هنعمل زي فظوره
(الرواية تناقش موضوعًا لم يتطرق له أحد، وتطرح تساؤلًا ظريفًا، هل جرّبت أن تتعامل بعملة مختلفة عن العملات الورقية؟ ليست معدنية وليست ذهبية، الثروة هنا من نوع آخر، لن تدفع مالاً لتأخذ.. بل ستدفع من ذكائك، ستدفع من وحدات عقلك، ولكن انتبه فـ للثروة حدود، فهنا المفلس لا يعامل باحتقار أو يُهان كما يحدث في عالمك، بل يتعرض للموت.. فا احزر )
ما اسم تلك الروايه يا سكاكر؟
نجمه يقمر قبل ما تبدأيي😢🍒
اللهم صلي و سلم علي سيدنا محمد وعلي اله و صحبه أجمعين 💞
كان يجلس في المكان المحدد ينتظرها ليرى سبب لطفها الزائد وبرائتها المزيفة في آخر مكالمة
إياد : هي اتأخرت ليه هطلب الاكل عقبال ما تيجي
إياد : لوسمحت كنت عايز مكرونة بالوايت صوص والماشروم و متنساش البيبسي
النادل: حاجة تاني يا فندم
إياد : لا شكرا
احضر له النادل طعامة وذهب بعيدًا يجري مكالمة
الشخص: عملت اللي قولت عليه
النادل: اه عملت انتي تؤمري يا زميلة الكوارث ربنا يستر
الشخص: لا متقلقش مش هتتأذي تسلم بجد مش عارفه اودي جمايلك فين
النادل بضحك: ولا تعب ولا حاجه هو اللي هيتعب
الشخص : اوعي تكون تقلت العيار
النادل: عيب عليكي هي أول مره ما من واحنا صغيرين واحنا بنعملها
ثم أغلق الهاتف وذهب ليكمل عمله
وعلى الناحية الأخرى كان إياد يتناول طعامة بتلذذ لكن قاطعه رنين هاتفة
إياد بغضب:انتي عارفه انا مستني في المطعم بقالي قد إيه
كنزي بخبث:ولسه هتستني في حمام المطعم اكتر
إياد بعدم فهم: قصدك ايه
كنزي بشر: هتعرف بنفسك
لم تكمل جملتها الا وكان إياد يركض للمرحاض فصغيرتنا الشريرة لم تتحمل تمثيل الشخصية الطيبة كثيرًا و قد وضعت له ملين في الطعام بمساعدة صديقها النادل
كنزي بضحك: سلم علي الشهدا اللي معاك بقي
ثم اغلقت الهاتف في سعادة وقامت بالاتصال بصديقتها ندى
كنزي بضحك: فايتك كتير ياندى
ندى: عملتي ايه يا مصيبة انتي
كنزي:حطيت لأياد ملين في الأكل
وهنا لم تحتمل ندى وانفجرت بالضحك
ندي: يخربيتك فصلتيني انتي لسه فيكي العادة دي لا عجبتيني
كنزي بفخر: يبنتي انا أعجبك اوي
قاطع حديثهم عودة ادم لندى بالأيس كريم فهم في الخارج معًا
ادم: ايه يا حبيبتي بتكلمي مين
ندي: بكلم كنزي هو في غيرها
ادم: ازيك يا كنزي
كنزي: الحمد لله معلش يا نودي مضطرة أقفل دلوقتي نتكلم بعدين
.
.
.
وفي المساء
توجه الشباب الي منزل سليم ليسهروا معًا هناك
يزن بضيق : مش كنا نجيب 2كيلو موز حتي واحنا داخلين
مازن بتفكير : حد قالك أننا جايين نزور مريض احنا كنا المفروض جبنا ازازتين سيناكولا
فتح سليم الباب فجأة عندما سمع صوتهم
سليم بسخرية : اد اي انا قيمتي غالية عندكم
مازن ويزن في ذات الوقت : عيب يا سيد متقولش كدا احنا أهل
سليم: طب يلا ياخويا منك له هتفضلوا علي الباب
ثم دلفوا وسلموا علي والد ووالده سليم
وذهبوا ليتركوهم شباب معا
مازن بفضول : ها ايه اللي حصل مع جوري
يزن: ومشيت بدري لي هي قالتلك حاجة
مازن: ولي أبو...
قاطعه سليم
سليم بحدة: بس ايه زن زن ادوني فرصة أرد حتي
يزن بسخرية : المايك معاك يا اخويا أنجز
سليم بحسرة: مبدائيًا انا مشوفتهاش اصلًا
مازن وهو يلوي فمه: يندامة
يزن: لي كدا يا خويا يا خسارة الشياكة
سليم بصدمة: حتي انت يا يزن اتعديت من خالتي مازن
مازن بإقتضاب : خاليك في وكستك يا حاج وملكش دعوه بيا
حكي لهم سليم ما حدث
يزن بضحك: حبكت ابوك يجي انهاردة
مازن : محستش ان دي إشارة ؟
يزن: متزعليش نفسك ياعم الأيام جاية كتير وهتتقابلوا اكيد صحيح يا مازن شوفت نغم
سليم ومازن: نغم مين
يزن: اللي كانت بتتخانق مع البت اللي قولتلها عطيات
مازن بإدراك: هي دي نغم بتاعت الدار سبحاااانك
سليم بأستغراب: عطيات مين خناقة ايه
مازن بخبث: أعمل عبيط ياواد جبت لـ يزن البت بتاعت الدار التدريب وسهلة إنما عرفت تجيب عطيات منين يا لئيم
سليم بعدم فهم : والله انا ما فاهم حاجة اتنيلوا احكوا
حكوا له كل شئ حدث
سليم بحقد : يعني انتم تشوفوا البنات اللي تعرفوهم وانا إللي مظبط الموضوع مشوفتش جوري
يزن وهو يشير اليه بكف يده:خمسة في عينك
مازن بضحك: لا يا يزن واضح انك اتعديت مني كتير فعلًا
ثم اكملوا السهرة ضحك وحديث وذهب كلًا منهم الي منزلة
.
.
.
عند جوري كانت تتحدث جوري مع الفتيات عفوا كانت تصرخ عليهن في مكالمة جماعية
جوري بحدة :انتي فين يا زفتة انتي وهي
نغم: يا جوري خلاص جايين اهو بنلبس بس
جوري بصراخ: بتلبسوا ايه ده انتو ساكنين في العمارة اللي جمبي
مليكة :ولو ولو لازم البس افرض قابلت فتى أحلامي يشوفني بالاسدال
جوري بسخرية: لا طبعا ازاي بصي انتي وهي خمس دقايق ولو ملقتكمش عندي هبلعكم فاهمين
ثم أغلقت المكالمة في وجههم
نغم بغباء: هو احنا عملنا حاجه
مليكة: لا هي اللي بتتعصب بسرعه انزلي يلا انا خلصت خلينا نروح نجيب الحاجة ونطلع بدل ما تاكلنا
نغم: خلاص تمام هستناكي عند السوبر ماركت
اغلقوا المكالمة وذهبن للسوبر ماركت لشراء بعض التسالي
في السوبر ماركت~
و بعد شراء الكثير من المسليات
نغم: هنجيب حاجه تاني
مليكة:اه انا عايزه نوتيلا
نغم بغمزة: ماتخلي بتاع النوتيلا يجيبهالك
نظرت لها مليكه نظرة قاتلة اسكتتها
نغم بضحك : خلاص ياباشا حقك علينا احنا اسفين يا صلاح
وذهبوا اتجاه مكان تواجد النوتيلا وقاموا بشراء العديد من علب النوتيلا
مليكة: يلا نروح نحاسب بقى ونروح لجوري لأحسن هي خلاص مش طيقانا
نغم: اشطا
انتهوا وذهبوا سريعًا عند جوري وقاموا برن الجرس ففتحت لهم جوري
جوري بسخرية: لا والله ما لسه بدري كنتوا جيتوا الساعه ١٢
نغم: خلاص يا جوري كنا بنجيب الحاجات
قامت مليكة بدفع الباب ودخلت
مليكة: يستي سبيني ارتاح انتي مش شيفاني شايلة
جوري: خشي ارتاحي اصلك جاية من آخر العالم
نغم: مش هنتعشي ولا ايه انا علي لحم بطني من ساعة الفطار
جوري: الشاورما جوا ياطفسه خشوا غيروا والبسوا الاسدالات بدل الجينز والخنقه دي عقبال ما تسخن
بعد فتره لم تخلوا من الكلام والضحك جلسوا يتناولون الشاورما
جوري: قوليلي انتي وهي اتكلمتوا مع يزن وبتاع النوتيلا قولتوا ايه
مليكة بغيظ: متفكرنيش بالبارد ده كل شوية يفضل يقولي يا عطيات يا عطيات ده ناقص يقولي احنا روحنا فصلك وعرفنا أن اسمك عطيات يا كدابة زي المسلسل
نغم بضحك:تصدقي معاه حق عطيات لايقة عليكي اكتر مليكة اسم هادي كدا
مليكة : هو انا بعمل حاجة يا بنتي
جوري بمقاطعة: خالص ده انتي ملاك برئ بلسم يتحط علي الجرح يلتهب احكوا اللي حصل
بالتفصيل يا بلسم منك ليها
قامت مليكه بسرد ما حدث معها ومن بعدها نغم
نغم بغمزة : انتي عماله تقولي احكوا احكوا وانتي محكتيش حاجه يا جميل
مليكة بخبث : المدير الثلاثيني طلع ايه
جوري بجمود : طلع جدي
مليكة ونغم: ازاي؟
جوري بحسرة : طلع اد جدي تلاقي امي دعت بـ كدا بعد ما مشينا
مليكة بضحك: حظًت اوفر في المرة القادمة بقي
نغم وهي تنظر بجانب عينيها لمليكة: ده احسنلك يابت مش احسن ما يجيلك واحد بتاع نوتيلا زي ناس
جوري: علي رأيك عندي مدير كبير ذو وقار وهيبه مش بيحب النوتيلا
مليكة : بس ياختي انتي وهيا هو انا اللي اخترت هتقلبوا الحفلة عليا ولا ية
جوري بهمهمة: المهم دلوقتي مش عايزين نعمل مشاكل مع سندس و روميساء دول في الشركة
نغم: اكيد طبعًا هو احنا بتوع مشاكل
جوري:لا خالص انتو ملايكة
مليكة بهدوء : اه احنا نضربهم برا الشركة
نغم بضحك : روقي يا عطيات مش كده
قامت مليكة برمي الوساده عليها بشدة
نغم: خلاص خلاص
قاطع حديثهم دخول إياد المنزل في حاله مزرية
جوري بقلق:مالك يا اياد ايه اللي مبهدلك كدا
إياد بغيظ:البقرة حطتلي ملين في الأكل
مليكة بعدم فهم: بقرة مين
إياد : هو في غيرها كنزي بتاعه المانجا
لم تحتمل الفتيات وانفجرن في الضحك
نغم: يعيني على المانجا لما تعصرها الايام
مليكة: تستاهل عشان نبرتلنا في الشغل
جوري بفخر : خلصانة البت دي دخلت قلبي
إياد: والله اضحكوا اضحكوا الشاطر اللي يضحك في الآخر لما نشوف
جوري: بس ياواد قوم غير هدومك واستحمي وتعالى عايزاك
إياد : هنام ساعتين كدا واجيلك عشان فاصل خالص
جوري: فل
وظلوا الفتيات ينمون ويضحكون علي إياد و شاهدوا فيلم كرتون
وبعد ساعتين
نهض إياد وعاد إليهم
جوري بجدية : عايزاك في موضوع مهم
إياد :في ايه
جوري: انا قررت اتكلم مع ماما وبابا
مليكة: في ايه بالضبط
جوري: هقولهم اني عايزة اكتب وابقى ناجحة وافهمهم ان ده مش هيأثر على مستقبلي ده هزيد من نجاحي تاني يمكن يقتنعوا دلوقتي
نغم بدعم:كلميهم وخلي إياد كمان يحاول يقنعهم
نظرت مليكة في ساعتها وجدت الوقت تأخر
مليكة: معاكي في الجروب قولي اللي هيحصل أول بأول طمنينا احنا هنقوم نروح بقى
نغم: بالله عليك يا اخ إياد تعالا وصلنا لـحسن الوقت اتأخر
إياد : لا مش انتو بتتريقوا عليا
قامت مليكة بامساكه من ثيابه من الخلف (من قفاة يعني)
مليكة بتهديد: لا شوف انا بقول عيب بقي راجل بس شكلك نسيت اننا اكبر منك او نسيت ايام زمان ياواد يلا عشان توصلنا لحسن نتخطف
إياد بسخرية: وهو مين ده اللي هيجيب لنفسه بلوي ويخطفكم
نغم:خلص يا اخ بدل ما نعمل معاك الصح دلوقتي
إياد بضيق: طيب يلا انجري ادامي منك ليها
كادت نغم تضربة لكنه هرب للاسفل
ثم ذهبوا وذهب معهم إياد لايصالهم وعاد للمنزل
.
.
.بعد قليل من الوقت عند مازن النائم علي سريره
كان يشعر بالملل ولا يدري ماذا يفعل وفجأة خطرت مليكة في عقله وتذكر مواقفه معها
وضحك بصوت مرتفع عندما تذكر الشاب الذي كادت تقتله ثم خطرت في باله فكرة
مازن بخبث: اكيد رقمها هيكون في الملف بتاعها، والملفات موجودة علي تلفوني انا ويزن وسليم ايوا كدا هي دي الأفكار ولا بلاش بدل الملل ده أما اشوف ردة فعلها أيه وظل يبحث عن ملفها
عند مليكة كانت ودعت نغم وصعدت منزلها ثم غرفتها وابدلت ثيابها وكادت تنام لكن قاطعها صوت رسالة وجدتها من رقم غريب
مازن: مساء الجمال علي عيونك يا قمر
نظرت مليكه للرسالة بتقزز
مليكة :هي ناقصة عالم سرسجية علي المسا والله لطلع قرف اليوم كله عليك
ثم ردت عليه
مليكة: مساء الطعمية علي اللي ناقص تربية
يا مساء التوم علي غراب الشوم يا مساء التين علي جالوس الطين
مساء العناب علي عيونك الهباب
صدم مازن بشدة من ردها الغير متوقع ثم رد عليها
مازن: لي كدا بس يا جميل انا حابب اتعرف
مليكة بغيظ: تتعرف علي مين ياللي عرفتك عقربة يا مهزء يالي اللهي ربنا يبعتلك نار وبارود وهوا وصياح ونياح وغز رماح وذل ودين وغضب والدين
مازن بهمس : ياستير دي تعويذة ولا ايه
ثم قام بالرد
مازن: أعجز عن الرد انتي بتجيبي الكلام ده منين يابت
مليكة : بت لما تبتك إلهي يجعلك الساحق والماحق والبلاء المتلاحق يا بعيد
مازن بيأس: لا بلكيني أرحم
مليكة: بعينك لازم أحرق دمك عشان اخليك متعاكسش تاني يا سرسجي يا حقير
لم يستطع مازن الرد عليها فقام بحظرها
مازن بفزع: ياستير يارب ايه البكابورت اللي طفح ده هتوقع ايه من جون سينا دي قفلت يومي ربنا يهدها انا اتخمد احسن
مليكة: ناس متجيش غير بالعين الحمرة كدا الواحد ينام وهو مستريح نفسيًا
ثم ألقت نفسها على السرير وغرقت في نوم عميق
مازن بإستمتاع: شكلنا هننبسط اوي بس للأسف بكرا اجازة هشوفها يوم السبت
ثم تنهد قليلا حسنا هو مستاء قليلا
مازن بابتسامة بلهاء:بس النوتيلا بتاعتي خلصت وهحتاج اجيب اكيد مش هقعد من غير نوتيلا
.
.
.
عند صغيرتنا كانت تستمع للموسيقى وتغني بصوت عالي سعيدة بانتصارها على إياد المسكين
كنزي: مينفعش احتفال من غير شوكولاتة
اتجهت للأسفل ناحيه المطبخ لكن توقفت حين استمعت لصوت ضحك عائلتها يأتي من الصالون
كنزي بحب : متجمعين عند النبي يا جماعة
والده سليم: حبيبه ابوها تعالي يا قلب بابا
ركضت كنزي لحضنه و الإبتسامة لاتفارق وجهها
سليم بريبة:مالك وشك منور كده ليه شكلك عاملة مصيبة
كنزي ببرائه: انا؟؟ لا خالص انا مبسوطة عادي
سليم: بعد انا دي بقيت مش مرتاحلك اكتر
كنزي بسماجة: اطمن يا سولي مفيش حاجة
سليم بضيق :هي فيها سولي لا انا كده هقوم انام بقى عندي شغل الصبح
والد سليم: لو عايزني اعدي عليك بكرا برضو قولي مفيش مشكلة
سليم بسرعة : لا لا يا بابا متجيش اا اقصد يعني عشان حضرتك تعبت معانا انهاردة مترهقش نفسك وكده بعدين انت وحشت ماما ايه رأيك تاخدها في اجازة؟
والد سليم بتفكير: عندك حق بقالنا كتير ماخدناش اجازة انتي ايه رأيك
والده سليم :اللي تشوفه انا مش ورايا حاجة
كنزي: قصدك انا موافقة هحجزلكم بكرا وتروحوا الغردقة
سليم بإرتياح: لا سيبي الحجز ده عليا انا هضبطهم تصبحوا على خير
كنزي: قوموا حضروا الشنط يلا ورواكم سفر بكرا
ذهبا لتحضير حقائب السفر وذهبت صغيرتنا للمطبخ فهي لا تزال جائعة قامت بفتح الثلاجة ثم أخدت أطباق الفاكهة جميعها
كنزي بحماس :لقيتك تعالي
اخذت الشوكولاتة وانطلقت الي غرفتها جلست على سريرها وبدأت في تناول الشوكولاته والفاكهة خاصتها لكنها
استمعت لرنين هاتفها معلنًا عن وصول
رسالة
كان محتوى الرسالك عباره عن :
*هتبقى ليا انا وبس بمزاجك او غصب عنك*
.
.
قفشتك ياللي معملتيش نجمه فوق🌚🌚
رأيكم؟
يا ترى مازن و مليكه هيتقابلوا بكره ولا لاء؟
إياد المسكين كفايه عليه كده مقالب ولا يستاهل اكتر من كده؟
جوري هتعمل ايه مع عيلتها وهتبقي اي رد فعلهم؟
والسؤال الأهم
هل لو كانت مليكه قالت لمازن ياااحمد ياعووومر .كان هيحصل حاجه؟🌚😂
يتبع