وقعتُ في ضحكه
لأول ِ مرةٍ أحبُّ تعثري .
—
< ابو إبراهيم >
ركبت السياره ومعي سلاح آر بي جي والي بينهي
الي في طياره كلهم رميته وبديت اضحك ومشينا بسرعه مع ابو نوره بعد ما رميته على الهليكوبتر بسرعه حركة سياره متوجه لبيت ابو نوره
—
<الطيار>
انتبهت للقذيفه الي جت فجأة حاولت التفت شوي لكنها ضربت جناح طياره وماقدرت أسيطر اكثر على الطياره وقريب راح تطيح الطياره ناظرت لعزيز وهو مرتبك ومستغرب
الطيار : عزيز الطياره راح تطيح اضغط زر الاحمر بسرعه
< عزيز >
سمعت كلامه ورحت وضغطت زر الاحمر وبدت تنزل بشكل شوي مو كويس واسرع وكان الهبوط....
< فايز >
سحبت عزيز وفارس عشان احميهم في احد زوايا الي مافيها اشياء حاده لكن وقف فارس وراح لزاويه ثانيه الى ان.....
~ بعد مده من الوقت ~
< عزيز >
صحيت وانا اسمع الاسلكي من ايمن يتكلم حسيت الم كبير براسي وانا احاول اتذكر ايش صار ثواني بس معدوده وانا اناظر حولي شفت فايز جنبي حاولت ازحف له
عزيز : فايز قم قم
~ضربته ضربه قويه على وجهه وشفته يقوم وهو مصدوم ~
فايز : شسالفه؟
عزيز : وين فارس
فايز : مادري بس في راسي الم فظيع
<عزيز >
ناظرت لزاويه الي كان متخبي فيها فارس وكانت صدمه كبيره تعتلي وجهي انا وفايز من المنظر الشنيع كانت حديده طويله مخترقه جسم....كنت احاول استوعب المنظر الي اشوفه !!
<فايز >
مشيت وانا احاول استوعب المنظر الي قدامي جثيت عل ركبتي ومسكته بين يديني وانا ما كنت مستوعب الي اشوفه : فارس ؟
<فارس >
وهو يناظر لاصحاب عمره ويحاول يتنفس عشان يتكلم لكن بدون مقدمات قذف دم من فمه وابتسم لهم : انا اتالم ( كح)....
فايز ودموعه في محجر عينه : تكفى لا تموت اسمع عزيز بيكلم
فريق دعم وبيجون الحين يساعدونك وراح تعيش
فارس يبتسم لعزيز : عز....
عزيز يجي له بسرعه : تكفى تحمل يا فارس لا تموت ولله لا يقطعني ندم ياليتني ما اخذتك معي ياليتني ما اخذتك
فارس : يا عيال روحو بسرعه بتنفجر طياره بسرعه
اخذو معكم الطيار ترا بس فاقد وعيه اتوقع
عزيز يمسك نفسه ويحاول يشيل فارس : مستحيل اخليك
فارس : فايز طلعه بسرعه بتنفجر طياره
وكلنا راح نموت تكفون انا ما تقدرون تاخذوني الحديده داخله جسمي مقدر اطلع منها خلاص اطلع ولا تلوم نفسك يا عزيز
< فايز >
مسكت دموعي وسحبت معي عزيز وهو معصب مايبي يترك فارس وأخذت طيار معي واول ما أخذنا خطوه على برا ومشينا شويه انفجرت طياره شهق عزيز وهو يناظر لأشلاء الطياره
عزيز رحت بسرعه وحاولت ادخل الطياره : فايز وش سويت
<فايز >
ضربته ضربه قويه على وجهه الي
سببت أنه يطيح على الأرض : شوف حولك استعيد وعيك
عزيز يمسك نفسه ويناظر لطياره ويمسك سلاحه : ولله ولي خلقني اني لا اجيب رأس الكلب ابو ابراهيم وأخذ ثارك يا فارس اوعدك
فايز يسحبه ويمسح دموعه : امش خلنا نلحق على ابو ابراهيم
قبل يوصل لبيت ابو نوره
—
في بيت ياسمين
ام بندر توقف : حي الله ام ياسمين
ام ياسمين : نورتي كيف حالك
ام بندر : بخير الحمدلله
ام ياسمين : دوم يا قلبي تقهويتي؟
ام بندر : اي ولله ما قصرت بنتك جنى
ام ياسمين تناظر جنى : ايي فديت بنتي جنى
ام بندر : مادري كيف افاتحك بصراحه لكن جيت اخطب بنتك ياسمين لولدي بندر على سنة الله ورسوله
ام ياسمين بصدمه : بنتي ياسمين؟!
ام بندر : اي
ام ياسمين : ولله هاذي ساعه المباركة بس ودي اشوف رإيه ونشوف الولد وايش يشتغل وتستخير بنتي ياسمين ونرد لك خبر
<جنى >
هربت للمطبخ وطلعت جوالي وانا احاول اتصل على ياسمين
" الله يخذك يا ياسمين وين رحتي "
لكن ما ترد تمنيت وقتها اذبحها بدون كذب حاولت افكر ايش اسوي وانا اشوف ام بندر تسولف مع خالتي ام ياسمين
—
في بيت ابو نوره
< يارا >
صعدت فوق مع شهد والخوف مسيطر علينا وماسكين بعض
شهد : تتوقعين ياسمين وين هي وهي كويسه؟
يارا : لا تخافين ياسمين عن مئة رجال
< شهد >
كنا نمشي بشويش بالممر الى ان شفنا واحد يدق الباب ويحاول يكسره على ياسمين وياسمين تصارخ من داخل وتهدده
شهد تناظر يارا : ذي الي عن مئة رجال؟
يارا : أصص مو وقتك الحين كيف نطلعها
شهد : خليه علي بخليه يركض وراي وانتي طلعيها من الغرفه
يارا : تمام
< شهد >
قربت منه وانا اناظر كيف يضرب الباب : منجدك وش ذا ضرب ياسمين تكسر الباب بضربه وحده
........ : ترا اقدر اكسره بضربه وحده
شهد تتكتف : لا ما تقدر
< ...... >
بعد مده استوعبت اني جالس اسولف معها
ناظرتها بصدمه وهي تضحك ببتسامه حسيت بستفزاز شفتها تركض قبل م امسكها....
< شهد >
التفت وراي وانا اشوف يارا تروح لياسمين
ارتحت وبديت اركض بسرعه لتحت....
—
< يارا>
طلعت من الجدار واطق الباب على ياسمين بس مو ناويه الوصخه تفتح الباب : انا يارا ولله مافي احد افتحي الباب بسرعه قبل احد يجي
ياسمين : يعني محد مهددك؟
يارا : تكفين لا تخليني اع....
< ياسمين >
خفت لما شفت صوت يارا اختفى فجأة فتحت الباب
وانا اناظر يمين ويسار بس ماهي موجوده!
—
< شهد >
ركضت تحت على درج وانا مسرعه وفرحة كثير لما شفت ايمن وبندر قدامي حسيت حظي قام وقتها لان ما كنت عارفه ايش راح اسوي معه وهو يركض وراي لكن بس سؤال واحد هم ايش يسوون هنا في هاذا البيت " ياليت فايز معهم "
< بندر >
كنت افحص شخص الي كان مضروب لكن سمعت صوت بنت
حسبتها ياسمين قربت من درج لكن اول ما نزلت ما كانت ياسمين كانت صديقتها وكان وراها شخص شفتها
جت بسرعه وراي انا وايمن
شهد ببتسامه وهي تطلع لسانها له : الشرطه هنا راح تروح سجن عشان كذا لا تتعبهم واستسلم
ايمن مسكت شهد وانا رافع حاجبي : وش جايبك هنا!
شهد : بصراحه مو انا لحالي معاي ياسمين ويارا جينا نساعد بنت تخيلو كانت محبوسه من ابوها
بندر يحط يدينه على وجهه : ذا الي ما حسبنا حسابه يقطع
ام لقافتكم لنا كلام بالقسم بعدين
ايمن : بندر انتبه
<.....>
قربت من شخص الي يتكلم
عشان اضربه واخذ البنت
< بندر >
رفعت راسي وشفته يحاول يبقسني لكن قدرت أتخطى ضربته مسكت يدينه ولويتها ورميته على اقرب جدار وشفته يطيح على الارض كنت بكلبشه لكن شفت شهد توقفني وتناظر فيني
شهد : عادي اجرب
بندر : ترا مو جالسين نلعب
ايمن : يا شهد تعرفين وين البنات؟ بندر اتصل على فريق دعم بسرعه انا بروح فوق اساعد زوجة سعد وبنته ونشوف وين يارا وياسمين
بندر : خلاص انا بلحقك بس بشوف الغرف الي تحت
قبل اصعد
—
< راكان >
كنت جالس بالغرفه وانا اشوف محد من اتباعي جو حتى
ناظرت للبنت وامها وانا احك حاجبي لكن حسيت ماني مطمن
جاني اتصال من ابو إبراهيم : الو؟ هلا بتجي ابشر ابشر
طلعت من الغرفه بسرعه لكن شفت شخص يمشي بالممرات وكان واضح انه شرطي ناظر لي وناظرت له ابتسم بوجهي وهو يشيل الثام غترته : اوووه وش ذا صدفه ايمن؟
ايمن بضحكه قويه وبتكمله : الله يازمن
راكان : انت اخترت حياة الشرف وانا اخترت الحياه الجراميه لكن تدري باقي عندي ادله تثبت انك كنت حيوان ما تسوى حتى ريال وكنت متشرد فقير متسول كلب مثلك مثلي
ايمن : حلو يعني تعترف انك كلب تدري حياة الفقر الي كنا نعيشها اشرف من الحياة الجراميه وفجأه تصير مع ابو إبراهيم الإرهابي الي ترك دينه وخان ثقة وطنه وماعنده حياه ولا نفعته لا فلوس ولا حتى اصحاب سلم لي البنت وامها يا راكان واتركهم مالهم ذنب
راكان : لا ماراح اتركهم وش بتسوي ؟ بتطلق علي؟
ايمن : لا
راكان : عارف ما تقدر لانك ماتقدر تطلق على واحد من شحمك ولحمك اخوك الصغير
ايمن يرفع السلاحه : اخوي مات من زمان مات مع ابوي وامي ولا له وجود الحين
راكان : نكرت حياتي وحياتك القديمه يعني؟اوه صح اخوي الكبير الي حتى ما فكر ولا مره يربت على كتفي أو يمسح على رأسي ويقول كل شيء بخير تركتني انت وعزيز بين يدين واحد يقطع ويقتل شفت شيء يشيب رأس من حياتي
ايمن : ما نكرت حياتي القديمه بس ومن ناحية تقول تركتك ؟ انا ماتركتك كنت حولك دائماً وحاولت اخليك تهرب معنا لكن انت الي رفضت وتركتني ورحت مع الشخص الي مايرحم والي قتل امك وابوك وانت صغير وسيطر عليك الخوف
راكان بتكمله : مايهم الي يهم الحين الحاضر اقتلني اقتلني وافتخر بجثت اخوك المجرم" بصراخ" ~ويفتح يدينه ~أطلق !!
يتابع
——————
نجمه ، تعليق ، نشر القصه
———————————————