Jimin pov
මගෙ පිස්සු කෝලමව ගෙදර තියල මං ආවෙ ජන්කුක්ලගෙ ගෙදරට. මං යන යන තැන වොන්හෝත් එන හින්ද මෙතන්ටත් එයා ආව. ඒ ගෙදර යතුරක් අපි ගාව තිබ්බ හින්ද අපි කෙලින්ම ගේ ඇතුළට ගියා.
යනකොට මෙන්න ජන්කුක් යූනගෙ චාහි ඔන්නි වගේ කෙනෙක්ව මේක දාගෙන කිස් කරනව. අපි එනකොටත් ගෙදර හිටපු කෙනා මෙතන්ට ආවෙ ඉගිල්ලිලාද? මං එහෙම හිතන ගමන් දෙන්නවම පැත්තකට කරා. ඒ විසිවුන පාර ජන්කුක් කෑම මේසෙ , චාහි ටීවි එක ළඟ.
වොන්හෝ නම් පණ යන්න බඩත් අල්ලන් හිනා වෙනව. මං හිනාව තද කරන් හිටියෙ නපුරු මූණක් හදන්. ටිකකින් දෙන්න පස්සවලුත් අත ගගා වැටුන තැන්වලින් නැගිට්ට.
ඒ අතරෙ මං බලාගෙන ඉද්දිම චාහිගෙ මූණ සැරෙන් සැරේ වෙනස් වුනා. නෑ කොහොමත් මේ ඇත්ත චාහි නෙමේ. ඒකනෙ මට චාහිගෙ මූණ ඇතුළෙ යූනගෙ ex ගෙ මූණ පේන්නෙ.
පේන විදිහට යූන ඉස්සර ඉඳන්ම සම්බන්ධ වෙලා ඉඳල තියෙන්නෙ මිනිස්සු එක්ක නෙමේ. ඒකටත් මොකක් හරි හේතුවක් ඇති.
මං මගෙ බලයක් පාවිච්චි කරල exගෙන් චාහිගෙ රූපෙ අයින් කරා. ඔය ඉන්නෙ දිය සෙවලය වගේ. මිනිහව දැක්ක විතරයි ජන්කුක් ඉන්නෙ නිකන් පණුවෙක් පළවෙනි වතාවට ඉර දැක්ක වගේ ඇස් දෙකත් ලොකු කරගෙන. ටික වෙලාවකින් මේන් කොල්ල තොල් දෙක අතුල්ලනව.
Ex තාම ඉන්නව හිටපු තැනම. ගල් වෙලා. මගේ බලය හින්ද මිනිහට හෙල්ලෙන්නවත් බෑ.
🖤"දැන් ජන්කුක් ඔයා හිතන් ඉන්නෙ ඔතන්ට වෙලා හැමදාම තොල් පිහ පිහ ඉන්නද?..."
💚"නෑහ්..."
ඊළඟට තිබ්බෙ ප්‍රශ්න විචාරාත්මක වටය. මායි කුක්‍කයි දෙන්න මිනිහගෙන් එක දිගට ප්‍රශ්න ඇහුව. මිනිහ දැන් ගල් වෙලා නෑ කට වැඩ.
මේ ගොබ්බයත් දේව රාජ්‍යයෙ සේවකයෙක්. ඒරිස්ටලු වැඩ කරන්නෙ. කොහොමත් ඉතින් ඒරිස් ගෑවුන තැන මොකක් හරි ඔය වගේ සෙවල වැඩක් ඇරෙන්න හොඳ වැඩක් නෑනෙ. ඒත් හිතාගන්න බෑ තාම මේකා මොකාටද ලෑස්ති වෙන්නෙ කියල.
කොහොමහරි ගන්න ඕනෙ දේවල් ඔක්කොම ගත්තට පස්සෙ අපි ex ව යැව්ව. දුකට කාරණාව මිනිහට ආයෙ කවදාවත් කතා කරන්න බැරි එක. මං කරන කිසිම දෙයක් කිසිම කෙනෙක්ට ආයෙ නැතිකරන්න බෑ. ඒ හින්ද ඉතින් ex හැමදාම කටහඬ නැතුව ඉඳී මොකද මට ඒ බන්ධනය අයින් කරන්න කවදාවත් අදහසක් එන්නෙ නැති නිසා.
💚"මේ උඹ හිතනවද චාහි මට කතා කරයි කියල..."
ජන්කුක් ඇහුවෙ මං චාහි විස්තරේ කිව්වට පස්සෙ
🖤"එයා කතා කරන් නැත්නම් ඔයා කතා කරන්න..."
💚"අනේ මට බෑ..."
🖤"ඇයි.."
💚"එයා මට ආදරෙයි නම් කියයිනෙ..."
🖤"එයා ඉන්නෙ ඔයත් එක්ක සම්බන්ධයක් පටන් ගන්න බයෙන් කියල දැන දැනත් ඇයි ඒ කෙල්ලවම අමාරුවෙ දාන්නෙ.."
💚"දැන් ඉන්නෙ දඬුවම් කාලෙක වුනාට චාහි කියන්නෙත් දේවතාවියක්. ඉතින් ඇයි බය..."
🖤"පියාණන් කිව්ව විදිහට...චාහිගෙ දඬුවම් කාලය ඉවර වෙනකන් එයාට දෙවි කෙනෙක් එක්ක ආදර සම්බන්ධතාවයක් තියෙන්න බෑ.."
💚"හරි එහෙනම් මං මනුස්සයෙක් වෙන්නම්..එතකොට හරිනෙ..."
🖤"චාහිගෙ දඬුවම් කාලය තව මාස දෙකකින් විතර ඉවර වෙනව..."
💚"ඒත් එයා ආයෙ දේව රාජ්‍යයට ගිහින් එද්දි තව අවුරුදු දෙකක්වත් යයි. එතකන් ඉවසන්නද කියන්නෙ .."
🖤"ඔයාට ඉවසන්නම වෙනව.."
පොඩි එකා වගේ අඬන ජන්කුක්ගෙ හිත හදන්න මට පැය ගාණක් ගියා. දේව රාජ්‍යයෙ ගරු නම්බු තියන් හිටපු මෙයා මෙහෙ ආවට පස්සෙ හා පැටියෙක් ගානට වැටුන කියල මං දැන්නෙ දන්නෙ. මාත් එහෙම වෙන්න කලින් ඉක්මනට දේව රාජ්‍යයට යාගන්න ඕනෙ. ඒත් තාම හිමිකාරි හම්බුන් නෑනෙ.
අන්තිමට ජන්කුක් රෑට මෙහෙ නවතින්න කිව්ව හින්ද මං යූනට කෝල් එකක් දාල කිව්වෙ අද එහෙ එන්නෙ නෑ කියල. පිස්සි...හැමවෙලේම මං ගැනමද කොහෙද හිතන්නෙ.
ඒ කෙල්ල ළඟ මගෙත් හිතට මොනා වෙනවද මන්ද. දකින දකින සැරේට තුරුලට අරන් ඉඹින්නමයි හිතෙන්නෙ. ඒ පිස්සිත් ඉන්නව හොඳට පූස් පැටිය වගේ. එයාටත් මට දැනෙන දේවල්ම දැනෙනව ඇති.
අපි කතා කර කර ඉන්න අතරෙ ටේහ්‍යුන් කවුදෝ මන්ද කෙල්ලෙක්ගෙ ඇඟේ එල්ලිලා ගෙදර ආවෙ. කොල්ලගෙ කෙල්ල වෙඩින් එකට කලින් දවසෙ පැනල ගිහින්නෙ. ඉතින් දැන් කොල්ල ඒ දුකට ඇති වෙන්න බීල හැමදාම ගෙදර එන්නෙ එක එක කෙල්ලො එක්කලු. බීල වෙරි වුනා කිව්වට මේක වෙරි වෙන එකක් යැ. ඇක්ටර් කෙනෙක් වුනා නම් ටේහ්‍යුන් මෙලහකට ඔස්කාර් සම්මාන පවා අරගෙන. ඒ තරම් රංගනය තාත්විකයි.
ටේහ්‍යුන් එක්ක ආව කෙල්ල එයාව අපිට භාර දීල ගියෙ. කෙල්ල ගියා විතරයි මෙච්චර වෙලා වැනි වැනි හිටපු එකා කෙලින් වුනේ.
රස මොන වගේද බලන්නත් එක්ක මාත් බීල බැලුව. මත් වෙන්නෑ කියල දැන දැනත් මං බෝතල් හතර පහකටම වැඩේ දුන්න. වොන්හෝ නම් හිටපු තැනම වැටිල. පව් අහිංසකය.
ජන්කුක් , ටේහ්‍යුන් , වොන්හෝ තුන්දෙනාම නිදි. සාමාන්‍යයෙන් දෙවිවරු නිදාගන්නෙ නැති වුනාට මෙහෙදි ජන්කුක් ටේහ්‍යුන් දෙන්න නම් නිදියනව. මටත් ඉඳල හිටල නින්ද යනව. ඒත් අද නම් නිදිමතක් නෑ. ඒ හින්ද මං පැත්තක වාඩි වෙලා භාවනා කරන්න පටන් ගත්ත. භාවනා කරන එක මගේ බලයන් හරියට පාවිච්චි කරන්න , මනස සන්සුන් කරගන්න උදව් කරනව.
හිත සන්සුන් කරගෙන භාවනා කරන්න පටන් ගත්තට ඒක කරන්න හම්බුනේම නෑ. ඇස් දෙක වහගන්න හැම තත්පරේම ඔළුව පුරාම කැරකෙන්නෙ යූනා. එයාගෙ හිනාව , කතාව හැමදේම මැවි මැවී පේනව. අන්තිමට මං ඒ වැඩේ අත් ඇරල දැම්ම. යූන ඔළුව පුරා සක්මන් කරද්දි කොහොමද භාවනා කරන්නෙ.
නිදාගන්න හැදුවට නින්ද යන්නෙත් නෑ ඇහැරන් හිටියට කරන්න වැඩකුත් නෑ. කල්පනා කර කර ඉඳල මං පාන්දර දෙකට විතර ජන්කුක්ගෙ කාර් එක අරන් ගියෙ යූනගෙ ගෙදරට.
හොඳ වෙලාවට මං ගාව යතුරක් තියෙන්නෙ. යතුර නැතත් ඉතින් දොරක් ඇරගන්න මට පුළුවන්.හිමීට සද්ද කරන් නැතුව ඇතුළට ගිහින් මං දොර ලොක් කරා.
කළුවරේම මං ගියෙ යූනගෙ කාමරේට. දොර ලොක් කරල කියල හිතුවට අත තිබ්බ ගමන්ම දොර ඇරුන. දොර වහන්න අමතක වෙලාද කොහෙද.
බෙඩ් ශීට් එකත් ගුලි කරන් යූන හොඳටම නිදි. මං ඇඳන් හිටිය කෝට් එකයි , ශූ දෙකයි , ඔරලෝසු ඔය ලට්ට පට්ට ඔක්කොම ගලවල කෙල්ල ළඟින්ම ඇලවුනා. යූනගෙ ඇඟේ ගෑවෙන නොගෑවෙන දුරක මං හිටියෙ. ඉතින් මං සැනසීමෙ ඇස් දෙක වහගත්ත. දැන් නම් හරි යූන ඔළුව වටේ කැරකෙන් නෑ.
ටිකකින් යූනා නින්දෙන්ම මගෙ පපුවට ඔළුව තියාගත්තෙ. එක අතක් මගෙ බඳ වටේ දාල ඒත් එක්ක කකුලකුත් මගෙ ඇඟට දාගෙන එයා සැපට නිදි.
එයා හුස්ම ගන්න සද්දෙත් කන ළඟින්ම ඇහෙනව. හුස්ම ගන්න සද්දෙත් හරිම කියුට්. මාත් එයාගෙ පැත්තට හැරිල යූනව තද කරල බදාගත්තෙ එයා කෙඳිරි ගගාම තව තුරුල් වෙද්දි.
ටික වෙලාවක් යද්දි මටත් නිදිමතක් ආව. මං ඇස් දෙක වහගෙන නින්ද යාගෙන එද්දිම...ඇහුනෙ පියාණන්ගෙ කටහඬ...
"ඔබ දැනටමත් හිමිකාරිය සොයාගෙන අවසන්...ඇයව ආරක්ෂා කරගන්න..."
මං දන්නව..මගෙ හිමිකාරිය යූන කියල. කියන්න දෙයක් නෑ මගෙ කෙල්ලව මං ආරක්ෂා කරනව තමා.