ازقة الموت

البارت5

مساء الخير حبايبي ولو زحمه اطلب منكم كل مره بس علمود انتم تستمتعون واني اكتب واني مستمتعه وبواهس انزللكم يومي
والوقت الي اقضي احس اله ثمره والثمره هو تفاعلكم لان اني اتونس من اقره تعليقاتكم ومدى تفاعلكم بالاحداث وماريد ارجع اكتب هذا الطلب لان صعب عليه اطلبه كل مره

وشكرن بالنون ❤️😘

ازقة الموت
الكاتبه زينب العبودي
البارت 5

واكف ابويه كبل كال

عود صدك اخوانج ماكو
وين راحوووو

باوعت عليه بعتب  ودرت وجهيي عنه انطيته ظهري
وخليت كفوف ايدي على وجهي  تعبانه من كلشي

حليم وعماد تقربوا سلموا عليه  وجاوبوا

عماد-لا للأسف  الحد الان  منعرف شي عنهم

انتِ وين جنتي عنهم مو يمهم
درت وجهي

وباوعت عليه بس نظراتي جانت حقد اله
تلووومني  ألي حتى بعد الي صار تلومني ألي حتى وهمه مالهم اثر ضميرك ميأنبك
كل اللوم اذبه عليه باوع عليه

-طبعاً عليج لعد لعد منو انتِ وين عنهم حتى يختفون ومتدرين بيهم 
اكو اخت جبيررره تخابر ساعه ١٢ بليل تسأل عن اخوانهه يمك لو مو يمك

-انهاريت  وتقربت عليه بخطواتي استفزني كلامه

لعددددد اكوووو اب بالدنيا كلهه  عايف ولده وحتى ميعرف شيسوووون وجاي هسه ينطي دروس ويكول اكو اخت جبيررره متدري باخوانهه

طبعاً ماااادررررري طبعاً لان ملتهيه اجيبلهم فلوس الي هي مفروض الاب يدبرهن

-صوتج لتعلي لا هسه اموتج لعددد منو يمهم موووو انتِ  مووو يمج همه

ااااااااي اي يمي يمي اني ووووووواني اني الي محتاره بيهم وبعيشتهم 
اني الي ماخذه دورك ودور نسوانك الي عافن جهالهنوعاشن حياتهن ولا كأنما عايفين بزرهم قطعه من روحهم عشتوا

اي حابرتك ب١٢ لان اجيت وملكيتهم بالبيت ماكوووو اجيت من الشغل الساعه ١١ ساعه ١١بتك من سنين طويله ترجع بهذا الوكت للبيت تمشي وحدهه وهي خايفه خايفه من الذيابه البره  حتى تعيش  الي خلفتهم وعفتهم

-اااانت شلون تحجين وياي هيج راد يمد ايده عليه جرني حليم  وگلي سكتي

اضرررب خلي يضرب خلي يضررررب اضرب

حليم-سكتي كافي ميسم
-مااسكت مااسكت اكرررهك تسمع اكرهك بابا اكرررهك كل الي صار هسه بسببك  بسببك انت ماكو خواني بسببك لان عايفنه ومسائل عنه حتى من خابرتك واكلك اخواني ماكو ملكيتلهم اثر مهتميت مهتمممممممميت

باوع باوع منو داير مدايري  هسه وراحوا يدورون عليهم شارع شارع الناس الغرب وانت الي انت ابونه جاي الفجرررر  مترهي وتذب اللوم عليه

صلوات على النبي زين والله وكلفت روحك واجيت  هسه مبقيتهه للصبح خاف اشغالك ويه النسوان تتوقف

-انتِ وحده ممتربايه  طايحة الحظ وهجم عليه وحاول يوخره عماد وحليم كبالي

اي ممتربايه منو رباني ليش مو انت عايفنه اكيد ممتربايه قابل الهوى يربيني

ماشي الله كريم يا ميسم اله اربيج من جديد بس من اخلص من هاي السالفه مو بحالج هسه كل همي الكه اخوانج الي مضيعتهم

كللللللليش من صارو همك اخواني

هلهلت وكمت ابجي بصوت عالي 
حليم-ميسم كافي سكتي  ولتبجين

عوفني عوووفني بحالي جريت ايدي منه ورحت للغرفه
اباوع على اغراضهه الي مكسرات

خليت ايدي على گلبي احسه كام يوجعني راح اموت يارب راح اموت شلون وينهم وين رحتوا يا زهراء

معقوله كاعد تعاقبيني لان حجيت عليج تعالي رجعي مو راح اموت والله

بقيت ساعه اكعد بغرفة زهراء ساعه اروح  اكعد كبال القاصه اخر شي شلت السياره الي دزهه عمو طه وحضنتهه

يا حبيبي يا ليث وينك وينكم وين رحتوا يمعووودين

صارت الساعه سته الصبح خطيه حليم وعماد باقين كاعدين على القنفه معافوني ينتظرون بلكت يرجعون لو تصير اربعه وعشرين ساعه حتى يبلغون وابويه بالبدايه يهتف بعدين تمدد على القنفه

باوعت على الساعه ٦وربع كمت وكفت جان توه  غافي حليم فز من كال عماد

عماد -وووين

ميسم- راح اروح لدوامهه بلكت تروح  لهناك

حليم-اجي وياج  بس خلي ادخل  للحمام

ميسم-هزيت راسي بـ اي ومسحت عيني كام من القنفه عماد وتقرب عليه

-وجهج  اصفر اني اروح ويا حليم وانتِ ابقي هنا بلكت ترجع حتى تنطينه خبر

ميسم-لا مااكدر اكثر شي تعبت منه هو اني كاعده مربطه اذا ماكو خلينه نروح نبلغ  ونكلهم من البارحه مختفين 

عماد -من الساعه الي بلغتهم بالمركز گالو 
اربعه وعشرين ساعه اذا ملكيتهم نفتح محظر

ميسم -واحنه نحجي طلع من الحمام حليم وكال
حليم-يلله يابه امشي

عماد-عود بلغوني اي تطور يصير

-طلعنه اني ويا دليته بدوامهه وصلنه ممفتح المصرف رجعنه بالسياره ننتظر  لان كلش من وكت طالعين جنت متوتره الدرجة اكل بأظافري واهز برجلي

حليم-بردانه
ميسم-لا

حليم-متوتره لعد

ميسم-باوعت عليه ودرت وجهي عنه بسرعه

حليم-ميسم

ميسم-ها حليم

-الرقم الي دزيتي الي اثنينه نعرف بي ولد اني مردت احجي كدامهم هناك

ميسم-اي ولد مو كتلك شنو يعني عرفت شي عنه 

حليم-لا واعرف تعرفين  ولد بس اگول معقوله زهراء خاف انهزمت ويه هذا الولد حتى من كلت للضابط كال خاف عدهه علاقه ويه واحد وانهزمت ويا

ميسم- مسحت عيني تحركتي  وكملت كلامي
مااعرف الولد  حبيبهه او مو حبيبهه بس حتى اذا انهزمت ليش تاخذ ليث زين ليش تنهزم من الاساس
خواني صاير عليهم شي جبير اني متأكده واحد يجوز خاطفهم شفت البيت انت شلون مگلوب واني ملزمت شي بالبيت حتى ياخذون البصمات متأكده احد داخل عليهم

حليم-مستحيل مال مخطوفين شيليهه من راسج لان  باب شقتكم مقفول

-يجوزز المجرم خلاهم يقفلوا

-مقتنعه  بالكلام الي كاعد تحجي

-الشقه مهجومه  حليم احتمال احد دخل الهم وهددهم
زهراء متنهزم وماكو سبب يخليهه تنهزم ويه واحد
ليش تنهزم يعني اذا تحبه تگول شنو الي يمنعهه تگول

سكتت ودرت وجهي على الجامه جانت  تمطر بس مو قوي تنكط فتحت الجامه وطلعت ايدي  وغمضت عيني ودموعي تنزل وبگلبي
يارب بجاه كل قطرة مي تنزل هسه رجعلي اخوتي سالمين دليني بيهم  اموت بدونهم يارب والله اموت انت تعرف حالي وتعرف طاقتي ماعندي طاقة صبر بعد

اخذت حسرة
بقيت اباوع على نقاط المطر الي تصير بالجامه درت وجهي على حليم  يباوع عليه بتعاطف

-مااعرف شگلج

-حليم اذا ملكيتهم اموت اني والله ، مااتحمل

-تلكيهم ان شاء الله

-وين الكاهم وشوكت احس طاقتي خلصت مااتحمل اكثر بعد مااشوفهم كبال عيني اموت والله لو لو تعرف شكاعد يصير بيه هسه خايفه ماعندي غيرهم بالدنيا واثنينهم صغار مو كبار ميكدرون يحمون نفسهم زهراء ،زهراء بس اللسان والله بس هي متكدر تحمي روحهه

-مااعرف شوكت بس متأكد راح تلگيهم وسالمين ان شاء الله  بس ثقي برب العالمين

ميسم-تذكرت سوالف زهراء والفلوس الي تصرفهن ومنظر الشقه والقاصه خله عقلي يشك بشي معقوبه مسويه علاقه ويه واحد وانهزمت صدك لو واحد كاعد يهددهه وجانت تنطي فلوس ومن وشلت انهزمت

-حليم
-دار وجهه عليه ينتظر اكمل كلامي الي موجه اله
زهراء مو مثل ما كاعد تتخايل انت زهراء متنهزم زهراء صاير شي وياهه اني متأكده متأكده ليث وزهراء صار شي وياهم

صاير او مصاير شي احنه هسه كلشي منعرف بس نبلغ ننطي الرقم للضابط ونعرف منو الي تواصلت ويا اخر شي

بقينه كاعدين كل الموظفين اجوي واحنه منتظرين بلكت تجي زهراء اخر شي فتحت الباب ردت انزل

-وين  نازله
-اروح اسألهم

-مو كدامج مشفنالهه اثر شتروحين تكليلهم هسه يطلعون عليهه سمعه مهزومه  ميسم
خل نصير يجوز تجي هنا منكدر ندخل ونسأل شايفين بتنه

شيجيبهه  بلله مخطوفه
وبعدين بلكت احد يعرف شي عنهه صديقه من صديقاتهه
خوما نتجتف  ونكعد علمود كلام الناس   الي ميقدم ولا يأخر شي

نزلت لحكني

-ميسم فكري بعقل الناس متصدك تلكالهه شي تحجي بي 
وهذا الشي راح  يأثر على زهراء  لتستعجلين

ميسم-الناس اخر همي بالحالتين همه يلفقون قصص حسب مزاجهم ومخيلتهم  اريد التقي بصديقاتهه بلكت يعرفن يجوز صدك تحب واحد ويعرفن منووو خوما اكعد مجتفه حليم

عفته ومشيت دخلت  للشركه اول مسألت عنهه دلوني على مكتبهه الي تكعد بي كتلهم متعرفون صديقه الهه
نرجس، رقيه
اي نرجس صديقتهه  موجوده بس رقيه بعدهي مجايه
وين الكه نرجس

جانت هنا شوفيهه بمكتب السكرتاريه  لان هي دائماً هناك

وين مكتب السكرتاريه

كبل وعلى اليمنى ممر

شكراً

حليم-تعرفيهه نرجس
ميسم-شفت مكالمات بينهه وبين وحده اسمهه نرجس  اول مدرت على اليمنى شفت بنيه وولد يتعاركون فتت من يمهم اني وحليم جان الولد عصبي على البنيه  شلون تسوين هيج بس من كال نرجس باوووعيلي اذا صار شي اموتج بيدي والله وكفت رأساً ودرت عليهم

-انتِ نرجس

باوعتلي متفاجئه لبنيه

-اي تفضلي  

كبل راح الولد  وكال الهه انتضرج بره استعجلي
بس جان كلش عصبي
مبين عليه وضاج من قاطعناهم

نرجس-تفضلي  رايده شي

-اني اخت زهراء

كبل ملامحهه بين عليهه الارتباك

زهراء هااا اهلا وسهلاً  بس زهراء اليوم مجايه

اي هو احنه هنا  علمودهه من البارحه ماكو متعرفين شي عنهه

-لا والله مااعرف

-البارحه متصله عليج
-اي حجينه مثل كل مره عادي وسدت الخط وجانت
بالبيت

-مكالتلج شي

-لا
-همست الهه زين مكالتلج منو تحب  او متعرفين تعرف احد ثاني

-لا مگالت شي ومو من النوع الي تحجي خصوصياتهه

-زين صديقه مقربه الهه هنا
بلكت تعرف شي عنهه

محد يعرف شي عن الثاني هنا مجرد موظفين احنه
محتاجه شي ثاني مني

بهاللحظه وكف واحد يمنه مستغرب
وواضح يعرفهه لان انصدم من كلت مختفيه وبقه يتسائل شلون اختفت واهتم للموضوع بعدين عرفت هو اسمه سيف وياهه بنفس المكتب وهم ميعرف شي عنهه

انطيته ال سيف رقمي خاف يعرف شي او تجي هنا ينطيني خبر

طلعت من الشركه فاقده الامل بالزايد   والدنيا تمطر واني امشي وكفت سبقني حليم بالخطوات  ودنكت شويه وخليت ايدي على ركببي وكمت ابجي
حسيت راسي يريد ينفجر

وكف حليم ورجعلي
ميسم

-مااتحمل بعد والله   ، مااحس اله وكعت قطرة دم
حليم كبل رفع راسي
-ميسم خشمج طك دم رفعي راسج

كبل طلع كلنس وخلا على خشمي  وخرت ايده وبقيت لازمه الكلنس

-وضعج مو تمام  ميسم امشي خل نرجع للبيت

ماكو الهم اثر رااااح اموت من التفكير تعبت يعني شنو وين راحو يعني  ،مكاعد اصدك ساعات اكول اني بحلم ياربي بس المشكله ،
المشكله مكاعد اصحه من هذا الحلم كلش طويل هذا الحلم اريد اصحى منه مكاعد اصحه

-ميسم  خشمج ووضعج مو زين صار امشي وراح تتبللين امشي خل نصعد بالسياره

-اتبلل ضحكت باستهزاء هو اني مبلله بالدمع بقت على المطر

حليم-لتعاندين انهيارج وضعفج مراح يفيد بشي امشي خل اوديج للمستشفى نشوف ضغطج احتمال ارتفع

-ماريد عادي دائماً من انقهر هيج يصير هسه ينگطع الدم

دك موبايلي واني اصعد بالسياره منار

مجاوبتهه

حليم-منو

مومهم  صديقتي من الشغل اكيد تريد تسأل ومالي خلك احجي

واحنه بالطريق دك موبايل حليم

-لا بربك الله يبشرك بالخير  جايين
كبل كعدت عدل واباوع عليه كتله عرف شي

اي اي زهراء رجعت

هااااا خوش جايين هسه

ايدي ترجف ردت اخذ الموبايل منه انقطع الاتصال
اريد احجي اريد اسمع صوتهم وين جانو وشكال خابره ارجع خابر

حليم-راح نوصل وتشوفيهه

مكلك وين جانو اخذت نفس عالي اخخخخخ الحمدلله الحمدلله يا ربي الحمدلله كمت ابجي بصوت عالي

ماعولت نوصل كبل بعده مطابك فتحت الباب 
اول مطبك نزلت اركض ومن كد ما جنت سريعه اتزحلكت بالطين ووكعت كبل صاح حليم

الله كمت بسرعه وكملت صعدت اركض
جان باب الشقه مسدود دگيته حيل فتحه عماد

وينهم وينهم  باوعت زهراء كاعده على القنفه وتوزع ابتسامات گبل رحت عليهه ودنكت شمرت روحي شبگتهه

الحمدلله الحمدلله يارب  وامسح على راسهه ضحكت بصوت عالي وخرت منهه

وين جنتي زهراء ليث وين درت اريد اشوفه 
وزهراء تضحك بهستيريه

عماد وين ليث لعد عفتهم ورحت لاحمام شفته مطبوك دكيت الباب
بالحمام مو دكيت الباب  ليث ليوووثي
فتحت باب الحمام ماكو درت على عماد

وين ليوثي سكت

رحت للغرف مموجود وزهراء متبطل تضحك
لل...ليث وووين
عماد ليث ويه زهراء لو شنو شو ماكو

باوعت بابا ماكو

راح ويه بابا

ابوج راح وره مرحتوا كال يدور

يعني موووووو وياه ليث وين ليث لعد

ماادري والله

شنو متدري رحت على زهراء ....زهراء بطلي تضحكين گليلي ليث وين

أشرتلي بحلكهه وهي تضحك ماادري

لزمتهه من ملابسهه وكومتهه
شنوووووووو متدرين ليث ووووووووين زهراء كمت اضرب بوجهه راشديات وكل مااضربهه تضحك بالزايد

ااااااحجي وج احجي ليث وين
درت على عماد وحليم

شبيهه هاي ليش تضحك ومتجاوبني

عماد-ومراح تجاوبج

ميسم-شنو متجاووب سحبتهه عليه هي باوعي اخوج وووين مو وياج جان

هزت راسهه ايييي وضحكت

ليش تضحكين جاوووبي لج متجاوبين گلبي راح يوكف
احجي شي وين ليث

-ضاع خخخخههههه

ضاع وتضحكين ضاع وتضحكين كمت اضرب بيهه جرني عماد

-مررراح تجاوبج وتضحك لان هي مو بالهه يمج
  گبل طلع من جيبه  جيس بي حبوب

اختج متعاطيه مخدرات  ميسم
لو تضربيهه منا للباجر مراح تتأذه وتحس لتعبين روحج
ومراح تجاوبج

باوعت عليه بصدمه سحبت ايدي منه
انت شكاعد تحجي اباوع زهراء تأشر عليه وتضحك

احس توازني اختل مكاعد استوعب الي يگوله عماد ومكاعد استوعب ليث ماكو كبل حليم لزمني جريت ايدي منه

راح تتخربطين لذلك لزمتج

رحت عليهه  اباوع كعدت دنگت عليهه اباوع بوجهه شلون تضحك

زهراء لتضحكين ليوثي. اخونه الصغير وين حبابه احجي
راح يوكف گلبي

ضاع

كامت تخلي ايدهه على خشمهه وتشم وتمسح بخشمهه
وتكح

وين ضاع احجي خل نروح ندوره

ماادري

شنووووووو متدرين شنو انهاريت ورجعت اضرب بيهه وهي ولا يمهه  جروني منهه وحبسوني بالغرفه وميقبلون يفتحولي الباب واني اصيح

طلعوووني اريد افتهم منهه حليم افتح الباااااب افتح الباب اخويه ليث ماكو وهي تشرب مخدرات طلعتي اريد افتهم فتحووووا الباب

حليم-ابوج راح يجي ويفهم منهه كعدي كافي مراح تحجي كنالج

انتووووو شعليكم افتحوا الباب

مقبلو يفتحولي الباب كعدت ابجي على حظي واريد استوعب شنو مخدرات شلون كمت اعيد حساباتي والفلوس ووضعهه كمت ادك على راسي الحد ما سمعت بابا يصيح ومنهار هم ويسألهه عن ليث  بس اصوات الى وهم يضرب بيهه وهي ولا يمهه بغير عالم

حتى اخ متصيح الى ان هدأ بابا كمت ادك بالباب حيل فتحولي الباب بس طبكه عماد مخلاني اطلع

-ميسممم  كاافي شفتي الضرب ميفيد بيهه بابا اختج اظاهر مدمنه من زمان وماخذه شي اقوى حتى من ذني الحبوب الي بجيبهه بحيث بالهه مو يمنه نهائياً

شعجب مملاحظه

هزيت راسي ماادري ماادري ماادري

كافي لتبجين ننتظر الحد ما يخلص مفعول السم الي ماخذته  وبلكت تحجي ابوج هم خطيه هسه تخربط وحليم اخذه

تخرربط ليش تخربط وجعه گلبه

كافي ميسم عوفوا اللوم هسه

خل نررح نبلغ  حتصير اربعه وعشرين ساعه خل يدورون على اخويه

انت مخبله اي خوش حتى يجون يذبون اختج بالسجن لان تتعاطى مخدرات

شلون لعد نسكت واخويه يروح من ايدي انت شدتحجي لا لا

اسمعي مني اكو مصايب  بعد سكتي

مصايب اكثر بعد من هاي المصايب
شننه

عوفيهن هسه بس انت رجعي اتزان عقلج  سمعت صوت الباب انفتح طلع بسرعه عماد لحكته بابا كعد على القنفه وخله ايده على راسه ودموعه تنزل اول مره اشوفه مكسور هيج

باوعت عليه واهز براسي وكلت حسبي الله حسبي الله ونعم الوكيل

حليم عض شفته يگلي اسكت

حسبي الله حسسبي الله عليك

عماد-ميسم

-عوفهه عوفهه خليهه تتحسب

-كوم اطلع برره يلله كوم روح بسببك الي احنه بي راحو بعد ضاعت زهراء وضاع ليث شكوووو كاعد

كوووووم اطلع كوم كوم عوفنه بعد ضعنه من وراكم 

كام گبل على زهراء ضربهه رحت عليه دفعته

عوووفهه مالك علاقه بيهه دير بالك تلومهه لوم نفسك اول

وخرررري لا اموتج انتِ هم اله اموتهه هسه

موتهه واموتك اني موتهه واموتك اني شكووو هسه صاير اب وين جنت لعد من سنين اطلع من حياتنا

خطيه حليم وعماد احتاروا بينه ومعافونه ولا نايمين ولا كاعدين  اخر شي سكتت وأيست وانتظر الفرج تصحه زهراء حليم وعماد قنعوا بابا يروح يرتاح لان كل شويه اني ويا نتحاجى

ميسم-صارت الساعه بالوحده واني اللوب

ماكو شي يوخر مفعول السم الي ماخذته
اريد بس اعرف بيا مكان ضاع ليث

صبري اله ينتهي مفعوله  وراح تدور على حبايه لان هم مراح تكدر المخدرات مو عبالج سهله حبايه ينتهي مفعولهه ويرجع العقل العقل راح ينجن بالزايد لان كل جسمهه يحتاج جرعه ثانيه لان اختج مدددمنه اعيدلج

الحد الساعه سبعه المغرب يالله بدت تصحى وجسمهه يرجف كامت تلوب وتكوم منا وتكعد هنا وتباوع علينه

الحد ما كامت رادت تدخل كمت وكفت اني عماد جان كاعد على القنفه گبل كال الهه

وين زهراء رايحه

دارت عليه وخليت ايدهه على زندهه تفرك بي رجعت خلت ايدهه بجيبهه تدور بي

اخر شي طلعت ايدهه من جيبهه ولزمت قمصلتهه حيل تعصر بيهه

جسمي يوجعني ووووو

مشت باتجاه الغرفه واني اباوع عليهه خليت ايدي على حلگي شلون ممنتبهه الهه اني

دخلت للغرفه ردت ادخل وراهه عماد كال عوفيهه
كامت تفتح بالمجرات كلهه اخر شي طلعت

عماد-تدورين على شي زهراء

زهراء-ااانت اصلاً شعليك طلع من جيبه الجيس

تدورين على هذا

كبل فتحت عينهه مثل الاسد من يلگه فريسه ويريد يهجم عليهه عيونهه نطت راحت عليه

رادت تجرهن منه كام

انطيني ....ااانطيني مالتي ذني

وين اخوج ليث

انطيني الحبوب

احجي وين

اااانطيني اكلك

رحت عليهه لزمتهه هجمت عليه جانت قويه كلش مثل المخبله
جرهه عماد

اخووووج وين

ميسم ميسم كليله خل ينطيني الحبوب فدوه گليله

ميسم-احجي زهراء ليث وين

عماد-ماانطيج الحبوب اله من تگولين وين اخوج

زهراء-ضاااااااع كتلكم ضاع  ماادري صاع انطوووني حبايه

حاولت رادت عماد حصرهه تكولين انطيج جنت اشوفهه كدامي تنهار علمود الحبايه مااعرف بهاي اللحظه افكر باخويه لو بيهه 

الحد ما گالت بالبتاوين ضاع

عماد-شوووداج للبتاوين

رحت ...رحت علمود ادور خلت ايدهه بحلگهه وعضتهه وكامت تصرخ انطوني حبايه قفلت على الحبايه 
عماد-ميسم ولو انتِ مو بحال هسه تلملمين الغرفه الي مابيهه اغراض هواي بسرعه فرغيهه ماريد تخلين بيهه شي وياريت لو بيهه قفل

ليش

اقفل عليهه  الغرفه متشوفيهه

اي ...اي ركضت وحليم ويايه فرغتهه من كلشي هي جان بس بيهه كنتور   غرفتنه وتنقفل فرغنه كلشي بالغرفه الثانيه وحليم وياي

اخر شي دخلهه وهي مجلبه بي حتى عضته علمود الحبوب  شمرهه بالكاع وطلع بسرعه اني انهاريت جسمي گله كام يرجف مكاعد استوعب ابداً

ميسم-حليم  وين هاي البتاوين اريد اروح

حليم-راح نروح اني وعماد

اني اروح وياكم اريد ادور على اخويه

عماد-ااحنه رايحين  انتِ ابقي يم اختج

مااكدر مااكدر اني اروح ادور وياكم

-انتِ مخبله تعرفين شنو البتاوين   موعبالج منطقه عاديه الي يدخل غريب هناك يعرفوه وچماله بهذا الوقت

انت شدتحجي دتگول عبالج منطقه عاديه واخوويه بيهه شلون اكدر اكعد

-ميسم تره مو بحال هاي السوالف

-يا سوالف اخويه  ضايع هناك

-لعد احنه ووووين مولين غير ندوررر   تره اني ********
من البارحه لليوم

-شكراً روح ارتاح مكتلك تبقه خلفله عليك رغم منقرب من قريب ومعفتنه

-اني مكلت هيج فهمي  علمودج منعرف الي راح يصير
اني وحليم رايحين ندور ومنرجع اله نلكاه

حليم-ميسم لتخافين وابقي يم اختج

عماد-ولتفتحين الباب الاختج دير بالج لو شتسوي

جانت تصرخ واحنه نحجي وتتوسل انطوني حبايه طلعوا واني بقيت واكفه بمكاني اباوع على الباب  الي تفلشه وتصيح زهراء

اخر شي كعدت يم الباب ابجي واسمعهه شلون تتلوه وتصرخ من الوجع والوم بروحي شلون مجنت منتبهه واول مره تسوي هيج شمعنى هالمره

وام نور مبين عرفت هي وابو نور ويستحون يدگون الباب علينه مع العلم صراخهه واصل الهم اخر شي اندك الباب

فتحته ابو نور

ابو نور-مكدرت اكعد بعد ومابيدي شي وصوني عليكم الولد

محتاجه شي

رحمه الله والديك

خاف تحتاجين شي گولي

متقصر خويه

سديت الباب ودخلت

زهراء-ميسيسسسسسم عليج الله فتحي الباب راح اموووووت بس حبايه وحده الله يخليج عليج الله

ميسم-رجعت كعدت  ووجهي على الباب
-ليش هيج زهراء من شوكت من شوكت انتِ هيج

زهراء-انطيني حبايه عليج الله والله موجوعه مووووجوعه عليج الله شبيج ليش هيج وياي انطيني حبايه

كامت تدك حيل بالباب حتى فزيت لان جانت هادئه
وفجأه عاطت

ساعه ساعه تمر وكل ساعه تاخذ من عمري سنين
جنت ويه كل صرخه وبچيه الهه ينهد حيلي ومابيدي شي اسوي الهه

مسكتت ولا لحظه الحد الصبح كل شويه اخابر على حليم يگلي ماكو بعدنه  اخر شي اندك الباب ركضت فتحته وراسي مثل الطبل

من وجوهم عرفت ملگوا اله اثر

حليم-راح نرجع ندور

هزيت راسي بيأس

عماد-ابوج بعده يدور اني راح اروح للدوام وهم ارجع ادور مقبلوا ينطوني اجازه وعدني مقال لازم اقدمه

بقه حليم يمي وزهراء تصرخ وتون من الوجع

-ننطيهه حبايه لو شنوراح تموت 
-دير بالج  دير بالج ميسم عوفي العاطفه هسه لتضعفين وتنقهرين عليهه علمودهه مو علمود احد ثاني

-مااعرف شلون مجنت منتبهه الهاي الدرجه اختي ضاعت واني ماعندي اي خبر عنهه  صح كلامه لليتسمى ابونه بسببي

-مو بسببج  كافي تلومين بنفسج
صار الي صار الكلام مراح يغير من الواقع

وجهج اصفر راح اكوم اسويلج شي

-ماريد

-ميسم  لازم تصيرين قويه شلون تخلين اختج ترجع الوضعهه كل هذا يرادله حيل وصبر واذا تبقين هيج اختج محد الهه

خليت ايدي على راسي وباوعت عليه
تذكرت بيبي نسيتهه

حليم بيبي

بيبيتج بخير يمنه لتشيلين هم

باوعت سوه لفه وگلي وين المفتاح
انطيته المفتاح اول مفتح الباب رادت تطلع دفعهه وخلالهه الصمونه وطلع وكامت تدك حيل بالباب وتغلط اخر شي رجعت تتوسل بيه وتترجاني اساعدهه  مجانت تسكت ابداً وامي تتصل كل شويه مااجاوبهه ماريد اسمع صوتهه

ساعه مرت اني نشفت دمعتي بس گلبي كام يوجعني مااكدر اوصف الي اني بي ماكو كلمه توصفه الاول مره بحياتي كلهه رغم كلشي مر افقد الامل الهاي الدرجه

حليم-راح اروح اني ادور بلكت الكه اثر

-شكراً حليم
-على شنو تشكريني ميسم هذا واجبي

فتحت الباب راد يروح شفت ماما تصعد الدرج

ميسم ليش متجاوووبين

جانت فحطانه من الدرج

زهراء عرفتي شي عنهه  سمعت صوت صياحهه الزهراء دخلت بسرعه راخت باتجاه الباب

شبيهه اختج وليش قافله الباب فتحي بسرررعه

حجالهه حليم كامت تدك على وجهه اني بقيت ساكته الحد ما وجهتلي الاتهام

وانتِ شلون تخلين اختج تتعاطى

ضحكت باستهزاء

متحجين شلون تخليهه هيج تسوي ليش مكتيلي

حليم-مجانت تعرف

-ليش متعرفين ميسم  ليش عايفه اختج هيج جان كلتيلي

ميسم-كااااافي  كافي انتم شنو

خليت ايدي على خدي  انتووو شنو من بشررررر الله، الله الله على مثالياتكم الي جاي تطبقوهه براسي
لتذبون عليه اللوم لومو نفسكم ولو مره وحده

هاي بتج وأشرت على الباب جنتي فرحانه تفرفرين ببت رجلج الي من اخابرج واكلج بتج ماكو تتهمسين وكوه تحجين خاف يسمعج رجلج

اجيتي تفترين ويه زوووبه  حتى مسألتيني على بتج ورغم هذا اني وكتلج بتج تعبانه سألي عليهه 

سألتي؟

لا  مسألتي ولا اهتميتي تره بتج وصلت الهذا الشي بسببج جانت متعلقه بيج انصدمت من عفتيهه وتخليتي عنهه ومسألتي عنهه جانت متنام اذا مشابكتج
عفتيهه ولا عبالك اصلاً اعتبرتيهه غلطه

وابشرج ليث ضاع وماله اثر والي ضيعه بتج الي ضاعت من وراج واني اني ضيعتهم اثنينهم مو لان متراهيه وعايشه حياتي وافكر بنفسي ضيعتهم لان
جنت اولي لليل يالله ارجع   حتى اوكلهم واكعدهم ببيت

فتحي الباب خل اشوف بتي

شتشوفين منهه تره الجوه مو زهراء
بتج وحده ثانيه حتى مراح تعرفيهه

فتحي الباااب اريد اشوف بتي

حليم-ام ميسم زهراء بوضع مو طبيعي تره وكتلج مدمنه روحي اقري عن الادمان

حليم مراح بقه كاعد خاف يصير بيني وبين امي اشكال وكل شويه تكول انطوهه راح تموت الحد ما طردتهه من البيت

خلص اليوم الاول والثاني والثالث وزهراء تنهار اكثر  حليم معافني ابد وزهراء متاكل نهائياً ومتتعب من الصراخ حتى الحمام متسأل عليه  ولا تسأل على اكل بس تريد حبوب والولد وبابا يدورون

الحد ما أيسووو  بابا رجع للبيت   يجي بليل من يتعب من التدوير

وامي تتصل مااجاوبهه ومنكدر نبلغ لان نخاف خاف ياخذون زهراء  وحليم محامي هم خوفنه

اخر شي من شفت بابا كعد واستسلم  وطلع الصبح ولا العصر وماكو ليث ولا اي خبر عنه انهاريت

-شو مرحت دورت
-ماكو شسوووي مبقيت مكان مدورته
وليث

ليث كاعد ندور عليه البتاوين ماكو دندور بغير منطقه

زهراء كالت بالبتاوووين يعني اخويه بالبتاوين

انعل ابوهه الهاي ووين المفتاح خل اكتلهه واريح گلبي

راد يروح للباب وكفت گباله

روح روح منا بابا انت عفتنه عوفنه بعد ولتكول انتم تنحسبون علينه تبره من عدنه مثل قبل الله يخليك روح وعوفنه

دفعني على الباب وخنگني يريدني اطلع المفتاح

-المفتااااااح وين اتاحجي طلعي المفتاح

-بعدت ايده عن رگبتي الي خانكهه
ماانطي المفتاح والله

دفعني من يم الباب  وكال سهله هسه افلشه
حاولت ابعده مكدرت جان يضرب بالباب
كمت اصرخ جان الغضب واضح عليه وواضح مراح يعوف زهراء

انفتح الباب من كد ما كام يدفع بي
وراح على زهراء نام هلى خوانيگهه

وهي اصلاً من كد ما تعبانه لان متاخذ حبوب وبس تصرخ ماعدهه طاقه حتى ترفع ايدهه

كمت اجر بي واصرخ وابجي عووووفهه عوووفهه وخر منهه

اباوع رجلهه كامت ترفس
مكدرت اوخره منهه جان يخنك بيهه

.........يتبع

...........................................