لا البَوحُ يُطفِئُ مَافي القَلب مِن وَجعٍ
ولا الدُّموعُ تُسَلِّينِي فَتنَهَمِرُ
عَلِقتُ مَابينَ كِتمانٍ يُؤرِّقُنِي
وبينَ قلبٍ من الخُذلانِ ينصَهِرُ .
—
ماريا : بابا قول لايمن يارا مافي روح برا
جنى : تكفين خليها تروح ماراح يعرفون قولي لهم انها بالغرفه ومقفله على نفسها ومالها خلق يلاا ماريا
ماريا
وهي ما تقدر تقاوم لطافتهم وافقة وخلتهم يطلعون
من البيت بعد ما تاكدت انهم اركبو التاكسي تنهدت
وقفلت الباب وهي تأشر لهم انهم لازم يرجعون قبل ما يرجع المسؤول ايمن البيت راحت وصعدت غرفتها وهي تفكر في راجو وتناظر لكلامه وتبكي بحرقه وين اختفى كذا فجأة ؟
وباقي ما رجع!
—
جود
كنت ألبس وشفت يرسلون البنات بقروبنا ضحكت على كلامهم وسجلت صوت : بنات تعالو قبل بوقت تكفون ما ابغى أكون لحالي
ياسمين تنتبه لصوت جود تفتح وهي تحط روجها : بنجي قبل بوقت وبخلي كل الي بالحفلة ذي يتكلمون عننا
شهد تسجل صوت : بناتتت بتأخر شوي
جود
تسمع اصواتهم وتنتبه لامها وهي جايه تشيل المبخر
تبتسم جود وتنحرج من كلام امها والمدح الي يجي لها
تطلع من الغرفه وتشوف اخوها ياسر
جود تسكر خشمها : انت باقي ما وقفت تدخين اطلع تروش منجدك ياسر ماتقدر توقف حتى في ليلة ملكتي؟
ياسر بتأفأف : راح نرميها لعيونك بس بتجي يارا ؟
جود : ماراح اقولك يخي افهم انت ايش تبي فيها ؟
ياسر : اه يا يارا
جود بصدمه : مو كنت تحب شهد ؟ ايش دخل يارا
ياسر : منجدك احب ذيك المخبوله اخذتها تسلية بس
جود تبعد عنه وتدخل للغرفه بتهديد: راح يجون اليوم لو قربت من يارا ولا شهد قسم بالله لا اعلم ابوي عن سوالفك
ياسر ببتسامه : يكفي انك علمتيني
ياسر
تركت البيت ورحت للباب جالس انتظرها تجي وانا اتذكر لما
كنت دايم انتظرها عند باب المدرسه عشان اشوفها لمدة ثواني
على الاقل بس
—
ياسمين
رميت روجي لما حسيت بضربه قويه على شباك غرفتي
وروجي خرب وصار خط احمر بوجهي عصبت وناظرت لشباك
فتحته وانصدمت لما شفتها تبكي وما تقدر حتى توقف كويس
نزلت من غرفتي وأنا متجاهله امي الي في صاله وتسألني
ام ياسمين بعصبيه : وين رايحه يالبقره؟ جعلك تموتين
انا ليش اصلاً أسألك
ياسمين
فتحت باب الشارع واشوفها تركض لي وترمي نفسها بحضني
وهي ما توقف تبكي وتشهق بقوه : شهد ردي علي ليش تبكين وليش مكدم وجهك!
شهد تبكي : تكفين...( تشهق)..ما ابغى..( شهقه) اتكلم..
ياسمين
حضنتها وحاولت ادخلها لغرفتي ارتحت لما شفت امي مو بطريقي خايفه تفشلني في شهد قفلت باب غرفتي : طردك مره ثانيه؟
شهد والغصه بصوتها : ياليت
شهد تفتح طرحتها ودموعها بعيونها : شوفي ايش سوا ابوي
ياسمين تشهق بصدمه : كيف صار كذا وين شعرك !
شهد تبكي اكثر : كنت جالسه أكلمك في القروب وخلصت ولبست وسويت مكياجي لما كنت ارتب شعري دخل ابوي علي و وقص شعري كله ( تشهق ) قص شعري شوه شعري حسبي الل..(تصيح وما تقدر تكتم اكثر)
ياسمين : يعني اخر مره رماك مع الغنم يوم كامل تنامين معهم
بس ذي المره لا تسكتين لا ترجعين للبيت فاهمه
شهد
تبكي اكثر
ياسمين تمسح دموع شهد : تكفين لا تبكين ما اعرف
ايش اسوي في ذي الأوقات قطعتي قلبي
شهد تناظر لها وتبكي اكثر : رمى أغراضي كلها بوجهي مادري ليش كان معصب بس انا ايش ذنبي مالي خص يروح يعاملني بذي طريقه ليش يسوي كذا
ياسمين
يقاطعها اتصال من جود
جود والحزن مالي صوتها : الوو ياسمين وينك تعالي بسرعه ولا وحده من البنات جت وربي اني خايفه الى الحين محد جاء منكم
شهد
تكتم شهقاتها وتناظر ياسمين
ياسمين : راح نجي كلنا اكيد
شهد
تناظر بصدمه وتهز راسها برفض
ياسمين : يلا يا حبي تشاوو اشوفك بعد ساعه بجي وندعس الكل
ياسمين
تقفل الخط وتنزل الجوال وتناظر شهد
شهد تبكي : منجدك مقدر اروح شوفي شعري كيف ما ابغى
روحي انتي وقولي لها مريضه او اي شيء
ياسمين تبتسم وتروح لدولابها : منجدك اخليك
شهد : ايش بتسوين؟
ياسمين : بعدل على شعرك وارتبه
شهد : لا تكفين ما ابغى ماراح تكون لي نفس
ياسمين
جلست اقنعها والحمدلله اقتنعت بعد مده
وقصيت شعرها بشكل جداً حلو بدت تطلع ملامحها تدريجياً
والي كان يخبيها شعرها الطويل : ولله ما توقعت شعرك الطويل مخبي جمالك لهدرجه
شهد : يا ربي يا ياسمين انتي وين وانا وين انا افكر بشعري الي قصه ابوي وانتي تفكرين بجمال وما جمال
ياسمين : اقول التفتي لا تخليني إصلعك والي راح راح
شهد تفتح الشبس : غريبه مو العاده امك تسحب الشبسات منك؟
شصاير اليوم ؟
ياسمين توقف قص وتناظرها بتوتر : يعني تقدرين تقولين معد صارت تهتم بوزني زي اول
شهد تاكل من شبس : بس ولله معليك من احد انتي مو سمينه
ياسمين تبتسم : بلا سخافه ما تشوفين شكلي؟
شهد تضحك : يا حلوه ذا يسمى مربربه يعني وسط مو مره سمينه ولا مره ضعيفه
ياسمين : ثانيه ثانيه ضحكتي واخيراً
شهد بخجل : يوه عاد حسستيني كأنها اول مره
ياسمين بحماس : يلا خلصت تعالي شوفي شكلك
شهد بتوتر : تكفين خايفه خليه بعد شوي اشوف شكلي
ياسمين
تجيب المرإية وغصب تخلي شهد تناظر المرإية
شهد
ناظرت بشكلي وانا مصدومه حسيت اني شخص ثاني
مو نفس شخص الي قبل شوي كنت ببكي بس شفتها تجيب المكياج : احس ببكي عادي ودي احضنك
ياسمين تحضنها : بعدل لك مكياجك الحين لا تبكين يا زق
—
ايمن
نزلت للبيت واشوف نفس شكل الشخص جلست أراقبه
وانا جالس اشوف حركاته وتصرفاته الغريبه حتى شكله واضح انه يتعاطى حشيش : الحين كيف العب معه ؟
قاطعني صوت رساله من عزيز
عزيز |
يخي وينك احسني ضايع ماعندك شيء اشغل نفسي فيه؟
ايمن |
برسلك موقع وتعال
عزيز |
يلا جاي لك
_____
ايمن
قفلت منه وجلست اناظر الرايح والجاي وسياره
توقف وسياره تجي الى ان انصدمت لما شفتها تنزل هي وجنى
فكيت مقبض الباب وانا مقهور مقدر أتواصل معها حتى
وجوالها معي كنت اشوفه وهو يناظرها وعيونه ودي اطلعها من مكانها بديت امسك نفسي عشان ما اقوم عليه واخليه جثه
بعد ثواني شفت صديقه متلطم يدخل داخل معه
انعصر قلبي و واضح من نظراته ناوي على شيء خبيث
وأفكاري ما تخلص ماقدرت استحمل اكثر
مشيت وانتبهت لعزيز وسيارته : الله جابه
عزيز يجي له : وش فيك وش عندك ؟
ايمن : ابغى ادخل البيت ارسل لفايز المجلد الي برسله لك الحين وخله يحقق في ملف ياسر ال..
عزيز : ابشر بس ليه وش سالفه؟
أيمن يصر على اسنانه : شفت يارا تدخل البيت هي وجنى وكان ذا الكلب يناظر لهم و واضح من نظرته ناوي على شيء
___
ياسمين
دخلت انا وشهد ندور لغرفة جود وجلسنا نحضن البنات
وفرحة كثير لما شفت جنى : وينك اشتقت لك مره
جنى : تعرفين بزنز وكذا
شهد : اوه خفي علينا يا شيخه
ياسمين تناظر جود : الا قولي لي وين ارمي عبايتي
جود : اسمعي اطلعي من الغرفه وروحي سيده تحصلين
الغرفه الي دايم اضيفكم فيها حطي عبايتك وتعالي
ياسمين
طلعت من الغرفه ودخلت الغرفه ورميت عبايتي وجلست اسولف
مع نفسي بس حسيت بحركه غريبه بالغرفه وخاصه بدولاب
بلعت ريقي وبديت اقرب منه : فيه احد؟
قبل ١٠ دقائق
ياسر : اجلس هنا بجي بعد شوي وأعطيك باقي فلوس المخدرات
بندر بتأفأف : طيب كان خليتني عند الباب اخلص علي لا تطول
بندر
كنت جالس الي ان سمعت صوت شخص وكأنه مر علي دخلت الدولاب بسرعه وانا متوتر ومليون شتيمه في قلبي لياسر
ناظرت بشويش من دولاب كانت تكلم نفسها قلبي كانت نبضاته ما توقف وابلع ريقي كل ما حركة شعرها وهي تبتسم وتسولف مع نفسها هي نفسها صوتها وحركاتها ذي هي حقت....!
يتابع
———
نجمه ، تعليق ، نشر رابط القصه
———