ياقوت : كعدت الصبح ساعه ب ٧ ونص
خالد خالد حبيبي اكعد
خالد : هاا حبيبي عوفيني تعبان
ياقوت : لا حباب اكعد ويايه
خالد : بيش ساعه
ياقوت : ب ٧ ونص وانت لازم بعد ساعه تطلع للشغل
خالد : لا اليوم مااطلع عود العصر اروح خل اليوم نتغده ونتريك بيت اهلي
ياقوت : اي خوش فكره حبيته لعد يلا نكوم نحضر نفسنه وهم اسلم عليهم
خالد : تمام اني طلعيلي ملابس على مااغسل
ياقوت : حضرت ملابس خالد واني لبست دشداشه ولبست جبه وشالي
خالد : ها نروح
ياقوت : اي حبيبي نروح
خالد : جوز هسه بس امي كاعده
ياقوت : اي البقيه اني اكعدهم
فتحنه الباب ودخلنه صدوك جانت بس عمتي كاعده ب مطبخ وقوري الجاي على نار
يا صباح الفل والياسمين
ام خالد : جنتي الحلوه يا صباح نور
ياقوت : حبيبتي عمه شلونج شخبارج باوسته
ام خالد : حضنته حبيبتي الحمد الله انتي شلونج الأهل
ياقوت : والله الكل زينين ويسلمون عليج
ام خالد : عزيزتي الله يسلمهم شنو شوكت اجيتي
ياقوت : بارحه العصر وصلني فقار سوده عليه وراح
خالد : صباح الخير يمه
ام خالد : صباح نور حبيبي
ياقوت : شنو محد كاعد
ام خالد : لا بس سناء كاعده وراح تروح هيه وصديقته نور تشتري ملابس للحفله
ياقوت : هاا وصودك عمه الف مبروك على معدلات اولادج
ام خالد : حبيبتي الله يبارك بيج
سناء : هلا ويانور عيني ويا هلا بيج يمه ولج مشتاقتلج كومه
ياقوت : ههههه هلا بيج بعد گلبي واني هم مشتاقتلج
سناء : شلونج شخبارج
ياقوت : والله تمام الحمد لله زينه
سناء : دائما أنشأ الله
خالد : يمه شنو سراج ميكعد
ام خالد : والله يا يمه اكعد بي ميقبل يكعد
ياقوت : هذا عوفو عليه تعالي سناء بس جيبي الصينيه
سناء : شراح تسوين
ياقوت : دتعالي حبيبي وشوفي شراح يصير
صعدنه لغرفه سراج جان نايم على بطنه
سناء : شراح نسوي
ياقوت : انطيني الصينيه
دكيت عليه واني اغني
هلا ويابه هلا هلا ب سجاج مالتنه اكعد ولك سراج
سراج : ولجن غضببب شتردون من عندي
سناء : اكعد يمعود اكعد شوف مرت اخوك شلون تغنيلك
سراج : عمي مااريد بس جفوني شركم اريد انام
ياقوت : لك بابا كوم شنو نايم كوم يمعود صدوك تحجي
سراج : اروحلج فدوه مرت اخويه خيتي العزيزه بس خلو انام شويه بارحه مانايم
ياقوت : دكوم شو بلا كوم هيج تكسر خاطر عازمتك على ريوك صار سبوع مشايفتكم
سراج : كايم كايم يلا اطلعو خل أبدل
ياقوت : خووش بس مو تتأخر
سناء : يلا تعالي ننزل
ياقوت : وين رشا
سناء : تعالي نشوفه بغرفه امي
ياقوت : دخلت للغرفه ولكيته نايمه يا عمري رشاوي حبيبي شو اكعدي ماما حبيبي
كعدت تفرك بعيونه اوووي شلون حلوه
سناء : منين حلوه جنه عبسي طاكه عليه عبوه
ياقوت : انجبي قابل انتي بجماله عود هيه حلوه وتحجي على رشاوي
تعلكت بركبتي يحبيبي تعالي اغسلج واوكلج نمنم
رشا : نمنم
ياقوت : هههههه غسلتله ورحت كعدت يم خالد
خالد : سناء منو راح ياخذكم
سناء : حجيت ويه سراج مقبل ومن حجيت ويه نور كتله راح احجي ويه خالد ياخذنه لأن سراج مقبل بس هيه كلتلي ميحتاج انور ياخذنه
خالد : اي خوش اذا انور ومنو بعد يروح
سناء : جاي اقنع ب ماما تروح ويايه بس غيرت رئيه بآخر فتره وبطلت تروح
خالد : ليش يمه ماترحين وياهه
ام خالد : والله يمه مابيه حيل تعبانه هاي الايام وسكري حيل متعبني
خالد ؛ هذا هو يمه لا ترحين قابل انور غريب علينه بعدين نور ويايهه مايحتاج واحد يروح وياج مو سناء
سناء : اي عادي ميحتاج
ياقوت : اكلنه وخليت رشا يم خالد وعمتي تعالي سناء نغسل مواعين
سناء : ولج ياقوته وربي ممصدكه راح اروح ويه انور ولاول مره لوحدي وااااي
ياقوت : ولج شنو نسيتي نور وياكم شلون وحدكم
سناء : لااا ولج قصدي وحدي بدون واحد من عائلتي ويايه بعدين نور تعرف اني احب انور
ياقوت : يااا هنا الحجي ملعونه واني اكول شلون راح ادبريه
سناء : اني سناء شبيج نسيتي
ياقوت : ههههه لا ماانسه بعدين شراح تلبسين
سناء : عاجبني البس فستان
ياقوت : لاا هاي طلعه والفره مو لازم اله فستان لازمه بنطورون وقميص
سناء : ها هيج تكولين
ياقوت : ايي خلي انكمل ونروح نحضر ملابسج
سناء : تمام
ياقوت : كملنه مواعين وصعدنه فوك
سناء : شوفي عندي ملابس بعدني ملابستهم
ياقوت : بلا اشوف
سناء : عندي هذا القميص الوردي ويا هذا بنطرون الاسود
ياقوت : لا القميص جنه قصير اني اكول لتلبسي
طلعت قميص لون بنفسجي وبنطرون ابيض هذولي انسب واريح من هذنيج
سناء : ايي والله حتئ حلوات
ياقوت : تلبسين حذاء كعب لو عادي
سناء : لا البس عادي لان اكيد راح افتر هواي ورجليه تكوم تئذيني
ياقوت : اوكي لعد يلا اني اعوفج اتجهزين نفسج واني اروح انزل يم عمتي
سناء : اوكي
ياقوت : نزلت يمهم وجانت عمتي وخالد يحجون وسراج كاعد بعيد عنهم
ام خالد ؛ ها ياقوت لعد وين سناء
ياقوت : عمه جاي تحضر نفسه
ام خالد : ها خوش
ياقوت : اكول عمه خلي انضف البيت لان ماكو شي وبعدين نسوي الغده
ام خالد : بكيفج حبيبتي واني هسه اشوف شنسوي غده
سراج : يمه سويلنه سمج
ام خالد : خوش هسه اشوف
خالد : يمه انطيني وياج الورقه مال احتياجات البيت خلي نطلع اني وسراج نجيبهم
ام خالد : اي يمه هسه اجيبه
ياقوت : خالد أخذ رشا وياك
خالد : اي عادي هسه أخذه من اطلع يلا سراج كوم تطلع وياي
سراج : اي ماعندي شي يلا كوم
خالد : اخذت الورقه من امي وطلعنه
ياقوت : بعد مراحو الولد اني رحت علا ادوات التنظيف وبديت ب بيت من فوك ليجوه حتئ نكسر ضهري ااااخ يمه
ام خالد : هاا بنيتي تعبني بعد كافي شغل
ياقوت : لا عمه خلي اخلص كول الشغل لأن البيت فارغ
ام خالد : الرب يوفقج وينطيج الصحه والعافيه
ياقوت : راح انضف غرفتج
ام خالد : اي والله يمه وبس امسحي الحيطان وياج
اخاف اكو بيت عنكبوت لأن هاي سناء كول مااكول اله تضل تتنعوص ومتكمل الشغل
ياقوت : صار عمه تؤمرين أمر
رحت للغرفه رتبته ومسحت الحيطان والاثاث وطلعت للحديقه كملته. ورجعت للمطبخ عمه كملت
ام خالد : عفيه بنيتي عاشت ايدج
ياقوت : كمل الغده محتاجه شي
ام خالد : بقت بس الزلاطه هسه أسويه
ياقوت : لا عمه اني أسويه
صار الغده التمينه عليه بس سناء مموجوده لأن بعده مراجعه من السوك
غسلت المواعين وأخذت الجاي يمهم وضلينه نتسامر ب حجي
ام خالد : اكول يمه خالد ياقوت اريد احجي وياكم
خالد : اي يمه تفضلي
ام خالد : اليوم صار الوكت حتئ تأخذون رشا
ياقوت : والله يوم المنئ الي تكون بي رشا يمي
خالد : اي يمه عادي مابيه شي نأخذه
ام خالد : لعد بعد شويه أحضر جنطته حتئ تاخذوه
سناء : طلعت من بيت بعد مادكت عليه نور وطلع ويايه خالد
خالد : هلااا ابو الشباب شنو صار يومين مختفي وين صرت
أنور : هلا بيك خالد والله جنت مشغول ومتفرغت حتئ اجيك
خالد : ولا يهمك عود فد شويه بليل نطلع
انور : أنشأ الله
سناء : صعدت ليوره السلام عليكم
انور : وعليكم السلام اهلا بيج عيوني
نور : هلا سنو حبيبتي شلونج
سناء : تمام الحمد لله انتي شلونج
نور : والله الي عده مثل انور شلونه
انور : ليش شبيه اني تشككين بيه
نور : اسئل نفسك شبيك من الصبح كعدت مدري شبيك كالبت خلقتك
انور : غلطانه مابيه شي بس انتي اهواي ادققين
نور : اوكي هاهيه لتضل هسه تقنع بيه اي سناء شو ساكته انطينه رئيج
سناء : بشنو حتى افرض رأئي واني ممفتمه شي أو إذا على انور جوز يضوج من طلعه البنات أو هيج شي
انور : لا لا سناء والله مو هذا الموضوع اصلا اني شلون اضوج من عدكم بس هيج من الصبح مالي خلك أو بدايه فلاونزه لأن تعرفين تغير الموسم والشتاء على الابواب
سناء : اي صحيح الفلاونزه الموسميه صدوك تنحل الجسم ويصير مالك خلك
انور : اي هو ب ضبط هيج
سناء : عم السكوووت شويه
انور : اي بنات احجولنه شراح تقدمون
نور : والله اني ماادري اشوف معدلات السنه وإنشاء الله ادخل
انور : خير انشاء الله وانتي سناء
سناء : والله اني هم نفس نور اشوف المعدلات بس عاجبني علم النفس ويناسب معدل
انور : اممم حلو اختيارج موفقه أنشأ الله
سناء : ابتسمت شكرا
انور : اكول بنات انتو تردون ترحون للسوك موو
نور : ايي
انور : زين شنو رئيكم اخذكم الصديقي عنده محل ب مول ملابس نسائيه اذا تردون اخذكم اله
نور : ملابس مناسبات
انور : والله ماادري بس الي اعرفه ملابس نسائيه لأن مامنتبه شنو الي موجود
نور : اوكي أخذنه اله
سناء : رحنه للمول وأخذنه انور للمحل مال صديقه جانت بي ملابس متنوعه فترينه اني ونور ب محل وأنور يم صديقه
انور : جنت واكف يم محسن ونحجي اني ويا
محسن : اكولك ذني خواتك
انور : وحده اختي وثانيه اخت خالد
محسن : منيه اخت خالد
انور : درت وجهي على سناء ولاول مره تشد انتباهي جاوبته واني اباوع عليه ام البنفسجي
محسن : زين اكولك أنور ب الله عليك خل اسئلك البنيه متزوجه
انور : عقدت حواجبي ودرت وجهي عليه ليش تسئل هذا السؤال بعدين البنيه اخت صديقنه عيب تحجي هذا الكلام ودير بالك هاي اخت خالد
محسن : شبيك انور قابل أنت ماتعرفني اني منو وشنو وتعرف بيه اريد اتزوج وجاي ادور على بنت حلال ولحد الان ملاكي وحده تناسبني
انور : اي اني وياك واعرفك شنو بس مو اخت خالد
محسن : ليش هيه متزوجه لو لا
انور : لااا ما متزوجه وكافي لتسئل على البنيه خوش
محسن : هسه شبيك ضجت خل اشوف واصفي اموري وبلكي الله يلتفت عليه وأهله يوافقون
انور : لا ماانصحك مراح يوافقون ولا تحجي وياهم لأن سمعت من اختي تصير صديقته البنيه محجوزه وكافي سد الموضوع
استغفر الله العظيم
نور : عفيه سناء والله خبلتيني بس فهميني شتردين
سناء : يمعوده بس اصطبريلي اريد اشوف فستان مميز
نور : اشتري مثل مالتي بس غير لون
سناء : تخوصرت وضيكت عيوني لااا والله اني اريد فدشي مميز وهاي تكلي اشتري مثل فستاني بشرفج صدوك تحجين
نور : اي صدوك احجي احنا مو تؤم الروح ليش منلبس نفس الشي
سناء ؛ لا لا لا مااريد هسه اشوف
انور : يلا بنات شنو وين صرتو
نور : انور تعال الله عليك
سناء : عدلت وكفتي من شفت انور
انور : ها نور يلا فضني ترئ جوعان وكلشي مماكل من الصبح
نور : اني اشتريت فستان بس هاي سناء مجاي يعجبه شي
انور : اخذكم على غير محل
سناء : لا بعدني ممكمله فره هنا بلكي اشوف فدشي يعجبني
انور : ولو اني مو اختاصاص بهاي السوالف ولا اعرفله بس راح ادور وياج واساعدج
سناء : ضلينه اني وأنور انشوف الملابس
انور : هسه ماعجبج ولا واحد من الي جبتهم
سناء : هزيت راسي ولا واحد
انور : دخييل ربج شكد صعبه
سناء : اذا تريد انروح عادي اني اخلي خالد يأخذني اخاف تعبتك
انور : لا عيوني انتي شنو تعبتيني كملي على راحتج عفته ورحت ادور وحدي واشوف ب فساتين اخير شي انتبهت على فستان لونه بصلي كولش حلو واتخيلت سناء لابسته لفت نظري سحبته
سناااء
سناء : درت وجهي على انور الي شايل فستان ب أيده
هاا
انور : شوفيلي هذا اكيد راح يعجبج
سناء : رحت يمه ولزمت الفستان جان كولش حلو وب تحديد تصميمه كولش حلووو
انور : هاا شو صفنتي بس لا هم معجبج
سناء : لا لا عجبني اصلا كولش حلو عاشت ايدك
انور : واخيرا
سناء : ابتسمت بوجه فدوه ياربي شكد محبوب هذا الرجال
انور : يلا تعالو خلي نحاسب
سناء : يلا رحنه يم ابو المحل وأنور حاسب على فستان نور واني سئلته على فستاني شكد سعره
محسن : سعره ....
سناء : طلعت الفلوس حتى ادفع
انور : لاا رجعي فلوسج اني ادفع
سناء : مال شنو بلا حتى تدفعلي فلوس الفستان
انور : ب اعتبار هديه نجاحج انتي ونور مووو
سناء : بلعت الساني على جوابي خرررب حظي
نور : شبيج يمعوده اكلتي الولد خلي هو يصرف
سناء ؛ نجبي يمعوده عيب
نور : بااع هاي ام العيب يمعوده دطيري
سناء : طلعنه وره انور أخذنه لمطعم
انور : وهسه شنو تأكلون والله اني شينزلي اكله لأن ميت من الجوع
سناء : طلبنه اكل وصدوك امور خطيه جان كولش جوعان وياكل بشراهه اني أكلت شويه وضليت انتضرهم
انور : ليش مااكلتي
سناء ؛ مو جوعانه
انور : صحت للنادل لملمي هذا الاكل سويليا سفري
سناء : رجعنه للبيت شكرا على التوصيله واخاف تعبتكم
انور : تعبج راحه وبعدين على التوصيله ف اكيد تددلين
سناء : رمشت بعيوني واني ابتسم شكرا
انور : بس لحضه سناء هذا الاكل مالتج مااكلتي
سناء : اخذت منه الاكل وعيوني على نور الي تحرك بحواجبه
دخلت للبيت وهمه راحو
يتبع .....
ا