بقلمي دينا الربيعي ♥
اكو بنات دخلولي خاص وگالو شلون ماسه عايشه حياتها واخوها مات بنات اني داكمل من جانت يم خالد بعدنه ماوصلنه لأحداث اخوها نكتل ومات بالسجن بعدين كومه احداث صارت ورها ودخل اربع مرات سجن بس ردت اوصللكم معلومه يعني من مات موبسبب السجن مال حيدر لا وراها تلث مرات دخل سجن وبعدين تعرفون الأسباب بالبارتات القادمه ان شاء الله بس اريد منكم تعلقون بين الفقرات واريد منكم تشجيعكم حته اكمل لان القصه طويله يراد الها وقت طويل تقريبآ سبعين بارت بس اذا ماشوف بيها تشجيع راح انهيها بتلاثين بارت لو اقل بقت يمكم احبكم هواي ♥
"الإنسان لا يتغير بمرور بالزمن
بل من مرور المعاناة من خلاله
نحن لا نتجاوز المعاناة بل نتغير
نتغير إلى درجة ان ملامحنا تحمل ملامح المعاناة
يقول جبران :
التعافي من المعاناة ليس كالتعافي من المرض
كثير من الناس لا يشفون
بل يخرجون مختلفين"!
غفران، يمه من كل عقلج اني حجتلي بيبي هناك بس ماردت اخذ قرار عنج يمه الصح انو نفكر قبل لاتاخذين قرار ونرجع هناك
يمه ليش هاي السنين الراحت كلها مافكروا بينه شناكل شنشرب وين انام هسه يله خطرنه عله بالهم
ام غفران، كااافي غفران حسي بيه تعبت انه
اريد مصلحتج ثقي بيه لو اخذت هيج قرار بس علمودج اني هم حالي حال ابوج يجي يوم واودعج واروح الدار حقي
بتي اريد أمن عليج قبل لا اروح اريد اموت مرتاحه ماعندي غير مصلحتج
لا راح ارجع الهم علمود فلس ولا علمودهم همه كل الاريد منهم أمن مستقبلج وبسس
وعندج طفل شلون ترديني ما ارجع اذا مسويلنه بيت وحدنه ومستقلين عنهم شكو بيها
غفران، ماشي يمه براحتج اني صاعده انام
صعدت واحس الدنيا كلها طالعه من عيني شويه وشفت تلفوني يدگ باوعت الرقم غريب
دگ اكثر من مره شفتها حماتي اخت مرتصى استغرب اتصالها
گلت خلي اشوفها شتريد
الووو
هله غفران شلونج حبيبتي
نعم شرايده ماعندي وكت اضيعه وياج
غفران حبيبتي اريد منج ترجعين البيتج ورجلج
والله ندمانين
هههههه والله ضحكتيني شنو رجعي البيتج شنو نلعب احنه
شوفي اني اطلگت وذبوني عيالي واريد احرگ گلب فطيم گلت ارجعج الرجلج احسن من ماباقيه يم امج ها شگلتي
روحي حبابه روحي وخلي ابالج الدنيا دواره شفتي شلون دارت بيج
اني اسفه غفران وهذا مرتضى ماطلگها بعده وياها اگله خويه طلگها ونرجعلك غفوره ماكوا يباوع الحلگها ام السحوره
روحي حلي مشاكلج انت واخوج اني بعد طلعت من عدكم وطلگت ماريد منكم بس تبتعدون عنه
غلقته وشبگت يزن اشمشم بي حبيبي نايم ومرتاح اديناته شامرها عبالك جان يركض فحطان ههههه واصابيعه الناعمه اگرگز عليها
♡♡♡♡♡
ماسه، بقيت الطريق كله ساكته ودايخه لا اني حجيت بعد ولا هو الطريق كله يشرب جگاير وعصبي ماگدر اطلع صوت بعد
وصلنه قريب من بيتنه وگال
خالد، نزلي يله وحسبي حسابج بالوكت اليعجبني اجيج ماشي
ماسه، باوعت بعيونه عاگد حاجبه ويحجي بخزره بسرعه دنگت راسي والدوخه سيطرت عله كل جسمي نزل الجنطه من الصنودگ الوره ورحت للباب دگيتها و هو واگف قريب مني
بس محد طلع رجعت دطگيتها هنا خفت محد اكو لو طالعين
خالد، يمكن طالعين امشي نروح يله
ماسه، لاااا خالد الله يخليك خلي ننتضر شويه بلكي يجون
خالد، گتلج امشي نرووووح
ماسه، هو يحجي واني مستمره ادگ الباب اتمنى بس واحد منهم يطلع طلعت جوارينه ام تقى گالت
هله ماسه شلونج خاله
سلمت عليه بس وتباوع على خالد اكلته اكل بعيونها گتله
زينه خاله اهلي تعرفين بيهم وين
يااا چا ماتعرفين بيهم شالو من زمااان قبل سته اشهر تقريبآ
شنوووو شالووو وين راحوااا ما گلولكم
لا والله عمج اخذهم وراحو ولا من سمع ولا من دره حته ماسملوا على الجوارين واحنه عشره عمر بس يمكن استحوا من عملتج
خالد، اضن انت مره جبيره وعيب عليج تحجين هيج على جوارينج ومثل متگولين عشره عمر
استحي على نفسج
ماسه، اخذ الجنطه مني ورحت صعدت بس كل قوه ماعندي بعد عيوني احسها تريد تطلع من مكانها وحراره بجسمي اختنگت وجهاز الربو بالجنطه مشينه مسافه
بس بقيت ساكته لان فعلآ تمنيت اموت ماردت اخذه حس عليه خالد
خالد، مااااسه شبييج ماااسه
نزل يركض جاب الجهاز خلا بحلگي ورجع راسي ليوره شويه اخذت نفس ارتاحيت
بس بعد مادريت اني وين
ماعرف شگد مر الوكت وحسيت بخالد يگعد بيه
خالد، ماااسه يله گومي ننزل وصلنه
ماسه، جان كل ضني رجعني للبيت بس نزلت مو للبيت مرجعني تذكرت هاي العماره الجابني بيها بيوم العقدنه
خالد، امشي نصعد يله
صعد الجنطه واني صعدت فتح الشقه ودخلنه الشقه نظيفه ومعطره استغربت منو بيها
بعدنه بالباب وطلعت مره يمكن بالتلاثينات عمرها استغربت هيه واني هم انصدمت باوعت الخالد حسيته الغضب مبين عليه گال
خالد، انت من شوكت هنااااا هااااا احجيييي
خالد والله اسفه عيوني بس ملگيت بيت اگعد بي وگلت انته مامحتاجها للشقه هسه فاابقه بيها هاي الفتره بين مالگه بيت
تتنعوص بصوتها ودشداشتها النيلي والصدر طالعه وبرموداا شعرها اصفر كلش حلوه وجسمها ضخم طول وبياض بقيت ادخخخخخن حسيت نفسيي راح اهجم عليها واملخهااا
خالد، تلمين غراضج وطلعييين ثوااااني بسسس الج ماكواا اشمرج منااااا يللللللله
هاي شبيك خالد عيوني صوتك وبعدين منو هاي الحلوه شنو موگلت بطلت هاي السوالف اشو گالبها عله الكتاكيت شنو احنه منعجب
ماسه، ماحسيت غير خالد خانگها ويگللها
خالد، صاق،،،،، اطلعين منا لو تردين تنهين حياتج هسه بت،،،،،،،
اووووي هدددني شبيك رايحه ميته عليك انيييي
ماسه، بعد ماگدرت اسيطر عله نفسي گعدت حسيتها مثل المسرحيه لا اعرفها ولا اعرفه هسه اكتشفت نفسي اني غبيه وجنت متخيله نفسي حافظته واعرفه بس طلعت غلطانه هذا الگدامي
مو خالد لااا هذا واحد ثاني صرت اكتشف بي شغلات تخليني انصدم بي
طلعت البنيه لابسه جبه كلها مفتوحه الرجلين مبيه والشال هيج ذابته عليها وبيدها جنطتها تخزر بيه خلت ورگعت الباب وطلعت
خالد، گومي دخلي جوه ارتاحي رايح اجيب واحد يغير القفل
ماسه، ماريد ابقه اهنااا خالد رجعني للبيت
خالد، ماگدر ارجع عندي شغل خلي يخلص ونرجع لتلحين عليه
ماسه، لك انته شنوووو ماكفاك يوميه ويه وحده مره غفران ومره هاي گلي انته شلووون هيج يوميه ويه وحده هاااا
خالد، ماسه مابيه حيل الج كافي البيه كافيني گاعد من الصبح وهسه بثمانيه لانايم ولا مرتاح فاسكتي عني احسنلج
ماسه، ماسكت داشوف شتسوي يللللله فهمنننني اني شنووووو
انته ليش تحب النسوااان يا اخي انته تفرح من تزوج اكثر من وحده
بس اگلك انته كلهم هيج تعاملهم يعني هسه اني وهاي الطرتها نفس الشي
وغفران گلي بس غفران معتبرها الأولى والاخيره موو
خالد، هههههه ولا وحده بيجن ثقي بالله كلجن متفيدني
ماسه، خااالد
خالد، شتردين خالد خالد شنو عاجبج اسمي اخذي لاتلحين كلساع خالد
ماسه، لا ماعاجبني وماريد ابقه هنا بالشقه مالتك هاي جانت نايمه هنا وتريدني انام بيها ماريد
خالد، يابه اني انام عله الجربايه وانت بالگاع يله بس خلي اخلص شغلي ونرجع
ماسه، متنام عله الجربايه كل عقلك تنام
خالد، هههه تغارين بويه شعليج انه قابل انام عليها انت شكو
ماسه، ماگدر احجي بعد سكتت ماريد ابين اله اكثر من هيج حسيت الغيره تفور بجسمي عافني وطلع قفل الشقه
رحت للغرفه بسرعه شلت الفرشه وطلعت غيرها وبدلت اللحاف والمخدات هم
ومسحتها وعطرتها واخذت القديمات خليتهم بالكنتور
رحت للمطبخ شفت ماكو شي بالثلاجه ولا عله الطباخ لعد هاي شلون جانت عايشه هنا شتاكل
شويه ودخل خالد گال
خالد، روحي للغرفه بسرعه وسدي الباب عليج لطلعين اله اني اگلج راح يغيرون قفل الشقه
ماسه، ماشي رحت للغرفه طلعت ملابس ردت اخذ حمام
ملابسي جانت كلها قصيره وربع ردن عبالي اروح لهلي والبسهم هناك بس كلشي تغير
بقيت اباوع للملابس ومره ارجعهم ومره اگول هاي فرصتي ومثل ماوعدت خاله خلي البسهم واخلي يتمنه مني احجايه واله اندمه على زواجه من ذني البنات حسيت الجرئه حاوطتني اخذت
دشداشه لونها ماروني فانيلا طويله بس جانت دلعه شويه واخذت باقي الملابس ومنشفه حضرتهم واخذت الشامبوا والغسول ومنتضره يكمل حته اروح للحمام
شويه وکال يله طلعي راح الولد ردت يطلع حته استغل فرصتي واخذ راحتي گتله
ماعدنه شي بالثلاجه واني جعت اريد اكل
خالد، واني هم والله جعت ماشي رايح اجيب اكل واجي تردين تجين وياي
لا لا ماريد راسي يوجعني اني ابقه هنا
خالد، ماشي ما اتاخر
ماسه، بسرعه رحت للحمام ومن طلعت خليت عطر فتحت شعري ردت امشطه نسيت اني مجايبه مشط
فتحت الجرارات مال غرفه لگيت مكياج ومشط وعطور
يمكن مالات هاي البنيه الجانت هنا اخذت المشط غسلته ومشطت بي
عيني اجت عله المكياج حبيت اخلي وهاي اووول مره اتجرأء هيج واخلي
خليت كحل برزت عيوني هووووووواي تغييرت عيوني كبار وناعسات ورمش عيني طويل لونهم جوزي فاتح
خفت لان اول مره اخلي مكياج ماجنت اعرف شنو راح تكون رده فعله بس جانت نيتي انتقم منه وبسسس
حواجبي جانت ماحافتهم رفعتها بأيدي ترتبن
وخليت حمرا سحريه على خدودي صارن احمر بس خفيف وخليت عله شفتي هم
اباوع الروحي استغربت نفسي عززززا بس لااا يعصب عليه من يشوفني مسويه هيج بنفسي بس جنت خايفه من داخلي بس جريئه واريد اشوف شنو رده فعله راح تكون
وبعدين اخذت المسكارا وبديت اخلي اني رموشي طوال وخليت منها حسيتهم طخوا بحاجبي ونثرت شعري بطريقه حلوه وذبيت الشال لان ماردت البسه بعد گدامه خليته عله الجنطه وطلعت اول مارحت للصاله
نفتحت باب الشقه ودخل جان مبين من شكله ومشيته تعبان ماشافني دخل للمطبخ خله الاغراض على الكاونتر واني اجيت وراى
بس دار وجها صرت مقابيله نصددددددم
ماگللكم شلون جانت صدمته لان اول مره مالابسه حجاب ومكياج ودشداشه جانت مخصره عليه تخيلوا رده فعله
خالد، ماسه حضرينه الأكل بسرعه جوعاان
حسيته صار عصبي بسرعه رحت للكاونتر وسويت نفسي ممهتمه اخذت العلاگه وبديت افتح بيها حسيته وراي بعد ماراح ذب حرگته بالأكل
حضرت الصينيه جان جايب بيتزا وکص ومعلاگ وببسي
وصمون خليتهم ورحت وراى وگعدت عينه صارت عله دلعه الدشداشه رفعت عيني جتي بعينه
بلع ريگ ودنگ ياكل بس احسه عله ساعه وينفجر بيه وتروح بيها دشداشتي الجميله وتبقه ذكرى
اكلت بواهس واني مستمتعه بأذيته اول مره اعيش هيج تجربه بس الصراحه حلو لمن تريد تنتقم من شخص تحبه وتحاول تسوي شغلات تقهره وتضوجه ومابيده شي حسيته مثل المربطي مايگدر يسوي شي هههه
جنت اضحك بداخلي عليه خلصنه الأكل وگال
خالد، سويلي چاي
ماسه، بعيوني عينه بعيني والغضب تارس وجها ههههه رحت سويت الچاي تقصدت ادنگ انطي اله وگعدت يمه بينه بس قنفه وحده وشغلت التلفزيون سويت نفسي مندمجه بالتلفزيون گال
خالد، گومي جيبيلي مي
ماسه، حاضر
گمت بس حسيته يتقصد يگومني رحت للثلاجه حسيت نفسي تقيدت بأديه
وراسه صار برگبتي وگال
خالد،
يتبع،،،
بنات ليش ماكو تصويت والله التنزيل بارتين باليوم ردت اعوض الايام الراحت وعفت كل القصص الجنت اكتب بيها بس علمود اكملها الكم هيج تجازوني لاتعليق ولا نجمه ليش تعبي هيج يروح سوولي واهس حته ترتفع القصه واكملها 💔