مساء الخير عذروني ع التأخير
بس فلاونزة و السخونه موتتني
والله الخاطركم جاي اكتب حتى لا ضوجون
البارت ٣٣٦٠ لحد يگول قصيرر
قرأة ممتعة
لا تنسون التصوووويت اهم حاگة ههههه
#كذب المنجمون ١٣
#بقلم_أم_مختار
(دنيا غانم)
"" رحاب صدرك يسع للجميع
الا لي""
عطايا _حساس حلو ما انكر شگد تمنيت بهل لحضه انسا كلشي ونتبادل الحب واكون زوجة
استحق اناا ما كفرت ولا اذنبت غلط اي نعم غلطت بس ما ضربت احد على ايدة برضات الكل صار همه جانو راضين ماااا ابرر الروحي بس جنت استحق حياة حلوة
بحركة منه جر اللحاف و غطة وجهي رغم الغرفة ظلمه بس هو يمكن يحس بغلط من يكون وياي بعلاقة حميمية اهاته وكلشي بي يبين هو متفاعل
بس يا هل ترى وياي لو يتخايل غيري يتخايل تهاني
كل هل اسأله والكلام احجيهن لدموعي
بس هنه ونيسي بهل لحضات وبس هنه يحسن بيه و يهونن عليه
خلص الي يريده ابتعد عني ولا كأنوا اكو بشر اكو انسان يحس ويتألم وينجرح
عطايا _اذا ما تريدني ليش تتقربلي
كلتها وانا بداخلي الم ما يعلم بي غير ربي
جر باكيت الجكاير وطلع من الغرفه بدون جواب
دقايق ورجع اخذ منشفته و ملابسه رجع ينشف براسه مشط ورجع للفراش
وانا بمكاني اريد واحد يجاوبني
أبان _ كومي سبحي وتعاي نامي
عطايا _ انااا ما جبرت تهاني تسوي الشغل هيه من ذاتها سوته و هيه الرادت اسوي الامك كلشي
رفع الغطا و كاملي اذا جبتي طاريها افرگ حلكج بالنعال سمعتيييي و انااااا وقت مااا يعجبني اتقربلج.
والي تكدرين علية سوي اليطلع بأيدج سوي وشوفي شنووو يصير بيج أبان ساكت اي الخاطر مخافة الله بسسسس والى انا طكة ونص
تلكيني هادم الدنيا بلحضه
عطايا _ هيه انطتني الفلوس والذهب ما جبرتها
أبان _اول مره بحياتي اشووف انسانه وقحة الهدرجة احنه بعشايرنه المثلج نذبحهاااا
عطايا _تغطي وجهييي و تنام وياي شنوووو تريد يكون رد فعلي واناااا زوجتك وماا جاي اذيك والله الصار غصب عني وانااا ما ردت اخذ من احد فلووس بس الجووع والفقر والعوز خلاني اتمادة
أبان _ ببساطة حتى اتخيلها هيه حتى اتخيلج تهاني مااا اكدر ما اتقربلج انا رجال حالي حال أي واحد وانتي حرمتي ورغم غلطج الجبير اكول ميخالف من ستر مسلما سترة الله بالدنيا و الاخرة وانتي حرررررمتي بأسمي الي تاااابعه
عطايا _وتهيني بهل طريقة
أبان _ هذا العندي تردين هيج لو ترديني احط براسج علاكه سوده الحددد ما اخلص الي اريدة
ترى حمدي ربج انتي هنااا والج قدر بيناتنه مكانج السجن انتي وعائلتج بس غيررر انا نضحك عليه وعبالي صدگ تسويلي حل
عطايا _ تكسر وتجبر
أبان _بكيفي انااا سيد هل مكان عندج شي يمي روحي اشكي العمامج الخرا
عطايا _ ستفزني حيل خفت احجي وصير هسا هوسة خذيت ملابسي وطلعت للحمام سبحت ورجعت للغرفة. لكيته نايم
فزيت الصلاة الفجر صليته ودموعي شاهدة على دعائي
أبان _مگابله الله وتدعين علية
عطايا _ بالعكس ادعيلك
ابان _وليش تدعيلي
عطايا _ غير زوجي وابو بيتي شنو بيها لو دعيت
عافني وطلع حتى الجاي ما شربة
مثل كل يوم انا وزوجة نجيب نخلص شغل البيت
وبيان تساعد خطيه
حسن _السلام عليكم
ام أبان _وعليكم السلام
شنو أبان طلع اتصل عليه ما يرد
_اي طلع
حسن _ وين ام علي
بيان _هاي انا
حسن _البيت ظلمة بدونج شنو ما ترجعين
بيان _لا غير گلوباته انا صرت اكسباير
عطايا _انا بالمطبخ وباب المطبخ ع الكلدور و اسمع حجيهم خربانه ضحك البنيه منتهيه ما تريد ترجع
حسن _ نجيب كلوبات جدد ها خاله شتگولين
ام أبان _اي شنو بيها واحنه نجيب هولدر جديد لبنيتنه
زوجة نجيب _ عمتي و طاح بحلگها واحد منو يكدرلها
حسن _زين هل جوزات السته المن يصيرون ان شاء الله
ام أبان مو مشكله وين ما يرحون يرحون المهم بنيتنه ترتاح
حسن _افااا وانا ابن اختج هيج تنطين بيه
ام أبان _انطي بأبوي ساعة اليظلم ولدي
حسن _كليلها مقصر عليها بشي والله حاطها بعيوني
ام أبان _جا من حاطها بعيونك شبيك ما تعرف تحجي كلها احبج الله يساعدج هسا من دخلت صحت ام علي شنو عجوزز
الكلمة الحلوة ما تعرف تحجيها
حسن _انا هذاا طبعي شنو جديد
بيان _ عفته ودخلت للمطبخ
عطايا _قهرني
بيان _ حسن كلبه جلمود هسا هو بدل ميگول اتغير تدللين صبري عليه كلمة اطيب الخاطر
يگول هذا طبعي خلي هو وطبعه خلي يروح تالي الليل يحضن طبعه ويگله مشتهيك
عطايا _ههههههههه
بيان _ أضحكين اي عيني شعليج عندج أبان ابو الرومانسية والكلام الحلو
سرى اي والله نجيب شگد اگله تعلم من ابان جان
من يشوف تهاني يحجيلها قصايد
عطايا _ جان
بيان _ ولازم جيبين طاري تهاني
عطايا _ اجة ابن بيان
يريد تفاحة بتها الصغيرة تريدها تهاني
بيان _هاج استلمي تذكر الخرا يجيك مطوف
عطايا _ منين جيبين هاي سوالف
بيان _ شتريد بيها مو تزوجت بعد شكو تحوم علينه
عطايا _ خطيه هم ربتها انطيها الها تشوفها وترجعها
طلعت بيان تنطيها طفله دخل فرات
فرات _السلام عليكم وين أبان
عمتي _شنو ذابين صركم بثوبه
حسن _هسا زقوم وينه محد حجه
ام أبان يمه عطايا وين طلع أبان
عطايا _للشغل اكيد
أبان _جا شبي ما يرد
فرات _الوووو يابه ابن الحلوة وينك انت
شسوي بالميناء
جا احنه ننتظرك ببيتكم سلام ترى اليوم يوصل من ايران
ام أبان _مو ترى اكله
فرات _والله يسلمني للحرس الثوري يكلهم فدائي هذا
ام أبان _ هههههه حلات سوالفك ولك
فرات _زوجة أبان
عطايا _السلام عليكم
فرات _هلا بالنسل الصحيح اكلج زوجة العضيد
جم اخت عندج
عطايا ٣ وياي اربعه
فرات _وخلصتو
عطايا _اي والله
فرات _ عندج اخت هيج طويله بس مو بطولج اكصر و شوي تارسه
عطايا _عكدت حواجبي ما فهمت شنو يريد
فرات _تشبه خبزه دولمة عرفتيها اكيد
عطايا _ههههههههه هاي عذاب
فرات _ويلاََ لها
عطايا _ليش؟
فرات _تنطوها الواحد مثلي والمسيح الحي واحد يخبل انا وخوش ولد واحب النسوان اقصد يعني احبها احطها بعيوني
ام أبان _هاي ثاني مره اسمعك تحجي عنها تريدها ولك
فرات _عليج بداعة الغوالي اليوم حاجي سلام خلي باجر يخطبلي
ام أبان _اذا جاد احجي ويا
يمه عطايا تنطوها
عطايا_ والله عمه ابنكم ما ينرد بس بكيفها
غير.
حجيتها وانا بكلبي النار المثل فرات حال ومال ما ينرفض بس مستحيل نكدر نوافق علية
الوضع ما يسمح واذا حجاله أبان مستحيل يقبل
ام أبان _اليوم احجي وي ابوك تدلل
فرات _كليلها دلالي عشگها من عيونها
عطايا _تركت المكان ع سريع اريد اتصل ب عذاب
فدوه بيان اكدر اخابر من تليفونج
بيان _اي حبيبتي تلگي فوگ بغرفة ميسلون
عطايا _صعدت ع سريع بس تراجعت لا يطلع حاط هم مسجل لو شي بتليفوناتهم خليت الامر عليهم
تغدينه وانتظرنه أبان يجي
الحد ما وصل و طلعنه ب سيارات البيت ابو فرات
اليوم جاي من ايران وشيخ عشيرتهم الكل لگينا هناك ذبحو جوى رجليه ذبيحة وهو يحضن بيهم ويربت على ظهرهم
من شافني رحب بيه انتي زوجة أبان مو بويه
_اي عمو الحمد للة على سلامتك
_الله يسلمج عمو تفضلو تفضلو
ما قبل يدخل الى همه يدخلون كلهم كاعدين و الابتسامه على وجوهم كلهم فرحانين بي هواي
سلام _شنو صار بغيابي خو ماكو شي منا منا
عطايا _بلشت تحجيله زوجة عن البيت والاولاد
و فلان كسر الالة و جهال فلان ما يكعدون
تقربت من بيان _ هذا موشح
بيان _اصبري جايلنه الدور لا تخافين
سلام وانتي خويه
عطايا _الخوات بالسرة يحجن والخوان ما شاء الله عائلة جبيره
سلام _والشباب شلونهم
ام أبان _الحمد للة بخير بس واحد من ويلادنه يريد يزوج
سلام _يا الله منو
_ابنك فرات
عطايا _ امه ظلت تهلهل فرحانه بي
والاب ضحكته تخبل هاا ولك من وراي
فرات _لا والله حجي صارت فجأة والبنيه عجبتني
سلام _ الجمع واسين بالحلال الى بيت بالجنه منو هاي بويه التريدها
فرات _ خبزة الدولمة
سلام _شنو
ام أبان _يا ولك هم متكعد راحة خويه عذاب اخت عطايا
عطايا _باوعت الابان مدنگ ويفر بسبحته
سلام _اي والنعم شلونج بويه عطايا شلون صحتج
عطايا ا_لحمد لله بخير عمو
سلام _شحلات العمو من حلگج عمي وليدنه رايد بتكم شنو رايكم
عطايا _ ثگل جبال على گلبي الساني نربط شنوو احجي شنوو اگول
أم أبان _ لا تخجلون جنتي انا اخذ مريتك ونروحلهم ونشوف رد البنيه
سلام _ الموضوع بعد يمج وكلشي على حسابي شتگول أبان
عطايا _عرفته يريد يسمع رد أبان
باوعلي وانا مني الغرفه
عطايا _ستغربت يعني شنو موافق هو!!
............
ام حسن _ترى بيان زعلانه خويه سلام
سلام _ ها خالي يوميا حلتلج سالفة
بيان _خالي الحرمة لو دخلت ديوان شيخ شنو يصير
سلام _يجرالها التريده
بيان_ وانا اريد اطلك
نجيب _ شنووو هذا الحجي
أبان _لا تعبين خالي بمشاكلكم هسا جم يوم وتردين
بيان _ خالي انا ما اريد ارجع همه يجبروني ارجع انااا ما اريد ارجع حسن ما هاويني ولحد يحجيلي بالاطفال انا كل هل سنين عايشة مجامله وصراحة بعد ما اتحمل كلمن يحترم ذاته ويكعد بيت اهله وولده وقت ما يحب يشوفهم انا بنفسي اوصلهم الى
سلام _شصاير بويه حسن
حسن _سالفة كل مره تزعل على كلشي
عطايا _فز من مكانه
حسن_انااا هذااا طبعي تردين احطج بطين عيني ما تردين ظلي يم اهلج
بيان _ظاله بس لا تجي ولا تحجي وياي وياريت اطلگ
حسن _ما اطلگ
سلام _ خالي الطلاگ مو لعبه يهتزله عرش الرحمن
بيان _والظلم العايشة بي ما يهتزله العرش
سلام _ما كلنه شي خالي خليج بيت اهلج
بيان _يباوعلي و عيونه بهامته صارت
عطايا _حجه وي اختهم ورغم يحجي نتر بس محد فتح حلكه لا الاخوان ولا خالهم
سلام _ وانت نجيب ماكو اخبار منا منا
نجيب _هدوء والحمد لله
سلام _الحمد لله
عطايا _ طول الطريق أبان ساكت وعمتي تحجي ويا وهو يرد ب امم او صحيح
عمتي _شبيك
أبان _ لا ما بيه شي
عطايا _اليوم خابرتي اهلج
عطايا _ كل ميجيب طاري اهلي روحي تروح لا انت اليوم مشغول
أبان _امج رايحة للعمارة من تتصلين تحمديلها بالسلامه
عطايا _رجفة هزت كياني ان شاء الله
دار المراية عليه وباوعلي ظليت اباوع للشارع
اميي شسوووي بالناصريه انااااا مو كلت الشغل يتوووقف اخخخخخ منج يمه اخخخخخخ
رجعت للبيت بس دخلت خذيت تليفونه وتصلت على امي
بسمه _ ها بذاته ناسيتني
عطايا _وين جنتي اليوم
بسمه _شو ما تعرفين تحجين شبيج
عطايا _لا تخليني احر گ روحي احجيلي وين جنتي اليوووم
بسمه _بالبيت
عطايا _لا اليوم انتي بالعماره شسوووين
بسمه _حجيتلها مااا تعرفن اسكتن انتن
عطايا _ماا بطلتي الشغل مووو يمه ليشش تردين أدمرينه مووو جنتي انتي ما قابلة على الشغل
بسمه _من وين ناكل محد دك الباب علينه
عطايا _دزيلي رقم عمي سعد ع سريع
ظليت بالمطبخ اهز برجليه واضرب على فخذي النار سعرت افادي خابرت عمي سعد بدون سلام شوووف عمي اذا ما تتفقون بيناتكم وتخلون مصرف الاهلي اشهرك واخزيك كبال نجيب واخلي خواتي يطلعن للشارع يجدن ويكولون احنه بنات اخو الدكتور وابو النفططططط سمعتوني لوووووو افضحكم كبال الناس
سديت الخط بدون ما اسمع ردة شيريد يسوي خلي يسوي ما يهموني كله بسببهم انااا اليوم جاااي انهان وبالعه المرر و ساكته ع الاقل مووو خواتي هيج يصير بيهن
حطيت التليفون ع الميز خذيت ملابسه اغسلهن
ظليت بالمطبخ ما اريد ارجع للغرفه اعرفه راح يحجي وراح يعيرني
ابان _انا بالباب صبي ستكانين جاي وجيبيهن
عطايا _تمام
حضرت الجاي ع سريع وطلعتله دكيت الباب خذاهن مني ظليت ورى الباب اسمع ويامن يحجي
حسن _اختك تخبلت فد نوب
أبان _انت طوختها كلش
حسن _ خليها يا خوي بالگلب تسعر احسن ما تطلع
أبان _اكره عقليتك سنين صارر وما عرفت تتأقلم
عطايا _ ما كدرت اسمع اكثر خفت حيل من كلامهم ما كدرت اسمع أبان شنوو يحجي يعني هو يكدر يتأقلم يعني هو عادي يتعايش وياي حتى لو كلبه يم غيري كذاب والله كذاب اذا صدگ يكدر ليششش حتى من يتقربلي ما يكدر يباوعلي ما يكدر يشوف وجهي ويذكرها بكل تفاصيلي اصلاََ
بيان _وين سرحتي
عطايا _وياج
بيان _وين أبان
عطايا _برى
وي حسن
بيان _اي عيني صاحبة و الروح بالروح هسا يدخل يقنع بيه ردي وما ردي
عطايا _والله يا اختي امرج صعب
بيان _ كله مني انااا بهذلت روحي الخاطر واحد ما يستاهل
عطايا _تحبي
بيان _هواي بس هو ما يحس
عطايا _ حضنتها ما اعرف هل حضن يواسيني يواسيها
بيان _ شگد حنينه انتي تهاني جانت لو ندخل غرفتها اصير كربلاء تحلف وتتكفر بگنه مكياجها
بس ندخل
عطايا _ شسالفة ههههه وأبان ما يحجي
بيان _أبان يحل المشكله ودياََ يروح يجيب مكياج الها وللدخل للغرفه ويسوي معاهدة صلح الحديبيه
عطايا _هههههههه حرب هاي
بيان _ تهاني وكحه
عطايا _ما عندج صورتها
بيان _لا
عطايا _حلوة
بيان _بس مو احلى منج
_ههههههههه هاي مجاملة
بيان _هم يجي يوم وارويجياها الله ينطي العدسات واللبخ
عطايا _ شنو سوى أبان من تزوجت
بيان _ليش تقهرين روحج بعد ولت وزوجت
عطايا _لا بس اريد اعرف فضول
بيان _راح المزرعتنه بشقلاوة
عطايا _ اها و ليش تزوجت
بيان _هو طلكها بساعة عصبيه وهيه عناد بي تزوجت همزين تزوجت مو زينه وجانت شالعة كلبه وتدلع وتتغنج
وتريد كلشي
بيان _بس انا متأكدة هو يحبج ويحبج هواي
عطايا _ ههههههههههه
بيان _شبيج
عطايا _ هواي يحبني فدوه أبان ماكو منه
بيان _الله يخلي الج ويرزقكم بطفل يفرح كلبة شنو ما تأخرت عليج
عطايا _لا اصلاََ عليه هسا
بيان _الله يرزقكم
أبان _هااا يابه جا رجلج كاضني بالشارع وانتي هنا يم عطايا
بيان _اي ميسلون تدرس والولد يلعبون وي ولد نجيب
أبان _جيبيلي تفاحة
بيان _نايمه باجر الصبح قبل لا تطلع اجيبها الك
أبان _ان شاء الله
بيان _تصبحون على خير
و_انت من اهله
_نايمين بالفراش وانا احوس اريد اعرف
ليش موافق على زواج فرات وعذاب
عطايا _اكدر اسألك سؤال
أبان _حتى انتشلكم من الخيسة الانتو بيها
عطايا _ عرفت شنو السؤال
أبان _اي ليش موافق على زواج عذاب و فرات حتى اطلعجن من الخيسه الانتن بيها
عطايا _لزمني من زندي نبت اظافيرة بيه ماااالها ذنب الناس تجرعوهم المرر مثل ما سويتو بيه
وانا متأكد فرات يكدرلها لو تحوس منا منا يكسر ظهرها
عطايا _وخر اظافيرة مكانهم ظل يسمطني شلت البدي من المكان ودموعي نزلو من وحدهم
درت وجهي ونمت
بيومين وخذونة البيت اهلي يردون يطلبون ايد عذاب
عذاب و صدگ لو كالو عذاب كاملة من كلشي
لو تلبس كونيه تطلع تخبل
سوت شعرها ضغيرة واصله الحد الحزام
ولبست ثوب ودخلت عليهم ام فرات تخبلت عليها
_شنو هذا الحسن ما شاء الله
_حقها لو شافها وليدي يتخبل
عطايا _ يحجون وعذاب صافنه ما اعرف وين
وعيونها يلمعن
ظلن يحجن بموضوع الخطبه وعذاب بعالم ثاني
بيومهازاستأذنت من أبان ابات وبالكوة قبل
أبان _حركة منا منا اشلع عيونج واحطهن بأيدج
ترا كلشي يصير انا ادري بي
عطايا _ مثل ما تريد
سلم وطلع
بسمه _ يمة عذوبه شتگولين انا اشوف الولد ما ناقصه شي و هاي اختج ماخذه ابن عمته هم تكدرين اسأليها
عذاب _ما موافقه
عطايا _.......
بسمه _وليش ما موافقه
عذاب _ما موافقه وبس ما اريده انا شفت الولد ما عجبني
بسمه _وشنو هيه بالشكل
عذاب _انتي سألتيني وانا كلت ما موافقه
خابروهم وكلولهم ماكو قسمة
بسمه _شو ساكته عطايا
_قابل انا الراح اتزوجة هيه بكيفها
بسمه _بس ما راح تجيها هيج قسمه زينه
عذاب _ عساها لا اجت
عطايا _ من وصل الخبر الفرات جان يمنه
اتصلو عليه وكلوله
ترخص وطلع
عمتي _جا يمه ليش ما موافقه
عطايا _والله يا عمه فرات ونعم منه بس انا هم ما بيدي شي غير هيه بكيفها
بيان _احسن ما توافق اذا ما تريده ليش تعيش ويااا عمرين بالحسرة و القهر
عمتي _بس البنيه عاطفتها تغلبها وي العشره و مواقفه الحلوة تحبه
بيان _بعد بكيفها هيه
عطايا _سدو موضوع فرات كلش
.............
الايام تمشي وكل ما يتقربلي ابان يغطي وجهي
ويسوي الي يعجبه ويكوم صار حديثي ويا بس على گد ان شاء الله وتدلل
وهسا
وهو متونس بهل شي
أبان _ امج جاي تتصل
عطايا _الووو
وصلني صوت عهود تشهگ شصاير
عهود _خطبني هزيل وأمي ما موافقه وراحتلهم تكلهم عهود ما موافقه
_اسمع صوت امي تلعلع
عطايا _وليش ما موافقه
انطينياها ها يمه شلونج
بسمه _بخير الحمد لله هاي كطعت روحها على شنو اريد اعرف
عطايا _موو انتي تردين تزوجيهن ليش رفضتي هزيل وانتي تدرين هيه تريده
بسمه _مو امة تريد وحدة عدها شهادة خلي تروح تجيبله وحدة عدها شهادة بتي اول متوسط
عطايا _الولد بانيله بيت وحدة وهو رايدها بعد شنو هل حجي يمه
بسمه _ما انطيها اذا مااا اخلي امة تجي وتبوس الرجلين اناااا يجيني عباس وهزيل بسس وهيه وين مثلاََ وين مكسرة رجليها
عطايا _حرام عليج البنيه تريده انطيها الى شلج شغل بأمة
بسمه _لووو يموت عناد
عهود _انا اريده
عطايا _صوت عهودة موتني ظليت احرگ بروحي
انتي شتردين منهن هيه رايدته
بسمه و_انا ما اريده
عطايا _سدت الخط بوجهي
تكدر تاخذني الاهلي
أبان _ لا
عطايا _ما رديت عليه ادري بي بس احجي ويا يتلذذ بأهانتي راح يحجي و يغلط
أبان _صايرة مكودة بيت اهلج فلان عاشگ فلان وعذاب الله يعلم ليش رفضت فرات
عطايا_ انت حاط مسجل مكالمات احجي كدامك تعير بيه احجي من وراك تسمع المكالمات وتعير بيه
عذاب رفضته بسبب الوضع الانا بي
و عهود تريد ابن عمي وهو يريدها شنو بيها
والولد يريدها بالحلال
أبان _سوي العشا انا رايح يم امي
عطايا _بارد يلعب بأعصابي يوجرني ويطفيني ببرودة
حضرت العشا وخذيته يمهم
جاي اصب الجاي من شميت ريحته لعبت روحي
حطيت ايدي على خشمي
بيان _شبيج
عطايا _الجاي من ريحته جنة ما خادر مو؟
بيان _لا ريحته كلش حلوه
عطايا _ما كدرت بعد الريحة موتتني تركت القوري وطلعت برا الغرفه
أبان _شبيج
عطايا _ريحة الجاي موتتني
روحي نامي بيان تصب
_حطيت راسي على المخدة نمت بسرعة ما حسيت بعد بالدنيا
فزيت على صياح عمتي بنص الشارع
طلعت وياهم شصاير
بيان _ راحت اجيب جبن للجهال و شافت تهاني و تافله عليها وهسا بنص الشارع تمالخن
عطايا _ فوتي عمه عوفيها ختولي
_شعدها يوميا جايه لهلها كل ما غربت شفتها
مكابله هذااا الباب هجامات البيوت
غلطت عليها الحد ما ملت بنص الشارع
ركعت الباب ودخلت
_مووو وحدة منجن تحجي الابان ما اريده يعرف هاي الحية هنا
سرى _لو يدري يگلب الدنيا تعرفون كلش زين تهاني عزيزة گلبه
عمتي _حطي السانج بحلكج لا اعمل وافعل بيج
عطايا _عمتي بس دواهن وتكدرلهن
تعدة شهرين وكمل بيت اهلي
خابروني اساعدهم بنقل الاثاث
عطايا _هسا اشوف ابان واخابركم
بسمه _اذا ما تكدرين لا تجين بس اريدج تشوفين البيت
_ان شاء الله هسا بلكت يجيبني أبان
سديت الخط منها فدوه أبان ما تاخذني اساعدهم بنقل الاثاث
أبان _بدلي
عطايا _شكراََ
بالسيارة لعبت روحي ظليت اهوع
ريحة البانزين سطرتني
لزم رگبته وعيونه ع شارع صار شگد متأخرة الدورة عليج
عطايا بحسرة _تلث اشهر
باوعلي و الضحكه شاگه حلگة اللهم صل على محمد وال محمد
عطايا _اذا جبت الطفل شنو تسوي
أبان _يا يابه اعزم امة محمد اسد الشارع اسوي عرس
عطايا _صفن بسؤالي .
يعني شنو تقصدين
عطايا _تاخذ ابني مني وترجعني الاهلي مووو
أبان _ ماااا سويتها وانتي خاليه مختليه اسويها وانتي عندج طفل
انتي عبالج..... لحضه خلينه نروح الاي مجمع طبي هنا
ظل يسأل كلوله بسوگ منطقتنه
يبعد عنه قرابه النص ساعة
طلعنه للمجمع دفع الخمس الالاف ودخلوني
رفعت ايدي شدت ايدي بقوة رجعت خففت الربطه
واضحة عروگج ما يحتاج
ع سريع سحبت الدم
وكعدنه ننتظر
أبان _حطيت ايدي على ظهرها فزت
مهما يصير بينه يظل بينه ابني ماله دخل
ولو يخيروني بين الموت لو اخذه منج فاا الموت اهون
عطايا _ شكراََ
انطوني ورقة التحليل حامل
هو بجة مسحت دموعه اول مره اكون قرييبه منه الهدرجة بدون اهانه وبدون اشمئزاز من ذاتي
الناس ظلت تباركله
والحجيات يتربى بعزكم
وانا اتشكر منهم
رجعنه البيت اهلي لكيتهن جاي يشيلن الثلاجة بنص الليل بس بالحجابات بنص الشارع بتسمت
أبان _تركوها هنا هسا اخابر الولد ينقلوهن كلهن الكم
بسمه _هلا بيج يمه هلا رحم الله والديك والله تسوي فضل نكسرت ظهورهن من الصبح الهسا
جرتني امي للبيت البيت مرتب و كله سيراميك و
المطبخ بي قواري عهود متخبله على القواري المحطوطات بالسيراميك و الفناجين و صحن العنب من شفت العنب شتهيتة
عطايا _انا حامل
بسمه _يا الله
حضنتني و راح اصير بيبي وفرحانه بهل
كلمه و هذني يركصن راح يصيرن خالات و من هسا محتارات منو تشيله منو تلعبه
ما خلاني ابات يمهم يريد يبشر امه
رجعنه للبيت ومن الباب رفع ايدي ابشررركم راح اصير اب
عمتي _يا يمه أبان شجاي تگول
أبان _خذيتها وسويتلها تحليل وطلعت حامل
جايلج حفيدج الصار سنين تنتظري جايلج ركض
نگلبت الدنيا گلاب الحد ساعه ١٢.الهلاهل و العصاير و حسن جاب ذبيحة
أبان _ صيحي الولدج بيان
بيان _شتريد منهم
أبان _هذا اللحم اريد يدگون بيبان الجيران باب باب سمعتوو وتنطوهم وتكلولهم زوجة خالي أبان حامل
عطايا _
رجع اكد على كلامهم شتگولون
_زوجة خالو أبان حامل
وصدگ هو طلعلهم اللحم وهمه يوزعون
ويرجع ويأكد ع كلامه المغزى واضح
انا ما نقهرت ابددد خليته يسوي مثل ما يريد
أستسلمت للأمر الواقع
خلصت الهوسه والفرحة دخلنه للغرفة اجاله اتصال
اخذ تليفون وطلع
عرفتها هاي تهاني مستحيل تبعد عنه
رجع وهو يدندن
انا يا طير ضيعني نصيبي
اذا ارد فااا يصدمني بالحقيقة فاا السكوت
من ذهب
رجع هزيل خطب وامي ما وافقت وكلتله بوجهة اذا ما تجي امك وياك لا تلفيني
صار علية ٦ اشهر وبطني جبيره
من انام اختنگ وثگيله
فزيت من نومتي باوعت للساعه الكدامي الساعه ٢ بالليل
طلعت عبايتي من الكنتور
أبان _شبيج وين رايحة شنو ولادة عندج
عطايا _لا بس امس طلعت بعبايتي ووصخه اريد اغسلها
باوع للساعه صدگ جذب الساعه بالثنتين بالليل
عطايا _لا احتاجة احتاجها خذيت عبايتي وطلعت غسلتها بداية الشتا وغسلتها بالمغسلة الخارجيه
بيان عبالها انا حلمانه خذتها مني شرتها ورجعتني
لفراشي
فزيت على صوت أبان يحجي وي بيان تحضرله الريوگ
عطايا _لا انا جايه ثبتت روحي بالسرير و كمت
الساعة ١٠ جاي اشيل صينية الريوگ بعد ما تريگو على دفعات
أبان _ أي نعم هذا تليفون عمتي
عطايا _عيوني علية من كالت عمتي عنده هواي عمات
أبان _بيان _لبسي عطايا عبايتها
عطايا _شصاير
أبان _ صاير حادث بسيط وامج تريدج يمها
يتبع.....
لنا لقاء غريب بأذن الله
❤️❤️❤️❤️❤️❤️❤️