_ انتِ تخينه أوي لا يمكن اتجوزك...!
قومت بهدوء من على الكرسي وروحت مسكت كوبايه المياه وكسرتها علي دماغه واخدت شنطتي وسط صدمه كل العملاء ومشيت
ما ينفعش يقول عليا كده حتى لو أنا تخينه، ما ينفعش الإنسان يسمح لحد مهما كان يقلل من كرامته أو يتريق علي شكله مهما كان هو بشر وبيحس وما ينفعش حد يجرح مشاعر حد بالطريقه دي.....!
فتحت باب الشقه ودخلت جري علي اوضتي وقعدت علي السرير وفضلت أعيط
ليه دايماً الحزن والخذلان بيجي من اقرب الناس لقلبنا حسن ده كنت بحبه واعترفت بحبي بس اتفاجأت برده فعله وإن قال عليا تخينه وجرحني قدام كل الموظفين في الشركه ليه...؟
قومت اتوضيت وصليت مع أول ركعه بدأت دموعي تنزل وبدأ صوت شهقاتي يطلع بصوت عالي أنا كنت بعيده اوي عن ربنا الفتره اللي فاتت وما كنتش بصلي يكمن ربنا عمل كده عشان أنا بعدت عنه ربنا فوقني من الغفله اللي كنت فيها، ربنا بيحبني......!
*أين ذهبت همومك يا عبد الله
=سقطت مني وأنا ساجد
خلصت صلاه وحسيت بشويه راحه وبدأت اقرأ قرآن وبعدين نمت في مكاني
صحيت تاني يوم لقيت نفسي نايمه علي سجاده الصلاه والمصحف في حضني ابتسمت وقومت اتوضيت وصليت عشان اصلي الصبح
وأنزل ادور علي شغل لاني تقريباً كده والله واعلم اترفدت بعد ما كسرت الكوبايه على مدير الشركه اه صح ما هو حسن يبقى مدير الشركه اي الظلم ده هو أنا عملت حاجة عشان اترفد مثلاً.........!
صليت وقرأت سوره يس وقومت لبست فستان ازرق وطرحه بيضاء وابتسمت لنفسي في المرايه
انا تخينه فعلاً بس عندي ثقه في نفسي اني جميله وإن ده شكلي واتعودت عليه، يعني مش عشان بحب الاكل ومش هقدر اخس تؤتؤ عشان اتعودت علي شكلي
نزلت علي السلم لقيت حنين بترن
=الو يا تاج انتَ اكيد مجنونه ده حسن اتجنن لما ضربتيه بالكوبايه ده انتِ كسفتيه قدام كل الموظفين !
اتكلمت ببرود = أحسن يستاهل، هو أنا يعني ما اتكسفتش بردوا ولا مشاعري وقلبي من بلاستيك يعني
= تاج ما قصدش كده اهدي أنا بس كنت بقول
_ ما فيش حاجه خلاص سلام بقا
قفلت التليفون بعصبيه
ليه دايماً بطلع انا الغلطانه في الاخر زي ما هو اتكسف، أنا كمان اتكسفت من اهانته ليا ولا هو عشان راجل يبقى ما ينفعش اللي عملته ايوه صح عشان هو راجل اما مجتمع ذكوري متعفن بصحيح
خبطت في شاب من غير قصدي وكوبايه العصير اللي في إيده ادلقت علي الفستان
=أنا آسف اوي بعتذر جداً
_ انتَ يا أعمى يا اما متخلف يا الاتنين عادي انا دلوقتي رايحه مقابله شغل يا عديم الذوق والاحترام تروح انتَ تغرق فستاني كده؟
=احترمي نفسك انتِ اللي ماشيه سرحانه اصلا وكنتِ ماشيه تكلمي نفسك ومره واحده طلعتي قدامي وخبطت فيكي
اي ده هو أنا فعلآ كنت سرحانه بس عمري ما روح اقول!
=لا بقا انتَ بتقول اي كلام وا
بص في ساعه إيده بضيق وقال : أنا لازم امشي حقيقي متأخر جداً واتمنى ان ما اشوف وشك لو حتى صدفه لان ساعتها هاخد حقيقي عن كلامك ده
مشي وأنا وقفت مكاني ابص عليه بصدمه :اي ده هو مشي ليه أنا كنت عايزه اتخانق طيب
After 1 hours
وقفت قدام الشركه وأنا بحاول اجمع اخر ذره شجاعه فيا
يلا يا تاج انتِ شطوره انتِ قدها يلاا ادخلي بقلب جامد ما تخافيش وإن شاء الله هتتقبلي في الشغل يلا ولو اتقبلتي هجيب لنفسي هديه عسليه
اقنعت نفسي بالكلام الأهبل ده ودخلت الشركه وروحت علي مكتب السكرتيره
اكيد بقا السكرتيره ذات شعر أصفر في أحمر وحاطه مكياج وتكرهني اول لما تشوف خلقتي وتبقى عامله زي زوجه إبليس وكده يعني زي ما بيحصل في الروايات
بصيت علي السكرتيره لقيتها بنت محجبه ولابسه فستان وشكلها كيوت ومحترم
اي ده أنا من حقي اعرف شغل الرويات مش بيحصل معايا ليه؟
قعدت لدقايق وبعدين سمحت ليا بالدخول لصاحب الشركه
خبطت وسمعت صوت بيقول
=ادخل
دخلت وقعدت علي الكرسي وأنا بعدل في هدومي بتوتر واتكلمت من غير ما ابص عليه
=أنا تاج عندي ٢٥ سنه و
رفع رأسه من علي الورق وبصلي بصدمه =انتِ تاني
قومت من على الكرسي بخوف : انا من حقي اعرف شغل الرويات حصل معايا ليه؟
قام من على الكرسي واتكلم وهو بيدوس علي سنانه بغيظ : أنا عديم الذوق والاحترام صح؟
= أنا اللي عديمه الاتنين يا باشا
اتكلم بشر: وانا بردوا العبيط يا اما الحيوان
=لا بقا انا قولت عبيط ومتخلف مش حيوان دي لو سمحت ما تغلطش
خبط بأيده علي المكتب بعصبيه : وبتقوليها في وشي كمان
= خلاص لف واقولها في ضهرك نيهاهاها
=اسكتييي
حطيت أيدي على بوقي بخوف
= روحي علي شغلك يا انسه هتبقي السكرتيره بتاعتي
بصتله بصدمه: بس أنا مهندسه
اتكلم ببرود : ده الشغل اللي فاضي عندي حالياً هتشتغلي ولا لأ
دوست علي سناني بغيظ : خلاص موافقه
=اتفضلي الأوراق دي اشتغلي عليهم وهاتيهم كمان ساعتين
= حاضر يا استاذ
_يوسف اسمي يوسف
عدي شهرين وأنا بشتغل في الشركه في المكتب بتاعي اللي جمب مكتب يوسف دايماً بتخانق مع بعض بس بنتصالح اخر اليوم وهو طيب أوي و مش بتكلم مع حد نهائي غيره واي حد في الشركه بتجنب اتكلم معاه منعاً للتنمر
_احم احم العشاء علي السفره
=هي غابت كده ليه قولتلها تنزل ما جاتش ليه لغايه دلوقتي؟
_شويه صبر يا سيدي البنت راح ابوها وحريتها في يوم واحد
=سيدي ما فكرتش ان دي ممكن تكون البنت اللي هتفك السحر
_طبعاً فكرت أنا مش عبيط
كنت قاعده بتفرج علي كرتون جميله والوحش بحبه أوي وان قد اي الكرتون ده بيوضح أن الشكل مش كل حاجة وإن ممكن حد يحبك مش عشان شكلك عشان بيحبك انتَ!
*ياريت الخيال يتبادل الأدوار مع الواقع فأحلامنا جميله والواقع كئيب
فوقت علي رنه تليفوني بصيت لقيته يوسف
_الو في حاجة يا استاذ يوسف
= احم الصراحه يعني معزوم النهارده عند فرح صاحبي ومش عايز اروح لوحدي ممكن تيجي معايا
اتكلمت بسعاده : اه اكيد لا هفكر لا استنى لا مش هروح لا هاجي بص بص افتح البلكونه هتلقيني جاهزه مرحبا اللي انا بقوله ده طب سلام سلام
قفلت الموبايل وحطيت أيدي قلبي انتَ بتنبض كده ليه يا مهزأ انتَ لا لا اكيد مش بحب يوسف اهدي اهدي شهيييق زفيييير، أنا هقوم البس احسن ليا
قومت لبست فستان أحمر وطرحه سوداء وهيلز أحمر وحطيت مكياج بسيط وابتسمت بسعاده
هو أنا فرحانه كده ليه يمكن عشان عمري ما خرجت مع حد خالص وبقالي ١٠ سنين مش بحضر أفراح بسبب التنمر ولا عشان هخرج مع يوسف تؤتؤ عشان هروح فرح بس
رن عليا تليفوني وعرفت انه وصل تحت البيت
نزلت السلم وأنا متوتره اي اللي أنا عملته في نفسي ده كنت أرفض اروح معاه وخلاص
لقيته واقف قدام العربيه ولابس قميص ازرق وبنطلون أسود وماسك ورد أحمر لأ لأ كده كتير ورد احمر ولابس ازرق لا ده انا احبه بقا
_ يوسف
بلع ريقه وبصلي : اي يا بنتي بقا اي الحلاوه دي
ضحكت وركبت العربيه وأنا يبتسم بسعاده اول مره حد يقولي انتِ حلوه حقيقي جبر الخواطر دي حاجة جميله أوي مش نفاق زي ما البعض بيقول لا خالص ساعات الواحد مننا بيستني كلمه تجبر بخاطره كلمه تطبطب على قلبه ده حتى الكلمه الطيبه صدقه))
وصلت العربيه قدام قاعه الفرح
نزلت من العربيه وهو نزل ورايا وأنا رجعت لوراء شويه وانا بفرك في أيدي بتوتر
=مالك
حاولت أوضح اني طبيعيه وما فيش حاجة : لا ما فيش أنا كويسه اهو
أبتسم بهدوء : تاج انتِ جميله وقلبك أبيض حطي ده في دماغك وخدي نفس كده وما فيش حاجة تحصل أنا جمبك..... أنا معاكي. )
لأ بقا كده كتير قلبي الصغير لا يتحمل بالله هروح اقوله بحبك وابوظ الدنيا
دخلت الفرح وأنا خايفه وطول الفرح كان بيطمني بنظراته وإن ما فيش حاجة هتحصل
لكن يعدي اليوم عادي كده لاااااااااا لازم يتنكد عليا
=اي ده مين دي يا يوسف
_دي تاج معايا في الشغل
=اه شغل قولي بقا وازاي تقبل تشغل عندك بنات بالحجم ده انتِ مش مكسوفه من نفسك انتِ تخينه أوي
= مروه عيب كده احترمي نفسك
_ اسكت بس حقيقي منظرها بشع دي قاعده على كرسين ويا ترى بقا هتأكلي جاتوه زينا ولا نجيب ليكي تورته
عدي دقيقه اتنين تلاته ومره واحده ضربتها تاج بالقلم وكل الموجدين بصوا بصدمه
تاج بدموع محبوسه : تعرفي تخلقي نمله لأ يبقا ما تترقيش علي خلقه ربنا انا من وانا صغيره جداًوانا جسمي كده ومقتنعه وراضيه الحمد لله مش هستني كلمه منك أو من أي حد زيك يقلل من كرامتي او يتريق عليا بالشكل ده أنا جميله واجمل منك الجمال عمره ما كان بالشكل ولو كان بالشكل ما كانتش الروح هي اللي طلعت لربنا والجسم والشكل ادفنوا تحت التراب، الجمال جمال الروح لان جمال الشكل هيروح مع الوقت ولو أنا تخينه أنا مش بأكل من فلوسك ولا بأثر عليكي ده شئ مش يخصك
اخدت شنطتي وطلعت من القاعه كلها وخلعت الهيلز وفضلت اجري في الشارع
نفس المشهد بيتكرر قدامي اول مره حصلت معايا مع الراجل الوحيد اللي حبيته ودلوقتي بتهان من واحده مش اعرفها حكمت عليا وسخرت مني من غير ما تعرفني وتتكلم معايا ليه البشر وحشين كده ليه في حاجة اسمها تنمر من الأساس ليه تجرح حد بكلمه منك ممكن انها تتسبب في انتحار او اذيته نفسياً، ليه تنمر من الأساس ليه؟
لقيت يوسف عمال ينادي عليا وفضل يجري ورايا لحد ما وقف قدامي يمنعني من أن امشي
= ممكن تقعدي
قعدت علي الرصيف اللي في الشارع وهو قعد جمبي وانا انفجرت في العياط
= أنا تعبت يا يوسف اوي اوعي تكون فاكر اني مبسوطه وعايشه حياتي عادي
انا كل يوم بنام معيطه بسبب الكلام اللي سمعته واللي لسه بسمعه التنمر دي وحش اوي اوحش من الكذب، التنمر ده عباره عن انك بتتريق على إنسان زيك زيه بطريقه مهينه أنا تعبت!
= وعسي ان تكرهوا شيئا وهو خير لكم))
كل واحد فينا عنده عيب ما حدش كامل غير ربنا سبحانه وتعالى بس انتِ احمدي ربنا انتِ تقدري تخسي براحتك وترجعي طبيعيه، لكن في غيرك مش بيشوف وفي غيرك مش بيمشي وفي غيرك تعبان ومش بيقدر يتحرك وفي غيري المرض بدأ ياكل في جسمه ويتغلب عليه، انتِ في نعمه والله احمدي ربنا انتِ في زحام من النعم الحمد لله بصي حواليكي هتلاقي كل واحد فينا عنده عيب بس مش مهم عادي هعيش حياتي عشان..... عشان نفسك وعشان في ناس بتحبك
مسحت دموعي وبصتله : قصدك اي بأن في ناس بتحبني
ضحك وبانت غمزاته وقال : مش عارف حبيتك امتى وازاي بس اللي اعرفه اني ببقى مطمن لما يبقى جمبك عمري ما شوفتك تخينه او ان شكلك وحش لا بالعكس دايماً شايفك تاج البنات حبيتك بعفويتك وبعيبوك قبل مميزاتك حبيتك من كل قلبي حبيت روحك مش شكلك تقبلي تتجوزيني يا تاج؟
ضحكت : ابغى اقول اني بحبك اصلاً ولكن استحي
كل شئ في الدينا بميعاد ولما يجي الميعاد هتلاقي كل حاجة بتحصل لوحدها، اصبر لان بعد الصبر يأتي الجبر وخلف الصبر اشياء جميله تنتظر
انتظرتك طويلاً فكيف لي أن لا أحبك وقلبي لايعرف الرجال الا انتَ♥️
#حواديت_تاج_ويوسف
#الاء_فرج
#يوم_الجمعه_الساعه_8
رايكم مهم جداً عندي وما تنسوش تعملوا تصويت ♥️