طلبات عريس مجنون
الثالث
👑استغفر الله العظيم و اتوب اليه 👑
وقف مراد قدام المرايا وهو بيظبط هدومه
ام سلمي : يلا مراد . هنتاخر
مراد خرج : خلاص يا خالتي خلصت اهو
ام سلمي : بت يا سلمي . اما ابوكي يرجع من الشغل حطيله الاكل
سلمي : انتي هتتاخري يا مامتي ؟؟
ام سلمي : مش عارفه علي حسب الظروف
سلمي : انا كنت عايزه اروح عند ليلي
ام سلمي : روحي بعد ابوكي اما يتغدا
مراد : استني اما نرجع و اوصلك
.
سلمي : وانت مالك بقي . بتتدخل ليه؟
مراد : شايفه يا خالتي بتعاملني ازاي
ام سلمي : طيب عشان قله ادبك دي مفيش خروج من البيت يا جزمه..
ابتسم مراد وحرك حواجبه باستفزاز ..
سلمي ؛ جتك قرف . عيل مزز
مراد : مش هرد عليكي. عارفه ليه ؟ عشان انا محترم خالتو
ام سلمي : ربنا يحميك لشبابك يا مراد . متربي مش زي ناس قليله التربيه
سلمي : اه ما هو انا بنت البطه السودا .. وهو ابن البطه البيضا
. مراد : يلا يا خالتي. سيبك منها دي كان نفسها تطلع بتاعت فراخ باين
سلمي :ههه . دمك يلطش . تقيل اوي
مراد : مش اتقل من دمك
ام سلمي : بس انت وهي بلاش غلبه . تعال نروح للبت فواكه
مراد : هو مفيش اسامي حديثه يا خالتي . ايه فواكه دي . ده اسم قديم
سلمي: لا لحد فواكه واستوب .. كله الا فواكه دي دمرت اجيال في التعليم . اصلها مدرسه
مراد : قصدك ايه ؟
ام سلمي : اخرسي يا زفته . فكك منها دي عيله اصلا متنمره.
مراد : مش مطمن يا خالتي
ام سلمي : عيب يا واد ياعني انا هضرك ..
مراد بقلق. : لا .
ام سلمي : خلاص يلا بينا
خرج مراد مع خالته وسلمي تنظر له وهي تبتسم
مراد : ربنا يستر
.....
بعد وقت وقف مراد مع خالته علي باب شقه فواكه وهو شايل تورته
ام سلمي : انت داخل علي عيد ميلاد يا واد
مراد : كفايه يا خالتي توتي واللي حصلها . مش هروح لحد بشوكولاته تاني
ام سلمي : هي اللي مفجوعه . .
رن الجرس مراد ... فتحت بنت صغيره
ام سلمي : آذيك يا بت يا عنبه امك فين
عنبه : دوه (جوه) يا خالتي
مراد : دوه .. ايه الكلمه الغريبه دي
ام سلمي : اصلها لدغه في الجيم
مراد لوي شفتيه: في الجيم . بدايه موافقه
عنبه: معلش يا خالتي اقلعي الدزمه بره
مراد لخالته: كله الا الدزمه يا خالتي
ام سلمي: النضافه تزعل . اقلع يا واد
مراد : امري لله . .. قلعت اهو
دخلت ام سلمي ومراد الشقه ..
خرجت ام العروسه : ازيك يا ام ثلمي
خالته : الحمد لله يا ختي . ليك واحشه
الست : وانتي يا ختي كمان ليكي وحشه ... هو ده العريث اثم النبي حرثه وصينه
مراد بهمس : الله . دي العيله كلها واخده مفك في بوقها .. عيله بنص لسان .
.. الست : اثمك ايه
مراد .: اثمي مراد
ام سلمي برقلته عشان يسكت ويبطل تريقه : فين زينه البنات فواكه
الست: ثواني وتكون هنا
دخلت الست .. مراد : ايه يا خالتي الناس دي . هما فكهانيه ..
ضحكت : ايوه. ابوها تاجر فاكهه كبير. لم نفسك بقي وبطل تتريق .
مراد ؛ كان قلبي حاسس . العروسه بقي لدغه في حرف ايه.. بس ليه البت سلمي قالتلي ضيعت اجيال
ام سلمي: اصلها مدرسه ،، علي فاكره بقي اللدغ دول بيكونو أذكياء ..
مراد : متاكده يا خالتي
ام سلمي : متاكده . وبعدين انت مش عاجبك العجب . ما تصبر علي رزقك
مراد : صابر و راضي . اما اشوف اخرتها ايه
...
جت ام العروسه و جنبها بنت رفيعه جدا وقصيره
مراد : ايه ده يا خالتي العروسه رفيعه اوي .. ده مش اتفقنا
ام سلمي: يا واد ده عود فرنساوي ، رشيقه
مراد : دي فرنساوي دي عود قرفه
ام سلمي: بعد الجواز الست بتتخن . خدها رفيعه دلوقتي . تكون كيرفي بعدين
مراد : فكره برضو ..
....
ام العروسه : ثلمي يا فواكه علي عريثك
فواكه : اهين ( اهلا يعني)
مراد : يا حلاوه .. اهين بيكي يا اخت فواكه
...
فواكه قعدت جنب مامتها وهي باصه للارض ..
ام سلمي: نسيب العرسان يتكلمو وياخدو علي بعض
ام العروسه : ماشي يا ختي .
سابو مراد مع فواكه .. مراد: احم ..انسه فواكه مش عايزه تساليني سؤال ؟ وله أسألك انا
فواكه: بصواحه كده ، انا مس عايزه اسافو ( بصراحه كده انا مش عايزه اسافر)
مراد : ها .. في اسباب للي قولتيه ده ؟؟
فواكه : انا محبس اسيب ماما .. عايزه اتجوز جنبها ( انا محبش اسيب ماما)
.
مراد: من اللي فهمته ، انتي رافضه السفر
فواكه : ايوه و الجواز كمان . انا مس هعوف احيس بره مصو ( مش هعرف اعيش بره مصر)
مراد : وطنيه اوي
فواكه: لو سمحت يا مواد ( مراد) مس تتويق ( تتريق) عليا
مراد : مش بتريق يا خوخه
فواكه : اسمي فواكه
مراد : بدلعك . حد لاقي دلع اليومين دول
فواكه: محبس ( محبش) حد يدلعني
مراد : احسن برضو وفرتي . بس لعلمكانا شامم ريحه حاجه ورا كلامك ده .. مش مطمن
فواكه: ها. تقصد ايه؟؟
مراد : أقصد أن في حد شاغل بالك . بتحبي يعني
فواكه اتوترت : انا .. لا
مراد بخبث : علينا ده احنا اتهرينا. قوليلي الحقيقه وانا هساعدك
. فواكه : بصواحه كده انا بحب الواد دقدق اللي سغال في القهوه
مراد : ااااه . قولتيلي هي فيها دقدق وانا اقول البت قاعده مش طايقاني ليه . مع اني مسسم
فواكه: يا استاذ مواد ( مراد) كل سئ بالخناق الا الجواز بالاتفاق
مراد حب يعيش الدور علي فواكه : لا يا فواكه مكنش العشم كده تكسري قلبي ، هو ولاد الناس لعبه في ايدك
فواكه: طيب مس تزعل . ونتكلم بالعقل
مراد حط ايده علي عينه:هو عاد فيها عقل ... لا انا زعلان ومقهور . اهيء اهيء
فواكه: بص انا ممكن اجبلك عووسه ( عروسه) حلوه صاحبتي
مراد: للدرجه دي يا فواكه شايفاني بأس . لا لحد هنا واستوب ده انا وسيم وجنتل مان في نفسي
فواكه: يا سيخ اتنيل بنيله
مراد شهق : انا سيخ.
فواكه: يعني مضايق من سيخ ومس مضايق من اتنيل بنيله .. طب جتك ستين نيله ..
مراد وقف: انا كده اتهزقت ولازم اخد حقي
فواكه : اتوكس
مراد: . لا مبدهاش بقي . يا ام فواكه . يا خالتي
فواكه: الله يخوبيتك ( يخربيتك) هتعمل ايه
مراد : عليا وعلي أعدائي
دخلت ام العروسه وام سلمي : في ايه يا مراد
مراد : انتي جيباني تهزقيني يا خالتي .
ام سلمي: لا يا حبيبي لا عاش ولا كان اللي يهزقك
مراد : طيب الهانم دي قال ايه بتحب الواد دقدق القهوجي
ام العروسه: يا خيببك بت . دقدق ايه اللي عايزه تتجوزيه ده عيل صايع
فواكه: لو سمحتي يا ماما. متقوليس كده علي دقدق . ده وومانسي اوي ( رومانسي)
مراد : بتقولك وومانسي . عليه العوض ومنه العوض . يلا يا خالتي
ام سلمي: يلا يا عين خالتك ..
مراد ؛ وهاتو دي كمان . متستهلوش التورته
ام فواكه: حقك عليا يا ام ثلمي انا هربيها ..
مراد ل فواكه : ابقي خلي دقدق يجبلك تورته . يا عيله نفرين و طفايه .
فواكه: يلا يا مجنون من هنا
.
خرج مراد مع ام سلمي علي باب الشقه
مراد : فين جزمتي
ام سلمي: يا ام فواكه . احنا اتسرقنا عندكم
مراد : ،،، انا عايز جزمتي . جزمتي تطلع احسنلكم
. فواكه : تستاهل ووح ( روح) حافي
مراد : بت انتي انا مش مرتحلك . تلاقيه ملعوب منك ومن دقدق بتاعك ده . بس انا مش متحرك من هنا من غير جزمتي
ام العروسه: معلش يا كماعه ( جماعه) حقكم عليا . خد يا بني جزمه عمك نعناعه روح بيها .. وانتي يا ختي خدي حاجه من عندي . والله وشي منكم في الأرض
ام سلمي: خلاص يا مراد .هاتي يا ختي اي حاجه نروح بيها والله يسامحه اللي عمل فينا كده ..
دخلت وخرجت بجزمه كبيره .
مراد : دي جزمه عمي نعناعه وله مركب . يا لهوي كل دي
فواكه بتضحك علي مراد اللي الجزمه كبيره عليه: احسن تستاهل
مراد : بس يا بت اللدغه
فواكه: يا مجنون
ام سلمي: عيب كده يا ام فواكه احنا جايين نتهزق عندكم
. ام فواكه ضربت بنتها: امشي انجري علي جوه . حثابك معايا اما يرجع ابوكي
. مراد : خليه يربيها
....
رجع مراد البيت مع خالته وهو لابس الجزمه الكبيره اوي
مراد : ده اكيد بيروح لمصنع يعمله الجزمه دي .
ام سلمي: اصل عمك نعناعه ضخم شويتين
مراد : شويتين بس قولي ثلاث شويات
خرجت سلمي وبصت لمراد وانفجرت من الضحك
: هههههههه . شكلك مسخره
مراد : يرضيك كده يا خالتو
ام سلمي بصت علي رجل مراد وضحكت هي كمان
.
مراد : اضحكو اضحكو انا اللي غلطان . بعد كده مش هقلع الجزمه .
إلي اللقاء . لعروسه رقم ٣
******
يتبع