الإنِتَرنت المظُلم

49

أعان الله قلباً تمنى ما ليس مكتوباً له

—

< عزيز >
سكت وانا أهز راسي بنفي وجلست اناظر للي حولي وركبت سياره مع فايز وبدينا نمشي وناظرت شباك في طريق وياليتني وقتها ما شفت الي شفته شفت الشايب على الطريق يلوح لي وكان وسط ظلام مسحت عيوني مصدوم وش شفت؟! حاولت اشوف مره ثانيه بس اختفى الى ان قاطعني واحد من قسم الشرطه

........: عزيز وش فيك؟
عزيز : لا مافيني شيء تبي شيء؟

..........: توك ترد صار لي مده اكلمك
عزيز : العذر وسموحه تفضل

.........: اقولك وصل لنا بلاغ من ايمن انه ابو إبراهيم قدام بيت ابو نوره وقال لنا لا نجي بشكل يجذب الانتباه لان مسلح
باسلحه خطيره

—

في بيت ابو نوره

< يارا >
كنت مع البنات وشفت البنت تحضني وتشكرني انا والبنات
حسيت وقتها اني انقذت روح افتخرت بنفسي ما كانت توسعني الفرحه لأني ساعدتهم لكن قاطعتنا امها وهي تبكي

ام سعد : ولدي ولدي
يارا بستغراب : ولدك؟
ام نوره تبكي بانفعال: ولدي سعد مادري وين حطوه خذوه مني
ياسمين بستغراب تناظرنا وبهمس : شفتو ولد انتم؟
شهد تهز راسها بنفي : لا ما شفت وانتي يا يارا؟
يارا تحاول تتذكر : لا يا بنات ما اتذكر اني سمعت او شفت
ام نوره بانفعال : بروح ارجع داخل
يارا تحاول تمسكها : خلاص اهدي يا خاله بروح اجيب ولدك

<ام نوره>
تحاول تجلس بعد ما مسكوها البنات

ياسمين ترفع حاجبها وتمسك يارا : وش ترجعين منجدك!
يارا : تبيني اخلي سعد ولدها يموت ؟

شهد : يالملقوفه يا يارا وين تروحين ماراح تروحين مكان
ايمن قال اجلسو هنا لو عرف انك رجعتي بيذبحك

يارا تبعد يدينهم : بنات حرام عليكم بروح بسرعه وبرجع وعد محد راح يعرف اني رحت

ياسمين تتنهد : طيب يالعنيده بس انتبهي على نفسك
شهد تمسك يدينها : اروح معك؟
يارا : تناظر بعيونهم : مايحتاج ترا ثواني وراجعه انتبهو عليهم
ياسمين تناظر ام نوره وتجلس جنبها : لا تخافين يا خاله

—

< يارا >
صعدت الشباك بعد ما ساعدوني البنات اصعد دخلت البيت
وكان مره غريب بنسبه لي مشيت بخطوات سريعه لبرا الغرفه وشفت ايمن وبندر يطلعون قدام البيت استغليت الفرصه وصعدت فوق بديت امشي بالممرات.....

—

< ايمن >
ناظرت بندر وسحبته معي بسرعه خلف البيت وشفت
ابو إبراهيم وصوت ضحكاته وهو يهدد ابو نوره لو مايعطيه رمز الخزنه الي في بيته

وأبو نوره مصر مايعطيه شيء مشيت بعض الخطوات ومسكت سلاحي وناظرت بندر وهو يهز راسه لازم نقبض عليه قبل يوصل للجهه الي فيها البنات

—

< ياسمين >
كنت جنب ام سعد الى ان بديت اسمع اصوات غريبه تجي ناحيتنا ما تطمنت لكن الفضول يزيد عندي رحت وطلعت نص عيني من الجدار لكن شفت شخص قدامي كان ضخم مره رفعت راسي فوق وشفته يبتسم لي شهقت وأبعدت بسرعه ومسكني من طرحتي وهو يحاول يقرب مني اكثر حاولت اعضه لكنه ما فكني

<شهد>
سمعت شهقت ياسمين التفت وشفت شخص ماسكها ومو راضي يفلتها ابداً وهي تحاول تبعده عنها جيت اقرب لكن
تكلم بصوته الي خلاني ارتعد غصب عني وأشر مسدسه على ياسمين وعلى شخص معه ما عرفته الا لما قالت البنت الي معي
" بابا " حسيت بلخبطة كبيره وضعت وكل تفكيري بس ياسمين تكون بخير قاطعنا صوت ايمن وبندر الي جو خلف ابو إبراهيم

< بندر >
تقدمت ومسكت سلاحي بعد ما شفته مسك ياسمين
ماقدرت اشوف اكثر واسكت : ابو إبراهيم!!

ابو إبراهيم بضحكه قويه وهو يلتفت : هلابي يا بندر
بندر : ولله ثم ولله ان ما تتركهم ان اطلق عليك!

ابو إبراهيم : يا بطل انت ناوي تصوبني؟ صوب عشان
افجر رأسه ورأسها جرب....يلا!

—

< عزيز >
وقفت سياره قدام بيت ابو إبراهيم حاولت اتصل على بندر
لكن مافي جواب ابداً مسكت نفس وانا اشوف فايز
يعرق كل ماله ورفض يروح المستشفى

تنهدت ونزلت بسرعه وشفته يفتح باب السياره
من جهته وينزل ويحاول يمشي

فايز : يا عزيز ماراح اخليك تاخذ حق فارس لحالك

—

< ايمن >
حاولت اقرب بدون ما يلاحظ لكنه ناظر لي

ابو إبراهيم : بايعهم يعني تبيني اقتلها!

< ايمن >
ابعدت بسرعه عشان مايسوي شيء لهم

ابو إبراهيم : ابو نوره لو ماراح تنطق رمز الخزنه راح تموت زوجتك قدام عيونك وبطلقه وحده...

< ابو إبراهيم >
اشرت للمسدس وضغطت بشكل بطيء على زناد
وانا اسمع اصراخ الكل الى ان

ابو نوره بصراخ : بقول بقول
ابو إبراهيم ببتسامه : خلك كذا من زمان يلا تكلم
ابو نوره : الخزنه فوق ورمز ١٩٨٨

< ابو إبراهيم >
يسحب ابو سعد ويمشي بشكل حذر لداخل البيت

< ياسمين >
كنت ارجف وابكي راحت ام نوره وبنتها يلحقون ابو إبراهيم

< بندر >
مسكتها قبل تمس الارض وبديت اتفحصها
وتناظرني بعيونها وهي خايفه ومحجر عينها غرقان بدموعها
مسحتها بيديني

< ايمن >
رفعت حاجبي وانا اناظر للمكان بس ما كانت يارا
بينهم تحمحمت عشان ينتبهون لي : وين يارا؟؟

ياسمين : يارا راحت تساعد سعد
ايمن : سعد؟

< ايمن >
تركتهم ومشيت بسرعه لداخل البيت لكن قبل ما ادخل
شفت سياره ينزل منها عزيز وفايز !!

عزيز : ايمن!

< ايمن >
مشيت له وانا ماني مصدق كانت اشكالهم صدمه!
انتبهت لرجل فايز الي تنزف
رحت لهم بسرعه وشفت
الحزن يغطي عليهم استغربت ومسكت كتف عزيز وانا استجوبه

ايمن : وش فيكم صار شي؟؟؟
عزيز : في وسط ما كنا نحاول نتنصت على مكالمات إبراهيم صار شيء مو بالحسبان انضربنا بقنبلة آر بي جي وفي وقتها...
"يختفي صوت عزيز وهو مو قادر يكمل "

فايز بتكمله : وقتها ما قدر الطيار يسيطر على طياره وهبطت بشكل قوي على ارض وسببت اصتدام و... فارس..اخترقت جسمه حديده طويله ومات فيها

ايمن عقدت حواجبي بصدمه : ا انتم متاكدين وش جالسين تقولون فارس توفى!!!!

<عزيز >
حاولت امسك ايمن لكن دخل للبيت بسرعه وهو معصب
ومو شايف الي قدامه مشيت وراه بسرعه قبل يسوي شيء

—

< يارا >
كنت امشي بالممرات واناظر كل غرفه بالممر احاول
أدور الطفل الي حتى ما اعرف وين غرفته او وين هو

الى ان شفت غرفه كانت مفتوحه فتحت الباب وشفت
سرير وألعاب أطفال فرحة ومشيت لسرير وادعي انه يكون موجود ناظرت وحصلت طفل نايم وكان شكله ينوكل تربع بقلبي ابتسمت وانا اناظر له وسرحت....

—

< ايمن >
مشيت وراء ابو إبراهيم وانا معصب وأزيد من رصاص المسدس بدون حتى ما اشوف كم رصاصه حطيت فيه دخلت البيت ورحت فوق وأمشي بالممرات الى ان سمعت صوت طلقت نار

< يارا >
استوعبت و وقفت من مكاني اول ما سمعت صوت طلق نار
ناظرت لطفل الي متعمق بنومه ومو داري عن اي شيء قفلت باب الغرفه بسرعه ورجعت جنب سرير وانا خايفه
ومو عارفه ايش اسوي

< ايمن >
مشيت لصوت الطلقه دخلت لغرفه وشفت ابو نوره مرمي على الارض ورجله منصابه والخزنه فاضيه

وبنته وزوجته يبكون سحبت الاسلكي من خصري وطلبت من فريق دعم يحاصرون المنطقة بالكامل ومحد يطلع من بيته

رجعت وطلعت من الغرفه وانا ادور لابو إبراهيم شفت ظل شخص وراي التفت وحصلته يحاول يخنقني ضربته ضربه قويه على بطنه وأبعدت كان ابو إبراهيم رجعت وهجمت ورديت عليه بضربه أقوى

< عزيز >
انتبهت لايمن وهو يضرب ابو إبراهيم سحبت مسدسي
لكن ماكنت قادر اتخيل كل ما شفت منظر فارس مسكت راسي وماقدرت اطلق حسيت بضعف

< ايمن >
سحبت المسدس واطلقته على ابو إبراهيم وانا امسح دم عن ثغري وانا باقي دمي يغلي مسكته ورجعت اضربه واضربه وانا مو قادر اوقف ضرب

—

< شهد >
تركت بندر وياسمين حسيت موقعي
غلط بينهم ورحت وشفت...

—

< بندر >
مسكت ياسمين وشلتها معي وكانت حتى
ما تكلمني ولا تناظر لي " سويت شيء غلط؟ "

< ياسمين >
كنت مستحيه ومنزله راسي ومتوتره ومو عارفه
كيف اتصرف معه وقتها

—

< ايمن >
يده صارت كلها ملطخه بدم اخبث شخص ويشوف عزيز يحاول يبعده لكنه ابعد عزيز وبدأ يضرب أقوى من قبل ويتكلم بكلام مو مفهوم وقتها دخل بندر وسحبني بعيد عن جثته مشيت مبتعد
عنهم وادور يارا وامسح دمه بثوبي

< بندر >
دخلت وكنت مصدوم من شيء الي شأفته عيني كان ابو إبراهيم وجهه مشووهه من ضرب الي تعرض له من ايمن ابعدت ايمن وانا معصب منه لان رجال مات وهو باقي يضرب فيه

—

< يارا >
كانت اصعب وأطول نص ساعه في حياتي
كنت اسمع صراخ وطلق نار واشياء تخوف بس كنت اخاف اطلع من الغرفه حسيتها ساعات تشجعت بعد ماحسيت ان المكان صار شوي هادي ورحت وفتحت باب الغرفه ناظرت في الممرات ارتحت لما ما كان فيه احد في الممر لكن كان مظلم وإلعتمه مرعبه
ما كان فيه نور الا نور الغرفه

رحت ومشيت بعد ما تشجعت في الممر وشاده على طرحتي وخايفه ناديت بهمس : فيه احد

فجأة بدون سابق انذار باغتني احد من وراي في وسط ظلام
حاولت أكون هاديه لكن مو قادره أكون هاديه شد علي بقوه وحط يدينه على فمي يحاول يكتم شهقاتي لكن طريقته في تنفس مرعبه كان يحاول يهمس في أذني لكن انا تقشعر جسمي بالكامل ثبت خايفه ودعيت كل الادعيه الي انا حافظتها.....
يتابع

————————
نجمه و تعليق و نشر القصه
————————————————
حماسكم ؟