نهوة الشيخ نصرت

البارت ٢٩

يا كلشي بحياتي ويا حلم دنياي
يادمعت فرحتي وضحكت احزاني
يل حبك خرج عن طابع المألوف
من كد ما احبك تاه وجداني
وعن هذا البشر واضح فوارق بيك عنهم تختلف
من قاس ميزاني يا اسمي الثلاثي واللقب وياه
يعني انت هويتي لراد يقراني

....................

أزهار.......عمي وابوي راحو ومانعرف وين وامي كل شويه  تتخربط وعمتي بس تصرخ وعمتي سراج وعمتي سهام هم اجنه ونسرين بس تبجي وانا حتاريت شسوي اسكتمن وزهور حالتهه ماتنوصف كل شويه تريد تكتل روحه وعمتي سراج بالكوه كاضتهه ماعرفت ابجي على روحي لو عليهم بقينه حوالي اربع ساعات واجه حسين وقادر " حسين راح لعمتي وانا رحت لقادر

.....قادر علي شلونه ونصرت وين؟؟

قادر.....خويه على كيفج هسه اكلج

أزهار......قادر فدوه كلي والله صبري نفذ

قادر.....علي بالمستشفى

أزهار.....ععزااا ونصرتتتتت وين؟؟

قادر...... نصرت نصر.....!!

أزهار..... لليش ماتحجي نصرت صاير بي شي يله كول

قادر.....نصرت كتل الولد الي ضرب علي وصور زهور واخذو الشرطه

أزهار..... شنووو لا لا يعني هسه نصرت كاتل " كعدت بلكاع وبقيت اصرخ وعمتي هم حتى ملابسهه العليهه شككتهن راحن عليهه البنات واخذنهه واجت عمتي سراج عليه

سراج..... يمه ازهار كولي يا الله تفاولين شبيج ومايصلح تبجين اخوج بلمستشفى

ازهار..... عمه راح يعتبرونه قاتل وبعد مايطلعونه وحتى راح يضربونه عمه والله ماتحمل

عمه .... عمه ياروح على كيفج شبيج راح تموتين روحج " بلكي الله و يطلعونه

زهور.....كله من وراي كلشي كاعد يصير بيه من وراي انا مسؤؤلهه بعد ما اكدر اعيش ربي اخذ روحي ليش كاعد تعذبني

أزهار..... قادر اخذني لعلي

قادر..... تمام جهزو روحكم

أزهار.....يله يمه خلي نروح "  زهور دعت على نفسهه وراحت للمطبخ تركض وقفلت الباب عليهه

سراج..... عمه زهور وين رايحه

سهام.....خليهه تولي  خاف شسوي   الله ياخذهه كله من وراهاا

سراج..... سهام مو وكتج

سهام..... اي طبعاً اليحجي صدك مايراد " سوده عليه عمه نصرت شنو ذنبك تخلص عمرك بالسجون وذاك علي الله  اليعلم ميت عدل "

ازهار....بصياح .... عمه كافي لخاطر الله ليش تفاولين

أزهار..... كلنه ركضنه ورا زهور للمطبخ وجان الباب مقفول    " اجه قادر وحسين وبقو يكسرون بالباب
ومن نفتح الباب جان زهور متمدده ودم وسجينه بطنهه واكفه امي وكعت من طولهه وانا ركضت عليه وقادر شالهه واخذاهه وعمتي سراج وحسين جابو امي ونسرين جابت عباتي واجت وراي كلنه رحنه ما عدى صابرين وعمتي سهام رحنه للمستشفى انا وقادر ونسرين وزهور بسيارة قادر ،

وعمتي سراج وامي ومرة عمي بسيارة حسين انا مخليه زهور بحضني وابجي وماعرف عليمن على اخوي على امي لو على اختي لو على رجلي ماعرف على اي واحد " ربي والله صعب اختبارك ماكدر كلهم عزاز ساعدني يارب ساعدني " وصلني للمستشفى نزل قادر وشال زهور وركض طب وانا رحت وراه دخلوهه كبل لغرفة العمليات واجت الدكتوره بقى تسئل بقادر وانا رحت افتر بلمستشفى مثل المخبله واصيح علي وينك علي " اجه قادر ولزمني

قادر..... ازهار خويه فدوه لعينج مايصير هيج تسوين بروحج تعاي انا اخذج لعلي هو بالطابق الثاني

نسرين..... قادر فدوه انا هم

قادر..... تمام تعالوا

أزهار......قادر يمشي وانا امشي وراي صعدنه الطابق الثاني وشفت عمي وابوي عمو واكف وابوي كاعد ومخلي ادي على عيونه رحت على عمي وحضنته " عموو حبيبي علي شلونه

ابو نصرت.... كافي بويه مابي شي وهسه شويه ويطلعونه

ازهار..... عمي ونصرت شلون عايفينه بوحده

ابو نصرت....منتضرين علي يطلع و نروحله

ازهار.... اريد احجي وياا علي

ابو نصرت.... روحي بويه كلي للممرض و ادخلي

أزهار....رحت ولكيت علي مدد والمغذي يمشي بي " الحمد الله على سلامه

علي..... الله يسلمج شجابج للمستشفى

أزهار.....بصياح....هسه ارتاحيت مو اخذيت ثارك مو ارتاحيت طاحت برأس نصرت وزهور هسه بين الحياة والموت ارتاحيت نضفت عارك لشوكت بس كلي لشوكت هذاا تفكيرك تبدله ليش بس كلي ليش دمرت حياتي ليش !!

علي.... شنو نصرت وشنو زهور شبيهم

ازهار..... نصرت ضرب الي ضربك زهور انتحرت

علي..... شنووو ونصرت هسه وين وهذاا الكو***مات

أزهار....هذاا الي هامك واختك

علي..... ازهار اطلعي بره

أزهار.... تمام علي بس من اليوم ماراح اعتبر عند اخو الموت والله ياعلي" طلعت ودموعي الي يكول شلال ماكدر اسيطر عليهم " شويه واجه دكتور وطلعو علي وزهور كالو نبيتهه"  ابوي و امي ونسرين وعمتي  رجعوا وانا وعمتي سراج بقينه بالمستشفى وقادر هم مارضى يروح وامي بلكوه راحت " بقينه تقريبن ساعتين ننتضر دكتوره تطلع " كلبي صاير مثل الجمر شويه وطلعت الدكتوره وكالت عادي تكدرون تشوفونهه دخلنه انا وعمتي اول ماشافتني كامت تبجي ....ليش هيج تسوين بيه انا ناقصني

زهور.....اسفه والله ماتحملت نضرات الكل بيهه حقد الي

سراج.... بس عمه  مايصير تسوين هيج هاي الروح امانه عندج

زهور....اسفه عمه خوفتكم

سراج.... لا عمه عادي المهم تكومين بسلامه

أزهار.... شلون صرتي هسه

زهور.... تمام بس شويه بطني توجعني

ازهار.... شويه ويروح الوجع تحملي " اندك الباب فتحته وشفته قادر " قادر

قادر.... اكدر ادخل

ازهار.... اي تفضل

قادر..... الحمد لله على السلامه زهور

زهور..... الله يسلمك

ازهار..... شفت زهور استحت من قادر مادري لان حاولت تنتحر مادري من الفيديو " قادر خلي نطلع

قادر..... اي تفضلي هوه دكتوره كالت مايصير يبات وياهه اله واحد بس

ازهار.... تمام انا ابقى

سراج.... لاعمه وين انتي تبقين بوحدج انا ابقى ورجائاً لا تعاندين

ازهار..... تمام عمه " عمته واعرفهه اذا عاندت معناها هذا هوه " طلعنه انا وقادر وصعدت بسياره ورا وهو يسوق " قادر

قادر.... هااا تفضلي

ازهار..... شنو اخبار نصرت

قادر.... بعده بالسجن مامقررين

ازهار..... اكدر اطلب منك طلب

قادر.... تفضلي تأمرين امر

ازهار.... مايأمر عليك ضالم " عادي تاخذني لنصرت

قادر.... شلون اخذج بلكي نصرت او اهلج مايرضون

ازهار..... الله يخليك والله اريد اشوفه

قادر.... تمام راح اخذج

ازهار.... شكرا ' رحنه لسجن قادر نزل وقفل سياره عليه

قادر.... لا تنزلين اشوفن وارجعلج اعادي يخلون زياره لو لا

ازهار.... تمام ' بقيت منتضره قادر حوالي ربع ساعه واجه

قادر.... يله ازهار تعاي

ازهار.... يعني راح اشوف نصرت

قادر.... اي بس لا طوليت لان بالكوه راح يخلونج

ازهار.... تمام " رحت دخلنه رحت بغرفه كالو هاي غرفة  الزياره شويه ودخل نصرت انا هنااا ماعرف اوصف شعوري ابجي اضحك ما ادري ركضت علي وحضنته نصرت ليش هيج سويت

نصرت.... أزهار شجابج شلون تجين لهناا !!

ازهار.... والله ماتحملت اريد اشوفك

نصرت.... ازهار حبيبتي انا ماتحمل تجين هناا والله اتعذب من اشوفج تمشين بين شرطه احلفيلي بعد لو شنو يصير ماتجين هناا

ازهار..... والله ماتحملت اريد اشوفك

نصرت.... أزهار انتي تردين تعذبيني

ازهار..... هذا هوه حبيبي بعد ماجي بس لا تعصب نصرت ليش هيج سويت

نصرت..... اسف ازهار بس شنو تتوقعين اسوي وانا اشوف ابن عمي غركان بدمه وعرضي ينشر شنو تتوقعين اسوي ازهار انا لي هسه مابرد كلبي " كليلي علي شلونه

ازهار...بجيه ...علي طلع بس زهور بعدهه

نصرت.... زهور شبيهه ؟؟

ازهار.... زهور حاولت تنتحر

نصرت.... وهسه شلونهه وانتم شلون تعوفونهه بوحدهه

ازهار.... لا هسه زينه وباجر نطلعهه

نصرت.... منو اخذكم للمستشفى ؟؟

ازهار.... قادر ماعرف شلون اشكره من صبح ويانه ويفتر بينه

نصرت.... تمام يا شمامتي المهم زينه ولاتخافين انا راح اطلع واعوضج عن كل يوم مريتي بي زعلانه

ازهار... انا والله ماريد شي المهم تطلع

نصرت.... لا تخافين اطلع ياشمامتي احبج اموت عليج

ازهار.... وانا هم

نصرت..... انتي شنو

ازهار..... احبكك نصرت

قادر.... اسف اذا كاطعتكم بس مايصير نطول

نصرت.... لا عادي يله حبيبتي روحي قادر ديربالك عليهه ماوصيك

قادر..... بعيوني

ازهار....ببجيه .... نصرتتتتت

نصرت.... ياروح نصرت؟؟

ازهار..... ماريد  اروح خليني يمك حباب

نصرت.... ازهار مايصير روحي وبعد ديري بالج تجين

ازهار.... تمام " طلعت وبقيت ابجي بحركه ونصرت صاح لقادر وبقو يحجون شويه وطلع قادر مبتسم ماعرف شبي سعدنه بسياره وهوه يضحك بله هسه احنه بيا حال والله بطران " وصلنه دخلت مالكيت احد بالبيت ماعده صابرين " صابرين وين البقيه

صابرين .... راحو لبيت عمي

ازهار.... تفضل قادر طب جوه

قادر.... لا شكرا انا اروح لأمي بس هيه بوحدهه بالبيت يله مع السلامه

صابرين.... الله وياك بسلامه

ازهار.... نحنُ هنااا شبيج هيج معتي

صابرين....عااا لا مابيه شي بس زهور شلونهه

ازهار.... الحمد لله رحت لنصرت

صابرين.... صدك تعاي جوه سولفيلي شلونه

ازهار.... الحمد لله " كعدنه انا وصابرين وبقيت اسولف على نصرت وشويه وصابرين راحت تنام وانا رحت خابرت عمتي سراج سئلتهه على زهور كالت زينه ونطوهه منوم ونامت " رحت شويه لغرفتي وتذكرت البارحه شلون انا ونصرت وهسه شلون شفت قميصه لي بارحه لابسه على الجربايه خذيته وشميته ااه ليش من كمت احبه راح وووف " سمعت صوت جوه ونزلت رحت لكيت هم جايين عمو راح نام بس سوده عليه مبين تعبان كلش وعمتي كاعده بصاله هيه ونسرين " مساء الخير

ام نصرت.... مساء النور يمه هلا بيج اجيت جا زهور منو بقى وياهه؟؟

ازهار.... عمتي سراج ماقبلو اله واحد يبقه

نسرين.... ليش ماجيتي شفتي  اخوج علي كله يسئل عليج

ازهار..... ماعندي اخو علي سوه الي برأسه ودمر حياتي

نسرين.... ازهار شبيج احنه بالعراق مو بأوربا يعني راح يضل العار ملاحكنه لو ماسوه هيج علي !!

ازهار..... بالله شنو سواه علي غير دمر حياتي انا ونصرت وفضح زهور لو مامسوي هيج جان نسدت السالفه

نسرين.... لا والله حبيبتي ماراح تنسد السالفه كله من وراه اختج شوهت سمعت الشيخ حامد الي ناس كلهه تحلف بسمه

ازهار.... انتي صدك ماتستحين شلون تكولين هيج

نسرين.... انا الي ماستحي لو

ام نصرت..... كافي احنه بيا حال وانتن هيج تحجن يله نسرين لغرفتج

نسرين.... تمام

ام نصرت..... يمه ازهار مالج شغل بيهه بس هيه محترك كلبهه

ازهار.... ادري عمه اصلاً نسرين ماكو مثلهه يله تصبحين على خير

ام نصرت....  وانتي من اهله الخير

ازهار.... صح نسيت اكلج اليوم رحت النصرت

ام نصرت..... شلون منو اخذج ؟؟

ازهار.... قادر اخذني

ام نصرت..... وشلونه؟؟

ازهار .... الحمد لله 

ام نصرت.... يمه سوده عليه بيه ولا بي

ازهار.... عمه روحي ارتاحي مو زين عليج هسه يصعد ضغطج " عمتي راحت وانا هم رحت لغرفتي بس بعدني مغثوثه من نسرين وشلون تحجي هيج بقيت لصبح اتكلب بمكاني كمت صليت وسويت ريوك بس محد قبل ياكل

عمو طلع اكيد راحو لنصرت وحسين اجه علينه ورحنه للمستشفى وطلعنه زهور رحنه للبيت لكيت علي متمدد بالصاله ونسرين يمه صعدت زهور فوك وبقيت يمهه ابد ماسلمت عليه ولا نزلت الحمد لله زهور جان جرحهه سطحي يعني تكدر تتحرك

بعدين سمعت صوت عمي وابوي جور نزلت اركض وجان اسمع انُ نصرت انحكم .......

...... للحكايه بقايه

....انتضروني في البارت الأخير

..... واسفه على التأخير واتمنى تعذروني

..... احبكم ولاتنسون تنطوني رأيكم بالبارت وتصوتون