مساء الورد يا ورود انتو شكراََ ع تفاعلكم ودعمكم القصصي ولا تنسون التصويت و التعليق
قرأة ممتعه
#كذب_المنجمون ٦
#بقلم_أم_مختار
(دنيا غانم)
خاب الذي قَصدَ اللِّئام بحاجةٍ
حتى و إن نال الذي هو نائِلُه
- زكي العلي
هبه _يااااا ولج البنيه الفضحتها بت خالتها تكول بروسجن بنتلها بيت شبيج انتي
عطايا _ هنا حسيت روحي تجردت من كلشي الانسانيه ما عاد الها محل يمي ولا كرامتي و الفقر
خذه حيز جبير بحياتنه الدرجة خلانه نتمرد على طبيتعنه والطيبه الي بداخلي خمدتها وطفيت قناديل طريق الحلال
عطايا_ وليش بت خالتها فضحتها
هبه _نشرت المحادثه ما مطيتها فلوس اخير شغله طمعت
عذاب _طمعهم قتلهم هذولي طمعهم فضحهم
هبه _اي والله
عطايا _طلعت هبه صبو العشا وكاعدين ياكلون وانا كاعده ومنتجيه ع الحايط انا تعبت
بسمه _ليش يمه شبيج
عطايا_انا مليت من هل عيشه مليت احنه الدائماََ المديوسين مليت احنه الدائماََ تتبعثر كرامتنه ونسكت
واكل اكل مااا لاكين ناكل
بسمه _كلولي شنو اشتغل و الله حتى خدامة اشتغل بس المهم تعيشن مرتاحة
عطايا _ خدامه خااف باقي شي من كرامتنه نمسحه كلش
عذاب _انا اطلع باجر وادور على البيوت اذا يردون وحده تساعدهم و انتي ارتاحي هيج ترتاحين
عطايا _لا منا ورايح بعد ماااكو شغل ماكوو خضوع الاحد احنه الي لازززم الناس تخضعلنه
عذاب _للحضه حسيتها صارلها شي
اسم الله بيج شي
عطايا _بيه كلشي بيه حسرره لوو اطلعها احرركم بيهااا بيه وجعه جاي تحرررك روحي
بسمه _شنوو المطلوب شنوو تردين نسوويلج وترتاحين
عطايا _تحطوون ايدكم بأيدي ومحد يعترض ع الراح اكوله
بسمه _شنو هذا الشي
عطايا _نشتغل شغل جماعي ايد وحده ما صفك
بسمه _اي عيوني الج كولي شنوو نشتغل
عذاب _ طلعت روحها من طلعت هل جمله ومن كالتها حطت عيونها ب الارض تعرفها غلط بسسس الدنيا جبرتنه ماا نبرر لاا بسس فعلاََ نجبرنه
عطايا _ كلنه نشتغل سحارات
بسمه _شنوووووووو
عطايا _ايييي مثل ما سمعت واذا ما تردين بكيفج
عهود _يعني شلووون
عطايا_يعني مثل ام زينب
بسمه _تخبلتي انتييي اضحكين ع الناس
عطايا_اييي ما بيها شي الناس كضت عمرها كلها تضحك علينه تضحك من ملابسنه وتضحك ع فقرنه الي هو اصلاََ مووو بأيدنه
بسمه _تعوذي من الشيطان يمه
عطايا _منووو وياي
عهود _ الهدوء عم البيت بس انا متأكدك بخواطرنه ضوضاء خترقت كل حواسنه
عذاب _انا وياج
عهود _وانا هم
عبير _ انا وي امي شنو تكول انا وياها
بسمه _تكسرن كلمتي
عطايا _والله كااافي يمه كاافي انااا مليت انا هم بشررر ادوس عل روحي واكول اي مو شكال نتحمل بس جاااي تشوفين وين نطكها عووووجه
عذاب _ومنين نجيب تليفون ونت وهذا البرنامج
عطايا _كلشي تركو عليه
بسمه _خلي بالج هذااا الطريق اذا مشيتي بي كل خطوة تخطينها بي راح تحررركنه
عطايا _بالحالتين محروكين
بسمه _....
عطايا _خلينه نجرب
بسمه _شجرررررربين انتي جااااي تحجين بالحلال و الحرررام الله فوگ الراس تردين تنصبين ع النااااس بحلالهم تردددين تأذيهم بأمنياتهم تردين تكسرين كلوبهم فوگ ما هم مكسورين
هيه الناس ليش تلتجا للخيره والهل سوالف من التعب اللاح صدرهم من همومهم يردون يهربون للأمل بهل سوالف
عطايا _ لاااا همه شردو الهل سوالف لأن همه نسوو الله ونسو كذب المنجمون ولو صدقوا
بسمه _كبرتي وظليتي توكفين بوجهي
عطايا _انااا هسااا واكفه ضدد روحي كلهاا اناا ضميري جااي ينهش بيه بسسس ماا استمعله هل مره كااااافي هاي انا وهذا الراح اسوووي الي يريد يحط ايده بأيدي اهلاََ وسهلاََ والما يريد بكيفه
بسمه _ ماا تسويها عطايا
عذاب _عافت امي ودخلت للحمام سمعت صوت القفل وسمعنه صوت بجيها
بسمه _..... شتردين تسوين سوي منين تجيبين تليفون ونت روحي ركعي راسج بالحايط
عطايا _ اسمع صوتها تكطع كلبي اول مره اعاند اميي امي ام ضحكه الحلوة ربتنه احسن تربية بسس الفقر مردنه
عذاب _ نامت امي وبكلبها حسرة علينه
طلعي امي نامت
عطايا _فتحت باب الحمام نامت متأكدة
عذاب _تعاااي احجيلي شنووو خطر بالج من حجيتي هل حجي وعوفي امج
عطايا _ما احجي خليني انفذ وبعدين كلشي يتوضح
عهود _ترى احنه مو زعاطيي احجيلنه شنوو ناويه
عذاب _كلشي ناويه بس اصبرولي للصبح بس خلي يطلع الصبح وراح تشوفون شنوو اسوي
عبير _تخوفين عطايا
عطايا _خليكم بعيدين و راح تشوفوني شنوو اسوي
عذاب _يا ثگل ذاك اليوم ومستحيل بيوم نكدر ننسا حتى لوو اقوة انواع الزهايمر هم ماا راح ينسي
عطايا _صباح الخير
عذاب _صباح النور تعاي تريكي
عطايا _كلهم ردو عليه الا امي كمت من فراشي غسلت وجهي انا رايحة يم هبه
بسمه _شسوين موليه
عطايا _بس اروح يمها ضايجة
بسمه _بسم الله بعدج ما شفتي شي من اليوم يمتى لحكتي ضوجين
عطايا _هسا تقبلين لو لا
بسمه _ياا صدگ سمعين كلمتي ذكرتيني انا امج اي والله خوش ونعم من تربيتجن
عطايا _عفتها وطلعت
هبه _يا هلا تعاي
_زوجج هنا
_لا وين من ٨ طلع
عطايار_اريده يوصلني البيت عمي يكدر من يرجع
هبه _تدللين بس يجي اكله
عطايا _اي ساعة يرجع
_ساعة ٤
_اي خوش فدوه مو تنسيني ب ٤ وشوي اجيلج
هبه _حاضر بس خو مصاير شي
عطايا _لا
للساعة ٤.كعدت على اعصابي ما حجيت الامي اربعه وربع رجعت الهبه ها اجه
هبه _اي بس يتغدا وطلعون
عطايا _اريدج تجين وياي استحي وحدنه بالسيارة
هبه _تدللين
عطايا _شكراََ
رجعت للبيت حضرت عبايتي بالحوش خليتها
عذاب _شجااي تسوين
عطايا _ بس سدي مكاني و الباقي سهل
بسمه _ما يحتاج تسد مكانج روحي سوي الي تردي اريد اشوووفج وين توصلين و عواقب هل شي كله براسج وانتي تتحملين ذنبه
عذاب _ عطايا ما ترد عليها ومدنكه حسيت عطايا كبرت بهل فتره الي توفة ابوي بيها
حتى شكلها تغير اكو حزن مخالط ملامحها
عطايا _ انا طالعه
بسمه _ووين موليه
عطايا _البيت عمي سعد
_شسوين
_شوي وارجع جريت عبايتي وطلعت انتظرت زوج هبه بالحوش بدلو ع سريع و طلعنه
انا ما اندله كلش فاا خذيت تليفون امي وياي وتصلت عليه دلاني هو
عطايا _السلام عليكم
سعد _هلا باباتي تعاي
عطايا _شگد اشمئز من هاي كلمة من يكولوها النه
عمو انا جايتك بشغله ضروريه
حنين _اي كولي
عطايا _عمو انا جاي اشتغل بالكبب والسمبوسه و الاكل يعني
حنين _اي خوش زين تسوين على الاقل ما نحير بمصرفكم
عطايا _باوعتلها بتسمت اي والله صدگ كملت كلامي العمي ويكولون نكدر ننشر شغلنه ع النت حتى تجي ناس تشتري من عدنه وانا ما عندي تليفون يكنك ويصور واجيتك اساعدني بهل شغله
حنين _اي سهله انطيها تليفوني القديم
عطايا _لا عمو انا اريد تليفون جديد هذا القديم اكيد بي خراب
حنين _والله ما بي شي بس شوي يصرف شحن
عطابا _ما رديت عليها عمود اريد تليفون جديد اساعدني لوو لا
سعد _سهله روحي للبيت وباجر يجيج التليفون
عطايا _لا عمو هسااا اريده خلينه نطلع اشتري الي و اروح البيتنه
حنين _شو مستعجله
عطايا _هااا عمو
سعد _ جيبيلي محفظتي حنين
حنين _اخذني وياك
عطايا _انا جيراني جايبنه تعال ويانه اشتريلي وارجع تكسي
سعد _تدللين باباتي امشي
عطايا _وهاي اول خطوة تمت بنجاح
اشترالي تليفون حلو وسعره مناسب ورجعت للبيت
اول ما دخلت حطيته ع الميز
بسمه _منين جبتي هذااا ولج
عطايا _عمي سعد اشترا الي
بسمه _وشنو كتيله راح اشتغل نصابه انصب ع الناس
عطايا _كتله اشتغل بالكبب و اريد انشر شغلي ع نت
بسمه _والله وكبرتي يااا عطايا وظليتي تفكرين و عقل شيطان عندج
عطايا _ما كبرت انا ولا عقل شيطان عندي
بس اناا سويت كلشي يطلع بيدي و خلص بعد جبت اخري
بسمه _الله يهديج ولعنة الله على شياطينج
عطايا _......
عذاب _ونت منين تجيبي
عطايا _هبه تنطيني الرمز مالتهم
عذاب _ وخذت الرمز من هبه وعلمتها هبه شلون تسوي حساب بالفيس بوك وظلت اسجل بورقة وقلم استغربنه ليش اسجل مو هيه جاي تسويلها حساب
بس رجعت للبيت ذبت عبايتها وحطت الورقه
عذاب _شجاي تسوين
عطايا _ جاي اسوي حساب ثاني
عذاب _شصخمين بي
عطايا _ جا شلون اراسل روحي واسوي محادثات
عهود _يمه منج عطايا
عطايا _وكعدت اسوي الحساب واركز بكلشي محاوله محاولتين كدرت اسويلي حساب ثاني وما اعرف شلون ابحث والگه الحساب رجعت الهبه كتلها شلون الگا حسابج ع الفيس علمتني و دزت الروحها طلب صداقة من الحساب الي هيه سوته مووالي انا سويته
فاا تعلمت و رجعت سميت الحساب العلوية ام محمد ورجعت دزبتلي طلب صداقة من حسابي الثاني وسويت محادثه بيناتنه نتبهت بنص المحادثة يظهر الوقت شلون هذا ينحذف
عهود _ تعرفين تنشرين
عطايا _باوعتلها وين ينشرون
خرب نسيت هل شي كمت لبست عبايتي و رجعت الهبه اكلج وين تنشرين انتي هاي اقصد ام زينب وين جانت تنشر
هبه _بنفس مكان البحث كتبي مثلاََ كروب بنات وبس
او كروب محافظتنه علمود الطلبيات بس للمحافظه
عطايا_ علميني فدوه كلشي ما اعرف
هبه _باعي هذا اليوتيوب دخلين عليه وعلى هاي الجنها مكبره هاي تبحثين شنو تردين تكتبين ويعلموج
عطايا _كولي والله
هبه _والله
عطايا _رجعت للبيت فرشت فرشه صغيره بالحوش و كعدت فصخت التليفون والبرامج تفصخ
وطبيعتي ذكيه بسرعه اتعلم بسرعة افهم الشغله واسجل يمي خاف انسا
الحد الفجر وانا ابحوش بهل تليفون والبرامج سويت المحادثات و دخلتلي جم كروب شفت طالع ارقام جوى يم الوجه دست عليها مكتوب تم قبولك بالكروب دخلت للكروب الناس ناشره اشكال والوان حطيت منشور للخيرة وكتبت خيرة مجاناََ ونمت بعد ما كدرت افتح عيوني من التعب
فزيت الظهر كاعدين يتغدون
اخذت تليفون وطرت للحوش وصلتني الاشعارات
ورسائل اكو فوگ دست عليهن نقلني الغير برنامج
محادثات للظالين كلش هواي وكلها تكلي خاله فدوه خذيلنه خيره
بتسمت اي بعيوني تدللون
ع سريع نضفت العليه وكعدت بالحوش ظليت ارد عليهن اسمج واسم امج والنيه
الحد هسا اذكر زوجة خالي هشكل تاخذلنه
اسمي نور بت رجيبه عن القسمه
عطايا _تمام اصبريلي بس افتح القران
سديت التليفون و ظليت افكر شنو احجي شنو اكول
زوجة خالي جانت تكول بيجن تابعه
اي اكول بيج تابعه
وبعد شنو اكول
اكلها جايتج قسمه زينه بس بسبب التابعه راح تخرب اي اي هيج
كضيت التليفون وحجيتلها كلشي
نور _ياا خاله وشلون والله مليت من العيشه
عطايا _ادري طالعلج اكو ناس جاي تضوجج
_اي خاله هاي نسوان اخوتي موتني
عطايا _ بتسمت بلشن هنه يحجن ما يحتاج انا احجي اي طالع يمي و عليج عين محسودة انتي
_اي و الله
عطايا _هاي شنو بلشت اصدگ انا علوية واخذ خيرة
نور _وشنو اسوي
عطايا _لازم تكطعين تابعه ولازم تشيلينه الحجاب ابد ما ذبي
_ووين اسوي خاله
_انا اسوي وشفتو انتو شغلي بعد
_اي و الله خاله فدوه بيش تسويها
_١٥٠ الف
عطايا _ما ردت عليه هاي اول وحده شردت هههههه سديت التليفون وكمت اكلتلي لكمه ورجعت المكاني
اسمع امي بالصالة تخابر
بسمه _ياا صدگ
ياايا يا ما يستحن والله
كلحنه دخلنه عليها صاير شي
اشرتلنه اصبرو
عذاب _الحد ما تخلصين مكالمتج طايحة كلوبنه
بسمه _هسا يمه اصبرن
سديت الخط عمتج هاي تكول خطيبة كاله رايحة الهزيل وتكله ليش تزوجني و تخليني يم اهلي خو خليني مره اللك
عهود _وشنو رد
بسمه _ _يكلك طاردها دفر
عطايا _حل تستاهل شگد خفيفه
سوت روحهازبس هيه وبس يم گبره وهسا تريد تاخذ صاحبة
عهود _وهو ليش من الاساس يخطبها خلي البنيه تزوج َتروح الحال سبيلها كافي هاي سنين كلها صبرت و تحملت بعد شنو موكف قسمتها
بسمه _بس والله ما تستحي شلون هيج تروحله وتحجي
عطايا _ما نعرف ضروف الناس
بسمه _اي و الله ما نعرف والا عطايا الما يطيح ذكر الله من السانها تشتغل نصابه
عطايا _ محد يظل على حاله
رجعت كعدت ب مكاني وصلني مسج من اسم ولد
وعليكم السلام
_انا علي ابن حمامه اريدج تاخذين خيرة المرتي
عطايا _تدلل بس لازم اسمها واسم امها هيه وشنو النيه
_اسمه كوثر بت ميعاد هيه جانت تشتغل ب روضه وتمرضت وغابت جم يوم وفصلوها شوفي ترد الدوامها لو لا
عطايا _هسا بس افتح القرأن وارجعلك
_ان شاء الله ورحم الله والديج
عطايا _كعدت يمي عذاب
هذا هيج وهيج سالفته
عذاب _وشراح تكليله
عطايا _راح اكله اكو ناس جاي تسعا ترجعها بس
اكو وحده بالروضه ما تحبها يعني اكيد اكو وحدة هناك شايفه روحها وحده مغثه لابد اكو هيج
عذاب _كتبيله وشوفي شنو يكول
كتبتله شوي ورد عليه
_اي صحيح كلامج صاحبته جاي تحاول تردها بس هيه متعاركه وي المديره لان فصلتها و المديرة قافله
عطايا _اي لازم تسون صمة حلك للمديره حتى من تحجي صاحبتها تقبل بسرعة
_وشگد يكلفنه
عطايا _طلبت ١٥٠ طفرت البنيه خلي اطلب اقل
تكلفلك ٧٥ الف
_واكيد ترجع
_سبوعين تراسلني تكلي رجعت
_وشلون نجيلج البيتج
عطايا _سديت التليفون يجون البيتنه لايابه هااي شلون اذا ما صار شغلهم يجون يشكون حلكي
هاي الما فكرت بيها
عذاب _كليله تعال المركز المدينه انطيك شغلك
عطايا _ومنو يروح ينطي
عذاب _امي
_امج تتوقعين تروح
عذاب _خلي تصير واحنه اربعتنه نضغط عليها
عطايا _فتحت التليفون لكيته دازلي هواي مسجات
يمه باجر الصبح تجيني للسوگ وانطيك الحجاب تكدر تجي
_اي خاله باحر ساعه ١٢ بس لأن عندي دوام
_ان شاء الله
عطايا _رحنه الامي حجينه ردنه ابدد ما قبلت
بسمه _ما اروح شنوو انتي ما تستحين
عطابا _لااا ما استحي شگد اشتغلت جاي تشوفين ماكوووو حظ
بسمه _وعبالج من ضحكين على الناس الله يوفقج
عطايا _المهم هساا ناخذ ال ٧٥ الف
بسمه _اي روحي انتي
عطايا _انا باجر اروح وخلي يصير الي يصير
بسمه _تسويها ادري بيج وحدة ما تخافين
عطايا _لان ما ظليت اهتم الفقر والعوز خلاني هيج اصير
بسمه _....
عطايا _خلينه نشتغل هيج الحد ماا الله يفرجها علينه ونترك هل شي
بسمه _....
عذاب _يمه لازم باجر ترحين لأن ما عدنه شي بالبيت وما عدنه فلوس
عهود _ احسن ما نظل نجدي عند زوج حنين و ام هادي موو يمه
عطايا _هل جملة اثرت بيها
بسمه _اخخ يالعوز هد حيلي
عذاب _انتي قرري نروح للولد وينطينه ال ٧٥ لو نطلب من سعد وعباس
. بسمه _.....
عذاب _السكوت علامة الرضا
عطايا _وهاي جانت اول شغله النه
جبت ورق وكتبت دعاء الرزق وطبكت الورقه مثل الروله وشديتها بخيط ابيض
بسمه _الحجاب ما يصير ب ورقه مخططه بس يشوفوها راح يعرفوج
عطايا _وشنو نسوي
بسمه _اكو بالكنتور مالتي علك جبته من الزياره جيبيي
عطايا _نطيتها العلك والمكص كصت منه شوي و سوته مثل الجنطه الى
بسمه _كليله هاااي ما تنفتح اذا نفتحت راح يبطل الشغل ويصير ضدكم حتى لا يفتحها ويعرف
عطايا _ تمام
وفعلاََ سويت مثل ما كالت امي وطلعت امي وظلت تنتظره بالسوگ وجنه خايفين على امي و وخايفين بس لا ما يجي
كل شوي اتصل ب امي
بسمه _لا تتصلين من يصير شي اناااا اتصل عليج
عطايا _ظليت ادور بالبيت ما مدرت اكعد
الحد ما تصلت امي هااا بشري
. بسمه _بيدي الفلوس وخذه الحجاب وراح
عطايا _كوووولي و الله
بسمه _والله
عطايا _ تعااااي ع سريع لا ظلين ب مكانج
عذاب _دخلت امي وحطت الفلوس ب ايد عطايا
بسمه _وهسا شنو ناويه سوين
عطايا _بيج حيل تمشين
_شتردين
_نروح للسوگ نجيب كلشي ناقص البيت و نجيب كباب
عبير _نروح كلحنه هههههههههههه
عذاب _وطلعت عطايا وجابت كلشي وباها ورجعت للزاويه تراسل البنات و احنه نحضر بالعشا
بسمه _اذا كلولج اريد نجي للبيت شسوين
عطايا _اطلع حجه
بسمه _بس تتحججين راح يعرفون انتي جذابه بالاول حاولي تعرفين عنوانهم قبل لا يسألوج ومن يكلولج اريد نجي اذكري ابعد منطقه البيتهم حتى ما يكدرون يجون
عطايا _خوش فكره
بسمه _من يردون يحجون وياج صوت فهميني الوضع وانا احجي وياهم
عطايا _تمام
بسمه _البيت اذا عرفوو نروح كلحنه ب داهيه
عطايا _لا تخافين
_السلام عليكم خاله ممكن تاخذيلي خيره
عطايا _اي حبيبتي تدللين
اني نهال بنت عروبه اريد اعرف محمد يرجعلي
عطايا _هههههههه لج تعاي عبالهم انا قناة الريماس تذكرين الرسائل عذاب
عذاب _ايي تذكرين من يكتبون شكد توافق بين فلانه وفلانه
عطايا _ههههههههه
هسا افتح القرأن وتدللين
محمد يحبج يموت عليج
_صدوگ خالة
_اي حبيبتي بس اكو وحده تريده ومسويتله شغل خالته ما يشوف غيرها
_ياااا خاله صدوگ اكيد هاي وحده بالجامعه ويانه
عطايا _بعد ما اعرف كل الي اعرفه هيه جاي تخلي ينجذب الها والحجاب جاي يشتعل عليه
_وشنو اسوي خاله
عطايا _لازم تبطلين شغلها وتسوين انتي بدالها شغل الى
_وشگد يكلفني خاله
عطابا _١٠٠ بس انتي من وين
_اني بغداد
عطايا _بس انا من غير محافظه
_زين عادي الشغل يظل يمج لو ما يصير
عطايا _يعني شلون شنو تردين
_ادزلج رصيد وسويلي الشغل ويظل يمج
عطايا _خوش شغله هااي لج عذاب هنوب يطلعلي حلول شگد حلوين
اي يصير شنووو بيها المهم الشغل ب أسمج
_لعد خاله هسا ادز امي وبلشي اشتغلي
عطايا _اذا تردين هسا ابلس الشغل بس هااا اذا ابلش اشتغل وما دزين ينكلب ضدج لأن الشغل يحتاجله شغلات بعد لازم باجر اروح للعطار واجيبهن وهسا راح اشتغل بالبخور الي يمي
_لا خاله فدوه العينج بلشي المهم يرجعلي
_تدللين
صدگ البنيه ما قصرت نص ساعه دزلي ١٠ صور ع الماسنجر كل صوره بيها رصيد ابو ١٠
عطايا _وانا كملت الشغل يمي باجر ادزلج صوره منه
_شكراََ خاله فدوه خاله خلي يرجعلي ب اقرب وقت
عطايا _تدللين سبوعين وشوفي شلون برجعلج راكع
الرصايد ظليت انطيهن الابو المحل احولهن ياخذه مني اقل ب الف و ابيع على هبه هم اقل ب الف لأن تحويل شهر واحد وظلينه نلعب بالفلوس لعب
والبنيه الي رادت ترجع تشتغل بالروضه رجعت شلون ما اعرف وشكرو مني ورحم الله والديج وما قصرتي وانا كلشي ما مفتهمه ليش وشلون رجعت ما أعرف
بسمه _ماما عطايا شوفي منو بالباب
عطايا _منووو
ما اجاني رد بس الباب يندك
_منووو
رجع اندك الباب فتحت الباب على كيف
هزيل اهلاََ وسهلاََ عذرني خويه
هز راسه وحط المسواگ وظل واكف
_تفضل تفضل
_باوعت للحوش حسيته يدور عليها سلم عليه ب أيده وراد يروح
عطايا _عهوده تعاااي شيلي المسواگ هو دار عليه يباوع
بتسمتله تريد شي دور على احد
هز براسه وراح
عطايا _ربي يجعلها من نصيبك ع الاقل وحده تبتعد من هل قرف
دخلت المسواگ هزيل جاب مسواگ
عطايا _عيون عهود صارو يلمعون وتباوعلي
انتي الثانيه شتردين
عهود _لا ما اريد شي
خذيت المسواگ من ايدها
عذاب _خطيه بس سمعت بي فز كلبها
عطايا _ ما بيدي شي عليها
خذيت تليفوني ورجعت المكاني
لكيت فوگ ال ١٠٠ رساله من بنيه فدوة خالة ردي عليه عليج الله ردي عليه
تفضلي حبيبتي
_انا تهاني بنت ويناس فدوه خاله اخذيلي خيره
يتبع......
لنا لقاء بعد غد بأذن الله
♥️♥️♥️♥️♥️♥️♥️