ازقة الموت

البارت 2

ازقة الموت
الكاتبه -زينب العبودي
البارت الثاني

باوعت ماما  ووياهه بنيه شابه وديتفقون على  حجز للقاعه

وكفت بمكاني متحركت وعيني عليهه  
اشوفهه شتطلب الهه وشلون مهتمه  بيهه لو مااعرف هي امي جان خمنت البنيه الي وياهه بتهه

بقيت واكفه وباوع الى ان انتبهت عليه وشافتني   بينت على ملامحهه انصدمت  گبل ابتسمت

بقيت واكفه  عافت البنيه تحجي وياهم واجتي عليه
وهي تضحك

-ميسمممم شعندج هنا

-اني اشتغل هنا  .....ماما
-ياااا عفتي الصالون

-لا معفته هم بعدني بي بس يادوب نلحك على المصاريف

مكتيلي اني بلله اشتغل هنا انتِ شعندج هنا  وحولت نظري على البنيه الي وياهه

دارت وجهه باتجاه البنيه وگالت

بت زوجي  هاي حنتهه  خطيه وجينه نحجزلهه قاعه ورده مال الله ولج ميسم شايله هم من تتزوج ابقى وحدي
زوووووبه تعالي

ميسم-اجتي تبتسم  زوبه واني اباوع مبتسمه بس  عيني دمعت انقهرت يمكن طبيعي الموقف بس وجع گلبي 

-زوبه   هاي ميسم

- اهلاً ميسم  كرايبج

ميسم-بتهه اني الجبيره
-بنتي الجبيره
زينب- يااا فدوه انتِ بتهه اهلاً وسهلاً

-زوبه باعي الصدفه ميسم هنا تشتغل طلعت
ميسم متكوليلهم شويه يتساهلون ويانه  خطيه تفرقلهه
بعد وراهه كومه شغلات
ميسم-اسعار ثابته  للاسف    يايوم انتم تريدون بلله

-على الخميس  اليجي
ردت اعرف شوكت حتى بيومهه احاول اخذ اجازه

بقت تسولف ويه زوبه واني واكفه  كتلهه  يلله ماما اني عندي شغل 

-اخذي راحتج  حبيبتي
-مشيت خطوه وحده  ورجعت ووكفت  گبالهه زهراء زينه

-اي صدك  شلونهه زهراء بالي يمهه  كل مااريد اخابرهه تطلعلي شغله وانسى

- ابتسمت وبقيت اباوع عليهه بنظرة عتب متجرأت تبقي عينهه بعيني  ...كتلهه واضح  المهم اتصلي عليهه وسألي عليهه  عود لان من اخذت النتيجه تعبت نفسيتهه
-صدك تحجي عليمن
-عفتهه ورحت  متحملت  ابقه واكفه
طلبت منهه تتصل لان زهراء تعبانه نفسيتهه كلش من جهه المعدل ومن جهه بعدهي مكاعد تتقبل زواج ماما وتركهه النه

رحت للحمامات غسلت وجهي اباوع عيوني  حمر اختنكت وكمت اكح فجأه نزل من خشمي دم  غسلت
ورفعت راسي وسحبت كلنس  وخليته على خشمي

احس راسي يريد ينفجر يمكن ارتفع ضغطي من كد ما انقهرت

الى ان توقف غسلت وطلعت  لكيتهه رايحه
رجعت بيومهه بعد ماانتهى الشغل
الطريق كله مدمعه عيوني متألمه  امي تخلت عنهه بكل سهوله

  الحقيقه اني هم مو بس زهراء  مكاعد اتقبل تخلي امي عنه وبناء حياة جديده الهه بعيد عني وعن زهراء

-وصلت لكيت ليث يلعب كبال العماره  دنكت المستواه وبسته  وانطيته الجبس كل مااجي اشتريله وياي
وكتله

الدنيا ليل ليوثي ليش بالشارع حبيبي مو متفقين
متطلع بره
بهاللحظه طلعت بيبي

-اني يمه كاعده  هنا شنسووووي ملينه 
الولد اختنك وعرس عليه يبجي  هسه شويه وندخل باوعت منزله كرسي من ذني الكراسي اللايلون الابيض ومخليه مندر بي وكعدت

بوستهه وصعدت رحت لكيت زهراء متمدده وكئيبه
شمرت جنطة الملابس وذبيت الحجاب وكعدت

-شلونج
-زينه
-شخبارج بالشغل
اول مسالتهه بجت

زهراء شبيج صاير شي

-تعبانه نفسيتي مكاعد اتونس بكل مكان احس نفسي صايررره مو طبيعيه احس مفسي اريد اموت

-زهراء حبيبتي صدك تحجين عليج الله صاير شي وياج

-والله لا بس بس مختنكه

-من وره سالفة المعدل
-لااااا
مقهوره حيل ليش لا بابا ولا ماما يحبونه ليش لعد خلفونه اذا يعوفونه اني ....اني حتى امتحاناتي مسيطرت عليهن لان بابا وماما عافونه

-زهراء
-لتكولين اي شي ولا تبررين مووو بيدي مو بيدي مقهوره ليش احنه مو مثل الباقين همه عايشين مميتين حتى احنه نبقه وحدنه عايشين ميسم عايشين تعرفين شنو عايشين

-اتصلت عليج ماما اليوم
-ههههه تتصل مو عيب بعد هي تزوجت وعدهه حياتهه احنه منو حتى تتصل علينه

كامت كمت وراهه كبل قفلت الباب  احتاريت شسوي ال زهراء وهي مو طفله شلون احجي وياهه وشلون اقنعهه عادي وهو تخليهم عنه مو عادي

صح كلامهه همه عايشين مو ميتين لو ميتين هذا واقع حال عل اقل نكول لو عايشين امنه وابونه جان مخلونه نتبهذل بدونهم بس همه عايشين

...................
زهراء-اختنكت ودخلت للغرفه اعصابي مشدوده مكاعد اتقبل امي تزوجت وعافتنه جنت متعلقه بيهه هواي وحتى واني جبيره ماانام اله بحضنهه

بقيت سهرانه وصورتهه بيدي الليل كله  اخر شي اندكت باب الغرفه الي هي غرفة ماما بالاصل فتحتهه

ميسم-مكدرت انام بالي يمج

-مابيه شي بس جنت مختنگه ومن بجيت ارتاحيت
نام ليث اكيد  لان متفتقديني اله من ينام

ميسم-تغاااااارين
زهراء-لا مااغار
ميسم-كمت اضحك وادغدغ بيهه واصيحلهه تغارررين والله وهي تضحك الى ان وكعت على الجربايه

-ميسم هي مكسره الجربايه كعدي راحه حيكعدون بيبيتج واخووووج

ميسم-هم صدك حيكعدون بس عجبتني ضحكتج مردتهه تختفي

زهراء-كعدت كبالي وجرت ايدي لزمتهه   وكامت تباوعلي بحنيه

ميسم-مااحب اشوفج حزينه
-لتباوعيلي هيج انتِ مو امي ليش تاخذين كل الادوار
مو تعبين هيج

ميسم-انتم بالنسبه الي اطفالي واخواني وعشقي وكلشي الي بهاي الدنيا

-زهراء ماما مسوت جريمه  لازم تتقبلين هي عاشت حياتهه هي صغيره

-لتبررين ابداً الهه مادام خلفتنه مو من حقهه تفكر بحياتهه بعد  ، ليش خلفتنه اذا هي تريد تعيش
ليش رب العالمين ذكر بكتابه الجنة تحت اقدام الامهات
ليش غير لان الام تضحيه  مو تضحي بيك علمود فراش

-لتحجين بهيج شغلات
-خاي الحقيقه امج تزوجت علمود الفراش وله هي هم كاعده ببيت عدهه غرفه ويم بناتهه بس عي اختارت تضحي بينه مو تضحيلنه

ميسم-عوفج من هاي السوالف خليهه هي حره باختيارهه اني وانتِ سوه هذا اهم شي عوفي السوالف الحزينه احجيلي على شغلج  حلو لو لا والبنااااات والشباب خوما يضوجج بتصجيماتهم

زهراء-بأبتسامه اي بحواجبي هاي صديقاتي يصنفن على حواجبي  صدك نسيت خليني اسويهن شويه

ميسم-ليش لا خلي اروح اجيب الملقط والخيط
كمت بسرعه رحت اجيبهن  من صوت الجقجقه بالاغراض رفع راسه ليث

ميسم-نام نام ليوثي

ليث-بس انتم كاعدين

ميسم-كلاوچي مجنت ناااااايم
ليث-اريد اكعد وياكم معليه
ميسم-نام باجر اجيبلك هديه يلله يا حلو عفيه عفيه بالبطل نام الحلو عفته ورحت ال زهراء

زهراء-يأذي الخيط مووو
ميسم-تعالي نامي على رجلي
زهراء-خايفه والله
ميسم-ههههه خبال دتعالي نامي تعالي كل ما اجر شعرايه من حاجبهه تخلي ايدهه وتريد تبجي
رتبتهن بس جانن ثخان كلش ومعكودات وخرت العكعده شويه وكتلهه كومي وكفت كبال المرايه

ياااااي باوع وجهي شلون اختلف عاشت ايدج
بستهه وكتلهه شكراً  رادت تطلع

ميسم نامي يمي

تعالي انتِ يمنه بالغرفه ليوثي بعده منايم ويلوب

لا ماريد يلله غير مره

ميسم-احتاريت بينهه وبين ليث حسيتهه ضاجت بس ليث مينام معناهه رحت اول مسحبت الغطه شبكني وخله راسه على صدري

بعدك منايم ليوثي
-اخاف
-ممممم كذاب
لزمت ايده وبستهه

ميسم-الايد صايره كبيره  
واني اللعب ويه ليث كامت بيبي عبالي تروح للحمام فجأه سمعت باب الشقه ينفتح كمت  ركضت وليث اخترع من كد ما كمت سريعه  فتحت الگلوب وصحت

-بيبي وين رايحه حبيبتي
دارت وجهه عليه  وصفنت

اريد اروح المنيره

منيره اختهه متوفيه من زمان رحت عليهه
بيبي حبيبتي حلمانه بيهه

انتِ منو

بيبي اني ميسم حبيبتي تعالي دخلي
لا ...لا منيره تنظرني اوديلهه الخبز بلا ميدي فرحان لان يكول احنه هم ماعدنه وخطيه عدهه ايتام

-بيبي  حبيبتي تعالي دخلي منيره ماتت من زمان

دوختني بيبي جنهه حلمانه وبعدهي نايمه كوه دخلتهه ورجعتهه بمكانهه تنام

جان ليث وامف على صفحه كتله تعال نام حبيبي

ليث-شبيهه بيبي
-حلمانه حبيبي
-يعني شنو حلمانه
-يعني يا استاذ ليث انت متحلم الانسان من يغمض عينه ويغفه كلش مرات يزوره شخص  ويشوف اشياء حلوه يكعد يلگه نفسه بمكانه

-عرفت عرفت مرات اني احلم اني بالحمام اسوي ببي
واطلع بالفراش

-اييي بالضبط هذا الحلم السيء يلله نام ياوكح كلش تأخرت  عن موعد نومتك

حضني ونام بقه بالي يم بيبي اغفه وافز كل شويه

..............................

زهراء-بعد ما عافتني ميسم كعدت اباوع على نفسي هواي بالمرايه عجبني حواجبي وطلعت ملابس شلبس باجر ونمت فزيت على صوت المنبه

بدلت وطلعت رحت عبريه  اني شغلي سكرتيره لمدير المصرف وويايه واحد ثاني مجامله خلاني المدير

الي دبرلي الشغل منار اعرفهه صديقة ميسم وتشتغل وياهه حبيبهه يصير اخو ابو المصرف اني خابرتهه بوقتهه وكتلهه بلكت تدبرلي قبل لا اكول ال ميسم كلت من يدبر الشغل اگول الهه بس هي وصتني مااكول الميسم  ليش مااعرف وميهمني ليش المهم هي دبرتلي وشغل مريح

دخلت للمصرف مستحيه احس حواجبي مبينات سلمت على الموظفين الي اعرفهم وكبل رحت للمكتب

-صباح الخير
سيف-صباح الخيرات شعجب اليوم من وكت جايه

-ماكو ازدحامات 
انطاني فايل گلي ودي الست ايمان كليلهه تدقيق
ودت اخذه جره

-اليوم بيج شي غريب
-استغفرررر الله انطبني الملف
-ممممممم مسويه حواجبج

-رفعت حاجبي انت شعليك بسوالف النسوان
-اتشاقه وياج شبيج

اخذت الملف ورحت الست ايمان لكيتهه ماكو خليته على مكتبهه مكتبهه بالبدايه وهو ماكو غرف بس غرفة المدير الباقين كلهم مكتب بصف مكتب بس مكتب الست ايمان مفصول عن مكتبهم

رقيه-شنو هذا
-سيف كال اودي الست ايمان اكلج اني بعدني كلشي مااعرف
-اي عادي شويه شويه تتعلمين اني هم هيج بالبدايه
ولج طالعه حلوه اليوم شو باوعيلي مسوووويه حواجبهه

-اش فضحتيني يمعوده
-هههه  حواجبج مغيراتج مو بس بالشكل حتى بالنفسيه

رقيه الوحيده الي صارت صديقتي حتى حاجيتلهه عن وضعي  بقينه نسولف من شفت السيد  يوسف اجه
كبل رحت  جهزتله الكهوة ووديتهه اله

رجال جبير وكلش محترم بشكل 
كعدت بالكرسي الي بصف سيف يحاول يتشاقه وياي اني ولا يمي مااحب الشقه يصيحلي معقده

صارت تقريباً بـ١٢  كال سيف نوصي على اكل كتله لا ماريد شكراً

كال مادامج هنا هسه اجي اني انتبهي
بقيت كاعده شويه ومااحس اله واحد  دخل راح يدخل مباشرتاً السيد يوسف

ووين داخل انتظر

باوعلي بتعجب رفع حاجبه انتبهت عليه بنطرونه مشكك وتشيرته مبهذل ولابس سلسلة فضه بس كلش ثخينه

وياي

اي وياك وين

تقرب عليه لازم انتِ جديده ومتعرفيني

اي جديده ومااعرفك منو حضرتك وشكو كبل داخل

اني  علاء

عاشت الاسامي علاء   انتظررر هنا خلي ابلغ سيد يوسف
يالله

كمت وصلت للباب كتله اكله منو

علاء

اي يعني منو وشتريد

گليله علاء وهو يعرف

استغفر الله دكيت الباب ودخلت
جان يجري اتصال اضطريت انتظر الى ان ينتهي الاتصال

رايده شي زهراء

سيد يوسف واحد شكله غريب راد يدخل گبل
ملابسه مشگگه وها اسمه علاء گبل ضحك

گال خلي يدخل

تعرفه يعني

اي ابني هذا

ااابنك  تمام سيد يوسف طلعت مستغربه وفشلانه لان حجيت عليه كتله يكول تفضل جان كاعد ومخلي رجل على رجل  ابتسم وگام

رجعت كعدت اني بقه يمه بالنص ساعه بعدين طلع
اول مشافه سيف كام وگله هااا علاء هنا بقو يسولفون اني ولا يمي  وهو كل شويه يباوع عليه  ويحجي اخر شي كله هاي العينتين مخلتني ادخل گبل تحقيق حسيت نفسي داخل مكافحه

باوعت عليه ودرت وجهي عنه

من يومهه واني وضعي النفسي يتدهور  واكره البيت لان بيبي طلع بيهه زهايمر وميسم مهتمه ببيبي وليث بس

والشغل رقيه  ياهو الي احجي ويا تگلي دير بالج منه او منهه وهذا علاء مااعرف ليش وهو يجي هواي ويشمر بالكلام  ويتفحص جسمي احس نظراته محلوه  جنت مرتاحه قبل لا اشوفه
بعدين كمت اكره الشغل حتى مرات يحاول يفشلني بكلامه

ومن كلت ال رقيه حذرتني منه  بالزايد كالت نسونجي كلش دير بالج منه

بعدهه  تقربت مني بنيه ثانيه نرجس رقيه گبل هم حذرتني منهه بس اني اشوفهه كلش حبابه بشكل مو طبيعي
بس رقيه دوم تحجي عليهه وحتى ابتعدت عني كمت كله ويه نرجس وتصبرني دائماً بكلامهه وتنصحني شلون اتخلص من حالتي النفسيه واقترحت عليه اروح دكتور نفسي كالت اشياء بسيطه بيج بس يحتاجلج دكتور نفسي لان امج عافتكم ومن هالسوالف

بس  بعدين يمهه وعلى سوالفهه اتونس 
بعدين سولفتلهه على علاء كلش مدحته عكس رقيه ومن كتلهه رقيه كالتلي  تغار منج لان احلى منهه
صدك بعدين كمت احس رقيه تغار مني

جنت كاعده اني ونرجس وسيف دخل علاء عبالي يدخل الابوه شو هذا كعد يمنه وبس يباوع عليه

ندستني نرجس برجلي باوعت عليهه غمزتلي
خزرتهه  شو خاي گبل كالت

سيف تعال اريدك بشغله
انصدمت اني طلعوا وعافوني اني حاولت الهي نفسي باوراق الاجايز مال موظفات

علاء-شوكت تحسين  كل جياتي علمودج

زهراء-نعم

-اي اي  تره تعبتيني علمودج كاعد اجي

-يسلم مودك باوعلي اني مو من ذني البنات الي تضحك عليهن

-هو لان مو من ذني البنات گلبي قفل عليج
والله معجب بيج كلش كلش دخلتي گلبي

منطيته مجال ضاج وطلع اجتي نرجس تحاول تقنعني
يومين ومااحس اله اتصل عليه وعرفت نرجس منطبته رقمي

بقه يلح بالاتصالات هواي كمت اسوي الموبايل بسببه صامت  خاف ميسم تعرف

كلامه جان يخبل كمت احسه ابويه يحاسبني على لبسي
وويغار عليه ومن احجيله يحاول يصبرني

شويه شويه حسيت هو الامان ألي وكلامه يطمني
وفجأه كام يلح عليه نطلع  واني اخاف مااكدر
رغم ما لا ابويه ولا امي موجودين بس اخاف من ميسم

ونرجس كالتلي طلعي وياه شكو يعني ليش هالخوف وهو يحبج جنت متردده اطلع بس زعل مني وكال انتِ متأمنين بيه  ومن هالكلام انجبرت اقبل حتى مااخسره

كعدت الصبح مثل كل يوم لكيت ميسم كاعده

شعجب كاعده
ميسم-منمت اصلاً
-ليش
-زهراء بيبي بيهه زهايمر
-ويعني شنو الجديد نعرف بهذا الشي

-الجديد ما اكدر أأمن لا عليهه ولا على ليث يبقون وحدهم من الصبح الى ان ترجعين واني عندي صالون الصبح

-ليث دوامه راح يبدي
-وبيبي بلله طلعت ومندلت ترجع بعد
-الحل شنو

-اتركي الشغل بالاساس انتِ السنه التجي كليه وتعوفي

-مااكدر اني اتِ تركي الصالون هو بس تعب الج
-شلون والايجار وعلاج بيبي
-راتبي موجود اني اشيل الايجار وانتِ شغلج مصرف

حاولت وياي مقبلت اني مرتاحه بشغلي كلش
خربت مودي من الصبح  بدلت وكمت اباوع على نفسي بالمرايه

غزل علاء بيه خلاني اشوف نفسي كلش حلوه
خليت حمره طوخ شفتي شويه متمتلئه  وخشمي طبيعي وعيوني كبار وسود كلش وحواجبي ثخان وبشرتي حنطيه اني الوحيده بيهم حنطيه بشرتي
قصيره وجسمي متروس مو ضعيفه ودائماً اللبس تنوره ميدي نادراً ماللبس بنطرون

واللبس ترانشوز بس هالمره لبست كعب عالي لان علاء طويل

من ردت اطلع باوعت عليه ميسم

شنو وين رايحه

للدوام غير

شو مخليه حمره طوخ

تره اني جبيره ميسم  عفتهه وطلعت
داومت مثل كل يوم ووقت الطلعه لكيت علاء ينتظرني بعيد عن المصرف صعدت ويا السياره بس خايفه كلش
كبل لزم ايدي سحبتهه منه

-شبيج
-ارتبكت كلش وكتله ماادري
-زهراء  ماعندج ثقه بيه
-لااا مو هيج

اخذني الابو نواس
المكان يخبل جنت حيل مرتبكه وحايفه
جنه نمشي بالشارع  والاشجار والخضار يجنن

لزم ايدي فجأه ردت اسحبهه جرهه قوي

-والله راح ازعل
زهراء-حسيت گلبي كام يوجعني بس شويه شويه هدأت وحسيت بدفو ايده باوعت عليه ابتسمت

شويه شويه واخذني مكان مابي احد خفت اني ماتحس اله جرني

راد يبوسني تخبلت اني باوعت عليه بغضب

شكاتد تسوي

احبج اني

اااااانجب حقيرررر كم مره كتلك اني مو من ذني البنات

جرني حاولت ابعده عني مثل المخبل كوه وخرته عني اخر شي كام يحجي كلام محلو عفته ورحت صاح

-معقدددده  انتِ  لعبتي نفسي

واني امشي صحتله
حيوووووان مو صوجك صوجي اني الي أمنت بيك

طلعت اركض گلبي كام يوجعني كلش
رجعت للبيت خايفه  باوعت ميسم داكه عليه اكثر من مره جنت مسويته صامت

خابرتهه كتلهه تأخرت بالازدحام وعرفت منهه هي رايحه
للشغل

رجعت مطايقه احد حبست روحي بالغرفه وكل شويه يجيني ليث يگلي جوعان اعيط بي  ويطلع

ثاني يوم اول مرحت للشغل گبل دخلت الابو وحلفته من احجيله ميطردني

وكتله عن ابنه ومطردني الحمدلله  وانطيته حظر من الاتصال   بوقتهه ومااعرف ابو شسوالى المهم خلصت منه وواضح جان جذاب

لامتني نرجس لان كلت الابوه وكالتلي احمدي ربج مطردج سيد يوسف لمتهه وكتلهه انتِ كتيلي هو خوش ولد وجانت مصرة  تكول خوش ولد رغم الي عرفته بلشي الي سواه الي 

استمريت بالدوام بس تأزمت نفسيتي اكثر واكثر وصرت لا اطاق بالاكتآب الي عايشه بي الى حبيته وانصدمت من الي راد يسوي بيه افتقدت اتصاله وحنيته عليه وكلامه بس اخاف منه واصلاً هو مأجه بعد للمصرف

ميسم من كد ما تشوفني داخلة اكتآب اقترحت عليه اروح دكتور نفسي

واني هم رحت لان جنت واصله مرحلة حتى افكر بالانتحار

مااعرف ليش هيج بلا سبب ومااكدر اطلع من الحاله الي اني بيهه وصلت مرحلة ابجي ساعات طويله ومااعرف بروحي شريد اريد ارتاح مالكه الراحه

رحت للدكتور ومفادني العلاج بس انام وايدي مااكدر اشيلهه حتى كمت اغيب عن الدوام خفت لا يفصلوني
كمت اجبر روحي اروح

جنت كاعده اجتني نرجس

شبيج

تعبانه نرجس

علمود علاء مو امداج هو يحبج بس انتِ خسرتي من گلتي الابو

يا علاء تعبانه مااعرف ليش

روحي دكتور نفسي

باوعت خاف احد يسمعني تقربت عليهه وكتلهه رحت

اي مفادة

لا بلعكس انوب كمت بس انام

ميخالف استمري على العلاج

عفته

رجعي اخذي 

حتى اعصابي مال ايدي احسهن رخن بسبب العلاج

-بقت كل شويه  تقترح عليه شي راح يوم وراحن يومين فجأه اجتي كعدت يمي  حسيت تريد تحجي شي
محجت اله من كام سيف للغرفة السيد يوسف كبل جرت الكرسي وتقربت يمي

-ماتحس   اله انطتني حبايه استغربت وكتلهه شنو هاي

-حبايه شنو هاي منطيتهه الج كدام سيف لان غير ميعرف وضعج

امي هم مثلج وتراجع دكتور  جبتلج حبايه من علاجهه
اذا فادتج حتى تروحين الهذا الدكتور بس غالي علاجه

-فدوه رحتلج نرجس الوحيده الشايله همي اخذت الحبايه منهه  وبستهه لفيتهه  بورقه وضميتهه بالجنطه

-متشربيهه
-لا خاف تخليني انعس يمعوده من ارجع اشربهه

-لا ولج كلش زينه متخليج تنعسين
-صدك
-ايووون ياگميل

-كامت رادت تروح كالتلي شربيهه
اي حشربهه طلعتهه من الجنطه  وشربتهه

....................يتبع

حبايبي موعد النشر بين يوم ويوم

واذا عندي فراغ يومي ❤️