{الحلقة الخامس عشر 15 }
○•°بقلم #بنت_الحجي °•○
#مهد
مهد : بقيت بس ارجف من خوفي
راح الصوت اريد اكوم اشوف شكو رجلية مااكدر اوكف عليهن
انسام : شكووو شصار ولج
نسرين : شعرفني شصار فدوة فوتي يم سيف بالغرفة
اخذت تلفوني من الميز اتصلت ع ستار جاوبني الوووو
ستار : ها نسرين
نسرين : الحكلي تعال هجمو البيت علينا
ستار : ابقو بالبيت لا تتحركون هسه راح ادز احد ياخذكم ولا تخافين
نسرين : لك عيني ستار جسمي كله يرجف اشلون مااخاف راح اموت من الهبطه وانت من صبح لهسه ماترد عليه
ستار : ياعيني ماكو شي جان عندي اجتماع المهم يلا حظروا نفسكم اشوفكم باليل
خوماتااذيتو
نسرين : لاا مابينا شي بس اختي عندي اجيبها وياي
ستار : نسرين شعليه بااختج هسه احتار بيكم بيها تعرفين وضعي حاليا
نسرين : ماشي ماشي يلا اروح اشوف مهد وسيف
ستار : يلا باي
عمران عمممممران
عمران : نعم استاذ
ستار : بسرعه ادزلي كم واحد ايروح ع بيت ياخذهم ويوصلهم ع مزرعه القديمة
عمران : صار استاذ
ستار : عمران بعد ماتوصلهم هناك اشوفلي عنوان عبد الرحمن وين صاير اريدك تخلقلياه
عمران : أمرك
رايح ادز الشباب
نسرين : فتت اللغرفة انسام اتصلي ع مصطفى يجي ياخذج روحي يم خالتي هبة واني باجر اتصل ع مؤجر يطلع
انسام : ياااا ولج صارلي اسنين مشايفتها اشلون اروح لها
نسرين : هم صدك والله دخت ياربي المهم اتصلي ع مصطفى خلي يجي بسرعه
انسام : اي جاي اتصل
مهد : نزلت ع درج رجلية ترجف اباوع ع كاع متروسة كزاز
نسرين : مهههد وينج
مهد : هااا
انسام : مصطفى ايكول غريب عليكم جاي
مصطفى : خابرتني امي جنت قريب عليهم واصل كتلها اي جايج سويت روحي مااعرف شي خييير صاير شي يمه
انسام : تجي وتفهم مااعرف ياهو رمه ع بيت خالتك تعال بسرعه
مصطفى : كل شويه اريد ادعم واحد من سرعه الاسوق بيها
نسرين : بيج شي
مهد : لاا اباوع ع خالتي بالكاع سيف بحضنها بيده سيارته وامي مخليه جنطه اجيب وتخلي ملابس وغراض بيها
وين رايحه
نسرين : بسرعه اصعدي لمي ملابس الج وشكو شي جوا ايدج افلوس ذهب اخذيهن وكتبج
مهد : احس مثوله مااعرف شسوي اول مرة اشوف هيج شي او اعيش هيج شي احس حياتي رايحه المجهول امان ماكو صار
باوعت ع كاميرات كلها مطفيه شاشه سودة صايره
صعدت الغرفتي اديه ع راسي وابجي ليش هيج صار ومنو
سمعت الباب مال المطبخ يندك بقيت مثل الصنم واكفه
بس لا اجونا الي رمو معقولة لا ياربي دخيلك
نسرين : رحت ع مطبخ صحت منووو
مصطفى : وصلت شفت البيت جامه كله واكع والستارة مزرفة باب الشارع طلق كدامه وجوارين اتباوع كلمن من بابا مديت ايدي من جوا وخرت السركي وفتحت الباب ..... دكيت باب المطبخ انيييي خالتي افتحي
نسرين : فوت يمه اكو احد برا شفت
مصطفى : لااا منو هيج سوا تعرفيهم انتي اكو احد مهددكم
نسرين : لا مااعرف منو ولا ليش هيج صار
انسام : فووت يمه مابيه اوكف من الهبطه
مهد : سمعت صوت مصطفى خليت ايدي ع كلبي اريد انزل احضنه بكد مخايفه رجعت ع كنتور مااحس له عطت آآآآآآه باوعت كزازه دخلت برجلي شاغت رووحي
نسرين : هاااا مهد شكووو
مصطفى : سمعت مهد عاطت شبيها ركضت ع درج
مهد : اااااخ رجلييي صحت عليها دخلت كزازة برجلي
باوعت مصطفى فوك راسي
مصطفى : حاوطتها باايدي اباوع عليها لوجهه احمر والدموع اصب ودم بالكاع
اوكفي لا تتحركين خلي اوخرها
مهد : راسي يم ركبته ادموعي تنزل رجلي تااذيني
عفيه عوفها
مصطفى : اي خلي اطلعها سحب رجلها وخرت الكزازه بس ينفض دم
انسام : كملي الملابسكم خل اشوف مهد خاف تااذت
مهد : ااااخ ياربي حيل مجروحه موو
مصطفى : لا جرح بسيط كعدنا ع جربايه اريد شي اشدها لج
مهد : مايحتاج هذا كلنكس يمك انطيني
صعدت خاله
انسام : ها تااذيتي
مهد : لا جرح صغير خاله
مصطفى : يمه شنو الفلم
انسام : والله يمه ماادري كاعدين ماحسينه له مطر الرمي نزل ع بيت خالتك اتصلت ع زوجها كاللها حظرو نفسكم
راح اخذكم
مهد : بقيت اباوع ع خالتي وين ياخذنه....
مصطفى : مادام هيج حجه اكيد يعرف منو هيج سوا اكيد واحد ع عداوه وياه
انسام : والله يمه هوه ماكو غير هيج هسه اني وين اروح
مصطفى : بقيت صافن صدك هسه امي وين اتروح
اخذها وياي له من روس ايصيرن امي ومرت ابوي
مهد : شنو وين ترحين غير ويانه خاله
انسام : لا يمه وين وياكم تحيرون بيه لو بوضعكم راح اروح ع فندق والله كريم اشوف اشلون ترهم
نسرين : رجعت خابرت ع ستار مااكدر اعوف انسام
الازم اجيبها وياي
ها ستار ...
ستار : حبيبتي كولي
نسرين : انسام راح تجي وياي لان اجتنا زعلانه اليوم وتعرف مالهه احد غيري مقاطعين العمام والخوال احنه
ستار : ماشي ماشي
انسام وينج شنو نمتو فوك
انسام : يلا جهزي نفسج خل اشوف امج جايتج
صحت عليها
مهد : طلعت خالتي اجه مصطفى حضني
ادموعي رجعن نزلن
مصطفى : اششش كافي ليش تبجين
مهد : مااعرف مصطفى احس حياتي مجهول صارت بسبب شغل بابا خايفه عليه وعلينا اكيد الي سوا هل شي يرجع ايسوي
مصطفى : لا شبيج جبانه هذا مجرد تنبيه لا اكثر وابوج يعرفهم وراح ايحاسبهم صدكيني والي يااذيج والله بعد ماخلق
مهد : حضنته حيل محابه اروح لاي مكان
مصطفى : ولا اني حابج اتروحين والله لو بيدي اخذج هسه اعقد عليج وخليج يمي
يلا حبيبتي كومي جهزي نفسج حتى تروحون واني ابقه ع اتصال وياج
مهد : ماشي باوعت عليه كام ايريد ينزل
مصطفى : اتخافين لو انزل
مهد : لا عادي انزل
نسرين : حظري روحج انتي هم تجين ويانه ماامن اعوفج كلشي ايصير
وهاج انطي هذي الفلوس المصطفى مصرف وبانزين له
انسام : ماراح ياخذهن اعرفه
نسرين : تعال خاله هاك خلي ذني بجيبك ايجوز احتاجك تجيني شي خلي بانزين بيهن
مصطفى : صدك جذب واخذ منج مال بانزين رجعي افلوسج
نسرين ؛ دشوفي كبر وصار يتحسس مني دخذهن لا هسه ازعل عليك
مصطفى : والله مااخذهن الباب يندك اشوف منو
نسرين : هاج عود انتي انطيهن له اكيد وصلو الي دزهم ستار ولج مهد فضينيييي
مهد : ايييي نازله لميت شكو شي احتاجه وبدلت بسرعه بنطرون وتشيرت ونزلت امشي واحط بجنطه شاحنتي وتلفوني وكتبي
نسرين : امشي كدامي اخوج شيلي
وانتي انسام اخذي جنط برا بس اقفل الباب واجي
مصطفى : طلعت 4 شباب واكفين سيارات اثنين جاين
بيهن اتفضل
سعد : اني من طرف استاذ ستار بس كول الجماعه يتفضلون اوصلهم
مصطفى : ماشي خويه انتظر هسه يجون فتت خالتي ذول من طرف ابو سيف جاين ياخذوكم
مهد : اعيوني مغوركة كلبي مااعرف مامرتاح اخذ مصطفى الجنط السيارة
ورجع ايباوع عليه ويدخن
مصطفى : العيون مغوركة اباوع عليها خايفه لا تخافين كلشي ماكو احجي بهمس وياها خالتي وامي جوا ايقفلن البيت ولو هوه مثل المنخل اليفوت من شباك
مهد : باوعت عليه انتبه النفسك ماشي
مصطفى : ماعليه شي انتي بخير اتكونين وكلشي ماريد عود من توصلون طمنيني طلعت خالتي وامي صعدو بسيارات
انسام : روح يمه وانتبه ع طريقك
لا تخلي بالي
مصطفى : ماشي يمه الله وياكم اشرتلها ديري بالج عليها
انسام : هزيتله راسي بمعنى ماشي
نسرين : روحي وي خالتج اصعدي سيارة ماتوسعنا كلنه
مهد : اي ماشي صعدت اني وخالتي بسيارة ثانيه واحد ايسوق وثاني بصفه
يمشون ع سريع انداريت مصطفى واكف يم سيارته
انسام : عاب كلبك مصطفى مشلوع من هسه
مهد : هههه خليت راسي ع كتف خاله ومشابكه ايدي ايدها
ذول ايسوالفون بينهم ايدلي ع طريق ومااعرف خابرو منو ينطو الاوكي انو اخذونا
انسام : ولج حاسه روحي بمسلسل على مدار
مهد : ههههههه ضحكتني خالتي اي والله ياخاله
انسام : عود اني شاردة من ابو كصه اياد شوفلي حضي تالي زين مامتت بطلقه
مهد : هه اسم الله عليج ياروحي
انسام : يمه ع كيفك لا تكلبنه
صفاء : على كيفك سعد امرج خالتي
مهد : وصلنا طريق ترابي ومبين فايتين على مزارع
بقه يمشي بينا اتصل تلفون الولد الي كاعد بصف السايق
نعم سيدي اي راح نوصل لااا تااكدت ماكو احد ورانا
تمام سيدي مع السلامه
وصلنا باب جبير انفتح واحد سحبه فتنا ع مزرعه بيها مرة ورجال واكفين مبين من شكلهم فلاحين المرة شايله بيدها منجل مال زرع
شافتنا ذبته من ايدها اجت تمشي هيه والرجال ورا السيارة طبك ونزلنا
نسرين : وين استاذ ستار لعد سعد
سعد : اشرتلها هذا
نسرين : باوعت ستار واكف بالباب فتح اديه السيف عفت ايده راح يركضله
مهد : اشرلي بابا تعالي رحت امشي عليه
نسرين : هسه احس بالأمان عبالي هم مو هنا انت
ستار : اطمئني ماكو شي امان حبيبتي فوتو جوا اشلونج باباتي
مهد : حضني بابا وباسني من خدي زينه كمش ايدي سيف واني ايده ع كتفي ودخلنا
ستار : اشلونج ام مصطفى ليش واكفه تعالي فوتي شباب دخلو الجنط
انسام : حجيت بكلبي زين من شفتني هلا بيك خوية الحمدالله قصر مو مزرعه هاي فتت بس اصفن
مهد : فتنا كعدنا كلشي بيها حديث هاي المزرعه المكان ايجنن بقينا اني وخالتي صافين وامي وابويا مدري وين راحو
نسرين : ماراح اتفهمني شكو
ستار : ماكو شي كتلج واحد عباله ايخوفني واسكتله على سوايته هاي
نسرين : الانتخابات وخسرت بيها عليش كل هذا الصار ياستار جنت يمكن اموت اني والجهال بالي صار
واحد يتصل من صفحه يهددني الازم اتعاون وياهم
ستار : اي كل هذا اعرف بي
نسرين : شنو اشلون عرفت انت
ستار : لان اني اتهددت قبلج ورفضت اسوي الي طلبو فصرت ع علم بالي يردون ايسوو الهيج شافو انتي طريق ثاني الغايتهم
نسرين : ستار اني اول مرة اعيش هل شي ومااقبل انحط بهيج مواقف الازم تحميني انت وتخليني بعيده عن السياسة ومشاكلها
ستار : نسرين يعني شايفتني قابل ع هل وضع انتتتتتتتتي اشو مدري اشلون تحجين احترمي نفسج واعرفي حدودج
نسرين : لا مااسكت من خوفي دااحجي اني
وخوفي ع سيف مهد وخوفي عليك انت هم شتريد احجي واسوي متت من الخوف من اتصلو طلبو مني اساعدهم و مااعرف اصلا شيردون مني اسوي
ستار : هنا امان ماراح ايصيرلكم شي واكيد جانو مراقبيني وشافو بيتي ذاك كله حماية ماكدرو عليه ف شافو بيتج الانسب لان بعيده عن عيون الكل لا حماية ولا شي
بس اهم شي مايعرفون انتي مرتي ولا يعرفون سيف ابني
نسرين : وانت خايف يوصل هل شي المرتك
مووو
ستار : لج اشو انتي حيل اتماديتي شنو خايف ضربتها راشدي هل شي مايتكرر افتهمتي
نسرين : مااسمحلك تضربني ستار افتهمت عفته وطلعت برا
مهد : كاعدين سمعنا امي طبكت الباب وطلعت برا كمت رحت يم بابا خير بابا شكو شبيها امي
ستار : مابيها شي جنه نتناقش بموضوع
مهد : اريد اسئله عن الي صار بس اخاف هم يزهك بيه بقيت اباوع عليه
ستار : اباوع عليها صافنه وجنها خايفه تحجي خير احجي اسمعج
مهد : لا ماكو شي طلعت من الغرفة سحبني من ايدي
ستار : تعالي اكعدي انتي هم تردين تعرفين شكو
مهد : اي والله ردت اسئلك بس مبين انت ضايج
ستار : واحد وياي بمجال عملي ع خلاف وياي وعرفته منو وراح يتحاسب بااقرب وقت لا تخافين ولا تفكرين بهل شي مايتكرر بعد
مهد : ابتسمت له احس ارتاحيت من هيج حجه بصراحه شخصيته هوه اتخوف شكله هيبه ومن اشوفه يحجي وي الي يشتغلون وياه لو عنده يشتغلون كلهم يحسبوله الف حساب مادام انت هيج حجيت اني ارتاحيت ههه
ستار : هههه حبيبتي يلا روحي يم خالتج عيب تبقه وحدها
مهد : ممكن سؤال
ستار : اممم اسئلي
مهد : راح نبقه هنا يعني لو نرجع ع بيتنا
ستار ؛ لا ماكو رجعه ع ذاك البيت راح اشوف غيرة هل يومين تبقون هنا
مهد : ماشي طلعت من صاله باوعت خالتي ماكو وين ادور عليها هسه بهل بيت زادني فضول استكشف المكان بكد مو حلو هل بيت مدري قصر
طلعت تلفوني اتصلت ع مصطفى
الووو.....
مصطفى : ها حبيبتي وصلتوا
مهد : اي حبيبي وانت رجعت ع بيت
مصطفى : اي والله جاي ادرس عندي باجر امتحان
مهد : الله لا يضيعلك تعب يلا كمل
مصطفى : ماشي انتبهي ع نفسج .. لا تخلين بالي
مهد : اوكي حبيبي باي
سديته طلعت برا ورا امي وخالتي كاعدين بالحديقة الجو ضلمه صار حدود ساعه 8 واكو هوا بارد بيها
انسام : مهد
مهد : ها هنا كاعدين بعدني ممكمله اتصل تلفون ماما
نسرين : هااا عيوني وين مخلي تلفونك كم مره اتصلت عليك اني
ماشي علمود الموضوع الي دزيتك عليه اجلياه هسه لا عوفه راح ياخذ نصيبه بس مو هسه
تمام تسلم اني اتصل بيك بعدين
انسام : تقصدين على اياد موو
نسرين : ايي مو وقته هسه بعدين افضاله واتصلت ع مؤجر اني راح يطلع
انسام : مسكين وراح ايروح هل رجال هوه وعائلته
نسرين : فكريلي بنفسج هسه كلمن يحتار بروحه واصلا كتله هل شهر ماريد اجار منك المهم بس تطلع هل اسبوع
مهد : كلما اباوع على امي شنو هل كلب الي عندها صخرة حاقدة على عالم كلهم عبالك
اجت المرة الي اول مادخلنا شفناها جايبه ضيافه وياها
ام تحسين : اهلا وسهلا بيكم اعذرونا ما جنه نعرف بجيتكم
نسرين : مشكورة ماكو داعي الهل شي
ام تحسين : لا على بختج ست ماكو شي من واجبكم
ساعه واجهزلكم العشه
ستار : ها ام تحسين ماريدج اتقصرين
ام تحسين : لا اشلون اقصر ستاذ بعيوني خدمتكم مر خصتكم اجهز العشه اروح
مهد : اجه بابا وكف ورا ماما خله ايده على كتفها بس امي مبينه ضايجه
نسرين : خليت وكمت رايحه ارتاح تعبانه مهد اخوج انتبهي عليه
ستار : مبين ضايجه بعدها نسرين رحت وراها
اشرت العمران يجيني
ها عمران شصار وياك
عمران : مثل ماتوقعت استاذ هوه نفسه عبد الرحمان الي اتهجم على بيتك انطيت افلوس الواحد من حراسه وحجالي ....
ستار ؛ امممم ايصير خير هذا ايريد املص راسه
دز واحد من شباب ايجيب عصير من نفس المكان الي جيبون منه دائما مرطبات هم ومن يوصلون انطيني خبر
ها قبل متروح دز عالم ثقه ايجيبولي عبد الرحمان هسسسه
عمران : حاضر استاذ
يتبع ...
#بـنت_الـحجـ🧚🏼♀️ـي