عاقبة الظلم

حلقة 17

//عاقبة الظُلم//
.
بقلمي ♥️🫀
.
فاطمة اللامي 🫀💔
.
الليلة كِلهن يوجعنّي
حچاية سودة ودمعة حمرة
وصور تِحرك چنها جمرة
احلام بيضة اصبحت سمرة
الليلة كِلهن يوجعنّي
سچة روحي ..
والكلب صاير قطار
واني روحي معلعلة وجواها نار
__________________________
(رد اعتبار)🥀

اسد :
جدي راح مني راح سندي راح ضهري

فرحه : صخام بوجهج فرحه مات الشيخ ولك يمه حيدره عاوني خل ارجع اشوفن مصاب اخياتك

- طبت للبيت فرحه وهيه تبجي واطلع ملابسها حتى تبدل وتروح طبعا فرحه مانزعت الاسود لبست كملت وطلعت ويا حيدره اما اصف فـ بقى واكف ويا حيدره

* علي اخو فرحه تزوج وهو صغير كلش لعبو بعقله عمامه وأخذ بنت عمه وهو عمره ١٤ سنه فـ ابنه جبير لان هذاك الوقت لمن اجه اصف جان عمره ١٧ *

- وصلت وانه احسن راح حيلي على حال اسد وصريخه طبيت للبيت وانه ادور وين البنيات فضتي ورفاه راحت روحي عليهن وعلي

- لهناك واشوفن فضه مكرفصه بل زاويه ورفاه تنده بيها وفضه فاصله من الدنيا انه عرفت هي صارتلها صدمه من حرك ذهب وموت جوهره عمت عيني عليهن

فرحه : ها يبعد امج واهلها البقيه بحياتجن الله يساعدجن على مصابجن كومي يمه كومي بعد حيلي

فضه : يمه لبالج ليوم ذهب ماتت احس نار مشتعله بكلبي ماكدر اذكر منضرها وهيه تركض والنار بيها 

فرحه : يمه راحت يم الاحسن من عدنا كومن نكف الفاتحه

- كمنه نسوي الغراض ونحضر للغده جابو طباخ لان هو شيخ وعالم هوايه مو مال طبخ نسوان مايلحكن

- طببو التابوت للبيت واسد وعيسى وام عيسى ملخو روحهم عل شيخ الجبير والصغير يبجي جان خوش رجال ولكل تعرفه بحسن اخلاقه موته جان صدمه الهم

- سبب وفاته هو مريض عنده قلب وسلمها بعد الله يرحمه ويغفرله خلص اليوم الاول شلعان كلب هلكنه بحيث بليل نمنه حسبالك ماشايفين نوم

- بهذا اليوم رغم الخبصه بس أصف بقى ببال فرحه بس ماكدرت تحجي احتراماً لموت الشيخ وسدت السالفه

- ثاني يوم الفاتحه بدو اخوه الشيخ يلحون عل مشيخه ويردون يعرفون المشيخه المن الشيخ قبل لا يموت كال المشيخه لعيسى وكعد عالم وشيوخ

- بس عيسى رفض

عيسى : المشيخه انه ماهاويها

مرتضى : شني ياعمي

عيسى : أنه انطيها لاسد

مرتضى : شني ياعمي وين صايره لتنسى اسد ابن اختك

عيسى : عمي انت هم لا تنسى ابو اسد يصير ابن عمي مثل اخوي وانه هاديها اله

اسد : بس انه مو حمل هيج مسؤؤليه