قصة مهد

البارت الثالث والثلاثون

《》 الحلقة الثالثة وثلاثون 33《》
   《》 اللكاتبة #بنت_الحجي 《》
           《》#مهد  《》

كعدت على صوت استيفن ..
عماد :   لحكتك ههههه
استيفن  :  هههه والله زين سويت جنت ضايج اطلع وحدي

رواء :  نبقه بسيارة شنو تعالي ننزل
مهد  :   ماحجيت نزلت رواء نزلت وراها صار كدامي شباب واكفين واستيفن وعماد

استيفن :  حمدالله على سلامتكم
رواء  :  الله ايسلمك خوية
جريت مهد يمي واكفه وراي ومدنكه راسها مخلية الكبوس مال الجاكيت على راسها ..

مهد  :  ميته من البرد واستحي ارفع راسي بسبب الكدمات الي على وجهي والشي الصار مايروح من بالي كل شويا اتخيل الصار ..
استيفن  :  باوعت مهد وجهه بي علامات ضرب حتى ماردت علينه ..
فوتو جوا ارتاحوا عماد فوتهم محد جوا كلهم طالعين بس اكو جوه مرة هيه وبنتها

عماد  : هذا بيت المهرب شنو
استيفن  :  اي عايفه اللعالم  حجيتله عليك راح من يجي احجي وياه واتفقو واني هم انطيته خبر
عماد  :  خوش يلا رواء تعالو فوتو

فتنا جوا بيت كبير يم غابة عبالك هوسه وريحت الجكاير العبان نفس ..
رواء  :  شكلج مصخنه ايدج حارة مهد
يوجعج شي
مهد  :  هزيت راسي لا
فتنا على غرفة بيها تخم صغير وفرشه بالارض وكاعده مرة وبنيه
رواء عفيه اريد نت اخابر على امي

رواء  :  هسه اكول العماد اني هم اريد احجي وي اهلي عفت امي بالمطار تصرخ اذكرت موقفها هيه وابويا سودة عليه رجعت ابجي

مهد  :   الله ايكون بعونج
عقلي كله يم امي بس لو احجي وياها باوعت ع ساعه 1 الظهر يعني بالعراق ساعه 2 الظهر هسه اشلون ياربي
مر 3 ساعات تقريبا
فات عماد دك على باب الي كاعدين بيها

عماد  ؛  تعالي رواء .بقه وضع مهد مو عاجبني البنيه مو طبيعية خايفه وتصفن والضرب الي مبين عليها ..

رواء  :  جايه ها
عماد  :  تعالي هناك نحجي .. اكولج مهد شحجتلج
رواء  :   ها كل الي كالته زوج امها بقيت اتلعثم بالحجي مااعرف شحجي شكول اخاف ماتريد تحجي عن هل شي هيه
... مااعرف مافتهمت بالضبط غير انو  زوج امها ذبها وجوازها عنده حتى ماترجع اللعراق وتبقه بهل وضع

عماد  :  شنو هوه بكيفه ماترجع اتروح تشتكي عليه والسفارة العراقيه الهنا تكدر اتروح اتقدم بلاغ بس هم اطول امورها
هاي اذا صدكو بهل حجي

رواء  :  فات استيفن وكف يسمع هم
مااعرف عماد المهم هسه اتريد نت حتى تتواصل وي امها وتحجيلها الي سوا وياها

استيفن  :  اي صيحيها تلفوني بي نت خلي افتحلها مني
رواء  :  اوكي دقيقه اصيحها
مهد  :  كاعده وافكر شسوي دخلت رواء

رواء : كومي بسرعه جيبي تلفونج استيفن راح يشبكلج نت من عنده

مهد  :  بس تلفوني طافي مابي شحن كمت طلعته من جنطه
رواء :  جيبي شاحنتي هاي هاج خلي ع شحن
وفتحي
مهد  :  انطيني اخذت الشاحنه النقطه مال الكهرباء يم الباب خليت التلفون افتحه ..
اشويا وفتح . نفتح بس اشيله يطفى

نحجي وهاي المرية وبنتها ساكتين ويباوعولنا
رواء :  خلي ايصير اشويا بي واخذه الستيفن جريتها تعاي هنا لا يسمعن
مهد  :  شنو
رواء  :   مهد عماد سئلني شصاير وياج وكتله زوج امها مايريدها وذابها وماخذ جوازها كال بكيفه اروح انقدم شكوى عليه وهمه يراسلون سفارة مدري شلون  علمود ايشوفولج حل واترجعين ..

مهد  :  بقيت ساكته مااعرف شكول اصلا
ماتكدر اقدم شكوى
رواء  :  ليش ماتكدرين
مهد   :   ستار بدولة هوه فلان ___ زوج امي الكلب
رواء  :  هاااااا صدك تحجين هذا يعني؟؟

مهد  : اي هوه كعدت ابجي هوه الحقير النذل
اخاف اشتكي وهنا كلشي ميسون وماعندي دليل هم وبفلوسة يكدر ينفذ منها

رواء  :  اوف والله كلامج صحيح زين اشلون شسوين

مهد  :  مااعرف رواء مااعرف شفت التلفون بي خمسه
صار هاج اركضي خلي الرمز قبل مايطفى ورجعي اخلي ع شحن واخابر ..

رواء  : جيبي اخذته ورحت
استيفن  :  مااعرف عماد مامرتاح اللوضع
اكو شي عود كول المرتك تفهم اكثر

رواء  :  اجيت سكتوا هاك بس ع سريع حط الرمز شحن مابي
عماد  :  خلي اشوف امها شتكول على النذل المزوجته
وهيه تقرر اشلون ترجعها
استيفن  :  بس خليت الرمز كومه رسائل وصلت واتصالات من بابا حبيبي وامي ومصطفى ..
هاج راح يطفى

رواء  :  اروح اودي لها ..

مصطفى  :  نايم الصبح واسمع امي مدري ويامن تحجي وتحلف ممخابرتني اتكول .. رفعت راسي يمه نصي صوتج شكو ماتكولين نايم واحد هنا
.ومستمرة تحجي

انسام  :  صخام بوجهي اذا صدك لج نسرين خاف ايكذب عليج

مصطفى  :  وخرت الغطه من راسي طارت النومة جريت التلفون ساعه بالعشرة .. الصبح  بقيت اتكلب  ع فراش
انسام  :  يمه وين راحت هسه مهد ولج خوافه ترى اعرفها

مصطفى  :  من كالت اسم مهد كعدت شنو راحت كمت رحت يمها بالمطبخ.. اباوع عليه تبجي وتحجي ويامن تحجين

انسام  :  عود خابريني فدوة وطمنيني
الله وياج ..
اصخمنه وتعزينه جريت الكرسي كعدت
مصطفى:   ويامن تحجين شكو ليش تبجين ومهد شبيها
انسام  :  والله مااعرف شحجي خالتك اتكول مهد منهزمة من زوجها بتركيا وبايكه افلوسة وضاربته براسه وشاردة
وحتى ذهب خالتك وفلوسها عدها ماخذتهن وياها

ومحد يعرف وينها

مصطفى  :  شنو تحجين صدك انتي مهد ماسوي هيج ههه مهد خوافه وين تنهزم لاااااا تكفريني صدك تحجين
كولي غير هل حجي
انسام   :   يمه لا صيح والله خالتك هيج خابرتني وكالت هل كدامك ودك عليها ماعدها نت بس لاكيه مكالمات البارحه باليل من مهد

عبالها مخابرتنا وكالت اسئلك اذا مخابرتك

مصطفى  :  كعدت بالكاع احس النار تاكلني معقولة مغشوش بمهد اني ومااعرفها
انسام   :  ولك انت من طلكتها شفت شي عليها اخاف البنية واحد ضحك بعقلها وقشمرها

مصطفى  ؛   كاااافي يمه مااعرف شي ولا اريد اعرف اصلا حتى صرت مااعرف روحي ..
بس مهد ماسوي هل شي ماتطلع منها بس ليش حتى يتهمها زوج امها هوه مبين ايحبها ..

رواء  :  هاج كلبي خلالج الرمز خلي ع شحن راح يطفى
مهد  :  كمزت ع تلفون خليته ع شحن واكفه يمه ..شفت رسائل ومكالمات كومة
من امي ومن هذا النذل ..

بس كمشته اتصل هوه شمرت التلفون احس كلبي جمد مايكدك بعد
رواء  :  منو هوه موو
اباوع عليها ترجف وجهه اصفر صار مهد حبيبتي اهدي احنه يمج

المرة  :  يااا خاله شجاها كعديها بالكاع
رواء   :    كعدتها مهد كامت ترجف والدموع تنزل
مهد   :   سدي عفيه سدي
رواء  :   طفه انسد لا تخافين كومي قوي روحج خابري امج بسرعه لان راح يطلع استيفن وعماد
ايجيبون غراض
مهد  :   اييي فتحت محادثة امي دازه بصمات ومكالمات مافتحت شي بسرعه دست ع اتصال .. ايييي جاي يتصل...

رواء  :  ايي خوش
مهد  :  الووو يمه
نسرين  :  لج ساقطه ولج عين تتصلين ياعاهرة

مهد  :  بقيت بس اسمع شبيها تغلط
نسرين  :  ولج ليش هذا التعب هيج اجازي فوك ما طول هل اسنين معيشنه بخيرة

مهد  :  يمه شبيج ليش هيج تحجين
نسرين  : ليش هيج احجي شتريدين اكلج عفيه ادك واركص على صخام وجهج بنت الكلب
مهد  :  شسويت اني فوك الي اني بي تحجين عليه ..
كمت اشهك
نسرين  :  عليمن تبجين الفلوس وبكتيهن ذهبي وفلوس ستار واخذتيهن ليش ادموع التماسيح هسه ..
والله له اذبحج

مهد  :  بكتهن ؟؟؟؟ !!! انتي شتحجين باوعت المرة وبتها فاتحات عيونهن عليه ويسمعن
يمه والله انتي مفتهمه غلط والقرآن يمه
نسرين  :  امشي ولج ساقطه عوفي القران وتعرفين له اطلع هل شي من عيونج بس خلي ستار ايلكفج ويجيبج الي وي ياكواد اتفقتي

مهد  :  خليت ايدي على حلكي صرت بالعه الموس وساكته مااكدر احجي عماد واستيفن بالصاله وهذني يمي سديته بوجها وكعدت ابجي ..
رواء  :  هاااا شكالتلج شبيج

مهد  :  مااكدر احجي صدري مشكوك احس
الله لا ايوفقه اشلون فرها عليه الله ياخذك ياابن الحرام
حتى ابن الحرام شريف على هل سوايه
رواء كمشت اديها امي ممصدكتني
ولج امي مصدكته ايكولها باكت افلوسي وفلوسج وشردت مني

رواء  :  جريتها الحضني حسبي الله الله واكبر عليهم
شنوو من ام هاي
المرة  :  شبيها بنتي خير البنيه بيها شي
مهد   :  اجت المرة حضنتني بيها ريحة مال نسوانه الكبار خلت راسي على صدرها
احس صوتي ترس البيت

عماد  :  رواء شكو شبيها مهد
رواء  :  فات عماد واستيفن ايباوعون من الباب نزلت دموعي وياها خاله فدوة ديري بالج عليها هسه اجي

كمت طلعت
عماد  :  فهمينا شكو شبيها مهد هيج تعيط وتبجي
رواء  :   الازم احجي العماد وحدي مااعرف شصرف ..
شافني استيفن اريد احجي ومستحيه جر نفسه برا

عماد راح احجيلك بس بداعتي حبيبي ماتحجي لاي مخلوق    
عماد  :  احجي نشفتي دمي شكو
رواء  :  مهد ترى متعدي زوج امها عليها وشاردة منه ..
عماد  :   لا يالله
رواء  :  اييي وتعرف منو الكلب طلع زوج امها _
يعني مهد دمعه بنص بحر ماتاخذ حق ولا باطل كدام سلطته وفلوسة
عماد  :  اييي خابرت امها وحجتلها احد من عمامها خوالها

رواء  :  المشكله هنا هسه خابرت امها اول مخابرت انهدت على مهد ذاك الحقير متهمها بايكه افلوسة وهيه امها بسعودية كايلتلها اخذي ذهبي وفلوسي وياج البيت فارغ من سوء حضها يعني الكلب اتهم مهد بايكه افلوسة وفلوس امها وذهبها وشاردة بيهن ..

عماد :  لا ياكوا محد راح ايصدكها مو اتكولين ماتزوجه قبل ويبين يعني ماكو اثبات هسه عليه
وبس لا يشتكي عليها هنا...

رواء  :  لا فدوة عماد مهد ترى يتيمه الاب يعني حتى اب ماعدها وامها بعد كتلك هيه بطرفمن مااعرف شنو من ام هاي
عماد  :  والله مااعرف اشلون اساعدها يعني امها ممصدكتها اتكولين والعمام طبعا ياخذون بحجي ذاك هسه على ابو زلمة وتعرفين عدنا المرة كل حق مالها من تحجي معدوم حقها بالعراق
رواء  :  يعني بهيج حاله اتموت ضلم البنيه حضنته وبجيت لا حباب والله مهد مصدكتها اني

عماد  :  كافي لا تبجين خل افكر واشوف شنسوي بس كوليلها عدها احد اثق بي اتخابرة تحجيله
بلكت ايصدكها وايساعدها لان احنه هل يومين نطلع تبقه وحدها اشلون
رواء  :  ماعرف راح اسئلها واشوف

مصطفى  :  بقيت بس ادخن حتى فطرت علمود الجكارة الزمني صداع له انتقام فوك ضيمي
جربت اتصل عليها محظور من كل البرامج استغفرالله

انييييي ليش شايل همها لك لا تفكر بيها انت كوا__ يعني
عوفها اتولي هاي مو من ثوبك
مولي الشغل اخذت سويج وطلعت الجهنم مو عيشه من دخلت حياتي الهسه ..اسوق وافكر وين راحت
وي منو الف فكرة ابليس خله ابراسي

مهد  :  هديت وخرت من حضن المرة كرفصت رجلية وكعدت راح اجن
انتحر شسوي
المرة   :   يمه استغفري ربك وادعي هسه ترتاحين ويفرج همج شماكان
مهد   :  هزيت راسي لها دخلت رواء كعدت يمي
باوعت عليها وبجينه

شسوي هسه
رواء  :  اكو احد اثقين بي انتي يعني بلكت ايصدك اذا حجيتيله
مهد  :  منو اجه بالي مصطفى بسرعه محد بس خالتي ومصطفى طليقي يعني مااعرف احد لا عم اعرف واحد بيهم مابيوم شفتهم

رواء  ؛  دخابري بلكت اتحصلي ويتفهمج ويصدكج
اللهم صل على محمد وآل محمد هل اذن المغرب شبسرعه ادعي بلكت الله ايفرجها عليج وقت مغربيه هسه .. 
مهد  :  يارب انت ارحم الراحمين ارحم بحالي ياللهي
ادعي وابجي من شباك مبين ضلام اليل بسرعه مر على ماوصلنا الهنا صار المغرب
اختنكت بالزايد رواء خلي نطلع برا ع حديقه اختنكت
رواء  :  اي هسه جاي اتراسل وي اهلي

بقيت انتظرها اتخلص كلت خلي ادز الخالتي بلكت اجاوب عليه ..
دزيتلها ماشافت الرسائل خلي اتصل
احسن
دك محد ايجاوب

مره مرتين محد ايجاوب كلبي نار احس اختنكت
شي وكاعد على صدري دكيت ثالث مرة
طلعتلي ملاك
.الووو خاله
ملاك  : لا اني ملاك مهد
مهد   :   اسمع صوت اصريخ كلشي ماافتهم ملاك وي خاله اريد احجي وياها

ملاك   :  مهد مصطفى مات وامي جاي تبجي
اتريد اتروح محد ايخليها

مهد  :  مااكدر اوصف حالي والي دخل بجسمي برود مدري كلشي وكف بداخلي بس هاي نطقتها شنو مات ماافتهم شي من الصريخ وملاك تشهك وتحجي

ملاك  :  ماادري اتفجر شغله ايكولون

يتبع ...