نبدا ببركة الله
صلو على نبينا محمد صلى الله عليه وسلم
لا تنسى الفوت قبل القراءة و تعلقوا بين الفقرات حتى تشجعوني و استمر في الكتابة
✓✓✓✓✓✓✓✓✓✓✓✓✓✓✓✓✓✓✓✓✓✓✓✓✓✓✓✓✓
عند سفيان و فاطمة
كانت فاطمة تمشي بهدوء غريب عليها و سفيان ينظر لها من الوهلة للاخرى بتعجب مرت ساعة و فاطمة لم تتكلم فقرر سفيان بدا الحوار .
- سفيان بتعجب : هو انتي اتخرستي و الا ايه .
- فاطمة بهدووووء : لا .
- سفيان بتعجب اكبر : لا ، و بما انها لا ايه سبب سكوتك .
- فاطمة بتوجس : افترض اتكلمت و سمعني حيوان و طلع اموت طبعا لا في مثل بيقول احفظ الميم تحفظك و انا حافظاها يا خويا احسن ما استشهد و انت تاخد علقة تستشهد معايا .
- سفيان بصدمة : علقة !!!! انا اتاخد علقة الصقر اللي الناس كلها بتخاف منوا يتقالوا كدة ، تامني بالله .
- فاطمة : لا اله الا الله و محمد رسول الله .
- سفيان : و نعم بالله ، تعرفي لو حد من الجهاز لمح كلمة واحدة بس من اللي قلتيها هيحفل عليا تحفيلة متحفلتش ابدا .
- فاطمة بسخرية : سلامة النظر يا اخويا يعني لو انا مش غلطانة اننا وقعنا من طيارة ايه اللي هيجيب الجهاز هنا لمؤاخذة .
- سفيان ببسمة لانه استطاع اخراجها من كابتها : اصل من كثرة المغامرات الي عشناها نسيت كل شيء .
- فاطمة بغباء و تفهم : حاسة بيك يا بني انا شوية و هنادي عبلة تعصرلي عصير .
- سفيان بابتسامة : مين عبلة ؟ امك ؟
- فاطمة بحماس لتلك الامراة الطيبة التي اخذت مكان امهم و اكثر فوالله لو كانت امهم على قيد الحياة لن و لم سيحببنها كعبلة : دي يا سيدي احسن واحدة ممكن تشوفها في حياتك امي و دنيتي و حياتي كلها صحيح مش هي اللي حملت بيا تسعة شهور بس هي الي ربتنا و حبتنا و طبطبطت علينا اربعة و عشرين سنة انا امي ماتت و هي بتولد سماح الصراحة مش متذكراها اصل كان عمري سنة وقتها فساعتها بابا احتار هيعمل ايه بنت لسة مولودة و واختها اكبر منها بسنة فتيتا و جدوا اقترحوا عليه انوا يتجوز فهو رفض بشدة اصل صاحب بابا مراتوا ماتت و تجوز مرة تانية فهي كرهت الولاد في عيشيتهم على حسب ما سمعت تيتا غضبت على بابا و قاطعتوا فساعتها ام سيف اللي كانت بترضع في سماح اقترحت عليهم اختها اصلها كانت مطلقة جديدة عشان مبتخلفش و هي طيبة اوي و هتراعي ربنا فينا البيت كلوا رفض حتى عمي ازاي يتجوز وحدة مبتخلفش بس بابا فاجاهم انوا وافق و قالهم انوا بدوا واحدة تراعي ربنا في بيتها و فيه و فينا و مش عايز خلفة زيادة ربنا كرموا باثنين فطبعا البيت اتقلب فوقاني تحتاني مقلكش .
- سفيان و هو يستمع لها باهتمام : كملي و حصل ايه .
- سماح بابتسامة طفولية و هي تحرك يدها لتمثل له المشهد بالضبط : ساعتها حبيب قلبي فاروق ابويا قالهم عبلة او اديني قاعد و راح كتب عليها و حطهم قدام الامر الواقع و كانت و نعم الام تعرف لما كنا صغيرين و بابا يعصب علينا كنا بندارا وراها طول عمرنا بتقولنا دوسوا و انا قدامكم مستحيل اخلي حاجة تيجي عليكم و المقطع قلبي من الرحلة انوا تلقاها مقطعة نفسها عياط ، تلقاك دماغك وجعتك من الكلام بالمناسبة احكيلي عن اهلك .
- سفيان بشرود : مفيش .
- نظرت له باستغراب فنظر لها بالم : ماتوا .
- اغمضت فاطمة عينيها و هي تؤنب نفسها و قالت في عقلها : غبية ، غبية ،غبية يعني لازم تعملي فيها كل ده اديكي زعلتيه .
- سفيان بمرح و هو يحاول الترويح عليهم : سيبك من الموضوع اتوعدت كملي رغيك .
دمتم في رعاية الله
الملكة دعاء القمر