《》الحلقة اثنان وعشرون 22《》
《》 اللكاتبة #بنت_الحجي 《》
《》#مهد 《》
ستار : خزرتها
نسرين : اقصد من كتلي اتوكلي ع الله وخلي نزوج
ستار : ههههههههه بسرعه الافتها والله مو سهله
مهد : اباوع اثنينهم واحد ايباوع الثاني ويضحكون
شنو الموضوع شبيكم
ستار : لا ماكو حبيبتي بس امج اليوم مااعرف شبيها
نسرين : شبيه كل العافية بيه هههههه اذكرت ايامنا مايصير شنو
مهد : مشت الامور عادية الحمدالله الله وفقني بالامتحانات رجع الدوام ...
ايلاف : مهد
مهد : اممم اباوع بالكتاب مركزة بي
باوعت عليها ها شبيج
ايلاف : لج شوفي علي شديسوي هذا
مهد : وينه لتفتت وراي واكف هوه وبنية ويضحكون بس حيل قريبه منه مو شكل زملاء واكفين منتجي ع سياج مال الحديقه ..
يااا
ايلاف : ثول اي والله شنو هل شي عباله ايضوج نورهان هذا لو صدك سواها
مهد : والله مااعرف شكلج بس مايفيد الحجي الاحسن تنساه نورهان
نورهان : هااا شنسه مودي هههه شبيكم مصدومين شفتو جني
ايلاف : هلا نورهان لا حبي هيج
مهد : هلو حياتي امشو اروح نكعد جوا بارده ترى هنا
نورهان : يلا تعالو باوعت بله اشوف وخري
ايلاف : شنو شبيج حبي امشي عوفي
نورهان : دقيقه هذا مو علي ؟ اباوع اشلون واكف ويضحك شافني اباوع عليه كمش ايدها وراح يمشي
مهد : حبيبتي خلي ايولي مايستاهلج على شنو مقهورة
نورهان : مو سهله انسه هيج اني مو مثله ... امشو كلشي خلص من هل الحظه
ايلاف : اي عفيه عليج خليج قوية ... يلا عازمتكم ع لفات فلافل
مهد ونورهان : هههههه
يمعودة بس مو تحطينة عمبة ترى اشويا ويجي حبيبي
ايلاف ونورهان : قصدج خطيبج
مهد : ههههه اي بعدني ممتعودة ع هل كلمة
ايلاف : هسه تمشن ناكل لو لزكتن هنا ترى ابطل مااعزمجن
مهد : امشي وجع فضحتينا اتمشينه ع كافتيريا جابتلنا لفات
اجه استيفن وعماد ورواء ..
كعدو ويانه
استيفن : وين فرهد اشو مختفي
ايلاف : قبل شويا راح ع محاظرته اي وانت اهلك راحو مو
استيفن : لا اكو غلط بالاوراق هيج هيج راح اينتظروني نطلع سويا ..
عماد : والله راح نشتاقلك
استيفن : حبيبي والله اني هم راح افتقدكم
مهد : باوعت عليه .. صدك شاب حباب ومحترم واحد مثقف
نتمنالك التوفيق والنجاح بالخارج
استيفن : اشكرج ولكم بالمثل من ارجع اشوفجن كلجن مزوجات وجهالكم وياكم وموظفين بوظيفة تستاهلوها
عماد : ههههههه والله ترجع اشوف بس كروشتهن بس مال وظيفة وبختصاصاتنا هذا حلم ابليس بالجنة
ايلاف : ههههههههه والله صحيح الزواج اسهل منه ماكو بالعراق صار بس التوظيف حلم
مهد : ههههه بقينا نضحك ع واقعنا اللاسف ..
نورهان : احتمال انلحكك استيفن هههه
استيفن : والله اتمنا كلكم تجون وياي . الغربة من هسه شايل همها
مهد : اخذوني وياكم عود نورهان
نورهان : والله ابويا واخويا الكبير مفكرين بيها عمي عايش بسترليا لو شوفون من يفتحلنا كاميرة له البيت كله ايصير فوك راس ابويا انباوع عبالك ماشايفين ههههه
عماد : ههههههههه شايفين احنه والله العراق انظلم بسبب الي ايديرو ولا العراق المرتبة الأولى جان اللاسف
استيفن : على اساس اكو طريق راح ينفتح اللهجرة
اللخارج
رواء : اشبيج ايلاف صافنه
عماد : جاي تتخيل روحها بالمستقبل تسحل بجهالها وجاية من سوك عباتها كلها طين
الكل : ههههههههههه
ايلاف : اييييي عابتلك ههههههه
مهد : عطر استيفن كلش حلوو بقيت مترددة اسئله عن اسمه واشتري مثله المصطفى بس استحي
عماد : ها حبيبي هسه شنو اروح
رواء : بكيفك والله اتروحون بنات ويانه
ايلاف : ها فرهد وين اتروحون
فرهد : اشلونهم المسنين البائسين
مهد : هههههههه
استيفن : ههههه زينين تعال اكعد
رواء : ع زوراء
نورهان : والله هيه ضوجه بس بيها مطر اليوم
مهد : اني مااكدر اروح اشويا وطالعه
ايلاف : اي غير اتكولون قبل يوم انكول الاهلنا علمود
فرهد : عوفوها الجمعه اروح شتكولون
مهد : اتصل مصطفى اكيد وصل كمت استااذن حبايب وع طلعه اذا تفقتو اكتبولي بالكروب بنات
استيفن : اني ماعندي شي خلوها الجمعه اروح وهم الي ايحب ايجيب الاهل وياه
احلى اصير
مهد : اسمع استيفن حجه بكلبي كلت اي اجيبلكم نسرين هم ههههه يلا باي
ايلاف : ليش ضحكتي ولج شكو
رواء : ههههههههه عوفيها هسه
مهد : وجع شعليج هيج اذكرت شي يلا باي اخذت كتابي وطلعت اريد اركض بكد مامشتاقه الحبيبي صار 10 ايام مشايفته ..
عماد : اي خوش فكرة والله
مصطفى : نزلت من سيارة انتظر مودي اجت تمشي وتضحك فدوة الهل وجهه
حبيبت روحي فتحت ايدي لها
مهد : ههههه هلوو حب كدت ايده نمشي السيارة مااكدر ابوسة الشباب واكفين وبنات
فرهد وعلي شفتهم وراي يمكن هم طالعين
مصطفى : اشلونه حبيبي
مهد : مشتاقلك موت هههه صعدنه بسيارة
الشغل اغنية سارية السواس احبك موت .. غرامك لا ولا انسه اموت اني ويضل حبنه حبيبك ابقه اني .. اغني وياها
مصطفى : هههههه جريتها من حنجها مطربة اليوم
مهد : هوه الي ايشوف هيج وجهه حلوو اشلون مايصير مطرب وشاعر
علي : منو هذا مهد عدها حبيب شنو
فرهد : اباوع عليها تضحك وياها هذا ايباوعلها جرها من وجهه
مااعرف بس سمعت ابن خالتها مدري خالها
مصطفى : هههههه اكلج تردين
مهد : هههه يلا اطلع
مصطفى : منو ذول .. اباوع شباب صعدو بسيارة ايباوعولنا
مهد : زملائي حبي مستغربين لان ع طول الخط ياخذني وبعد بس البنات يعرفون انخطبت
مصطفى : اي طبعا ولا حلقة ولا شي باايدج امشي هسه نشتري
مهد : مو مهم حبي حجيت هيج اخاف ماعنده وينحرج
مصطفى : اششش طلعت ع منصور نزلنا ع صايغ السلام عليكم
مهد : مكيفه بي املك الدنيا من اكمش ايده فتنا ع محل انطاني الصايغ الحلقات
مصطفى : يلا شوفيلج وحده
مهد : عجبتني وحده سادة اصير وهم مبينه مو مكلفه
وانت ؟
مصطفى : انطيني من هاي الفضه
مهد : اختاريتله وحده هم ناعمه ساده
انطه حسابهم وطلعنا
مصطفى : شو ضميتيها
مهد : هههه غير هوه اخذها وزنها وخلاها بالعلبة
مصطفى : طلعيلها وخليها باايدج
مهد : صعدت بسيارة طلعت العلبة خليت الحلقة باايدي
مصطفى : ممنوع تنزعيها
مهد : أمرك وانت هم مو بس انت تنطيني اوامر
مصطفى : ماشي .. اتغديتي بعدج
مهد : اي اليوم ايلاف اشترتلنا الفات مدري شعجب هههههه
مصطفى : هههههه الي حجت وياي ذاك اليوم مو
مهد : اي هيه والله فد وحده عبالك عادل امام
مصطفى : هههههه اي شسويتي اليوم
مهد : ماكو شي مثل كل يوم اي حبي صدك صديقاتي وزملائي عوائل يعني الجمعه ايرون ع زوراء اروح وياهم
مصطفى : تعرفين اني عندي شغل اليوم اخذت ساعه ع سته الازم اروح ع محل وال11 ارجع يلا
ماكدر اروح
مهد : حباب والله حابه اروح
مصطفى : حبيبي والله مااكدر عوفيها اني اخذج بيوم اني ما عندي شغل وحتى امي والبنات ناخذهم ايغيرون جو
مهد : همه هم عائلية مسويها
مصطفى : اذا عائلية روحي وشوفي امي اذا اتروح وياج ...
مهد : ماشي
افترينا اشويا رجعني ع بيت نزل وياي ...
مرحبا باوعت يمنه صديقة ماما تغريد وياهم وحده هم مااعرفها وامي كاعدات ونراكيلهن يمهن
مصطفى : السلام وعليكم دنكت راسي اباوع ذني نراكيل والبس قصير وحده صدر نصه طالع وشعر اصفر منو ذن رجعت طلعت برا
مهد : باوعت مصطفى استحه وطلع
نسرين : عليكم السلام تعال مصطفى خاله ماكو احد غريب هههههههه اعرفجن نسيبي
مهد : باوست تغريد وهاي مدري منو هم
مصطفى : داير وجهي عنهم يلا رايح مع السلامه خالتي
نسرين : هههه يستحي ايفوت
تغريد : ههههههههه خطيه انصدم بينا كال ذني مننه
اطلعي شوفي نسرين
مهد : اي عباله محد موجود رجعت طلعت ورا بالطرمة
مصطفى : صعد الدم الراسي ماعدنه وحده نركيلتها وهيه مهد شنوو هل وضع
مهد : اني متعودة ع امي بس مصطفى اول مرة ايشوفها تنركل ولبسها قصير لابسه دشداشه فوك الركبة
حبيبي شعرفني ذني صديقات ماما دااحجي طلعت ماما
يمنا
نسرين : حبيبي اعذرني صديقاتي ذني ماكدرت اكلك ابقه
مصطفى : لا معذورة خالتي غير مرة امرلكم هم شغلي بعد شويا ردت بس اسلم
مهد : اباوع مصطفى حيل ضاج اوف ياامي اشلون بيها راح انجلط
نسرين : ها الله وياك لعد اخذو راحتكم
مهد : حبيبي شبيك
مصطفى : مهد ممنوع اشم بيج ريحت نركيله والله العظيم ساعتها احطها براسج
مهد : شبيك والله ماانركل اني بس امي
مصطفى: يعني متعودة حظرتج ع هل وضع ومنو ذني شكلهن مال _
مهد : ههه ضحكت ع كلمته صديقاتها وحده اعرفها بس ثانيه منو مااعرف
مصطفى : اتحججي ادرسين وصعدي ع غرفتج مفهوم
ع مايروحن ماعجبني شكلهن
ماشي حبيبي لا تشغل بالك
رجعت فتت جوا ضحكهن وصوت الاغاني مشتغل مال التلفزيون
تغريد : والله مهد وطلعتي هم مو سهله خوش واحد مختارة
فرح : هههههه نسرين بنتج خجولة عليمن طالعه
مهد : بقيت واكفه واسمع ذني عبالك ايعرفني من سنين ...
نسرين : اي خجولة ع مرحوم ههههههههههههه
تغريد : هههههههههههه الله يرحمه
مهد : عفتهن وصعدت ابدل منا تعب ومنا صوت تمضحكهن والاغاني ...
نسرين : دقيقه ستار يتصل هسه ارجع ..
هلا حبيبي
ستار : هلا بيج ها اجوج صديقاتج ...
نسرين : اي من صبح واليوم اني هم رحت سجلت حظور ورجعت ماطولت
مثل ماردت
ستار : اي خوش باعي اريد ذني اتفهميهن شيسون راح ادز واحد ياخذهن ع مزرعه اليوم جاي النائب _ ونائب ____ واحد من ضباط
نسرين : افهم اتريد اترتب الوضع وياهم واليوم العزيمه عليك موو ؟
ستار : اي طبعا المهم اتنبهيهن مايسئلن ولا يسوالفن بشي مايخصهن مجرد ارضائهم
نسرين : ستار تغريد ترى مزوجه وممنوع تقبل احد يتقرب منها مجرد ركص وخلاص ماشي .. أما فرح عادي الوضع عدها
ستار : ماشي ماشي مهد وين ؟ رجعت لو بعدها
نسرين : لا هسه رجعت صعدت اتبدل ..
ستار : ماشي يلا خلي ايجهزن نفسهن راح يجيهن سعد
نسرين : اني هم اجي لو لا
ستار : نسرين سدي التلفون ماريد اضوجج
مصطفى : اسوق وافكر اشلون وي خالتي .. اثق بمهد مو مااثق بس عيشت خالتي ماطمن .. ولا تعجبني
ضاملي 700 الف شتكفي اذا ردت اشتري ذهب وصلت ع شغل التقيت بجعفر هلا اشلونك
جعفر : هلا بيك وين صافن جنت دكيتلك هورن بالستدارة
مصطفى : ولا ماانتبهت اعذرني فتنا ع شغل ونسوالف حجيتله وضعي بس مو ع عيشت خالتي بس ع وضع المادي
جعفر : اي بس انت اذا اضل هيج عمرك ماتزوج
مصطفى : شسوي يمعود قابل ابوك شسوي موزين ومركز بدراسة وشغل
جعفر : الافضل سوي سلفه وتزوج بيها جاي لم وحده جديده اسوي ويانه
مصطفى : اشكد بشهر
جعفر : 250 وخمسه مليون تستلم
مصطفى : خوش خلوني بااسم وياكم بس مستعجل عليها بيها مجال يعني اخذها بالبداية
جعفر : والله راح احجيلك وي الوالدة لان هيه الي مسويتها
مصطفى : شوفها وردلي جواب
ام نورهان : نورهان تلفونج مو جاي ايدك
نورهان : اي يمه بس دااغسل ادين كرار ... والله اذا اتوسخ نفسك مرة ثانية راح اخذ منك السيارة واكسرها
كرار : مااا
نورهان : رحت اخذت تلفوني شفته علي متصل .. بقيت صافنه مسجلته بأاسم نور ..
شيريد .. بعد الي شفته اليوم رجعت كتبتله رساله اعتذر تلفون جان مو يمي اكو شي مهم ؟
ماجاوب اوف غير ايرد خليت تلفون باايدي ومنا اخواني اشلون ياربي
رجع اتصل سديته بوجهه
محمد : ماتردين شبيج سديتي
نورهان : ها لا صديقتي رمشت يمكن رصيد ماعدها .. هسه اتصل بيها .. اني
اتصلت ع مهد بسرعه
مهد : جاي اعزل البيت بعد ماولن صديقات امي والهوسة العافنها وامي مدري وين طلعت اجاها اتصال وهم راحت ..
الوو
نورهان : هلا كلبي اشلونج
مهد : هلا بيج الحمدالله فاتحه اسبيكر واحجي وايديه اجلف بطباخ
نورهان : خير رمشتيلي الازم ماعندج رصيد ولا انترنيت ياربي تفهم عليه كلبي راح يوكف
مهد : هااا رمشت اني .. عفت الطباخ احسها متوترة شبيها هاي
نورهان : ها هههههه جلف اشوكت تخلين رصيد
مهد : اني جلف شبيج بابا اكو احد يمج شنو
نورهان : اي والله صح
الحمدالله مرت ع خير اخويا رجع يتفرج ع تلفزيون باله مو يمي رحت ع مطبخ ..
شكرا مهد اخويا جان يمي
مهد : اممم افتهمتج شنو اتصل احد عليج
نورهان : اييي علي اتصل وطفيت النت بسرعه عفيه راسلي انتي كوليله لا يخابر اخويا وابويا بالبيت .. وجاي اغسل ملابس لا ينتبهون
مهد : ماعندي رقمه والله دزيلياه
واني اخابرة
نورهان : اي هسه ادزلج رقم ايلاف وافتهمي منها لان اني مااعرف .. يلا حبي سلميلي ع خاله
مهد : تمام حبيبتي الله ايسلمج
نورهان فتحت سبيكر واشرب مي لان اخويا فات ع مطبخ علمود يسمع صوت بنيه
مهد : هههه ضحكت ع نورهان خطيه احس وضعها صعب بعد ماانتظرت هل اتصال ماتكدر اترد عليه ..
اشويا اجاني الرقم ... ... ... ...
اتصلت عليه ..
علي : الوو
مهد : الو هلا علي اشلونك
علي : اهلا الحمدالله منو وياي
مهد : اني مهد اعتذر ع ازعاج بس نورهان طلبت احجي وياك
علي : هلا مهد لا عادي ماكو اي ازعاج خيتي
مهد : تسلم المهم نورهان اتكولك ماتكدر اترد حاليا ابوها واخوها بالبيت وهيه بس ايصيرلها مجال اتخابرك
علي : ها اكول رفضته يلا مو مشكله بس ضروري تحجي وياه كوليلها
مهد : تمام هسه اخابرها
علي : ولا اكولج انتي فهميني .. الموضوع اذا ممكن
مهد : اتفضل شنو افهمك
احجي اتصل عليه مصطفى رفضته
علي : نورهان صدك خطوبتها عن قريب
مهد : لا ماكو هيجي شي عالم اتقدمولها ورفضت
علي : الله ايقدملها لي بي الخير المهم خيتي وصليلها حجيي اذا علمودي رفضت وعندها امل نرجع مثل قبل صعب حيل خلي اتشوف حياتها
مهد : بقيت ساكته مااعرف شحجي وياه احس من حجيه واحد كلش الئيم ماشي
علي : مشكورة مرة ثانيه خيتي .. مع السلامه
مهد : مع السلامه سديته تف اي والله اشلون احجي النورهان اني هسه ..
رجعت اتصلت ع مصطفى
الوو ها حبيبي
مصطفى : هلا حياتي ويامن مشغول
مهد : والله الصدك ومااكذب عليك ..
مصطفى : اييي
مهد : وي علي زميلي بالجامعه حبيب نورهان السابق الي سوالفتلك عنها
مصطفى : اشلون وليش تحجين وياه انتي شعليج بيهم
مهد : دخلي افهمك شبيك لا صيح
مصطفى : ماريد افهم شنو معناها تحجين وي واحد غريب كلت زملاء وتشاوفون بدوام مو مشكله بس مال حتى بعد الدوام ومراسله ومخابرة مااقبلها مهد اني مو واحد ابن ماما واسكت
مهد : ههه ضحكت ع كلمة ابن ماما ياعمري والله هاي اول مرة والنبي شبيج والله لو ماضروري مااخابرة
مصطفى : بعدين نحجي باي
مهد : مصطفى الوو يا سداه هذا .. عفته ع راحته ادري شسويت هسه كملت تنظيف اشويا فاتت ماما
نسرين : بعدج الهسه ممكمله
مهد : لا خلصت بس الملابس اشرهم .. اباوع عليها بيدها تلفون ايدك .. تلفونج ايدك
نسرين : صامت الوو ها شنو الوضع حبي
ستار : ليش ماتردين وين انتي
نسرين : وين قابل بالبيت خير اكو شي
ستار : ها بالبيت خوش لا ماكو شي كلشي تمام بس جاي اطمئن عليكم يلا باي..
مهد : بقيت اباوع عليها ليش كذبت ع بابا وين جانت
نسرين : شبيج اتباوعين ولي شري الملابس
مهد : اي سيف جاي ياكل بالمطبخ عفته عفتها وصعدت ..
شريت الملابس
جعفر : اشوفك ضايج شبيك مثل البومه السلفه وامي كالت الاسم الثاني له
مصطفى : ها لا ماكو شي بس تعبان ورحم الله والديك حبيبي
مااعرف اشلون اجازيك لكيتلي شغل وياك وهسه سهلتلي امري
جعفر : لا تكول هيج احنه اخوة
مهد : نزلت ع صوت ضحك جوا
باوعت من يم الدرج ماكو صوت شسالفة وين هل صوت
يمه وينج افتر بالبيت ماكو احد سيف نايم ساعه عشرة له ثلث
باوعت من شباك شفت أمي وياها واحد واكف منو هذا اول مرة اشوفه ...
عبد الرحمان : احم اروح اني بنتج اتباوع علينا ترى
نسرين : اخذ راحتك عيوني نتخابر علمود ذاك الموضوع ...
عبد الرحمان : ماشي يلا باي
نسرين : شكو شبيج اتباوعين فوتي
مهد : منو هذا يمه .. اباوع عليها مرتبكه عبالك دفعتني وفاتت
نسرين : لا سئلين مايخصج ها اتصلت خالتج عليه كالت هل شهرين عرسكم ترى
بدوب تلحكين جهزين
مهد : شنووو ياعرس هذا اني ماادري اشو
نسرين : والله اني خارج قوس منج الخطيبج هوه متصل ع امه وكايللها حتى تنطيني علم
مهد : اريد استوعب الموضوع مااكدر احنه مقررين كلش كلش له مصطفى يدخل جامعه او يتم قبولة بالجامعه كلشي ممجهزين بعدنه ... عفتها صعدت الغرفتي اتصلت ع مصطفى ميجاوب... اوووف
مصطفى : ابو المحل موجود ماكدرت ارد رفضته اتصلت ع امي من عرفت السلفه هل شهرين اخذها كلتلها انطي خبر الخالتي ... ماريد اعوف مهد بذاك البيت . يمكن عرفت وجاي تتصل
مهد : دزيتله رساله رد اذا ممكن كافي تجهلني
مصطفى : طلعت برا اتصلت عليها ها شبيج
مهد : شنووو اشبيه انت لي شبيك .. وليش مجاوب حظرتك هل كد انزعجت
مصطفى : نصي صوتج اول شي وكولي اشرايده هسه
مهد : شنو الي سمعته العرس خلال شهرين
مصطفى : اي صح السمعتي اني هل شهرين اجهز كلشي شنو اليمنعج
مهد : احنه متفقين مصطفى انخلص هل سنة ع اقل يلا نزوج شنو هل تغير المفاجئ
ومن ويلك الفلوس
مصطفى : هسه انتي شنو الي تردين تعرفي الفلوس من وين لو العرس ماتردي هسه ؟
مهد : مصطفى العرس هسه ماريد له اخلص هل سنة بالي كله بالدراسة مو مال زواج ودور بعد شهرين يعني فترا قليله وهم اتكون عدنا امتحانات اخر السنة
مصطفى : هذا الموجود مهد خلال شهرين العرس جهزي امورج ع هل اساس
مهد : مصطفى شنو شغلة اعناد يعني كله لان كتلك خابرت زميلي
مصطفى : لا هوايا امور ليش متكولين من حبه الي ومن اشتياقة من خوفه هااا
مهد : مصطفى ماريد نستعجل عفيه عوف الموضوع هسه مو مال زواج ويريد اتركز ع دراستك هسه مو شغلات العرس وتجهيز
مصطفى : انتي شايفتني زعطوط شنوو حجيج هذا اشتكيتلج من دراستي لا تكفريني وطلعيني من هدومي بهل حجي دراستي مالج شغل بيها
مهد : لا صيح عليه مصطفى
نسرين : هيييييييي صوتج نصي دنام الوو ها حبيبي
ستار : شكو عليمن هل عياط
نسرين : على مهد صوتها واصل الصاله
ستار : اييي وماسئلتي ام مصطفى ليش يستعجلون هيج
نسرين : لا ماسئلت افضل خل يزوجون مو كل يومين والثالث ناط جاي ايشوفها
وانت شو هدوء مو كعده عدكم خلصت شنوو
ستار : لا بعدهم بس دخلت جوا وعفتهم ياخذون راحتهم وي البنات واني هم عندي شغل اكمله
نسرين : امم شهل شغل اكو شي جديد
ستار : ميخصج اشوف هل ايام هوايا تسئلين عن شغلي خير ؟؟
يتبع ... هذا الي كدرت اكتبة بسبب
الوضع الي عندي اعذروني عن تأخير واعرف البارت قصير حبايب ان شاء الله مااقصر بالايام القادمة