يسَكرنا الخمر والشِعر والعِيون العَراقية ،
...............................................................؟!
سلطان ......
بعد ما صار صوت العايط عالي ... گمت واني شايل گلاص الچاي ... طبيت و لگيت جميلة نايمه على البنيه نيوم ملختها تملخ .. خشمها طاگ دم و اباع عليها خطيه ما رفعت ايدها او دافعت عن روحها ... بس حايره تلم بشعرها لأن طلع و تلم بروحها اذا طلع شي منها ...
اريد اساعدها .. بس امي ما خلتني اصل خزرتني ..
ضليت واگف بس و اباوع ... و اجه عبد الملك يمي و گف وصار يحجي قريب من اذني گال
عبد الملك / هاي العركه عليك يا معزه
سلطان / لا عليك لعد على منووو
عبد الملك / يمعود فال الله ولا فالك خليني بارد راسي
ماريد احد يتعارك عليه ولا اتعارك على احد
سلطان / واني شعليه غير ابوي ورطني ....
عبد الملك / بس هاي مرتك شكلها فقيره خطيه راح تشبع كتل لعد من جميلة مثل السعلوه ...
سلطان / اي مبين هيج نوب المصيبه الگشره ما اخلص من جميلة لازگه بيه لزگ
عبد الملك/ هههه اي ما تخلص يا خوي ...
سلطان / والله لو منطين الفصليه الك جان ما ضحكت هاي الضحكه ...
عبد الملك / يمعود گتلك خليني راسي بارد ... الحمدلله ما شمرها عليه ونطاها الك ...
سلطان / اي ه اي ه اسكت يا اخوي ...
جنت جاي اسولف ويه عبد الملك بس عيني عليها اشوفها شگد تأذت .. بعد ماتحمل ... نطيت گلاص الچاي لـ عبد الملك و رحت عليها سحبت جميلة من فوگاها ..
و ضربتها راشدي ... لأن حجت اشكال الوان ... نوب عافتني و رجعت كملت على البنيه و هي خطيه تلملم بروحها .. .. من شفتها هيج .. .. نداريت على اخواني و اشرت الهم يطلعون من المطبخ لأن نكشف من جسمها
جميلة السعلوة شگت الدشداشه مالتها من يم صدرها
هم من شافوني خنزرت بوجهم و أشر الهم يطلعون
طلعو بس ابوي بقه ... لو مهما الكان ... هي مرتي شلون تريدون ارضاها احد يشوفها ... سحبت جميلة عنها و ضربتها نوب و هي تحجي و تغلط اشكال الوان ... عاط بيها ابوي ... و گعدت الگاع تبجي و تلطم و تگول
كم سنه صارت يا عمي واني انتضر سلطان و من هل حجي عبالك احد داز عليها تنتضرني ... واني لا رايدها ولا بيوم حسستها انو اريدها أساساً تعاملي وياها بارد بس هي ذابه روحها عليه ... ضلت تبجي.و ابوي طلع من المطبخ ... اجوي البنات اخذوها و طلعو .. واني .. رحت
على فصليتي الي لحد الان ماعرف اسمها ... گلت الها گومي صعدي فوگ بس هي ضلت گاعده ... رجعت عطت بيها و صعدت طايره ليفوگ ... شويه و لحگتها و اني على الدرج اسمع عياط جميلة من شافتني اريد اصعد وراها
ما هتميت الها ....طبيت للغرفه و لگيتها .. توها طلعت من الحمام ... و بعده خشمها يجري دم .. رحت عليها و گلت الها رفعي راسج فوگ جبت قطن و خليت بخشمها
و گلت الها تعالي دا اسوي ايدج لأن نتبهت ايدها تنزف بس ما رضت ولا قبلت امسها ... و صارت كالعاده تعيط و تصيح انته غريب و ماعرف شنو ... نوب اني روحي طافره .. جلبت بحنجها بيدي .. و باوعت بعيونها و گلت الها لا تعلي صوتها عليه لأن لحد لان هي ما شايفه سلطان
و هي هزت راسها ... و رجعت صحت الها و گعدتها على الجربايه و جبت الشاش و البلاستر ... هي هم ما قبلت اقرب عليها وتگول بعدين اني اسويها ... اني اخاف لا ياخذها النزف و تتخربط ولازم اوديها للمستشفى و ننفضح اذا نفضحنه الشغله مو بس تمسها تمس رجولتي هم ..و ما اقبل احد يحجي عليه و يگول سلطان عار... كلشي ولا هل كلمه ... صارت تگول افهمني ما اگدر ما اگدر اطلع جتفي گبالك انته غريب عني ... اوف يا كلمه غريب ... و صارت تگول ما اعرف عنك شي غير اسمك بس ... اني ما هتميت الها قربت عليها .. شگيت ردن الدشداشة و بديت اسوي بيدها گلت الها اذا ماتريد تعتبريني رجلج عتبريني اخوج ..... اخخ اخوج ...تالي ما تالي صرت اخوها ... هي سكتت ... و اباع عليها ترجف .
كملت ايدها .. و گلت الها لا تنزلين ليوم اله اني اگولج .. و هاي الجنط الي تارسه الغرفه خليهم بمكانهم ... و طلعت ... من الغرفه طاير لأن حسيت بروحي مخنوگ
و ماعرف من شنووو ... طلعت و اني على الدرج تلگتني
امي و گالت وينها ليش ما نزلت ... گلت الها اني ما خليتها تنزل ... امي گالت وليش ما تنزل هسه تنزل و غصب عنها ... رجعت گلت الها تريد تكسرين كلمتي يمه
اني گلت الها ما تنزل ليوم اله اني اگول ... امي گالت لا يمه .. ما عاش الي يكسر مهابتك و كلمتك ... بست راسها و گلت الها لا تخلين جميلة تصعد لغرفتي عليها يمه ...
و هي گالت اي صار ... و طلعت من البيت ... ركبت السيارة مالتي .. و بعدني ما سايق ... نفتح الباب و صعد عبد الملك وياي ... گتله انزل ملوكي و هو ما قبل گال مبين عليك ضايج ما اعوفك وحدك ...
طبعاً عبد الملك هو اكثر واحد من اخوتي علاقتي قريبه بي و جنت اتواصل هواي وياي ... عبد الملك اخوي بس من ابوي .. أمه بالولاده توفت و ربته امي .. هو بعد فارس .. ربه ويه فارس لأن بيناتهم سنه وحده ... و عبد الملك ما عنده اطفال ... هو تزوج بنت خالته من ريحه أمه بس ما صار عدهم اطفال ... راد ابوي يزوجه من بنات عمي بس ما قبل ... جانو هم حاجزيله هم مثلي بس هو گال ما اخذها لأن هو يحب مرته و مرته فقيره
هم اول ما اجتي لعبو عليها شده يا ورد .... بس بعدين تقبلنها ... ...
طلعت من البيت و ياي عبد الملك و رحت طبگت يم گهوه .. و نزلت طبيت جوه .. گعدت و نزلت ارگيله و اجه عبد الملك و گعد. يمي .. و بلش يسأل شبيك ليش احسك ضايج .. و اني اسحب نفس من هل ارگيله و اطلع و ساكت ... رجع و كرر السؤال ... هو اني ذات نفسي ما اعرف شبيه ليش ضايج ... لأن ما جاي تتقبلني بحياتها يمكن ... او الي صار عليه هواي ... اريد اعرف شبيه ما اعرف .. رجعت گتله لو ما راجع للعراق جان احسن .. هو ضحك و گال تعرف بهاي وياك حگ لأن
صدك اول ما رجعت للعراق حنبطوك بمره و .. وراك الثانيه .. مالازم تعوفها ... هنا سطل مي بارد ونجلت عليه
صرت اگح ... و گتله ... بعد اني تزوجت شعليه بجملية
هو ميت من الضحك ..و يگول لا تحلم بغيرها .. ابوي ما يعوفك بحالك اله تاخذ بنت عمك ... الله على الخبر الجميل ... هو هسه وحده و كل شويه گايلتلي انته غريب عني ... دا نوب اخذ جميلة و يصير المشاعف من الروس
صافن و فاك حلگي عود.صدك ابوي راح يخليني اخذ جميلة هم ...
رجع عبد الملك گال هااا وين صفنت ... گتله عود.صدك ما اخلص من جميلة ... و هو يضحك ... و يگول شفتر عركه ليوم الصبح ... اتخيل نفسها يوميه و تلث مرات باليوم بعد كل وجبه ....و يضحك ...
گتله ....
غير والله اذا صار هيج ارجع اسافر اشرف الي والله
و هو بس يضحك و يگول تتعود ... يا الكعبه شتعود هو منو الي اخذ نسوان ثنين و سمعت بي مرتاح هو ابو و يگولون الثانيه ما مطوله هواي بس المشاكل جانت عملانه ... اني صافن و فاك حلگي و هو. يضحك ..
عود جاي يواسيني نوب زادها عليه ... لو ما جاي اشرف
سد. نفسي ... گتله ياله گوم نرجع للبيت راح يجون عمامي ليوم ابوي گال ... و هو گام و بس يضحك عليه
يگول وجهك صار اصفر خاف عمامي جايين دا يزوجوك
جميلة ... من گال هيج جان ارجع اگعد.على الكرسي و گتله بس لا صدگ لعد ماروح للبيت و هو ميت ضحك
الفطير عليه ... و گال گوم ما اخليهم يزوجوك اله تطلع السبعه مالتك ... و يضحك ... .. گمت و ضجت من حجيه و هو بس ضحك.و يمشي وراي حاسبنه و رجعت
طلعت و صعدت بالسياره صعد هو هم و اني ضليت صافن و هو بس يضحك ... و گال ها جاي تفكر شلون تعدل بينهم لو تحط جدول للاسبوع ... و يضحك ..
باوعت عليه بطرف عيني و هزيت ايدي الله ينطيك العقل يا خوي ... و شغلت السيارة و بوجهي للبيت ... وصلت و لگيت نفس الحنانيه مستمرة اول ما طبت اجتي جميلة عليه تركض و تعتذر لأن علت صوتها عليه .. و من هل حجي... عفتها و رحت صعدت ابدل لأن اكو دم بردن الدشداشة مالتي ..... فتحت الباب مال الغرفه و لگيت ها جاي ترتب بغراضها بالكنتور .. و گفت على صفحه اباع عليها ... رجعت گالت
سارة /محتاج شي ...
سلطان / مممممممم
سارة / شنو تريد اني اطلعه الك اذا تريد ...
سلطان / دشداشه و ملابس داخليه اريد اسبح ...
سارة / مو سبحت قبل شويه ...
سلطان / اي يعجبني اسبح نوب ... اني طاب للحمام يا فصليه حضري الملابس و اكوي الدشداشه و جيبي باقي الملابس وراي للحمام ...
سارة / صار اكوي الدشداشه بس اي وحده ..
سلطان / البيضه ...
سارة / هاا اي بعد شي ...بس ..
سلطان / شكوو گولي ..
سارة / اخذ ملابسك الباقيه انته واني راح اكوي الدشداشة....
سلطان / وليش يا فصليتي بيهن جرب لو هااا مال غريببب ما تلزميهن... هااا
سارة / هاا لا بس ..
سلطان / بس شنووو ها يا فصليه ...
سارة /. استحي اطلعهم انته اخذهم و عفيه اريد اطلب منك طلب
سلطان / گولي شنووو ...
سارة / لا تگولي فصليه لا تذكرني اني شنو لا تكسرني بهل كلمه
حجيت وتجمع الدمع بعيني ..
سلطان / تره اني اگولج هيج مو قصت اهينج او اذلج بهل كلمه اگول هيج لأن ما اعرف اسمج شنوو والله .. والله شاهد عليه ..
سارة / ..............
صارت دموعي تجري ... و رجع گال
سلطان / اسمج شنوو هاا
سارة / سـ... ـا.... ر.... ة...
سلطان / ادري عندي اختبار كلمات متقطعه يول يابه اسمج شنوو گولي مثل البشر
سارة / سارة سارة اسمي ...
سلطان / سارة اذا عاشت الاسامي اسم حلوو ... شگد عمرج ...
سارة / هااا .. 22 سنة
سلطان / العمر كله يا رب ... و خل اعرفج على الغريب رجلج على أساس ..
اسمي سلطان تعرفي ... عمري 27 سنة .. خريج ادارة أعمال... درست ماستر خارج العراق سنتين .. هااا اگو شي بعدد ...
سارة / ............... ها لا ......
سلطان / لعد طاب اسبح جيبي ملابسي وراي يا سارة
سارة / ..................
عافني و راح يم باب الحمام ذب الدشداشة مالته ... درت وجعي گبل عنه .. و هو طب للحمام و رحت فتحت الكنتور مالته بس يبووو حيلي يرجف ... الكنتور مليان ملابس سبورت و زي عربي هم .. و تراكات اشكال ألوان
لعد يا حضي من لبارحه لليوم تفتر يمي بالمنشفه اكثر شي شعندك ... طلعت اله دشداشة لون أبيض .. و فتحت المجر الي بالكنتور طلعت باقي الملابس اله (:
خليت الملابس على صفحه و رحت دورت على الاوتي بالغرفه و لگيته و بديت اكوي بالدشداشه ... و شويه و صاح وين الملابس سارة .... گمت و شلتهم و لفيتهم بالخاولي و وگفت يم الباب بس اخاب اصيح عليه .. صرت اتحم حم حم .. و فتح الباب و گال
سلطان / طبي علگيهم اني كلني مي ...
لو هو گال هيج لو صفر وجهي ... و سطل مي بارد ونجلت عليه ... ضليت واگفه على وگفتي .. شويه واسمع صوت الضحكه مالته و گال
سلطان / اتشاقة ترة و مد ايده و اخذهم ...
رحت مشيت وگفت يم الجرباية واسمع صوتي يدردم
سلطان / لا ليش ما حطيتيهم بعلاگه لا تنعدين استغفر الله....
و ضل يدردم واني ساكته ... رجع طلع و گال وين الدشداشه مالتي ... اني من شفته طلع هيج درت وجهي و أشرت له على مكان الدشداشه ... صار يدردم و گال
سلطان / بابه الى متى تضلين هيج لعد شلون راح نعيش بنفس الغرفه هااا ... شلون نگضيها هيج ...
سارة / ................
سلطان / ضلي ضلي ساكته انتي ...
سارة / ..... لازم.... اخذ ..... وقت ..... ياله ... اتعود... عليك..... بعدني....... ما....... متعوده...... عليك......
سلطان / مممممممممم ......
سارة / كملت لو لا ....
سلطان / اي لبست نداري ...
نداريت و جان واگف يم ميز المرايه .. و طلع الشسوار و بلش يشسور بشعره ... بس شلون طالع حلو بالدشداشه البيضه ... نوب الدشداشه ضيقه شويه و هو ما شاء الله
ضحم و معضل ...
سلطان / ليش كاويه هاي .. ضيقه شويه هاا ليش ما سويتي غيرها ...
سارة / انته گلت البيضه ...
سلطان / رحمه لربج ... هو اكو بيضه وحده بالكنتور .
سارة / تريد اسويلك غيرها ...
سلطان / لا ما ضل وكت ... راح انزل بهاي ..
سارة / ترة لايگتلك ... . حجيت بصوت ناصي..
سلطان / شگلتي ... ما سمعت ...
سارة / ما گلت شي ....
ضل واگف يشسور .. و رجع رش عطر او سبح بالعطر.. و شال السبحه و السجينه مالته خلاهه بجيبه .. و طلع ..بس قبل ما يطلع حاجيته ..
سارة /. سـ...... سلطان ...
هو وگف و ندار عليه و شفت شبح ابتسامه على شفايفه
و گال ...
سلطان / نعم ...
سارة / انزل اساعدهم لو لا ....
سلطان / لا لا تنزلين جميلة بعدها هناا بس تشوفج ما ضمن الج شتسوي هل مره ...
سارة / صار ...
سلطان / رايح رايده شي بعد ...
سارة / لا ...
نزل هو و اني ضليت بالغرفه ارتب الغراض مالتي و لگيت امي يا سواد وجهي جايبه اشكال والوان من فتحت الجنط تفاجأت ملابس النوم اشكال جايبه يبوو ما مخليه شي ما جايبته .. فساتين حفلات و سهرات .. و ملابس دشاديش قصيره و تراكات .. عزلت كلشي بالخانه مال الكنتور و ملابس النوم جمعتهم بعلاگه و خليتهم جوه بالكنتور الي بالوسط لأن الخانه مالتي ما كفت .. و اني جاي ادور بالجنط لگيت بجيب الزغير مال الجنطه .. تلفون زغير اني عفت تلفوني بيت اهلي .. احمد حاط تلفون و كاتب ورقه وياا ..سارة بي رصيد و خط كامل و رقمي من تلگي خابريني خوش .. اني وجهي صار اصفر اخاف .. احد يشوفه .. ضميته جوه يم الملابس .....رجعت گعدت بالغرفه و اسمع صوت سوالف جوه .. و هوسه .. بس لا فتحت الباب ولا نزلت بعد ما طلع قفلت الباب اخاف هاي مرته ماعرف منو تجي هم تكتلني كسرتني تكسر ... وره الضهر ندگ الباب و گلت بصوت ناصي منوو گال اني سلطان لا تخافين .. فتحت البار و جاب صحن بي اكل و گال انتي ما اكلتي شي اليوم هاج اكلي و اخذت الصحن منه و هو رجع نزل جوه
صراحه لو ما جايب هذا الصحن جان متت من الجوع او تخربطت لأن صارلي يومي ما حاطه لگمه بحلگي ...
اخذت الصحن و رجعت قفلت الباب و صرت اكل ... اكلت كلشي لأن ميته جوع ... غسلت الصحن بالحمام عزلت الغرفه .. و لميت الملابس الوصخه و خليتهم على صفحه
و گعدت انتضر بالغرفه ... محد.صعد حته هو ... ضليت
گاعده ... شويه و رجعت نعست .. رحت تمددت على الجربايه .. و غفيت .. .. للساعة 6:00 تقريباً حسيت على روحي .. فتحت عيوني و لگيته نايم بصفي على الجرباية
شوكت طب ... طفرت من الجرباية على السريع و خليت الشال على راسي ... هو گال .. شبيج شفتي بعبع .. يحجي و مغمض عيونه ...
سارة / شوكت طبيت انته هنااا ..
سلطان / مو غرفتي هااا ما طب الها بعد ..
سارة / هاا لا بس اني جنت قافله الباب شلون فتحته ..
سلطان / عندي النسخه الثانيه من المفتاح ..
سارة / ...........هااا .........
سلطان / شبيج واگفه على صفحه تره ما اعض ...
سارة / منو گال ...
سلطان / ههههههه اي صح ثنينه نعض.....
ضليت ساكته ما اعرف شرد عليه حجيه صح هو عضني واني عضيته ... وحده بوحده ... رجع گال
سلطان / سارة اريد اسألج سؤال بس لا تكذبين
سارة / هااا....... شنوو
سلطان / عندج تلفون لو لا
سارة / ........................؟؟؟
ستوب 🥲🥲
هاا شلونه البارت .....
سوري على القطعه بس مريضه .. و دراسه هم
حبيتو شخصيه سلطان لو لا ....
اي أسئلة اي تعليقات.......
3،000 كلمه .....