//عاقبة إلظلم//
بقلمي
.
فاطمة اللامي 🫀♥️
.
ذكرياتك ما عفتها
والـ اريدك ماتت بشفتي
بكثر ما رددتها ،
واني من گتلك نسيتك
بس گلت ، ما طبقتها
واهتمامك چذبة چان
الله لا ينطي اربعينك
لاحگيني بكُل مكان
اربعينك بالشكل مو بالامان .
_______________________
(غلطـه.!)
- حسيت بشي نار هادئة دخلت جسمي وكبيت صرخت من الالم نداريت وجان اشوف نديمة
- صايرة فحم محتركة بالنار اني بقيت واكفة ومااعرف شتصرف نسيت وجعي وضليت اعيط بدون وعي.
- فزيت لكيت مغمي عليه وعايفيني وحدي مشمورة كعدت حسيت مثل الغواش علئ عيوني كمت بية ماابية صدري ياذيني باوع علئ نفسي محتركة ركبتي لحد بطني اصابع ايدي محتركة شعري وحواجبي.
- مااهتميت لنفسي واجاني احساس انو اني سبب موت نديمة تمنيت اني ابدالها
- كعدت بالكاع واني ارد ياربي لاتختبر صبري اكثر من هيج مااعندي طاقة اتحمل بعد سجدت ودموعي علئ خدي ولوعتي والمي.
- تقلصات ابطني موتتني كل جزء بجسمي ياذيني.
- دخلت الجدة شافتني هيج تقربت مني.
الجدة : كومي يمه وياي .
- دخلتني للغرفة وطلعت رجعت وياها طاسة خابطة بيها عسل وحليب نزعتني الثوب ودهنت الاماكن المحروكة وشدتها بدلتلي .
الجدة : الشيخه كلتلي افحصج
الجدة : يمه جوهرة حامل مبارك.
- بسبب وجعي محسيت بهل كلمه وحايره بشكل نديمه ووجعي
- صفنت واني استوعب لكلمه حامل؟؟ شلون يربي وحدي ومحامله ضلمهم اجيب فر/خ يتعذب واني بهل حاله سمعت صوت تشييع لا كدرت اوكف ولا اكوم من لوجع بس اصرخ وابجي بخوف ساعات
- و رجعوا من النجف واسمع بجي وعياط مبين عليهم مقهورين عليها عبن رابية عدهم يتيمة من هي وصغيرة.
- غفيت شوية واجتي الشيخة
الشيخة: اليوم الفاتحة مااريد اضلين تتعيقلين وهذا النغل مالتج تنزلينة.
- اني اسمعها بسس مااكدر ارد وجسمي ينتفض مدت عوجيتها عليه وكالت يلا كومي.
- ماكمت لحد مااعلت الشمس اجتني مرة ثانية واني اون
الشيخة : يعني تردين تمشين كلمتج عليه ومااتكومين مو.
- راحت ورجعت غفيت ماكعدت إلى على رشه مي مثل لنار على الحرك صرخت بأعلى صوت وحسيت روحي طلعت وتوقفت حياتي لهنى بس كأنو نصيبي كاتبلي اتعذب وانحرم بقيت اتعذب والله لوجع ماتمنى لعدوي
- بالنص ساعة التفتت شفت دولكة مي زحفت زحوف وصبيت لرويحتي التفيت بالبطانية واني انتفض.
- وبس اغفئ يجي ابالي احلام واصوات الصياح ومنظر نديمه يجي كبالي ضليت علئ هالحال اربعة ايام. مشمورة بالغرفة ومحد ابحالي.
- طلعت اتنفس واشم هوى وافكر بمصيبتي ياترى شلون بطفلي شميت ريحه اكل وبطني وجعتني لا بيه اروح اكثر ولا بيه ابقى رحت نمت
- صفنت واني افكر بشي اسوي ممكن انو اخلص فر/خي مانكر تفكيري راح يدمرني بس يمكن اي وحده ببدالي راح تفكر هل تفكير بس ما جنت اعرفن تفكيري راح يأذيهن من بعدي
فرحه :
فمتى اللِقاءُ ؟
وكم يطول تساؤُلي
هل في الحياة بقيةٌ لأراكَ ؟
إن كانَ عُمري قد تصرَّمَ وانقضى
فالعُمرُ يبدأُ حينما ألقاكَ .
- ادحك عل نهر وكلبي يوجعني وتذكر طوله وابتسم ومن ارجع لواقعي اتأذه من اذكر زواجه على صفنتي وسمعت صوت شي طك وصرخه جوهره رحت اركض
- ادحكن الامي عباره عن فحم وجهه المتعوب ولحلو مختفيه معانيها عباره عن فحم اسود نفس سواد حياتي من بعدها
- انه ادحك امي كبالي مشتعله بنار كددامي راسا اجوي ببالي اخويه الي هستوه سنه وخواتي وانه صغيره شتحمل كل عمري ١٦ سنه
- ماجنت اعرف الي يصير بوقتها صرنه يتامه من صدك لا اب ولا ام وانه طفله ويمي اطفال
- موقف الله ليخلي احد بي وانه ادحك اميي اميييي تحترك كدام عيوني وصايرة رماد عطت بكل مااعندي من قوة ركضت لاخواتي وانه اصيح بدون وعي امنااا امناا ماتتت احتركتتت ...
- ملخت روحي بالضرب صرت مثل الطفل الي يريد امه تذكرت ذكرياتنة سوي من تمشطلي وتكولي يمه فرحتي كبرتي كرت عيني بيج ومن تكول النة اني عايشة علئ مودجن حت مااحد يمن عليجن بشي. لبست ورحت وياهم حت ندفنها.
- تقربت من التابوت وممصدكة انو امي ماتت لججج يمه فدوهه اروحلج انتي مااتعوفنيي والله بعدني ذيج الطفلة التحتاج حضن امها " وج يمه بعدني مامكتفية من ريحتج المن عفتيني يمه رجعيلي اني وخواتي محتاجينج .
- كوموني من عدها واحسن روحي طلعت وياها مشيت ورجعت التفتت
- يمه شراح تضملي الدنيا من دونج راح تذلني ياضوى عيوني راح تطفى عيوني يبعد كلبي
- ولج يمه ماتحمل هيج عذاب ولج يمه حركتي كلبي جاوبيني وريحيني جروني من المكبره بل كوه للسياره طلعت وانه جسد بلا روح فقدت الامل والاحساس والاهم فاقده ام واب هنا
- رجعت والطريق كله دموعي تنزل امي حيل تعبت بعد ما ابوي مات نذلت من عمامي راحت ذاكرتي لايامنه
قبل موتها بساعه :
نديمه : يمه خاف انه يصيرلي شي عينج على اخوتج ولا تفرطين بيهم يايمه هل زمن محد النه كفكفو على رويحتكم يبعد اهلي ولا تخلن احد يسوي منيه عليجن وديرن بالجن على اخوجن يبعد امجن
- قطع تفكيري وحزني صوت اختي وبجيها
فرحه : لا النه ام التسكتنه ولا اخ الي يمسح علينه ولا اب يشيل حزنه هل صفينه وحيدين يادنيا شضامتنلنه بعد امي واخذتيها وابوي واخذتي
- وصلنه واني اباوع على بيتنه احس البيت مسكون ومضلم ويعصر لكلام ووحشه اوف ياييمه رحت لملابسها واشم عطرها مارحت للفاتحه رايده ابقى وحدي
- رحت اصلي ونمت حلمت امي واكفه وهيه تبجي
نديمه : ولجن يمه حرت يبعد امجن المن اروح موتني لا تبجن فرحه اختج اختج اختج اختج خواتج اخوج فرحه اختج افراح اختج
- كعدت من الحلم واني مفزوعه افراح شبيها طلعت وانه اتعثر جانو كبل يكولون الام تحس وانه امي خلصت عمرها تكول لأختي سمعتج يبتي ماكو رجال يستاهلها الابنيه ورقه بيضه
- رحت للفاتحه وأنه ادور على اخوتي اخر مابقالي من اهلي رحت حضنتهم نبجي سوه
- مسحت دمعتي : كومو نرجع لبيتنا منبقى هنا بعد وبس بل فاتحه نجي يلا كومو
الشيخة : سمعي يفرحة انه مبقيتكم انتي واخوانج هنا ومن غير شغل ها شكلتي؟
فرحه : لا يشيخه انه اشتغل وانه اعيش اخواني ونبقه ابيت امنه بليه منية احد علينه ما رايده منج شي تسلمين بس رايده انه اخذ مكان أمي
الشيخه : بس يفرحه انتي صغيره يحبوبه متكدرين على بيت ومسؤؤليه
فرحه : شيخه ذوله خوتي وانه مسؤؤله عليهم وانه ماكصر وياهم راحت الشيخه وهيه مراضيه عني وماهامني رضاها صحت لاخيتي
فرحه : أمشي نهتم برواحتنه واخونه عبن لا عدنه سند ولا عكازه
- مرت الايام وبديت اشتغل ويه جوهره انضف القصر وصرت صديقتها المقربه واكضي وياهة وكتي واسمع همومها
جاي انضف اني وجوهره ماحس غير اندحست يمي
جوهره : ندست فرحه وحجت بهمس .. فريحه فريحه
فرحه : بهمس ها ها شني
جوهره : انه جاي افكر بشغيله واريدن رايج
فرحه : اي دحجي اسمعنج
جوهره : انه اريدن اهج من السماوة كلها واخلصن من هالشيخه وظلمها انه وفريخي كبل مايجي ويتعذب وياي شني ذنبه
فرحه : يمه عزا العزاج ولج والعباس الشيخه تلكفنج وتكطعج تكطع بعدين تعاي اكلج وين تردين تولين
جوهره : شمالج يفرحه ماتبشرين بخير اهجن ل بغداد شناغصني
فرحه : اي يالمثغفه هجي ل بغداد انه علي حذرتج يم لفريخ ضلت ببالي حجوه جوهره وفكرن بيها عبن لشيخه لون عرفت تكصبنه سوه وانه عندي فريخات ينتضروني كمليت شغيلي وطلعت اشتمن هوى البستان صدت عوينتي على المجان الجنه نكعد نتسامر بي
- رفعت راسي السماء وحجيت يايمه تعبت بعدج الدنيا ذلتني يايمه جاي تشوفين بنيتج يايمه التفتت واشوفن ابنه كاعد يم حبوبته باوعتلها
فرحه : جان المفروض هذا وليدي يحجيه وكسرتي بختي عبن فقيره الفقر مو عيب يحجيه الامام علي عليه السلام جان ياخذ لكمته وينطيها الهم وحنه مانغفر عبن صدك لو كالو
ام محمود : والله انه ماخذ لوليدي خدامه
فرحه : يععع خلينه ساكتين يمه عبن انه اشتغل وأنه مستوره يو احسن اطلعن بنصاص الليالي اشتغل بل حرام يمه يحبيبه ولا عدجن مستحى صلفات
فرحه : مريت لشجرة ذكرياتي اباوعن عليها وفكري سرحان فززني صوت مجنت اريدن اسمعنه
محمود : فريحتي مامصدك عيوني شفتنج
فرحه : دنجت راسي ومشيت بكل سرعتي ماريدن اشوفنه واسمع حسه ماناكصني حزن انه
محمود : بصوت عالي فريحه فريحه لاترحين اسمعيني فريحه
فرحه :ها يمحمود شرايد رحمه للعباس ابو فاضل تزوجت وبل عافيه عليك لا اريدنك ولا تريدني بعد أنه افكرن بخوتي فدوه اروحلك لا تجي وتصيحني بعد
ركضت للبيت واحسن كلبي يريد يوكف ودميعاتي اعله خدي الغصه ابلعومي رجليني ماحملني كعدت وانه دموعي جنهن شلال واصيح وادعي الله ياخذ عمري واخلصن من عيشتي
- اطبخن وعيوني تجري على ضيمي طفله انه يعالم
حجيت اي يمه رحتي وليوم انه الشايله المسؤؤليه حسيت بخيالي يم لباب وصوت امي
نديمه : ها يبعد امج انه وياج يفرحتي لتكسريني رفعي راسي شضامتلج الدنيا يبعد بيتي عينج على اخوتج واختج اختج اختج يفرحتي اختج اختج
- التفت وانه اصرخ يمه وينج يمه شبيها خيتي يايمه ريحيني خيتي ليش تروحين وتوصيني بيها كعدت ابجي على خيتي وماريدن اخوفنها
- كمليت غدينه وكعدنه بارده من دونج الدنيا يايمه اخوي همزين متعلم على افراح وهي هم متعلمه علي بس لحلم ولصوت مافرجن بالي خلص يومنه ونمنه من وكت عبن لصبح عدي شغل
- كعدت وانه امرن بل بستان ولهوى يرد الروح بس كليبي ليوم ممرتاح نكثت الأفكار من بالي وانه ادخلن القصر
- فرحه بدينه شغل لحدما هلكنه وكعدنه ناكل
جوهره: شبسرعه مرت لشهور وهل صار اربعين امج باجر
فرحه : ي والله يجوهره الايام تركض ركض وصفينه لا اهل ولا سند
جوهره : لحكيني يفرحه بطني صارت ها كدها والشيخه شاكه بيه فرخين وطلع صدك خوفي لا يصدك كلامها ويطلعن بنات وانه اهجن بليله ضلمة
فرحه : ياخوفي تهجين ويلكفوج يجوهره فرحه متعرف تتصرف وراح تهدم حياتها وحنه مكتوب النه نفارك عزازنه كملنه غدانه وخذيت رويتبي ليوم اخذن خواتي واخوي للسوك نشتري شي قبل لا نروح للنجف
- طلعت من القصر بالطريق لبيتنة صدت عيني بعينه باوعتلة بعتب وحب وخذلان
- غوركت عيوني راساا دنكت راسي وضليت امشي سريع وكلبي يدك بسرعة.
- هو صار وراي يمشي.
محمود : فرحه .... فرحه بس اسمعيني بسس خلي احجي وياج
- مجاوبتة دخلت للبيت وسديت الباب واخذت نفس .
- لازم انسئ صارت عنده حياة وزوجه اختارها وفضلها عليي وهسه جاي يريد يحاجيني مستحيل اكدر احاجي بعد .
- ليوم أربعينية امي طلعنه للنجف وعبالك رجع جرحنه المانشف ليوم طريق يخوف وامي وحدها مسحت دمعتي وانه اتقرب من الكبر ها يمه مسيه العافيه يبعد روح روحي شلونج يمه مرتاحه
- يمه ليضل بالج اخوي زين وخواتي هم زينات يمه ريحيني وكليلي اخيتي شمالها يمه ليش من تجيني بس تصيحين خيتج يمه وجهج الحلو رجع
- مكدرت اكمل طلعنه وانه باوع عل كبر
فرحه : بنيه انه يناس وامي كل حيلي والله خلافها مانايمه ليلي
- رفعت راسي يالله نطيني لصبر خليني ارتاح وريح كلبي اباوع على كبه الامام علي رجعتلها مره ثانيه
- ها يعلي ها يحاضر الشدات هاا يابو الأيتام تقبلها يتيمه ياعلي وجيتك ليوم فرحني يابو الحسن ولتردني خايبه هاا يابو الحسن تفشلني يا اميري تفشلني وانت مقامك عد الله جبير ها يابو العباس احلفك اليوم بستر زينب وصبرها
- احجي واني فاقده انسانه معدها حياه من بعد امها انصفني يابو الحسن انفصني طلعت وانه دموعي بعيني
- رجعنه للبيت ثاني يوم ماكدرت وطلعت للشغل
جوهره : انه ليوم لازم اطلعن
فرحه : خايبه يجوهره تلزممج وعلي
جوهره : ماكدرن ولعباس لازم اشردن
فرحه : منتضره جوهره تطلع وانه خايفه عليها نصحت ومافاد طلعت جوهره تركض من بره الحديقه
- ماحسن اله صوت زلم وهم ينادون عل شيخه بأن شردت الفصليه وركضو
- طلعت اشوفن والكى جاييبين جوهره سحول المعزايه
الشيخه : ها يبت ردحه تشردين مني
جوهره : عوفوني اخذ بناتي وطلع مو مترديهن عوفيني اطلع تعبتوني وشوهتوني وحركتوني وعذبتوني كافيي
الشيخه : هينه ولدي وولي وانه الي اطردنج ودوها بل مخزن جوه والي يطب ليها اعاقبه اكثر منها يلا
فرحه : لا انه الاكدر اروحلها ولا هيه التجيني بس عيونه التحجي
- مرت لشهور وحال جوهره يسيئ اكثر إلى أن اجه يوم ولادتها
فرحه : ليوم لصبح وأنه انضف واسمع صرخات جوهره ركضت مفزوعه وانه اصرخ وياها خيتي ماشيفتها صار اشهر لكل نخبص ودو عل شيخه
الجده : البت حتمال تموت بيدنه
جوهره : ياعلي نصرني ساعدني ياعلي
الشيخه ضربت جوهره على راسها : لا تكولين ياعلي
- جابت جوهره بصرخه قويه وكأنو تكول للدنيا خلص بعد أعلن استسلامي
يتبعع ؟!!
لتنسون تصوتون 🫀♥️