قصة مهد

البارت الثامن

{الحلقة الثامنة 8 }
      °•○اللكاتبة بنت الحجي ○•°
                ◇◇#مهد ◇◇

مهد  :  كعدت بلكوا اشيل روحي باوعت الدنيا ضلمه يادوب اكو ضوا ياعزااااا شنيمني هيج
جريت تلفوني باوعت ساعه سبعه له ربع يا
شفت مكالمة من خالتي ومن امي بصمات ومسج من مصطفى

صحت سيف وينك ماكو مايرد كمت اشوفه
لكيته نايم بالكاع شلته خليته ع جرباية
وغطيته اتصلت ع مصطفى

الوو
مصطفى  :  هلا وين جنتي بالي يمج
مهد  :   والله نايمه هسه كعدت احجي واثاوب اشلونك
مصطفى  :   زين انتي شخبارج ابوج اجه
مهد  :  ها اييي هذا موجود
مصطفى  :   اي زين والله بقه بالي يمكم اشلون تبقون وحدكم باليل
مهد  :  لا ينشغل بالك قابل شكو  ياعيني كاميرات واكو
مصطفى  :  واذا اكو وبعدين مو من حقي اخاف عليج شنو
مهد  :  هههه لا من حقك طبعا
مصطفى  :  اي عبالي هههههه المهم اليوم من رجعنا امي تحجي بيج
مهد  :  اممم خير بشنو حجت
مصطفى  :  كالت احس اكو شي صاير تحجون سويا انتم موو
مهد  :  اي شكتلها بله بس لا حجيتلها
مصطفى  :   لا كتلها ماكو شي بس تعرف من اطلع من سادس اريد اتقدم لج

مهد  :   اي عبالي اوف يامصطفى حيل ضايجه
مصطفى  : خير شكو حبي ليش ضايجه
مهد  :  سوالفتلك ع عركه الي صارت بجامعتنا
مصطفى  :  اي
مهد  :  اهل البنية طلعو قاتلينها
مصطفى  :  لااااا
مهد  :  اي والله مصطفى شبعت قهر اني ماعندي عود علاقة بيها قوية مرتين شفتها لا اكثر الله يعلم بحالي حبيبها

مصطفى  :  خطيه والله هذا العراق بعد وعاداته
بس لو ماكو شي جبير مايقتلوها اهلها

مهد  :  يعني شكو قابل حجيتلك لان ابن خالها مدري خالتها متقدم لها ورافضه ونوب عرفو اتحب استيفن ومو مثل ديانتها يمكن وقتلوها
مصطفى  :  مااعتقد هيج شي يستدعي اللقتل بسرعه له لكوها مو بنية
مهد  :   معقولة ؟!!!!!!
مصطفى  :  كلشي اتوقعي الله يرحمها مايفيد الحجي بعد
ايييي وانتي اشلون عرفتي بله

مهد  :  اليوم حجيت وي ايلاف وكالتلي معلكين شعرها ع سياج الجامعه وكاتبين غسل عار

مصطفى  :  هااا
مهد  :  شفت رقم يتصل عليه مصطفى اشويا واخابرك
مصطفى  :  شكو اكو شي
مهد  :  لا بس رقم يتصل دشوف منو
مصطفى  :  ممجبورة اتردين وبعدين ممنوع تردين ع رقم ماتعرفي

مهد  :   اي بس ايجوز احد يعرفني
مصطفى  :  مهد كتلج متردين وخلاص سدي الموضوع
بعدين وين ابوج اشو كل صوت ماكو

مهد  :  هااا نايم بغرفته
مصطفى  :   اممم مااعرف ليش ممصدكج احجي بكلبي
تعرفين عندي فضول اتعرف ع الي اسمه ابوج
مهد  :  هههه ليش هل فضول بشر حاله من حالنا

مصطفى  :   ههههههه لا صدك شهل معلومة
لا بس ابد مشايفه ولا صادف بيوم شفته عندكم من نجي ع طول بااربيل
مهد  :  اي غير يشتغل وتعرف مزوج غير ماما
مصطفى  :   شيشتغل بضبط
مهد  :   اممم احس مصطفى راح يبقه يسئل شعجب خالتي محاجيتله لا اكيد حاجيتله وجاي ايشوفني راح احجي اني لو لا  احجي بكلبي دخلي احجيلة قابل شحيصير
على اساس متعرف منو مزوجة ماما
مصطفى  :  لا والله مااعرف تعرفين حتى الامي قليل اروح
منو بله لا تكوليلة اوباما

مهد  :  ههههههههه لا مو هوه
مزوجة ستار ال ----
مصطفى  :  منو هذا بله
مهد  :  واحد من نواب الي بدولة
مصطفى  :  ماعرفته مو صلح وي الاخبار حتى اعرفة
مهد  :  اي قليل الي يعرفو هوه يعني مو شخص كبير  بدولة بس عضو من النواب

مصطفى  :  هههههه اشلون رهمتيها عضو من نواب ومو كبير بدولة
مهد  :  هههههه يمعود كبير اصغير اني هم بشؤون الدولة والكراسي مو صلح
مصطفى  :  والله خالتي خوش مرة تعرف مصلحتها
ههه
مهد  :  حزت بخاطري هل كلمة بس عبرتها
اي كلشي بشرع رب العالمين قابل جاوبتة
مصطفى  :  قابل كلت شي اني بس هوه مرته ماتعرف مو

مهدد :  لا ماتعرف على حد علمي

المهم اروح ادرس اشويا
وانت راح اسوي
مصطفى  :  طالع والله اشوف واحد من اصدقائي وندرس سويا
مهد  :  اوك يلا نتخابر عود
مصطفى  :  ماشي يلا باي

مهد :  سديته من عنده رجعت فتحت بصمات ماما
نسرين  :  خابريني من تكعدين عود
شنوو بعدج نايمه اتصل ليش مااحصلج

اتصلت عليها بقه ايدك ماجاوبت
ايجوز نايمه ذبيت التلفون ع ميز طلعتلي ببسي ونستلة
كعدت اكل اشويا اتصلت ماما

الوو هلا يمه
نسرين  :  ماتكوليلي شهل نوم
مهد  :  مااعرف بس اتغديت حسيت نفسي نعست خير شكو
نسرين  :  ابوج حجه وي هاله من اجه
مهد  :  اي اتصلت عليه وكاللها جاي العصر ومن كعدت مالكيته رايح

نسرين  :   اشوكت اتموت واخلص منها هل بلوة
عايشه عمرها وعمر غيرها
مهد  :  خير اشبيج عصبية صاير شي
نسرين  :  شيصير بعد متحملتها صار عشر سنوات

مهد  :  هسه هيه شجابها عليج بيتها المرة بيش ضوجتج يايمه
نسرين  :  اووو انتي من تزوجين تحسين بيه ملازم يبقه هيج الوضع تعبت
مهد  :  أدري يايمه قابل هيج ماخذته منج انتي اخذتي منها
نسرين  :  ولج طايحه الحض انتي وياي عليه
مهد  :  ادري انتي بمعركة حتى اكون وياج لو عليج يايمه جان الازم تتكيفين وي الوضع صار عشر اسنين انتي بهل وضع
نسرين  :   علمودج ساكته قابل بس على مودي اني الي بي علمود منو  بنت الفكر لو مااني اتعيشين هيج عيشه
مهد  :  اهوووو اضاهر واصلها خبر وجاي اذب حركت كلبها بيه

يمه شنو الي اتريدي هسه شسوي كوليلي
نسرين  :  ماريد منج شي ولي
مهد  :   سدته ابوجهي ادري اني هسه بيها عليها والله يالله

على اساس كتلج ازوجي
اوف بابا شيصير لو جنت عايش اذكر شكله لو من جان يجي من شغل ويطلع يشتريلي ونلعب اني وياه
حيل مشتاقتله اكول الستار بابا بس اكذب على نفسي بهل كلمة ماحس بمعناها

البيت ايريد ياكلني احس

اذكرت خالتي اتصلت اوي مابيه حيل احجي كمت صعدت الغرفتي باوعت على وجهي يحتاج اسوي حواجبي وارتبهم
جبت الملقط سويتهم اباوع على شكلي احس روحي سمنانه مواصفاتي طولي ١٥٩ وزني اعتقد على مااشوف صاير ٦٣ بشرتي حنطيه لابيضه ولا سمرة اعيوني جوزي  شفت اطراف شعري يحتاج اقصها متقصف كأنو شعري طويل وي وركي

رتبت غرفتي ونزلت اباوع ساعه تسعه فتحت الثلاجه مالي واهس اسوي عشه شربت مي وطفيت الضوا كعدت اتفرج ع تلفزيون
سيف شكله راح ايجرها نومه الصبح
طلعت فلم مصري وكعدت اتفرج اشويا اتصل مصطفى الوو
مصطفى :  هلا حبيبتي شدسوين
مهد  :  هلا بيك والله كاعده اباوع فلم مصري

مصطفى  :   اممم يافلم منهم
مهد  :  مال تامر حسني فلم نور عيني
مصطفى  :  وانتي نور عيني
مهد  :  ههههههه اكول انت صدك هل كد اتحبي
مصطفى  :  ها ممصدكة بعدج الازم
مهد  :   جنك خالتك ماجاوب ع سؤال اجاوب السؤال بسؤال
مصطفى  :   ههههه اموت عليج والله ماتذكرين اشكد اخاف عليج من جنت اجي على بيت بيبي وانتي تلعبين
مهد  :   ااي ههههه واذكر من ضربت ابن جوارين بصوندة من جرني من شعري
مصطفى  :   ههههههههه لا ذكريني شبع كتل هل ولد من وراج

مهد  :  ههههههه انت خبيث متخلي يلعب ويانه له بس اني وانت
مصطفى  :  من صغري ماأحب احد ايشاركني بيج
اشكد كرهت ابويا من وراج هم كل مايجي ياخذني من امي بدي احركه

مهد  :  هههههههههه والله يامصطفى
بس والله جنت افرح من تجي وخاله اسوي كلشي انت اتحبة اكلات طيبة والكيك اجهز
مصطفى  :   ايييي والله امي ماكو اطيب من كلبها

مهد  :  اي اشوكت رجعت ع بيت
مصطفى  :  قبل شويا وسبحت وخابرتج
مهد  :   سؤال مصطفى انت ناوي تبقه يم ابوك لو اكو امل تنتقل يم خاله
اقصد بعد ماتتخرج

مصطفى  :   والله يامهد لا هناك ولا هنا افكر اذا ازوجنا يا نسكن وحدنا يعني اجر بيت يا انشوف الوقتها ماكتلها افكر نكعد وي خالتي لان وحدها اتركها اللوقت
وحسب المادة هم يراد اذا الله مكني ومااكعد يم خالتي

مهد  :  اممم الله كريم
مصطفى  : بشنو اتفكرين ياعمري
مهد  ؛  بالمستقبل اشلون راح تاامن العيشه لو الايجار صعب اشوف مال تااجر راح تتعب
مصطفى  :   الله كريم عوفيها اللوقت ربج ايسهلها
مهد :  بقينا انسوالف الساعه ١ سديته وطفيت التلفزيون ورحت ع جرباية احس بيه عطر غير عطري بقيت اشم بملابسي مااعرف يمكن اتوهم شميت المخده بيها نفس العطر الي اشمه بروحي اشبيه هوه العطر بالمخده مال ماما وعبالي بيه غفيت ونمت

نسرين  :   ابد مامرتاحه اني ياميلاد
ميلاد    :  بعدج اتفكرين يمعودة اتموتين هيج ولا تنسين لو ايحبها ماجان بقه يمج هل سنوات كلها
نسرين  :   احسه متغير وكلبي لاعب مو بيدي مو مثل قبل مااعرف
ميلاد  :   نسرين لا دخلين هل امور براسج وبعدين شنو عنده غيرج قابل وين ايلحك فهميني اشو وقت فراغه يمج وضاحك ع مرته انو بشغل هوا ومرات ياخذج وياه بسفرة ياعمري ماكو شي من الي بالج

نسرين  :   هيج برأيج
ميلاد  :  اييييي ههههههه ذكرتيني اول ما صارحج واجيتيني
نسرين  :  اوووو هههه والله ايام حلوة اذكرت هل يوم بكل تفاصيله احلى يوم واتعس يوم الي قررت بوقتها ماابقه وي عصام والازم اطلك منه جانت راح تتخرج هاله من المستشفى واجه ستار يسئل الدكتور عن وضعها اجيت اني ع مكتب الدكتور جبتله تحاليل مالكيته بس ستار والحارس بالباب

اعتذر استاذ
ستار  :  ماكو شي تعتذرين منه يانسرين وزين من شفتج اكدر اخذ رقمج اذا عندج تلفون
نسرين  :  بقيت صافنه ايريد رقمي شله بي جان عندي تلفون الف ومية طلعته كتله مااعرف  اطلعه انت طلعه
هوه ضحك ضحكه قوية

انتبهت على نفسي شنو حجيت خليت ايدي على حلكي اقصد ع رقم استاذ ياكاع انشكي وبلعيني
ههههه ابتسمت بدي اطلع وتمرغل بالكاع من فشلتي
ستار   :   هههه اي جيبي اسجل رقمي
نسرين  :  سجل رقمه وتصل مايتصل تلفوني مابي رصيد من الفكر ماعندي احط رصيد بوقتها كل راس شهر من استلم الراتب اخلي

ستار  :  اضاهر مابي رصيد يلا ربع ساعه تلفونج يتعبى رصيد واتصلي عليه واذا ماجاوبت عادي اني ارجع اتصل عليج
نسرين  :   لا تسلم استاذ اني اخلي بي مايحتاج
ستار  :  ماريد نقاش نسرين خليت ايدي ع كتفها
نسرين  :   اترخص منك خليت التحاليل ع مكتب ردت اطلع اشرلي اوكف
اتفضل محتاج شي

ستار  :  انتي مزوجه صح
نسرين  :   تنهدت ايي نعم
ستار   :   اتمنا الي ماخذج ايكون يستاهلج ومقدرج
نسرين  :   بقيت صافنه عليه شجاوبة اخر شي طلعت كلمة شكرا من حلكي

ستار  :  اتحبي نسرين
نسرين  :   منو تقصد زوجي
ستار  :   اي نعم
نسرين  :   الحمدالله والشكر على نصيبي اترخص منك
فتحت الباب طلعت ع سريع شجاوب شحجي ازوجة وقت مراهقه واكلت زفت بثنين ادية لو مشاكل اهله وضرب امه واخواته الي حتى حلقت زواجي باعنها علمود مصرف لان ماانطه عصام بوقتها الاهله اووووف خليت ادية على وجهي وتكيت ع ميز مال الستعلامات

شحجي بله شغلي هذا علمود اساعده بالعيشه
وعلمود مهد ومصاريفها والايجار اوووف منين طلعت انت وليش بهل وقت طلعت شصار لو قبل عرفتك

ستار  :  بقيت صافن على جوابها شنو تقصد بي اكيد مامرتاحه بي ويمكن من العوز تشتغل
له المثلها تتخله وينصف عليها

نسرين  :   صدك واني كاعده اجه واحد من حراسه خله رصيد كدامي ابو العشرة بوقتها تلفوني فرح اكثر مني من اشترية الحظتها مامخلية بي غير ابو الخمسه
حتى ماحجه خلاه وراح عبيت التلفون مااتصل عليه هسه وياه مرته

من وقت ماطلب مني المدير اكون الممرضة الخاصه الهاله وتااخيري عن البيت بلشت المشاكل وي عصام وطلب اترك الشغل ورفضت لان متعلمه ع صرف اني واكل موجود بالبيت

بيومها رجعت المغرب اللبيت كلش تعبانه
عصام  :  بعد وكت مابقيتي هناك
نسرين :  جنت العب غير لو مااساعدك اني لمن اشتغل بس الي
مااحس غير جرني من شعري وكعلي ضرب
ولك تضربي فوكها هاي فوك تعبي
عصام  :  اني كايلج تشتغلين انتي اشو مدري اشلونج صايرة هسه عيشتي وضعي ماعجبج

نسرين  :  اييييي لان بعد مااتحمل شغلك بس اجار وكهرباء والي يبقه اللبسطه تسوك
واني وحتياجاتي وبنتك الجهنم مووو كم دوب اخذ من اهلي
عصام  :  يعني ابوك منين اجيب مثل المطي اشتغل بعز البرد  وانطيج الي يبقه بجيبي شسوي بعد كلتي اريد اشتغل لان اضوج بالبيت وعلمود اساعدك كتلج لا تشتغلين تعبين اني احاول اشتغل شغل اضافي مو بعينج اشوفين اعوف ابن اخويا بالبسطه واروح اشتغل عامل احمل طابوك شسووووي بعد فهميني

اجي ارتاح بيتي مالكه مرتي لا الكه اكله بيها خير شغل بعد ماكوووو كتلج افتهمتي

نسرين  :   لميت شعري وكعدت ابجي ع وضع الي بي احنه الله لايوفق اهلك ان شاء الله كل الي بي احنه من ورا اموك واخواتك
عصام  :   نسرين طلعت بيج علمود راحتج واخلصج واخلص روحي من المشاكل والايجار طلعلي صفح جنت اشتغل انطي مصرف الاهلي والباقي بيدج هسسسسه شسوي ترجعين وياهم تعيشين

نسرين  :  شغل ماابطل منه افهم ياعصام منين نصرف فهمني مو تجي ايام الفين دينار مشتغل انت شسوي بيهم
عصام  :  معليج اني احلها شغل ماكو وخلاص فايت انطمر

راح نام مهد نيمتها دزيت رساله الستار كتله هذا رقمي استاذ اكلني الفضول اعرف شيريد

اشويا اجت رساله منه اكدر اتصل كتله اي عادي صدك اشويا واتصل رديت هلا استاذ
ستار  :  ممكن انشيل الرسميات بينا
نسرين  :  مثل متحب احجي واجر بخشمي وعيوني طاكه من البجي

ستار  :  خير اشبيج ليش تبجين
نسرين  :  لا ماكو شي ردت اعرف شنو اتريد مني لهيج دزيتلك رساله
ستار  :  بصراحه وبدون الف ودوران عجبتيني نسرين من شفتج اللان مارحتي من بالي
نسرين  :  بالحظتها صدك ضحكت ع وضعي
ستار  : ليش اضحكين
نسرين  :  والله مااعرف شكلك يا ستاذ ستار
تعرف اني مزوجة وازيدك من شعر بيت اني عندي بنية

ستار :  وشنو يعني ميهمني اصلا الي ايهمني انتي
نسرين  :  مافتهمت حظرتك اتريدني واني مزوجة
ستار  :  لا طبعا هل شي مااريده اطلكي اذا تكدرين واعيشج احلى عيشه
نسرين  :   فر عقلي بهل كلمة حسيت عصام كعد اسمه ايكح اعتذر منك الازم اروح باي سديت الخط بسرعه وشمرت التلفون صدك اشويا وكام عصام يشرب مي من المطبخ

عصام  :  حسيت قسيت عليها نمت وكعدت احس كلبي مو تمام اوف ياربي ارزقني من خيرك رزق حلال اعيش عائلتي ومااخليهم يحتاجون
نسرين ليش كاعده بعدج

نسرين  :  عصام عوفني بحالي
عصام  :  اني اعتذر والله يانسرين مااتحمل اشوفج ترجعين هيج وكت وتشتغلين وتعبين الي تريدي راح احاول اسوي ومن باجر راح ادور شغل غير العماله وي البسطيه ان شاء الله يتحسن الوضع

نسرين  :  عيش يحمار الحد مايجيك الربيع عفته وكمت ع فراشي الجو بارد نفط ماعدنا الصوبة
دخت بحجي ستار معقولة يحجي من كل عقله لو يضحك علية هذا

صحيت من صفنتي صوت الدكتور فات
الدكتور  :  اعتذر ست نسرين ماتكدرين تطلعين باجر
نسرين  :  عفوا ليش دكتور اكو شي صاير يحجي وياه المترجمه اترجم

الدكتور  :  لان التحاليل بيها غلط ونسبة الدم عندج قليله ولاصير مضاعفات عندج الازم تبقين يومين بعد والافضل لحد اسبوع تبقين اتكون العملية بوضع افضل وتروحين بكل رياحية ماكو اي وجع
او مضاعفات
نسرين  :  اوك شكرا لك دكتور مال موجوعه صدك موجوعه نحت وشفط وشد كله بيوم واحد سوو
هسه اشلون ميلاد

ميلاد  :  نبقه اهم شي صحتج بس باجر اخلي عامر ايروح  ع العراق تعرفين عنده شغل ورانا اجار الازم يندفع
نسرين  :  يمعودة لاتشيلين هم ايجار اني انطيج عود

مهد  :  كعدت ع اتصال التلفون باوعت ماما ساعه ٨ صبح الووو
نسرين  :  ها نايمه بعدج
مهد  :  اي وين اروح من صبح سبت ماكو دوام
طلعتي بعدج
نسرين  :  لا راح ابقه هل اسبوع هم الدكتور ماسمحلي اطلع علمود العملية ميصير بيها مضاعفات

مهد  :  اووو ياماما والله ضوجه البيت
نسرين  :  قابل شسوي ماتكوليله اخوج وينه
مهد :  انداريت ماكو بمكانه سيف وينك كمت بسرعه من جرباية شفته فاتح ثلاجه ومطلع جدر الشوربة وياكل ههههه هذا جاي ياكل

نسرين  :  ياضالمه ليش عايفته بدون اكل
مهد  :  شبيج يمه غير نايمين جنه ماادري اشوكت كعد هسه اوكله
نسرين  :  يلا روحي وكلي ستار خابرج
مهد  :  لا ماخابر بس هذا مبين الحارس موجود بعده برا لان سيارته طالعه بالكاميرا

نسرين  :  ها خوش لعد يلا باي
مهد  :  باي

مر هذا اليوم كلش عادي مابي شي مهم نحجي اني ومصطفى وبابا لا اجه ولا اتصل علينه كعدت ثاني يوم دوام من صبح بسرعه طلعتلي جينس ابيض وقميص جوزي رفعت شعري ذيل حصان ورتبت بف اصغير وجنطه جوزية واسود وطلعت اخذت اول شي سيف ع روضة وصلنا حارس بابا عمران

عمران  :  ع جامعة هسه ست مهد
مهد  :  اي رجال كبير يطلع عمرة تقريبا ٣٨ سايق بابا هوه المفضل عنده اشعجب اليوم هوه هنا مااعرف
اكول عمو شعجب اليوم بابا دزك اتوصلنا

عمران  :  استاذ ستار سافر وي الاهل على اربيل وبقاني انتبه عليكم بنتي
مهد  :   تسلم عمو راح انتعبك ويانه
عمران  : ماكو اي تعب بنتي اي شي تحتاجو رقمي عندج اتصلي عليه
مهد  :  تسلم عمو وصلنا ع جامعه صف قبل باب الجامعه عمو عمران نزلت وشكرت منه
عمران  :  اتصلي بيا من تخلصين بنتي
مهد  :  ان شاء الله عمو مع السلامه رحت اتمشى فتت ع جامعه شفت رواء واكفه هيه وعمار هلوو سويتلها اشرتلي هلو تعالي

مهد  :  صباح الخير تباوسنا وكفت وياهم اشلونك اخي
عمار  :  صباح النور هلا خيتي
رواء :  اليوم قبل العصابة جايه هههههه
مهد  :  منو اتقصدين ايلاف ونورهان ههههههه
رواء  :  بلي هاااا هل اجني
ايلاف  :   مدري ليش حاستج جنتي تحجين عليه
مهد  :  لا والله مو اني رواء هههههه اشلونج حبي
ايلاف  :  زينه حياتي
مهد  :  بست نورهان هم وكفنا انسوالف
اجه فرهد من بعيد لابس جوزي هم وبجنس ابيض

نورهان  :  هلووو هلووو اليوم نفس السيت طالعين
مهد  :  صدك ضحكت ههههههههه
اي والله سبحان الصدف
ايلاف  :   اليوم طالعين حليب وككو ههههههه

فرهد  : السلام وعليكم شباب
الكل  :  عليكم السلام
مهد  :  واحد ايباوع ع لبس الثاني ونضحك
فرهد  :   يامحاسن الصدف ههههه
اشلونك عموري

عمار  :  حبيبي بخير بشرني حصلت استيفن لا اتصل مايجاوب
فرهد   :  اي البارحه جنت يمه والله حالته تعبانه كلش
ايلاف  :  خطيه اكيد حاسس نفسه هوه السبب بموتها مو
فرهد  :  هزيت راسي بمعنى ايي
نورهان  :  صعبة الله لا ايوفق كلمن ايفرق بين اثنين
مهد  :   الله ايكون بعونه ومنا مفصول اسبوع راح يبقه يندب حضه اذا بقه بالبيت
فرهد  :   اي والله راح يتعب وهوه اصلا مايقبل ايكمل ايكول اريد اسافر وماارجع بعد

ايلاف  :   خطيه والله اكلكم اني راح ابجي اروح ع محاضرة احسن باي
مهد  :   جايه وياج اتمشينا سوية ع اقسامنا
بقو البقيه واكفين
ايلاف  :   منو الوصلج ابوج هذا
مهد  :  ها لا عمي هذا لان ابويا مسافر وامي ف هوا وصلني
ايلاف  :  عبالي ابوج هههه

يلا نلتقي حياتي
مهد  :  اوك حبي اجت رواء وراي كعدت بصفي بالقاعه
رواء  ؛   اكلج من هسه عندج معجب
مهد  :   هااا هههههه ومنو هذا بله
رواء  :   اممم ماعرفتي على اساس
مهد  :  لا والله منو شبيج

يتبع ...