسم ...ميسم يمكن اجه ابوج
كبل كعدت خايفه من ردة فعله الاول مره اخاف شراح اكله وشراح يسويلي من يشوفني بعدين كلت خلي شيصير يصير المهم طلعت مناك

طلعت بسرعه رحت دكيت باب الشقه
فتح الباب بابا انصدم من شافني

ميسم ميسم هاي انتِ بابا

اول مره بابا هيج جنت ممصدگه شكم معجزه صارت وياي بهذا اليوم كبل جرني عليه وحضني وكام يبجي
ويصيح الحمدلله والشكر الحمدلله

جنت ممصدگه مصره اني بحلم بعدني
تفاجئت هذا بابا لو مبدلي

وين جنتي بابا وووين جنتي ليش هيج تسوون وياي ليش هيج بابا ليش فهميني

بابا

ميسم هاي انتي بتي كام يبجي
ويگلي ليش هيج سويتي بيه اعرف اني قصرت وياكم ليش هيج بابا

الاول مره يحضني بابا الدرجه معرفت شلون احضنه او ابادله هذا الشي ممصدكه هذا بابا توقعت راح يموتني من يشوفني

معقوله هو حضني وهو يسألني ويعاتبني بنفس الوكت كمت ابجي واكله رحت ادور على ليث

بابا ملگيته ملگيت ليث راح ليث منعدنه دخلت ادور عليه ومكدرت حتى اطلع روحي مااعرف شلون طلعت والله عبالك حلم خفت هووواي

شبكته بقيت مجلبه بصدره اول مره احس بهذا الدفو سنين طويله حارمنه من هذا الامان كام يعاتبني ويلومني ويگلي

والله عرفتج وكلت هم ضاعت بتي مني وره اخوهه
ليش هيج يابابا ليش ولج اعرف اني جنت مو زين وياكم بس مووو هيج تسون بيه مو هيج وين جنتي طول هاي الايام

بابا

گليلي بابا گليلي كلشي لتجذبين عليه گليلي شصار وياج والله مااسويلج شي

مصار شي ختلتني مره الله ينطيهه واليوم يالله كدرت اطلع بابا هناك هناك كلهم يخوفون بابا

متأكده بابا گليلي عليج الله گليلي الحقيقه

والله مصار شي من الي ببالك بابا

جان مو بابا الاول مره جان واضح عليه الندم ومحمل نفسه مسؤلية كل الي صار لذلك مسوالي شي

بس الندم شيفيد لاراح يرجع ليث ولا راح يمحي الي صار ويه زهراء ولا راح ينسيني الايام الي عشتهن

مااعرف مسامحته بس جنت محتاجه حضنه
حضن الاب يختلف
بي دفو وامان وسند

لومهما صار يبقى من يفتحلنه صدره نحس بالامان
الاول مره بابا يمد ايده على راسي ويمسح عليه

معقوله الي صار رب العالمين راده يرجع العقله بي
بس الثمن جان غالي احنه دفعناه
ليث مازال يدفع هذا الثمن

تذكرت زهراء وخرت راسي من صدره

بابا زهراء

زينه زهراء يعني مو كلش بس احسن من ذيج الفتره

وين هي هسه

يم امج

ماما

اي يم امج ببيت اهلهه

ووشسمه

ماادري اجتي واخذتهه كالت ماعوف بتي بعد
الله يهديهه ان شاء الله ولو اني ماانسالهه الي صار بيكم
ولا اسامحهه كله من وراهه الي صار ضيعتكم الله لا يسامحهه والله مااسامحهه العمر كله

جان يذب اللوم عليهه ويحجي بحرگة گلب ردت اكله توك يابا يالله شفتنه ليش تذب اللوم عليهه انت هم هيج جنت

ارتاحيت من عرفت زهراء بخير
لكيت حياة ثانيه بيهه اب الاول مره
رغم مااني مو يتيمه بس عشت اليتم وجان اصعب شي هو تتيتم وابوك موجودين بالحياة

بابا سوه روحه مصدك اني مابيه شي ومصار شي هناك لان جانت عيونه تحجي والشك براسه بس ساكت

الاول مره بابا اشوف شيباته جان يصبغ
والاول مره اشوف لحيته عاليه
والاول مره اشوفه لابس دشداشه
والاول مره انام واني شابگه بابا لان فزيت اصرخ من النوم وهو اجه حضني

الاول مره يقره على راسي قرآن
جنت خايفه خاف هذا حلم واصحه منه

معقوله ماكو وطبان ماكو خزعل ساجت سعيد وابو ماشه الي ملحكت اعرفه

ملامحهم ملامح موت وشياطين بس عيونهم بيهه حزن
حتى من يضحكون تتغلب على الضحه دمعه مضمومه بالجفن

معرفت قصصهم
معرفت شنو الي خلاهم يبيعون ضميرهم ويتعايشون ويه الموت

افتقدتهم افتقدت احساس الخوف والامان بذاك البيت
وصارت گبال عيني نظرة وطبان

كمت من الفراش فز بابا

اسم الله

بابا

ها حبيبتي

بابا اني تعبانه حيل مكاعد اكدر انام
هو اني بحلم لو شنو شو كلشي اختلف

-شنو الي اختلف بابا

انتَ
والمكان والخوف وكلشي اختلف حتى اني احسني مو اني

ماكو شي بابا لتخافين
نامي كام يمسح على راسي مره ثانيه

مفروض افرح بس مكاعد استوعب فريت مره ثانيه من النوم اسمع صوت قرآن

كعدت استمع بي اطمئنان اكثر اخر شي كال

َفسَّبح بأسم ربك العظيم

مكال صدق الله العظيم گال بسم الله الرحمن الرحيم

إِذا وقعت الواقعه (١)لَيس لِوَقعَتها كاذبه
صدق الله العظيم

بقه يقرة سورة الواقعه كل شويه تخلص ويرجع يقراهه نفس السورة

الحد ما طلع الصبح مااعرف كم مره قراهه ولو من شوكت بلش يقراهه

كل الي ممصدگته هذا بابا مااعرف اعيش الفرحه لو ابقى مطفيه

خاف جذبه

بعدماصدك الدنيا ابداً الدنيا جذابه تضحك علينه

مكدرت الزم نفسي اجه يباوع عليه گتله

هاي انتَ بابا لو غيرك

كعد بصفي على الجربايه

جنت انسان طاغي ملحد ماافكر بس بشهواتي
الدنيا ماشيه وشحلاتهه يوميه مره مجنت اعرف شنو النعم الي منطينياهن رب العالمين

ملتهي بالنزوات والفحشاء وكلشي طايح حظه
ملحد كلش مااعرف الله الدرجة جماعتي يگلولي كبرت شوكت تحس بالنعم الي انطاكياهن ربك

اضحك عليهم اكلهم شمنطيني
يانعم ذني مجنت اشوف اغلاطي ولا اوعى النفسي

الحد ما انجبحت على وجهي ومكدرت اكوم راح مني
ليث زهراء بين الحياة والموت وانتِ وراهم خسرتج

هنا يالله عرفت الله جان منطيني نعم ومحامد ربي عليهن واكول شنو ذني النعم

من رحتوا عرفت انتوا النعم الي خسرتهه شلون ارجعهن ذني النعم محسيت بيكم غير بس من خسرتكم

شسوي شلون اسجد الرب العالمين وارجع اطلبكم منه
بجيت بجي مثل بجي النسوان رحت للامام علي

كتله جيتك يا امير المؤمنين خجلان جيتك تتوسطلي يم رب العالمين بجاه الحسين

خلي يسامحني رب العالمين ويرجعلي النعم الجنت محامد ربي عليهن

باوعت الناس تسجد مااعرف شلون اصلي
ناسي الصلاة شلون اتذكر امي جانت تعلمتي وومن كبرت تحجي وياي اضوج واصيح واطلع

خجلت من نفسي هاي شنو اني الأي درجه هيج
بشع وشكد صلف جاي ازور

ردت اطلع شفت شيخ وكفت كباله واني خجلان كتله شيخ اذا واحد رب العالمين جان منطي نعمه وضيع النعمه بيده شلون يخلي رب العالمين يسامحه ويساعده

كال باب التوبه مفتوح بكل وكت

حتى للشخص الي يدفر النعمه بيده

باب التوبه مفتوح لكل العاصين وبكل وقت
بسم الله الرحمٰن الرحيم

نَبِّئْ عِبَادِي أَنِّي أَنَا الْغَفُورُ الرَّحِيمُ ﴾ بسورة الحجر

* سَيُدْخِلُهُمُ اللَّهُ فِي رَحْمَتِهِ إِنَّ اللَّهَ غَفُورٌ رَحِيمٌ ﴾ بسورة التوبه

* ﴿ وَرَبُّكَ الْغَفُورُ ذُو الرَّحْمَةِ ﴾ بسورة الكهف
* و
* ﴿ أُولَئِكَ يَرْجُونَ رَحْمَتَ اللَّهِ وَاللَّهُ غَفُورٌ ﴾ بسورة البقره
وبعد كومه ايات تريد اذكرهن الك

لا شيخ ذني كلش كافيات نزلت دمعتي بوقتهه وحجتله الصار وياي علمني الصلاة

اول مره جنت افتح القرآن گبل طلعتلي سورة الواقعه
صار اسبوع اقره بيهه كل يوم مية مره وابجي واتوسل برب العالمين

يرجعكم الي

كمت ابجي سبحان الله رب العالمين يهدي من يشاء
عبالك الي صار كله حتى يهدي بابا ويرجعه الطريق الصواب

وخله بابا يحجي يمي لان جنت محتاجه الاطمئنان وسمعته بصوت بابا وهو يقره القرآن

بابا علمني الصلاة الصحيحه

علمني بابا الصلاة كعدت اصلي ولزمت القران اصلي
وابجي

سوالنه ريوك بابا تريكنه اني ويا
ندكت الباب ردت اكوم بابا گلي كعدي فتح الباب

............يتبع