《》 الحلقة الواحد والعشرون 21《》
《》 اللكاتبة #بنت_الحجي 《》
《》 #مهد 《》
مصطفى : شنو خالتي هل حجي ؟؟
نسرين : انت تنجب وتسكت
مهد : شبيج يمه بقت تضرب بيه اديه ع وجهي
مصطفى : شنوووو شبيج انتي دفعتها وراي مهد احجي وياي عوفيها
انسام : يا شبيكم صوتكم برا واصل
نسرين : تعاي شوفي ابنج المايستحي هوه وهاي الساقطه العندي ولكم كل عيب ماكو عدكم شوفي ركبتها
مصطفى : خالتي افهمي الموضوع يلا تحجي ترى هستوني وصلت وماسويتلها شي
انسام : بله شبيها ركبتج
مهد : خالتي اجت تتفحص ركبتي خاله والله هاي كرصه
انسام : ولج هاي مصه ياكرصه موعيب
عليج وعليه
مصطفى : لاااا تكفرنا والله ماسويتلها شي من خابرتها الصبح كالت ركبتي توجعني يمكن كارصتني حشرة
نسرين : انتو اضحكون علينه بهل سوالف ...
وانتي بعد ماصبرين من هسه هيج تاليها اشلون هذا الخايفه منه اني ..
مهد : ابجي محد ايصدكني والله كعدت الصبح ركبتي توجعني والله العظيم محد هيج سوالي مكروصه
مصطفى : اباوع عليها تبجي اباوع ركبتها الي ايشوفها عبالك صدك واحد هيج مسوي بس اثق بيها ...
ومن صبح حجتلي
كافي تبجين انتي الثانية خالتي اريحج اني اليوم اعقد وهل رايح اجيب ابويا واجي
مهد : كرهت روحي بالحظتها احس مصطفى انحط بوضع مو حلو بسببي وامي ماصدكتني الهل درجة ماثق بيه ...
انسام : روح فوتي انتي جوا غسلي وجهج
نسرين : والله له اطيح حضج كلبه فوتي يلا
مهد : فوتتني امي ادفع بيه وتضرب بيه والله يمه ماسوالي شي ليش مصدكيني
انسام : كافي يانسرين شبيج ..
نسرين : ولج ساقطه بعد ماتتحملين فهميني اصبري بي تخلصين جامعه وانكلعي محد ايكمشج
انسام : ملاك اخذي اختج وفوتي جوا انتي وسيف لعبو
عوفيها نسرين شجاج شي صار بعد تعاي غسلي وجهج
مهد : عفتهن صعدت ع غرفتي فتت ع حمام اباوع ركبتي مبينه صدك عبالك واحد خرب حضي شبعت بجي كعدت بغرفتي مانزلت ابد
مصطفى : الوو هلا يابه وين انت ..
خوش جاي يلا لا ماكو شي من اجي افهمك
نسرين : الله ياخذج كون واخلص
انسام : فهميني انتي دخلتي لكيتي ايبوسها شنو الموضوع
نسرين : كامش ركبتها ومدنك عليها طبعا ايبوسها خوش لافوها كارصتها دودة لا والله بنتي بيها _
اسمعي ياانسام بس اتخلصين بيتج زوجيهم فاهمه
انسام : صدك تحجي ادري بكملاتي ازوجهم وبعدين خل مصطفى ع اقل يتخرج
نسرين: معليج بالفلوس ولج لا يصخمون وجهنا ماريد ننفضح كدام ستار والله يذبحني قبل مايذبحها
انسام : ادري خيه البنيه همها جبير اوف يامصطفى
بس كون يقنع ابوه
نسرين : والله افضحه وخزي اذا مايجي يخطبها لو ما انتي افوت اخابر ستار وكله ع خطبة
مصطفى : وصلت لكيت ابن عمي وعمي يمنا السلام وعليكم
عليكم السلام____
ابو مصطفى : ها شنو موضوعك
سالم : وخيرا شفناك وين مختفي لا تسئل اتكول اشوف عمي
مصطفى : والله عمي حقك بس من شغل ع بيت اللمدرسة وتعرف
فؤاد : اعذره يابه اشلونك ابن عمي
مصطفى : هلا باابو خالد الحمدالله خوية اخبارك ..
فؤاد : تسلم بخير بهل دنيا
مصطفى : دوم ان شاء الله مادام عمي هنا يابه اريد اروح نخطب اليوم بنت خالتي
ابو مصطفى : انت اتخبلت شبيك
مصطفى : ليش اتخبلت يابه شاب ومن حقي اخطب وازوج بيها شي
سالم : بيها الخير ابني بس ياهية بت منو الي تخطبها
ابو مصطفى : بت نسرين اخت طليقتي تعرفها
سالم : صدك تحجي كلن البنات عمي احنه موكد هل عالم حتى سمعت مزوجة من مسؤل بدولة
مصطفى : اييي عمي من صدكي احجي البنيه عاجبتني واني رايدها معليه لا بخالتي ولا بالي مااخذته
فؤاد : ترى مابيها شي عمي اذا خوش بنية
ابو مصطفى : اني مامعترض اني خايف عليه وحده من الاثنين صارت باجر عكبة ضربها تعاركو خايف اني من امها والوراها يااذو...
مصطفى : شسالفة يابه وين عايشين احنه
سالم : ابوك ترى حقه من خوفه عليك البنية شنو انت تعرفها حاجي وياها اقصد ماخذ الاوكي خاف اروح وترفض ياعمي
مصطفى : لا عمي البنية حاجيتها واني ماخذ الموافقه حتى خالتي عدها علم .. اريدها كدام رب العالمين حلالي ماريد احجي وياها وهم غضب رب العالمين عليه
فؤاد : مبين مصطفى واكع بالحب عمي ههههه لاتوكف بطريقه
سالم : هههههه غركان يابس واكع
ابو مصطفى : والله مصطفى هاي حياتك وارجع واكلك راح تتعب وكحه امها وان شاءالله ماتدخل بحياتكم
سالم : ان شاء الله ع خالتها تطلع والله ونعم منها ام مصطفى خوش مرة جانت لو المشاكل الصارت
مصطفى : هههه هسه اسمعك مرت ابوي عمي له اليوم اخر يوم اشوف اخوك
سالم : هههههههه اي والله خل اسكت
ابو مصطفى : ههههه الله هيج كاتبنا لو ماامك واخواتك ماتذكر شسون وياها هججنها
فؤاد : بعد ازوجة عوفو المرة يابه هههههه
ابو مصطفى : امشي اخطبلك وخطبلي امك
الكل : ههههههههه
مصطفى : علواه وشلون بالعندك يابه ههههه هسه شنو يابه اروح لو لا
فؤاد : انت صدك هسه اتريد اتروح تخطب
ابو مصطفى : اي يابه بس اصبرلنا لم اهلنا عمامنا اتريد بس اني وياك اروح مو راهمه ترى
مصطفى : يابه بس اعقد ماريد لا حفله ولا هم يحزنون بعدين عود انسوي كوم عمي ويانه وانت فؤاد
سالم : ليش مستعجل بعد عمك
فؤاد : هسه شسالفة ياعمي يابوية ترى واحد رايد الثاني عود من يخلص هل سنة سوو حفله وعزمو الكرايب
مصطفى : اي واني هيج اكول هسه بس عقد وهيه هم بعدها تدرس بس انخلص هل سنة انسوي عود خطبة
ابو مصطفى : والله انت استعجالك راح ايعم عليك عاد اتانيني ابدل لو اروح بجامتي استاذ مصطفى
سالم وفؤاد : هههههههه
مصطفى : هههههه روح يابه بدل ..
نسرين : ماجاي ايرد ستار اكيد يمه ذيج هسه اشلون فهميني
انسام : اكلج ترى البنيه بنتج هوه شنو بالموضوع عود عذرج وياج اتصلتي ومارد
نسرين : اييي وماراح ايكول ليش استعجلتي
مهد : بقيت اكلب بتلفوني راسلتني رواء مارديت عليها
مالي خلك دزيت رساله المصطفى.. وين انت
مصطفى : جاي نصعد بالسيارة اجتني رساله فتحتها مهد . بالطريق حبيبي جايكم
سالم : اي وياهو الشيخ ناخذه
ابو مصطفى : صاعد اني وي عمك انجيب الشيخ بطريقنا ابو محمد
مصطفى : خوش يابه اني وراكم اصعد فؤاد عوف سيارتك هنا
انسام : والله حيرتيني وياج عود بعدين لكيلج فد سالفة خل نخلص يمعودة عاد خطيبته شمايصير محد يحجي ..
مهد : احس بفرحه وبنفس الوقت شعور مزعج بسبب الي صار ... ياربي ساعدني صدك الهناك اندك الباب ...
باوعت من شباك غرفتي مصطفى وابوه وياه ٣ مااعرفهم ... ركضت ع كنتور لبست فستان جرجيت سمائي ساده ايصير وصدره صاعد ع ركبه بي شرايط ورده ينشدن علمود ماتبين الكرصه
انسام : ياكل الهلا اتفضلو
مصطفى : فوت عمي
سالم : اشلونج خيتي
انسام : اهلا بيك خوية اشلونك اشلونك عمه فؤاد ...
نسرين : اتفضلو جوا
ابو مصطفى : اشكرج خيتي اتفضل شيخنا
مصطفى : يمه وين مهد اجه الشيخ يعقدلنا ...
نسرين : الشيخ امدنك شسالفته
انسام : دفوتي حطي شي ع راسج لبين مايطلع الشيخ ...
نسرين ؛ اي رايحه حظري شي الهم ..
انسام : تعال يمه مصطفى .. صبيتلهم ببسي وكيك هاك ضيف الشيخ وابوك وعمك خلي اصيح مهد
الشيخ : شنو وين ابو البنية احد من عمامها
ابو مصطفى : ابوها متوفي شيخ وعمامها مو هنا
سالم : ايصير اني انوب عنهم شيخ ...
الشيخ : ماكو مشكله اذا البنية اتوكلك وانت اتكون امام رب العالمين ولي الها
صاحولنا البنية
مهد : دخلت خالتي
انسام : تعاي وياي اجه شيخ يعقدلكم
مهد : مشت خاله كمشت ايدها خاله والله العظيم مصطفى ترى ماسولي شي والله من كعدت الصبح شفت ركبتي هيج
انسام : ماصار شي يمه يمكن مكروصه لو يجوز انتي حاكتها مصدكتج اني ... يلا ياعروس ننزل
مهد : هههه يلا اخذت شال ابيض عندي لبسه عيب من شيخ اكلج خاله منو ذول الاجوي
انسام : ابو وعمه وابن عمه والشيخ ..
نسرين : راح يسئلج الشيخ اذا اتوكلين ابو فؤاد كوليله اي اوكلى هوه وكيلي
مهد : هزيت راسي بس احس اطرافي كلها ثلج ومستحيه حيل
مصطفى : كاعدين منتظرين مهد تدخل فاتت خالتي كعدت
انسام : فوتي ولج
مهد : لا خاله والله استحي
مصطفى : اشرت الخالتي شكوو
نسرين : مهد ام مصطفى وينكم ..
انسام : فوتي امج اصيحنا ولج جريتها وفتنا
مهد : عزااا السلام وعليكم كلتها واني كلي ارجف ... بلكوا نطقتها
كعدت بصف خالتي الصاله مال الخطار كبيره الشيخ وابو مصطفى كدامنه كاعدين ومصطفى يمهم كاعد
الكل : عليكم السلام
ابو مصطفى : هلا بنتي اتفضل شيخ
سالم : هلا يابه اشلونج
مهد : تسلم عمو الحمدالله كامشه ايد خاله خطيه مبينه عليها الفرحه امي بدها نخلص وتطردنا كلنا ع اعصابها اتباوعلنا
الشيخ : الاسم مهد شنو
نسرين : مهد خالد شيخ ...
الشيخ : بنتي مهد اتوكلين سالم عبد المجيد وكيل الج
مهد : بقيت ساكته
مصطفى : هههه اباوع عليها رجليها ترجف مجلبه باامي
انسام : ولج احجي الشيخ يسئلج
مهد : بلي شيخ
فؤاد : ههههههه ولك هاي مثقفه يامصطفى
مصطفى : ههههه اشش ولك لا ضحكني
الشيخ : كولي نعم اوكلى وكيل عني
مهد : نعم اوكلى وكيل عني خلاني اعيدها 3 مرات شلع كلبي
سئل عن الحاظر والغايب بقينا صافنين لان مامتفقين ع شي
نسرين : الحاظر 5 مليون
والغايب 10 مليون شيخ
ابو مصطفى : مصطفى
مصطفى : اشرت الابوية عوفها مو مهم الفلوس كدام مهد
الشيخ : اتفضل يمي ابو فؤاد ...
رد وراي
مهد : تمم زواجنا الشيخ وباركلنا .. وحجه امور المرة الي الازم اتقوم بيها وبيها رضى من رب العالمين وهم حجه عن الرجال واجباته ورضى رب العالمين عنهم ... وحجه عن اليتيم وصاه بيه ..
انسام : مبروك يمه كل الخير شايفين ..
مهد : باستني خاله وباركتلي ..
ابو فؤاد : الف مبروك ربي يسعدكم ع خير ام مهد
نسرين : اشكرك خوية
مهد : اباوع المصطفى اشلون فرحان فدوة الحبيبي طلعو كلهم برا .. بقه بس مصطفى
نسرين : وصلهم وارجع عندي كلام وياك
مصطفى : العالم اتبارك اول شي خالتي .. وتدللين باليل اجي
يلا مع السلامه طفرت روحي منها عبالك عبيد عدها ..
مهد : امي ولا باوعت بوجهي ولا باركتلي طلعو رتبت الصاله شلت الكلاصات والمواعين وديتهم ع مطبخ ..
نسرين : الوو هلا عيني بعد وكت وين ذاب تلفون
.
ستار : تعرفين اني وين ليش تتصلين شصاير اكو شي
نسرين : والله رتك تحظر خطبة مهد ..
ستار : شنووو ياخطبة هاي ..
نسرين : اي حبيبي خطبها ابن اختي مصطفى .. ولانك بمكان ابوها كلت اتكون وكياها بس اذكرت انت ماتحب احد ايشوفك لو يعرف انك زوجي ..
ستار : نسرين لا تكفريني انتي صدك تحجييييين
نسرين : حبيبي شبيك شنو بي شقه هيج موضوع
هيه اتريده قابل شسوي وهم شباب خايفه لا ايصير شي كلت يزوجون احسن
ستار : واني شنوووو فهميني انتي تصرفين بكيفج
اني مالي وجود هيه مو بنتي ؟
كل هل سنين منوو مسؤل عنها ومنو يصرف عليها
حظرتج
نسرين : ياحبيبي اعرف انت ابوها ومحد ناكر هل شي بس كلت راح اتكون فرحان لها ومصطفى خوش ولد ماعبالي هيج اضوج
مهد : اسمع امي تحجي وي ابويا مبين عصبي وامي اتحاول تهدي بي واكفين اني وخالتي انباوع عليها
انسام : شكوو
نسرين : اشش ياعمري ماصار شي الي اتريده اني اسوي والله ياروحي انت ياعيوني ماعبالي ماراح توافق
لو ضوج
ستار : جاي باجر ويصير خير نسرين سديته بوجها هذا مصطفى موته ع ايدي لك آآآآآآخ هيه موعافته شرجعهم سوا
ولدي كاعدين ومرتي رجعت يمهم والله له اشرب من دمج يا مهد اصبريلي ..
نسرين : ولي من وجهييييي بنت الكلب ممحصله من وراج غير الفكر والمشاكل ..
مهد : بقيت صافنه ليش اني شسويت
انسام : شبيج نسرين شكو
فؤاد : ع خير مصطفى ..
مصطفى : تسلم حبيبي احس روحي هسه ارتاحيت من صارت مرتي ..
وصلنا الشيخ رجع عمي وفؤاد اخذو سيارتهم وراحو
نسرين : كلب الدنيا فوك راسي ستار .. من ورا هل ساقطه هاي شوفي ولج يجي ستار انتي اتفهمي تردين مصطفى وانتي تردين تزوجين افتهمتي لا والله اذبحج مااسمحلج تخرب حياتي من وراج
مهد : جرتني من شعري اييي يمه اني احجي وياه ادموعي تنزل اذتني واخرتها خالتي صعدت فوك الغرفتي دكيت ع وجهي كعدت الطم ع حضي وع ام العندي شسويت اني ياربي حتى هيج امي تتعامل وياي ..
مصطفى : اتصل ابو الشغل لان تأخرت عليه ساعه 6 الوو هلا عمار لا والله مااكدر اجي اليوم بس جعفر بمكاني اليوم لا مايرجع باقي ال 11 بالمحل متفق وياه
لا ان شاء الله باجر اني من صبح بالمحل . بس اليوم عندي شغل والله اعتذر منك .. ولايهمك مع السلامه
ستار : كعدت افكر شسوي وي هذا وي نسرين له اندمها ع الي سوته ..
انسام : شبيج هيه شعليها تضربيها
وهوه ليش هل كد مهتم عبالك صدك بنته
نسرين : اكلج ليش ماتخليني ساكته طول هل اسنين منووو سئل عليها هل بنت الفكر فوك ماتحملت مسؤاليتهاااا فوك مايصرف عليها معيشها عيشة بنات العز ... حقه يزعل من تزوج هوه مايعرف يعني هسه ايفكر بس بالصرف هوه ابوها .. نعتبرا
شرايحلها ست مهد فرح كلبها وهجمت الدنيا عليه الله لايوفقج
مهد : اسمعها وابجي .. مدري الوم ابويا عافني لو اهله الماسئلو عليه ولا كالو بنت ابنه وينها...
مصطفى : اتصلت ع مهد مترد
هاي وينها
مهد : شفت مصطفى اتصل مارديت مخنوكه .. مابيه احجي احس روحي راح تطلع حتى بهيج يوم مامكتوب افرح والكل حاسدني ع هل عيشه
انسام : دكافي يانسرين الصار صار بعد
اني احجي وياه عود .. البيت بس هل يومين ويكمل وبس هل ست شهور وتخلص هل سنه واخذها منج وارتاحي عود
اتحملينا ياام الغيرة وين ننطي وجهنه يا حبيبتي
نسرين : انتي اصبغي بيه
مهد : اتصل بابا ستار عليه ..رديت الوو
ستار : طلعت ع حديقه اتصلت ع مهد عفيه عليج بنتي هيج هاي جزاتي
مهد : كمت اشهك مااتحمل بعد بابا والله مااقصد ازعلك
ستار : ليش تبجين مو هذا فضلتي عليه وحتى ماانتظرتي اكون اني موجود
مهد : والله بابا اتمنيتك تعرف انت بمكان ابويا مايوم اعتبرتك بس زوج امي بس كلشي بسرعه صار .. .
ستار : يلا ع كلن مشكورة باباتي مبروك
مهد : بابا فدوة اسمعني والله ماأحب تزعل مني بس مصطفى خوش ولد ويحبني الهيج وافقة وهوه سواها مفاجئة اليوم وعباله انت بالبيت اليوم بس من اجه مايعرف انت رحت .. جان جاي يطلبني منك
ستار ؛ اممم ومن مالكاني طلبج من امج موو
مهد : اي شريد اكله احس صدك غلطنه ماانتظرنا جان ع اقل ايكون يعرف بهل موضوع
ستار : الله يسعدج ماصار شي بس جنت حاب اكون موجود مادام انتي اتحبي ماكو مشكله
مهد : بقيت ساكته بس اسمع حسرات بابا وشكد ضايج مبين الله ايوفقك بابا لا اضوج مني ولا من امي والله مانقصد حتى اذا اتحب نرجع انعيد هل شي
ستار : بلكوا كامش اعصابي اتريدين اتشوفيني اشلون يزوجج احجي بكلبي لا ماكو داعي مهد يلا عندي شغل بعدين نحجي سديته .. اصبر عليه مصطفى .. كتلك اتعوفها لي باايدك اكيد نسرين سوت هل شي لانو اكو شي شافته.. شنوووو هوه راح اتخبل معقولة لكته متقرب لها
مهد : سده بابا شبعت قهر .. اندك الجرس اكيد مصطفى ماكمت ولا تحركت مالي حيل اوكف من صبح الهسه ع فرد دمعه ماضلي حيل
مصطفى : رجعت عليهم فتحتي الباب ملاك وين الكل
ملاك : جوا امي اتصلي
مصطفى : كعدت ع تخم اجت خالتي اي خالتي اسمعج
اباوع بالبيت مهد ماهيه اكيد بغرفتها
نسرين : اسمعني مصطفى بس اتخلص هل سنه تزوجون افتهمت اني مااقبل اضلون هيج ولا اسمح تلتقون هوايا افتهمت
مصطفى : اصلا اني مفكر نزوج بس اخلص هل سنه مايحتاج خالتي تحجيلي بهل موضوع
نسرين : اي خوش راح تسكن وي امك وراح اساعدك اني بالمصاريف مال العرس اريد اخلص من هل هم العليه
مصطفى : هسه مهد صارت هم عليج .. ضحكت
نسرين : والله من ساعة الشفته اي هم صارت عليه عفته وكمت
مصطفى : صار خالتي راح اريحج بقيت صافن وين اكو ام هيج تحجي اشكد انانية خاطر ربج وحده حقودة
صحت وراها مايحتاج اساعديني بشي اعرف ادبر اموري كلشي عدها افلوس
انسام : معليك بخالتك عصبيه ترى تعرف اشكد اتحبك وتحب مهد
بس هيه عصبيه
مصطفى : مااسمح الاختج يمه تتعامل وياي ع انها الام المثالية واني الشاب الساقط
نسرين : ولك انت شتقصد ..
مصطفى : كمت وكفت فهمج كفاية خالتي .. اني مالمست مهد ولااا سويتلها شي وهيه بنتج وتعرفين انتي مهد شنوو
ومع هيج ماثقين بتربيتج انتي
نسرين : هااا وهسه طلعت اني الموخوش ولك لو مو اني منو ايخليك تخطبها..
مصطفى : ليش اشفتي عليه بله مو من مستواها لو مو رجال
مهد : اسمع اصياحهم وامي اشكد اصغر بيه
بس دموعي تنزل مااكدر حتى احجي واكفه ع درج واسمعها
مصطفى باوعت مهد يم الدرج فوك تبجي
نسرين : انسام العندي حجيته اني وعلمي ابنج يحترم
مصطفى : عافتنا ودخلت
انسام : ولك خالتك عيب هيج تحاجيها
مصطفى : ليش شحجيت اني عوفيني يمه باوعت مهد ماكو يم الدرج
انسام : اوف يامهد اليوم فرفحت من البجي روح شوفها بسرعه وانزل
مصطفى : صعدت اشوفها فتحت الباب لكيتها تبجي رحت حضنتها
مهد : حضنته كمت بس اشهك احس كلبي راح يوكف
مصطفى : اششش باعي عليه مهد كافي عاد
مهد : عوفني مصطفى
مصطفى : دسكتي يلا ماأحب اشوف ادموعج يلا كومي غسلي جريتها وكفتها
مهد : هسه اغسل بس ارتاح ...
مصطفى : اي غسلي وارتاحي فوتتها غسلت وجها .. كعدنا بالغرفة شبيج حبيبي
مهد : مصطفى ماشفت حجي امي عليه ولو بابا الخابرني ايعاتبني شتحمل
مصطفى : كلشي يصلح وامج مو جديده ترى معليج بيها اصبري عليه بس هل ست شهور واخذج والله مااعوفج هنا
مهد : الله كريم حضنته
مصطفى : فدوة المرتي الحلوة ام خشم
مهد : ههههه اني ام خشم
مصطفى : اي باعي من البجي شصار .ههههه
مهد : هههه هديت اشويا مصطفى راح لفيت راسي ونمت حتى ماتعشيت ثاني يوم رحنا نظفنا بيت خاله اجه مصطفى اخذنا وشلون فرحان هوه وخاله
كملنا امتحانات مر اسبوعين بابا مااجانه ولا خابرني اتصل مايجاوب بس يحجي وي ماما ع كد السؤال ويسده وامي اتموت من هل شي تجي اذب حركت كلبها بيه صرت اسمع واسكت حتى ادموعي ماتنزل اتعلمت عليها
اتصل مصطفى منتظره يتصل من صبح ايبشرني بالنتائج
نسرين : اجه ابوووج اركضي افتحي الباب ..
مهد : ركضت مشتاقه له فتحت الباب وحضنته حبيبي
ستار : هههه اخ منج اشلونج ياعمري
مهد : ترى زعلانه منك هههههه
ستار : فوكاها زعلانه مني منو اليزعل هااا
نسرين : ايييي مشتاق بس المهد واني؟
ستار : اشلون مامشتاقلج يلا انفوت جوا
مهد : اتصل مصطفى عن اذنكم راجعه فتت اركض هااا حبي بشر
مصطفى : ناجح حبيبي
مهد : ايييي كللييشش هههههههه
ستار : ههه شبيها اتهلهل
مهد : بابا مصطفى ناجح طلع هههه
مبروك احجي وي مصطفى وافتر بالصاله بابا صافن عليه
ستار : ونتائج مهد طلعن
نسرين : لا ع اساس اليوم لو باجر بعد مانزلن النتائج اشلونك حبيبي كومه اشتاقيتلك
ستار : اني هم مشتاقلكم بس ماانسه الي سويتي يانسرين بعد ممنوع تصرفين بشي ايخص مهد لو سيف من راسج
وان شاءالله مصطفى مايزعل مهد لان ساعتها اتكون موته ع ايدي صدكيني
نسرين : لا ايحبها صدكني وانسام هم اتحبها..
ستار : مااشوفها انتقلت انسام
نسرين : اي البارحه راحت ع بيتها واليوم مصطفى اخذ غراضه وراح يمها هم
ستار : مهد
مهد : يلا حبي احجي وياك بعدين بابا ايصيحني
مصطفى : ماشي حبيبي سلميلي عليه
مهد : يوصل
. رحت يمهم مصطفى ايسلم عليك
ستار : الله ايسلمه
تعالي اكعدي ويانه مشتاقلكم
نسرين : عمري انت يلا شمشتهي تتعشى حتى احظر
مهد : اتعشينه سويا .. وبابا جايب وياه حلو اتحلينا
وعصير ومسواك اللبيت
ستار : اي اشوكت قررتو العرس
مهد : بس ايخلص هل سنه مصطفى ..
ستار : ها شعجب بهل سرعه
نسرين : لا بالعكس اصلا فترا زينه ست شهور خطوبة ايكونون اتفاهمو واحد عرف الثاني اكثر
ستار : الشخص تعاشري يلا تعرفي مو بالتلفون
نسرين : صح مثل ما صار ويانه تذكر هههههه
ستار : هههه اييي وان شاءالله عجبتج بالواقع ومن عشتي وياي
نسرين : طبعا ياعمري لو انت وارشاداتك الي مااطلع من ذيج الحياة الجنت بيها
ستار : اممم علينا اصلا انتي وكعتيني بالفخ
نسرين : ها اني ..
مهد : كاعده اسمع حجيهم ومناكرتهم صدك بابا اشلون حبيت امي
ستار : امج اخ منها ضحكت عليه
نسرين : يااا عود صدك تحجي لعد ياهو الي قرء براسي الازم اطل
ستار : بسرعه خزرتها
يتبع.. اعذروني ع سحكات ترى مااراجع 🤭