يوميات عريس مجنون
الثامن
. اللهم صل وسلم علي نبينا محمد
(( العروسه الملبوسه))
ام سلمي ومراد قاعدين في بيت غريب
مراد : احنا قاعدين بقالنا كتير. هي فين العروسه وله نمشي
ام سلمي بصت علي الباب : والله يا بني ما اعرف .
مراد : عرفتي الست دي منين يا خالتي
ام سلمي : من السوق يا مراد . كنا بنتكلم كده ومره قالتلي عندها بنت قموره
مراد : اما نشوف القموره دي
بعد شويه تاني . دخلت ست ووراها بنت
بص مراد للبنت كانت جميله شعرها ناعم وعينيها ملونه وجسمها جميل لا رفيعه ولا تخينه
رحبت الست بيهم وقعدت وجنبها البنت
ام سلمي : ما شاء الله ..ده ايه القمر ده يا ام رحمه
ام رحمه : ربنا يخليكي يا حبيبتي ، شرفتونا يا جماعه
مراد : بنورك يا طنط
.. كالعاده خرجت الست ام سلمي ومعها ام رحمه عشان العروسه والعريس يتكلمو
مراد : احم . انا مراد مهندس وعايش في امريكا .
مفيش رد من رحمه .. مراد في سره: يمكن مكسوفه
علي صوته شويه اكتر : مفيش حاجه عايزه تساليها ، عايزين نتكلم عشان نعرف بعض اكتر
ابتسمت رحمه ابتسامه غريبه .. مراد حس بالتوتر
: احم . هو في حاجه . اصل انا قلبي مقبوض ..
لحظه والفازه اللي جنبه وقعت ..
مراد : خير . خيررر . دلق الفازه خير .
رحمه لسه بتبصله بطريقه غريبه وعلي وشها نفس الابتسامه
مراد :. هو انتي عندك مشكله في النطق . يعني عايزه اعرف مش بتردي عليا. لو مدايقه انا ممكن امشي من هنا.
رحمه اتكلمت بس بصوت غريب جدا صوت راجل
مراد حس أن قلبه وقع في رجله وخاف جدا : بس. بسم الله الرحمن الرحيم
رحمه وقفت وعينها بقت حمرا : انت جاي ليه هنا
مراد ركبه بتخبط علي بعض : ءء . انا معرفش ايه اللي جابني هنا . انا عايز اروح .
رحمه : بس انا عارف ايه اللي جابك هنا . انت عايز تتجوز رحمه
مراد : لا .. لا . انا اصلا قطعت الخلف ومش عايز اتجوز لا رحمه ولا غيرها ، انا عايز اروح
رحمه : مش بالسهولة دي. رحمه دي بتاعتي انا ملكي انا
مراد بغباء : مين حضرتك
رحمه ولسه بتتكلم بصوت راجل مرعب : انا من الجن العاشق . عشقتها وحبيتها ومحدش يقدر يبعدنا عن بعض ابدا
مراد وهو بيلعن نفسه عشان سال هو مين ولعن نفسه اكتر عشان جه هنا : حضرتك انا مش عايز اتجوز دي غلطه .. وبعدين هي مش عجباني
صوته غضبان : مالها رحمه بقي ..دي قمر انت بتغلط فيها قدامي
مراد : عبيط . واحد عبيط واهبل هتاخد علي كلامي . انا اصلا معايا شهاده معامله اطفال . بس لا تاذيني ولا آذيك. انا عايز امشي
العفريت : تمشي بتاع ايه. مش هامشي من هنا غير بمزاجي انا
مراد : احم . يا . يا خالتي
العفريت : محدش هيسمعك ريح نفسك
مراد : انا هعملها علي نفسي . انصرف يا عم ابوس ايدك
العفريت : مش هنصرف . وهتتحاسب عشان جيت هنا
مراد حس أنه اتجمد في مكانه بيحاول يفتكر اي سوره من القرآن بس الرعب اللي هو فيه شل دماغه ولسانه ..
رحمه لزقت في الصقف وهي بتبصله بالمشقلب
مراد : حلوه الحركه دي يا استاذ
رحمه : شهبور
مراد : طيب يا استاذ شهبور خليني اخرج من هنا عشان اللي هيحصل مش هيعجبك
العفريت : هتخرج بمزاجي مش بمزاجك انت
مراد : بس . بسم الله الرحمن الرحيم .. سلاما قولا من رب رحيم
وبدأ يقرأ القرآن والايات اللي حفظها . لحد اما رحمه وقعت من علي الحيطه علي الارض
مراد وهو بيبصلها وشكلها أغمي عليها : شكله انصرف كده ... يا خااااالتي . يا خااااالتي . الحقوني .. عفريت . عفريت ..جني وقالي انا اخوك يا فواز. يوه . قصدي قالي أنه عفريتها
ام سلمي تفت في صدرها : بسم الله . مالك يا مراد
مراد : الست دي بنتها عليها عفريت وملبوسه
ام سلمي بصت للست . : انت بتقول ايه يا بني .
مراد : بقول الحقيقه اما بنتك ملبوسه جيبنا ليه . عشان نطلع العفريت
. هو خلص الكلمه دي من هنا ولاقي النور بيطفي ويولع. وحاجات بتتكسر
صوتت ام سلمي ومسكت في مراد اللي بيصوت هو كمان
ام سلمي : اشتاتا اشتوت. انصرف . صاحب البيت اسمه محمد
مراد : انتي بتقولي ايه يا خالتي
ام سلمي : انا مش عارفه يا واد . افتح الباب
مراد: هو انا لاقي الباب يا خالتي. الباب اختفي
إم العروسه: يا جماعه مش كده . متخفوش
. مراد: يا شيخه منك لله . حسبنا الله ونعم الوكيل فيكي وفي عضمك انتي ورحمه
.صوت صرخه جامده من الصالون وخرجت رحمه وشعرها منكوش زي كركر
مراد : كركر بقت رحمه. قصدي رحمه بقت كركر
ام سلمي : سلاما قولا من رب رحيم . انصرف. انصرفي
ام العروسه : يا رحمه . مش كده يا شهبور
مراد فتح نور الموبيل : الباب اهو يا خالتي يلا نخرج
بصعوبه خرجو من البيت .
. ام سلمي : انا جتتي اتلبشطت
مراد : انا مش عايز اتجوز يا خالتي.. انا قطعت الخلف
ام سلمي. : مش انت لوحدك يا مراد. انا كمان قطعت الخلف
. رجعو البيت الاثنين وهما متبهدلين وحالتهم حاله
طبعا سلمي معرفتش تتكلم معاهم عملتلهم ليمون عشان يهدو شويه
حكت ام سلمي ومراد اللي حصل وسلمي فضلت تضحك عليهم
مراد.: بتضحكي علي ايه . عارفه انتي لو معانا . كان زمانك روحتي فيها
سلمي : يا ستير يارب . ربنا يبعدهم عننا
...
يوم تاني . سلمي قاعده مش طايقه نفسها بسبب مراد عشان رخم عليها و مخلهاش تروح عند ليلي
. سلمي : ماشي يا مراد. انت بتتحداني انا . سلمي الطيبه خلاص راحت . دلوقتي هنشوف سلمي الجديده
ضحكت ضحكه شريره : ايه الاوفر ده .
دخلت اوضتها وخدت الموبيل واتصلت برقم
: ايوه يا حبيبتي . لا معلش . متزعليش مني . امس مش بترضي تخرجني . ده انا كنت هطلبلك بيتزا .. ٣ .. طيب هستناكي
قفلت سلمي مع المجهولة 🤣 عرفتم مين
...
بعد ساعه
جرس الباب رن .. سلمي وقفت بعيد تراقب الموقف
فتح مراد واتصدم : سلاما قولا من رب رحيم .
تهاني : مراد . ليك وحشه
مراد : وانتي اكتر يا توتي. عامله ايه
تهاني وهي بتحاول تدخل من باب الشقه
مراد : استني بس . انا هفتحلك الضرفه التانيه . هو انتي تعرفي تدخلي من واحده
خرجت سلمي وهي بتضحك : لا. اخرج زوقها من بره وانا هشدها من جوه
مراد : علي رايك
تهاني : متحسسونيش اني تخينه يا جماعه ..
مراد : قطع لسان اللي يقول عليكي كده . ده انتي راشيقه .
تهاني : بتفهم يا مراد . مش هنتجوز بقي
.
مراد كان بيبصلها بصدمه. وهو بيفكر هيزقها ازاي دي
: احم .. استعنا علي الشقا بالله . هيلا هوب
زقها من بره وسلمي من جوه وأخيرا دخلت
سلمي : لقد تمت المهمه بنجاح
تهاني قعدت : تعال يا مراد اقعد جنبي .
مراد : لا ..
تهاني ؛ ليه
مراد : اصلي بتكسف
سلمي : وهي توتي غريبه .دي مننا وعلينا .. ده يا توتي من يوم اما رجع من عندك وهو كل اللي علي لسانه توتي توتي ..
مراد : انا يا بنت ال
سلمي : ال ايه . قول . اشتم
مراد ؛ ماشي يا سلمي . انا عارف انك عامله كده قاصدك
سلمي : اناااا . محصلش
مراد ؛ عليا أنا . بس ماشي
تهاني : فين البيتزا يا سلمي . انا جعت
سلمي : طلبتلك ال٣ بيتزا حجم كبير
تهاني : عايزه بقي بيبسي
مراد : هجبلك يا توتي .
سلمي : استني بس . انت هتجيب البيبسي اللتر ده
مراد : اه
سلمي : مش هياثر فيها . انت روح هات فنطاس بيبسي
مراد : انا هتصل بالشركه يبعتو خرطوم من الخزان علي بوقها علي طول
ضحك الاثنان
بعد ما كلت .. مراد : بالهنا يا معلمي
تهاني : يهنيك ياقلبي
مراد لسلمي : الحقيني بتقولي يا قلبي
سلمي : شكلك هتدبس فيها يا باشا
مراد : نعممم . مش هينفع خالص
ضحكت سلمي : دي حتي توتي كيوت خالص
تهاني وهي تحرك راسها بنعم
مراد : كان علي عيني. مش هينفع يا توتي .
******
عدا اسبوع ...
مراد خلاص زهق ومش عايز يروح يشوف عروسه تاني ... جرس الباب رن وراح يفتح واتصدم
مراد : ماما .. حمد لله علي السلامه . في حاجه حصلت
الام: لا. انا رجعت من السفر علشان احضر فرحك
مراد : انا مش هتجوز . هاجل الموضوع شويه
خرجت ام سلمي شافت اختها : حمد لله على السلامه يا حبيبتي ليكي وحشه
حضنتها : نورتي مصر يا حبيبي
. ( امووو اموووه) بيبوسو بعض
ام مراد : منوره بوجودك يا حبيبتي ..
مراد : ايه اللي اموووه. انتي قلبتي علي فيفي عبده يا خالتو
ام سلمي: ده انا اللي علمتها . تحب تشوف .. خمسة مواه ، خمسه هوا نيو .و خمسه ايوه بقي ويلا بقي ..
اموووه
ضحك مراد هو ومامته
........
يتبع