يوميات عريس مجنون
٤
👑استغفر الله العظيم و اتوب اليه 👑
في شقه سلمي ...
ليلي : والله حرام عليكم اللي بتعملوه في الواد ده
سلمي : الله وانا مالي يا لمبي . دي ماما
ليلي : بجد مش كده . وله هو عشان عبيط تضحكو عليه
ضحكت سلمي : اقسم بالله كان شكله امبارح مسخره وهو راجع بجزمه عم نعناعه . فضلت ضحك
ليلي : أخص عليكم . ده الواد حلو ومسمسم
سلمي : يا شيخه اسكتي. بلا نيله
ليلي : اسكتي انتي . وقوليلي راحو لمين انهارده
سلمي : للبت اشرف
ليلي : شهقت . يا خربيتكم . انتم مستغنين عن الواد . دي لو أمه كسبته في كيس شيبسي كنتم عملتوه احسن من كده
سلمي : سيبك انتي . الواد مراد فرحان بنفسه اوي . كل يوم عند واحده شكل.
ليلي : وهيفرح علي ايه
. سلمي: مش بقولك اهبل . .
ليلي : بس اشرف دي متعقده . حرام بجد
سلمي : نصيبه بقي
ليلي : علي فكره امك قصدها تعقد الواد من الجواز
سلمي ؛ وهتعمل ليه كده يا ناصحه
ليلي : معرفش بقي . ما هو مش كل يوم مصيبه مشكل
سلمي : معرفش بقي
......
في بيت العروسه
مراد قاعد وهو لابس الجزمه اتعلم من غلطته وحرم يقلعها بره تاني ... وجنبه خالته ام سلمي
مراد : هو انتي قولتيلي العروسه اسمها ايه
ام سلمي : اسمها اشجان
مراد : اسم حلو في شجن كده ... يا تري شكلها بقي زي اسمها وله ايه
ام سلمي : هنشوف بقي . خالتك ونقاوتها
مراد : ماشي . اما نشوف
.. دخلت سيده متوسطه العمر في اخر الاربعينات
وجنبها بنت جميله الملامح لابسه بنطلون وتيشرت ورفعه شعرها كحكه
ام العروسه : والله يا جماعه نورتم
ام سلمي : بنورك يا ام اشجان . ازيك يا اشجان
اشجان : الحمد لله يا خالتو
ام سلمي : اخبار الشغل ايه
اشجان : تمام التمام . ماشي الحال
مراد لحد كده اشجان عجبته جسمها مظبوط وبتتكلم كويس ومفيش اي خطر منها
ام سلمي : طيب ايه . نسيب العرسان يتكلمو
