خطايا القلوب

'الحلقه الثالثه'

#خطايا_القلوب
عنوان الحلقه : بدأ المسير بطريق الخلاص

‏{وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا}
دنيا ليل و ظلمه حيل
هاي من الليالي العاديه لكن جانت هاي اليالي الي اقضيها ايديه مقيده و معاقبه بالظلام اث كبير
بوعيي و عقليتي

هاي الليالي كبرتني بكد عمري عشر مرات 🥺

'‏أنضجتني الليالي التي قضيتها وحدي وأنا في حاجةٍ لمن يسمعني أو يهتم لأمري، الليالي التي كانت من مرارتها أيأس من فكرة أنها ستنقضي، وأني سأظل أعيش في متاهاتها كثيراً، نجوتُ منها لكن الأثر الذي أحدثته بداخلي لا يُنسى لأنها جعلتني أكبُر عن عمري الحقيقي بمراحل.'

صوت المي يقطر و اني عاجزه عن كلشي الظلام من كل مكان ايديه مربوطه و اطرافي بارده و ترجف وحدي وحدي و ظلمه كل مرا هذا المشهد يتكرر كـ عقاب من والدي

... همست بصوت تعبان و اني احاول ابعد الأفكار الي جاي تخترق مسامعي من الشيطان الي يدفعني ان اعيط يدفعني ان انتحر و ابيع أمانة رب العالمين الي هي النفس الي نطاها الي رددت الايه الي احسها نززلت بلسم لجروحي ﴿ لَا تَخَفۡ وَلَا تَحۡزَنۡ إِنَّا مُنَجُّوكَ ﴾

يا رب ساعدني،، يا رب هل هكذا الضن بك؟
نزلت دموعي على خدي و سمعت صوت فتحة الباب ضوا تخلل من خلف الباب على هيئته

باوعت بأمل شفت ابويه و الحواجب معقوده : بابا اعتذر والله العظيم معرفت منو و شلون راح نرجع ف اضطريت ارجع وياهم

تقرب و فتح الحبل و كام وكف و أشر عالباب

كمت بسرعه دخلت و اني احرك بيادي و باصابعي بألم و حسره

وكف كدامي و كال : محمد هذا العديم المسؤوليه المنحط بعد ماكو روحه وياه مفهوم؟
رفعت عيني باوعت عليه شافني رفعت عيني ضربني راشدي و كال : كولي تم
: تم تامر

: دراستج متعوفيهه راح اشوفلج سايق هاليومين غيبي لتداومين
: لا حباب لا
لزمني من شعري و دفعني : لج شنوووو لاااا شنوووو لاااا

راسي انضرب بالحايط ابتعدت افرك بمكان الضربه
و سمعت صوت المنقذ الابدي : يااابه شنو السالفه ليش هشكل ويا الطفله
اجه يمي وخر ايدي من راسي : دره
ابويه : هالدايحه الادبسز مشفتها انت من نزلت من سيارة هذا السني وابو فاضل ردت اعدمها

عابس : اي هي شنو ذنبها شلون ترجع فهمني يا يابه وضحتلنا الأمر و هم لو شايفه وحدهم ميخالف بس وياه اخته الرجال شنوووو السالفه

ابويه : لتعلي صوتك لعبالك كبرت و كمت تعلي صوتك بكيفك اضربك بالشحاطه احترم نفسك.

كاد ايدي و كال : نزلي دره لغرفتج جاي وراج

نزلت و هو يحجي و يحاول يهدي ابويه، اخذت نفس يعني حته من مو اني المذنبه ياذي بيه بس لو اعرف ليش هشكل

نزلت لكيت غِفار دتبجي و تصفط بغراضها
كعدت يمها بجت بصوت عالي و حجت بهمس

: دره ابويه قدم العرس و سامر تعارك وياه يكله اريد ارتب وضعي و اشتري بيت بس ابويه مديقبل يكله خلتكعد بيتكم و من تكمل شيلو
لج عبالك ومو بنته هيج يريد بس يشمرني حته سامر مات قهر يكلي أبوج نزل من عيني طلع مربيج حته يشمرج بسرعه
لج اول مرا هشكل يحجي ويايه

حضنتها و دموعي ما كادرات ينزلن

اندكت الباب و دخل عابس ابتسم و كال : شبيهم البومات يبجن

ضحكت و هو ضحك و غفار مبرطمه : لعد ترضى بالسواه ابويه

هز راسه : كولي شنو المسواه ، كومي غسلي و تعالي كلج خنن
ضحكت و هو تقرب لزم خدي و كرصه و مكزكز ع أسنانه
عابس: والله من نضحكيت عبالك الدنيا كلها تصير الوان

ابتسمت و كتله : ياا خجلت

: لتنامين خلي غِفار تنام و انتظريني
. عقدت حواجبي ابتسم و گلي مفاجئه عندي

ضليت صافنه هذا عابس اخويه كلش يعطف عليه و هو مثل ميكولون هو العوض الجميل عن كل الي اعيشه من حرب نفسيه ويه ابويه و اذيته

اجتي غِفار و هو كعد يحجي لها انو سامر مو قصده و جاي الولد معتذر من عابس و كايله ساعة غضب و يريد يعتذر منها و هي بس تبجي

اخر شي قنعها انو خلص لازم تقبل بالي هيصير عالاقل هتخلص من أذية ابونا النا ك بنات و الي بالخصوص و ان شاء الله الله يقدم الي بيه الخير

نامت سوده عليه و هي تبجي و دمعتهه على خدهه

كمت من مكاني رحت للمطبخ و تمشيت يم غرفه عابس وراها ما لكيت حل غير اني ادك الباب عالخفيف

دكيتها شوي و فتحها طبيت و هو مدري شنو شغل بالحاسبه

و كلي بهمس : تعالي هنا

كعدت يمه كلي دره راح احجيلج هالحجي لان ادري بيج اوعى من الكل بالبيت او يمكن انتي اكثرنا تجارب فتكونين اوعى من عدنا

ركزي ويايه و سمعي الكلام الي هكول الحايط مراح يسمع هالكلام مفهوم؟

حاليا اني مشغل مشوش أصوات و ادري بصعوبه دتسمعين صوتي
وهذا كله لان الموضوع الي هحجيه شي صعب و كلش خطر

هزيت راسي و كتله : خوفتني

: لا لا متخافين اني ردت اكلج لان انتي قويه و كدرتي تتحملين عذاب ابويه لج اخوتي الولد يبجون و انتي لا

: احجي عاد مو والله كتلني الفضول

قدم راسه باتجاه و كمل و هو يهمس : انا حاليا ما اروح للكليه مالتي انا دا اشتغل ويه جهاز مكافحة الإرهاب

فتحت عيوني : شنووو

رجع يشاورني بصوت أنصى : اكو خليه بدت تتوغل الموصل و احنا شاكين بيهم ارهاب و ناس تريد تحتل العراق

احس نصعقت حته ما اعرف شدحجي

:دره ركزي
هزيت راسي : الجهات العليا بالدوله دتمنع اي تدخل رغم تعرف راح يتوغلون بحجج و طرق مختلفه حته يكسبون الناس
و أبونا من هاي الجهات،

: دره للمره الثانيه ركزي ويايه الله يخليج
هزيت راسي و احس صخنت : ابويه عنده تطبع من اطباعهم و الي هي الضرب الي يضربه و شلون مشدد عليجن و علينا و كوه يخلينا نتنفس هذا مرض نفسي و بنفس الوقت ارهاب

احس گلبي خفق ارهاب

كام راح للحاسبه مدري شسوا و رجع

: اريدج تساعديني لخاطر نطلعه من هذا المستنقع و حته ... نتخلص من هالسفله الي جاي يزرعون الفتنه بين الناس

: بس بابا ... شلون

: دره الله يخليچ تراه ابونا مو اهم من العراق

: شسوي اني شهكدر اساعد و اني هنا ؟

همس : نصي صوتج على كيفج اتنفسي طبيعي لتتوترين

: عابس خفت حيل
نزلت دمعته : يا روح اخوج انتي والله مردت بس مجبور متدرين شكد عوائل دتختفي شكد ناس تتعذب و تسوي اشياء مجبوره دره كاعد يكرهون الإسلام
لج الإسلام شكد حلو كاعد يشوهو تخيلي جاي يفرقون بين سني و شيعي و مسيحي و ايزيدي و هم كلهم عراقيين يتلكون الطلقات عالساتر بصدرهم

: سوده عليه امسح دموعك عابس توترني هشكل
فرك وجهه و كال : انتِ الوحيدة الاثق بيها درة انتِ بشر مستوصف متأكد انتي الي هتساعديني
مسح عيونه و كام هم لعب بالحاسبه و رجع كعد
و كتب عالورقه
: انتي تنظفين كل البيت و اريدج تصوريلي كل أوراق ابويه الي بالخزنه و الرمز عندي
بس اهمشي ابويه يكون مموجود حته لا يشك بيه ولا بيج مفهوم؟..

هزيت راسي : كتبتله بس؟

كتبلي : لاا اكو اشياء تفيدني يمه هم راح تاخذينها و نرجعها ... ماشي؟

: الي تريده يصير، و مدرستي يعني الوقت شلون؟

: راح ترجعين لتخافين بس هاليومين سايري ابوية

كام ابتسم و شاورني : انتهى اللقاء السري ايها المحقق كونان
و رجع كال انتِ اكثر بشر اثق بي بهالدنيا درة ساعديني لتعوفيني

اومات براسي و ضحكت و هو كرص خدي و كال : اذا بيوم خطبتيلي اريد بنيه عدها عيون مثل عيونج بس كون شنو هموهيج بسريه نخطبها ههههههه

ضحكت و هو اتمالك نفسه وراح طفا الحاسبه و راح للباب باوع و اشرلي اطلع

طلعت و رحت لغرفتنا لكيت غِفار تشوخر ههههههه و اني حطيت راسي على ال مخده يمكن بعدني ممستوعبه الجاي يصير
انا اعرف واعيه و اعرف كل الي حجاه لان اقرا كومه كتب احب اطلع
و الله رزقني ذكاء اي شي اقراه اول مرا ما انساه بس نقطة ضعفي و المي هو ابويه للأسف دافني بالحياة
و كد ممباوعه كونان هههههه اموت على سوالف التحقيق و هالامور
المحقق كونان
يسعى جاهدا

جانت هاي مو اول ليله ما انام بيها ولا تغمض عيني من آلام جسمي و الحزام الي ابويه طبعه على ضهري ورا مشاف صديقه مدري ابن صديقه موصلني و هو ميدري شكو
و من الم راسي الي ضربه بالحايط

اوف يا راسي الجميل حته ذكائي راح يروح هسه لا شكل ينطلع بي و لا خطط نستفاد منها صدك اصير بهيمه

رغم كلشي جانت هاي اول ليلة الي ويه هذا السر الي حجا الي عابس و فاجئني بي بعدني احاول ارجع و اتأكد انو صح الي صار

احنا عائلتنا كلش عاديه و ماكو اي مبالغة بينا بس عدنا حب المغامرة و التحقيق

عايشه حالي حال باقي البنات ما بين البيت و المطبخ و كلش مشددين علينا
يمكن ابالغ بوصف ذكائي و حبي لنفسي و لتفاصيلي اللي غيري يعتبرها مبالغة لكن دائما عندي ثقه انو رب العالمين انطاني هالاشياء و هالاشياء عظيمه و تخبل بنظري

و بخصوص سالفة عابس بعدني متيقنه انو اكو خطأ وومن راح اصور الأوراق ابويه راح يطلع بريء و هم ظالميه

لو صدك يحجون عنه جان تبدلت تصرفاته و صار أقسى الا هو من يوم يومه قاسي عليه رغم ويه غفار اختي حنين شوي يعني تصرفاته وياهه تدل ع انو اب هه بس ويايه عبالك داخل بمصارعه

بقيت اتگلب على الفراش و افكر و ارسم سيناريوهات و خايفه من السالفه
و ساعه اتخيل يدخلون علينا هذولي الكرعين اهل الشوارب الي يلبسون اسود و اهمشي قمصله جلد هذول الإرهاب يمكن هيج شكلهم

يااا و اني اكول ليش ابويه اشترى قمصله جلد
يمكن صدك ارهابي

لا بس قمصله الي اشتراها جوزيه مو سوده نفس مال الإرهاب و تجار المخدرات

و بقيت بهذا التفكير و اخذتي الوقت سهيت و ما كمت من الفراش الا ويه صوت اذان الفجر توضيت و صليت و كمت اساعد خاله سهاد و نحضر الريوك

ورا ساعات نزلو الكل مبدلين و كلش عادي

خو عابس كلش كالب وجهه واصلا مباوع عليه هاي شنو عود حته منجيب شبهه لنفسنا

اني هم عود سويت نفسي طبيعيه

وره قراءه الدعاء و بدينا نتريك و مشغلين دعاء الصباح و البرد تتحرك ويه تحرك نسمات الهواء العليل

إلهي قَرَعتُ بابَ رَحمَتِكَ بِيَدِ رَجائي وَهَرَبتُ إلَيكَ لاجِئاً مِن فَرطِ أهوائي، وَعَلَّقتُ بِأطرافِ حِبالِكَ أنامِلَ وَلائي، فَاصفَحِ اللهُمَّ عَمّا كُنتُ أجرَمتُهُ مِن زَلَلي وَخَطائي، وَأقِلني مِن صَرعَةِ رِدائي فَإنَّكَ سَيِّدي وَمَولاي وَمُعتَمَدي وَرَجائي وَأنتَ غايَةُ مَطلُوبي وَمُناي في مُنقَلَبي وَمَثواي،

إلهي كَيفَ تَطرُدُ مِسكيناً التَجَأ إلَيكَ مِنَ الذُّنُوبِ هارِباً، أم كَيفَ تُخَيِّبُ مُستَرشِداً قَصَدَ إلى جَنابِكَ ساعِياً

كلمات يمكن كل صباح ارددها و اطلب الهدايه و الصبر من الله عز وجل

لتتوقع انت تسوي شي بحياتك خير او موقف والله ميردلكياه بالافضل تعلم يوم الي نتطي بالايد اليمنه صدكني ربك راح ينطيك بالايد اليسره اكثر . موقف منك او دعاء متحمس بيه راح يزيد من داخلك وتشوف اشياء ممتوقعها . الله اعلم بالقلوب .
امشي بنيه صافية وحب الكل وصدكني الله رح يفتح ابوابه بوجهك

اتوقع دعائي ويه القارئ وطلبي الصادق للصبر و المواصله هو الي خلاني اكمل و اعدي كل شي

و يمكن هم اني مو الوحيده الي أهلها يعنفوها
اكو آلاف البنات يتعنفون من أهلهم او أزواجهم يوميا لسبب او بدون سبب

و أكثر سبب سامعته لان بنيه تتعنف
لا و الأكثر ينطون مبرر لنفسهم بحجة الرجال قوامون على النساء
يعرفون الايه و يحرفوها
واني من اكول يحرفوها مجاي اجذب لان هم جاي يحرفون معنى الايه!
معنى الايه العظيم من الله عز وجل هو يقصد بيه ( ان لكل شراكة رئيس و شراكه الزواج رئيسها الرجل و هذا لا يعني انه من المبرر له ان يضربها و يعنفها فقط لانه الرئيس
و الإسلام وضع الرجال قوامون على النساء لسبب عظيم و هو انت النساء ممكن أن تغلبهن عاطفتهن لكن الرجال احرص منهن على العاطفه )

طلعوا ابويه و اخوتي كلمن لشغله و خاله سهاد بدت بشغل البيت و غفار تتحضر حته تجي عليهه ام سامر ويه خاله سهاد علمود يكملون جهاز العرس

دك تلفون البيت رحت شفته عابس كتلها لخاله ممكن اجاوب
ما مانعت
و كملت شغلها
جاوبت كال طلعي للحديقه اكو حذاء مسحي محتاجه

استغربت بهالوقت؟؟؟....

يتبع ..