كَذِبَ المُنجمون

بارت ٧

مساء الخير بارت مفاجئة  امس كلتو البارت قصير وما يهون علية اخليكم بدون بارت الباجر بس لا تنسون التصويت وتعليقاتكم الحلوة
قرأة ممتعة

#كذب_المنجمون ٧

#بقلم_أم_مختار
(دنيا غانم)

وغرستُ حُبّك في الفؤادِ وكلّما

       مضت السنينُ أراهُ دومًا يُزهِرُ !

عطايا _ أيناس قصدج؟

تهاني _لا ويناس تهاني بنت ويناس

عطايا _هااا عن شنو الخيره

تهاني _خليني احجي قصتي الج وبعدين انتي شوفيلي حل حسبيني مثل بنتج اختج وسويلي  حل لأن انا ما اعرف عن شنو وشنو وشنو اخذ خيرة

عطايا _يا ساتر يا رب تدللين بنيتي

عذاب _ههههه بنيتي

عطايا _اي مو انا اسمي العلويه ام محمدعبالهم ام محمد عمرها ١٠٠سنه ههههههه

عذاب_عبالهم ام محمد جدتهم ههههه خلينه نشوف قصتها بالله

تهاني _انا متزوجة صار ١٣ سنه وما عندي اطفال
حماتي عدها ٥ وجابت البنيه الطفل السادس وزوجها من حبة الزوجي انطونه البنيه هم منها بنت اخته ما تحل عليه و هم ما نظل بلايه طفل

عطايا _اي؟

تهاني بس عمتي تريد تزوج زوجي متخبله الى تزوجة وزوجي يموووت عليه متزوجين   عن حب عمري ١٥ سنه وخذاني وما خلة دولة ما خذاني الها هم ونسه وهم بلكي يطيحون بالعله واحبل

عطايا _وهسا

تهاني _هسا البنيه عندي وتعلقت بيه صار سنه عمرها بس عمتي متخبلة  وتكل البتها اذا ما تاخذين البنيه لا انتي بنتي ولا اعرفج ولا تعرفيني

وهيه تريد البنيه ترجع الامها الخاطر تزوج رجلي

عطايا _الله يساعدج

تهاني _وانااا اموت على رجلي انا فتحت عيني عليه و الرجال ما قصر وياي مدللني و يحبني و يباوع الحلكي وهاي صار ١٣  سنه مزوجين  ما يوم حجه بموضوع الاطفال ولا يهمه بس امه دمرتني دماررر

عطايا _احس روحي صرت دكتور نفسي هم يحجولي قصصهم و اسويلهم خيره و هم اسويلهم أعمال

عطايا _هسا تردين تاخذين خيره عن شنو

تهاني _اريد اعرف هم يزوج عليه
ويصير عندي اطفال لو لا
وعمتي ما تسكت وتفكنه

عطايا _باوعت العذاب قهرتني والله

عذاب _خطيه محد مرتاح بحياته هسا هو يحبها وراضي ليش مدخله روحها امه اخخ من العمات

عطايا _ راح اكلها ما يزوج عليج خطيه اظل قلقانه