مساء الحب و السعادة اعتذر ع تأخير بس
اليوم طالعة خطار لحد يگول البارت قصير ٤٥٠٠ كلمة
قرأة ممتعه لا تنسون التصويت والتعليقات الحلوة
#كذب_المنجمون ١٨
#بقلم_ام_مختار
(دنيا غانم)
عطايا _ احساس غريب لامس كلبي من كلمته
لحضه ضعف بدرت مني ومع الاسف بصوت عالي كلته هاي الي؟؟
أبان _ نسطرت شگد تحجن خرب يومجن خبطت بيناتجن
عبالي تهاني كولي تردين شي
عطايا _ لا لا عفته ودخلت ما اعرف ليش نقهرت
على شنو ضايجة هذا أبان من زوجتي الهسا هذا طبعة
دخلت للغرفه فتحت التلفزيون بس هيج بس مجرد اريد صوت يسكت الضوضاء الي بداخلي
بيان _شبيج
عطايا _سؤال هم يوم سامعه تهاني تصيح ل الابان ابو عرب
بيان _ما تسويها تموت غير تصيحله حبيبي حياتي أبان بس ابو عرب لا
عطايا_....
بيان _شبيج
عطايا _لا ماكو شي
باوعت لبيان بعدها ملفلفه روحها ومبتسمه
صدقت يا رسول الله الكلمة الطيبة صدقة
كلمة من حسن كدرت تزهر روح بيان من جديد
وكلمه من أبان كدرت تروض عطايا
وبكلمة معاكسه الها ردتني الاسفل السافلين
أبان _ادخل يابه
بيان _فوت خويه فوت
أبان _هاي الحفاضات و جبت حلويات للجهال
بيان
بيان _شكراََ حبيبي خليهن والله وياك
أبان _شجاي تسوين انتي وعايفه مزعطتج تفتر بالبيت
بيان _انا حالياََ خارج نطاق الخدمة
أبان _شو انطيني تليفوني
عطايا _باوعتلي
عوفها أبان جاي تتراسل وي زوجها
أبان _اي خليني اشوف
عطايا _ يجوز جاي يحجون شي خاص شسالفه
أبان _ فهمت فهمت عرب نام
_اي نام
أبان _ بوسي الي من يكعد
عطايا _ اوكي
التهينه بهذا الاسبوع نحضر الحفله عهود
وسمعنه عمي سعد زعلان ليش وشنو السبب ما عرفنه
الحد ما خابرتنه عهود
عهود _تعرفون ليش سعد زعلان
_ليش
_لأن يريد هزيل ل سما
عطايا _ يضربه طوب عسا لا رضى
عذاب _ولكم اربع عمام ولا واحد بي خيرررر ولا واحد حنين اريد اعرف ابوي شلون اخوهم ما ادرري جان يطلع اللكمة بالگوه ومن نروح كل واحد ينطي مصرف شنوو هل خبث البيهم
عطايا _ لو ابوي جان مثلهم احسن جان مو هذا حالنه
عذاب _الله يرحمة
عهود _ هساا اريد ادقها اليوم راح تجي واريد اموتها قهر
عطايا _الحگران يكطع المصران
عمتي هيج تگول
عهود _لا عيني انا ما اسكت مو مثلج عطوة
عطايا _بكيفج
عهود _معزومين عكب باجر على خطبتي عيوني
عطايا _معزومين مووو اجي ادوس بطنج
عهود _لكم خلي اسولفلكم اليوم شنوو صار غير رحت وي عمتي للصالون ههههههههههههه
عطايا _شصار
عهود _انا ما اريد اخرب حواجبي اريدهم مثل ما همه بس رتبيهن
عمتي _ هنه حواجب لو شوارب زلم خففيهن الها
_ما اريد
ام صالون ان شاء الله حجيه تدللين
_حجيه بعينج كليلي ام هادي
_عيني ام هادي تدللين
عهود _اذا دنيتي الحواجبي افلش الصالون
ام صالون _مو عمتج اظل تحجي عليج كسبيها من هسا
_خلي تحجي المهم الانا اريده يصير
_تدللين
عهود _ حفتني ليكلك يهودي بين ايديها موتتني تموت وتالي من اكوم واشوف حواجبي ظالات بس خويط
(خويط تصغير كلمة خيط)
عطايا _هههههههه كولي والله
عهود _اي بالنبي خذت كل حواجبي عبالج سكتت لا والله كلبت الدنيا كلاب وما نطيتها فلوس وطول الطريق عمتي تضحك عليه
بس دخلت شفت هزيل كبالي ظليت ابجي
عطايا _يمه ولجن هذني دموعجن وين ضامتهن
حتى تهاني بس تشوف أبان تبجي
عهود _هاااي مكر النسوان انتي شعرفج بي
عذاب _دكملي وعوفي عطيوة
عطايا _اسسسسمي عطاااااااايا عطاااااايا موو عطوة مدري عطيوة
عهود _اهووو دسمعي هساا من شافني ابجي رجف الزلمه شبيج شسووو بيج
عهود _امك اتفقت وي امي صالون وخربو حواجبي شوووفو شسوو بيه
هزيل _استغفر الله انا مو حمل هبطات عبالي بيج شي وبعدين انتي حلوه بحواجب والا بدون حواجب
عمتي _هيج يا هزيل
هزيل _ما جذب مريتي حلوه
عطايا _اكيددد ضحكتي مووو
عهود _اي والله
عطايا _ هل حساس قبل جم يوم عشته
عذاب شنو صار
عطايا _رحت اگول ل ابان جيبلي حلويات صحتله ورد عليه بكلمة روح ابو عرب
عذاب _اييييي ولج شوو ما تحجين
عطايا _شحجي طلعت مو الي عباله تهاني
سكتن خواتي اييي شبيجن نخرستن ترى عادي
بس انا كبرت الموضوع مدري ونستني الكلمة
حلو واحد يتغزل بيك
عهود _اخخ يا عطوة ما يستاهلج أبان
عطايا _الحمد لله على كل حال
عذاب _جان كتيله مااا تعرف تميز بيني وبينها
عطايا _نربط الساني رجعت الغرفتي
عذاب _يااا روح عذاب يا گلب عذاااب
يا عيون عذاااب
عطايا _نشنشت على هل رومانسيه ههههههههه
نفتح الباب انتي ويامن تحجين
عطايا _فتحت سبيكر خواتي
أبان _هااا سلمينه
عطايا _أبان يسلم عليكم
_الله يسلمه
عطايا _خلوني اروح اريد احضر العشا
كمت حضرت العشا گليت نواشف و كبب
و أجبان عائلة حبيره مو مال نوع واحد
جاي اذب بداية الجاي بالسنگ حاطه ايدي الثانيه ببدايه السنط وراح عليها حسيت روحي شاغت
(شاغت = طلعت)
ع سريع طلعت معجون طماطة وحطيت عليها
ظليت ابجي مو من وجعها لا حرگ صغير وجع روحي امي شلووون تحملت الحرگ وعبوره يمه اخيتي شلوون يكشطون بجسمها اخخخخخ يا يمه فراگج كسرني انتي و اخيتي
بيان _شبيج
عطايا _حترگت ايدي
بيان _اووي سودة عليه انتبهي يا عيني
عطايا _باوعتلها حافه ومكيجه وين رايحة
مو حسن گال راح اجي اتعشا يمكم
_هلا بي انا احضرت كلشي بس فدوه نصب سوى
_روحي كعدي انا اصب
أبان _هذا كيك وعصير الولد جايين ور العشا خلونه منه شبيهااااا ايدج
عطايا _ما بيها شي
بيان _حترگت
أبان _انطيني اشوفها
عطايا _مديت ايدي ما بيها شي هيج حرگ بسيط بالجاي شوي نسمطت
فتحي الزنبلك الماي عليها رايح للصيدليه اجيبلج عصاره
عطايا _يعني شنو زنبلك
أبان _حنفيه الماي تعااي
عطايا _لزم ايدي وغسلها بماي بارد
جر كلينس ونشفها دخلت تهاني وشافته وتخبلت
من تزعل تهاني تصعد الغرفتها تربد ونسمع فوگ العيطة
أبان _هااي بطرانه عوفوها رايح للصيدليه تردين شي ثاني اجيبلج مسكن الم
عطايا _لا شسالفه ما بيها شي بس عصاره خاف يصير اثر وراي خطبة عهود
_تمام
بيان _صاير بينكم شي شوو اخوي مهتم بيج
عطايا _ابوس ايدج لا تشوشين عقلي اخوج ما ينفهم ولا ينحزر ولاااااا ظليت اعرف اتعامل ويااا
ساعة يرفعني السابع سما ويرد ينزلني السابع ارض
بيان _ايي حاولي ويا لبسي و كشخي و جري الصفحتج موو هيج تكليلي
عطايا _خلينه نحط العشا عليج الله وسدي الموضوع
بيان _ روحي كعدي يلااا
أبان _ام عرب
عطايا _هنا انا
ابان _هاج هاي العصار ة
عطايا _ذب العلاج وسوى الدرج شبختين
صعدلها اسمع صوتها عالي حتى عمتي سمعتها
فخريه _ يلعلعن السحارات امهات العلوگ
عطايا _....
دقايق و نربد باب الغرفة ونزل أبان انا سويت روحي العب وي ابني مالي خلگ هساا يگلي كله بسببج
أبان _حطيتي
_لا هسا بس اوكل عرب واحط
_تمام
دخل حسن _السلام عليكم
_وعليكم السلام
_بيان وين
أبان _ام علي تعاااي
بيان _السلام عليكم
_
حسن _وعليكم السلام
عطايا _خذة الصحن من ايدها ليش هيج متعبين مريتي الله يرضاها محمد تعااي بويه يمي
عطايا _هو يحجي وهيه معالم وجهة كلها منصدمه من حجيه
حسن _يابه اجيت هم اتعشا يمكم وهم اخذ بيان
أبان _لا يابه احنه اختي اريدها تطلك
بيان _لا لا مو هيج الحجي أبان
عمتي _ جااا شلون الحجي ولج انتي هممم بمية وجهة
حسن _عمي انا اريد زوجتي شنوو تردونها غصب موو كافي راح يصير سنه يمكم
محمد _كوومي ولج روحي وي رجلج و انا اجيب ملابسج وراج
أبان _وانا اوصل محمد
بيان _ما تردوني هيج ثگيله عليكم
محمد _ اي اي ثگيله يلااا تعشي و الله وياج وبعد سنه ياله تجيلنه
حسن _ هااا يابه تجين وياي والحسين البيت بدونكمم اقصد بدونج يضوج والله
بيان _اني هم شتاقيت البيتي والله
أبان _ يا الله
محمد _ شرايكم اطلبلكم اكل من برى وتكومين ترحين
حسن _لاااا هاي طردة
محمد_ ههههههههه لا يابه دير بالك على اختنه واذا ازعلها بالعباس اروح الخالي سلام وتعرف شيسوي
عمتي _يمه الويلاد ما يردون منك غير ادير بالك عليها هل كلمة الحلوة سمعها
حسن _ببطن عيني خاله والله
أبان _يلا يابه برد الاكل گولو بسم الله
حسن _صدگ شنو باجر عندك شغل تروح للبصرة
_اي اريد اروح للميناء وعندي سفرة قريبة للامارات
حسن _جايه سيارات
_اي و الله جايه اريد اروح اشوف جايه سيارات سبورت
حسن _الله يسهل دربك
أبان _امين
عطايا _صبينالهم الجاي
جريت بيان راح ترحين اليوم
بيان _ اي بس شو استحي اروح هسا يگول مستعجله
عطايا _ تركتها بكيفج
بيان _يلا يلا اروح خلي يگول مستعجله
ه_ههههههههههه ولج انتي بثانتين تغيرين رايج
بيان _شتاقيتله شتاقيت انام بحضنه
عطايا _ روحي ويا وشبعي نوم بحضنه
بيان _ تدرين اشك اكو مثلج نسوان اخ
ولج انتي ماكوو منج والله اخووي خسران حرامات انتي حرمته وهيج هاملج
عطايا _ دعيلي بيان دعيلي الله يهدينه ويغفرلنه ويحفظ خواتي من اهوال هل دنيا
بيان _روحي يا عطوه عسا كون الله يحقق الي بالج
عطايا _رفعت ايديا اميييين يارب
رتبت مكياجها و لبست ثوب حلو لطيف و عباية الراس فوگه وطلعت
وحسن صعد ولده وحطاها بالصدر عكس كل مره يخليها ورى
ودعتها ودخلت
حسن _وين تردوني اخذكم گولو
بيان _غير للبيت
_لااا نروح نفتر شوي و بعدين نروح للبيت
بيان _ظلو يصيحون اييي اي نريد تشتريلنه كيك
حسن _اكو واحد يشتري كيك وعنده هذا الكيك كله
بيان _يحجي ويأشر عليه شكراََ
حسن _ابتسامتج حلوه صار هواي مشايفها بيونه
بيان _ بهل ساعات انا ماخذه وضعيه المصدوم سنين وي حسن وجبت ٦ اطفال وبحياته ما سمعني كلمة حلوه ولااا مره.
حساس هل شي يطيب الخاطر من يتغرل بيه احس روحي طيب
شترالهم ورجعنه للبيت هوه بيت عيالي بس النه الطابق الفوگ نومت الاولاد بغرفهم بس تفاحة يمي
حسن _ما نامت
_لا بعدها جاي تغفي
_رايح اشرب جاي بين ما اخلص نوميها بشرفج
_بعيني
نومتها ع سريع و لبست قميص نوم قصير و بي فتحة فتحت شعري ورتبت روحي
حسن _ حلو حسنج بيان انا غبي كل هل سنين
وين جنت عنج
بيان _ حشاك بس انا يمك على طول بس انت غاض البصر
تقرب مني يبعد خصلات شعري واوعدج منا وجاي ما اغض البصر
بيان _ تحبني حسن لو بس كلام وخلص فدوه اذا ما تريدني والله ارجع منين ما اجيت وينته.....
حسن _اششش لا تكولين هيج ليش تتنازلين عني بعد الصبر الصبرتي عليه والله احبج بيان بس اناا ما اعرف اعبر ما اعرف احجي انا زلمه عراقي كل فكري من اشتريلكم واجيبلكم هذا الحب
كل فكري من مأمن عليكم وبيت يحميكم و ملابس مدفيتكم هذاا الحب
كل فكري من اشتريلكم الحلويات و الاكل هذاا الحب ما جنت افكر المرأة الكلمة الحلوة هيج تأثر بيها
بيان _ من اسمع منك كلمة حلوه والله احس روحي فوگ بالعالي
حسن _انتي حبيبتي وام بيتي وحياتي و عمري الراح والجاي
بيان _هههه لو ساكت لو كل هل غزل الحلو
انا احجي وهو يمشي طرف صبعه على افخاذي
بيان _ احم نطفي الضوا
حسن _طفي بس خيالي شلوون راح طفي
بيان _هههههه
تجرأت وبست على شفايفه هوه لزم راسي وبادلني البوسه
يبوس بيه ويقربني للفراش
خلاني على طرف السرير
وكلامه الحلو مااا بطل من السانه
تقرب الي وهو يبوس بكل جزء بجسمي.....
دلوعتي
عطرك مازال عاكف بصدري
منذ ان لامست جسدك
.........
عطايا _عمتي فرشت بالهول يعني الليله الي
غسلت الممه مالت عرب وحضرت بطالة الماي وحطيتهن يم راسي دخل أبان بتراك النوم
أبان _ يابه اذا تنزلين وتنامين جوة بالكاع اروح انام يم امي
_يعني شنو
_يعني تنامين على جربايه انا ما احب هاي السوالف
عطايا _ عوفك هسا من النومه ما تريد تروح يم تهاني حبك الازلي
أبان _اليوم مطنگرة وصراحة باجر وراي روحة للبصرة واريد اروح وبالي صافي مالي خلگ زعلها وارضيها
عطايا _ شسوي رايح للبصرة
_السيارات تجي عن طريق الميناء
عطايا _ واذا دخلت سيارات شنو
_غير اكون متواجد اجرأت وكمرك و امور ودنيا و اذا ما عجبتهم او دخول السيارة ممنوع ترد للامارات او منين ما اجت
عطايا _يعني شنو
أبان _يعني مثلاََ كل سنه تترتب قوانين سيارة كذا تدخل سيارة موديل كذا سنه ممنوع تدخل
وبعض السيارات تدخل تفصيخ
اذا وارد خارجي
عطايا _دخت ما فهمت شي الله يساعدكم
اكدر احجي وياك بموضوع
أبان _اي كولي
عطايا _هم ممكن يجي يوم وتحجي بموضوع النصب السويته انا
أبان _هواي تفكرين بهذا الموضوع
عطايا _ جاي ادمر من هذا الموضوع
خايفه على خواتي وخاصه هسا تزوجو
أبان _ بما ان غيرتي موضوع النومه غيري هذاا الموضوع هم
عطايا _ بس وعدني انا بالنسبه الي عادي شتريد تسوي بيه سوي حتى اذا ردت تحجي احجي واذكر بس طاري بس خواتي لا فدوه والله انا من سويت هل شي جنت طايشه و كارها الدنيا وما اعرف اصرف بس هسا ندمانه وما اريد خواتي يتأذون عذاب والحمد لله مرتاحة بحياتها وي زوجها
وعهودة مثل ما اشوف هيه تريده اصلاََ
أبان و_انتي
_انا شبيه
أبان _ راح يصيرر ٩ اشهر اذا مو اكثر انا وياج مثل الخوان وحتى قبل هل شي جانت علاقتنه مجرد شي عابر هل موضوع ما تفكرين بي
عطايا _ هذا ثمن الخطأ الي انا سويته وانا راضيه بحكم ربي يكفي رغم سوء اعمالي ربي رزقني بطفل يخبل
أبان _ خلينه نلعب لعبة
عطايا _ ههههه لعبه شنو هل لعبه
لحضه
عطايا جاب بطل ماي من بطاله عرب وكعدنه بالكاع افر البطل اذا صار البطل عليج انا اسأل
عطايا _واذا صار عليك انا اسأل
_اي اكيد
عطايا _جا انا افر اول انطيني
خذيت البطل منه بسم الله فريتها صارت عليه
أبان _سألي
عطايا _ شنو يعنيلك عررب
أبان _ععههههههه قطعه من روحي
عطايا _الله يدومها يلا فر
أبان _حلوة ضحكتج
عطايا _مو ردك حلو
فر البطل صارت عليه
أبان _ اخخ يا يابه وطحتي بأيدي يا عطايا
عطايا _ترى سؤال مو فلم رعب فدوه لا تخوفني
أبان _ شنو شعورج اتجاهي
عطايا _لا سؤال سهل ما كو شعور اتجاهك غير ان انت ابو طفلي
رفع حاجبه تمام فري
فريت البطل صارت عليه شنو لونك المفضل
أبان _ ابيض
عطايا _مثل كلبك هههههههههه
أبان_ هااا بدينه نخرج عن المسار
عطايا ه_ههههههه لا مو هيج بس اضحك وياك والله
أبان _مدام ضحكتج حلوه مسموح
فر البطل صار عليه
أبان _ قبل كم يوم بالغلط كتلج روح ابو عرب
وفهمتج الكلمة مو الج وحسيتج ضجتني حساسي بمحله لو لا
عطايا _ والله انا ما اجذب اي ضجت بس مو لأن اريدها الي
بس الكلمة جانت حلوه تشجع ع الرومانسيه ههههههههه
أبان _فري البطل
عطايا _ حسيته ضاج من ردي
فريت البطل صار عليه
ابان _ اكو واحد قبلي كلج انتي مستحيل تنحبين ومستحيل تنطاقين
عطايا _لا و الله ابوي جان يسميني جوريتي
و امي تگلي انتو النفس الاتنفسه و الناس تحبني بس انت تتكهرب مني
جانت ردودي كلش بسيطه و ما اخذها على محمل الجد
أبان _يعني قصدج الغلط مني
عطايا _لا ليش ما كلت هيج بس انت اصلاََ تحب زوجتك يعني شلون تحبني انت عقلك وكلبك متعلق وي شخص غيري مو غلط اذا متحبني
أان _هم صحيح والله تهاني بالروح احسها
عطايا _ الله يخليها الك
أبان _ خليني اعوف البطل وسألج سؤال
عاجبج هيج عايشة بوحدة
عطايا _يعني؟
أبان _يعني انا اوعدج مستحيل يجي يوم وتكونيلي زوجة مثل تهاني بس اشفق عليج
مرات اكول يخلص عمرها وهيه وحيدة
عطايا _ والله يا أبو عرب هاي الدنيا مو عادله
وما بيها الراحة وانا بعد القسوة الشفتها
ما ظليت افكر بروحي احس روحي طلعت من نفسي مو ذات اهميه عندي يكفيني عرب اشوفه مرتاح وان شاء الله مدام انت موجود عرب ما يحتاج احد من بعد الله
وخواتي هذا صار محور حياتي
أبان _ جذابة
عطايا _شلون بالله جذابه
أبان كلمة روح ابو عرررب وانتي بنفسج كلتي ضجت يعني تحسين وتردين تعيشين بسس كولي
شلون اعيش واصلاََ انت ما تريدني
عطايا _ لا فهمت قصدي غلط انا ما كلت انا عديمة الاحساس بالعكس الانسان يحب
ويتمنى ينحب يتمنى يكون بحياته شخص يهتمله يحس بي شلون هسا بيان و حسن شفت بكم كلمة كدرت بيان تترك كلشي وراها ورغم صارلها سنه اذا مو اكثر زعلانه بس غير شوي ب طبعة راحت وما فكرت اصلاََ
أبان _عوفينه من بيان وانتي؟؟؟
عطايا _ انا عايشة أبان انا شخص يتعايش
بحب بدون حب بشخص يهتملي بشخص ما يهتملي خو مو اموت
أبان _ قهرتيني تردين اهتم بيج ههههههههههه
عطايا _ بيان كالت شغله حلوه
أبان _اهووو يا هل بيان
عطايا _لا اسمع كالت الاهتمام ما ينطلب
من ذات الانسان بقدر حببه الك يظهررهل الاهتمام
ابام _انا مستحيل اكدر اهتم بيج و اصلاََ احس وجودج وياي غلط
عطايا _.....
أبان _ انتي ذكية لو غبيه ولو اليضحك على الناس بهل طريقة اعتبره ذكي
عطايا _.....
أبان _جاوبي
عطايا _حسب السؤال اذا جان ما مار عليه فاا صعب اجاوبه الشغله مو شغله ذكاء وغباء
أبان _هيه حزورة انا حزرت تهاني ما جاوبت
اريد اشوفج انتي
عطايا _ حزوره يلا بالله انا احب هل سوالف
أبان _انتبهي الحزورة مترابطه وي بعض فا ركزي
_تمام
طياره بيها ٥١ برميل نفط ولازم يذبون واحد شنو يسون
عطايا _ وانا بطن طياره الله حساس حلو
أبان _هههههههههه خرب شرفج لج دجاوبي
عطايا _ اكيد يذبو يعني انت تكول لازم يذبو قابل شيسوله
أبان _سباعيه صحيح
زين اذا اريد نحط زرافه بطن مجمده شنگول
عطايا _ما فهمت
أبان _تردين تحطين زرافه بطن مجمده شلون ترتبين الجمله
عطايا _زرافه بطن المجمده هيج غير
أبان _صحيح كمت انا وطلعت الزرافه وحطيت الفيل هسا شنگول
عطايا _هاي حزوره لو تعذيب حيوانات
أبان _ههههههههه لج دحجي
عطايا _طلعنه الزرافه من المجمده وحطينه الفيل بالمجمده
أبان _سباعيه
زين _الاسد سوى حفله بالغابه والكل اجه بعد اسد الغابه وعزمهم الكل راح الى الفيل ليش
عطايا _ صفنت منين جبت هاي الحزوره
أبان _ بعدين اكلج جاوبي
عطايا _ لحضه لحضه لأن الفيل بالمجمده
أبان _هههههههههههههههه تهاني تگلي لأن زعلان ع الاسد
عطايا _ههههههههه هسا شنو جوابي صحيح
أبان _اي
عطايا _الحمد لله
أبان _زين الحزوره الرابعه
بنيه تريد تعبر النهر البحر الي هوه وتخاف من التمساح شلون تعبرر
عطايا _ماكو بلم شختوره
أبان _هههههههههه لا ماكو
عطايا _ لحضه شوي انت كلت الحزورات متصلات بعض خليني ارجع من البدايه
البرميل ذبينا و الفيل بالمجمده
والاسد سوى حفله
ههههههههههه التمساح بالحفله
أبان _هههههههههههههههه ذكيه جنت متوقع راح تجاوبين
عطايا _شنو جاوبت تهاني
. سؤال سألته وكلي فضول اسمع الجواب
أبان _ما عرفت انا كتلها الاجابه
عطايا _خلصت الحزوره
أبان _لا بقت وحده عبرت البنيه النهر البحر الي ما ادري شنو وماتت ليش ماتت
عطايا _قضاء وقدر ههههههههههه
أبان _لا جاوبي
عطايا _لحضه ارجع بالحزورات
البرميل طاح باوعتله وفتحت عيوني على وسعهم
أبان _شنووووو
عطايا _طاح عليها البرميل
لزم شفتي بقوه وكرصها صحيح جنت متوقع جاوبين عليها
من ترك شفتي طكت دم
عطايا _ اذيتني
أبان _مو قصدي
عطايا _كمت جبت كلينسه مسحت شفتي
منو كلك هاي الحزوره
أبان فد يوم طالع الصبح و صعدت وياي عمال بناء
واحد من العمال حجاها الي وظلت بالي
عطايا _هيه حلوه مسليه
أبان _مسحي شفتج نزل دم
عطايا _توترت عيونه صارت على شفايفي
اكره هل احساس اليراودني مسحت شفتي
تر ى عمتي هسا نامت تكدر تصعد
أبان _مو كلت اريد انام هنااا
عطايا_ بكيفك انا راح انام تصبح على خيرر
أبان _وانا هم باجر وراي طلعه الفجر
عطايا _ملابسك يم تهاني؟
اي الصبح البسهن واطلع
_تمام باوعتله هذاا نام يمي و تقربلي اخنگه و الله
أبان _شبيج
عطايا _لا ماكو شي دخلت بفراشي خذيتلي زاويا
طفى الضوا و اجه يمي
هوه نام وانا عيني ما اجاها نوم ابد الحد الصبح سويتله ريوگ وهو طلع وانا نمت ما فزيت الحد اذان الظهرر من سمعت صوت الاذان فزيت ع سريع وطلعت لكيت عمتي بالصالة تسبح
عذريني اليوم تأخرت بس امس ما كدرت انام وأبان صبح طلع للشغل
عمتي _عادي يمه ما بيها شي بس نوم ظهاري مو زين يكسر الجسم
عطايا _ اي و الله صح كلامج
ع سريع طلعت من يمها غسلت وجهي فرجت وبلشت
الشغل العليه
تهاني تغسل المواعين وتركع بيهن
ما وكفت الحد ما عاطت عمتي شنوووو تخبلتي
تهاني _ لا عمه ما بيه شي
اكلج عطايا امس أبان يمكم ظل
عطايا _اي ليش
_مو هوه كال اجي بس اظاهر عمتي ما نامت
عطايا _ لا و الله نامت بس هوه كال متعارك وياج وما قبل يجي كال عندي طلعه من الصبح وراح للبصره
لزمت جدر وركعته بالسنگ وصعدت وعمتي ظلت تحجي عليها
غابت بالنص ساعه ونزلت تتمخطر
حضرنه الغدا تغدو رتبت البيت دخل أبان
السلام عليكم
_وعليكم السلام
تهاني _ الحمد لله على سلامتك حبيبي
أبان _الله يسلمج شنو وين عرب
عطايا _طلعله من الغرفه يزحف
راحله شاله وباسه وهذاك يهوس ظل يعرفه ويفرح من يشيله
أبان _صبيلي غدا تهاني
_دقايق و يكمل حياتي
عطايا _ تاخذني باجر البيت عمي عكب باجر الحفله
أبان _ليش ما ترحين وي اهلي
عطايا _لا عمتي تروح بيوم الحفله العصر وانا اريد اروح وياها للصالون
أبان _تمام باجر اخذج
عطايا _ دخلت للغرفة وظل عرب يمهم
بالليل اجتلي منومته وجايبته ما تجين يمي بالصاله
عطايا _باوعت للغرفه تحجين وياي
تهاني _اي ابان هسا راح يجي تعاي يمي شوي بالصاله نكعد ضايجة
عطايا _تمام هسا اجي
ستغربت منها شسوي بيه ادري بيها تتخبل مني
حطيت ابني و كعدت يمها بالصاله لابسه ثوب حصر والشعر مفتوح و المكياج و العدسات و الشفايف نافختهم نفخ
اباوع الروحي استغفر الله هههههه
حطت التلفزيون وتگلب بي
عطايا _خلينه على قناة ثبتي نحولت
تهاني _ هسا احط على ام بي سي طالعه مسلسل حلوه
عطايا تصرفاتها غريبه من يمته حبتني وتريدني يمها
نص ساعه ودخل أبان
تهاني _هلا حبيبي تعال شنو هذا بأيدك
عطايا _باوعلي وكلها مو كتلج راح اجيب التذاكر
تهاني _اووي نسيت حجزتلنه يمتى الطياره
عطايا _اكووول مستحيل اصيحلي هاي الحيه هيج الالله
شنو راح تسافرون
تهاني _اي راح نروح الدبي سوى
عطايا _سفرة سعيدة
أبان _ تعبان انا راح اروح انام
عطايا _هسا خلصتي مني اروح للغرفه
تهاني _اي روحي شكراََ تعبتج وياي
عطايا _تعبج راحة رجعت للغرفه
حضرت الجنطه مالتنه سمعت صوت رساله وتساب
عبالي البنات فتحتها ابان كاتب الوو
عطايا _ ها ابو عرب
أبان _لا بالغلط اجتج
_عفت التليفون وكملت ترتيب الغراض
كعدت من الصبح خلصت شغل البيت
ابدل تاخذني
أبان _يلا حضري روح اشغل السياره كون دقايق والكيكم بالسياره
تهاني _ حبيبي ما تخذني الاهلي مشتاقتلهم وهم اريد اودعهم
عطايا _رد باوعلي بس اوصلها واجي اخذكم
عطايا _على راحتك
دخلت غرفتي ظليت انتظره
طول بالساعه مليت
كعدت انتظره بالحوش دخل هااا اتأخرت عليكم
_اي واحنه مبدلين وننتظرك
_ يلا كومو هسا دوركم
عطايا _كعدت بالصدر وهو يسوق ويلاشي ب عرب وهوه يضحكله
أبان _ انا عكب باجر بالليل طالع للامارات عندي شغل
عطايا _توصل بالسلامه
بس اكدر اظل يم عهود الحد ما ترجع
أبان _ ماشي شنو تردون اجيبلكم مناك
عطايا _ انا بالنسبه الي ما اريد ليش افشل روحي رحت التركيا والبيروت ما جبتلي شي
أبان _ نسيت
عطايا _ موشكال بس لا تنسا عرب
لا ما انسا
من ردت انزل لزم ايدي ان شاء الله عن قريب اخذج انتي و عرب سفره حتى لو الاربيل
عطايا _ الله كريم
أبان _ضايجة اكيد
عطايا _لا عادي مدام راح اظل يم عهود اصلاََ متونسه عفته ونزلت خله المصرف بأيدي وطلع
بيوم الحفله طلعت للصالون و عذاب جابها فرات
مكيجت شي خفيف بس امي ابد ما راحت من بالي اخجل من البس الوان و احط مكياج احس نسيت امي بسرعه امي ما تستاهل واحد ينساها و لا تستاهل واحد ينزع الاسود عليها بس مجبورة مجبوره اتعايش
ها حلوه
عذاب _ما شاء الله عطوة طلعتي تخبلين
عطايا _شبيج شو عيونج حمر
عذاب _ما اعرف راسي يوجعني وتعبانه شوي امس ما نمت هسا بس تخلص الخطبة انام
عطايا _ انا هم تعبانه والله
عهود _هاااا بنات شلوني حلوه لو لا
عطايا _انتييي الملكه اليوم تخبلين عهوده
عهود _ كلش متوتره
عطايا _ لا تتوترين هاذي احلى ايام العمرر
عهود _وعدني يلبس اليوم دشداشة بيضة اذا ما سواها اگلب الدنيا
عطايا _ اول مره اشوف عروسه دور طلايب ولج هسا حيري بروحج
عهود _امس راح البيت اهل كرار عزمهم رجعلي العيون حمر
عطايا _غير صاحبة وكتلو بعز فرحته ومقهور عليه
عهود _وانا شنو ذنبي
عطايا _لزمتها من ذانها لا اظلين تدخلين بكلشي
حتى لو زوجج انطي مساحة لا تخنگيييي
عهود _اخاف عليه اخاف من هل حزن لا يرجع العهده
عطايا _ما عليه شي تركي يسوي الي يريحه
لحضه أبان جاي يتصل
الوو
أبان _انا يم باب الصالون اجيت اشوفكم واخذكم للقاعه
عطايا _ تنتظر شوي الحد ما يجي هزيل لأن البنات وحدهم
ابان _تمام انتظرج
عطايا _دقايق واجه هزيل
عذاب تجين وياي
. عذاب _لا فرات جاي عليه اصلاََ
عطايا _لبست عبايتي و لبست الحجاب ولفيته مثل الكمامة بس عيوني طالعات عرب بأيدي طلعت بس شافني دگ هورن
عطايا _جا عمتي و البنات وين
_ محمد خذاهم انطيني عرب
عطايا _ يعني راحو للقاعه
_ايي
عطايا _ تمام شعجب اجيت علينه
أبان _شتاقيت ل عرب وهم راح افارگه جم يوم
فاا كلت اجي اشبع منه شوف
عطايا _ يلا اشبع منه اخذه اليوم كله يمك وخليني اتونس
أبان _ لو دخلو ولد بالحفله لبسي عبايتج
_تمام
أبان _ من طلعين من الحفله مكياجج مسحي لو غطي وجهج كامل
عطايا _جا ما اعرف امشي
أبان _مطلعه بس عيونج يجذبن اكثر
عطايا _........
رجع سكت ما حجة كلمه وانا طول الطريق خاطري ما سكت أبان شنو جاي يسوي بيه شنو يريد بالضبط
وصلنه للقاعه ما قبل انزل اكو زلم بالباب
عطايا _ يعني شلون اظل انتظر
أبان اي انتظري واذا انتظرتي تردين تنزلين هيج كبالهم
عطايا _ أبان ليش ما تجي من الاخير شنووو جاي يصير
أبان _ ماكو شي بس انتي عرضي يعني اخليج اطلعين هيج كبال الولد
عطايا _امس من وديت تهاني الاهلها جانت حاطه مكياج ومكياج قوي شنو هسا لختلف
أبان _ جانت رايحة الاهلها قريبين وهسا يلا نزلي فكيني من شرج
عطايا _جريت عرب من ايده اجيت انزل لزم ايدي
لا تعيديهاا هاي الحركة عيب
عطايا _اذا ناوي تلعب بيه أبان فااا انت غلطان مووو عطايا اليلعب بيها انااا ما ارضخ الاحد
تريد تروح تحجي الله وياك روح احجي
نزلت ودموعي نزلو احسها يتلاعب بمشاعري
يريد يحسسني هوه مهتم بيه
مسحت دموعي ودخلت للقاعه
كاعده عهوده تخبل
عطايا _هاج لزمي عرب بس اعدل مكياجي واجي
عذاب _عطايا معدتي راححح تموتني
عطايا _ ولج حتى وجهج صار اصفر
شو انطيني ابني وكعدي هنااا ارتاحي
عذاب _جيبيلي ماي
عطايا _لحضات
طلعت للمشرفين ع القاعه و الاكل جبتلها بطل ماي
بدل ما تشرب ظلت تبرد بايديها ورگبتها بيج شي
عذاب _لا لا بس روحي يم عهوده خطيه وحدها وعمتها يمها
عطايا _رايحة
هاا ولج شبيج ضايجة
عهود _هاي خطيبه كرار شسوي جايه
عطايا _يجوز جايه وي اهل كاله
عهود _ما اريدها تجي ام الزلم
عطايا _ هسا سكتي يمعوده لا تفضحينه
دخلو هزيل لابس الزي العربي الابيض
ويا اخوته و خوان كاله
عهود _كلت ما راح تلبس الثوب الابيض
هزيل _ ما اكدر ارفضلج طلب
عهود _ شگد تحبني هزيل
هزيل _بگد هموم گلبي
عهود _يعني انااا هم
هزيل _هههههههه
عطايا _گاعد يمها و النظرات وحدهن حكايه و الضحكه وفرحتها و لمعه عيونها تسعدني تخليني انسا همومي و كلشي يأذيني
عقدو بالقاعه حاولت تگومة يركص ابد ما قبل باس راسها وطلع
بس سمعنه برى الولد يهوسوله
الحد العشا ياله فضت الحفله
ظليت يم عهود يومين ما فهمت منها شي طول الوقت تحاجي هزيل
خذيت ابني ورجعت البيتي
سبوع ياله رجع أبان
رجع أبان و تهاني العروسه الي كل تصرفاتها واضحة وكل فكرها تغثني
عطايا _الحمد لله ع سلامتكم
أبان _الله يسلمج
باباتي عرب
طفرله عرب بس شافه
تهاني _ هاي هداية عرب ابو ما نسا وين ما نروح يشتريله
عطايا _هيه بنفسها وزعت الهدايه عمتي ما قبلت
وسألت عن هديتي
عطايا _عمه انا هديتي وصلتني
عمتي _ها جا اذا هيج خوش
عطايا _من كلت هيج تهاني ضاجت رغم هيه تدري ما مشتريلي شي صعدت ضايجة
ظليت اضحك على مدة فضاوه عقلها
محمد _ لو شما يسويلها اظل كالبه هل خلقه امنيتي اشوفها بيوم فرحانه رغم كلشي عدها
صبحها غبار و ليلها ضباب
عمتي _ بت فكور ما شايف وشاف
عطايا _ فتحت هدايه عرب ملابس والعاب و كلشي جايبله
وقمصله تخبل لونها رصاصي نفخ
بستها يمه فدوه لليلبس هل ملابس
جانت الملابس ريحتهم تجنن وملمسهم يخبل
خذيت الملابس ودخلت اقيسله بالغرفه الاوفرات و ملابس الطلعه وهوه خطيه تعب
لبسته القمصله يمه يا يابه شهل جمال كيك كيك وليدي نزعته ظل يبجي هههههه تعبت يا روحي
نزعته الملابس وانطيته الالعاب مالته بيهن الوان و طوبه وبداخلها لعبه من تتحرك اطلع صوت
هوه تونس عليها ظل يلعب وانا ارتب بالملابس شفته نام على الفراش سديت باب الكنتور على كيفي اريد اشيله بفراشه وهيه فتحت الباب كل قوتها فز من نومته وصرخ
عطايا _وثول شبيج
تهاني_ ثول يثولج
شوووفي اذا عبالج بهاااي سوالفج
تسحبين ابان الج تحلممممين سمعتي
أبان _ تهاااااني
محمد_ بغرفة المسكينه رايحة تهد
عطايا _انتي وحده ما تستحين فززتي الولد وهوه نايم طيح الله حظج
تهاني _انتي وحدة ساقطة و بواكه زلم
عطايا _ليششش انا على ذمة رجال
وارسل واحدد متزوج
جاي اشيل ابني ودفعتني بكل قوتها من ظهري طحت انا وعرب
حطيته على الفراش وجريتها من شعرها
أبان يفاكك بينه و انا جلبت بشعرهاا ايدج اذا تمدينها عليه اكسرهااا الج ياا عايقه يااا ام الزلم
خلگ وحدة ساقطة و دورين احتياط
عطايا _ فكاها من ايدي وضربني
أبان _لمي ملابسج مالج ظله هناااا تكسي البيت عمج الطرن
يتبع....
لنا لقاء قريب بأذن الله
❤️❤️❤️❤️❤️❤️