Шинээр байрлах байр нь урьдынхаасаа ч илүү том илүү тансаг ажээ. Өөд өөдөөсөө харсан 2 тусдаа хаалга байх бөгөөд гишүүд 3+4 маягаар тусдаа айл болон амьдрах аж. Тэд түрүүлж ирсэн учир эхлэж өрөөгөө сонгох боломжтой байв. Жонгүг түүнийг дагуулан харж байсан учир Юнги бодох ч зүйл үгүй цөөн хүнтэй өрөөг сонголоо. Харин түүнийг сонголтоо хийж дуусмагц Жонгүг эсрэг талын байрнаас өрөө сонгов. Юнги түүнд гомдсонгүй. Яагаад гомдоно гэж? Тэд ямар харилцаатай болоод нэг нэгэндээ гомдох билээ. Харин ч тэд нэг гэрт орсон байхыг харвал нөгөө хэд нь ирээд гайхсанаасаа болж шоконд орох биз.
Нүүлгэлтийн компани тэдний ачааг зөөж байр луу нь оруулан тохижуулав. Мөн дэлгүүрээс бас бус зүйлс худалдан авч ирж 2 гэрт хуваан байрлууллаа. Өнөөдөр тэднийг гэртээ харьж болно гэж менежер хэлсэн ч тэд одоо гэр лүүгээ харьж болохгүй нөхцөл байдалд байгаа. Жонгүг менежерийн үгийг сонсоод машин луугаа алхахад Юнги араас нь дагав. Түүнд Жонгүгийн хаашаа явах нь хамаагүй л дээ. Харин тэр өөрийнхөө гэр лүү явахыг хүсэж байсан болохоор л түүнийг дагасан.
Хүссэнээрээ гэртээ очиж чаддаггүй. Арай гэж ганц удаа гарах зөвшөөрөл өгч байхад энэ боломжийг яаж алдахгүй байж болох билээ. Үргэлж түүнийг амжилтанд хүрэхгүй хэмээн адладаг байсан гэрийнхэндээ өөрийгөө ямар мундаг яваагаа гайхуулахыг хүссэн. Гэхдээ одоо бол гайхуулах хэмжээний биш л дээ.
Юнги түүний машинд зөвшөөрөлгүй орон суухад Жонгүг түүн рүү гайхсан нүдээр харав.
- Би гэртээ харимаар байна. Гэхдээ ийм байдалтай очиж чадахгүй болохоор.........
- Уучлаарай. Надад өөр хийх ажил байна. Жонгүг түүн лүү хараад хөмсөг зангидахад Юнги суудлынхаа бүсийг зүүгээд
- Хамаагүй ээ. Чиний ажлыг хийж дуусчихаад дараа нь манайх руу явж болно биздээ. Надад угаасаа чиний биетэй очих газар байхгүй гэж хэлэхдээ инээмсэглэв. Гэхдээ тэр инээмсэглэснийхээ дараа л өөрөө яагаад инээмсэглэснээ гайхан амаа дарав.
Жонгүг дуугүй л машинаа асаан давхисаар хотын төвийн клубийн гадаа машинаа зогсооход хамгаалагч гүйн ирээд
- Жон эрхэмээ. Түлхүүрээ өгчих гэснээ түүнийг жолоочийн суудал дээр сууж байгааг харахад Юнги(Жонгүг) түүнд түлхүүрээ өгөв.
- Энд бид юу хийх юм гэж Юнги буунгуутаа л түүнээс асуухад
- Ийм газар яах гэж ирдэг билээ. Хэрвээ эндээс өөрийн ухаантай гарвал би таны нэг хүслийг биелүүлий. Юу ч хамаагүй......... Жонгүг хөгжилтэйгөөр инээгээд түрүүлэн алхахад Юнги араас нь дагав.
Зөөгч түүнийг хараад түүнд түлхүүр өгөхөд тэр Жонгүг рүү гайхан харахад тэр түлхүүрийг нь аваад шатаар 2 давхар луу гарлаа. Тэдний орж ирсэн давхарт 4н өрөө байр бөгөөд доор бүжиглэж байгаа хүмүүсийг шууд харж болох ч доор бүжиглэж буй хүмүүс тэднийг харж чадахгүй ажээ. Удалгүй менежер нь бололтой хослол өмссөн залуу паднусан дээр дүүрэн виски болон ундаа, даруулганы хамт авч орж ирээд ширээн дээр тавин
- Жонгүг аа. Чамайг ирэхгүй болохоор манайхыг мартсан юм байх гэж бодлоо шүү хэмээн долигонон хэлээд вискиг хундагалав.
- Б....б.....би хэмээн Юнгиг үг хэлж ядаж байх хооронд
- Наадхаа үлдээгээд гар. Бид өөрсдөө хийчихий хэмээн Жонгүг хэлэв.
- Нөгөө....... Сайхан амьтад ирсэн. Чи тэднээс авахгүй биз дээ гэж зөөгч гарах хаалга руу зүглэнгээ хэлэхэд Жонгүг гарах дохио өгөн гараа зангахад тэр бөхийгөөд гарч одов.
Түүнийг гарсаны дараа Жонгүг босон 2 стаканд виски хийгээд дээрээс нь мөс нэмэн түүн рүү түлхэхэд тэр хэсэг эргэлзсэнээ хөнтөрч орхив. Хамтлагаараа ууж байхад Жонгүг бараг хамгийн түрүүнд согтож орхидог ч бодит байдал дээр үгүй бололтой. Юнги уусан зүйлдээ толгой нь эргэн буйдан дээр дээш харан хэвтэхэд Жонгүг буйдангаасаа босон
- Та наанаа байж байгаарай. Би гарчихаад ирий хэмээн хэлээд түүнийг хариу хэлэхийн завдалгүй өрөөг орхин гарав.
- Энэ одоо.......... Миний биед орчихоод надаас ах болсон гэж бодоод байгаа юм байх даа. Юм л бол зааварлаж гэнэ хэмээн Юнги амандаа үглэн босож ирээд өөрөө өөртөө виски хундагалав.
Хөлөн дээрээ арай ядан тогтсоор өрөөнөөс гарахад эсрэг талын өрөөнөөс бас хэдэн охид болон залуучууд гарч ирэв. Нэг охин гэнэт түүнийг харсанаа танин
- Энэ BTS-н Жонгүг байна гэж орилоход бусад нь ч түүнийг даган орилж тэнд байсан охид хоромхон зуур түүнийг бүчин авав. Тэр энэ бүхнээс зугтах хэрэгтэй гэж мэдэж байсан ч түүнд зугтах ямар ч тэнхэл байсангүй. Цаад өрөөнөөс өөр нэг залуу гарч ирэхэд тэнд байсан бүх хүмүүс түүнд зам тавьлаа.
- Хммм. Энэ нөгөө алдартан гэдэг нь үү хэмээн тэр залуу амандаа шивнээд
- Би энэ алдартныг чинь нохойн гөлөг шиг зодоод Өгий. Түүний өмнөөс цохиулах хүн байна уу? хэмээн орилоход хэн ч хариу хэлсэнгүй.
Юнгиг тэр үл таних хүн зодон цустай нь хутгаж байхад баарны хамгаалагч ч тэднийг салгахаар ирсэнгүй. Залуу өөрийн эрх мэдэлдээ эрдэн гараа зангидан дахин нүүр лүү нь зодохоор далайхад хэн нэгэн ирэн түүний гарыг татан зогсоолоо. Эргэн тойрны охид
- Энэ Мин Юнги байна хэмээн амандаа шуугилдахад залуу ярвайн
- Тэгэхээр чи ч гэсэн энэ н...хойн г..лөгний нэг нь юм биз дээ. Гараа зангидаад түүн рүү сарвайхад тэр хойш нь түлхэхэд залуу газар уналаа.
Жонгүг түүнийг мөрлөсөөр гэр лүү нь оруулан орон дээр хэвтүүлээд хаанаас ч юм анхан шатны тусламжийн хайрцаг олж ирэн шархыг нь цэвэрлэж эхлэхэд түрүүнээс хойш ухаангүй унтаж байсан Юнги хөдлөн
- Хорсож байна. Өвдөж байна гэв. Жонгүг үгийг нь үл тоон шархыг нь цэвэрлэх гэтэл Юнги гараараа нүүрээ даран
- Өвдөөд байна гэж байна. Өвдөж байна хэмээн уруулаа унжуулан гонгинож эхлэхэд Жонгүг гараараа түүний гарнаас татан нүүрнээс нь холтгоод
- Тэгвэл ингэсэн ч гэсэн өвдөж байна уу хэмээн хэлээд шууд уруулан дээр нь үнсчихээд
- Сайхан амраарай. Ахаа гэв.
4 он дамнан уншиж бгаа та бүхэндээ шинэ оны мэнд 😅🥰