نبدا ببركة الله
صلو على نبينا محمد صلى الله عليه وسلم
لا تنسى الفوت قبل القراءة و تعلقوا بين الفقرات حتى تشجعوني و استمر في الكتابة
✓✓✓✓✓✓✓✓✓✓✓✓✓✓✓✓✓✓✓✓✓✓✓✓✓✓✓✓✓
في الجزيرة
كان الجميع يتسطحون الارض بتعب فقد انهكوا بتنظيف ذلك المنزل المتسخ بشدة .
- رهف بضحك : مين دا اللي يصدق انوا هيجي يوم و توقع بينا طيارة و كمان نروح لجزيرة و نلاقي كوخ هنا .
- سارة بابتسامة : و كمان نوقع مع بعض .
- سماح بابتسامة هي الاخرى : دا احسن شي ممكن يحصل يا جماعة اننا بقينا صحاب .
- كريمة بضحك : تعرفوا حاجة انوا انتوا اول اشخاص اتكلمت معاهم بحاجة غير الشغل اصل طول عمري مبحبش الصحوبية و العلاقات .
- نواف براحة : تعرفوا حاجة في الاول كنت مخنوق بس دلوقتي مرتاااااح تعرفو ليش .
- الجميع : ليش .
- نواف و هو يغيظ في سارة : مرتاح عشان اتخلصت من بيما تعرفوا بتقولو ايه ؟ بتقولوا روح لبابا خلتني اب لكلب .
- سارة بغيظ : و مالوا بيما دا حتى احلى منك .
- نواف بردح : نععععععم مين دا اللي احلى مني ليه عندوا شعري عيوني .
- نور بضحك : خليتي الولد يردح يا قادرة .
- سارة بغرور مصطنع : قدراتشي يا حبيبتشي .
- سامر بابتسامة : دلوقتي بعد منظفنا و الدنيا بقت تمام عايزين نستكشف الجزيرة كل اثنين مع بعض و هيفضل اثنين في البيت مع مايك و مارك و جنى .
- مارك باعتراض : بس .
- سامر : مارك و مايك و جنى .
- جنى بغيظ : ايه الظلم دا و اشمعنا احنا الثلاثة .
- سامر بابتسامة مستفزة : اللي قلتوا يتنفذ .
- مايك بقلة حيلة : ربنا على الظالم و المفتري و مين تعيسي الحظ اللي هيقعدوا معانا .
- سامر و هو ينظر الى حيدر و حنان بغموض : طبعا حبيب قلبي حيدر و خطيبته حنان .
- حيدر بصدمة و هو يشير لنفسه : قصدك بحيدر اللي هو انا و قصدك بحنان دي .
- سامر بابتسامة : اه يا حبيبي انت هو عندنا حيدر و حنان تانيين .
- حنان بصدمة : هو انا قاتلتلك قتيل و الا ايه هتسيبونا مع الشياطين دول حرام عليكم .
- جنى بشر : ليه بس داحنا هنريحوكم خالص .
- حيدر بخوف : مستحيل اقعد معاهم دول هربوا من قصر بحرس يسدوا جبال هسيطر عليهم انا ؟
- سليم بشفقة : هتموتوا يا اما متفجرين يا اما مسلوخين يا اما منتحرين .
- كريمة : ارجح للاحتمال الثالث .
- سامر : و احنا هنتقسم اتنين اتنين كل بنت مع ولد عشان الامان .
- نواف : انا اكيد مع سارة .
- سفيان بسرعة : انا مع فاطمة .
نظر الجميع له بتعجب الا نور بخبث و فاطمة بخجل و خدود محمرة .
- سيف بفم ملوي : و حيات امك .
- سفيان بحرج و هو يلعن تسرعه : قصدي انت مش هتاخد البنات كلهم .
- سامر بحزم : سيف انت هتاخد معاك ندى .
- ندى بتعجب : انا .
- سامر : اه انتي يا ندى بعدين سليم هيروح مع كريمة .
- نظر له سليم و كريمة و نسرين بصدمة و قالت نسرين بصدمة : و انا مع مين مروح .
- نور بابتسامة : انت يا اشرف هتروح مع الكبارة آدم . ثم غمزت لادم بالخفاء فرد لها الغمزة فهو من طلب منها هذا الطلب ليتاكد من مشاعره نحوها .
- ريم بتساؤل : انا هروح مع مين .
- عمار بابتسامة هادئة : معايا . اومأت له ريم بهدوء .
- عمر و هو ينظر لهم : انا يا سامر هاخد رهف عشان شكلها مش هتتعبني زيهم . نظرت له رهف ببراءة مصطنعة و انزلت رأسها بدور الفتاة الخجولة التي اتقنته بشدة .
- ندى في نفسها : هادية اوي دا انت هتشوف مصايب معاها يا عمر يا مسكين .
- سفيان : كدة فضلنا راسل و حازم و سيلا و ميسان و سماح و نانسي .
- سماح بحماس : انا و نانسي هنروح نقطف من الاشجار دول .
- حازم بسرعة قبل راسل فهو من المستحيل ان يذهب مع تلك السيلا لانه سينتحر حتما : ميسان هروح مع ميسان .
- راسل بهدوء و هو لا يعلم ما سيحدث معه مع سيلا : كدة فضلنا انا و سيلا بس .
- سيلا بحماس : يلا احنا مستنيين ايه هنستمتع اوي .
- راسل بتهديد : اي حركة كدة و الا كدة هعلقك.
- سيلا ببراءة : هل انا وجه لذلك حط في عقلك و بطنك بطيخة صيفي و اتطمن .
نظر لها بشك فابتسمت له بحماس و براءة مصطنعة .
و انطلق الجميع يتوجه الى مسار مختلف ليخوضوا رحلة اشد جنون من سابقاتها .
***********************************************
في المنزل مع حيدر و حنان
كان الاطفال ينظرون للمكان و هم يفكرون في طريقة لتسلية وقتهم .
- حيدر بحزم : تتحركوا من المكان دا هنفخكم امين .
قال الاخيرة بصراخ ليرعبهم لكنه لم ينل الا النظرات الساخرة التي جعلته يسكت و يحفظ ماء وجهه .
- مايك بسخرية : مالك يا حبيبي اهدى و قول هديت فاكرنا هنخاف و الا ايه شايفنا انا و الولد دا الحكومة التركية بنفسها مقدرتش علينا و شايف دي . قالها و هو يشير لجنى التي نظرت لنواف بشر و خبث كبيرين لا يناسبان سنها و لا وضعها .
- مايك و هو يكمل كلامه : دي بنت سامر يعني لا حكومة تلم و لا راجل يهم و ممكن تعلقك زي القرد كدة فاقعد بادب .
- حنان بتخصر : بقولك ايه شغل العيال الصايعة دا مياكلش معايا فاهم و الا ايه دا انا رد سجون .
- جنى بردح : نعععم يا بيبي ما تهدي و تقولي هديت مش عشان لابسالك الروب دا هتقولي بنت ناس دا انا معفنة متعرفنيش .
- مارك بتصفيق : عظمة على عظمة يا ست الكل ايه الحلاوة دي يا بت لا احنا لازملنا قعدة و كويسة و تنظمي لفريقنا .
- جنى بغرور مصطنع : دا اقل ما عندي بعدين ايه هو الفريق دا و بيعمل ايه و اسمه ايه .
- مايك : دا يا ستي فريق وطني للشياطين الانسية متكون من الاستاذين مارك ايجيمان و مايك ايجيمان و اسموا شوق و لا تدوق .
- حنان بغباء : اسموا ايه معلش العتب على السمع .
- مارك بفخر كانه اسم خيالي لم يستطع احد من البشر استكشافه : اسمه شوق و لا تدوق حلو صح تعيبنا فيه اوي .
- حيدر بحسرة : الله لا يسامحك يا سامر شكلها هتكون قعدة سودة اسالوني انا .
- حنان بحسرة : يا شبابك اللي ضاع يا حنان يا مستقبلك اللي بقى حزمة جرجير اه يا حظك الزفت يا حنان منوا لله اللي قالي ادخلي ادرسي مضيفة طيران قال ليه عشان اسافر وين ما احب اديني وقعت من طيارة و لا اجدعها منطاد .
- حيدر بتعب : بلاش كلام ابوس ايدك انا خلاص حاسس دماغي هتتفرتك زي البالون فارجوكم اسكتوا .
- مايك باستهزاء : نعم يا عسل قلت ايه نسكت ايه بس يا اسطا دا حنا مصدقنا الباقي غار قصدي مشي و انت بتقولي اسكتوا ربنا يهديك يا حبيبي .
- جنى بشفقة : متتعبش نفسك معاهم يا معلم مايك ناس متخلفة نعمل ايه .
- مايك بحزم كانه استاذ متمكن : المتخلف يتعلم ايه امال يقرفنا .
- حيدر بشر : اديني فقتلكم و يا انا يا انتم .
*********************************************
عند الثنائي سامر و نور
كان سامر يمشي بحذر و نور تغني بجانبه :
* الله بقى اللخبطة دي ليه
* يلي خاطفني ياريت تقولي ..ايه حصلي
* على كدة بقى دلي .. بالمللي
* اللي انا عشت أحلم بيه
* بين يوم وليلة أخدتني .. على مشمي وكنت راضي
* ده احنا يادوب ..بنقول يا هادي
* أمال لو .. فات شهر هيحصل ايه ..
* طب وحدة وحدة .. وبلاش كل ده
* يجي مرة وحدة .. لتجنن كدة
* لوده النظام معاك .. بالشكل ده
* مقدرش عليه ..
- سامر بسخرية : و متقدريش ليه يا بلوة حياتي .
- نور و هي تتجاهل سخريته و تكمل غنائها :
* ده حلم ولا ده قولي ايه
*ده شئ خيالي قلبلي حالي ..حيرني
* معرفش مالي .. غيرني
* ولا داري بقيت كدة ليه
* بالزمة فيه في الدنيا دي .. بالسرعة دي حد نأمنله.
* مش عارف .. وبنطمنله
* أنا خايف .. مستحملش اللي انا فيه
- سامر بفزع مصطنع و مبطن بسخرية : يلهوي متستحمليش ليه انشالله لا يكون جرالك حاجة .
- نور بتذمر : انت ايه ما تصدق تتريق عليا و لا كاني حتى مراتك ايه الجبروت دا يا شيخ .
- سامر ببرود : برده متاثرتش .
- نور في نفسها : و انا اللي جاية ناوية متعبكش معايا طب يا ابن عمي انت اللي جبتوا لنفسك .
- نور بصوت عالي : يا حبيبي عايزة اقلك حاجة .
- سامر ببرود : قولي .
- نور بسؤال : اذا مثلا خيروك بيني و بين مليون دولار تختار مين .
- سامر بسخرية : مليون دولار عرض مغري الصراحة و بالامارة اتخلص منك .
- نور في نفسها : كنت و لله كدة هعتقك بس انت اللي جبتوا لنفسك استحمل .
********************************************
عند الثنائي سيف و ندى
كان سيف و ندى يمشون بهدوء و سيف يمسك قماش قميصها لكي لا تضيع منه .
- ندى بفرحة و هي تكمل حكايتها المملة : بعدها كدة اجا استاذ زلطة ربنا يكرموا و طلعنا منها ثم بوووووم و يدخل الاستاذ الزفت رصاصة و يصرخ بانوا من عيلة كذا و ابن كذا و هيخربها عليه تفتكر زلطة هيسكت اكيد لا دا كان ولع فيها مسكوا و محكيلكش عدموا العافية .
- سيف و هو يتوقف فخبطت ندى ظهره و قالت : خديوي حيطة سد لا مش بيخاف من حد .
- سيف بشر : انتي ايه متعبتيش انا تعبت في مكانك .
- ندى بغباء : و لا تتعب نفسك يا هندسة عيلة و غلطت انت بتاخد على كلام العيال .
- ضحك سيف بغير تصديق على هذه المصيبة التي سقطت على رأسه من حيث لا يدري و قال : ابوس ايدك يا ندى عايز اريح بقلك ايه في تحدي اسموا خمس دقائق صمت من قوانين اللعبة انوا في الخمس دقايق دي مفيش حد فينا يتكلم و الا هيخسر مفهوم .
- برقت اعين ندى و صاحت بضحكة خطفت قلبه من غير مجهود : عجبتني اوي هلعبها سيف مالك احييه ليكون مات سيف متخوفنيش .
- فاق سيف من الحالة التي كان فيها بحالة اكبر عندما لمست خده بعفوية لتفهم ما به .
- سيف بتوهان : هاا .
- ندى بخوف : سيف متخوفنيش عليك .
- فاق سيف على صوتها الخائف فنظر لها بصدمة من الحالة التي كان بها و قال : ها أنا اسف اتذكرت حاجة بس .
- نظرت له ندى بعدم تصديق : انت متاكد .
- سيف بحنان غريب استغربه هو شخصيا : متخافيش انا بخير .
- نظرت له ندى بابتسامة بلهاء بسبب نبرته التي خرجت حنونه بدرجة كبيرة و اكملوا طريقهم .
*********************************************
عند نواف و سارة كان الوضع مختلفا تماما من كل ناحية
كان نواف يتشاجر هو وسارة بحدة كبيرة .
- نواف : بيما احلى مني يا سارة .
- سارة ياعتذار : انا اسفة دي كلمة طلعت مني بغير وعي .
- نواف بتانيب : بس مش كدة انتي قارنتيني بحيوان يا سارة و كمان فضلتيه عليا .
- سارة و هي تعتذر للمرة الألف : انا اسفة اسفة اسفة و الله .
لم يجيبها نواف و اكمل طريقه فنظرت له سارة بحزن لكن فجاة قفزت فكرة جهنمية لعقلها .
- سارة بخجل : انا اسفة يا يا حبيبي .
- توقف نواف و نظر لسارة بصدمة فوجد خدودها مخمرة فهذه اول مرة تناديه بهذا اللقب و كم خرج مهلكا من شفتيها .
- نواف بفرحة : عيديها يا سارة .
- سارة بخجل : ايه قلتها مرة بس . و ركضت للامام بخجل فلحقها نواف و هو يضحك على خجل زوجته .
ستووووووووووووووووووووووووووب
دمتم في رعاية الله
الملكة دعاء القمر