قصة مهد

البارت التاسع والعشرون

《》 الحلقة التاسعة والعشرون 《》
《》 اللكاتبة #بنت_الحجي 《》
          《》 #مهد 《》

مهد  : اشكد الحساب
استيفن : لا عوفيهن عليه هل مرة
مهد  :  لا تسلم ميصير ..
دفعت الحساب مشكور اخذت العلاج وطلعت
استيفن  :  اباوع وياها واحد اول مرة اشوفه مو زوجها زوجها شايفه

انتظرها باب الصيدلية

الصيدلية راجعه لواحد صديقي ومجال دراستي صيدلة طلب اساعده بعض الاوقات والاهل هم سافرو

علي  :  خلصتي لو تروحين ع مكان بعد
مهد  :   لا ارجعني ع بيت

رجعنا طول الطريق محد حجه وبعد احسن مالي خلك اسمع صوت احد .. ضلمت الدنيا .. وصلنا البيت شفت سيارة بابنا طابكه نزلت ..

علي  :  تحتاجين شي
مهد  :  لا تسلم تعبتك
علي  :  لا بالخدمة تعرفيهم نزلت وياها
مهد  :   اشرتله مااعرف نزل حجي وياه لي شفتها بالمزرعة من رحنا شنو اسمها اذكرت ام تحسين اي اعرفهم روح شكرا مره ثانيه

ام تحسين  : مرحبا بنتي
مهد  :  اهلا خاله اهلا عمو صار هوايا تنتظرون
ام تحسين:  لا مصار هوايا من وصلنا ..
مهد  :  فتحت الباب اتفضلو فتت امشي بقت ام تحسين تحجي وي زوجها دخلت ذبيت الجنطه وكعدت كل الكأبة بيه
..
فاتت ام تحسين الرجال راح يمكن ..
ام تحسين  :   اسويلج شي تاكلينه..
مهد  :  لا مشكورة خاله اتفضلي لا ضلين واكفه  .. يمكن صارت الصلاة اشتغل الاذان بتلفونها صوته اشكد حلوو
مافد يوم شفت امي شغلت قران بالبيت لو دارته ع اذان

ام تحسين  :  اروح اصلي اني لعد
مهد  :  اخذي راحتج بقيت صافنه معقوله لان بعيده عن رب العالمين هيج ايصير بيه ..
كمت وراها
خاله
ام تحسين :  ها يمه محتاجه شي

مهد :  ردت اتعلم الوضوء اذكرت اني مو نظيفه بقيت ساكته استحيت منها
خاله ماعدنا امصلاية اشلون اصلين

ام تحسين :  ههه اشلون ماكو مصلاية بكل بيت اكو
مهد  :   لا خاله ماكو عدنا امي مصلي واني مااعرف

احس فشلت المرة بقت ساكته خطيه
ردت اعدل الموقف زين خاله اكدر استمع لج من صلين اريد اتعلم

ام تحسين :  تدللين حبيبتي ليش ماتشاركيني الصلاة

مهد  :  اتمنى بي عندي عذر مااكدر

ام تحسين  : معذورة تعاي اتعلمين الوضوء هم
مهد  :  ماشي وكفت ع مغسلة وتعلمني اشلون اتوضى
ام تحسين  :  ونوب اتثبتين بس مايصير بعد اتفوتين ع حمام يبطل وضوئج او شيلين شي وسخ الازم تعيدين وضوئج اذا هيج

مهد  :  اي اعرف اذكر بيبيتي جانت اصلي وام ردت اكول ام زوجي هم اصلي اقصد خالتي هم اصلي بس ممنتبهه عليها

ام تحسين  :  يلا تعالي اكعدي يمي راح احجي بصوت ينسمع واتعلمي

مهد  :  صدك خلت عباتها المرة وبلشت بصلاة صافنه عليها سبحان الله اشلون اترتل بالآيات صوتها حلو شيصير لو امي هيج ياربي راحت على عمرة وهيه حتى صلاة مصلي ولا علمتني بيوم ولا نصحتني بجيت من حركت كلبي

انتبهت سرحت بتفكيري له وقت خلت ام تحسين ايدها على ايدي ... فزيت
ام تحسين  :  الله يفرج همج بنتيتي ليش مهمومه
مهد  :  هزيت راسي مابيه شي

ام تحسين :  شوفي مابعد الضيق له الفرج ربج كريم وماكو اكرم منه شماجان ضيقج وهمج له مايفرج بيوم والضربة الماتموتك اتعلمك وتقويك ايكولون ..

مهد  :  بس خاله همي كبير وبالاخص اذا شخص يطعن بيج وهوه اقرب شخص لج

ام تحسين  :  اي يمه وجعها كبير بس صدكيني هذا درس لج وامتحان من رب العالمين لج وانتي مؤمنة وله ماراح ايساعدج رب العالمين راح اكمل صلاة العشاء وراح اسوالفلج البيج هاج هاي السبحه استغفري ربك على مااكمل

مهد  :  بقيت صافنه عافتني كامت اتكمل الصلاة شنو اتكولي الي بيه .. !!
بقيت استغفر الله كمت من يمها رحت اشرب مي ..

ام تحسين :  فرج هم هاي البنية يارب مظلومة وانت ادرى بحالها لا حولة ولا قوة الا بك يارب العالمين

مصطفى :  مر يومين مثل السم عليه صرت اطلع من صبح الليل يلا ارجع ابقه اشتغل اجتني صور على تلفوني المهد وياها واحد منو هذا بقت اباوع بالصور جاياتني من العصر واني اباوع انحذفن من الواتساب ...
شنو الموضوع !!!!!   اتصلت بسرعه على رقم الي اندزن الصور منه جاوب واحد

الوووو لك منو انت

واحد اني حاب اكولك عوف مهد ماتفيدك وجهه البريئ لا صدك بي وطلكها احسن لك

مصطفى: لك كوا__ احجي منو انت ومنين تعرف مهد

هههه انت والله واحد فقير يابه اشجابك على مهد بس اوضحلك ازوجتك علمود بس تمارس الشي الي تحبة براحتها ومتنفضح والدليل الصور الي دزيتهن لك وهيه رايحه على شقة واحد

مصطفى :  لك ابن الززززززززنة ابن الكلب سد تلفون وحظرني ارجع اتصل ماكو
يارببيييييييييي لج مهد اشرب من دمج

مجهول :  اي سعد سويت الي طلبتوه اتخبل والله
وحظرته
سعد  :  والرقم ميكدر يوصلك مو
مجهول : لا طبعا الرقم امريكي وهمي لا تشيل هم

سعد  :  اوك يلا حسابك يوصل
مصطفى : جنت اريد اطلع من الكراج اخذ سيارتي واروح اللبيت بقيت واكف ع رصيف وصوت الهورنات
والسيارت الفايته احس الدنيا وكفت مااعرف غير شي واحد اريد اذبح مهد..

معقولة مهد هيج طلعت وتكدر هم تنكر بعد الي شفته
منو هذا الكلب الي فضلتي عليه ودموعج وحلفانج

امدا كلبي الي جابني عليج مثل امج شتوقع
ابويا وكلامة الي ونبهني اااااااخ ربي

ركضت عبرت ع سيارة له اليوم اجني عليها

مهد  :  كعدت ع تخم كملت ام تحسين صلاة اجت كعدت يمي ..  اندرايت عليها اي شراح تحجيلي خاله عني
ام تحسين  :   احجي لو اسكت ياربي ... انطيني كف ايدج ولو اني من عيونج عرفت الي بيج ..
مهد  :   ابتسمت لها شبيه كوليلي ..

ام تحسين  :  شوفي انبهج من اقرب الناس الج .. اقرب اقرب لج من رمش عيونج ماتعرفين بااذيتهم ولا بنيتهم
مهد  :  اقرب الناس منو زوجي قصدج

ام تحسين :  الله واعلم مااعرف بس طالع بكف ايدج شخص قريب منج يااذيج اذية مو زينة وجهه شيطاني يضحك وبكفاج ينويلج السوء

مهد :  منو هذا احس كلبي انعصر صفنه باايدي وتباوع كل شوية بطن عيوني .. 

ام تحسين  :  اكو شخص راح ايعوضج وهل شخص لا عل بال ولا ع خاطر وراح اتروحين وياه ع اخر هل دنيا
بس راح اشيلين شي كبير على ظهرج اللعمر ماتنسي

مهد  :  فدوة خاله خوفتيني صدك تحجين انتي
فوك الي اني بي حمل اشيله وماانساه اكيد كلام مصطفى واتهامه الي .. بس منو الي راح ايعوضني

ام تحسين  :  مو زوجج الي ايعوضج عندج ريشه طايرة
مهد  :  ريشه شنو ردت اضحك قابل دجاجه اني

ام تحسين :  يعني شي راح تخسري
مهد  :  بقت ساكته بس اتباوع بطن اعيوني وكامشه ايدي احس المرة ايدها ترجف داخل ايدي ...

ام تحسين  :  حسبي الله ونعم الوكيل

مهد  :  خير خاله ..
ام تحسين  :   اللهم صل على محمد وآل محمد اللهم صل على محمد وآل محمد اللهم صل على محمد وآل محمد
غمضت اعيونها وترجف وتقرء ايات كامت
حيل خفت منها

ام تحسين : اكو رجال انتبهي انتبهي منه ابعدي  عندج سفر راح تعبرين حدود شخصين راح يوكفولج مرة ورجال  ...

مهد  :  تحجي على سريع وترجف فتحت اعيونها المرة عبالك جانت تركض عركت كصتها جرت ايدها مني
خير خاله انتي زينه

ام تحسين  :  اعوذ بالله من الشيطان الرجيم
بخير لا تخافين بنيتي مااشوف اني الاحد اتأذا حيل بس سالفتج يمه الله يبعدها عن كل بنيه خلتني له اشوفلج اعيونج

مهد  :  خاله خوفتيني شبيه اني احس المرة اتباوعلي بقهر

ام تحسين  :   ماريد اقهرج بنيتي بس طلاكج قريب
مهد  :  لا فدوة وكعدن ادموعي على ايدها كمشتها اشلون عرفتي خاله
ام تحسين  :  زوجج رجل طيب بين عندي بس انتو بدوامة اكو اشخاص يتلاعبون بيها ماله ذنب شفته مثل السجين مقيد ومكسور

مهد  :  عفت ايدها اني المكسورة ياخاله مو هوه اني الي اتهمني صرت احجي بهسترية خاله ايكولي الي بطنج مووو ابني تقبليها اتقبلين هيج حجي  .. والله ماخنته والله احبه  ولا فد يوم رفعت عيني بعين واحد غيرة ..

ام تحسين  :  صادكة يمه
مهد  :  اندك الباب قوي فزينا اني وام تحسين

ام تحسين :  خير ان شاء الله منو بهل اليل اجه
مهد  :  ماادري فتحت الباب اسمع صوت مصطفى واحد وياه يصايح

مصطفى: لك عووووفني وخررر

الحارس :  روح منا كتلك

مهد  :  ركضت اشوف شنو هل صوت فتحت الباب شفت مصطفى متلازم وي الحارس جان بسيارة كاعد يمكن بابا دازة سعد
شكوو
ام تحسين:  فوتي بنيتي

مهد  :  دقيقه خاله هذا زوجي
سعد  :  روح منا كتلك بدون مشاكل ..
مصطفى :  لك منو انت تمنعني عوفني ولي من وجهييييي باوعت مهد اتباوع لج والله له اشرب من دمج

مهد :  شبيك انت شكووو جاي
مصطفى:  شكوو جاي مووو لم العالم على الكوادة لو شسوي
مهد  :  عوفه سعد بقيت اباوع اليل صوته مسموع راح يفضحنا شبيك انت فهمني شرايد

مصطفى:  قريب منها كامشني الحارس لج وصلني كلشي هم تنكرين وصلن صور الكواد .. وكول خطيه ضلمتها.. كتلك عوووووفني

مهد  : مصطفى: صوتك منا العالم شفت فهمني شسووويت
مصطفى :  طبكت سيارة نزل ابوها وحراسة
مهد  :  هم زين اجه بابا اجه عليه
ستار  :  خيررر شصاير هنا ..شجابك انت
مصطفى :  والله اذا السمعه الطيبة ماتهمكم احجي كدام الكل استاذ ستار

ستار  :  عوفه سعد اتركه تعال فوت انت
سعد  : استاذ بس
ستار :  عوووفه كتلك فوت

فوتي بابا

مهد  : وكفنا بالطرمة دخل مصطفى بابا اشر الام تحسين تدخل جوا

ستار : احجي شعندك جاي
مصطفى :  جابتني الصور الي وصلتني بنتك المصونه اعتذر بنت مرتك هيه وياها واحد يعبرون الشارع وصورة الثانيه واكفين يم السيارة وتصلت ع رقم الي دزهن حجه حجي وياي يسوني تعرف احط اكرون اشرف الي وكعد بالبيت

مهد  :  بقيت صافنه من صدمتي كتله صوريش ومنو الي وياي
ستار  :  شوفني الصور بله
مصطفى  :  الصور بس فتحتهن بالواتساب انحذفن ورا ثواني والرقم حظرني

ستار :  هههه انت جاي تلعب وياي بهل اليل
اتريد اصدكك هسه
مهد  :  ليش هيج اسوي انت متقصد تشهر بيه وتطعن بشرفي لو شنو
مصطفى :  اييي بيعي هل كلام عليه ولججججج شفت صورج لا تكفريني وانت ليش مصدك اكو واحد يلطخ بعرضه
ستار  :  لا تعلي صوتك وتطلع هسه برااا والله طلقه براسك اخلي هسه يلااااا

مهد  :  بابا كمشه من تشيرته ودفعه برا ..
واكفه اني بس دموعي تنزل
معقولة هذا مصطفى وشنو الصور ليش ايصدك اخونه
اني

مصطفى  :  واني ميشرفني اجي بعد اسمعي لج انتي طالق طالق طالق وباجر اوكل الشيخ يجي ايخلص كلشي ..

مهد  :  اجت ام تحسين سندتني كعدت بالكاع صدك تحجي انت والله مااااااخنتك والله ماسويت شي اني بقيت اباوع عليه احجي وتنزل دموعي وبابا دفعه اللباب فتحه وطلعه برا ومصطفى ايباوع عليه

ام تحسين:  حسبي الله ونعم الوكيل كومي بنيتي الله كبير
مهد  :  خاله اطلعي احجي وياه والله ماسويتله شي
ليش طلكني

ستار  :  اذا انت رجال باجر اتخلص كلشي ومنريد انشوف وجهك فهمت
مصطفى  : تدلل باجر نخلص كلنا صعدت سيارتي وطلعت اول مرة تنزل دمعتي اختنكت لج اطلعي من حياتي تعبتيني دمرتيني
شيويتلها يالله يالله

ستار : كومي بابا بناقص منه دخليها جوا ام تحسين
ام تحسين  :  حاضر يلا بنيتي
مهد  :  دخلت جوا متهسترة نار مشتعله بكلبي ..
ستار  :  كافي بابا لا تقهرين نفسج
مهد  :  ياصور الي شافها بابا والله مماخذه صور وي واحد
ستار :  واحد كذاب ماشفتي اشلون كال نمسحن جان شوفنا بس ايريد ايطلك وماعنده حجه

مهد :  حسبي الله ونعم الوكيل
كام بابا جابلي حبة مهدء
هاج اشربي هسه ترتاحين كافي بجي

عوفني بابا ماريد
ستار  :  هيه حباية اصغيرة هاج يلا واشربي مي
ام تحسين  :  اكلت شي
لا مااكلت ستاذ
ستار :  يلا هاج اشربيها ورتاحي وبعدين اكلي اني رايح اجي باجر ماريد اشوفج بهل شكل

مهد  :  مارديت اخذت الحباية بلعتها بقيت ابجي اشلون نمت مااعرف

انسام  :  ماتكلي ليش ماترد على تلفونك
مصطفى :  ماسمعته يمه
انسام  :   خير يمه اشبيك ماحجيت وي مرتك
مو كافي

مصطفى :  هه اي حجيت وياها لا تخافين وابنج العمئ فتح اعيونه
ها وطلكتها المهد هم
انسام  :  يمه عزا العزاك صدك تحجي اشلون طلكتها

مصطفى  :  كافي يمه عوفيني اررررحموني خاطر الله
اني واحد كلب ابن كلب ارتاحيتي وبنت اختج مااستاهلها بعد شتردين

شلت الطبله الكزاز ركعتها بالحايط

انسام  :   مصطفى يمه شبيك فهمني ليش هيج وصلتو هل حال اتخبلون جنتو واحد ايحب الثاني ولا مهد اتموت عليك
مصطفى  :  مهد وتموت عليه يمه اني وياج مو مثل اختج وبتها ينضحك علينه بالكلمة الحلوة

انسام  :   تبجي مصطفى شجاك ولك هل كد قاهرتك وعلي اروح اكتلها لك بس مااشوف ادموعك ولك يمه طفله بعدها اتعلمها وتفهمها

حتى لو غلطت سامحها يمه اختي واعرفها ماانطت حق مهد بتربية وتوعية

مصطفى  :  ياريت يمه لو جان ع تربية لو جان على البس لو جان على كلمه غلطت بيها عليه يمه مااكدر نهيت كلشي
عفتها دخلت الغرفتنا بقيت اباوع بيها بصورة العرس المعلكه  طبكت الباب طفيت الضوا مااريد اشوفها ماريد اشم عطرها شمرت المخده

ستار  : الووو ها ام تحسين شنو وضع مهد
ام تحسين  :  نامت استاذ وهسه اتصلت ام سيف هم كلتلها نايمه

ستار  :  انتبهي عليها واي شي ايصير تحجي وي احد اتكوليلي وممنوع تطلع

مهد  :  كعدت الصبح نايمه بمكاني بالصاله
بقيت صافنه ع سكف ياريت اكون بحلم اكعد كلشي منتهي ..
ام تحسين  :  صباح الخير يمه كعدتي جهزتلج الريوك
مهد  :  صباح النور خاله رفعت روحي مااشتهي والله اكلي انتي

رحت غسلت رجعت اخذت تلفوني لكيت مكالمة من امي اتصلت عليها

نسرين  :  الووو هلا مهد
مهد :  هلا يمه
نسرين  :  شنو صاير ابوج يحجيلي ع بارحه وحجي مصطفى

مهد  :  مثل ماسمعتي كلج هم طلكني
نسرين  :  اييي مهد مصطفى واعي واكبر من عمرة اكوو شي مااعرفه احجيلي خلي اعرف
مهد  :  حتى انتي مصدكيني موو فركت وجهي ماريد هم ادموعي تنزل بس الخنكه الي مخنوكتها راح اتموتني

نسرين  :  ادري اصدكج لو اصدك مصطفى بيوم وليله اختلف عليج واكول يكرهج اشو مبينه محبته لج

مهد  :  مااعرف شصارله شنو الغيرة مااعرف
انتي يم بيت رب العالمين ادعيلي الله ياخذني نزلت ادموعي انتي مووو أمي ادعيلي يمه والله تعبانه مااتحمل بعد
الي ايصير

نسرين  :   الله ايفرج همج ان شاء الله وحسبي الله على كل من كان السبب بهل شي
اني راح اخابرة

مهد  :  مايفيد شتحجين وياه واني اشلون اقبل ارجعله بعد حجيه الي سواني وحده كح__
بقيت احجي وياها فتحتلي كاميرة شوفتني الكعبة ادعي وابجي ..

ام تحسين  : مهد خاله اتصل ابوج ايكول مشغول كوليلها راح يجي الشيخ . تحظر نفسها
مهد  :  يلا يمه باي

سديته شنو خاله
ام اتحسين :  راح يجي ابو تحسين هنا من يجي الشيخ ابوج ماراح يجي كال شغل عنده

مهد  :  ماشي خاله صدك الساعه 2 الظهر اندك الباب فتحه ابو تحسين دخل هوا والشيخ ..
فاتو بالصاله

وراهم مصطفى وعمه
كعدو بالصاله

مصطفى  :  كعدت الصبح اترخصت من صاحب الشغل كتله اليوم مااجي . اتصلت على عمي الصغير كتله يجي وياي ابويا حجيتله رفض يجي كال اخذ عمك وياك

اريد ارتاح خلي اشوف حياتها حتى اذا اريد اسامحها لو اكذب الي شفته والي حاس بي مااكدر

اخذت الشيخ ورحت لهم

الشيخ .. صيحو البنية ..
ام تحسين:  يلا البسي جادر الصلاه وفوتي
مهد  :  لبسته واني اعيوني دم من البجي تعالي وياي خاله عفيه ..

فتنا واني اقدم رجل واسحب رجل ماباوعت بوجهه احد كعدت بسد ام تحسين سلمنا وكعدنا

الشيخ  :  الطرفين مقررين الطلاك والزواج بعده ما مثبت بالمحكمه مهد سلطان .. ومصطفى اسماعيل

مصطفى :  رد وراي
مصطفى  :  نعم شيخي

مهد  :   خلانا اردد الي ايكوله رجع مصطفى رمه عليه الطلاك نهاريت بالبجي اني اريد اسكت مااكدر كمت طلعت بسرعه

مصطفى  :  تم الطلاك مهد طلعت بسرعه ليش تبجي مو هيه هيج وصلت وضعنا

... يتبع ...